📚قصص||روايات||منوعة📚

#عايزين_نتغير_رمضان_قرب

🌹 #الحلقة_الخامسة🌹

💡حلقة إنهارده مهمة جدا..حديثنا اليوم بإذن الله هيكون عن كل شاب وبنت بدأوا الإلتزام جديد..يعني لسه سنة أولي إلتزام🙂

👈لازم تفهموا إنكم بمجرد ما بدأتوا في طريق ربنا سبحانه وتعالي فأنتوا بدأتوا #حرب👌...ايوه حرب🙂
💡حرب الطرف الأول فيها هو👈 #الشيطان والنفس والهوي والفتن والدنيا
💡والطرف الثاني فيها هو👈 #إنت..ومفيش محارب بدون أسلحة😉..علشان كده لازم في الحرب دي تكون متمسك بكل أسلحتك..بكل الأسلحة إل هتساعدك علي الثبات

🎀لازم نفهم إن شباب كتيييير بيقولوا هنلتزم وبيبدوأ..بس المهم إل هيستمر وهيكمل علي الطريق💪
💡لازم تبقي عارف إن من الطبيعي والعااااادي جدا إنك بمجرد ما تلتزم تجد أشخاص كتير من حولك ينتقدوك..في إل هيقولك إنت متشدد..في إل هيقولك إنت اتغيرت..وهتسمع كلاااااااام كتير وتريقة ممكن..وقتها ما تيأس أبدا وتذكر قول الرسول صلى الله عليه وسلم: "(بدأ الإسلام غريباً، وسيعود غريباً كما بدأ، فطوبى للغرباء))."

🎀فلا تحزن أبدا مهما سمعت من كلمات وتذكر أن المهم هو رضا الله وليس رضا الناس👌
💡وبمجرد أن تدخل طريق ربنا سبحانه وتعالي فأنت خلاص بتعلن لقلبك ونفسك وروحك إن👈 #الجنة هي حلمك وهي أغلي حاجة عندك...بس الجنة غالية ومش ببلاش😊

💡وتذكر دائما قول الله تعالي: "أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ(2)وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3)"

💡فلازم تفهم إن في طريقك لربنا هتقابلك فتن كتير...وعلشان تثبت في حاجات لازم دائما تعملها..وده إل هنعرفه في الحلقات القادمة بإذن الله وهنتعرف إزاي نثبت ونبدأ صح ونستمر بإذن الله💪

#عايزين_نتغير

🌹 #الحلقة_السادسة_عشر🌹

حديثنا اليوم سيكون عن #الدعاء

💡الدعاء مفتاح وكنز كبير جداااااا ولكن للأسف إحنا غافلين عنه....أه لو نعرف الدعاء بيغير حاجات كتير في حياتنا كيف ويحقق أمنيات كتير..بس للأسف إحنا غير مدركين لكده⁉️
ربنا سبحانه وتعالي قال:
"وَقَالَ رَبُّكُمُ ادْعُونِي أَسْتَجِبْ لَكُمْ ۚ ..."

وأيضا قال الله تعالي: *"وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)"
 🔅 اتعود تقول "يارب" في كل أمور حياتك .. من أكبر مشكلة لأصغر وأقل مشكلة.. خلّي كلمة "يارب" تبقي أسلوب حياة .. كلمة "يارب" تنقلك من أسوأ حالة ممكن تكون عايش فيها إلى أعلى درجات السعادة والراحة والرضا ..

✒️  لازم تعرف إنت بتدعي مين؟؟ بترفع إيدك لمين؟؟ بتطلب من مين؟؟ لأن ده أساس ومحور الدعاء ..

✒️لازم تعرف إن الله سبحانه وتعالى هو ملك الملوك اللي بإيده كل شئ.. الله على كل شئ قدير .. ربنا لا يُعجزه شيء أبدًا! فـ متخليش دعاءك قاصر على أسباب الدنيا اللي إنت شايفها، 👈 أطلب أمنيتك وملكش دعوة هتتحقق إزاي ..ملكش دعوة بالأسباب ، لأن قدرة الله أبعد من حساباتنا وإدراكنا !

🔅 هو فيه شئ كبير على ربنا ؟؟؟!!إيه دعواتك دي أصلاً قدام عظمة وقدرة ربنا ؟؟ولا أي حاجة !!

👌 وعلشان كده النبي  صلى الله عليه وسلم قال :
( لا يَقُل أحدكم: اللهم اغفر لي إن شئت، اللهم ارزقني إن شئت ، ولكن لِيَعْزِم وليُعَظّم الرغبة، فإن الله لا يَتعَاظمُه شيء ) متفق عليه..

▫ يا حبيب قلبي، الله ليس قادر على إعطائك أمنياتك وبس ،بل قادر على إنه يخلق لك أمنيات أجمل من كل ما تحلم به ،الله قادر إنه يعطيك لحد ما تنسى نفسك من فرحة العطاء!

🌷 ربنا سبحانه وتعالى خزائنه لا تنفد .. وكرمه وفضله وجوده فوق ما أي حد فينا يتخيل ..  ربنا  بيقول :  ( لَهُ مَقَالِيدُ السَّمَاوَاتِ وَالأرْضِ)

🌷 ربنا بيقولَّك أنا مفاتيح كل حاجة في إيدي ..مفاتيح الشفاء .. مفاتيح الجواز .. مفاتيح الرزق ..مفاتيح السعادة .. مفاتيح الخير .. كل ده في إيد الملك ..
👌 إيه الباب المقفول وهو يفتحهولك ؟؟ بس إنت قول يارب .. ارفع إيدك واطلب من الملك الكريم ..

👈 وخلِّي عندك يقين في رحمة ربنا ، و قدرة ربنا ، وحنان ربنا ، وكرم ربنا ..
👌 وادعي وإنت قلبك متعلق بربك الحييِّ الكريم ، الذي يستحيي إن العبد يرفع يديه إليه فيردهما صفرًا خائبتين ..

