📚قصص||روايات||منوعة📚

rwayate

📚قصص||روايات||منوعة📚

rwayate

#ذاكرة_الماء_بقلم_رومانتيكا
الجزء الثالث..........

اول ما فتحت الباب رجعت خطوتين لورا وحبست أنفاسها من الي شافتو حست وكأنو بهاللحظة ارتبط لسانها ومانها عرفانة شو بدا تحكي!!
اجا سامي من وراها وفتح عيونو على وسعهون كانت سحر ملطخ وشها بالدم والكدمات الزرقا

سامي. سحر!!
لك شو صاير معك ليش هيك وشك ؟

مسحت الدم من عأنفها وصارت تحكي بنبرة حادة سحر. وانا جاية عالطريق اجا واحد عمتور سريع وخبط حجرة كبيرة على وشي

فتون. يعني عملها هالحقير عم يحاول يهددنا تنهدت بعمق وهزت راسها فتون. فوتي غسلي وشك العناصر جوا كنا عم نستناكي

فاتت سحر عالحمام غسلت وشها من أثار الدم وعقمت الجروح كانت فتون راكية حالها عالحيط وباينة عملامحها الحيرة العناصر مصفوفين جمب بعض والمحقق سامي واقف قدامهون مشيت فتون بأتجاهون ورفعت راسها وهي عم تطلع فيهون واحد واحد

فتون. نحنا من اول يوم تعاهدنا على انو نتحد نكون أيد وحدة كلمة وحدة وروح وحدة وانا عاهدت نفسي على هالشي
الي حابة خبركون ياه انو المرحلة الجاية رح تكون المرحلة الأصعب والأخطر على الاطلاق خيرتكون من قبل ورح برجع خيركون بدكون نستمر بهالطريق ولا منوقف ومنبعد من كل هالقصة رجاءاً الي حابب انو نستمر يرفع ايدو والي بدو ينسحب يوقف عجنب

سحر. له يا رفيقتي ننسحب!!
وحياتك انا ماشية معك بهالطريق لو كانت نهايتو المقبرة

ثواني ورفعو أيديهون كلايتهون ابتسمت فتون طبطبت عكتف سحر ورفعت أيدها هي كمان

سامي. براڤو عليكون أثبتولي انكون بتمثلو الوحدة قولاً ومعنى وهلق اتفضلو عطاولة الاجتماع

صفقو كلايتهون وقعدو عطاولة الأجتماع لحتى يتناقشو بكل المعلومات الي جمعوها عن أم رعد الشخصية الي رح يوصلو لرعد من خلالها

كانت الأنارة خفيفة والأصوات عم تضج بالصالة ريحة القهوة مع نسمات الهوا الي عم تفوت من الشباك عم تنشر الراحة بالمكان
خلال هالأسبوع هاد راقبوها لأم رعد بشكل كامل وعرفو كل شي معلومات بتخصها وكانو عم يتخفو بلبس تقليدي لحتى ما ينكشفو
الأوراق والصور مبعثرة عالطاولة كانت فتون رافعة شعرها وعم تحاول تشرح عن المعلومات الي جمعتهون ووجهة نظرها بهالأمر تأشيرات أيديها وملامحها الجدية عاطيتها طابع مختلف خلت سامي ما يشيل عيونو عنها ولا لحظة

كانت عم تحرك أيديها وتحكي بنبرة جدية
فتون. حسب مراقفبتي لأم رعد خلال هالفترة لاحظت انها شخصية بسيطة ورغم حالتهون المادية الممتازة بتكره الشكليات والبذخ الي بلا طعمة كل يوم بتقعد عكرسيها المتحرك بالحديقة الي ورا القصر من الساعة 2:00 للساعة 4:00 وبتقضي بقية النهار جوا لاحظت انها بتاخد وبتعطي مع اي شخص بتشوفو ان كانت بتعرفو او لاء وابتسامتها ووشها البشوش ما بيفارقوها لولا لحظة

سحر. وانا شفت نفس الشي

فتون. برأيي الشخصي وبحسب الي شفتو متأكدة انها رح تساعدنا ولا أنت شو رأيك محقق سامي

كان سامي لساتو صافن فيها ومانو مركز لكل الحكي

فتون. سامي!!

فاق من شرودو على صوتها جلس قعدتو بسرعة ورسم الجدية عملامح وشو
سامي. بتفق معكون وانا شايف نفس الشي

فتون. حلو كتير هالشي رح يساعدنا

سامي. بكرا عالساعة 3:00 الضهر لما بتتواجد ام رعد بالحديقة لازم نبدا بالتنفيذ موافقين!

