📚قصص||روايات||منوعة📚

فتحت الباب و نزلت انا و عم اتلفت حولي ،لمعت السما لمعة قوية و بعدا رعدت بقوة ،نفض جسمي و التفتت لوراي على صوت ياسمين عم تضحك علي
ياسمين:يا جبانة
شيرين:تضربي
قربت لميز الشي الغريب الاسود ،كان كيس كبيرة اسود ،فتحتو بطرف اصابعي و هفت ريحة بشعة منو و اول ما شفت المنظر رجعت خطوتين لورا و انا قرفانة ،كان كلب ميت و الدبان و الدود عم ياكلو ،فتلت ضهري لارجع على السيارة و شفت واحد عم يمشي بخطوات سريعة باتجاه ياسمين ،طويل كتير بشكل خيالي و لابس جاكيت اسود طويل ،كانت ياسمين عم تقلب بالاغاني و ما منتبهة عليه حتى صرخت صوت
شيرين:يااااسمين ...انتبهي
اطلعت فيني ياسمين و ما فهمت علي ،ركضت بسرعة و هو صار يركض وقت شافني عم اركض باتجاه السيارة ،طلعت فورا وقفلت الابواب و مشيت بسرعة انا و عم القط نفسي
ياسمين:شبك
@rwayate
شيرين:وطي الصوت حتى تسمعيني
اطلعت على المرية و ما شفت حدا
شيرين:كان في واحد.شكلو غريب كتير جاي باتجاه السيارة من جهتك و نادتلك صوت بس انت ما سمعتيني
ياسمين:مين هالواحد ؟ما شفت شي
شيرين:كيف بدك تشوفي و انت يا حاطة راسك بالموبايل يا عم تقلبي بالاغاني
ياسمين:طيب هاي طفيتو ،ارتحتي هلأ ،صحي شو طلع بالكيس
شيرين:كلب ميت
نحن و ماشين بالطريق و انا عيوني مفتحتن على عشرة و عم اطلع على الجهتين و متوترة حتى صرخت صوت ياسمين
ياسمين:شيري انتبهي
وقفت السيارة باخر نفس
شيرين:يالله ،شو هادا كمان ؟
كان في جذع شجرة كبير مسكر الطريق
ياسمين:كيف بدنا نتابع هلأ،ما فيكي تطلعي فوقو
شيرين:اكيد لا،خلينا ننزل نزيحو من الطريق
اول ما حطينا رجلنا برا السيارة ،كبست المطرة
ياسمين:هلأ كملت
شيرين:تعي امسكي من طرفي
كان كتير تقيل ،تعبنا نحن و عم نرفعو و ننقلو للجهة التانية
شيرين:ما كان موجود نحن و جاين
ياسمين:ايه صح ،غريب
@rwayate
جلست ضهري انا و عم نفض ايدي و برمت جسمي لارجع على السيارة ،و شفت نفس الشكل بس هالمرة واقف جنب باب السيارة ،صرخت صوت ياسمين وقت شافتو و انا بقيت واقفة بمحلي و رجلي عم يرجفو و وهو واقف و عم يطلع فينا و ماسك عودة و عم ينكش اسنانو فيا ،اطلعت ببعض انا و ياسمين و بعدين التفتنا لعندو و بلش يمشي باتجاهنا و نحن نرجع لورا حتى سرع خطواتو و نحن بلشنا ركض نحن و عم نصرخ ،التفتت لورا و ما عاد شفتو ورانا و زاد خوفي اكتر
شيرين:ياسمين وقفي ،ما عاد ورانا
ياسمين:يا امي شفتي شكلو اديش غريب ،شيري انا خايفة كتير
شيرين:لازم نرجع عالسيارة امن من انو نبقى بالشارع
ياسمين:و بلكي كان ناطرنا هنيك ،يالله،مين هيدا و شو بدو مننا
شيرين:ما بعرف بس الواضح انو نيتو ما منيحة ،لو كان غير هيك ،ما كان ركض باتجاهنا و هو يلي حط الجذع و الكلب و قطعلنا الطريق
رجعنا بنفس الطريق نحن و ماسكين ببعض و خايفين ،كانت السيارة بعدا موجودة بمحلا و ما في اي حدا حوليا
شيرين:خلينا نركض و نطلع فيا و نقفل الابواب
اول ما دورت السيارة و بدي امشي ،فجأة قام واحد من المقعد الخلفي من السيارة و ثبتني بايديه بمحلي و انا عم صرخ ،فتحت ياسمين الباب و نزلت بسرعة لتهرب بس خبطت بواحد تاني بيشبهو ،ثبتا بايديه الاتنين على الباب
شيرين:شو بدكن منا ،بدكن مصاري ....هاي جزداني
@rwayate
اعطيتو جزداني ،مسكو و زتو من الشباك
مسعود:انزلي من المركبة
شيرين:شو بدكن منا..(تبكي)
نزل ايديه عن جسمي هو و عم يطلع فيني و عابس
مسعود:رح نزل ايدي عنك هلأ،انزلي من المركبة
شيرين:طيب طيب
فتحت الباب و نزلت و ركضت،لحقني و مسكني من ايدي بغمضة عين و سحبني انا و على الارض باتجاه السيارة
شيرين:اتركني ...شو بدك مني ...الله يخليك اتركني
اطلع بالشخص التاني يلي كان محاوط ياسمين يلي كانت عم تبكي و تستنجد ،بس ما كان فيه حدا بالطريق غير نحن الاربعة
مسعود:يلا خلينا نمشي و بعدين بترجع بتخفي المركبة بالوادي
كل واحد منن مسك وحدة فينا ،كانت اشكالن ما مألوفة ابدا ،طولن بيتجاوز المترين و اكتافن عريضة كتير و واحد منن بشرتو بيضا و التاني داكنة و عيونن كبيرة و جاحظة و شعر اسود اشعث مكسي و غزير حتى تيابن غريبة ،للوهلة الاولى بتفكرن وحوش بس هيئتن هيئة بشر ،حاولت كتير افلت من ايدو على الطريق ،عضيتو بس كان لحمو قاسي حتى اسناني ما غرزت ابدا ،حاولت اضربو بايدي بس كنت متل يلي عم يضرب حيط حتى
@rwayate
عصب مني و ضربني كف و غبت عن الوعي و وقت صحيت ،كان حاملني على ضهرو و عم يمشي بين شجر عالي بطريق نزول حتى وصلنا لنهرمجراه قوي ،شلحو من رجلين و مسكو احذيتن بايدن و دخلو بالمي حتى وصلو للطرف التاني ،حسيت حالي متل الغنمة و اخدينا على الدبح و كنت عم ادعي لله يكون كل هالشي كابوس ،حتى وصلنا على النقطة الاخيرة
مسعود:يابي ....يابي .....