👈 لازم المعانى دي تدخل في أعماق قلبك وتستقر جواه ..
   لازم تعظّم قدر الدعاء في قلبك .. يعني لازم تعرف الدعاء ممكن يعمل إيه في حياتك ؟؟!

👈لازم تعرف إن الدعاء ده هو الشئ الوحيد اللي بيرد القضاءكما قال رسول الله صلى الله عليه وسلم : (لا يَردّ القَدَر إلا الدعاء)  صحيح

🌙 أنا عايزك تتخيل لو ماكنش فيه حاجة اسمها دعاء !كانت هتبقى كارثة والله! مكنش هيبقى فيه حل لأي مشكلة صعبة!ماكنش هيبقى فيه قدامنا غير إننا نصبر ونستحمل أي ابتلاء !!اللي ماخلِّفش يستحمل ! واللي ما اتجوزتش تستحمل ! واللي مريض يستحمل ! واللي مش لاقي يستحمل !!

🌷 تخيل حجم الهمّ اللي كنا هنعيش فيه ؟؟!!

😊 ولكن من أكبر نعم ربنا  علينا اللي مش هنوفِّي شكرها ليوم الدين ، نِعمة إن لنا رب اسمه القريب المجيب ، رب كريم فتح لنا باب الدعاء ليل نهار ، بل وأمرنا إننا ندعوه ، بل ربنا سبحانه وتعالى بيغضب على اللي مش هيدعيه !فاعرف قدر الدعاء في حياتك ..
       
 🌟 واعرف إن مشاكل حياتك كلها حلّها :إن كلمة "يارب" تخرج من قلبك بجد ..

🔅حاول تتحرَّى وتختار أوقات استجابة الدعاء الموجودة طول اليوم ، زي وقت الآذان ، وبين الآذان والإقامة، وبعد الصلاوات المكتوبة ، وفي السجود ، وجوف الليل الآخر  ، وأثناء السفر .. وطبعاً عند الفطار ..

📝  يُفضل تكون على وضوء ، وتستخدم السواك ، وتستقبل القبلة ، وترفع إيدك، وتبدأ بحمد الله والثناء عليه، ثم الصلاة على النبي صلى الله عليه وسلم ..
👈وتسأل ربنا باسمه الأعظم .. تقول (اللهم إني أسألك بأن لك الحمد لا إله إلا أنت المنان بديع السموات والأرض يا ذا الجلال والإكرام يا حي يا قيوم) .. (اللهم إني أسألك بأني أشهد أنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد) ..ثم تستغفر من ذنوبك .. وبعدين تبدأ بقى تنطلق في الدعاء ..

🌟  ادعي بيقين وإنت واثق ومتأكد إن دعاءك هيتحقق ..زي ما النبي صلى الله عليه وسلم قال: ( ادعوا الله وأنتم موقنون بالإجابة )

🔅 يعني ميبقاش فيه ذرّة شك أو خوف أو قلق في قلبكإن ربنا مش هيستجيبلك ..

#عايزين_نتغير

🌹الحلقة العشرون 🌹

🔅 حديثنا اليوم بإذن الله عن #الصحبة_الصالحة❤️
💡الصحبة الصالحة من أهم العوامل إل بتساعد علي الثبات..وقت ما هتقع هتكون عون ليك هتساعدك إنك تثبت..الصحبة الصالحة مهمة جدااااااا جداااا..وإل عنده صحبة صالحة هيفهم كويس معني الكلام ده👌

💡قال النبي صلى الله عليه وسلم:  "المرء على دين خليله فلينظر أحدكم من يخالل"
علشان كده لازم تختار الصحبة الصالحة التي تعينك علي طاعة ربنا سبحانه وتعالي..بحيث تحضروا دروس مع بعض..تحفظوا قرآن مع بعض..وتنصحوا بعض..لو شخص منكم انتكس يلقي إل يساعده ويخاف عليه وينصحه❤️

💡الصحبة الصالحة فييييين نجدها⁉️
💡أول مكانة ممكن تجد فيه صحبة صالحة هو *المسجد*..والمسجد هيكون أكتر للشباب أما الأخوات فلو بيحضروا دروس في مساجد فطبعا هيلقوا أخوات كتييييييير..وبما إن رمضان علي الأبواب فطبعا هتلقي صحبة صالحة كتييير في المساجد اتعرف عليهم وماتضيعش الفرصة..وزي ما بيقولوا *الصاحب ساحب*👌
هيسحبك معاه في طريق الخير أو طريق الشر فااختار صح👌

🚫وإياكم وصحبة السوء...صحبة السوء للأسف كل ما تحاول إنك تقرب لربنا هترجعك تاني..صحبة السوء هتدمرك..أي صديق ليك بيجعلك تعصي ربنا وتكلم البنات وتسمع أغاني....الخ فهو صديق سوء لازم تسيبه..وأي بنت بتبعدك عن ربنا وتخليكي تلبسي ضيق وتحطي مكياج فدي صديقة سوء لازم تبعدي عنها..لازم تفهموا إن صديق السوء مش هيفيدك أبدا. بل يوم القيامة هيتبرأ منك..قال الله تعالى:  "الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِين"(الزخرف:67).

