(بيبعد عنها) بحبك.
شذى:وانا ياعمري.. ع فكرة عمو ومحمد هني الي قنعوني انك ماعملت شي
محمد خبرني لاتروحي اللحظات الحلوة بيناتكن كان عم يقولها بحزن
أشرف بحزن ع رفيقه وابن عمته:مشكلة
يعني حابب انا يصير عرسنا مع حسام بس خايف ع مشاعر محمد ودلع لان خطبنا مع بعض.. نحني نتزوج وهني لأ
شذى:مزبوط.. خبرني عمو انو افضل يصير العرس هلأ
أشرف بغمزة:هو بصراحة وانا هاد رأيي
شذى بحماس:حابي اعرف شو صار بين رسيل ومصطفى ههههههه.. وبتحكيله شو عملو فيه
أشرف:هههههه مأقواكن.. هديك دلع شرشبيل.. لا وبيحكي محمد شخصيتها ضعيفة اي ولله قوية بس بتدخل للقلب
شذى: بحسها ضعيفة بالنسبة اله يمكن
أشرف:الله لايحرمهن من بعض ويخلينا لبعض انا وياكي
شذى:بحبببببك.
............
مصطفى:اي وين بتحبي وصلك انسة رسيل؟
رسيل :ع البيت
مصطفى بضحكة:بعرف ع البيت بس احكي من وين طريقك
رسيل بترفع نظرها لتتلاقى عيونهن من المراية.. بيبتسملا وهي بتنزل راسها بخجل.. بتخبره من وين الطريق وبوصلها محل مادلته بيتفاجئ انها من حارة بسيطة نوعا ما مو متل وضعهن هني فيلا ومزارع وشركات بس مابهمو هالحكي المهم تكون اخلاقها حلوة
رسيل:شكرا عزبتك معي
مصطفى بابتسامة:عزبيني كل يوم ومامشكلة
بتبتسم بخجل وبتتسارع دقات قلبها
مصطفى : انسة رسيل لو سمحتي حابب شوفك مرة تانية اذا ماعندك مانع
رسيل:لي؟
مصطفى :بصراحة عجبتيني حابب اطلع معك شوي ونتعرف ع بعض
رسيل:انا مابحب هالامور ولابحب حدا يحكي عليي ومابخون ثقة اهلي بتحب تتعرف تفضل البيت وصرت بتعرفه عن اذنك
مصطفى :لحظة لاتفهميني غلط بس انو مثلا بوصلك بكرا منحكي شوي.. ان ارتحنا لبعض تمام وانت بتقرري
رسيل بتهز راسها بتفهم:طب لبكرا منتفق سلام..
مصطفى بابتسامة :الله معك
بتدخل ع البيت وهية طايرة من الفرح
وفاء (الام) :اي اي شبك فتلتي راسي
رسيل بفرحة :مبسوطة كتير.. قدمت بالامتحان تماااام
وفاء :اي الله يوفقك يارب
........
بيوصل ع البيت بلاقي امه عم تحضر السفرة
مها:الله يعطيك العافية ماما.. بدل تيابك وتعى تغدا
بهز راسه.. بيطلع ع جناحه بياخد دوش سريع ليهدي اعصابه لان من وقت وصله مسج يامن الاخير واعصابه مشدودة اكتر من قبل.. بيطلع بنشف شعره وبيلبس بجامة سبور وبينزل
محمد:كيف قدمتي انتي ودلع ليوم
نورا:الحمد لله تمام..
برن موبايل مها :الو اي اخي
غسان:وينو محمد صرت رانن عليه مرتين.. هلأ هلأ خليه يجي
مها:شبك اخي معصب..اصبر بس يتغدا
محمد بينظرلا بقلق.. طب هلأ بخبره
(بتسكر الخط)
نورا:شوفي؟
مها:مابعرف بس خالك معصب وبدو محمد يروح لعنده ع الفيلا
محمد بيوقف بياخد مفاتيح السيارة والجوال
مها:طب استنا تغدا قبل
محمد بحزن:ماجاي عبالي
مها:طب استنا رايحة معك..
بينزلو ع السيارة نورا ومها وبروحو معه
محمد بسوق والحزن باين ع وجهه وكانه عارف خاله شو بدو يحكي وكلمة مابسامحك من دلع عم ترن بإذنه رن
........
قاعدة بغرفتها عم تدرس بس قلبها مقبوض من شو مابتعرف بتسمع رنة الجرس وبعدها بتسمع صوته المميز بالنسبة الها فبتطلع بسرعة
بيبتسم لاشعوريا رغم حزنه لما بشوفها طالعة من غرفتها وجاي لعنده بابتسامتها الدافية يلي بتحسسه بطيبة قلبها. دلع بتعانقه:اشتقتلك
بضمها بحب :وانا ياروحي
دلع :شلونك عمتي
مها:مشتاقتلك ياروح عمتك
بيدخل غسان :شلونك خالو
محمد:الحمد لله..
مها:شوفي اخي؟
غسان:ولله ماعارف من وين بدي ابدأ
محمد انت شب منيح والف بنت بتتمناك وولله ماشفت منك الا كل خير بس انا خايف ع بنتي فمتل مادخلنا بالمعروف نطلع بالمعروف.. طلقها
صمت عم بالغرفة هالكلمة وقت قالها حس بسكين نغرزت بصدره.. نظر لدلع نظرة حسها مو بوعيها عم تنظر للفضى وكإنها مخدرة.. بتتماسك وبتقرب ع ابوها بهدوء:بابا انت جد عم تحكي؟
غسان:......
مها:اخي لي هيك عم تعمل؟ يعني مافي حل غيرو ولله مشكلة
دلع:ههههههه بربك عمتي هو بابا عم يمزح.. بتتوجه لعند محمد الي حاطت راسه بين ايديه وبتقعد ع الارض قبالو.. بترفع راسه.. حبيبي احكي لي ساكت؟
بينظر لعيونها بحزن
غسان:دلع ع غرفتك خلينا نتفاهم
حسام بيدخل باستغراب :السلام عليكم
خير شوفي؟
دلع(بتوقف) : وعليكم السلام..
غسان:يلا خالو هية كلمة قولها وخلصنا
محمد بحزن:فعلا هية كلمة بس بتخرب البيوت هالكلمة
غسان:لسا ماصارت مرتك لتقول هالحكي
محمد بغمض عيونه بألم وبيحكي بثقة:بس هية أغلى شي بحياتي وانا مستحيل طلقها
غسان بحدة :وانا عم قلك طلقها.. مامستعد اخسر بنتي وينحكى عليها.. كل عمرنا مرفوع راسنا لفوق.. خلص طلقها
نورا بكل ثقة:حسام طلقني
محمد بترجي:لاء نورا لاء
حسام:نورا انتي شو عم تحكي؟ انا ماعم صدق الي عم اسمعو (بقرب لعندها) حبيبتي عرسنا قرب وعم نحلم بهاليوم من زمان
نورا بدموع:وحدة بوحدة ياخالو بدك اخي يطلق دلع خلي حسام يطلقني
دلع بعصبية:وانا مو موافقة بابا مو موافقة.. هاد حبيبي وعمري ورح يصير زوجي مستحيل إرضى بهالشي..
بينظرلا بابتسامة دافية مليانة مشاعر (ياالله شو ماحكت وشو ماقالت بيعشقا لو نرفزت