خبط على باب بيت حتى انفتح من جوا
فتحية:مسعود!شو جايب معك ؟

جلست قعدتي انا و عم افرك عيوني

شيرين:احكو ليش حابسينا هون؟
حطت طاولة صغيرة قدامي و حطت عليا صنية فيا بيض مسلوق و جبنة و لبنة و زيتون و بندورة و خيار و كاستين حليب
زهرة:افطرو هلأ ،صحة و هنا سلفا
فتحية:و لنرجع منبلش
ياسمين:بشو بدكن
@rwayate
تبلشو...هاااي...وين رحتو
تجاهلونا و طلعو و قفلو الباب علينا،قربت ياسمين تاكل و اول لقمة حطتا بتما رجعت تبكي
ياسمين:هدول بدن يعلفونا قبل ما يدبحونا و ياكلونا
شيرين:ياسمين انت شكلك متأثرة كتير بأفلام الرعب يلي عم تحضريا
ياسمين:و هادا شو بتسميه ،ما رعب ،يلي صار معنا من مبارح لليوم ما رعب
شيرين::رعب بس ما متل انت متخيلة،كلي هلأ ،بجوز هاي وجبتنا الاخيرة لليوم
ياسمين:يعني شو ...رح نموت
شيرين:قصدي بجوز ما تلحقنا وجبة تانية اليوم ،ما قصدي اخر وجبة بحياتك
ياسمين:نيالك على برودة هالاعصاب
شيرين:اي لكن انا يلي نمت مبارح بسرعة و شخرت مو هيك
ياسمين:من الخوف و تعب التفكير
فطرنا بصعوبة و نحن عم نشرب كاسة الحليب و احكيلا لياسمين شو سمعتن عم يحكو مبارح ،انفتح الباب و فاتت فتحية و زهرة ،قامت زهرة للصينية من قدامنا و راحت ،بقيت فتحية عم تطلع فينا ،رجعت زهرة و بأيدا صنية تانية
@rwayate
فتحية:تعي انت و وقفي هون
شيرين:انا ؟
فتحية:ايه
شيرين:ليش ؟
فتحية:اعملي متل ما عم قلك يلا
قمت وقفت و قربت عليا انا و خايفة ،ناولتا زهرة مقص ،فتحت المقص و قربتو ،انا خفت و رجعت لورا ،مسكتني من زندي و قربتني لعندا
شيرين:شو بدك تعملي؟
فتحية:وقفي بثبات ،ما رح اعملك شي
حطت المقص من طرف بلوزتي و بدا تقصا ،رجعت لورا
شيرين:شو بدك تعملي؟
فتحية:اشلحي خلصيني
شيرين:مابدي
فتحية:هدول شكلن بدن يعذبونا
قربت زهرة لجهتنا ،كانت ملامح وجهها و نبرة صوت اهدى و احن من فتحية
زهرة:سمرا حبيبتي ما رح نأذيكن ،بهدوء اشلحو تيابكن و خلينا نبلش
شيرين:نبلش بشو؟
راحت على الطاولة و جابت الصنية و قامت منا سكر معقود و صارت تمطا قدامنا
@rwayate
زهرة:نبلش تنظيف
ياسمين:ليش؟
فتحية:عم بلش عصب انا
زهرة:طولي بالك فتحية ،شويش شويش منفهمن ،انتو ما بتنظفو العروس قبل ما تتزوج
شيرين:العروس؟نحن شو دخلنا ؟
زهرة:انتو العرايس
ياسمين:عرايس!لحظة لحظة نحن عرايس لمين ؟
زهرة:انت عروس لابني محسن و اختك سمرا عروس لابن ضرتي مسعود.