💡علشان كده إختار الصحبة الصالحة إل تقربك من ربنا سبحانه وتعالي..ولو مش قادر تجد صحبة صالحة علي أرض الواقع فممكن تلقي علي وسائل الإتصال المختلفة في الدورات العلمية أو في الجروبات الدينية وفعلا بيكونوا صحبة صالحة👌

💡نسأل الله أن يرزقنا وإياكم الصحبة الصالحة التي تأخذ بإيدينا إلي الجنة❤️

#عايزين_نتغير

🌷 *الحلقة الحادية والعشرون*🌷

💡وهنبدأ كلامنا بإذن الرحمن عن #الحب_الحرام وهنوضح الموضوع أكثر علشان هدفنا إن كل شاب أو بنت عايشين علاقة حب حرام ينهوا العلاقة ومن اليوم شعارنا هو #صبرا_حتي_يأذن_الله_بالحلال*✌️

💡اولا:السؤال إل بيتسأل كتير هو👇👇
أنا بحب هل ده #حرام؟؟؟

👈الميل العاطفى والإعجاب أو الشعور بالحب تجاه شخص شئ طبيعى وملناش دخل فيه ولا نؤاخذ عليه✔.....لكن ما يترتبش عليه إطلاق للبصر وتليفونات ومقابلات وخضوع بالقول وما شابه.❌.... يعني يكون فقط شعوووور في القلب ومفيش أي تجاوزات او ترجمة للشعور ده👊

والحب مش عيب ولا حرام.....لكن لكل مقام مقال.✔
بمعنى:
إنك بقدر الإمكان تحافظ على قلبك لحد ما ربنا يرزقك بالزوج المناسب اللى تحبه.💌

💡ثانيا: *ما هي أسباب الوقوع في الحب..أو بالأحري في الحب الحرام*⁉️
1⃣ *عدم غض البصر*:معظم قصص الحب الحرام كان بدايتها نظرة..وفي شباب كتير لما بتسألهم ليه بتحب مثلا البنت دي بيقولوا ده حب من أول نظرة!!!...وعلشان نوضح كده مفيش حاجة اسمها حب من أول نظرة✋..وده مش كلامنا..ده كلام العلماء والأبحاث..وده كله بيكون وهم..ولكن إحنا بنزيد في الموضوع وبنتعلق أكثر وأكثر...ولكن لو من الأول الشاب إلتزم بغض النظر والبنت كذلك عملت كده..مكنش ده هيحصل ويرجع الشاب ويقول أنا حبيت من اول نظرة؟!!!!!!!

2⃣ #الإختلاط:والإختلاط خطر وخطر كبيررر جدا..عافانا الله وإياكم وحفظنا وإياكم..الإختلاط سواء مثلا في المنازل والشاب يضحك مع البنت دي ويقول دي بنت خالتي أو بنت عمتي ويهزر مع البنات..أو مثلا يقول عادي دي بنت الجيران او دي زميلتي ويبدأ الكلام ويبدأ الهزار ويبدأ الإختلاط.. *وعندما ترفع الكلفة تزداد الألفة*..وبعد ما كان الشاب يكلم قريبته او زميلته في الكلية أو في الشغل في الحدود ويقول حضرتك يبدأ بعدها ينادي بإسمها..ويزداد الإختلاط أكثر...وبعد ذلك كالعاااااادة تبدأ من هنا وللأسف الشديد قصص الحب وتعلق البنت بالشاب أو الشاب بالبنت وهكذا..

والكلام ينطبق أيضا علي وسائل الاتصال كالمختلفة زي الفيس مثلا او الجروبات المختلطة..ويبدأ الشاب يتابع البنت ويبدأ يعلقلها ويعملها مثلا لايك علي الكومنت بتاعها وبعد أكتر من كومنت ليهم مع بعض علي الفيس وبعد الإختلاط علي الفيس..يبدأ الموضوع تدريجيا ويبدأ يكلمها علي الخاص وبعد ذلك تبدأ قصة الحب و...الخ...والقصص دي بنسمعها كتييييييير جدا وكالعادة تاجي البنت وتبكي وتقول أنا *اتعرفت عليه علي الفيس او في جروب وحبيته ولكنه ضحك عليه*...وينتهي الموضوع بدمووع البنت وتكون هي الضحية وده بيحصل كتييييييير✋

💡لكن لو من الأول قفلنا الباب ده..وقولنا *لا للإختلاط*..وكان تعاملنا علي ارض الواقع في الحدود.....ومفيش أبداااا حاجة اسمها بنت جيراني وأكلمها❎...ولا في حاجة اسمها دي زميلتي في الكلية او في الشغل وأهزر واضحك معاها👊...ده كله لا يجوووووووووووز...ولو تعاملنا فنتعامل في الحدود جدا...وبدووووون رفع الكلفة..يعني مفيش كلام بالاسم..لازم الكلام لو كان للضرورة القصوي جدا فيكون بحضرتك وليس أكثر....وكمان ممنوع الجروبات المختلطة..ممنوع التعليقات للشباب❌

3⃣ *الفراااااغ*:وهنا الفراغ نوعين..فراغ عاطفي وفراغ وقت.
*الفراغ العاطفي*:إن البنت مثلا مفيش أي ترابط في الأسرة..الأب بعيد كل البعد عن بنته..ولا سؤال ولا اهتمام..وكذلك برده الأخ مش بيهتم ابدا بأخته..المعاملة مثلا سيئة مع البنت..فالبنت بيكون عندها فراغ عاطفي وبتحتاج تتكلم مع اي شخص..وكالعادة نسأل البنت ليه كلمتي الشخص ده في الحرام..فبتكون الإجابة👈إنها بتقول هو اكثر شخص بيحس بيا هو بيفهمني هو....الخ.❎

💡ومن هنا بنوجه رسااااااااالة لكل الأباء والإخوة الشباب والأمهات...بالله عليكم ياجماعة لازم لازم تقربوا من بناتكم..لازم يكون في تواصل وتفاهم وحب بينكم وبين بناتكم..لازم يكون في إحتواء.... *لكن علشان نوضح*✋...مش معني الكلام ده إن أي أخت عندها مشاكل وعدم تفاهم في البيت يبقي تكلم أي شاب وتقول محدش بيفهمني👊..ده مش عذر أبدااااااا ليكي ياأختي...لكن إحنا بنقول كده علشان نحاول نتفادي المشكلة ونجد حلول.