رفعو أيديهون كلايتهون واتفقو انو تاني يوم رح يكون يوم حاسم بخطتهون اما بياخدو الي بدهون ياه او ما بيحصلو على شي وبما أنو ام رعد ما بتحب الشكليات والمظاهر قررت فتون انو تروح لعندا وتحكي معها لحالها
______________________

هالمرة كل شي كان محكم العناصر منتشرة حولين المنطقة وحامينها من جميع الجهات والمداخل الذخيرة كافية نوعاً ما
سامي وسحر عم يراقبو الوضع من بعيد الوقت كان بعد الضهر والعشب عم يلمع بسبب أشعة الشمس القوية بما أنو الست أم رعد بتحب البساطة لبست فتون تياب بسيطة وراحت لعندها

كانت قاعدة عكرسيها المتحرك بالحديقة وجمبها قاعدة بنتها ديمة عم يشربو قهوة وباينة السكينة عملامحهون قربت منهون فتون بخطوات موزونة وهادية كان شعرها عم يتطاير مع حركتها الخفيفة ابتسمت ابتسامة ناعمة

فتون. بتسمحيلي اقعد معكون يا أمي

التفتت لعندا ام رعد وهي مستغربة ام رعد. امي!!

فتون. انا اهلي مسافرين ما بشوفون بالسنة غير كم يوم مشان هيك طلع من قلبي قلك يا امي

ارتسمت إبتسامة عوشها واشرتلا بأيدها ام رعد. اتفضلي بنتي قعدي والله يجمعك بأمك قريباً

فتون. تسلميلي يا رب انا للصراحة صرلي أسبوع عم شوفك بتقعدي هون بالحديقة وكتير إعجبت بشخصيتك وحبيتك لهيك تشجعت اجي وافتح معك الموضوع الي جاي منشانو

ام رعد. موضوع شو!!

ابتسمت بهدوء فتون. رح احكي بس يا ريت بالأول نقعد عأنفراد شوي

تنهدت ديمة بتهكم وكأنو مو عاجبها ديمة. يا أخت يا ريت تحكي الي عندك انا أمي ما بتخبي عليي شي

غمزتها أم رعد واشرتلا لتمشي
ديمة. ماشي امي رايحة لنشوف أخرتها

مشيت وضلو فتون وأم رعد لوحدون تنهدت فتون ليخف التوتر الي جواتها شوي وشبكت أيديها ببعض وهي عم تطلع بعيون أم رعد الي

📚قصص||روايات||منوعة📚

rwayate

قاعدة مقابيلها وناطرتها لتحكي لما تذكرت انو ام رعد بتكره الكذب قررت تحكيلا الحقيقة كاملة وبعدين هي بتقرر اما تساعدها او توقف بصف إبنها

فتون. انا يا أمي رح كون صريحة معك جيتي لهون ومقابلتي لألك مانها صدفة أبداً انا اجيت لهون وانا طمعانة بمساعدتك لنوصل للحق وأحساسي بيقلي انك مرة مؤمنة بقضاء ربها وحقانية رغم اني ما بلومك لو ما ساعدتيني

أم رعد. ولو يا بنتي ادا شي بقدر عليه من عيوني وبأذن الله ما بتمشي خايبة

فتون. كلك ذوق
تنهدت بعمق. انا صرلي أسبوع عم راقبك وترددت كتير أخطي هالخطوة ولا لاء بس بعدين استجمعت قوتي وقررت احكيكي بخصوص أبنك رعد

ظهر عملامحها الخوف وصارت تحكي بنبرة سريعة ام رعد. رعد فيه شي هو بخير !!

هزت راسها بنفي فتون. أمي لا تخافي هو بخير

تنهدت براحة ام رعد. الله يحمي ويوفقو ويوقف معو حبيب قلبي سافر عأيطاليا ليكمل تعليمو هنيك ويرجع عالبلد ليرفع راسي

كان باين الفخر بعيون أم رعد وهي عم تحكي عن ابنها كانت مانها عرفانة انو ابنها مقوم البلد مانها عرفانة انو هو أخطر مجرم بيحكي فيه الأعلام تنهدت فتون وكأنو حست المهمة صعبت عليها أكتر استجمعت قوتها وتابعت

فتون. أمي ابنك لساتو بالبلد هو مانو بأيطاليا

أم رعد. شو عم تحكي لساتو بالبلد!!

