📚قصص||روايات||منوعة📚

نك رح تكون قد هالمواجهة

ابتسم برضا من حكي سميح بيك رعد. معك حق الهرب وسيلة الجبناء وبوعدك اني رح كون قد المواجهة

سميح. رح ساعدك وساندك لحتى تكون ملك أوغاريت ورح تكون عيني عليك دائماً بس بدي تكون على ثقة انها رح تكون اخر مرة بساعدك فيها لأنو الملك ما بياخد مساعدتو من حدا عم تفهم

ابتسم برضا رعد. بوعدك رح كون عند حسن ظنك سميح بيك بوعدك إني كون الحرّ الي ما بيسمح لحدا يعترض طريقو...
____________________________________



أغاريت المخفية أو "المنفى" أوغاريت هي المملكة الي تم بنائها من 6000 سنة قبل الميلاد كانت مخفية تحت الأرض قبل ما يكتشفو العلماء قسم منها ليكون معلم أثري والقسم التاني لسا مخفي تحت الأرض ليكون منفى

لحد يومنا هاد لسا ما أنسمح انو هالمنفى يظهر ويبان على وجه الأرض رغم أنو الي بيعرفو فيه قلة قليلة على هالأرض

كان رعد عم يتلفت حواليه وهو عم يكتب الشيفرة للباب وكأنو بهاللحظة عم يسحب أخر انفاس من الهوا المنعش قبل ما يرجع على منفاه
لحظات ونزل السلم سحب آخر نفس ونزل بهدوء كان صافي متمدد عالأرض ومتغطي بغطا قديم صار يلكشو رعد برجليه لحتى يفيق ولما ما لقى ردة فعل عبا سطل مي بارد وكبو عليه
بهاللحظة انتبز صافي وقف على رجليه وصار يصرخ وهو عم يمسح المي من عن وشو

صافي. يا معلم ليش هيك عملت

رعد. قوم ولاه كديش قوم انا برا بالخطر وانت مقبور عقلبك مندفس ريتا نومة أهل الكهف ان شاء الله

شلح كنزتو وصار يعصرها من آثار المي وهو عم يتهدد لرعد صافي. ماشي ...ماشي يا معلم ادا ما بخليك بعز نومتك وبكب عليك سطلين مي باردة ما بيكون أسمي صافي

رعد. اي روح الله لا يعطيك العافيه انت خرجك تهدد

راح لبس كنزة ناشفة ورجع صافي. ماشي ضل مستهين بقدراتي

رعد. مشان قدراتك بس تعى تسومملك لقمتين سنيد قُدراتك فيهون

صافي. حاضر
معلم!!

رعد. شووو!

صافي. كأني شايفك من أول ما رجعت من عند سميح بيك مشقرق ومبسوط حكيلي شو صار معك رح يهربك برا البلد!

هز راسو بالنفي
صافي. لكن شو!

ابتسم رعد ورجع لورا وهو عم يحكي بغرور رعد. رح أكون الملك وهاد المكان رح يكون مملكتي رح سيطر عالبلد بتأشيرة من اصبعتي

حط أيدو عتمو وهو كاتم ضحكتو صافي. هلق هي الملاجئ رح تكون مملكتك فعلاً شي غريب

رمقو رعد بنظرة حادة رعد. قلتلك كديش وما بتفهم

قاطعو صافي. خلص رح سكرو بس كملي

رعد. بيكون أحسن
سميح بيك رح يبعتلي عشرة من زلمو الموثقين رح يجو لهون ويكونو تحت أيدي وعشرة رح يكونو عين ألنا برا وبهالحالة معد في داعي لنستأجر زلم ونضل حاطين أيدنا بالنار على خوف انو يفسدو علينا او يكونو مانن موثوقين

انقلبت ملامح صافي وبهتت الأبتسامة على وشو صافي. بس معلم انت متأكد انو بدك ياهن يجو لهون شو نسيان انو هاد المكان ما لازم حدا يخبر فيه بعدين كل الزلم الي استأجرناهن ما خبرو بهالمكان

رعد. الملك بلا حماية ما بيسوا شي وبأي لحظة ممكن يوقع وينكسر بعدين انا متأكد انو الزلم الي رح يحطن سميح بيك رح يكونو موثوقين كتير ولو واحد منهون تجرأ انو يخوني رح يكون حسابو عسير وأكتر من ما بيتخيل بكتير

صافي. بس معلم

قاطعو رعد. هششش ما بدي اسمع هالحكي قوم فتاح الباب ونطور الرجال برا شوي تانية وبيصلو

صافي. أمرك
_____________________________________
وتظن بأنك في أعلى مراتب الدنيا، قد تملكَ كل شيء وتفتحُ لكَ أبواب السعادة، تحتضنُ السماء أجنحتك لتعلو بسلام ولكن ما هي إلا لحظات لتكتشف بأنك لا تملك شيء سترى نفسكَ تسقطُ من أعلى المراتب وستغلقُ تلكَ الأبواب التي لطالما فُتحت لك سترى نفسكَ وحيداً في القاع بعدما أفلتت بكَ السماء وحطمتْ جناحيكْ.
____________________________________



عند باب بيت فتون كانو واقفين سامي وسحر وعم يحكو بصوت واطي

سامي. سحر بدي منك تساعديني ضروري

سحر. ساعدك بشو!!

سامي. انا اكتشفت اني بحبا لفتون وعم فكر اعترفلا قريباً بهالشي

ابتسمت بفرح سحر. عنجد عم تحكي

هز راسو
سحر. وهي!!

سامي. هالفترة عم تحاول تبعد هي ما كانت هيك بس ما بعرف شو صاير معها عم تعمل بيناتنا حواجز وعم تحاول تتحاشاني قدر الأمكان

سحر. بس انا ما لاحظت هيك شي يعني طول عمرا فتون ما بدخل الشغل بحياتها الشخصية وانتو عم تلتقو بأطار الشغل

هز راسو بحزن سامي. ما هاد هو السبب الرئيسي انا متأكد انو في شي عم يخليها تبعد عم يخليها تتهرب من نظراتي وتكون قاسية بمشاعرها هيك انا بس بدي منك تفهمي منها شو السبب الي عم يخليها تبعد هيك

هزت راسها وابتسمت إبتسامة ناعمة سحر. انا متأكدة انو هي كمان بتكنلك مشاعر بس يمكن هالفترة مضغوطة او صاير معها شي بس انت لا تهكل هم خلينا نخلص من قضية رعد وبوعدك رح ساعدك

سامي. ان شاء الله خلينا نفوت لكن

دقو الباب بطرقات خفيفة وما هي إلا دقائق وفتحتلون فتون الباب والأبتسامة مرسومة على وشها

فتون

اكبر من أنو يستوعبو بهاللحظات القليلة ما قدر يتحمل أكتر من هيك ركض ورا صخب فتح باب سيارتو وقعد جمبو من دون حتى ما يأذنلو كان لازم يفهم وبنفس الوقت عم يدور عالمنطقية

صافي: انت مين!!
قلي من ايمتا بتعرف أغاريت ورعد العساف!!

دور السيارة ومشي وهو كاتم أبتساماتو صخب: من أول ما ولدت بعرفو لرعد العساف
كان عم يحكي بنبرة سريعة صافي: من وين بتعرفو انا حاسس فيك ملامح منو انت اخو شي !
بس هو ما عندو خوات غير ديمة أبن عمو يمكن!
او بتقربو!