*ثانيا فراغ الوقت*:وأغلب البنات أو ممكن الشباب..بيكون عندهم وقت فرااااغ كبير..وعلشان مفيش حاجة يعملوها فبيدوروا علي اي حاجة..والموضوع إل بيتكرر كتير..البنت مثلا يكون عندها وقت فراااااغ كبير ومش بتعمل حاجة وفي مرة من المرات وهي علي الشات بدأ شاب لا عنده ضمير ولا خوف من ربنا وبدأ يوهمها بكلمات الحب وفي البداية نتعرف وبعد كده مع الاستمرار تبدأ قصة الحب وهكذا....إلخ.

💡ومن هنا بنقول...لا للفرااااااااااغ..إحذروا فعلا الفراغ..لإن أغلب البنات بترجع وتقول *حياتي كانت فاضية قبل مااتعرف عليه وبعد ماعرفته حسيت بالحياة.. الخ*😐

#عايزين_نتغير

🌷 الحلقة 23🌷

*ومازااال الحديث مستمر عن #علاقات_الحب_الحرام وكلامنا مع الطرف إل هو بيكون دائما #الخاسر يعني مع البنات.*

*🌷بصي ياأختي #ياغاااااااااااالية..وهنقول تاني #ياغاااااالية..لإن فعلا #الإسلام جعلك غالية وإنتي للاسف نسيتي إنك ملكة #وغالية ورخصتي نفسك..*

*🌷أولا ياأختي #افهمي كويس إن الحب ليه معني واحد وهو الحلال..لو الشاب ده بيحبك فهو لازم يتقدملك في الحلال..وهو أكيد عارف طريق بيتك وباباكي ومامتك والله موجودين ويقدر يجي يكلمهم في أي وقت🙃*

*💡أما بقا موضوع انك تحبي شاب وتكلميه في الحرام..فده غلط #وحراااااام ياأختي..ولما بنقول في الحرام فحتي لو مامتك تعرف فبرده حرام..حتي لو #باباكي يعرف فبرده حرام..ولو العالم كله يعرف فبرده حرام..طالما علاقتكم خارج الإطار الشرعي..لإن المقياس هنا مش الناس..المقياس هنا هو ده يرضي ربنا ولا لا؟؟؟*

*💡ونرجع ونقوووووول تاني ياأختي هو مستحيييل يرضي كده #لأخته..عارفه لو قالك ممكن يرضي..فهو #كذاب👊...أما بقا لو طلع بجد ممكن يرضي بكده لأخته..فهنا يبقي مصيبة #كبيررررررررررررة😱...ده كده طلع إنسان منتكس الفطرة ولا يستحق كلمة رجل فكيف تطمئني معاه ⁉️*

*💡في بنت تاجي وتقول بس إنتو #قاسين_جدا ومش حاسين بيا..أنا مقدرش أسيبه..أنا ممكن أموت من غيره وحياتي ملهاش لازمة..هو كل حاجة عندي إنتو ليه بتستخفوا بمشاعري..انتو.. الخ.*

*🌷هنقولك ياأختي #ياغالية الموضوع مش موضوع إننا مش حاسين بيكي ولا إننا بنستخف #بمشاعرك أبدا...بس إنتي ياأختي للاسف الشديد الشيطان #ضحك عليكي ومشيتي وراء نفسك وهواكي..أولا محدش بيموت لما بيسيب أي شخص..ده كله وهم..وافتكري دايما إن #من_ترك_شيئا_لله_عوضه_الله_خيرا_منه.....*

*🍥 سيبيه ياأختي سيبيه علشان ربنا سبحانه وتعالي يرضي عنك..إنتي بتقولي متقدريش تعيشي من غيره..طب إنتي تقدري تعيشي وإنتي #بتغضبي #ربك حبيبك ومولاك؟!!!...إزاي ياأختي..إزاي وصلتي للدرجة دي..للدرجة إل #ترخصي فيها نفسك وتكوني مجرد علاقة #عابرة..علاقة لشخص إنتي بالنسبة ليه مجرد #تسلية مش أكتر من كده..افهمي ياأختي إن ال بيحبك بجد هيدخل من البيت..أي شاب لما بيتجوز مش بيتجوز البنت ال كلمها في الحرام..لا ده بيدور علي البنت إل عمرها ماكلمت شاب..بيدور علي البنت إل مكنش بيمشي معاها ويكلمها بالساعات في الليل من وراء أهلها شبه الحرامي بالظبط..ماأهو عارف إنك مش من حقه فبيسرق حق مش حقه❎*

*💡للاسف الشديد في علاقات الحب دي بتكون البنت هي الخاسر الوحيد..أول حاجة بتغضبي ربنا #وبتخوني أبوكي وأمك وأهلك كلهم..وكمان في النهاية هو بيسيبك ويتزوج غيرك وترجع البنت تعيط وتقول #أنا_إتخدعت💔*

*ماأهو ده كان النتيجة الطبيعية..بنات كتيييييير جدا بعد ما دخلوا قصة حب..وكانت البنت بتظن إن الشاب ده هو فارس أحلامها وإنه مختلف عن الأخرين وإنه بجد بيحبها..ولكن عند أول خطوة جدية وأول ما البنت بس قالت #هنتجوز متي؟؟؟؟؟...تلقي الاعذار والحجج ظهرت والشاب فجأة يقولها إحنا مننفعش لبعض والبنت وقتها تنهار #وتفووووووووق..لكن بعد فوات الأوان👊*

*💡وبعدين بالله عليكي..نستحلفك بالله...إنتي بتقدري تخوني ثقة أهلك كيف..وباباكي إل عمل كل حاجة علشانك..بتخونيه كيف؟؟؟..ومامتك وإخواتك...إزاااي ياأختي بتقدري؟؟!!!*

*💡ياأختي فووقي..فوقي وإرجعي لربنا بقا❤️....اااه ياأختي لو تعرفي قيمة نفسك..وازاي انتي غالية...غالية جدا بس كده انتي بترخصي نفسك...لازم تفهمي ان قلبك ده زي الجوهرة..والجوهرة علشان الشخص يفوز بيها لازم يتعب كتير علشان يوصلها..لازم الشخص ال بيحبك ده يفهم انك غالية ويتعب علشانك..*