اطلعنا ببعض انا و ياسمين
ياسمين(تبكي):مستحيل...موتونا اهون من انو تعملو فينا هيك ..شيري سمعتي
شيرين:نحن عنا اهل و اهالينا رح يدورو علينا و رح يلاقونا و اذا لقونا بهيك وضع انتو رح تتحاسبو و تنحطو بالحبس انتو و كل العيلة
فتحية:اذا لقونا و لقوكن ،وقتا يحاسبونا ،خلينا نبلش هلا حتى نخلص على بكير،عنا شغل كتير
شيرين:بعدي عني ..اتركيني ...ما بتلمسي شعرة مني فهمانة و بعدي هالقرف عني
فتحية:زهرررة ...نادي مسعود يجي يشوف عروستو كيف عم تعذبنا
زهرة:يلا يا بنتي بلا شوشرة و مشاكل ،مسعود مجنون ،بلا ما يدرى و يزعجك
@rwayate
شيرين:ما بتقربو مني لا انت و لا هي و لا حتى هو ..(تبكي)مستحيل انا اقبل خليكن تعملو فينا هيك
طلعت فتحية و رجعت هي و ابنا و هي عم تمط معقود السكر بايدا
فتحية:شوف ..ما عم تقبل لا هي و لا اختا ،عم تصرخ و تدفشنا بعيد عنا
قرب لعندي هو و عم يطقطق اصابيع ايديه
مسعود:اسمعي الكلمة احسن ما زعلك كتير
شيرين(تبكي):مستحيل خليك انت او غيرك يقرب مني فهمان

قرب مني اكتر و مسكني و قلبني،صار راسي تحت و رجلي لفوق و طلع سلك من جيبتو و ربطلي رجلي و علقني على علاقة تياب بالحيط
شيرين(تبكي):نزلني...يالله ...يا وحوش نزلوني
مسعود:خليا هيك معلقة،بس تغير رايا نزلوا
فتحية:و انت كمان منعلقك جنب اختك الا بتقعدي عاقلة
ياسمين:طيب طيب بس نزلوا
زهرة:بس نخلصلك الك،منزلا
بلشو بياسمين ،كانت فتحية تمد معقود السكر على جسما لياسمين و تشيلو دفعة وحدة و ياسمين تصرخ و فتحية تزورا
فتحية:ما اميعك ،بلا ا هالصريخ
انا بقيت معلقة متل الغنم المدبوح انا و عم صرخ ،بعد ساعة اخدت زهرة ياسمين على الحمام و اجت فتحية نزلتني على الارض
فتحية:قربي يلا
مسكتني و شدتني لعندا بهمجية و عصبية ،ما كان وجعي اخف من ياسمين ،كان مضاعف و كانو عم تعاقبني،طلعت ياسمين من الحمام ،كان وجهها احمر كتير و لافة جسما بالمنشفة ،قعدتا زهرة على كرسي و بلشت تسرحلا شعرا و بعدين فتت انا على الحمام ،شفت طنجرة كبيرة كتير فيا مي عم تغلي و تحتا حطب مجمر
فتحية:قعدي على هالكرسي
شيرين:المي سخنة كتير؛بنسلق هيك
فتحية:ايه احسن حتى يروح كل وسخك و سوادك
شيرين:انا جسمي نظيف
فتحية:هلأ منشوف
فركتلي فتحية كل جسمي بالصابون و الليفة و عملتلي رجلي بحجر الحمام ،كانت متل يلي عم تفرك جاجة بايديا ،و كل ما قلا شوي شوي ،تقوي ايدا اكتر ،طلعت من الحمام ،شفت ياسمين قاعدة على الكرسي و زهرة عم ترسملا بالحنة على ايديا و رجليا ،قربت فتحية لعندا و وقفت فورا راس زهرة تطلع عليا
فتحية:انا رسمي احلى
زهرة:ولله انا معروفة بكل هالارض ما حدا بيطلعلو معي بنقش الحنة
فتحية:ايه هلأ منشوف
@rwayate
قعدت على التخت و بلشت فتحية ترسملي على ايدي و رجلي،ما ضل مطرح الا و نقشتلي فيه حنة حتى ما عاد بين لون الجلد و هي عم تتنافس هي و زهرة مين بينقش احلى ،و انا ياسمين عم نطلع ببعض
شيرين:ايمت هيدا بيروح؟
زهرة:ما بطول كتير ،شي 3 ايام
بعد ما خلصو ،جابت ماسورة حديد طويلة و مسكة ايدا من خشب ،حمو على الفحم المجمر و قربتا مني
شيرين:شو بدك تعملي؟
فتحية:بدي لفلك شعرك
شيرين:يالله هيك بينحرق
فتحية:ما تخافي ،هلا شوفي ما احلاه كيف رح يصير مبروم
بعد ما قسمتلي شعري ،صارت تمسك كل خصلة و تلفا على ماسورة الحديد و تنطر دقيقة و البخار يطلع من شعري ،بعدين تسحب الماسورة و تنزل الخصلة مبرومة و ترجع تحمي الماسورة من جديد لطبقا على كل الشعر
@rwayate
فتحية:عنكن هيك شي انتو؟
زميت شفايفي
شيرين:ايه عنا بس احدث من هيك؛بتنحط بالكهربا
زهرة:ايه نحن هون ما عنا كهربا
ياسمين:كيف عايشين بلا كهربا؟
زهرة:عادي
اطلعت فتحية بزهرة و ضحكت بخباثة
