📚قصص||روايات||منوعة📚

rwayate

رواية: الشفق. Twilight.
الجزء الأول من "سلسلة الشفق".
لـ ستيفاني ماير.
من قسم: كتب عالمية مترجمة.
ترجمة: الحارث محمد النبهان.
489 صفحة.
• من طلباتكن🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

رواية: قمر جديد. New Moon.
الجزء الثاني من "سلسلة الشفق".
Twilight.
لـ ستيفاني ماير.
من قسم: كتب عالمية مترجمة.
276 صفحة مزدوجة.
• من طلباتكن🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

رواية: خسوف. eclipse.
الجزء الثالث من "سلسلة الشفق".
Twilight.
لـ ستيفاني ماير.
من قسم: كتب عالمية مترجمة.
ترجمة: أمال نعيم الحلبي.
568 صفحة.
• من طلباتكن🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

سلسلة الشفق 4
• من طلباتكن🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

سلسلة الشفق 5
• من طلباتكن🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

📚قصص||روايات||منوعة📚

rwayate

قصة اليوم: #لقيت_الطبطبة
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#لقيت_الطبطبة.🔐
#الجزء_الاول💜
بقلم الثنائي..
#لارا_عبد_القادر و #اسراء_عبد_الحميد
_♡____„„____♡_____„„„♪♪
Telegram: @rwayate
رفعت منى راسها وهي بتفرقع العلكة بتمها وبتلعب بخصل شعراتها وعيونها عم يرفو لحالهن ، حكت بعد ما تأففت كتير

منى:انسة ما سمعتي جرس الحصة الاخيرة رن يعني بعد اذنك معدتي فضحتني بدي ارجع عالبيت اتغدا

اطلعت الانسة على منى وعيونها بقدحو شرار ، كملت شرح عادي بس عيونها ما نشالو عن منى ابدا ، خلصت شرح ووقفو كل الطالبات ليجمعو اغراضهن بالشنتة ويستعدو للرجعة عالبيت

حكت الانسة بصوت عالي: ارجعو اماكنكن

قعدو الطالبات بأماكنهن بخوف ومنى ما رفلها جفن ، قربت الانسة عند منى وهي بتجحر فيها ، مسكتها من اكتافها وشدت عليهن بقوة

الانسة: خجلانة اقلك رح تاخدي مخالفة ، حاكم دفتر المخالفات ما عليه الا اسمك مكرر 100 مرة

منى:...

الانسة:وازا اعطيتك فصل 3 ايام رح ترسبي بصفك لان تعديتي حدود الغياب
Telegram: @rwayate
منى:....

الانسة:وخطي امك خجلت من حالها على قد ما بتزور المدرسة ، شارع المدرسة حفظها

منى:....

الانسة:ارجعي على بيتك هلأ وبكرا بتيجي على المدرسة وانتي محضرة موضوع عن فصل الربيع باللغة الانكليزية وبتلقيه قدام المدرسة كلها مفهوم؟

عملت نفيخة بالعلكة وفقعتها بصوت عالي ورجعت تاكلها من اول وجديد

منى:مفهوم

طلعت منى من الصف وهي بتتخيل بحالها عم تقدم موضوع تعبير بأكتر مادة هي سيئة فيها

منى عم تحكي مع حالها:هههههههه لكك انا يلي قرأت كلمة كونكرايتشوليشن (مبارك) كونديشن(مكيف) القي موضوع تعبير هههههه فضيحة

وهي عم تمشي وتفرقع بالعلكة يلي حاطتها بتمها من الصبح دفشت رفيقتها رهف يلي واقفة ومبحلقة عيونها على كرم يلي بيشتغل بمحل تصليح سيارات قبال المدرسة
منى:انا كم مرة قلتلك لا توقفي بالشمس شنباتك ببينو؟

رهف:احلفي؟ لك لا مستحيل امبارح رحت على مركز عملت تنظيف بشرة ما ضل شي على بشرتي اخرسي لا تكزبي
Telegram: @rwayate
منى:بمزح بمزح لا تنبحتي عليي

صفنت رهف بكرم نظرات حب وهيام وصارت تشرح بأيدها

رهف:صحيح هو ابو البنات وقلبو فندق 5 نجوم ومصاحب كل بنات المدرسة وبحب كل بنات الوطن العربي مع بعض بس ما فيني احب غيرو ولا حتى اطلع على غيرو بحس حالي عم خونو فاهمة عليي؟؟