*🍥 ياأختي ماتكونيش سهلة لأي شخص وممكن اي شخص يوصلك...لإنه لما هيوصلك بسهولة بعدها خلاص مش هتكوني مهمة عنده..لكن لو من البداية تعب علشان يوصلك وعرف إن قيمتك غالية وانك جوهرة عند أهلك ولازم يتعب علشانك وقتها هيحافظ عليكي من كل حاجة...وقتها بعد الزواج هيقدر قيمتك وهيفهم انه مش وصلك بالساهل فلازم يحافظ عليكي علشان متضيعيش من إيده.❤️*

*💡طب بعد كل الكلام ده..في بنت ممكن تقول بس انتو كده حسستوني إني رخيصة قووي..أنا بقيت بكره نفسي.أنا...الخ.*

*💡بس هنقولك ياأختي إن طالما إنتي لسه علي قيد الحياة فالفرصة مش انتهت..انتي بس ارجعي لربنا واستغفريه وتوبي وقولي يارب أنا خلاص هسيب الشخص إل بحبه علشانك..علشان رضاك يارب..وإبدأي صفحة جديدة وانسي كل ده وقربي من ربنا واستغفريه وربنا سبحانه وتعالي غفور #ورحييييم..*

👈 بس انتي ياأختي قربي من ربنا صح وربنا هيغفرلك..وماتزعلش أبدا انك سبتي الشخص ده..لإنك كفاية إنك هترضي ربك ومولاك وحبيبك.
*🔅 وتاكدي ان لو ليكي خير معاه فربنا هيجمعك بيه ولو مش ليكي خير فربنا هيرزقك بشخص أفضل منه..وصدقيني مش دائما إل بنشوفه خير بيكون خير لينا. فيمكن مش ليكي خير معاه، استعيني بالله ياأختي وكوني أقوي من نفسك ومن شيطانك وقربي بقا من حبيبك ومولاك.*

#عايزين_نتغير

🌷 *الحلقة 24*🌷

#وبعد مااتكلمنا بفضل الله عن الحب الحرام..واتفقنا خلاص إننا هنقطع أي علاقة #محرمة تبعدنا عن ربنا وهنرفع شعار👈 #صبرا_حتي_يأذن_الله_بالحلال..

هنبدأ نتكلم إنهارده عن الصفات ال مفروض تكون في شريك حياتنا.
🌷أولا بالنسبة للأخوات:في بنات كتير لما بيتقدملها شاب..مبتعرفش توافق وترفض علي أساس إيه..وإيه المقياس في كده..فعلشان تبقي مرتاحة ياأختي المقياس الاول والأهم هو #الدين_والخلق...ده اهم مقياس تختاري عليه..لازم لازم تختاري شخص عنده أولا دين ثم خلق..يعني خلق بدون دين ميييينفعش❎..

👈وده مش تشدد ولا حاجة..لازم تعرفي إن لما هتختاريه عنده دين فاانتي بتختاري شخص هيحافظ عليكي ويتقي الله فيكي..والموضوع مش موضوع زواج وخلاص ياأختي❎..
الموضوع هو إنك بتختاري شخص يزيد دينك معاه أو يقل...

💡يعني أي شاب غير ملتزم...ده علطووووووول مرفوض تماما وبدون نقاش..ولما نقول غير ملتزم..مش قصدنا انه يكون غير ملتحي..هو صح يبقي كويس جداا لو الشخص ده ملتحي..لكن ممكن كمان يكون غير ملتحي ولكنه بفضل الله ملتزم ومحافظ علي الصلاة في المسجد ومش بيضيع صلاة الفجر أبدا وليه ورد من القرآن يوميا وممكن يكون حافظ القرآن أو حتي بيحفظ أو حتي ناوي وعنده إستعداد يحفظ..
ده كله👆👆هو المقياس إل انتي بتختاري عليه وبتشوفي توافقي ولالا..يعني شاب مش بيصلي ده علطووول يبقي مرفوض...

👈إياك ياأختي إياك توافقي علي شخص بعيد عن ربنا وتقولي يبقي بعدين يتغير..وانتي منين تضمني إنه يتغير..ده ممكن يبعد عن ربنا أكتر ويكون كمان سبب في فتنتك وبعدك عن ربنا..فهنرجع ونقول تاني الموضوع مش موضوع زواج وخلاص..الموضوع موضوع دين..إختاري من البداية الشخص إل يقربك من ربنا..إختاري الشخص إل يصلح زوج صالح ليكي..إختاري الشخص إل يصلح يكون أب صالح لأبنائك...يعني يامتدين وملتزم #يامفيييييييييش✋

وتذكري قول رسول الله صلى الله عليه وسلم: *" إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير".* رواه الترمذي ...فالرسول صلى الله عليه وسلم قال #الدين_والخلق...بعني المال والجمال وده كله مجرد أمور فرعية بتختلف من بنت لبنت...لكن المهم بل والأهم هو #الدين_والخلق✅

💡أما بالنسبة للشباب:فلما تختار اختار البنت إل تكون ملتزمة ومحترمة..مش بنقول انه لازم تكون
منتقبة بس..يعني ممكن تكون بنت ملتزمه ومتدينة وملتزمة بالحجاب الشرعي ولكن مثلا اهلها رافضين النقاب..ممكن تكون هي مش رافضة موضوع النقاب..لكن برده لو كانت البنت منتقبة فده كويس جدااااااا

👍..لكن القصد ان النقاب واللحية مش هما كل الدين..طبعا مش بنقلل أبداااا من النقاب واللحية بالعكس..ربنا يرزق جميع شباب المسلمين باللحية وجميع بنات المسلمين بالنقاب يارب..لكن القصد إنهم جزء من الدين وليس كل الدين.

💡وزي مااتكلمنا في البداية👆لما هتختار هتختار علي أساس الالتزام..يعني البنت بتصلي ولا لا..بتصلي الفجر بتحفظ قرآن وهكذا..إلخ.