كان عم يراقب صافي الي عم يحكي بكلمات سريعة ولسا مو مركز ناطر ليخلص حكيو ويفجر قنبلتو بوجه صافي بس هالأنسان مستحيل يسكت
صافي: لك صبري نفذ قلي انت مين!!
كان قربو يصلو لمنطقة أغاريت صف صخب السيارة بعيد وتطلع بصافي
صخب: ما فيني خبرك مين انا غير لما نوصل لمنطقة أمان مشان هيك اجينا على أغاريت لحتى خبرك بالحقيقة

نزلو من السيارة واتجهو لمملكة أغاريت من دون ما يسأل صافي شي اكتفى بالصمت لبين ما يصلو عالمكان وصلو عالباب الي مخبى بالعشب وكانت لسا ملامحو جامدة كان صافي مفكر انو هو ورعد اخر مين دخل عأغاريت قبل ما يختفي رعد بليلة وحدة بس الظاهر انو العشب مقصوص من عند الباب وهالشي ما ببين غير للي بيعرفو بوجودو
فتح صخب الباب الي مخبى بالعشب ونزل درجتين وهو عم يدخل الكود لحتى ينفتح الباب التاني وينزل سلم حديدي لحتى يمكنو من الدخول عالمملكة دخل رمز AGHI

صخب: هاد الرمز اذا تدخل غلط بيبعت أشعار لرعد العساف ومصير الي بيخترق أغاريت الموت حتما اول حرفيت دلالة على أغاريت وتاني حرفين دلالة علة كلمة hidden بما معناه أغاريت المخفية

ارتسمت ملامح الاستغراب على صافي : صحيح حتى انو مافي غير انا ورعد العساف الي منعرف الرمز حراس المملكة الي كانو قبل كانو يخبرونا قبل بوقت لحتى نفتحلون الباب وبعد ما مات رعد العساف ما ضليت غير انا الي بعرف الرمز

صخب: دخلت عالمملكة بغيابو

بعد ما تأكد من قفل الباب صارو يمشو بالممر جوا أغاريت وهنن عم يحكوا صافي: أبداً انا وعدت رعد اني حتى عالموت مستحيل خونو هو أمني ما أدخل أغاريت بعد موتو قلي هالشي لمصلحتي لحتى أبقى عايش لازم ما أدخلها وانا التزمت بكلامو رغم اني ما فهمت شو السبب
سكت فجأة ورجع يتطلع فيه صافي: بس انت مين هي صرنا بنقطة الأمان

أطلق ضحكة شريرة ووجه نظروا لصافي صخب: انا الي قتلتو لرعد العساف…

صرخ هداك الصوت الي انتشر بكل أرجاء المكان صافي: شوووووو!!
_______________________________________
عندما يدفعكَ الطمعُ لأن تقتلَ نفسك لأن تنفيها, لأن تجعلَ منها عرضةً للبيع والشراء, عندما تبرر أجرامك بدافع الأنتقام, سيصلُ بكَ الأمر لأن تحرق جميع من حولك ...لكن نارك ستلتهب وستصلُ أليكَ حتماً ولن تميز حينها بأنك انت من أشعلتها…
_______________________________________

تحت ضوء القمر عالبلكونة المكتسية بألوان الحياة وريحة الزهور عم تفوح بالأرجاء لتخلق جو ساحر بكل ماتعنيه الكلمة من معنى كانت ديانا حاطة شال خفيف على كتافها وتاركة شعرها يتطاير مع نسمات الهوا الخفيفة ابتسم مراد اول ما لمح هاد المنظر من بعيد كان عم يراقبها من ورا الشباك بهدوء وعم يحاول يترجم الحديث الي عم يدور بينها وبين فتون بس ما عم يقدر يفهم شي
كانت فتون قاعدة جمبها وعم تطلع عضو القمر وكأنها غرقانة بعالمها
ابتسمت ديانا لما شافتها سارحة وعقلا مو معها
ديانا: بشو سارحة نيالو الي أخد بالك عاروستنا

تطلعت فيها فتون وكأنو كلمات ديانا صحوها من شرودها فتون: هون معك ماني سارحة
زمت عيونها بقلق وهي عم تحاول تفسر ملامح فتون الي ما طمنتها ديانا: شو القصة فتون ليش حاسستك مانك عبعضك !
بأبتسامة خفيفة فتون: ولا شي مشاكل شغل ما بدي وجعلك راسك
بعدم تصديق ديانا: بس من اول ما عرفتك ومشاكل شغلك ما كانت تخلص حاسة في شي شاغلك من اسبوع وما عم تحكي
تنهدت فتون وابتسمت لأنو ديانا فهمتها من دون ما تحكي فتون: لا تشغلي حالك بالعكس انا كتير منيحة هي تحدد عرسي بعد شهر بالعكس انا كتير مبسوطة
هزت راسها بعدم تصديق ديانا: ان شاء الله يكون هيك

ابتسمت فتون بمحاولة منها لتغير الموضوع فتون: انا أموري ممتازة شيليكي مني وقوليلي شو ناوية تعملي
تطلعت بأيديها لتحاول تشتت نظرها عن فتون ديانا: منحة أيطاليا ما كل يوم بتصرلي
بقلق فتون: شو يعني!!
رح تطلقي من مراد!
كانت عم تحاول تهدي حالها من جوا رسمت ابتسامة قاسية عملامحها وتطلعت بفتون بقوة هالمرة ديانا: انا ما بدي أخسركون انتي وخالتي وأكيد مكانتكون رح تبقى متل ما هي بقلبي انتو اصلاً اهلي وما ألي غيركون بتمنى تتفهموني انا ومراد قصتنا انتهت من قبل ما تبلش قرار أنفصالنا انا أخدتو من زمان بس الي عازز عليي غيابكون انتي وخالتي
تبدلت ملامحها فتون: يعني خلص انتي مقررة وخالصة
تبللت عيونها بالدموع فجأة قربت من فتون وضمتها ديانا: سامحوني بس ما فيني عيد تجربة فاشلة
طبطبت على كتفها وهي عم تضمها فتون: شو عم تح

واطي!

مراد: انا ماني نسيان القصة فكرت كتير كيف أقنع ديانا تساعدنا لنكشفو وخطرتلي فكرة بتوقع مستحيل ديانا ما تتعاون معنا فيها وبنفس الوقت موضوع سفرتها دايقني لهيك فكرت حط الخطة المناسبة بالوقت المناسب وهيك بكون رميت عصفورين بحجر

فتون: انا بوافق ساعدك بس على شرط وحيد وادا وافقت عليه بتثبتلي فعلاً انك تغيرت
مراد: وشو هو هالشرط بقى
تنهدت وهي عم تحكي فتون: مراد ادا بدك ياني صدقك بعد عن طريق ديانا بدي ياك ما تحاول تمنعها ما تعركسلا سفرتها مراد ادا بدك تثبتلي انك تغيرت لا تجبر ديانا تاخد قرار مانو طالع من قلبها قنعها ولو اقتنعت بيكون منيح بس بالطريقة الي عم تفكر فيها بتكون حرمتها من شي هي حابتو وانا ما بدي ياها تنجبر على شي
مراد: بس يا فتون

قاطعتو فتون: بعرف بتحبها بس لا تمنعها عن شي انت عملتو قبلها هي بهالطريقة عم يتأكدلا انو انت بدك تستملكها ما اكتر

تطلع فيها والخنقة بصوتو مراد: انا بدي أستملكها هي هيك قالتلك!!
أم مراد: اهدى مراد أختك معها حق انت سافرت قبلها لا تكون اناني وتمنعها تحقق حلمها

مراد: معكون حق انا قايم نام نعست تصبحو على خير
سحبتو فتون من ايدو فتون: اخي نام بغرفتي وانا بنام عند ديانا مافي داعي تنام عالكنب
هز راسو مع ابتسامة مسطنعة مراد: انا بدي نام عالكنب

تركهون قاعدين ومشي عالصالون وهو عم يزبط مكان نومتو كانت باينة عليه العصبية والتوتر الي بلا مبرر او سبب مقنع مجرد ما سمع انو ديانا حكت بدو يتملكها وانقلب حالو كان مدايق من النظرة الي أخدتها عنو تنهد بعمق وغطى راسو بالحرام وهو عم يحاول ينام.
________________________________________

بحجرة نومها كانت سها لافة أيدها عقلادة الحب الأبدي والشوق لحبيها عدي غرق مدامعها حبيبها الي خسرتو بلحظة خسرتو بسبب غلط مالها ذنب في كانت بتتمنى لو ما كانت لحتى أبوها يحافظ على منظرو وبرستيجو قدام العالم جر بنتو على حافة الهاوية لأنو لما تظهر حقيقة الأبن الغير شرعي لسميح بيك رح تتأثر سمعتو والناس رح تبطل توثق فيه وتحبو متل اول لهيك فضل مصالحو على مصلحة بنتو

هالمرة كان في شي غريب بعيونها كان جاي عبالها تنتقم مسحت دمعتها وتصنعت القوة بملامح باردة كانت بدا تلقن أبوها درس ما ينساه كل حياتو وخصوصي بعد الي توصلت لألو بعد عشر أيام بحث ومراقبة ابتسمت ابتسامة مخيفة وهي ماسكة قلادتها