فتحية:بكرا بتعيشو و بتعرفو
شيرين:اديش بدكن لتتركونا نهرب من هون ،اطلبو يلي بدكن اياه
ياسمين:اعتبرونا متل بناتكن،بترضو حدا يعمل فين هيك
فتحية:نحن ما عنا بنات ،زهرة جيبي الفساتين لنقيسن اياهن و نشوف شو بدن تعديل
زهرة:يمكن بدن تقصير
رجعت زهرة و هي حاملة فستانين بيض ،اول ما شفناهن انا و ياسمين رجعنا نبكي
شيرين:هدول عنجد بدن يزوجونا
ياسمين:نحن انتهى مستقبلنا ،الله لا يوفقك يا ابو توفيق
@rwayate
شيرين:حسابو عسير لنطلع من هون
ياسمين:هادا اذا طلعنا ...(تبكي)
قيستني الفستان فتحية و هي عم تحط دبابيس عليه لديقو و تقصرو ،كان فستان ابيض باهت بكم و بقبة مسكرة و بكشكش دانتيل مطرز و مشكوك يدوي
فتحية:زهرة ابعتيه لعند الخياطة سمية و قليلا تخلصو من هون لساعتين
زهرة:حاضر
فتحية:و اتفقدي الشباب وين وصلو
زهرة:حاضر
حطتلنا فتحية كحل عربي بعينا و مسكت قلم روج احمر ،حطت منو على الشفايف و على الخدود و عطرتنا بالمسك و رفعتلنا خصل شعرنا لورا بدبابيس شكلا متل العروق لونا ابيض و مشكوك فيا حبات لولو ابيض
فتحية:قعدو هون يلا ،راجعتلكن
طلعت فتحية و قفلت الباب علينا
شيرين:لازم نلاقي حل
ياسمين:النا من مبارح على نفس الحكي
رجعت فتحية و زهرة و هن حاملين بايدن االفساتين ،لبسونا اياهن و وقفو يتفرجو علينا
@rwayate
زهرة:طلعتو حلوين كتير ،فتحية روحي انت اتجهزي و انا ببقى عندن
فتحية:خلي عيونك مفتحة علين
زهرة:ايه ،انا حابة احكي معكن كلمتين قبل ما نطلع لبرا
شيرين:تفضلي
زهرة:انا بعرف انو انت علقتو هون و سوء قدركن جابكن لهون و رح تبقو هون و حتى لو حاولتو تهربو ما رح تقدرو ،لانو انا قبلكن حاولت اهرب ببنتي بس رجعو جابوني
ياسمين:انت كمان عملو فيكي هيك ؟
زهرة:تقريبا بس انا بنت عمو لابو مسعود ،يعني كان مصيري واضح من اول ما خلقت و يا ريت ما بقيت عايشة و قتلوني متل ما عم يقتلو البنات هلأ
ياسمين:بدن يقتلونا؟
زهرة:لا ،انتو ما رح يقتلوكن ،بس رح تندمو كتير انو عشتو لحد هاللحظة
اطلعنا ببعض انا و ياسمين
شيرين:انت واضح انو انت غيرن ،خلينا نهرب و مناخدك معنا

فتحية:هربت سمرا ....الحقوا ....حرقتني سمرا و هربت
كان الطريق عتمة كتير بس القمر كان مكتمل بهديك الليلة و قدرت شوف الطريق قدامي بصعوبة كنت عم اركض بعيد عن مصدر الصوت و اكلة هم ياسمين و دعيت كتير انو تقدر تستغل الضجة و الفوضي يلي عملتا و تهرب متلي، بقيت عم امشي بين الشجر انا و خايفة من شي كلب او ذئب يطلعلي بنص الطريق ،بعدين سمعت اصوات بشرية و دعسات وراي؛فتلت وجهي و لمحت خيالاتن عم يلحقوني ،توترت اكتر بس زاد اصراري انو اقدر انفد منن ،وصلت على مجرى النهر يلي قطعو مسعود هو و جايبني لهون ،ارتحت كتير انو انا ماشية بالطريق الصحيح ،مديت رجلي بالمي لحس برودتا
شيرين:يالله ..كيف بدي فوت بالمي هلأ
مسعود:ليكا..لقيتا
التفتت لورا و شفت مسعود عم يركض باتجاهي و معو رجال كتير ،نزلت بمية النهر انا و عم صرخ من الخوف و
@rwayate
من برودة المي ،كنت كل ما غمق بالنهر باتجاه الطرف التاني،تغمر المي جسمي اكتر ،كملتو سباحة انا و جسمي متخدر من البرودة بس كان بدي اوصل للطرف التاني و اخلص من الكابوس ،كان بدي اطلع من هاالمكان يلي خارج نطاق العالم ،بس ايدين مسعود نشلتني من المي ،رفعني من المي انا و عم صرخ و ادفشو برجلي
مسعود:خلص مشي الحال ،ارجعو انتو و انا جاي وراكن و انت يا غبية امشي معي ...وين بدك تهربي مني ....
شلح جاكيتو و لفني فيه
مسعود: حسابك لنوصل على الدار
شيرين(تبكي):اتركني روح الله يخليك ،ليش ما بتتزوج بنت من ضيعتكن ،بتناسبك اكتر مني ،انا بدي رجع لعند اهلي
مسعود:....