💡ولكن في شباب كتير بيهتم فقط بالجمال وكإن ده الأساس..وده #غلط_كبير..لما تختار إختار الإنسانه إل تصلح #زوجة #صالحة ليك وأم #صالحة #لأطفالك..إختار #الإنسانة إل تقربك من ربنا أكثر👍.

#عايزين_نتغير

🌹 الحلقة 25🌹

💡حديثنا اليوم عن👈 #النمص
💡أولا "النمص هو👈: الأخذ من شعر الحاجبين وهو حرام شرعا وذلك لأن النبي صلى الله عليه وسلم قال : لعن الله الواشمات والمستوشمات والنامصات والمتنمصات والمتفلجات للحسن المغيرات خلق الله"
👈النامصة هي التي تأخذ من شعر الحواجب والمتنمصة هي التي تفعل لها ذلك
💡إنتي عارفة يعني إيه اللعن⁉️

👈 *يعني الطرد من رحمة ربنا سبحانه وتعالي*
بالله عليكي ياأختي إيه إل يستاهل إنك تطردي من رحمة ربنا سبحانه وتعالي؟!!
💡والله مفيش أي حاجة تستاهل إنك تطردي من رحمة ربنا سبحانه وتعالي❤️
👈ياأختي إنتي عارفة أن النمص #حرام ويخرجكِ من رحمة الله ،فكيف تبيعي جنة عرضها السموات والارض ببضع شعرات⁉️

👈إياك إنك تقولي لنفسك بس أنا كده هكون جميلة✋..فأي جمال وأي سعادة بعد أن تطردي من رحمة ربنا
💡الموضوع مش عادي..الموضوع فعلا خطير..إنتي فاهمة إنك بالنمص هتخرجي من رحمة ربنا..إنتي مستوعبة ده⁉️

👈في بعض الأخوات هتقول: "بس أنا غصبي عني أنا بعمل كده علشان أكون جميلة دائما أمام زوجي"⁉️
💡طب بالله عليكي ياأختي رضا زوجك ولا رضا ربنا⁉️..أكيييد طبعا رضي ربنا أهم..وتذكري أنه لا طاعة لمخلوق في معصية الخالق✋

💡وكمان ياأختي بالله عليكي قلب زوجك مين بيملكه؟؟..ربنا سبحانه وتعالي صح..يبقي خلاص إطمئني اتكلمي مع زوجك بهدوء وقوليله إنك مش هتقدري تستحملي إنك تطردي من رحمة ربنا..إدعي ربنا سبحانه وتعالي وقولي يارب ساعدني أنا هترك النمص علشان أرضيك يارب فكن عونا لي وإهدلي لي زوجي..كوني علي ثقة إن ربنا سبحانه وتعالي قادر إنه يشرح صدر زوجك للحق..وللتوضيح✋لو إنتي بتقولي أنا لو مش عملت حواجبي كده مش هكون جميلة وزوجي ممكن يتزوج عليا..فهو أصلا لو مكتوبله إنه هيتزوج عليكي فهيتزوج سواء إنتي عملتي حواجبك أو لا..لإن ده رزق وكل شخص بيأخد رزقه✋

💡ياأختي إحسبيها صح..إنك تعملي حواجبك وتتبعي هواكي..ولا إنك ترضي ربنا وتجاهدي نفسك علشان الجنة⁉️
👈 #المعادلة بسيطة جدا وأي عاقل هيختار الباقية علي الفانية..هيختار رضا ربنا والجنة علي مجرد هوي✋
🚫وما تقوليش كل النساء بتعمل كده..هو يعني لو كل الناس عملت الحرام يبقي إحنا نعمله⁉️

👈ياأختي اتقي الله..اتقي الله وتوبي وإرجعي لربنا..واعزمي خلاص إنك هتسيبي النمص..يعني مفيش حاجة اسمها تعملي حواجبك يوم الخطوبة✋..ولا حتي يوم الفرح👊..لإن يوم الخطوبة والفرح علي فكرة في ميزانك برده..فإما في ميزان حسناتك أو ميزان سيئاتك👌

💡المصيبة الكبيييييييرة بقا إنك تجدي أخت مش متزوجة وبرده بتعمل حواجبها⁉️..طبعا المتزوجة وغير المتزوجة فالإثنين حرام..لكن في أغلب الأوقات بتكون المتزوجة بتعملها علشان زوجها..طب إنتي بقا ياأختي بتعمليها ليييييييه⁉️

احنا مش بنقول إن المتزوجة معذروة..لا لا أبدا زي ما اتفقنا #لا_طاعة_لمخلوق_في_معصية_الخالق..وهي مش عندها أي عذر..لكن أحيانا بتكون الأخت رافضة النمص وزوجها بيغصبها..لكن إنتي ياأختي مين بيغصبك⁉️..ولا اتباع #لهواكي وبس⁉

💡والله فعلا وصلنا لحال يتحسر عليها القلب..هدانا الله وإياكم..وكإن أهم حاجة أصبحت عندنا هي النفس والهوي والشيطان ونسينا #الآخرة_والحساب💔

💡بالله عليكي لو زوجك قالك ما تعمليش حواجبك تاني..هتطيعيه ولا لا؟؟؟؟؟؟
أكيد هتطيعيه..طب بالله عليكي تطيعي زوجك وماتقدريش تزعليه..وتقدري تغضبي ربنا وتطردي من رحمته⁉

💡ياأختي ياغالية أفيقي وإرجعي لربنا وتوبي واستغفريه وقولي يارب أنا من إنهارده خلاص هترك النمص علشانك يارب..علشانك ياحبيبي❤️
💡يامسكينة ماذا بقي لديكي بعد أن تطردي من #رحمة ربنا؟!!!!!!!!!!!!!!!!!!!!!

