#فتاة_البنفسج_بقلم_حلا_الشويكيالجزء الثالث
@rwayate
حسنية : لأني اجازتي 24 ساعة بالزبط ما فيني خالف اوامر الخانم
تالا : اي والحارس ابو نورا وينو ؟
حسنية : ناديلك ياه ؟
تالا : بس ارجع من الجامعة بحكي معو .. فكرت اخد اجازة هو كمان
حسنية : لا شفتو من شوي
تالا : ماشي ..
مشيت تالا وقفت جنب السيارة لحتى فتحلا الباب ابو عبدو وركبت بدون كلام .. بنص الطريق
تالا : ابو عبدو .. اليوم اخي جاي من السفر وما بدي وصيك ..
ابو عبدو : حاضر ما رح اتأخر .. ما رح اتحرك رح انطرك لحتى تخلصي محاضرتك
تالا : اي
نزلت من السيارة ومشيت خطوتين .. حست بوجع قوي اثر الحادث وقفت بمكانا ... وصارت تضغط على ايدا بقوة
ابو عبدو : انسة تالا ازا تعبانة بنرجع عالبيت ؟
تالا : تالا ما بتتعب يا ابو عبدو
كملت مشي وهي عم تقاوم الوجع .. مسكت بالحيط وصارت ترتكي عليها مشان تطلع عالمحاضرة .. بس هالمرة ما قدرت ..
( ياربي انا شو صايرلي .. مبارح طلعت هاد الدرج كلو ونزلتو وما كنت موجوعة متل اليوم اااااخ )
وهي عم تحاول تطلع اجا رائد ..
رائد : انسة تالا .. فيكي شي ؟
رفعت عيونا واتطلعت فيه ..
رائد : عم تبكي ؟ خير انشالله شبك بشو بقدر ساعدك ؟
تالا : ما بدي مساعدة من حد وما عم ابكي .. روح من هون
طلعت درجة وحدة و كانت رح توقع مسكها رائد ..
تالا : خلص بدي انزل .. رح ارجع عالفيلا
رائد : طيب لا تقولي لا .. هاتي ايدك نزلك لو سمحتي بدي ساعدك
تالا : ......
حطت ايدها بإيدو .. ونزلت
تالا : خلص روح .. شكرا
رائد : وصلك انا ؟
تالا : لا معي الشوفير
مشيت وكان رائد يمشي وراها خايف عليها .. وصلت لباب الجامعة واتطلعت من بعيد .. ( راااائد .. هيئتو ! طيب شلون عرف مكان بيتي وشلون عرف اني بنام بهالغرفة .. انا اصلا ما نمت بهالغرفة الا بعد الحادث !! لأنه صعب علي اطلع درج الفيلا كلو للطابق يلي فيه غرفة نومي ! يعني هو بيعرف متى الحادث و وين بنام .. طيب ليش يجي ويراقبني ؟ )
ابو عبدو : انسة تالا اركبي تفضلي
تالا : يلا
طول الطريق وتالا عم تفكر بتصرف رائد اللي كان مو مقبول بالنسبة الها .. دق موبايلا
تالا : الو .. اي
جيهان : اتصلت اتطمن عليكي دخلتي عالمحاضرة ؟
تالا : اي دخلت .. بدي ساعتين وبرجع
ابو عبدو عم يتطلع على تالا بمراية السيارة بإستغراب
سكرت تالا الخط ..
تالا : اتطلع قدامك
ابو عبدو : لوين بتحبي نروح ؟
تالا : وين برأيك ؟ عالفيلا طبعا
كان تصرف غريب من تالا انها حكت لإمها انها بالمحاضرة .. وانو بدا ساعتين ..
ابو عبدو : تفضلي وصلنا
تالا : انزل ناديلي لحسنية
ابو عبدو : حاضر
مسكت موبايلا وفتحت المسنجر .. كان في طلب مراسلة بينطر موافقتا ..
( رائد ! لك شو في ؟ من وين جاب اسمي عالفيسبوك كمان !! عنوان بيتي .. وايميلي .. وموعد فيقتي من النوم .. كتير هيك !! )
حسنية : انسة تالا .. بشو بتؤمريني ؟
تالا : اي .. مسكي ايدي و دخليني لغرفتي ما عم بقدر اتحرك
حسنية : تكرمي .. اي غرفة يلي تحت ولا يلي فوق ؟
تالا : عم قلك مو قادرة امشي معقول اطلع لفوق ؟ .. لحظه مو هداك ابو نورا ؟ روحي ناديلي ياه
حسنية : حاضر
اجا ابو نورا متلبك كتير ..
تالا : هاتي ايدك حسنية
استندت على ايد حسنية و وقفت ..
تالا : الساعة 7 الصبح وين بتكون
ابو نورا : هون
تالا : و 8 الصبح ؟
ابو نورا : كمان هون
تالا : ومين بيدخل عالفيلا بهالوقت ؟
ابو نورا : م .. م .. م .. ما حدا
تالا : متأكد ؟
ابو نورا : اي .. ليش ف .. ف .. في شي انسة ؟
تالا : لا
مشيت وهي عم تستند على حسنية ...
جيهان : تالااااا ؟ مو قلتيلي بدك ساعتين لترجعي ؟
تالا : ليش في شي ؟ انزعجتي من رجعتي شي ؟
جيهان : لأ
تالا : ماما الحقيني على غرفتي بدي حاكيكي
جيهان : ماشي .. ( بينها وبين حالها : الله يستر )
البيت هادي كتير .. ما في اي صوت .. في خدم عم يجهزو لوازم حفلة رجوع زياد اخو تالا من السفر .. وفي حسرة وقهر عم تسيطر على قلب تالا وخوف متملك جيهان
جيهان : شو بدك تقوليلي ؟
تالا : اول شي ابي ليش ما رح يجي مع زياد متل كل سنة ؟
جيهان : ......
تالا : عندو شغل .. طيب جاوبت بدالك مشان ما تتلبكي اكتر وشك صار اصفر .. المهم السؤال التاني رأفت !! رأفت دكتور قد الدني ما ؟ مو عيب يلي عملو ؟ مو عيب ؟
جيهان : والله يا بنتي يعني .. ليكي نحنا كنا رح نقلك بس انتي ما فتحتيلنا مجال
تالا : ( بعصبية ) بس يلي عملو رأفت مو مقبول
جيهان : وانا كمان غلطت مو بس هو .. خلص كانت غلطة سامحينا
( اندق باب الغرفة )
تالا : فوتي حسنية
حسنية : تفضلي كاسة عصير الليمون
تالا : سكري الباب وراكي
حسنية : في برا بياع ورد جاي ومعو بوكيه ورد كبير لونو بنفسجي وطلب يشوفك
تالا : يشوفني الي ؟ ليش ما عطاكي البوكيه لألك وقلك توصليلي ياه ؟
حسنية : ما بعرف
تالا : لاحقتك
ارتكت تالا على الحيط و وقفت
جيهان : موجوعة ؟
تالا : اي كتير اليوم موجوعة .. شوي وبنكمل حديثنا لأشوف مين باعتلي الورد
مسكت جيهان موبايلا و بعتت مسج لرأفت ( تالا بتعرف كلشي )