مسكني من ايدي و طلعني عند بيت عمي و خبط علين الباب ،فتحت مرة عمي الباب ،دفشني لجوا
نصر: وينو عمي ابو يزن
ابو يزن: خير عمي
نصر: هاي وحدة ما محترمة و قالت عني زبالة و غلطت علي و على اهلي
ضربني كف عمي ابو يزن
ابو يزن: الله يلعن ابوكي على هالترباية
نصر : وحدة متل هاي بتعيبكن قدام الناس اذا بقيت عنكن لانو الكل رح يفكر انها بنتكن و اختا التانية بكرا بتمشي على نفس الطريق
ام يزن: بقلك انها وحدة ما مرباية ،الله لا يرحما لامك ما كانت فاضية تربيكي ....بدك قتل و ضرب ليزبط وضعك
سالي: .....
ابو يزن : انقبري فوتي لجوا خزتينا الله يخزيكي ،تفضل عمي نصر ارتاح اكيد سمتلك بدنك
نصر: يلا بسيطة حصل خير انا عندي شغل هلا و برجع بشوفك بكرا سلام
فتت لجوا و لحقتني مرة عمي لتكفي بهدلة و بالاخير غيرت تيابي و فتت كمل شغلي بالمطبخ ،و تاني يوم كنت عم اشطف الدرج و رافعة بنطلوني ، وقت شفت سيارة نصر عم يصفا جنب البيت ،ركضت عبيت سطل المي و نطرتو ليطلع و دلقتو عليه ،رفع راسو لفوق و هو معصب
سالي: بعتذر بس ما انتبهت انو في حدا طالع على الدرج
نصر: ما شفتيني ...ما شفتيني كل هالطول و العرض ما شفتيني الا شفتيني و زتيتي سطل المي قصد علي لانو طعميتك بهدلة و كف من عمك مبارح بس انت بتستاهلي اكتر من هيك
طلع على الدرج و هو ينفض المي عن تيابو و يمسح وجهو
نصر : بعدي من وجهي
سالي: ليش رجعت ،واحد تاني بمحلك و عامل حالو عندو كرامة ما بيرجع ؟
مسكني من ايدي و لزقني بالحيط
نصر: انا عندي كرامة بوزعها عليكي و على عيلتك كلها و اوعى تفكري انو رجعت كرمالك لانك انت ما عجبتيني و رجعت لانو في شغل بيني و بين عمك
ترك ايدي و طلع ركض على الدرج و تزحلق و انا فرطت ضحك عليه ،خلصت شطف درج و طلعت ،وقبل ما وصل على باب البيت سمعت نصر عم يحكي على الموبايل
نصر : اي حبيبي ...لحمدلله مشتقلك انت كيفك .....كيفن الاولاد مشتقلن كتير ..طيب هاتي ....اي بابا يا روحي انا و انا كمان مشتقلك شو بدك جبلك معي انا و راجع تكرم عيونك دير بالك على اختك انت رجال البيت بغيابي .....هات احكي مع امك .....اي حياتي ولله ما بعرف يمكن شهرين او تلاتة ما بعرف لسا حسب ما خلص شغل ....يلا انا بدي سكر عندي شغل كتير سلام
كان عم يسكر الخط وقت طلع صوتي و قلتلو
سالي: الله يخليلك اياهن
#ⴅმძ3Һค