اروقي من دكتور بالمشفى قبل ما يطلعلو شهادة وفاة وهو تقريباً من نفس عمري ولحتى الجثة ما تبين حرقوها وعلى أساس اني متت محروق لبسو صخب تيابي وحطو الجثة بمكان قريب لمكان التهريب مع شوية اعلام زبطت القصة
صافي:لهالدرجة واصل سميح بيك وانا الي كنت فكرو ختيار على حفة قبرو طلع مانو سهل
صخب: لحتى أنفذ ما كان عندو خيار تاني
صافي: طيب هي فهمنا كيف موتو رعد العساف بس هات حكيلي شو صار بعدين وكيف طلعتو بهاد صخب الفاروقي !
طقطق رقبتو وتطلع بالسقف وهو عم يحكي صخب: متل ما قلتلك الي مات ماكان طالعلو لسى شهادة وفاة لهيك كانت العملية أسهل نوعاً ما وبما انو سميح بيك واصل قدر يطالعني تهريب برا البلد وزبطلي أمور الهوية وجواز السفر الجديد بعد ما رجعت من تايلند وبعد رحلة طويلة مع عمليات التجميل خضعتلا خلال هالسنتين حتى انو سميح بيك أصر عليي اعمل عملية للحبال الصوتية لحتى يتغير صوتي كمان وهيك بعد سنتين من المعاناة قتلت رعد العساف ودفنتو وبنفس اليوم ولد صخب الفاروقي
تنهد صافي: وليش ما خبرتني بهالحكي من قبل وانت بتعرف اني أكتر واحد ممكن وقف جمبك بهداك الوقت
صخب: كان شرطي الوحيد تأمين الحماية ألك ولديمة لهيك خليتون يقلعوك من الشغل لحتى تبعد عن كل هالوسخ وديمة بعد ما صفي قلبها ناحيتي كان أأمن مكان لألها جمب عيني انا كان هدفي أحميكون ما أكتر من هيك بهداك الوقت لو خبرتك اني عايش كانو رح يضروك وخصوصاً انا ماني جمبك كنت رح تعلق بمشاكل كتيرة لهيك فضلت ما خبرك وتكمل حياتك من بعدي بشكل نضيف
تطلع بعيونو وهو عم يتسائل صافي: لكن ليش رجعتني على أغاريت مزال بدك تحميني
وقف صخب وقرب من صافي وهو عم يربت على كتافو صخب: لما بكون موجود منقوى ببعض ومنكون بظهر بعض متل السيف نحنا تعاهدنا نكون مع بعض عالحلوة والمرة لكن ادا تركتك تواجه المعركة لحالك بكون كسرت العهد الي بيناتنا ولا أنت شو رأيك
ابتسم صافي لأول مرة من اول ما رجع صخب وبهاللحظة سحبو صخب لعندو وضمو بعضهن بشوق شد صخب على قبضة صافي وكأنهن عم يتعاهدو بهالطريقة بأنهن روح وحدة اختفى الزعل والعتب والمشاكل كانت لحظة أخوية بحتة لما الأرواح بتتعاهد عالأخوة ما فينا الا نسلم للأمر الوقع ونرضخ معها لنسلمها مفاتيح الأمر…
#يتبع
صافي:لهالدرجة واصل سميح بيك وانا الي كنت فكرو ختيار على حفة قبرو طلع مانو سهل
صخب: لحتى أنفذ ما كان عندو خيار تاني
صافي: طيب هي فهمنا كيف موتو رعد العساف بس هات حكيلي شو صار بعدين وكيف طلعتو بهاد صخب الفاروقي !
طقطق رقبتو وتطلع بالسقف وهو عم يحكي صخب: متل ما قلتلك الي مات ماكان طالعلو لسى شهادة وفاة لهيك كانت العملية أسهل نوعاً ما وبما انو سميح بيك واصل قدر يطالعني تهريب برا البلد وزبطلي أمور الهوية وجواز السفر الجديد بعد ما رجعت من تايلند وبعد رحلة طويلة مع عمليات التجميل خضعتلا خلال هالسنتين حتى انو سميح بيك أصر عليي اعمل عملية للحبال الصوتية لحتى يتغير صوتي كمان وهيك بعد سنتين من المعاناة قتلت رعد العساف ودفنتو وبنفس اليوم ولد صخب الفاروقي
تنهد صافي: وليش ما خبرتني بهالحكي من قبل وانت بتعرف اني أكتر واحد ممكن وقف جمبك بهداك الوقت
صخب: كان شرطي الوحيد تأمين الحماية ألك ولديمة لهيك خليتون يقلعوك من الشغل لحتى تبعد عن كل هالوسخ وديمة بعد ما صفي قلبها ناحيتي كان أأمن مكان لألها جمب عيني انا كان هدفي أحميكون ما أكتر من هيك بهداك الوقت لو خبرتك اني عايش كانو رح يضروك وخصوصاً انا ماني جمبك كنت رح تعلق بمشاكل كتيرة لهيك فضلت ما خبرك وتكمل حياتك من بعدي بشكل نضيف
تطلع بعيونو وهو عم يتسائل صافي: لكن ليش رجعتني على أغاريت مزال بدك تحميني
وقف صخب وقرب من صافي وهو عم يربت على كتافو صخب: لما بكون موجود منقوى ببعض ومنكون بظهر بعض متل السيف نحنا تعاهدنا نكون مع بعض عالحلوة والمرة لكن ادا تركتك تواجه المعركة لحالك بكون كسرت العهد الي بيناتنا ولا أنت شو رأيك
ابتسم صافي لأول مرة من اول ما رجع صخب وبهاللحظة سحبو صخب لعندو وضمو بعضهن بشوق شد صخب على قبضة صافي وكأنهن عم يتعاهدو بهالطريقة بأنهن روح وحدة اختفى الزعل والعتب والمشاكل كانت لحظة أخوية بحتة لما الأرواح بتتعاهد عالأخوة ما فينا الا نسلم للأمر الوقع ونرضخ معها لنسلمها مفاتيح الأمر…
#يتبع