شيرين:يالله ليش هيك عم يصير معي
وصلنا على ارضن و انا عم ارجف من البرد و الخوف ،كان كل شعري و تيابي الداخلية مي و رجلي متخدرين من المشي على الارض ،استقبلونا ابوه و امو لمسعود
ابو مسعود:البنت يلي بتهرب من عريسا بيوم عرسا عنا ،بيدفنوا و هي عايشة ..
فتحية:بتستاهلي الدفن يا بنت الكلب ،كنت رح تحرقيني
مسعود:اطمن يابي ما رح مرقلا اياها هيك
حط ابو مسعود ايدو على كتف ابنو
ابو مسعود:ايه ابني ،من اول ليلة اقطع راس القط ،هيدا الجنس ما بينعطى وجه ،بدو دعس
@rwayate
دفشني مسعود بأيدو على ضهري لجوا الغرفة و فات و قفل الباب ،انا بقيت واقفة عم ارجف ، قام الجاكيت عني و علقو و كمل شلح تيابو و لبس عباية و قعد على الصوفاية ،كان قدامو طاولة و عليا صنية مغطاية ،رفع الغطا و بلش ياكل بايديه
شيرين:بدي تيابي
مسعود:خليكي هيك
فتحت الخزانة و طالعت منا فستان واسع طويل و لمحت فساتين شفافة معلقة ملونة و عليا ريش كتير ملون ،ذكرتني بفساتين ستي يلي محتفظة فين لهلأ بخزانتا ،سكرت الباب بعصبية انا و عم فكر ،يالله هدول من ايمت الزمن واقف عندن و ما بيمشي ،كانو ما عايشين على كوكب الارض او ما مر من جنبن عصر الاانترنت و التلفزيون ،لبست الفستان و وقفت اتفرج على حالي ،طالعت منشفة و نشفت شعري ،بعدين سمعت صوت وحدة عم تصرخ ،ركضت على االشباك و بقي مسعود قاعد بمحلو
شيرين:هيدا صوت ياسمين ...هاي ياسمين يلي عم تصرخ ...
رحت على الباب لافتحو و اطلع
شيرين:افتح الباب ..بدي روح شوف رفيقتي شو عم تعملو فيا
بقي قاعد و متجاهلني و متابع اكل
شيرين:عم قلك افتح الباب
خلص اكل ،مسك المنشفة و مسح ايديه و اطلع فيني و قام وقف و اجا اتجاهي
شيرين:بعد عني..ولله بصرخ و بلم الناس عليك
ما تخيلت بحياتي انو عيش هيك ليلة بعمري ،اتعرف على الحيوانات بهيئة بشر ،انضميت لياسمين بالبكاء و الوجع ،ما كان فيه لا رحمة و لا انسانية بقلبو ،ما بعرف اذا كان عم يتصرف طبيعي او عم يعاقبني بس بكل الاحوال
@rwayate
،تمنيت لو حرقت حالي انا و الفستان او شي ذئب طلع و اكلني بنص الطريق و لا لقاني مسعود و رجعني معو،ما كان حال ياسمين افضل من حالي ابدا ،التقيت فيا بعد 3 ايام؛بعد ما طلعت من غرفة مسعود على عذاب من نوع تاني ،اعطتني فتحية جاط مليان تياب و و حطتلي فوقن صابونة
فتحية :سحبي مي من البير برا و افركين و اغسلين منيح ،هدول تياب زوجك
شيرين:حاضر
اخدت الجاط و طلعت لبرا ،شفت مسعود و ابوه واقفين من بعيد عم يحكو مع رجال ،التفتت على الجهة التانية و شفت ياسمين ،كانت عم تشعل حطب مع زهرة بحديقة البيت يلي جنبنا تماما ،اشرتلا بايدي لتجي عندي؛حكت مع زهرة كلمتين كانو اخدت اذنا و اجت لعندي ،كان وجهها شاحب كتير و عيونا نعسانين و دبلانين ،اول ما التقينا ،لفتني و صارت تبكي و انا صرت ابكي اكتر منا
شيرين:عم اختنق هون

جسمن و عفنو و ماتو لانو ما متعودين على هيك جو بس بيستاهلو
شيرين:ها ،العمى على هالجهل و التخلف !