هزت راسها بالأيجاب فتون. هو كذب عليكي ليقدر يهرب من القصر وما تلاقي الشرطة ما بدي أجرحك بس كل البلد قايمة بسبب أبنك الأعلام الشرطة الأمن الحواجز وحتى المطارات

ام رعد. شرطة!
مستحيل انتي شو عم تحكي اكيد مخربطة ههههه ليش ابني شو عمل لحتى تلاحقو البلد

هزت راسها ومسكت أيدين ام رعد فتون. أهدي يا أمي بترجاكي انتي سمعيني للأخر وبعدين حكمي

ام رعد. ههههه ماشي لشوف شو اخرتها كملي هالسيناريو السخيف بسرعة لانو بلشت أضوج

فتون. ماشي رح أحكي
بيوم من الأيام 7 مسؤولين كبار بالدولة انعزمو ععزيمة غدا عند ابن المرحوم ابو رعد الي هو أبنك وفجأة المسؤولين ال 7 اختفو بفرد مرة لما حققنا مع عائلاتهون اكتشفنا انو في قاسم مشترك بيناتهون والي هو انو كانو معزومين عند أبنك ومن بعدها اختفو فجأة
ما انتهى التحقيق إلا وابنك بعتلنا صورة للمسؤولين ال 7 وهنن جثث مكومين فوق بعض طبعاً نحنا حققنا مع سلفك بس هو صرح انو ما سمع شي بالقصة وانو هو ما كان موجود وقت العزيمة لانو اصلاً ما بتتحاكو انتو وياه من زمان

أم رعد. شو الو مصلحة ابني ليعمل هيك واصلاً عطيني دليل عأتهاماتك هي دليل واحد بس لصدقك

فتون. أبنك أسمو رعد شاكر في صورة لألو معنا وفي تسجيل صوتي وهو عم يهددني فيه ادا لسا بلاحقو رح ينهيني بتحبي تسمعي !!
ابنك وجودو برا عم يشكل خطر علينا وعالبلد وحتى على نفسو

بهاللحظة سكتت ام رعد وكأنو قلبها ما عم يصدق هالحكي ما بدا تسمع شي حاسة الدنيي عم تفتل فيها وعم تاخدها عمكان بشع كتير حاسة بخنجر مزروع بحنجرتها عم يمنعها تحكي خصوصي لما تذكرت انو ابنها فعلاً من فترة عزم مسؤولين كبار بالدولة اشرتلا فتون بأيدها
فتون. حابة تسمعي !!

هزت راسها من دون ما تحكي حرف شغلت فتون التسجيل وكلها حزن على حال أم رعد الي هربت دمعة من عيونها أول ما سمعت التسجيل كان صوت ابنها رعد الصوت الحنون الي ما كانت تسمع
منو غير الكلام الحلو ثواني ونفجر شلال من الدموع من عيونها طفت فتون التسجيل وراحت لعند ام رعد صارت تضما وتمسحلا دموعها لتهدا من صدمتها

فتون. يا أمي بترجاكي حاجة تبكي

فجأة بعدت ام رعد ومسحت دموعها
ام رعد. من كم يوم اتصل فيني من رقم رفيقو وخبرني انو هو وصل عأيطاليا ورح يتصل فيني ويعطيني رقمو الجديد شي يومين تلاتة اول ما تستقر أمورو
بوعدك ادا اعترف بالحكي الي عم تقولي رح سلمك ياه بأيدي هدول

فتون. بس بالأول بدك توعديني انو ما يخبر بالحكي الي صار بيناتنا

ام رعد. تركيلي رقمك واول ما يتصل فيني رح خبرك فوراً بس ادا كان الحكي الي عم تقولي افتراء لا تلومي إلا حالك

هزت راسها وابتسمت برضى فتون. وانا بوعدك ما رح يصير غير الي بدك ياه

__________________________________
__________________________________

بملجأ تحت الأرض بابو مخبى بالعشب الأخضر وألو فتح تهوية بأماكن مخفية
لما تفتح الباب بينزل سلم مع رمز لتقدر تنزل عليه فعلياً كان مدينة مخفية تحت الأرض منفى عن العالم بأكملو وكأنو عالم مخفي أسمو أغاريت المنفى مقسم ل 100 غرفة فيهن الأسلحة الحشيش المجوهرات وحتى تحف مسروقة.
ما حدا بيعلم فيه غير رعد، صافي وال 7 مسؤولين كان صافي نازل من عالسلم وبأيدو سلة طعام من كل ما تشتهي الأنفس مد المدة وفرد كل شي أكل شتراه من المدينة أما رعد كان قاعد على صخرة وعم يدخن سيكارة ورا التانية وهو صافن بعالم تاني

صافي. يالله معلم زت هالسيكارة من أيدك وتعا رح أفطوس من الجوع

زت السيكارة ودعس عليها برجلو حط اللقمة بتمو ورجع سرح بعالم تاني

صافي. لك معلم بس فهمني بشو صافن بشو عم تفكر يا زلمة صرلك ساعة صافن بعالم تاني شو عم يصير معك

