لم الله يخليك خلينا نرتاح شوي معد اقدر
عكف حواجبو رعد. اي شو بسكوت انت لو تخفف كرشك شوي بمشي الحال
فتح عيونو صافي. هلق انا الي كرش الله يسامحك يا معلم
رعد. لك بلشت تغيب العين خلصنا ما وقت كسلك هلق يالله كمل خلينا نوصل عحرف الطريق
مسك ايدو بالغصب ورجعو يركضو ليلحقو يوصلو عحرف الطريق العتمة سيطرت عالمكان لدرجة معد تقدر تشوف قدامك يمكن كانت هالنقطة لصالحهون انو ما حدا يلمحهون
صوت الحشرات عالعشب ونباح الكلب عم يدب بقلوبهون الرعب بس كان لازم يتمالكو حالهون ليقدرو ينجحو بعد ركض ربع ساعة متواصلين قدرو يشوفو حرف الطريق بس كانو دوريات الشرطة موزعين وكأنهن عم ينتظروهن
مسك صافي ليوقفو رعد. اووف واخيراً وصلنا
صافي. ها ليكون عم ينتظرونا كيف رح نطلع هلق !
رعد. استنا شوي
فجأة وقع غصن الشجن الي كان راكي صافي عليه ضهرو مسكو رعد من ايدو وركدو لورا عشب كبير
فجأة حسو تنين من العناصر جايين بأتجاهون صار قلبهون يدق بسرعة تخبو ورا صخر كبيرة وحاولو ما يطالعو صوت كان رعد حاطط ايدو عتم صافي لانو بيعرفو ما بيقدر يتمالك حالو
م1. لك انا متأكد اني سمعت حسفة هون
م2. وانا سمعت دور منيح ليكونو متخبين ورا شي شجرة
قرب شوي لقا غصن شجرة كبير واقع عالأرض ولسا طرفو علقان بالشجرة
م1. ها ليكو غصن الشجرة شكلو واقع من الهوا
م2. او شكلون مرو من هون !!
انا رح روح نادي لسيادة الضابط ورح جيب معي الكلب البوليسي
بهالاثناء شلح صافي شنتو بسرعة واستغل استنفار العناصر لحتى ما يسمعو صوتهن وطلع منها ملايتين وهو عم يرجف من الخوف ناول وحدة لرعد وهو بلش يلبس بالتانية دقيقتين كانو لابسين الملايات ومشيو من الجهة التانية ليوصلو عطرف الطريق بحذر شد صافي على ايد رعد واشرلو عالعيادة النسائية لحتى يفوتو عليها ما كان في مجال ليحكو حتى ما يطالعو صوت ضلت الشرطة بالغابة وهنن ركضو عالعيادة النسائية ودخلو عليها من الباب الخلفي
همس بأذنو رعد. لك ليش فوتتني لهون يا حمار !
كان عم يلهث ويحكي بصوت متقطع صافي. معلم هي عيادة نسائية الها بواب من الجهتين هلق ادا طلعنا من الباب التاني وشافونا العناصر ما رح يعرفونا ولا رح يحسو على شي ونحنا لابسين الملايات
رعد. براڤو عليك تربايتي ما ضاعت هدر يالله لكن
تنهدو براحة لانو تقريباً قطعو مرحلة الخطر طلعو من الباب الأمامي وهنن شابكين اديهون ببعض الساعة كانت ستة مساءاً شافوهون العناصر وما اكترثو للأمر وهنن كانو عم يمشو بكل هدوء لحتى ما يحسسوهون بشي غريب
عالجهة التانية كانت ناطرتهون سيارات سميح بيك مع حماية مشددة طلعو فيها وضمو بعضهون بقوة وبهالأثناء شلح رعد الملاية وشلفها على وش صافي
رعد. تضرب علواه
صافي. هههههه لا تنكر انو كانت فكرة حلوة
رعد. حلوة ووقفتك معي اليوم ما رح انساها
____________________________________
تحت ضو القمر كانت فتون راكية حالها عالسيارة وسارحة بتفكير طويل الشي الي عم يصير خارج عن سيطرتها قرب منها سامي بخطوات متوازنة وسند حالو عطرف السيارة جمبها
فتون. خلص رعد فلت من بين ايدينا وهالمرة خسرنا معد في مجال