سها: صدقني رح تكون نهايتك على أيدي يا بابا انت حرمتني أغلى شي بملكو بحياتي والتمن اني رح خسرك اغلى شي بتملكو بحياتك بما انك قتلت مسؤول سابق بالبلد فالخطوة الأولى اني دور على ولاد هالمسؤول واخدمهن بمعلوماتي القيمة أخد كل احتياطاتك لكن بس ما عندك معلومة انو دود الخل منو وفيه…

غمضت عيونها وسرحت بمخططها وكأنها بهالطريقة هي عم تراجعو للمرة الأخيرى قبل يوم التنفيذ…
_______________________

(في الكوخ الجبلي)

بالكوخ الجبلي كانو مشكلين دائرة حوالين بعضهن وعم يتبادلو أطراف الحديث صخب صافي وديمة كانو عم يتذكرو مع بعض مواقف من صداقتهون وكيف كانو قبل
شوي يضحكو عبعض وشوي تانية يتأثروا وشوي يحنو صافي كان قلبو مانو صافي هالمرة كان لسا حامل بقلبو كيف رفيق عمرو أوهمو انو مات وهو لساتو عايش بس صخب دغري تدارك الوضع وجابو لعند ديمة لأنو عرف انو رح يطرى الجو بيناتهون بهالطريقة ويلين قلبو شوي بعد جدال طويل دار بيناتهون كان صافي عم يطلع بديمة وصخب وكأنو بعد ما هديت اعصابو ناطر منهون تفسير

صافي: وهلق من حقي انا أفهم الي صار
كيف صار هيك ليش خبرت ديمة وما خبرتني ألي وشو صار معك

تطلع فيه صخب بملامح هادية صخب: اكيد من حقك تفهم
تجلست ديمة بمحاولة منها لتهرب وتفضيلون الجو ديمة: انا قايمة اعملكون قهوة انتو احكو

قامت ديمة وضلو صخب وصافي قاعدين لحالهون رجع صخب يسترجع ذكرياتو ويقص على صافي الي صار بالتفصيل بوقتها

صخب: بتتذكر يوم الي هربتوني من الشرطة فيه بيومها قعدت مع سميح بيك على أنفراد ازا بتتذكر
صافي: اي صح بتذكر صار هيك شي
صخب: بوقتها طلع سميح بيك رصاصة من مسدسو وحطها قدامي عالطاولة قلي صار لازم نقتل رعد العساف بوقتها انا نصدمت كتير ومستحيل انسى ضحكتو بهداك النهار لما سألتو بدك تقتلني!!
صافي: يعني انت هربت من سميح بيك لحتى ما يقتلك وليش يعني بدو يقتلك!
هز راسو رعد بملل خصب: بضلك كتير غلبة مستحيل تتغير يا أخي جاييك بالحكي
ابتسم صافي وهون تابع صخب حكيو صخب: هاد يا سيدي طلع قصدو انو نموت رعد العساف عالعلن يعني قدام كل الناس رعد العساف رح يموت وهو بالواقع عايش
صافي: والي لقو مقتول عالطريق هاد مين بيكون لكن
ابتسم صخب لأنو عرفان انو بجوابو رح يضيع صافي بزيادة صخب: الي مات هو صخب الفاروقي سميح بيك اشترى جثتو

صافي: نعم انت مين مين الي عاش ومين الي مات يعني عيشتو الميت وموتو العايش بطلت افهم عليك انا مين وانت مين

اطلق رعد ضحكة هستيرية على رفيقو صخب: رح فهمك يا سيدي سميح بيك اشترى جثة صخب الف

لق وقوم معي لفرجيك ليش أغاريت مهمة هالقد وصارت كل هالمشاكل عليها

تنهد صافي ومشي معو كان صخب عم يكتب شيفرة المستودعات الي ما حدا بيقدر يدخل عليها غيرو بالمملكة
صخب: فوت …

دخل صافي وجال نظرو بالمكان وبانت علامات الدهشة عملامحو
صافي: شو هاد

مسك تحفة قديمة وهو عم يحكي من دون أكتراث صخب: هي المملكة عدا عن انها معلم أثري ادا اكتشفو رح يصير محط أنظار وطمع لكل الدول موجود فيه هاد المستودع الي لو عرفو بوجودو مستعدين يقتلو نص البشرية لحتى يحصلو عليه

صار يمشي بالمكان بأعجاب ويتفحص كل شي بيوقع نظرو عليه كانت الرفوف عبيانة بالمجوهرات, الأحجار الكريمة, الذهب والتحف النادرة
صافي: عندك كل هالتحف وصامد برا تحفة الطائر الحر وبتنقلي ياها من مكان لمكان
ابتسم صخب: هديك غير بالنسبة ألي قيمتها معنوية أكتر ما هي مادية بحسها بتعبر عني وبعتبرها رمز
سكت شوي وتابع حكيو صخب: مستودع الأغاريتيين هاد لا يقدر بثمن

صافي: فعلا شي غريب …

صخب: قصدك انو سميح بيك سلمني هالمكان

صافي: الصراحة هالمحبة والمساعدة هي في من وراها شي هيك أحساسي بيقلي

صخب: سميح بيك عرفان شو عم يتصرف لولا مساعدتي كان رح يتقاسم هالمكان مع 7 أشخاص وهو الثامن لهيك فكر يزيح هالعقبات عن طريقو ويتقاسم المكان مع شخص واحد لهيك كنت انا خلاصو الوحيد خصوصي ادا خبرني بالحقيقة

صافي: وليش ما زال هالعقبات بنفسو وصار المكان ملكو لحالو بعدين الي غدر بشركائو ليش لحتى ما يغدر فيك

كان صخب عم يمشي وصافي عم يمشي وراه فتح باب كبير وبانت على صافي السجون الموجودة بالمكان
صخب: وهاد سجن الأغاريتيين 100 زنزانة جوا المكان مع أساليب تعذيب كانو يستعملوها بهداك الوقت

صافي: ما جاوبتني !

تنهد صخب: معتبرني وسيلة منو ما بيلوث ايديه ومنو بدير المكان وبيضل تحت ايدو بنفس الوقت بس صدقني انو كتير مستهين فيني وفشر اني كون وسيلة رح يجي يوم ويكون تحت رحمتي فيه

صافي: ما اقتنعت اكيد في سبب تاني …

صخب: الصراحة شاكك بشي بس لسا ما تأكدت منو لهلق خليني اتأكد منو وبعد هيك لكل حادث حديث

صافي: شو هو هالشي!!

صخب: شاكك انو ما بيعرف كود المستودعات وعم يحاول ما يظهرلي هالشي لحتى ياخدو مني بطريقة غير مباشرة شاكك انو بس بيعرف كود أغاريت وان شاء الله بيطلع شكي بمحلو

بتعجب: ادا هو ما بيعرفو انت كيف عرفتو!!

صخب: كأنك صاير تسأل كتير ضوجتني اهم الشي عندي هلق انو اعرف الحقيقة وهاد الكود بالتحديد ما لازم حدا يخبر فيه غير انا وأنت
_________________________
صلبة أنا كضلعٍ ثابت لا يهزني ريح ولا يليقُ لصلابتي أنكسار...سينهزمُ العالم أمامَ قوتي ولن أهزم.
_________________________

صرلا ربع ساعة على نفس الحالة قاعدة عالكنباية ورافعة راسها عالسقف وهي عم تتأمل بخيالها من أول ما اجاها أتصال سامي وهي ما عم تحرك ساكن الكل ناطرها تحكي, تبرر او تشرح الي صار بس ما حدا عندو الجرأة يسألها ردت فعلها غريبة وكأنو عرفانين انو في خبر سيء ناطرهون

رفعت راسها وتطلعت بالكل بنظرة مو مفهومة فتون: سامي نهى العلاقة الي بيناتنا

ام مراد: شووو كيف!!

فتون: يعني امي ما بقى في خطبة او كتب كتاب ولا عرس بعد شهر مراد حاكي الشيخ قلو ما يجي وامي خبري الكوافيرة تلغي الحجز ولا تنسي الخياطة قوليلا التغى العرس ما عاد بدنا الفستان شو لسى كمان ادا تذكرت شي بخبركون اي صح المعازيم لازم نتصل معهون ونخبرهون كمان

كانت الصدمة باينة عوجوه الكل ما قادرين يفهمو كيف التغى عرسها بيوم كتب الكتاب وقادرة توقف بهالصمود كيف قادرة تكون بهالبرود هاد وهنن ذاتن دموعهن رح تنزل من قسوة هالموقف ما عارفين انو كرامتها الي نهانت قبل مشاعرها حطت سحر ايدها على كتفها وكانت عيونها مدمعة اعز رفيقة واخت عقلبها واخوها بالرضاعة الجرح كان عميق كتير

سحر: انتي منيحة …!