#عايزين_نتغير

🌷 *الحلقة السادسة والعشرون*🌷

وكلامنا إنهارده عن *الحجاب المووووضة*👊
علشان الغرب يضحكوا علينا...وعلشان يقدروا يضحكوا علي كل البنات..اصبح في حجاب اسمه *حجاب الموضة*...حكايته إيه بقا⁉️

👈أولا هو الحجاب هدفه ستر الزينة..يعني البنت ماتظهرش بالزينة أمام أي شخص غير محارمها..وفي بنات بيبقوا عاوزين يرضوا ربنا ولكن في نفس الوقت نفسهم يكونوا علي الموضة واستايل...فعلشان الغرب يضحكوا علينا..طلع حجاب الموضة دي بقا...تكون البنت لابسة ضيق براحتها زي ما تحب وعليه طرحة..بس مش اي طرحة..لا طرحة أستايل!!!!...أمال إيه..لازم طبعا وتبقي الطرحة ماشية علي الموضة مع اللبس إل البنت لبساه وأهو كده اسمه حجاب بس ستايل وشيك وعلي الموضة!!!!...وبعد ما كان اصلا هدف الحجاب ستر الزينة..اصبح الحجاب للموضة والاستايل ولا حول ولا قوة إلا بالله.. *إلي الله المشتكي*.

💡واصبحنا نشوف دلوقتي محلات كتير تبقي كاتبة *قسم للحجاب*...أو *خاص بالمحجبات*...ولكن للاسف الشديد مفيش اي علاااااااقة بين حجابهم وبين الحجاب الشرعي...أو ممكن يكتبوا *خاص بالزي الإسلامي*؟!!!.....فينه بقا الزي الإسلامي ده ماتعرفش..والمصيببببة الكبيرة ال ظهرت قال *مايووه إسلامي*..إيه كمان مايوه إسلامي ده👊لا حول ولا قوة إلا بالله..والله الإسلام برئ من كل الكلام ده إل ملهوش علاقة بالإسلام أصلا. ..ولكن للأسف في بنات كتير بتصدق وبتفتكر إن ده حجاب وكمان إ#سلامي؟!!!!

❌ياأختي إنتي بتضحكي علي نفسك ولا بتضحكي علي مين..إنك تلبسي بنطلون وطرحة قصيرة أو حتي طويلة فانتي *مش محجبة*
❌ إنك تلبسي جيبة وطرحة قصيرة بالكاد بتغطي الشعر فاانتي مش محجبة.

❌إنك تلبسي عباءة ضيقة جدا او بتلمع من أولها لأخرها وبتلبسي طرحة حتي ولو طويلة فاانتي مش محجبة..

❌إنك تلبسي عباءة أو جيبة وألوان ملفتة جدا جدا للنظر فاانتي برده مش #محجبة..

❌إنك تبقي لابسة فستان وتحته بدي كارينا وسواء بقا عليه طرحة قصيرة أو طويلة فاانتي مش محجبة...لإن حتي ولو الطرحة طويلة فبرده أكيد البدي هيجسم وهيحدد جسمك وهيبان.

💡وبعديييين بقا تعالوا نتكلم عن #بدي_كارينا....وده المصيبة الكبيرة..إل خلت البنات المسلمات تلبس اي لبس من لبس الغرب وتحته بدي كارينا واسمه كده البنت ملتزمة ومحترمة أهو!!!!....ياأختي هي بجد فرقت بين انك تلبسي بدي كارينا أو إنك ماتلبسهوش ولو هتلبسي فستان تلبسيه بدون بدي⁉️

💡عارفة لو كانت هتفرق..فهتفرق في فرق واحد بس ياأختي...هتفرق بس في لون الجلد..أيوه ماتستغربيش..هو بدي كارينا ده بيعمل إيه غير إنه يغير اللون....يعني هو بيحدد بالظبط بالمللي حجم ذراعك..بس الفرق إنك لو مش لبستيه بيكون الجلد علي لونه الطبيعي..أما لو لبستيه بيتغير بقا للون الأحمر أو الأخضر أو..الخ..لكن الحجم والتجسيم ظاهر أهو⁉️...شوفتي بقا إنه مفيش فرق وإن الغرب عرفوا يضحكوا عليكي كيف يامسلمة؟!!!!!

👈لا والمصيييييبة الكبيرة إن حاليا في بدي كارينا بلون الجسم..وكده البنت حتي ولو لبساه فلو شخص شافها ممكن يعتقد إنها مش لبساه..وكإنها محجبة ولابسة فستان عريان....شوفتي إحنا وصلنا لفييييييييييين⁉️

وصلنا لمرحلة توجع قوووووي..إنك تشوف بنت مسلمة وبتلبس هدوم بالبشاعة دي وبالشكل ده فدي حاجة توجع..إزاي المسلمة ترضي تكون كده..إزاي تبقي مسلمة وتخرج بالشكل ده...فعلا اصبح الامر لا يطاق..

💡والله أصبح في بنات بتقول أنا بمشي في الشارع بتفرج علي شكل البنات وإل ببعملوه وبكون مذهولة من الأشكال إل بشوفها ومن المنظر ده...شوفتي البنت بتقول كده....أمال الشباب يقولوا إييييييه⁉️

💡طب ليه ياأختي..ليه إنتي تكوني سبب في فتنة أخوكي المسلم..إنتي عارفة إنتي لو خرجتي من البيت بشكلك ده وخمس شباب بس نظروا ليكي..فاانتي أخدتي وزرهم..تخيلي بقا إنتي بيشوفك كام شاب من أول خروجك لرجوعك البيت..تخيلي بقا كااااااااام ذنب يوميا في صحيفتك..تخيلي إنتي فتنتي كام شاب يوميا وبرده في ميزانك...وعلشان إييييييييه ده كله ياأختي...علشان إييه تغضبي ربنا وتأخدي كل الذنوب دي؟!!
طب بالله عليكي هو اللبس #الضيق #والموضة يستاهلوا تخسروا كل ده علشانهم⁉️

💡طب في اخت ممكن تقول..بس انتو مش من حقكم توصفوني بالكلام ده كله..مش من حقكم تحكموا عليا..أنا ممكن أكون من جوه افضل من اي منتقبة...الخ.
🌷وردنا هيكون عليكي المرة القادمة فانتظرينا فمازال للكلام بقية...