احساس كبير جواتي عم يقول انو هالقضية رح تتسكر اليوم
سامي. مع الأسف هاد الواقع هلق صرت متأكد مية بالمية انو الي وراه لرعد ناس اكبر منا بكتيير ومستحيل نقدر نوقف بطريقهون
زفرت بضيق فتون. معك حق رعد واجهة بس شخصيتو القذرة وكبريائو وتسلطو هو الي عم يساعدهون ان تكون هالواجهة وكأنها حقيقة
سامي. لا تتضايقي خسرنا القضية بس هاد ما بيعني انو فشلنا ما انتهى العالم هون
فتون. ماني مضايقة لانو خسرنا مضايقة لأني عم شوف الدمار والفساد مسيطر عالبلد ومانا قادرين نحرك ساكن عم شوف حكم القوي المتجبر البايع ضميرو وماني قدرانة وقف بوجهو وقلو انك غلطان لك نحنا يا سامي مجرد ادوات بلعبة شطرنج بيحركونا عكيفهون لمصالحهون الشخصية نفسي مرة وحدة بس يفكرو بمصلحة البلد بس مرة يكسرو عيننا فيها
تنهد بعمق وضل ساكت لانو بيعرف انو معها حق بكل كلمة حكتها
فتون. تطلع مثلاً المقدم زياد نسي كل شي عملتو بهالقضية وبدو يحملني كامل المسؤولية بتهريب هداك الزفت لك مستعدين يبيعوك وينسو كل شي عملتو لمجرد غلطة
مسك ايدها وتطلع فيها بعيونو الي عم تلمع مع ضو القمر
سامي. اهدي انا ولا ممكن اتخلا عنك او اتركك
رفعت راسها عالسما وضلت ايدها مشبوكة بأيدو لاول مرة ما بتسحبها وكأنو بهالطريقة عم تقلو انو سامحتو كأنها عم تعطي قلبو فرصة تانية وتنعشو للحياة من جديد كانت عم تطلع فيه بنظرات مو مفهومة بنظرة وحدة قدرت تعلن لألو غفرانها وهو عم يطلع فيها بنفس النظرة
سامي. سامحتيني هلق على الغلط الي ما عملتو
تنهدت فتون. انا بعرف انو كانت اشاعة وعالأغلب مطالعتها سماح لتكسرني بس بهالوقت كنت عم اتأكد من شغلة
كانت لسا عيونو عم تلمع سامي. وهلق تأكدتي
ابتسمت فتون. اي تأكدت بس ما بدك تعرف شو هي
هز راسو سامي. ما بيهم المهم سامحتيني...
________
عكف حواجبو رعد. اي شو بسكوت انت لو تخفف كرشك شوي بمشي الحال
فتح عيونو صافي. هلق انا الي كرش الله يسامحك يا معلم
رعد. لك بلشت تغيب العين خلصنا ما وقت كسلك هلق يالله كمل خلينا نوصل عحرف الطريق
مسك ايدو بالغصب ورجعو يركضو ليلحقو يوصلو عحرف الطريق العتمة سيطرت عالمكان لدرجة معد تقدر تشوف قدامك يمكن كانت هالنقطة لصالحهون انو ما حدا يلمحهون
صوت الحشرات عالعشب ونباح الكلب عم يدب بقلوبهون الرعب بس كان لازم يتمالكو حالهون ليقدرو ينجحو بعد ركض ربع ساعة متواصلين قدرو يشوفو حرف الطريق بس كانو دوريات الشرطة موزعين وكأنهن عم ينتظروهن
مسك صافي ليوقفو رعد. اووف واخيراً وصلنا
صافي. ها ليكون عم ينتظرونا كيف رح نطلع هلق !
رعد. استنا شوي
فجأة وقع غصن الشجن الي كان راكي صافي عليه ضهرو مسكو رعد من ايدو وركدو لورا عشب كبير
فجأة حسو تنين من العناصر جايين بأتجاهون صار قلبهون يدق بسرعة تخبو ورا صخر كبيرة وحاولو ما يطالعو صوت كان رعد حاطط ايدو عتم صافي لانو بيعرفو ما بيقدر يتمالك حالو
م1. لك انا متأكد اني سمعت حسفة هون
م2. وانا سمعت دور منيح ليكونو متخبين ورا شي شجرة
قرب شوي لقا غصن شجرة كبير واقع عالأرض ولسا طرفو علقان بالشجرة
م1. ها ليكو غصن الشجرة شكلو واقع من الهوا
م2. او شكلون مرو من هون !!