فتون: كرامتي الي نهانت قبل شوي وصارت ممحسة بالأراضي عرفتي شو محضرلي سحر

كان الشرار عم يطلع من بين عيونو وهو عم يسمع كلمات أختو مراد: انا بفرجي لهالواطي ادا ما برتكب فيه جريمة قليل عليه

قربت ام مراد من بنتها وضمتها لصدرها من الجهة التانية كانت واقفة سحر وجمبها ديانا كلون كانو عم يحاولو يهدو فتون الي بيعرفو كتير منيح انو ورا هالصمود هاد قلب عم ينزف وبدل الدموع دم قلبها وورا ملامحها القاسية أنثى ضعيفة انجرح كبريائها خلف كل شي عم تعيشو ابتسمت أبتسامة باهتة ورمقت الكل بنظرات عتاب وكأنو عم تلومهن مجرد انهن عم يواسوها

فتون: ممكن تتركوني لحالي وتطلعو لبرا تعبت من هالخطبة الي ما صارت وبدي أرتاح

ام مراد: لك امي شو الي عم يصير معك لك بدي ياكي تحكي بدي تبكي او تصرخي لا تخوفيني عليكي بترجاكي

فتون: أمي بتعرفي هاد الشي ما رح يصير

ام مراد: عالأقل خليني وقف جمبك

صارت تصرخ بهاللحظة وكأنها فقدت السيطرة على نفسها فتون: بيكفي… بيكفي عم قلكون تركوني لحالي بدي أقعد لحالي واستجمع حالي ليش بدكون تشوفوني ضعيفة لييش…!!
لك ك

حتى تودعو الشباب وفيكون تزوروهون كل فترة والتانية
التفت على ساعتو ورجع يحكي صخب: وهلق عن أذنكون صار لازم أمشي
________________________________

(قصر الأحمد)
عالساعة ستة المسا كانت سها قاعدة على تختها وملامح غريبة مرسومة على وشها عادت التسجيل الصوتي عشرات المرات لحتى تستوعب بس مانها قادرة تستوعب شي ما قادرة تفهم كيف يعني صخب هو نفسو رعد الي أبوها قتل أبو وباين عليهون انو صحبتهون قوية شو هاد المكان الي عم يحكو عنو شو يعني أغاريت مانها قادرة تستوعب شي كان لازم تفهم الي عم يصير حواليها لازم تعرف شو عم يخطط أبوها محتارة كتير بعد الي سمعتو لازم تخبر رعد ولا تضل ساكتة

تنهدت وألف فكرة براسها بس لازم تبلش مخططها حالاً تطلعت عالساعة بتوتر المفروض أبوها يكون طلع بهالوقت ضبت شنتاية صغيرة فيها بدلة سودة وقناع لبست جاكيتها ولحقت أبوها وهي عم تحاول تتخفى المفروض اليوم أبوها يستلم البضاعة لهيك لازم تلحقو لتعرف الي عم يصير دورت سيارتها ومشيت بعدو لحتى ما يلاحظ وجودها كانت حاطتلو برنامج تعقب بموبايلو لهيك رح تمشي بعيدة عنو ورح تلاحقو من دون ما يشعر بأي شي

كانت عم تمشي لما أبوها وصل عالمرفأ صف سيارتو الشخصية هناك واتجه لعند شخص عطاه مفتاح ومشي كان أبوها ماسك المفتاح ومتجه لعند شاحنة كبيرة ركب فيها ورجع يمشي من أول وجديد هون فهمت انو أبوها أستلم البضاعة وهلق رح يمشي عالمستودعات بعد ما مشي بحوالي عشر دقايق مشيت وراه كان برنامج التتبع عم ياخدها على مكان جبلي نوعاً ما مهجور ضلت مكفية وهي مستغربة من طبيعة المكان الي ماشية فيه

شوي ودخلت بين غابات عالية اتنهدت وصفت سيارتها بمكان بعيد أول ما عرفت انها قربت توصل كانت ما بدا تلفت الأنظار لهيك فضلت انها تمشي بلا سيارة لبست قناعها الأسود وصارت تتخفى بالعتمة كانت شايفة شوية رجال عم يحمو المنطقة عم تتخفى ورا الصخر لحتى ما يلاحظو وجودها لحد ما وقفت بمكان فاضي عاطيها انو هون مكان أبوها التفتت حواليها ما شافت أي شي بيدل على أنو ابوها موجود بهالمكان للحظة فكرت هل ممكن أبوها كشف انو عم تراقبو ورمى الموبايل عالطريق مسكت راسها بين أيديها اول ما دارتلا الفكرة
________________________

كان واقف سميح بيك بالنص بصالة أغاريت وجمبو 30 صندوق كبير عبيانة بضاعة مجهولة الهوية جمبو واقف صخب ومن الجهة المقابلة لألو واقف صافي تطلع صخب بسميح بيك نظرات غريبة وصار يحكي صخب: سميح بيك جهزتلك المستودعات لتحط البضاعة فيهن فتحتون وجهزتون عالأخير انت بس ارتاح بين ما نسفطهون انا وصافي

تطلع فيه سميح بيك بصدمة وعلامات غريبة ارتسمت عملامحو كان بدو يعرف رمز المستودعات بس بهالطريقة هي ما استفاد شي كان عم يحكي بقلبو والغضب مسيطر عليه ( بسيطة يا صخب أخرتي اعرف الكود لكن عم تتحداني انا فشرت ولا ستين واحد متلك رح أعرف الكود وبعدها رح أنهيك عالأخر)

بدقايق سريعة بلشو رعد وصافي ينقلو بهالبضاعة وياخدوها عالمستودعات وخلال نص ساعة كانت كل البضاعة بالمستودعات
نفض صخب أيديه من الغبرة وتطلع بسميح بيك
صخب: اووف واخييرا خلصنا
صافي: اي والله جد تعبنا
ماسك فنجان القهوة وهو عم ينفخ بالسيجار الي بأيدو وعم يحكي ببرود سميح: يعطيكون العافية قعدو بدي أحكي معكون كلمتين

قعدو عالصخرة الي قبالو وهنن عم يسمعو بأهتمام سميح: البضاعة هي مخدرات

صخب: كنت متوقع والمطلوب

هز راسو بعدم أكتراث سميح: ولا شي كنت عم خبركون وبنفس الوقت أجيتكون بعرض مغري

ارتسمت عصخب ملامح القلق وهو حاسس انو جايي شي مو منيح صخب: اتفضل أحكي عرض شو الي جايينا فيه

نفخ نفخة بالسيكارة وتابع كلامو
سميح: صديقي طبيب جراح يعني بيشيل أعضاء بيركب أعضاء فينا نقول هيك شي يعني الشخص الي ما لازمو عضو بيشيلو وبيركبو لشخص تاني لازمو ولحتى يمشي شغل هالطبيب صح لازمو مكان ليمارس فيه مهنتو الخلوقة الي كلا انسانية وبتهم مصلحة الانسان ومقابل هالمكان الأمن هو مستعد يدفع 100 دولر للشخص الواحد عالساعة الوحدة

صار يحكي والقلق سيطر عليه صخب: قصدك تجارة أعضاء !

ابتسم بمسخرة وطفا اليسكارة برجلو سميح: طبعا متل مافي تجارة كهربائيات, تجارة غذائيات, تجارة مواد صناعية في شي أسمو تجارة أعضاء

صخب: بس سميح بيك هاد الشي في أرواح ناس نحنا رح نكون السبب بقتلهون في أطفال رح تتيتم بترجاك عيد النظر بمشروعك هاد

قاطعو سميح: اشتغل ضميرك الهيئة ادا كتير عم يوجعك وعم تجيك نوبات حادة خدلك مسكن ضمير
شال رزمة مصاري وشلفها بوجهو سميح: هدول بينفعو كتير
وقف وهو عم يرمقو بنظرات حادة سميح: وحدة المسا ووحدة الصبح ولا تنسى تخبرني بمفعولهون معك أسبوع اقصى حد لتفكر وتردلي خبر يا أبو ضمير

ترك وراه براكين شاعلة ومشي من أغاريت كان صافي ماسك كتف صخب والصدمة مرسومة على ملامحو ما كان متوقع انو يكون بهالوساخة هي صار صخب يمشي وهو عم يمرر أيديه بين شعرو والضيق باين عليه

صخب: لك شو هالمصيبة هي من

الت رح يخبر بهالسر رح أقتلو بوعدك اني ما رح أتردد بأني أقتلو وانت بتعرفني كتير منيح…

صخب: تمام بوعدك ما حدا يخبر غير صافي وديمة

سميح: بتمنى

تطلع صخب بساعتو ورجع وجه نظرو عسميح بيك صخب: الوقت تأخر لازم أرجع عالبيت كان الحوار لطيف معك بس مضطر أمشي

وقف على رجليه هو كمان وتابع حكيو: قبل ما تمشي بدي خبرك جاي شحنة بضاعة لازم نحطها بمستودعات أغاريت

انقلبت ملامح صخب: اي تمام بس شو طبيعة البضاعة !!