لفت رهف لورا لقيت منى عم تفتح بشنتتها وتلعب فيها ومو مركزة معها اصلا

رهف:شو عم تعمليي بشنتتي
Telegram: @rwayate
منى:بدي اخد منك كم ليرة اشتري بوظة والله جاي عبالي كتير يلا باي يا قلبي بشوفك على خير

رهف:لك لك شو هالوقاحةة

منى:قبل لا اروح بدي اقلك شي اعتبريها نصيحة مو اكتر ها ! بعني بصراحةة بصراحةة انتي مو حلوة كتير ادهني وجهك ميك اب متل هالبنات ادلعي شوي انزعيلي هالنظارة يلي عدساتها اكبر من الكرة الارضية رشي عطر اغراء اتلحلي شوي ولو

عملت لرهف بوسة بالهوا وكملت مشي عالبيت بعد ما اشترت بوظة ، من اخر الحارة عرفت امها انها وصلت من صوت معددتها المسموع عن بعد امتار ، دخلت بسرعة عالبيت رمت الشنتة وشلحت البوت وغسلت ايديها ونشفتهم ببلوزة امها وقعدت عطاولة السفرة قبل الاكل
Telegram: @rwayate
ام منى: شو عملتي بامتحان اليوم

منى:بدي اكل امي ميتةة جوع

ام منى:لا تتهربي من السؤال قولي شو عملتي بامتحان اليوم

منى: نص من 10 والمعلمة قالتلي لانهن ما بحطو نص على دفتر العلامات حطتلي 1

ام منى:ومبسوطة على حالكك يا كلبةة يا فاضحتيني يا ساقطة بكل المواد انتي توجيهيي يا حمارة توجييهي افهمي انو هاي سنة مصيريةةة مو لعبةةة

منى:امي حطي من المخلل الي عملتو ستي ازكى من يلي بتعمليه انتي وبسرعة يلا ما عم اقدر اتحكم باعصاب معدتي
Telegram: @rwayate
ام منى:الله يعدمني ياكي انتي ومعدتك الجربة

اجى صوت حنون دافي من وراها

ابو منى:شو رح تعملي بامتحنات اخر السنة يا بنتي ازا ضليتي هيك؟ وبعدين معك يعني منطق يقولو بنت استاز مدرسة راسبة ومو شاطرة بالمدرسة

منى:هلأ ازا غششتني رهف بالتاريخ بجيب 50% وازا كتبت ملخص العلوم على ايدي بجيب 60% وازا رسمت خريطة الجغرافيا جوا ورقة وحطيتها ببوتي متل العادة بجيب 80% بس الانكليزي لو عدمتوني من الدراسة لو زوجتوني لترامب بحد ذاتو لو خليتوني رئيسة امريكيا ما بنجح فيه
Telegram: @rwayate
خلصوا غدا وقامت ام منى لتشيل سفرة الأكل ومنى بس قاعدة وتاكل يلي ظل بالصحون وفجأة اجتها ضربة على راسها..

منى: اخخ امييي وجعتيني.

ام منى: بكفيكي اكل لك ما شبعتي

منى: يا امي اكلاتك طيبين شو اعمل.

ام منى: شكراا.

منى: الله يشكرك.

ام منى: تعلمي الحكي ولييه.

ابو منى: والله مو قصة اكل امك طيب بس انتي بتاكلي الاخضر واليابس.
Telegram: @rwayate
منى: الله يسامحك..خلص امي بكفي تضربي قايمة.

ظلت تضربها ام منى على راسها لحتى قامت منى ويادوب شالت صحنين وتركت امها تضب بقية السفرة وقامت قعدت قدام التيليفزيون..

ام منى: طيب على القليلة غسلي ايدك حتى النظافة ما بتعرفيها.

منى:

📚قصص||روايات||منوعة📚

rwayate

دخيلك امي على اساس انتو نظيفين

صاروا يتطلعوا عليها امها وابوها بعصبية..

ابو منى: لك شو قلة هالزوق يلي عند بنتك؟
Telegram: @rwayate
ام منى: خلص لا تعصب بتعرفها مجنونة..منى قومي على دراستك يلا.

منى: يا امي راسي رح ينفجر من الدراسة يعني بس تجيبي ابرة وتحطيها على راسي رح تلاقيه نفجر وكل المعلومات صارت على حيطان البيت.

ابو منى: لك شو هالحكي انتي طالبة توجيهي يلا قومي والله نهايتك رسوب..قومي ولييه.