رعد. ل

📚قصص||روايات||منوعة📚

rwayate

ازم قابل سميح بيك ضروري

صافي. شووو!!
كيف بدك تقابلو هالشي في خطر عحياتك

تنهد بعمق رعد. ادا ما قابلتو مستحيل أنجا عم تفهم

صافي. واحد على سرير الموت بشو بدو يفيدك يا معلم بترجاك لا تخاطر بحياتك على شي مالو لزوم

رعد. سرير موت يقعد تحتك ولاك ينعنك شو إنك كديش وما بتفهم بتدبرلي لقاء معو بأقرب وقت ممكن عم تفهم عاملي فيها الفهيم قال
صار يقلدو بلهجة مسخرة. هه خطر عحياتك قال

صافي. حاضر معلم متل ما بدك
سكت لثواني بعدين رجع يحكي. طيب معلم فيني اسألك سؤال بلا ما تعصب

رعد. نطوق خلصني

صافي. شو ناوي تعمل خبرني

تنهد بعمق ورجع لورا رعد. الي رح أعملو شي ما لازم يتوقعو ابداً

صافي. شي متل شو !!

لمعت بعيونو شرارة حقد وهو عم يحكي رعد. بعدين صافي بعدين كل شي بوقتو حلو لا تسأل كتير ...

صافي. حاضر معلم
___________________________________
أكانت نرجسيةً تُسيطرُ على غروره أم ثقةٍ بالنفس ليس إلا وكأن جبروته رسمَ لهُ الليل مشرقاً والظلام أبيضً يرتشفُ النار فيظنهُ ماء وعندما يغرق يرى نفسهُ يطيرُ سماءً.
____________________________________
...#يتبع

📚قصص||روايات||منوعة📚

rwayate

📚قصص||روايات||منوعة📚

rwayate

#ذاكرة_الماء_بقلم_رومانتيكا
الجزء الرابع............

كانت واقفة بأستقامة مقابل مكتب المقدم زياد وعم تراقب نظراتو بصمت شلف الأوراق الي بأيدو قبالها والغضب اكتسى ملامح وشو

زياد. هي اسمها مسخرة هي هاد ما أسمو تحقيق فعلاً ما كان فيني عقل لما سحبت القضية من فتون وسلمتها لوحدة متلك

قاطعتو سماح. عمي سمعني بترجاك

صرخ بوشها زياد. الف مرة قلتلك انا بالفرع ماني عمك فهميها بقى

سماح. لو مانك عمي ما كان سلمتني القضية

زياد. غلطة وندمان عليها يا ريت تكسرو أيديي قبل ما سلمك ياها بس أنتي السبب ضليتي تزني براسي وتنقي لحتى استلمتي القضية
ويا ترى هلق شو صار؟!!

سماح. عطيني فرصة أثبتلك العكس

عكف حواجبو بعدم رضى زياد. فرصة شو الي عم تحكي عنها تعب فتون خلال شهر كامل أجاكي عالجاهز عالبارد المستريح كل التحقيقات بين أيديكي وما عم تطلبي شي الا بيكون قدامك بس خسارة فتون لما قالتلي اعطيها فرصة قلعتها من مكتبي

سماح. لا تحسسني بالذنب انت بتعرف انو رعد مانو شخص عادي لحتى نلقي القبض عليه بهالسهولة هي

زياد. بس معقول أسبوع كامل ما حركتي ساكن معقول لسا البحث عحالو من وقت الي استلمتي القضية لك بس بدي أفهم شو ناطرة لحتى يهربو برا البلد يا بني آدمة انا كان بدي ياكي تضهري عالساحة كان بدي تثبتي حالك لحتى لما تترفعي ما يقولو واسطة

نزلت راسها عالأرض وضلت ساكتة سماح............

زياد. لا والأحلى من هيك أهم الضباط والمحقق سامي اخدو إجازة مفتوحة لحتى يزيد الطين بلة

قاطعتو بنبرة سريعة سماح. عمي هنن بدن يضغطو عليك لحتى ترجع القضية لفتون

زياد. خرسي ونقلعي لبرا لك ما عم تفهمي إنك قلبتي الدنييي ريتها كانت باطلة ومحولة هديك الساعة