مسعود:شو حكيتي ما فهمت ؟
شيرين:ولاشي ما حكيت شي ....(بصوت منخفض)يا بلا مخ
قام وقف و حمل سطل الحليب و طلعنا من الزريبة
شيرين:طيب من وين بتشترو تيابكن يلي بتلبسوا؟
مسعود:بيجي ابو توفيق كل اخرة الشهر على الطريق يلي كنت ماشية فيه انت و قشطة و بوقف هنيك و نحن الرجال منروح منشتري منو النا و لنسوان الضيعة
شيرين:ابو توفيق!ما غيرو يلي بعتنا لهون كرمال نبتة البقدونس السرخسية؟
اطلع فيني و رفع حواجبو و ابتسم
شيرين:اها ،هيك لكن ،يعني كنتو متفقين من قبل انو ابو توفيق بيبعتنا و انتو بتاخدونا ،و شو المقابل؟
مسعود:شوية مصاري
شيرين:طيب ليش كل هاللفة ،ليش ما بتتزوج انت و اخواتك من بنات الضيعة؟
@rwayate
مسعود:لانو ما في بنات بأرضنا
شيرين:كيف يعني ما في بنات،يعني الكل هون بخلف صبيان
وقف و هو عم ياخد نفسو
مسعود:لا بخلفو بنات بس هون عنا البنات مندفنن تحت التراب و هنن عايشين
شيرين:شوو!عنجد؟ليش؟
مسعود:هاي عادة اجدادنا و ربينا عليا و ما منقدر نغيرا ،البنات بيجيبو العار
تركني و مشي و انا بقيت واقفة و عم استوعب الفكرة
شيرين:بحياتي ما شفت ناس اغبى من هيك ،بيقتلو بناتن و بجيبو بنات من برا ارضن ليتجوزون
مسعود:شبك واقفة ...يلا امشي
ركضت وراه انا و عم احكي
شيرين: يعني امك خلفت بنات و قتلتون
مسعود:امي جابت من 6سنين توم بنات و انا دفنتن تحت هديك الشجرة
شيرين:يييي هاي جريمة و بتتعاقبو عليا
مسعود:مين بدو يعاقبنا ،هون نحن يلي منعاقب و منحاسب بس و ما منتحاسب؛ما حدا بيسترجي يطلع لهون على ارض امير الجبل و خاصة حدود ارض العمالقة مين ما كان يكون
شيرين:اها ليش ؟
مسعود:لانو مناكلو

نفيسة:طويلة كتيررر...
فتحية:و ما احلاها ما تكون طويلة ،ليش في غير الطوال هون ههههههه
نفسية:ههههه بس قصدي طويلة و نحيفة ،بيضا و عيونا عسليات و شعرا خرنوبي،عرفتيا؟
فتحية:هههههه طبعا عرفتا ،يبعتلا بقلعن لعيونا ،اقلعيلا اياهن باصبعتك نفيسة
نفيسة:ايه ما تكرمي يا ست الكل ،ليش في حدا بكل نسوان هالارض ما بغار منك بس ما حدا بوصل لضفر رجلك
ابتسمت فتحية من حكي نفيسة يلي كانت عم تلطش فيه على زهرة
نفيسة:ابصمي يا ستي
لحست اصبعا فتحية و بصمت بنفس الفنجان
نفسية:خاتم!جايكي خاتم دهب هدية
فتحية:اكيد من ابو مسعود
نفسية:ايه لا تنسينا من الحلوان ...تعي انت افتحلك فنجانك
شيرين:لاا لا ما بدي ،ما بأمن بهيك شي انا
نفيسة:تصطفلي
طلعت نفيسة من عنا بعد ما حملتا ام مسعود سطل لبن وسطل بيض و الاولى عم تشكرا و تبوسلا ايدا ، انا و عم اغسل كاسات القهوة ،شفت مسعود جاي هو و ابوه من بعيد ،فات ابوه على البيت و قرب لعندي مسعود
مسعود:انا سابقك على غرفتنا ،لحقيني بدي فرجيكي شو جايبلك
بعد ما خلصت ،فتت لعندو
شيرين:ايه مسعود شو جايبلي ؟
مسعود:قعدي هون
قعدت التخت و قرفص على ركبو و رفع الفستان عن رجلي و لبسني خلخال دهب و باس رجلي ،سحبت رجلي فورا
شيرين:شو هيدا؟
مسعود:عجبك؟
شيرين:ايه حلو يسلم ايديك،مبارح بالليل وين كنت؟
مسعود:كان عندي شغل
شيرين:شغل بنص الليل!
مسعود:ايه ،بدك تتعودي كل فترة بصير عنا شغل بنص الليل
شيرين:شو هالشغل؟
مسعود:منبعت خضرة و مواشي للمدينة
شيرين:طب ليش ما بتبعتون بالنهار؟
وقف يحك جبينو هو و متلبك
مسعود: لانو ما بدنا حدا يشوفنا من اهل الارض و يصير الكل بدو يقلدنا و هيك منخسر كتير
شيرين:اها،مسعود انا كنت ناطرتك لاخد اذنك
مسعود:بشو؟
شيرين:حابة روح زور قشطة،من اول ما تزوجنا ،ما عاد شفنا بعض
مسعود:...
شيرين:ما بطول
مسعود:طيب البسي لوصلك انا
شيرين:من بعد البيت يعني،بروح لحالي
مسعود:ما عنا نسوان بتطلع خطوة برا البيت بلا رجال معا
شيرين:طيب
لبست تنورة سودة طويلة للارض و فوقا بلوزة سودا طويلة و جمعت شعري بشال ربطتو من ورا و راح وصلني مسعود على بيت زهرة،استقبلتني زهرة بابتسامة هادية
زهرة:يلا هلأ بنادي لقشطة
@rwayate
اجت ياسمين من غرفتا،كان وجهها مرتاح اكتر من اخر مرة ،قعدت معنا زهرة شوي وبعدين تركتنا لحالنا و فاتت لجوا
ياسيمين:شو شيري احكي صار معك شي جديد
شيرين:خطرت على بالي فكرة
ياسمين:احكي
شيرين:اول الشي،بتجي لعنكن نفيسة فتاحة الفنجان
ياسمين:اي اجت من يومين
شيرين:ايه كتير منيح ،الفكرة يلي براسي هي كالتالي
خبرتا لياسمين فكرتي هي و عم تهز براسا
ياسمين:و مقابل شو بدا تعمل هالحكي؟
رفعت تنورتي و هزيت برجلي
شيرين:مقابل هيدا،شكلا غلبانة و فقير كتير و انا متأكدة رح تشط ريالتا عليه
ياسمين:و اذا ما مشيت على فتحية و ما اثر شي
شيرين:منكون حاولنا على الاقل،كيفك انت و محسن؟
ياسمين:مناح مناح،انا عم سايرو متل ما قلتيلي
@rwayate
شيرين:كتير منيح ،بكل الاحوال بدو ياخد طلبو غصب عنك و رح يضربك
ياسمين:و انا هيك حكيت ،اسمعي مبارح قلتلي زهرة انو جابت بنت من كام سنة بس دفنو هي و عايشة ،عم تتخيلي الوضع؟
شيرين:بعرف ،قلي مسعود ،كمان دفنو بنتين لفتحية..