منى: هفف وهي قمت شو اعمل؟

قامت وقفت وحطت ايدها على خصرها وصارت تتطلع عليهم..
Telegram: @rwayate
ام منى: يلي رح تعمليه انك تمشي لغرفتك احسن ما نعلمك انا وابوكي كيف تمشي.

منى: ما بيلزم علمتوني على المشي لما كنت صغيرة ولو ما علمتوني ما كان هلأ بعرف امشي.

شالت امها الشبشب وزته عليها من العصبية بس ما وصلها لانها هربت على غرفتها..
……………
بعد ما دخلت على غرفتها فتحت كتابها وصارت تقلب بصفحاته وهي حاطة العلكة بتمها وتلعب فيها باصبعها..

منى: اننننن..خلص سهلة مابدها دراسة..اصلا انا شاطرة اقبر قلبي بعيد الشر.
Telegram: @rwayate
زتت كتابها وتسطحت علـى بطنها وشالت موبايلها وصارت تتصفح بالفيس..وفجأة خطر علـى بالها رفيقتها يلي زعلتها..

منى: هفف هلأ وقتك لتزعلي ما الي خلق راضيكي اصلا لازم انتي تراضيني لانك زعلانة مني.

فتحت علـى رسائل رفيقتها وكتبتلها رسالة..

(حبيبتي اسفة اذا زعلتك بس ما غلطت انا انتي يلي غلطتي لانك زعلتي مني..واصلا اصلا بالناقص من يلي تزعل مني بس انا لاني انسانة محترمة ومزوقة كتبتلك لراضيكي).
Telegram: @rwayate
بعتتلها هالرسالة بس كانت رفيقتها عاملتلها بلوك ومنى ما نتبهت علـى هالشي ولا هتمت..وكمان زتت موبايلها من ايدها وقامت طلعت علـى البرندا..
……………

وقفت منى على البرندا وهي تتطلع على الرايح والجاي وفجأة سمعت صوت صراخ جارتهم هناء بالحارة على اخو منى سميح وهي بتركض وراه بدها تضربه..

هناء: يااا سميح الله لا يسامحك والله لامسح فيك الاراضي يا واطي

سميح: ههههه لك خالتو شو عملت.

هناء: لسا بتقلي شو عملت اي والله والله ما يكون اسمي هناء اذا ما بحرمك من هني عيشتك.

ضحكت منى ونادت لهناء..
منى: هنااء تركي اخي شبك؟

وقفت هناء وصارت تتطلع عليها بعصبية..
Telegram: @rwayate
هناء: يا قليلة الادب والزوق يا عود يا عصاية يلي بتاكلي وما بتسمني ايمت رح تصيري محترمة وتناديلي خالة لك انا مو اكبر منك هاا؟؟

منى: طيب شو اعمل اذا انتي اكبر مني بس يلي عندك هون(اشرت على راسها) عقلك اصغر من عقلي

هناء: يخرب بيتك شو وقحة

فجأة اجو جماعة ووقفو على باب بيت هناء ونادوا عليها

..: يا هناء نحنا جينا شبك واقفة بنص الشارع وبتصرخي؟

التفتت لعند باب العمارة وصار وجها احمر من الخجلة وصارت تمتم وتسب على منى و سميح..
Telegram: @rwayate
هناء: اههه اهلا وسهلا بضيوفي يا هلا تفضلوا لندخل على البيت شفتكم تأخرتو قلت بنزل استناكم على باب البيت

منى بصراخ: اه طبعا هناء صاحبة واجب

كانوا رح يدخلوا بس وقف سميح قبالهم وهو بضحك..

سميح: لا تدخلوا على بيتها هي بخيلة ما تحطلكن شي مرة فتت وطلبت اكل ما عطتني.

هناء: ههههه هاد سميح ابن جيرانا مسخوط صغير لا تواخذو على كلامو.هههه اي يعني قصدي ظريف وحلو وبحب يمزح تفضلوا تفضلوا.
Telegram: @rwayate
دخلوا الضيوف على البيت وهناء تحلفت بقتلة لسميح ودخلت وسكرت الباب وراها..وسميح تطلع علـى منى يلي كانت تتفرج عليهم وتضحك..

سميح: يمكن هلأ يموتوا من العطش وما تعطيهم مي على قد مو بخيلة.

منى: ههههه دخيل سموحي ما قصرت معها.