طبقت الباب وراها بقوة وطلعت وهي منرفزة من حكي عمها غرورها ما عم يسمحلا انها تعترف بغلطها كانت بدها تظهر حالها وتفرجي الكل انو فتون مانها أحسن منها بس كل شي انقلب فوق راسها ما كانت متوقعة ابداً انو القضية معقدة بهالشكل هاد...
__________________________________
لو سألتني ما هي اللعنة العظمة فبالتأكيد سأجيبُ إنها لعنةُ المناصب فهي كالقنبلة في اليد أن تمسكَ بها ستحترق وأن ترميها بعيداً ستحرق جميع من حولك، هي كالسيف ذا حدين أو ربما كجدارٍ صلب يعزلك عن العواصف وعن العالم أيضاً فلا ترى سوى نفسك تقدسُها، تسمو بها عالياً في سماء الكبرياء وتصل إلى اعلى حدٍ من الطمع...
_____________________________________

بقصر واسع كتير مكتسي جميع ألوان الحياة الفخامة، الأصل والعراقة كيف ما رح يكون هيك وهو قصر لمسؤول كبير بهالبلد مسؤول ساهم بالسرقة، بالنهب ساهم بالفساد الي منتشر بكل قرنة وبكل مطرح وبالنهاية كان مصيرو متل كل يلي قبلو ما بيعزلو عن الموت إلا سرير قد ما كان هالسرير مزين ومرصع بس نهايتو معروفة ...

بصالة أستقبال كبيرة مفروشة بالسجاد الأحمر وديكوراتها عريقة من العصر القديم كان رعد ماسك بأيدو تحفة حجرية قديمة وعم يقلب فيها ويتفحصها من جميع الجوانب كانت عشكل طير مرفرف جناحاتو سمع قهقهات سميح بيك من ورا التفت لعندو بدهشة

رعد. هالتحفة شكلا قديمة كتير

صار يحكي بصوتو الخشن سميح. معك حق اصل هالتحفة جاي من العصر البرونزي ما قبل الميلاد مأخوذة من قصر أوغاريت هداني ياها سيادة الفريق الله يحفظو ويحمي

توسعت حدقة عينو وصار يقلبها بأعجاب اشرلو سميح بيك ليقعد وتابع حديثو

سميح. طبعاً بتعنيلي كتير لاني بعتبرها بتمثلني متل طير حر مرفرف جناحاتو بالسما ما حدا بيقدر يعترض طريقو او يوقفو ولد حر عاش حر ورح يموت حر

رعد. ويا ترى المنصب والسلطة شو عملو بهالطير

ابتسم بخباثة سميح. قوت جناحاتو وعلمتو يوسع نطاق حريتو خلتو يكون سريع لدرجة تعبتو لازم يضل مفتح عيونو عشرة على عشرة لأنو هالسرعة هي بأي لحظة ممكن توقعو وتكسرلو جناحاتو

استقام بقعدتو وتابع حديثو سميح. بس التعب رح يكون حلو بمقابل تكون حر وتحصل على الي بدك ياه

رعد. شو قصدك سميح بيك!!

سميح. قصدي خليك حر ضحي بكل شي بمقابل حريتك خلي جناحاتك ترفرف بالسما ولا تسمح لحدا يعترض طريقك

غابت الابتسامة عن شفاف رعد ونطق بكلمات هادية رعد. انا الصراحة جاي لعندك بخصوص هاد الموضوع انت بتعرف اني هلق صرت من اشهر المجرمين بالبلد وكل الجهات الحكومية عم تدور عليي وتحكي بأسمي حاسس حالي متل طير محبوس بقفص

سميح. والمطلوب !!

رعد. بدي تهربني برا البلد مافي غيرك بيقدر يساعدني

انقلبت ملامحو واكتسى وشو حمرة الغضب كان عم يحكي بنبرة قاسية وهو ضاغط عالعكاز الي بأيدو سميح. غلط هالشي أكبر غلط انا قلتلك كون حرّ والحرّ أبداً ما بيهرب لا تكون جبان

رعد. شو لازم أعمل مافي غير هالطريقة لحتى أنجى !!

قاطعو بنبرتو الحادة سميح. لا تسمح لحدا يعترض طريقك لا تكون جبان الهرب وسيلة الجبناء الي لازم تعملو لحتى تكون بطل أنك تواجه وأنت بطل وانا متأكد ا

📚قصص||روايات||منوعة📚

rwayate

نك رح تكون قد هالمواجهة

ابتسم برضا من حكي سميح بيك رعد. معك حق الهرب وسيلة الجبناء وبوعدك اني رح كون قد المواجهة

سميح. رح ساعدك وساندك لحتى تكون ملك أوغاريت ورح تكون عيني عليك دائماً بس بدي تكون على ثقة انها رح تكون اخر مرة بساعدك فيها لأنو الملك ما بياخد مساعدتو من حدا عم تفهم

ابتسم برضا رعد. بوعدك رح كون عند حسن ظنك سميح بيك بوعدك إني كون الحرّ الي ما بيسمح لحدا يعترض طريقو...
____________________________________