انا رح روح نادي لسيادة الضابط ورح جيب معي الكلب البوليسي
بهالاثناء شلح صافي شنتو بسرعة واستغل استنفار العناصر لحتى ما يسمعو صوتهن وطلع منها ملايتين وهو عم يرجف من الخوف ناول وحدة لرعد وهو بلش يلبس بالتانية دقيقتين كانو لابسين الملايات ومشيو من الجهة التانية ليوصلو عطرف الطريق بحذر شد صافي على ايد رعد واشرلو عالعيادة النسائية لحتى يفوتو عليها ما كان في مجال ليحكو حتى ما يطالعو صوت ضلت الشرطة بالغابة وهنن ركضو عالعيادة النسائية ودخلو عليها من الباب الخلفي
همس بأذنو رعد. لك ليش فوتتني لهون يا حمار !
كان عم يلهث ويحكي بصوت متقطع صافي. معلم هي عيادة نسائية الها بواب من الجهتين هلق ادا طلعنا من الباب التاني وشافونا العناصر ما رح يعرفونا ولا رح يحسو على شي ونحنا لابسين الملايات
رعد. براڤو عليك تربايتي ما ضاعت هدر يالله لكن
تنهدو براحة لانو تقريباً قطعو مرحلة الخطر طلعو من الباب الأمامي وهنن شابكين اديهون ببعض الساعة كانت ستة مساءاً شافوهون العناصر وما اكترثو للأمر وهنن كانو عم يمشو بكل هدوء لحتى ما يحسسوهون بشي غريب
عالجهة التانية كانت ناطرتهون سيارات سميح بيك مع حماية مشددة طلعو فيها وضمو بعضهون بقوة وبهالأثناء شلح رعد الملاية وشلفها على وش صافي
رعد. تضرب علواه
صافي. هههههه لا تنكر انو كانت فكرة حلوة
رعد. حلوة ووقفتك معي اليوم ما رح انساها
____________________________________
تحت ضو القمر كانت فتون راكية حالها عالسيارة وسارحة بتفكير طويل الشي الي عم يصير خارج عن سيطرتها قرب منها سامي بخطوات متوازنة وسند حالو عطرف السيارة جمبها
فتون. خلص رعد فلت من بين ايدينا وهالمرة خسرنا معد في مجال
احساس كبير جواتي عم يقول انو هالقضية رح تتسكر اليوم
سامي. مع الأسف هاد الواقع هلق صرت متأكد مية بالمية انو الي وراه لرعد ناس اكبر منا بكتيير ومستحيل نقدر نوقف بطريقهون
زفرت بضيق فتون. معك حق رعد واجهة بس شخصيتو القذرة وكبريائو وتسلطو هو الي عم يساعدهون ان تكون هالواجهة وكأنها حقيقة
سامي. لا تتضايقي خسرنا القضية بس هاد ما بيعني انو فشلنا ما انتهى العالم هون
فتون. ماني مضايقة لانو خسرنا مضايقة لأني عم شوف الدمار والفساد مسيطر عالبلد ومانا قادرين نحرك ساكن عم شوف حكم القوي المتجبر البايع ضميرو وماني قدرانة وقف بوجهو وقلو انك غلطان لك نحنا يا سامي مجرد ادوات بلعبة شطرنج بيحركونا عكيفهون لمصالحهون الشخصية نفسي مرة وحدة بس يفكرو بمصلحة البلد بس مرة يكسرو عيننا فيها
تنهد بعمق وضل ساكت لانو بيعرف انو معها حق بكل كلمة حكتها
فتون. تطلع مثلاً المقدم زياد نسي كل شي عملتو بهالقضية وبدو يحملني كامل المسؤولية بتهريب هداك الزفت لك مستعدين يبيعوك وينسو كل شي عملتو لمجرد غلطة
مسك ايدها وتطلع فيها بعيونو الي عم تلمع مع ضو القمر
سامي. اهدي انا ولا ممكن اتخلا عنك او اتركك
رفعت راسها عالسما وضلت ايدها مشبوكة بأيدو لاول مرة ما بتسحبها وكأنو بهالطريقة عم تقلو انو سامحتو كأنها عم تعطي قلبو فرصة تانية وتنعشو للحياة من جديد كانت عم تطلع فيه بنظرات مو مفهومة بنظرة وحدة قدرت تعلن لألو غفرانها وهو عم يطلع فيها بنفس النظرة
سامي. سامحتيني هلق على الغلط الي ما عملتو
تنهدت فتون. انا بعرف انو كانت اشاعة وعالأغلب مطالعتها سماح لتكسرني بس بهالوقت كنت عم اتأكد من شغلة
كانت لسا عيونو عم تلمع سامي. وهلق تأكدتي
ابتسمت فتون. اي تأكدت بس ما بدك تعرف شو هي
هز راسو سامي. ما بيهم المهم سامحتيني...
________