ضحك سميح بسخرية بعد ما خطرتله فكرة من افكاره الجهنمية ودق الباب على هناء وتخبى..وهناء فتحت الباب وصارت تتلفت حواليها..
Telegram: @rwayate
هناء: مين يلي دق الباب؟؟ (رفعت نظرها على منى الي قاعدة على البرندة قبال بيتها).منى خانم شفتي حدا؟

منى: لا ما شفت.

عقدت حواجبها ودخلت وسكرت الباب بعصبية ورجع دقه سميح ورجعت فتحت الباب وما لقت حدا..

هناء: هفف ياا مين هاد..

تطلعت على منى كانت شايلة كيس شيبس وتاكله وبتضحك وهناء زورتها بعيونها ودخلت على البيت..

رجع سميح دق الباب وقبل ما يهرب فتحته هناء وقدرت تمسكه من قبة بلوزته وصارت تضربه وتصرخ عليه..
Telegram: @rwayate
هناء: تضرب شو غليظ لك عم تقاطعني عن ضيوفي والله لاشرشحك يا مشرشح واقول لابوك يطعميك قتلة ويضربك

منى: هناء هناء شايفتلك من هون بنت ضيفتك دخلت على المطبخ وعم تطلع اكلات من البراد.

هناء: ولييي مخبية شوي اكل مشان طبخة بكرا.

هناء تركت سميح ودخلت على البيت فورا وهو ومنى فرطوا ضحك عليها

منى: يلا مو خلصتك منها روح جيبلي بسكوتة طيبة يلاا خلص الشيبس وما ضل شي اتلسى فيه

سميح: اي مو تكرم عيونك اختي.

راح سميح على الدكان اما منى ضلت واقفة على البرندة حتى نقزها صوت امها واقفة وراها بتصرخ عليها وهي معصبة..

ام منى: انا فكرتك قاعدة بتدرسي شو عم تعملي هوون؟

منى: امي هدي انا

📚قصص||روايات||منوعة📚

rwayate

عم ادرس يعني كنت ادرس جغرافيا وطلعت على البرندا لاتطلع على السما واحاول افهم المناخ.

ام منى حطت ايدها على خصرها وهي معصبة: يا عيني عليكي شطورة.
Telegram: @rwayate
منى: اي لكن..وبكرا طالعة على تدمر لافهم الاهرامات.

ام منى: غبائك وزناختك وقلة زوقك وادبك مابقى اقدر طيقها بنووب.
……………
سميح دخل على الدكان وسحب بسكوته وفتحها وصار ياكلها..

سميح: عمي ابو مؤمن اديش البسكوته هي؟

ابو مؤمن: بـ200 .

سميح: رح اخدلي تنين وسجلهم على حساب جارتنا هناء..بتعرف انت هي كتير كريمة وقالتلي روح شتري على حسابي.

ابو مؤمن: اي لااا حساب هناء صار كبير ما بقدر سجل كمان.

سميح: لك سجل عمي سجل..بكرا بس تنجح اختي بالتوجيهي الحلو والبسكوت رح نجي ناخده من دكانتك.

ابو مؤمن: وانا ما الي ضيافة؟

ضحك سميح وصار يحكي بقلبه: اي مو لتنجح بالاول.

بعدها غير ملامحه وصار يحكي بثقة..

سميح: اي اي اكيد الك ضيافة وخد هاي كمان بسكوتة حلوان من هلأ برضو سجلها على حساب خالتو هناء يلا عن ازنك
Telegram: @rwayate
****
صار وقت المسا ومنى حابسة حالها بغرفتها على اساس انها بتدرس..واخر شي ملت وطلعت على الصالون كان ابوها قاعد بيتفرج علـى التيليفزيون وامها قاعدة بتقطع فواكه..سندت حالها على الحيط وهي تنفخ بتأفف..

منى: اميي جوعانة عطيني يلي بايدك وحضريلنا عشا.

ام منى: ليش ما تحطي العشا انتي انسة منى شو ناقصك؟ ايدين ولا رجلين يا بعدي؟

منى: تعبت من كتر الدراسة هفف.

مشت بكسل ناح ابوها وقعدت جنبه..

منى: بابا هاد المسلسل مو حلو حط علـى غيره.

ابو منى: لك يا بنتي طلاب التوجيهي ما بيتفرجوا على مسلسلات بالعكس بيستثمروا الوقت كله بالدراسة.

ام منى حكت بسخرية: هههه ومين قال انو بنتك توجيهي؟..اصلا بتشبه كلشي الا الطلاب

فكرت منى وما لقيت غير طريقة انها تتصنع البكاء..وصارت تعمل حالها بتبكي..