غمزو سميح: بتوقع ما كتير بيهمك هالشي بعد يومين الساعة ستة المسا البضاعة رح تجي وانا رح كون موجود هناك

صخب: بس الأشخاص الي رح يجيبو البضاعة

قاطعو سميح: فكرت بهالشي لهيك رح جيب البضاعة بنفسي هالمرة فهام عليي البضاعة هي كتير بتهمني وضروري تفوت أغاريت عم تفهم

صخب: متل ما بدك سميح بيك
____________________________
كرامةَ المرأة هي أثمنَ ما تملك, فهي على أستعداد بأن تحطمك, بأن تنفيكَ من حياتها وأن كانت تعشقك بجنون أن مسَ الأمر كرامتها ستبتعد عنك وكأنك لم تكن, ستقتل كل نبضة لك في قلبها كأنك ما حييت به يوماً.
____________________________

كانت راجعة عالطريق وعيونها محمرين من البكا أنفها محمر من نسمات الهوا الخفيفة وعم تتخبط بخطواتها بعشوائية كان في الف فكرة براسها وألف تفكير بس الي متأكدة منو انو لازم تمحي سامي من حياتها متل ما دخلتو لازم تنهي جواتها وتقتل كل نبضة بقلبها بتدق بأسمو كلماتو كسرت كرامتها وأصعب شي عندا المرا أنو تنهان كرامتها حسسها انها وحدة رخيصة وحدة قاتلة حالها عليه وحدة بلا كرامة وكبرياء بس كان ضروري تسمع كلماتو لحتى تتأكد انو ما الو مكان بقلبها بعد اليوم وسط سلسلة من التخطيطات والتفكيرات العميقة طلعت موبايلها وفتحت على رقم سامي كانت أيدها عم ترجف ومتوترة عملتلو حظر وحذفت رقمو من عندها كانت المهمة أصعب من ما بتتخيل كانت عم تتمتم بصوتها المخنوق

فتون: غبي انت واحد غبي سامي

فجأة انحطت أيد على كتفها ولفتها لعندها كان عم يطلع عليها بنظرات أستغراب وكأنو مصدوم من الي عم يشوفو معقول فتون تبكي كان منظر غريب بالنسبة ألو ما بيتذكرها لو مرة وحدة بحياتو بكيت لأي سبب كان هون فهم وتأكد انو هي فعلاً مجروحة قربها لصدرو وضمها لعندو وسط ملامحها المذهولة من الموقف

مراد: انتي منيحة كيف حال قلبك اليوم

حاولت تبعد حالها عنو بصعوبة وتمسح دمعاتا بطرف أيدها بالنهاية ما بتحب أي حدا بالكون يشوفها ضعيفة حتى لو كان أخوها
فتون: انا منيحة ما فيني شي

شدها لعندو أكتر وصار يطبطب على كتفها بهدوء لحتى يهديها مراد: بيكفي تكابري أختي بعرف أنك مانك منيحة حاج توهمينا انك بخير وانتي مانك بخير انا بعرف انو قلبك مكسور ابكي لا تكتمي دموعك البكا بريحك

فتون: بسسس

قاطعها مراد: هشش خليكي ضامتيني وعم تبكي انا ما رح أتطلع عليكي أبكي عراحتك أقلك سر لحتى ترتاحيلي انا الرجال مرقت عليي فترات لما سافرت كنت أبكي فيها كنت سكر عحالي الباب وأبكي لحتى ما حدا يشوفني بسبب الي عملتو بحالي والي عملتو بديانا صدقيني البكي بريح وأوعك تفكري انو البكي عيب

كانت عم تشهق وهي عم تبكي واستسلمت بين أيديه فتون: انت بكيت على ديانا أخي يعني أنت عنجد بتحبها

ابتسم مراد: كتير ليالي كنت أغفى وانا عم أبكي انا يا أختي ظلمتها ومستحيل سامح حالي على الي عملتو معها بس صدقيني الي كان السبب رح يدفع التمن غالي

ضمتو بقوة ووقعت بنوبة بكي هستيرية كان قلبها عم يحترق ما عم تعرف توصف مشاعرها في جواتها نار وشاعلة الي بيشوفها مستحيل يصدق انو هي نفسها الضابطة فتون الي بتبكي ألف رجال وما بتنزل دمعة من عينها ما بيصدق انو نفسهر الي بتقهر وما بتنقهر ضلت دقايق على نفس الوضعية هي عم تبكي ومراد عم يطبطب على كتفها بعد ما هدت من حالها ورجعت استعادت طاقتها رفعت حالها عن كتف مراد

فتون: بتصدق مراد بهالشهر تقربت منك أكتر من سنين حياتي كلايتها حاسة حالي ولا كأني كنت بعرفك ولا كأنك كنت اخي انت تغيرت كتير يا مراد وصدقني مبسوطة كتير بوضعك الجديد

حاوط كتفها بأيدو وصارو يمشو بالحارة وهو ضاممها ما سألها على شي ما حاول يفهم منها شو مدايقها كان ناطرها هي لتحكي بالنهاية ما بدو يجبرها على شي هي ما بدا ياه

فتون: لا تاكل هم مراد انا رح كون قوية وصدقني انت أول شخص رح ألجألو اول ما يصير معي شي جديد انت قلي شو أخبارك كيفك

ابتسم وقرص أنفها الأحمر مراد: انا منيح وكتير كمان

حركت راسها بحركة سريعة ليشيل أيدو فتون: اوف مراد بكره هالحركة لا بقى تعيدها هات لشوف قلي شو سبب هالسعادة فرحنا معك

مراد: هلق لما تفوتي عالبيت بتعرفي
فتون: وشو رح يصير لما فوت عالبيت !
رجع قرصها من أنفها مرا: خلينا نفوت
صرخت بوجهو
بهاللحظة تركها معصبة ودخل لجوا وهو عم يركض عم يضحك على ردة فعلها كان عم يستفزها ما أكتر دخلت وراه عالبيت وهي عم تتوعدلو بقلبها

بهالأثناء كان صخب قاعد بسيارتو وعم يراقب الوضع بهدوء كان عم يشوف شعر ف

منتشرة بالمكان شايفة المقدم صخب وجمبو شخص تاني جمب الموقدة وعم يدفو أيديهون بالنار, هون عرفت انها عم تهلوس وأنو الي عم تشوفو مجرد كابوس ما أكتر قربت منهون بخطواتها الهادية وصارت تطلع فيهون بنظرات تعجب التفتت لعند صخب

فتون: انت شو عم تعمل هون بكوابيسي…!

صخب: فقتي…

هزت راسها بحركة عفوية فتون: ما بتوقع لأني لسا عم هلوس وعم كوبس بس الي مستغربتو انت شو عم تعمل بكوابيسي

كتم ضحكتو وهون قدر يستوعب شو عم تحكي الهيئة لسى ما قدرت تستوعب الي صار تطلع فيها بتفاخر ورفع راسو بثقة صخب: طبعا انا حلم شو بدي أعمل بالكوابيس

فتون: شو عم يصير معي …!

صخب: انا خطفتك

هزت راسها فتون: الهيئة مثقلة بالأكل كتير قبل ما أنام

هون صافي معد يقدر يكتم ضحكتو وبعد ما ضحك صافي وقع صخب بنوبة ضحك هستيرية وكأنو هو التاني معد يتحمل هون فتون شدت على قبضة أيدها بغضب وكانو قدرت تفهم انو هي فعلاً مخطوفة

فتون: انت مين
ليش جايبني على هاد المكان !

وقف صخب ضحك وتطلع فيها بنظرات عميقة
فتون: شو بدكون مني!