#عايزين_نتغير

🌷 الحلقة السابعة والعشرون🌷

💡بالنسبة للبنات إل بتقول: #الإيمان مش بس في #الشكل..ومش معني إني بلبس ضيق فأنا إنسانه #وحشة..وأنا ممكن أكون أفضل من أي أخت #منتقبة..والمهم هو القلب"
🌷هنرد عليكي ونقولك ياأختي #ياغاااااالية أولا مش بنقول إنك إنسانة سيئة..إحنا عارفين إنك نفسك #تقربي وعاوزه ترجعي لربنا..بس نفسك وشياطين الإنس والجن ضحكوا عليكي..إنتي محتاجة بس إل يساعدك..ووارد جدا إن يكون البنت #متبرجة وبتلبس #ضيق ولكنها بتصلي وبتصوم ونفسها تقرب من ربنا وقلبها كويس...لكن ياأختي✋

الإسلام مش بس #جوهر.. #الإسلام_مظهر_وجوهر.....يعني ماينفعش تكوني #متبرجة وبتلبسي #ضيق وتقولي المهم القلب..لا ياأختي لازم يكون تكوني بتنفذي أوامر ربنا سبحانه وتعالي..لازم تعملي وتثبتي لربنا إنك بتحبيه وعاوزه ترضيه..الموضوع مش #قلب وبس..أيوه صح القلب مهم..بس كمان لازم تعملي وتثبتي...والكلام برده بينطبق علي أي أخت منتقبة🙂

أيوه ياأختي الموضوع مش موضوع #نقاب وبس..أيوه صح النقاب او الخمار مهم..ولكن برده الجوهر مهم..ماينفعش نعمر واحد ونخرب التاني..ماينفعش يبقي من بره #عمار..ولكن في قلبك #خراب..ولكنك مش ليكي ورد قرآن ولا قيام ليل ولا حاجة..مينفعش..

#لازم_المظهر_والجوهر_مع_بعض👍
💡طب في بنت تاني هتقول #بس صعب جدا إني أتغير..صعب إني أسيب كل ده والتزم بالحجاب الشرعي..الناس وأصحابي و... و...هيقولوا عليا إييييه.

🌷بصي ياأختي الموضوع مش صعب..مش صعب أبدا والله..إنتي بس إل بتظني إنه صعب..إنتي بس إل شياطين الإنس والجن بيضحكوا عليكي ويقولولك صعب..لكنه مش صعب..بالعكس سهل جداا..إنتي لو صممتي..لو اخدتي قرارك..لو نويتي تتغيري هتقدري..تعرفي ياأختي الموضوع بسيط جدااا..كل الحكاية إنتي بتختاري وتقولي *أختار رضا ربنا ولا رضا نفسي والناس*⁉️

بس هو ده كل الموضوع...بمجرد ما هتقرري إنك خلاص هتختاري رضا ربنا..وقت ما هتقولي لنفسك هنا وخلاص أنا مش هقدر أغضب ربنا تاني..وقت ما هتقولي لنفسك "وعجلت إليك ربي لترضي"...وقتها هتلقي نفسك مش قادرة تعصي ربنا..مش قادرة تلبسي ضيق..لما هتقفي قدام المرايه هتبقي بتحرصي جدا إنك تخبئ أي جزء ممكن يظهر..وهتبقي حريصة إنك وإنتي قدام المرايه تخلي حجابك طوويل جدا ولبسك فضفاض وواسع جدا....الموضوع كله إنك تختاري ياأختي..تختاري رضا ربنا ولا الموضة وكلام الناس...تختاري الجنة ولا النار...تختاري السعادة في قربك من حبيبك ولا الحزن والألم في بعدك عنه...

🌷هو قرار بمجرد ما بتأخديه..كل مشاكلك بتتحل..قرار سهل جدا في تنفيذه...انتي بس كوني قووية..كوني قوية أمام نفسك وشهواتك..قولي خلاص أنا ماأقدرش أغضب حبيبي تاني..قولي خلاص أنا ماأقدرش أعصي ربنا تاني..خدي القرار إنتي تقدري ياأختي..والله تقدري بس إنتي إبدأي وإرجعي لربنا وكفاية بعد وهجر وذنوب كده✋

💡ياأختي ياغالية ماتتردديش وماتيأسيش أبدا..إبدأي من دلوقتي واتغيري وقربي من ربنا وسيبي كل لبسك الضيق والتزمي صح👍

💡طب في بنت تالته ممكن تقول: *بس أنا الدولاب كله بنااااطيل ولبس ضيق..معقول استغني عن كل ده وأرميه...كيييييييييف*⁉️

هنقولك ومين بس قالك إرميه🙂..إنتي عادي جدا تقدري تلبسيه بس في البيت ..أو ممكن تخليه لما تتزوجي بإذن الله وتلبسيه أمام زوجك...هو انتي فاكرة ياأختي إن البنات المنتقبة أو ال بتلبس حجاب شرعي وخمار بيكونوا كده في البيت.. لا طبعاااااا...البنات كلها بطبيعتها بتحب الجمال..بس بتفرق بين إل بتنفذ اوامر ربنا وبتعرف تلبس متي وفين ولمين..وبين إل بتتبع الشيطان وتعصي ربنا..وعلي فكرة المنتقبات ممكن يكونوا بيلبسوا أشيك بكتييير وأجمل من إل انتي بتلبسيه بره البيت..بس هما عرفوا كويس إن جمالهم بس يظهر لأزواجهم ومش لكل الشباب.

🌷فكفااااااااية تردد ياأختي وعدلي #حجابك وانوي خير وقربي لربنا سبحانه وتعالي❤️