أغاريت المخفية أو "المنفى" أوغاريت هي المملكة الي تم بنائها من 6000 سنة قبل الميلاد كانت مخفية تحت الأرض قبل ما يكتشفو العلماء قسم منها ليكون معلم أثري والقسم التاني لسا مخفي تحت الأرض ليكون منفى

لحد يومنا هاد لسا ما أنسمح انو هالمنفى يظهر ويبان على وجه الأرض رغم أنو الي بيعرفو فيه قلة قليلة على هالأرض

كان رعد عم يتلفت حواليه وهو عم يكتب الشيفرة للباب وكأنو بهاللحظة عم يسحب أخر انفاس من الهوا المنعش قبل ما يرجع على منفاه
لحظات ونزل السلم سحب آخر نفس ونزل بهدوء كان صافي متمدد عالأرض ومتغطي بغطا قديم صار يلكشو رعد برجليه لحتى يفيق ولما ما لقى ردة فعل عبا سطل مي بارد وكبو عليه
بهاللحظة انتبز صافي وقف على رجليه وصار يصرخ وهو عم يمسح المي من عن وشو

صافي. يا معلم ليش هيك عملت

رعد. قوم ولاه كديش قوم انا برا بالخطر وانت مقبور عقلبك مندفس ريتا نومة أهل الكهف ان شاء الله

شلح كنزتو وصار يعصرها من آثار المي وهو عم يتهدد لرعد صافي. ماشي ...ماشي يا معلم ادا ما بخليك بعز نومتك وبكب عليك سطلين مي باردة ما بيكون أسمي صافي

رعد. اي روح الله لا يعطيك العافيه انت خرجك تهدد

راح لبس كنزة ناشفة ورجع صافي. ماشي ضل مستهين بقدراتي

رعد. مشان قدراتك بس تعى تسومملك لقمتين سنيد قُدراتك فيهون

صافي. حاضر
معلم!!

رعد. شووو!

صافي. كأني شايفك من أول ما رجعت من عند سميح بيك مشقرق ومبسوط حكيلي شو صار معك رح يهربك برا البلد!

هز راسو بالنفي
صافي. لكن شو!

ابتسم رعد ورجع لورا وهو عم يحكي بغرور رعد. رح أكون الملك وهاد المكان رح يكون مملكتي رح سيطر عالبلد بتأشيرة من اصبعتي

حط أيدو عتمو وهو كاتم ضحكتو صافي. هلق هي الملاجئ رح تكون مملكتك فعلاً شي غريب

رمقو رعد بنظرة حادة رعد. قلتلك كديش وما بتفهم

قاطعو صافي. خلص رح سكرو بس كملي

رعد. بيكون أحسن
سميح بيك رح يبعتلي عشرة من زلمو الموثقين رح يجو لهون ويكونو تحت أيدي وعشرة رح يكونو عين ألنا برا وبهالحالة معد في داعي لنستأجر زلم ونضل حاطين أيدنا بالنار على خوف انو يفسدو علينا او يكونو مانن موثوقين

انقلبت ملامح صافي وبهتت الأبتسامة على وشو صافي. بس معلم انت متأكد انو بدك ياهن يجو لهون شو نسيان انو هاد المكان ما لازم حدا يخبر فيه بعدين كل الزلم الي استأجرناهن ما خبرو بهالمكان

رعد. الملك بلا حماية ما بيسوا شي وبأي لحظة ممكن يوقع وينكسر بعدين انا متأكد انو الزلم الي رح يحطن سميح بيك رح يكونو موثوقين كتير ولو واحد منهون تجرأ انو يخوني رح يكون حسابو عسير وأكتر من ما بيتخيل بكتير

صافي. بس معلم

قاطعو رعد. هششش ما بدي اسمع هالحكي قوم فتاح الباب ونطور الرجال برا شوي تانية وبيصلو

صافي. أمرك
_____________________________________
وتظن بأنك في أعلى مراتب الدنيا، قد تملكَ كل شيء وتفتحُ لكَ أبواب السعادة، تحتضنُ السماء أجنحتك لتعلو بسلام ولكن ما هي إلا لحظات لتكتشف بأنك لا تملك شيء سترى نفسكَ تسقطُ من أعلى المراتب وستغلقُ تلكَ الأبواب التي لطالما فُتحت لك سترى نفسكَ وحيداً في القاع بعدما أفلتت بكَ السماء وحطمتْ جناحيكْ.
____________________________________

عند باب بيت فتون كانو واقفين سامي وسحر وعم يحكو بصوت واطي

سامي. سحر بدي منك تساعديني ضروري

سحر. ساعدك بشو!!