غرق بين عيونها وخصلات شعرها المنسدلة على وشها بعشوائية بطل عارف شو بدو يحكي وكأنو ما فهمان شي هو ما بدو يأذيها ما بدو ياها تعرف سميح بيك ولا حتى تعرف السبب الحقيقي الي خطفها منشانو خنق صوتو وضل مركز بعيونها وهو عم يحكي صخب: جبتك لانتقم منك…

فتون: تنتقم مني!
ليش انت مين وانا شو عملتلك لتنتقم مني

شتت نظروا عنها وهو عم يحكي صخب: كل شي بوقتو حلو برأيي لا تصري كتير رح تعرفي كل شي بس بوقتو

كانت عم تطلع فيه وهي لسا مانها فهمانة فتون: انت واحد مريض صدقني لتندم انا أصلاً بعرف انك مانك نضيف وبعرف انك عم تخبص بالفرع بس ما توقعت انو توصل مواصيلك انو تخطفني انا
سكتت شوي ورجعت تابعت حكيها: طبعاً وجودي خطر عليك وعالأنسة سماح ما عم خليكون تتحركو متل ما بدكون بس صدقني رح أكشف أوراقكون قريباً

ابتسم بكيد صخب: هه هي لحتى تطلعي من هون بالأول بعدين هددي عكيفك…

اكتست وشها ملامح الغضب وكأنها مو قادرة تستوعب الي عم يصير فتون: يا حقير صدقني لتندم

تركتهون وصارت تركض بالممرات بمحاولة منها لتلاقي باب هالمكان الغريب هاد كانت عم تتفحص المكان بعيونها بلكي بتلاقي شي يفيدها فتلت المكان أربع مرات كاملين وما كانت تلاقي المخرج كان صخب عم يراقبها بعيونو وعم يضحك على منظرها ما استسلمت كانت مصرة انها تلاقي مخرج

تصنع البرود وعدم الأكتراث صخب: لا تتعبي حالك أكتر هاد المكان لعنة والي بيدخل عليه مرة ما بيطلع منو بحياتو غير على جثتو
_______________________________

(قصر الأحمد)

كانت نهى عم تروح وتجي بالغرفة والتوتر باين عملامحها كل شوي تطلع بساعتها وباين عليها القلق والخوف على أختها الدموع مجمعين حوالين عيونها ومانها عارفة شو تعمل مالها بالعادة تبكي بس كل ما بيخطر عبالها انو ممكن تكون عملت بحالها شي بترجع بتوقع بنوبة بكي هي بتعرف انو أختها مالها بالعادة تنام برا البيت وخصوصي بعد أختفاء عدي صارت منعزلة كتير وخسرت أغلب رفقاتها من المسا عم تدق لموبايلا بلا فائدة ركضت أول ما سمعت انفتحت مسكة الباب

تطلعت عليها من تحت لفوق وضمتها بأندفاع اول ما شافت سها نهى: لا بقى تتركيني لحالي وتروحي انا ما فيني عيش من دونك

بعدتها سها عنها شوي وابتسمت وهي عم تطبطب على كتفها سها: هي انا هون ما رح أتركك شو عم يصير معك

مسحت دمعة عالقة على طرف عينها نهى: خوفتيني عليكي كتيير فقت بالليل ما لقيتك دقيت على موبايلك عطاني خارج التغطية ومن الصبح صرلي عم حاول دقلك بلا فائدة قلقتيني عليكي كتير لك وين كنتي أختي

سها: ههههه معناتا خليني دائما أختفي مشان تقلقي عليي

زورتها نهى: غليظة لا بقى تعملي فيني هيك ما تعرفي شو كنت عم حس وبشو كنت عم فكر

مسحت الدمعة العالقة على عين أختها وابتسمت لتحاول تهديها سها: لك أختي مافي داعي للقلق كل القصة انو حسيت حالي مخنوقة فحبيت أطلع من البيت لأني حاستو عم يخنق على صدري بعدين أنتي من ايمتا بتخافي عليي

شتت نظرها عنها نهى: تفكيرنا المختلف وأهتمامات كل وحدة فينا الي بعيدة عن التانية ما بتنفي حقيقة أنو نحنا خوات ومالنا غير بعض وخصوصي

قاطعتها سها: وخصوصي أنو أمك وأبوكي مو فاضيلنا نهى تأكدي انو أنتي أقرب شخص لألي انا ما بنكر أني بدايق لما بشوفك بتفكري بالبرستيج والمظاهر وهي القصص بس ما بزعل منك لأني بحبك بالأول كان عدي الله يرحمو وبعدو سليمان من أقرب الناس لألي بس هلق مالي غيرك

نهى: الله يرحمو ؟

تنهدت سها: أبوكي تخلص من عدي نهى قتلو لأنو خاف اني لاقي وأحكيلو الحقيقة خاف تظهر الحقيقة وينفضح لهيك تخلص منو

نهى: انتي شو عم تحكي ؟؟

سها: مع الأسف هي الحقيقة انا سمعت أبوكي بأذني وهو عم يقول لأمك انو تخلص منو وقتلو مبالك انا حاقدة على اهلك عن عبث لك هنن أذوني وكل يوم عم يأذو أشخاص تانيين غيري

خنق صوت نهى وكأنها مو قادرة تتحمل كل هالصدمات التفتت لعند اختها بن

كتب بهاللحظة لزقت جهاز التنصت الي أعطاها ياه المقدم صخب تصنعت البرود وتابعت حكيها ولا كأنو شي صار ديانا: ما بدي شي كل القصة اني اجيت لودعكون لأني رح سافر على أيطاليا لكمل تعليمي هناك حبيت ودع رفقاتي لأخر مرة قبل ما سافر وكنت حابة قلك كلمتين

كانت عم ترمقو بنظرات صارمة ديانا: تأكد استاز أسعد اني ما رح سامحك بحياتي رح يجي يوم وتنال جزاتك على كل دمعة نزلت من طفل بهالميتم انا متأكدة من هاد الشي ما رح قلك غير كلمة وحدة الله ينتقم منك وانا واثقة انو رب العالمين رح ياخدلي حقي وحق هالأطفال الأبرياء

تطلعت بساعتها ورجعت التفتت لعندو ديانا: هلق انتهى الوقت بتمنى لما أرجع من سفري ما شوفك هون...بخاطرك

تطلع فيها بصدمة وهو عم يسمع كلمات أول مرة بيسمعها منها هي نفسها ديانا المسالمة الي كانت تخاف منو وتعملو ألف حساب نفسها ديانا الي كانت تنظلم وتضل ساكتة كان فعلاً مصدوم وكأنها وحدة تانية حتى شكلها مختلف عيونها الزرق زايدين صرامة وقوة وشعرها الأسود الطويل عم يعطيها جاذبية
تركتو غارق بتفكيرو وطلعت من المكتب بهدوء تام بس جواتها كانت مبسوطة كتير أول الشي انو قدرت تواجهو وتحكي كل شي كان نفسها قبل تحكي وتاني شي انو قدرت تحط جهاز التنصت الفرحة كانت غامرتها لأنو وأخيرا رح تقدر تاخد حقها منو
___________________________

(في الفرع)

كانت سحر عم تروح وتجي بمكتب سامي وحاسة بشعور مزعج على فراق فتون الف فكرة عم تراود مخليتها وما بتعرف ليش حاسة انو في شي غريب بالموضوع

سحر: الفرع من دون فتون صار ممل كتير

تنهد سامي: معك حق سحر يا ترى أنتي بتعرفي رفيقتها لفتون الي ماتت أمها

هزت راسها سحر: كانت تحكيلي فتون أنو عندا رفيقة بالضيعة بس انا ما بعرفها شخصياً للبنت
طقطقت رقبتها وقعدت عالكرسي قبال سامي سحر: حاسة في شي غريب بالموضوع ما بعرف ليش ماني مصدقة مراد طيب لو راحت لعند رفيقتها عالضيعة ما كانت عالأقل اتصلت فيني وخبرتني…

سامي: لا تفكري كتير سحر مراد شو ألو مصلحة ليكذب مثلاً!!
بعدين انتي بتعرفي كيف بتكون أجواء العزا يعني أكيد ما فاضية للحكي

تنهدت سحر: ما بعرف بس رح يصرلا 3 أيام مختفية وهي بالعادة كل يوم بتحكي معي لهيك مستغربة والأحلى انو موبايلا مقفول اصلاً

