زيد : ييي علينا ليه أن شاء الله
سيلڤا : جد بقول قبل عشر سنين اول ما حبيت أدريان ضحك علي وطلع كلو نصب وخطه مدروسه قلت خلص يا بنت أوعي تحبي وأيامها كرم كان بحبني وعشان ما أعيد الكره غبت سنين ورجعت حبيتو واول ما حبيتو خطب
زيد : خلصتي اعتقد هاد نصيب وانت ما بتعرفي وين نصيبك ومع مين وبصراحه على كرم الغلط منك من الأساس ليه تغيبي الزلمه عندو كرامه وانت دعستي عليها بكل برود لازم تعرفي الرجل كلشي الا كرامته طبيعي ردة فعلوا العنيفه
سيلڤا : خفت أغلط يا زيد خفت أحب كمان مره وأوقع بنفس الحفره وللاسف توقعت بس ارجع كلشي يختلف لكن وقعت بنفس الغلط
زيد : تمام خلصتي بكفي فلسفه وخلينا نروح لانو عصفور بطني بزقزق وانت بكفي تفكري بأمور مالها داعي حاسس حالي في فلم هندي
سيلڤا : وين اروح فيك بحكي في موضوع بتغيرو عادتك نفسي تغيرها
زيد : وديني على المطعم لانو عنجد جوعان وبعدين حق علي لانو انت معلقه في الماضي ومش عم تطلعي منو وهل اشي بكرهو ومابدي ياه خلص انسي
سيلڤا : حاضر بس اسمع انا بدي سوشي
زيد بضحكه : لا يا روحي فلافل هاي امكانيتي حاليا
سيلفا : ولك بدنا نروح عند أدريان حرام عزمنا
زيد : هو ليش بدو يعزمك اصلا انا مش مقتنع
سيلڤا : ولا انا بصراحه
زيد : خلص إذا مشي انسي
سيلڤا : لا لا عيب شو بتحكي
زيد : طيب تمام رح نروح مع اني مش مقتنع بس يلا
........
وصلنا على المكان المطلوب ..
زيد : تفضلي أنستي
سيلڤا : تسلم عم تخجلني هيك
زيد : امشي يختي بلا رسميات
دخلنا على المطعم وبوجهنا لقينا طاوله أدريان
أدريان : يا مرحبا تفضلوا
زيد : أن شاء الله نكون أجينا على الموعد
أدريان : لا عادي احم شو الاخبار
زيد : تمام مناح
أدريان : انا حكيت لكرم يجي اذا ما عندكم مانع
سيلڤا : لا اهلا وسهلا بالعكس حلو انكون كلنا مع بعض
أدريان : تمام اذا هيك هو جاي لحاله خطيبتو مشغوله اليوم
سيلڤا : ما بهمني اكيد مشغولين في حفلة الخطوبه
أدريان : يمكن المهم سيسي تتذكري يوم شطف وكبيت عليكي مي ايام كبرتي وصرتي سيده اعمال
سيلڤا : امم اه بتذكر .. تتذكر لما فضحتك في المطعم وكشفتك على حقيقتك صحيح كم سنه قعدت بسجن
أدريان : ما شاء الله لسا متذكره كان زمان الكبر غير يا سيسي وعلى كم سنه قعدت ثلاث سنين مش كثير يعني وطلعت كملت مسيرة الحوت يل خلتني اقعد معك هل لحظه
زيد : احم ايش في شباب ممكن نهدى ماضي وراح ليه تفتحوا
أدريان : اسأل الانسه
سيلڤا : مافي داعي هيو شرف كرم
كرم : مرحبا .. سيلڤا ما كنت بعرف انك رح تكوني هون
سيلڤا : شايف صدفه ما صارلي ربع ساعه شايفتك
أدريان : اقعد يا كرم بتعرفي سيلفا احنا تصالحنا فترة سفرك واعتقد كرم حكالك
سيلڤا : لا للاسف من الشغل مش قادره حتى اسمع
أدريان بخبث : هه اجى اليوم يل نجتمع فيه احنا ثلاثه مع بعض ونصفي حساباتنا
زيد : احم انا وين نسيتوني
طلع أدريان وكرم على زيد بنظره استحقار زي الحشره وحاشر حالو
أدريان : نسيت للاسف بعتذر على نسيانك
زيد : لا مش مشكله صفوا حساباتكم انا قاعد لو سمحت واحد عصير برتقال
كرم : يعني انت لسا بدك ضل موجود حابب وجودك
زيد : اكيد طول ما انا جنب خطيبتي رح أفضل اضل قاعد ولا بدك ياه من دون زلام
كرم بصوت واطي : لا واضح مين زلمه فيكم
قربت سيلفا على زيد
سيلڤا : مش كأنو زودها بالكلام
زيد : عارف بس خليهم بستاهلوا
سيلڤا : ياريت بلا مشاكل زيد مش ناقصني
كرم : شو بتحكوا قولولنا احنا قاعدين
زيد : لا ولا اشي شغلات خاصه وانت بشو كنت تحكي بصوت واطي ما سمعت
كرم : لا بحكي ماشاء الله عنكم حلوين مع بعض
انضغطت محسيت الوضع مش مريحني
سيلڤا :بالأذن بدي اروح على تواليت
أدريان : أذنك معك خلينا نقعد شوي مع ابو شباب ولا شو رأيك كرم
كرم : وانا نفس رأيك
دخلت غسلت وجهي أكثر من مره حاسه رح تصير مشكله سكرت الباب تنهدت ما كملت وإلا الباب بدق بقوه
سيلڤا : مين ... استنى شوي أهدى
فتحت الباب أنصدمت
سيلڤا : كرم !!!
كرم : ولا كلمه
سيلڤا بأستغراب : شو بتعمل
كرم : شايفه شو بعمل ..بقفل الباب
سيلڤا بخوف : ليه شوبدك
#يتبع
مراسلة قصص بقلمي Hanaa -Ayman