ياسمين:انو شفتي اغبى من هيك ناس على وجه الارض
شيرين:لا ما شفت لحد الان،تعي لاحكيلك عن حليب القطط ههههه
قعدت ساعة عند ياسمين و اجا مسعود اخدني و رجعني على البيت
فتحية:وين كاينة؟
شيرين:عند قشطة
فتحية:ها

لفيتا و بوستا انا و عم ابكي من فرحتي
فتحية:بس خايفة انك ما ديري بالك علين و تخليني اندم..
شيرين:ما تخافي ولله لاعتبرن متل اخواتي ،شو الخطة؟
فتحية:بكرا ابو مسعود و اولادو عندن شحنة للتجار بنص الليل و نحن رح نستغل هالوقت و تاخدين و تطلعي انت بس من غير قشطة
شيرين:مستحيل اطلع من غير قشطة ،جيبيا تنام عنا بهديك الليلة ،اعملي اي شي بس قشطة بدا تكون معي و تساعدني بالبنات
فتحية:طيب رح حاول بس ما على الاكيد بس اسمعي يا سمرا ما بدي تهربي انت و تتركي بناتي وراكي بالطريق و الا ولله لخلي اولادي الاربعة و اولاد ضرتي ينزلو يجيبوكي من وين ما كنت
شيرين:اوثقي فيني و انا عطتيك كلمة رجل بناتك قبل رجلي بهالطريق ،رح حطن تحت جناحي و دير بالي علين و طمنك باول فرصة
فتحية:رح وصلكن لاقرب نقطة امنة و من هنيك رح بتلاقي حدا ناطرك اسمو باسل بعربة بحصان ابيض،هو يلي رح ياخدكن و ينزلكن على مشارف المدينةو بتعطيه عنوانك حتى كل فترة يمر يطمن على البنات و يعطيكي مصروفن
شيرين:تمام تمام بس انت امنيلنا الطريق
فتحية:اوعى تغلطي قدام حدا ،مسعود ما رح يعرف بشي من هالحكي
شيرين:ماشي ماشي
كنت ناطرة هاليوم بفارغ الصبر،هديك الليلة اجت ياسمين تنام عنا بحجة انو فتحية بدا تعمل اقراص حلو و ياسمين بتساعدنا فين ،طلعو ابو مسعود و اولادو التسعة من البيت باستثناء سيف يلي بقي نايم بالبيت كرمالنا ، ما كان معنا غير وقت قليل ما يقارب الساعتين،لبست تياب و سمكت بعد ما فهمتا لياسمين كل شي و رحنا على القن اخدنا البنات و طلعنا من الضيعة من طرق ضيقة و نحن ماشين ورا فتحية ،دخلنا بين الشجرنحن و طالعين لفوق حتى وصلنا على النهر ،فتحية حطت بناتا على كتفا وحدة وحدة و وصلتن على الضفة التانية و انا و قشطة دخلنا بالمي الباردة حتى وصلنا لعند فتحية يلي كانت عم تبكي و تودع بناتا و تبوسن و اضمن و تشمن حتى انا و قشطة بكينا عليا
فتحية:انا اكتر من هون ما بقدر وصلكن،هلأ بتابعو لفوق بخط واحد حتى توصلو على الشارع الرئيسي بس ما بتطلعو فورا عليه عالمكشوف بضلو ماشين على موازيه بس بعد خط شجر حتى ما حدا يشوفكن و بعد مسافة رح تلاقو العربة ناطرتكن و الباقي بتعرفوه بس ديرو بالكن من ابو مسعود و اولادو لانو انا ما بعرف وين عم يحملو الحمولة ....سمرا اوعى تنلقطو ...اذا انلقطو انا بخسر دجا و ثريا...ما رح يخلون يعيشو
شيرين:طيب طيب ،خلينا نمشي بسرعة
رجعت ضمتن و باستن هي و عم تأمنا علين و تركتنا بصعوبة نكمل طريقنا لحالنا بعد ما اعطتنا شعلة بضو خافت ،كنا انا و ياسمين مبسوطين انو اخيرا رح نطلع من هالخندق ،مشينا متل ما خبرتنا فتحية نحن و عم ندور على العربة بخيل ابيض حتى شفناه و ركضنا عليه
باسل:اطلعو يلا بسرعة
طلعنا قعدنا انا و ياسمين و كل وحدة مننا حطت بنت بحضنا وشد سراج الخيل و مشي فينا
باسل:من وين طلعو هدول؟
شيرين:شوفي؟
وقف العربة فجأة و بعدين لف و صار يرجع لورا
شيرين:شو يلي صار ،ليش عم ترجع؟
باسل:ابو مسعود و اولادو عم يحملو شحنة هوت ،بدي ارجع قبل ما يحسو علي
شيرين:ايه بسرعة ،خدنا من طريق تاني
باسل:ما في طريق تاني ،رح ننطر بين الشجر لبين ما يخلصو و بعدين منتابع طريقنا