منى: لك حرام عليكن حراام..محدا مقدر تعبي كل الوقت عم ادرس اخخ ياربي شو اعمل ليصدقوا.
Telegram: @rwayate
ابو منى صدقها بس امها فورا عرفت انها عم تمثل..

ابو منى: يا بنتي والله انا كرمالك وكرمال مصلحتك يعني مو قصدي ازعلك.

منى: انا شاطرة..بس انتو ما بتقدروا هالشي يعني صح الجغرافيا ما بتنحفظ معي والتاريخ بقلب معدتي والعربي ما بعرف اعرب الا فعل مضارع منصوب بالكسرة والعلوم ما بعرف الا انو المخيخ يقع بالمخ بس الانكليزي مستحيل مستحيل اعرف اكتب كلمتين على بعضها ياخي ما بطيقه ما بطيقه.

ام منى: ما شاء الله شاطرة كتير.

رجعت مثلت انها تبكي وصارت تترجى ابوها..

منى: شوف امي ما بتصدقني شو اعمل..

ابو منى: يا بنتي خلص لا تبكي كنا نتناقش بس..ومشان الانكليزي خلص قررت اجيبلك استاذ علـى البيت.

بس سمعت هالجملة عليم الله نيزك سقط على راسها وسعت عيونها وقامت وقفت قدام ابوها وهي مصدومة..وابوها وامها يتطلعوا عليها باستغراب فكرو صابها شلل 😂

منى بقلبها: الله لا يسامحك يا منى على هالعملة ما كان ينقص غير يجيبولك استاذ على البيت.

ام منى: شو صرلك؟
Telegram: @rwayate
منى: ااا اناا..انا ما بحتاج لاستاذ على البيت..انا شاطرة..والله.

ابو منى: انا استاز مدرسة وبعرف الوضع كيف لازم يكون خلص رح جيبلك استاذ انكليزي نقطة انتهى.

منى: بابا عنجد ما بيلزم يعني اذا قلتلي هاو ار يو رح اعرف جاوب.

ام منى: اي يلا لاشوف جاوبي.

صفنت منى ومابقى تعرف شو ترد.
.
منى: اي ههه سهلة طالب صف اول بعرفها..يعني اجاوب ب. ايم جود ههههههه جود ولا جاد هههههه يا ربي ما بتضحك

ابو منى: يا عيني برافوو شو هالتخبيص هااا؟..خلص بكرا رح جيبلك استاذ ما بيمشي الحال هيك.

عصبت ودخلت علـى غرفتها ورمت حالها على التخت..
منى: هففف يعني رح يجيبلي استاذ انكليزي مختير اخر زمانه ويقعد يتفلسف عليي..ياربي مابدي مابديي.

…………
طلعت الشمس ومنى لساتها نايمة وبتشخر..لحتى نفتح باب غرفتها بشكل هجومي..

ام منى: لك مننننى...رح تتأخري علـى المدرسة بكفي نوم.
Telegram:@rwayate
رمشت عيونها وفتحتها بنعس وحطت ايدها علـّيها مشان الضو..

منى: اي امي فقت.

ام منى: لك يلاا قومي مجهزتلك فطور ولا اروع.

قعدت فورا وهي مبتسمة رغم نعسها..
منى: عنجد؟

ام منى: لك اي اي كم منى عندي يلا قومي غسلي وجهك وبدلي تيابك وتعي على الفطور.

قامت منى فرشت سنانها على الماشي وحطت على وجهها كم قطرة مي على اساس غسلته ولبست بنطلون المدرسة والقميص بس طلع القميص بالمقلوب ورجعت لبسته بالصح وشالت شنتايتها يلي مافيها غير دفترين وطلعت علـى الصالون..

منى: صباح الخير..امي معدتي عم توجعني من الجوع يلا بدي اكل بسرعة.

قعدت علـى السفرة واهلها بضحكوا عليها..فتحت عيونها بصدمة وعصبت..

منى: شو هالفطور وين يلي ولا اروع؟ مو شايفة غير الزعتر.

ابو منى: لكن شو بدك تاكلي من هالصبح يعني اجيبلك فول؟

منى: هفف ياا يعني الواحد يجيب كم بيضة وفلافل وحليب وجبنة وعسل وقشطة ولبنة و..
Telegram:@rwayate
سميح: اختيي لعيتيلي معدتي هاا.

منى: انت