سامي: طيب ما يمكن رفيقتها ساكنة بمكان ما بتوصلو تغطية

سحر: ان شاء الله خير
_______________________

قدام أجهزة كمبيوتر كبيرة وعالية قاعد صخب ومنير عم يسمعو لصوت مدير الميتم بأهتمام لكل تحرك بيصير بهداك المكان كانو مركزين كتير منيح فجأة وسط الهدوء سمعو صوت طبقة باب

أسعد: متل العادة ادا ما سمعتي الكلمة رح تنحرمي يومين من الأكل

كان واضح صوت شهقات البنت الصغيرة من جهاز التنصت زاد الصوت وركز بأهتمام ليفهم شو عم تحكي م: مشان الله لا تعملي شي مشان الله لا تأذيني

هون صخب جن جنانو وقبل ما يكمل الحديث لبس جاكيتو وصار يركض ومنير عم يركض وراه جمع معو كم عنصر من الفرع ومشيو على مكان الحادثة بأقصى سرعة ممكنة بعد عشر دقايق سواقة نزلو من سيارات الشرطة وداهمو الميتم من جميع الجهات كان الغضب مسيطر عملامح صخب لما رفس الباب برجلو وشاف مدير الميتم بوضع مخل للأداب رمقو بنظرات حادة وشدو من قبة قميصو وهو عم يصرخ بوجهو

صخب: من دون ما تحكي ولا حرف شرف معنا عالفرع التهمة راكبتك من راسك لرجليك

أسعد: انتو شو جابكون شو بدكون مني

دفشو عالعناصر وأشرلهون ليكلبشو كان باين عملامحو الخوف والتوتر صخب: بالفرع بتعرف شو بدنا منك

ألقى صخب نظرة سريعة عالبنت المتكورة عجسمها بالأرض وباين انو كانت مرعوبة صخب: انتي بخير عمو!!

اكتفت بأنو تهز راسها من دون ما تحكي شي طلعت من مكتب المدير وباين انها مرعوبة تنهد صخب وحس بشوية سعادة جواتو انو قدر يحمي هالطفلة من هيك حشرة ما كان مصدق حالو انو بهالشهر صاير انسان تاني وكأنو طاقة فتون الأيجابية أثرت عليه وخلتو يحب الخير حاسس حالو انسان جديد من أول ما عرفها معد يشوف غيرها وكأنو فعلاً مافي غيرها

____________________________
(أغاريت)

كعادتها من أول ما اجت على هالمكان قاعدة قبال الموقدة الحطب وحاطة شال خفيف على كتافها غرقانة بتفكير عميق بسبب الحال الي وصلتلو فجأة لمحت صخب جاي من برا
بعد الأحداث الأخيرة قدرت تفهم انو باب أغاريت جاي من فوق وانو لازم يدخلولو كود ليقدرو يدخلو بس لهلق ما عم تقدر توصل لهالكود تنهدت لما حست بخطواتو عم يقرب لعندها قعد قبال الموقدة وحط أيديه بأتجاهها ليحاول يدفي من حالو

صخب: كيفك

رمقتو بنظرات حادة فتون: ماني منيحة بوجودك

صخب: بكرا بتتعودي علي

فتون: هي صرلي 3 أيام بهالمكان الي عم يطبق عصدري قلي شو بدك مني انا مستعدة أعطيك الي بدك ياه بس اتركني بحالي

تطلع بعيونها وكأنو غرق بيناتهون صخب: انا ما بدي منك شي بس بدي تكوني بخير

فتون: انت واحد مريض تركني بحالي اهلي بيكون مشغول بالهون عليي

قلب ملامحو وهو عم يحكي

الي طلع منو رجع بس هالمرة وهو حاملها فوق كتافو دخل على أغاريت ودخلها على غرفة شاعلة فيها النار عم يتفحص أيديها من أثار الجروح وعيونو عم تدمع من القهر

مددها عالسفنجة الي جمب الموقدة وغاب ثواني وهو عم يجيب المعقم ولزاق الجرح كان عم يمسحلا أثار الدم عكتفها وهو عم يبكي لأول مرة بيحس حالو ضعيف هيك لأول مرة بيبكي وما بيقدر يسيطر على مشاعرو مانو عرفان كيف وصل لهالحالة من العشق هو ما كان بدو ياها تنأذى كان بدو يحميها ما كان بيعرف انو هو عم يضرها بدل ما يحميها عم يقتل جواتها الحياة وهو عم يحارب الحياة
بالوقت الي كان غافل فيه عن حبها سلبتو من ذاتو ومن كل العالم ما كان عرفان انو رح تسلبو كل قوتو وجبروتو رح تخلي يعيش مرة تانية هي الي رح تنعش قلبو وتخلي يدق للحياة

كان عم يحاول يوقف دموعو ويتمالك نفسو مسك أيدها وهو منهار كان عم يهمس بكلمات ممزوجة بالألم
صخب: انا السبب والله انا السبب الله يوفقك لا تموتي وتتركيني بترجاكي فيقي وما بصير غير الي بدك ياه كلون راحو وتركوني بس انتي لا تروحي بعرف لما تفيقي رح تكوني اكتر حدا بالعالم بيحمل كره تجاهي رح تحقدي عليي وما تتخيلي صورتي وانا رح كون اكتر حدا بالعالم بيحملك حب بدي فيق واغفى عصورتك رح خليكي تسامحيني عكل شي بوعدك خليكي تسامحيني انتي بس فيقي…

وسط هالهمسات أجى من وراه صافي وحط أيدو على كتفو وتطلع فيه بأستغراب
صافي: أنت بخير

هز راسو صخب بأنكار صخب: انا ماني بخير ابداً خليها تعيش وما بدي شي من هالدنيي

كان صافي مستغرب من الوضع الي هو فيه مستغرب من تيابهون المبللة من المي والجروح المغطية وشهون أخر شي بيتذكرو انهون راحو لينامو كلايتهون ما بيعرف شو صار بعد هيك بس كان ما حابب يسأل لأنو شايف وضع رفيقو ما بيسمح لهالشي

صافي: كل شي رح يكون منيح لا تخاف انا متأكد انها رح تصحى

كان عم يحكي بقهر والدموع مجمعين حوالين عيونو صخب: ادا صحيت رح سلم حالي للشرطة رح أعترف بكل شي عملتو ولو كان مصيري حبل المشنقة عم تفهم عليي صافي

تنهد صافي: رح روح نادي لديمة تبدلا تيابها بلا ما ترتفع حرارتها

هز براسو وهو عم يراقب الوضع الي حطها فيه

_________________

(بعد ساعتين)

بأغاريت قبال موقدة النار الي عم تلتهب كانت ممدة فتون على سفنجة رفيعة وعم تهلوس من ألمها وهي عم تتذكر كل شي صار معها الليلة الماضية كانت الساعة خمسة الصبح لما بلشت تستعيد وعيها مغمضة عيونها وحاسة بألم بروحها كانت عم تسترجع ذكريات هديك الليلة لما كانت عم تتسمع على حكي صخب وصافي وديمة ومن بعدها صار معها الي صار

_________________________
الليلة الماضية…

كان صخب ضامم رجليه لصدرو وغارق بنوبة تفكير طويلة
صخب: هاتو لشوف حكولي شو قصتكن انتو اليوم ليش مانكن على بعضكون

ديمة: انا قايمة شوف فتون وأحكي معها بعد الي صار

هزلا براسو صخب: ديمة قعدي هالحركات ما عليي

حست بشوية أحراج من نظرات أخوها الي عم تتفحص تصرفاتهون هي وصافي
صافي: ايي

صخب: أنتو الي اي هاتو لشوف حكولي شو القصة الله يسمعنا الأخبار الطيبة شايفكن من الصبح مانكون على بعضكون طول الوقت عم تتهامسو ووجوهكون غريبة

استجمع صافي كامل قوتو وركز بعيون صخب صافي: بصراحة ومن دون مقدمات انا بدي أختك

صخب: شووو!!

صافي: شو شو انا بدي أطلب أختك

تطلع بديمة ليحاول يفهم أكتر صخب: وأنتي يعني قصدي انتي بدك ياه كمان

كانت عم تفرك بأيديها بخجل وهي عم تطلع بالأرض
صخب: شو بفهم يعني انتي بدك ياه كمان!!
التفت لصافي: ايمت صار هالحكي!