سامي. انا اكتشفت اني بحبا لفتون وعم فكر اعترفلا قريباً بهالشي

ابتسمت بفرح سحر. عنجد عم تحكي

هز راسو
سحر. وهي!!

سامي. هالفترة عم تحاول تبعد هي ما كانت هيك بس ما بعرف شو صاير معها عم تعمل بيناتنا حواجز وعم تحاول تتحاشاني قدر الأمكان

سحر. بس انا ما لاحظت هيك شي يعني طول عمرا فتون ما بدخل الشغل بحياتها الشخصية وانتو عم تلتقو بأطار الشغل

هز راسو بحزن سامي. ما هاد هو السبب الرئيسي انا متأكد انو في شي عم يخليها تبعد عم يخليها تتهرب من نظراتي وتكون قاسية بمشاعرها هيك انا بس بدي منك تفهمي منها شو السبب الي عم يخليها تبعد هيك

هزت راسها وابتسمت إبتسامة ناعمة سحر. انا متأكدة انو هي كمان بتكنلك مشاعر بس يمكن هالفترة مضغوطة او صاير معها شي بس انت لا تهكل هم خلينا نخلص من قضية رعد وبوعدك رح ساعدك

سامي. ان شاء الله خلينا نفوت لكن

دقو الباب بطرقات خفيفة وما هي إلا دقائق وفتحتلون فتون الباب والأبتسامة مرسومة على وشها

فتون

📚قصص||روايات||منوعة📚

rwayate

. تأخرتو كتير العناصر كلون جوا وعم نستناكن

سامي. شو القصة فتون ليش هيك جبتينا على عجلة وما رضيتي تحكي عالتليفون ان شاء الله خير

ابتسمت فتون. جهزو حالكن رح نطلع فوراً لأنو ام رعد ناطرتنا

فتحت عيونها على وسعهون وما هي إلا ثواني لدارتلا سحر. ام رعد ناطرتنا يعني رعد صار هناك!!

هزت راسها وتطلعت عالعناصر الي قدامها وفتون وسامي الي واقفين وراها كان الحماس باين عملامحها والبسمة مرسومة على ثغرها
فتون. النصر ناطرنا يا أبطال وانا كلي ثقة انكن رح تكونو قدها ورح نحصل على الي بدنا ياه لأنا أيد وحدو وتذكرو أنو قوتنا بوحدتنا!...

#يتبع

📚قصص||روايات||منوعة📚

rwayate

📚قصص||روايات||منوعة📚

rwayate

#ذاكرة_الماء_بقلم_رومانتيكا
الجزء الخامس.............

_____________________________________
ها قد دقتْ ساعةُ الصفر الساعةُ الحاسمة قد أقتربت وحان وقتُ القطاف هناكَ من ينتظرُ النصر في معركة قاسية وهناك من يظن أنهُ منتصر وهو على حافةِ الهاوية...
____________________________________

كانو العناصر بأستنفار غريب منون بالسيارات ومنون عم يحاولو يحمو المنطقة وقسم مع سامي وسحر عم يراقبو فتون من بعيد كان المطر عم ينزل بغزارة وصوت الرعد عم يهز أركان الأرض بالرغم أنو الدنيي صيف بس كان المطر غزير كتير

كان رعد عم يركض ليوصل لبيت أمو وهو عم يحاول يحمي حالو من المطر بسترتو الجلدية وصل عالبيت وتيابو عم تعصر من المي كانت عيونو عم تتجول بالمكان لما شاف الضابطة فتون واقفة وجمبها أمو فتح عيونو على وسعهون والتوتر اكتسى ملامح وشو

رعد. أنتي!!
شو عم تعملي هون

كانت أمو واقفة بهدوء وملامحها باهتة ضلت ساكتة وعم تراقب الوضع من بعيد

فتون. اجيت لحتى أخدك واستضيفك عنا بالفرع عندك مانع!!

رعد. ههههه انتي شو عم تحكي

ابتسمت فتون. رخي أعصابك ومافي داعي للخوف أمك صارت تعرف بكل شي
سبحان الله خليتنا نلف عليك الدنيي نلحقك من مطرح لمطرح خليتنا نلف البلد لنلاقيك وبالأخير أجيت لعندي برجليك وأنت عم تضحك وتلعب

رعد. أمي لا تصدقيها ما بعرف شو حاكيتلك عني بس هي وحدة كذابة أكيد عم تتبلاني

ضغطت كف أيدها بقوة وهي عم تطلع بعيونو لتحاول تخفف من توترها أم رعد. أنت الي قتلتهون !!