ديمة: أخي لا تفهمنا غلط اليوم الصبح حكى معي صافي وسألني عن رأيي

لف المسبحة على أيدو وهو عم يحاول يغيظهون صخب: امم ان شاء الله خير لكن أبقى منسأل عنك بعدين منردلك خبر يا أبني

تطلعو صافي وديمة ببعضهون وكتمو ضحكاتهون هون صخب تابع حكيو ليخليهون فعلاً يضحكو صخب: وما تحكو من الصبح يعني ليش مخبيين متل الي عاملو شي عملة شو بدي أحسن من هيك صهر كديش ببلاش

ضربو صافي على كتفو صافي: مو قدام أختك يا حمار

صار يضحك صخب وباين انو ملامحو مو طبيعية هون تطلع فيه صافي وصار يسألو بعيونو صافي: وانت شو أخبارك مع الحب !!

ابتسم صخب: ههههه ضحكتني فعلاً أبقى بكرا بس تعرف أنو انا الي هددت سامي بعيلتو كرمال يتركها تعى سألني شو أخباري مع الحب

هون فتون حطت أيدها على تمها وكأنها ما استوعبت الي سمعتو مانها قادرة تستوعب الي صار يعني رعد العساف هو كان السبب بكل شي صار معها هو الي فرقها عن سامي بيوم كتب كتابهون وهو السبب بأنو تنهان كرامتها وتنجرح حطت أيدها على قلبها وهي حاسة بألم فضيع شعور سيء كتير كان قلبها عم ينزف عم تلعن حالها مية مرة ليش قلبها لسا عم يدقلو بعد ما عرفت كل هالحقائق ليش عم تحس بشي تجاهو لدرجة بتحس قلبها رح يوقف كل ما بتشوفو حبست راسها بين أيديها وصارت تبكي من الألم الي عم تعانيه من العشق الي ما بدها تعلق قلبها فيه كانت حاسة حالها ضعيفة لاول

اك وخلت شعرها البني يتطاير مع نسمات الهوا الخفيفة سندت حالها على حرف الشباك بالوقت الي كانو فيه سحر وسامي واقفين قبال بعض وناطرينها لتحكي تنهدت فتون والتفتت لعند سامي وهي عم تحكي معو

فتون: انا عرفت كل شي…

سامي: شو الي عرفتي !!

رمقتو بنظرات صارمة وتابعت حكيها فتون: عرفت السبب الي خلاك تتركني بيوم كتب الكتاب سامي عرفت ليش تخليت عني بهداك الوقت وخلاك تقسي قلبك

قرب منها بضع خطوات لوقف قبالها مباشرة مسك أيدها وهو عم يحكي سامي: انا ما تخليت عنك انا كان لازم أحمي عيلتي وأحميكي لأني لو ما عملت هيك كان خسرت كل شي

سحبت أيدها منو ببرود وبملامح باهتة كانت عم تطلع بعيونو من دون ما تشعر بأي شي تجاهو أشرت أصبعها تجاهو بنبرة تهديد فتون: بحذرك سامي هاد الحكي كلو ما بيهمني, كان فيك تخبرني بوقتها كان يمكن نلاقي الحل مع بعض, كان ممكن نساند بعض ونطلع من هالمشكلة لو تساعدنا يا سامي كان عرفنا مين الشخص الي عم يهددك …

نزل راسو عالأرض بشوية خجل من الي صار سامي: الشي الي صار كان بشع كتيير…

قاطعتو فتون: بس عالأقل خلاني أصحى روح سامي رجاع لعيلتك لمرتك وأبنك حاج نكذب على بعض أنت لسى بتحبها لليلى روح وقف جمبها هي بتحبك وما بتستاهل الي عم تعملو فيها انا ما بنكر وقفتك جمبي بكتير مواقف ما بنكر شهامتك بأوقاتي الصعبة ومساندتك لألي بس أنت يا سامي ما بتحبني

بهاللحظة حس وشو خنق وصوتو ما بقى طلع كانت سحر مكتفة أيديها وعم تسمع الحديث الي عم يدور بيناتهون ما قادرة تحط الحق على أي طرف سامي بيضل أخوها بالرضاعة وفتون بضل رفيقة عمرها وأختها الي جابتها الأيام…
لحظات قليلة ونسمع صوت طرقات الباب بخفة دخل منير وهو عم يجول نظرو بالمكان

منير: أحترامي سيادة الضابطة

تنهدت فتون والتفتت لعند منير فتون: فوت منير جد ما بعرف كيف أتشكرك أنك اهتميت بالمكتب بغيابي

ابتسم منير وهو عم يجاوبها منير: ولو انا ما عملت شي المقدم صخب وصاني أهتم بالمكتب بغيابك …

تاهت ابتسامتها وكأنها بهاللحظة شعرت بالضياع رجعت التفتت لعند منير وهزت راسها بمحاولة منها لتغير الموضوع
فتون: طمني منير كيف شغلك مع مراد!!

ارتسمت ابتسامة عشفافو بتعبر عن مدى سعادتو منير: ممتاز كتير منيح وخصوصي مع راتبي بالفرع الحمدلله المقدم صخب غير رأيو بالنسبة لهداك القرار وأموري كتير تحسنت

ابتسمت بعفوية لما عرفت انو صخب عم يغير حالو للأحسن ابتسمت لأنو عرفت حالها انو عم تأثر عليه بحكيها وعم تغيرو للأفضل

منير: أجيت لخبركون أنو رح نطلع بمهمة كلايتنا ضباط وعناصر المقدم صخب طلب مني خبركون

________________________

بعد ما تم تجميع كافة الدلائل والأثباتات بشكل سري ما كان في داعي لينطر صخب ليجي تاجر الاعضاء الدلائل الي بين أيديه بتكفي وزيادة
وهلق اجى الوقت للحظة الحاسمة دقت ساعة الصفر وأجى وقت الجد لبس صخب الفاروقي جاكيتو وأخد معو كل العناصر الي بالفرع أتصل بالأعلام لحتى تصير القضية قضية رأي عام لحتى بهالحالة شو ما صار ما يقدر يهرب سميح بيك من أيدين العدالة كان لازم يتعاقب وينال شر أعمالو بخطوات حادة عم يخبط صخب برجليه ليلفت لألو كل الانظار رغم انو أغلب الي بالفرع بيكرهو من أول يوم بعد حادثة منير بس كان فارض قوة شخصيتو وهيبتو عالجميع

كان وفد كبير متجه على قصر سميح الأحمد وهنن ما فاهمين شي مجموعة كبيرة من الضباط بيناتهون سامي, سحر وفتون وحتى سماح, عناصر واعلاميين حاملين كميراتهون ورايحين ليصورو هاللحظة التاريخية

رفس صخب باب القصر برجلو وبعد عن وجهو كل الحراس الي واقفين بباب القصر وبهاللحظة اندفعت الناس كلايتهون على قصر الاحمد كان عم يتوجه بخطواتو الثابتة على مكتب سميح بيك

نهى وزمرد عم يركضو بأتجاه الوفد الي دخل على قصرهون من دون استئزان وهنن مو فاهمين شي من الي عم يصير كان الذعر باين بشكل واضح على ملامحهون لما مسك صخب سميح بيك من قبة قميصو ودفشو عالعناصر

جلس حالو سميح بيك بصعوبة وما فاهم شو الي عم يصير سهل قبة قميصو وصرخ بصوتو الحاد سميح: يا غبي شو مفكر حالك عم تعمل

ابتسامة باردة أرتسمت على ملامحو صخب: يلي كان لازم أعملو من زمان

التفت عالعناصر وهو عم يفرض أوامرو صخب: عناصر كلبشو أيديه

التفت سميح الأحمد عالناس الي حواليه بغرابة وهو مو فاهم شي شو الي عم يصير كيف واحد من زلمو عم يتجرأ اصلاً ليعمل هيك شي لمح الصحافة رافعة كميراتها بأتجاهو وعم تلقط الحدث أول باول هون تكللت ملامح الغضب على وشو ونتر حالو من بين أيديهون

سميح: انتو عم تتصرفو تصرف كبير بحقي عم تعملو شي رح تندمو عليه لبعدين صدقوني

هز راسو بأستهزاء صخب: صدقني هالمرة أنت الي رح تندم مو نحنا هالمرة وسخك كلو بين أيدينا ومعنا قرار من الجهات العليا بألقاء القبض عليك
التفت عالعناصر: كلبشو وخدو عسيارة الشرطة

لحظات فريدة من نوعها عم تشهدها الساحة بهالوقت ناس شمتانة وناس مبسوطة لهالخبر الكميرات عم تلتقط الصور للحظة اعتقال واحد من أكبر مسؤو