طلع عالأرض وهو عم يتهرب من نظرات أمو رعد. مين هنن الي قتلتون انا ما قتلت حدا

قاطعتو أم رعد. انت كذاب عيونك عم تخبرني هالشي ويكون بعلمك انا بعرفك كتير منيح لما بتكذب لا تحاول تخبي عليي انا سمعت تسجيلات صوت لألك

رعد. امي بترجاكي لا تزيديها عقلبي انا ادا عملت شي بكون عملتو منشانك ومنشان أختي ديمة

ام رعد. يعني قتلتون!!

هز راسو وحاول يشتت نظرو عنها لحتى ما يضعف رعد. اي أمي قتلتهون وبدك الدغري ماني ندمان أبداً ولا بحياتي رح أندم لأنهن استحقو هالشي وتأكدي تماماً انو هاد احسن شي عملتو بحياتي لانو ريحت البشرية من قرفهون

هون هسترت أم رعد وصارت تصرخ أم رعد. لك وعم تحكيها وبكل عين وقحة لك أنت شوو أنت مجرم أنت سفاححح مو مهمتك تحاسب البشر مو مهمتك تحكم عليهون لك انا مخلفة واحد بلا قلب وبلا ضمير

قرب من أمو وصار يحاول يضمها لتهدى رعد. بترجاكي يا أمي لا تحكمي عليي قلتلك عملت هالشي منشانكون

كانت عم تحاول تتهرب من بين ايديه وتبعدو عنها مسحت الدموع من عن عيونها وهي عم تحكي ام رعد. ما رح سامحك ما رح سامحك ابداً يا رعد أنت خيبت أملي وكذبت عليي كنت مفكرة انك مسافر عأيطاليا لتحققلي حلمي وتكمل تعليمك بس بعدين بكتشف أنك مجرم وعم تمارس أجرامك

رعد. أمي

قاطعتو أم رعد. لا تقلي أمي انا ماني أمك روح الله يغضب عليك بحياتي ما رح سامحك
تطلعت بفتون وتصنعت القوة أم رعد. جيبي عناصرك وتعو خدو انا وعدتك ادا شفت الكذب بعيونو رح سلمك ياه بأيديي

فتون. طولي بالك يا أمي سامحيني انا ضغطت عليكي بس بوعدك ما رح يصير غير الي بدك ياه قوليلي هلق أتركو باخد عناصري وبمشي من هون

قاطعها رعد بنبرة حادة رعد. انتي خرسي حاج مشاعر كذابة وتمثيليات مالها طعمة مافي داعي تكولكي مشان مصلحتك وانتي بتعرفي تماما انك أنذل وحدة على هالأرض

ضغطت عمعصم أيدها وحاولت تمتص غضبها بأبتسامة مزيفة فتون. فعلاً ظني بالناس كظني بنفسي انت شو شفت مني لتحكم عليي اني عم مثل انا فعلاً طلع من قلبي قلا أمي

قاطعتها أم رعد. لا تقوليلي أمي انا ماني أم حدا ولو سمحتي نادي عناصرك خدو وأمشو من قدامي ما بدي تفرجوني خلقتكون مرة تانية

كان رعد واقف متل الصنم الأعاصير والبراكين الي جواتو مشلولة عن الحركة تماماً كل شي عم يمرق من قدامو متل كابوس ما عم يقدر يصحى منو أجو شوية عناصر كلبشو أيديه وأخدو من دون ما يبدي أي ردة فعل!...
خطواتو لسيارة الشرطة عم تخلق ضجة بالمكان صدى شهقات أمو عم يلاحقو وعم يخلي قلبو ينزف ابتسامة فتون الماكرة وصدى صوتها عم تخلي يشوف الهزيمة قدام عيونو صرخ بأعلى صوتو لتقدر تسمعو أمو

رعد. أميييي سامحيني بترجاكي سامحيني وأرضي عليي يا أمي

وهون السما بلشت ترعد بقوة والمطر صار ينزل بغزارة سمع صوت شهقات أمو الي عليت لما سمعت صوتو شد عمقبض أيدو واكتسى وشو ملامح الغضب
رعد. رح تندمو صدقوني رح خليكون تندمو

مشت السيارة وتوجهت عالفرع وباقي العناصر ركبو سيارة تانية ومشيو وراهون....
____________________________________

قدام باب الفرع كانت سماح مكتفة أيديها وعم تطلع بعمها تطليعات غريبة
سماح. فيني أفهم شو القصة وليش نحنا واقفين هون!

زياد. والله ما بعرف دقتلي فتون وقالتلي انو جاية هي وسامي وسحر عالطريق وننطرهون برا

لوت تما بضيق سماح. ها يعني قررو يخلصو أجازتهون المفتوحة بعدين كل شي بت