ياسمين:شيرين؛حاسة حاالي دايخةو بدي استفرغ
شيرين:ياسمين شدي حالك ما وقتا هلأ
ياسمين:ما قادرة
قامت بسرعة و نزلت من العربة و صارت تستفرغ على الارض و تسعل بصوت عالي
باسل:يا سلام،دخليا و سكتيا الله يخليكي و الا بيعرفو محلنا
شيرين:ياسمين دخيل الله رح تفضحينا
ياسمين:شيري ما قادرة وقف على رجلي
شيرين:شو صرلك،شدي حالك
فجأة سمعنا صوت رصاص و بين من بعيد اتنين طوال ما قدرت شوف ملامحن عالعتمة ،صرخو بصوت عالي
_مين هون؟
باسل:يالله ،اطلعو بسرعة رح نمشي
طلعتا لياسمين على العربة انا و عم سندا علي ، ضرب باسل الخيل بالسوط و انطلق بسرعة بوجهن و هدلاك بلشو يضربو رصاص حتى يوقف حتى ياسمين غابت عن الوعي و البنتين خافو و صارو يصرخو و الخيل جن جنونو من الرصاص و صار يصهل بصوت عالي و يركض و يتمايل حتى انحرف عن الطريق و نزل بالمنحدر و وقع و انقلبنا كلنا من فوق لتحت ، ركضو االباقي علينا هن و عم يضاو علينا ليشوفو مين جوا العربة و ماسكين اسلحتن و مصوبينا اتجاهنا ، سحبو باسل من محلو على الارض،كان وجهو كلو دم و غايب عن الوعي ،بعدين سحبو ياسمين يلي كانت كمان فاقدة وعيا و بعدين سحبو البنات يلي كانو عم يبكو و خايفين و بعدين طالعوني ،و اول شخص شفتو

لفيتا و بوستا انا و عم ابكي من فرحتي
فتحية:بس خايفة انك ما ديري بالك علين و تخليني اندم..
شيرين:ما تخافي ولله لاعتبرن متل اخواتي ،شو الخطة؟
فتحية:بكرا ابو مسعود و اولادو عندن شحنة للتجار بنص الليل و نحن رح نستغل هالوقت و تاخدين و تطلعي انت بس من غير قشطة
شيرين:مستحيل اطلع من غير قشطة ،جيبيا تنام عنا بهديك الليلة ،اعملي اي شي بس قشطة بدا تكون معي و تساعدني بالبنات
فتحية:طيب رح حاول بس ما على الاكيد بس اسمعي يا سمرا ما بدي تهربي انت و تتركي بناتي وراكي بالطريق و الا ولله لخلي اولادي الاربعة و اولاد ضرتي ينزلو يجيبوكي من وين ما كنت
شيرين:اوثقي فيني و انا عطتيك كلمة رجل بناتك قبل رجلي بهالطريق ،رح حطن تحت جناحي و دير بالي علين و طمنك باول فرصة
فتحية:رح وصلكن لاقرب نقطة امنة و من هنيك رح بتلاقي حدا ناطرك اسمو باسل بعربة بحصان ابيض،هو يلي رح ياخدكن و ينزلكن على مشارف المدينةو بتعطيه عنوانك حتى كل فترة يمر يطمن على البنات و يعطيكي مصروفن
شيرين:تمام تمام بس انت امنيلنا الطريق
فتحية:اوعى تغلطي قدام حدا ،مسعود ما رح يعرف بشي من هالحكي
شيرين:ماشي ماشي
كنت ناطرة هاليوم بفارغ الصبر،هديك الليلة اجت ياسمين تنام عنا بحجة انو فتحية بدا تعمل اقراص حلو و ياسمين بتساعدنا فين ،طلعو ابو مسعود و اولادو التسعة من البيت باستثناء سيف يلي بقي نايم بالبيت كرمالنا ، ما كان معنا غير وقت قليل ما يقارب الساعتين،لبست تياب و سمكت بعد ما فهمتا لياسمين كل شي و رحنا على القن اخدنا البنات و طلعنا من الضيعة من طرق ضيقة و نحن ماشين ورا فتحية ،دخلنا بين الشجرنحن و طالعين لفوق حتى وصلنا على النهر ،فتحية حطت بناتا على كتفا وحدة وحدة و وصلتن على الضفة التانية و انا و قشطة دخلنا بالمي الباردة حتى وصلنا لعند فتحية يلي كانت عم تبكي و تودع بناتا و تبوسن و اضمن و تشمن حتى انا و قشطة بكينا عليا
فتحية:انا اكتر من هون ما بقدر وصلكن،هلأ بتابعو لفوق بخط واحد حتى توصلو على الشارع الرئيسي بس ما بتطلعو فورا عليه عالمكشوف بضلو ماشين على موازيه بس بعد خط شجر حتى ما حدا يشوفكن و بعد مسافة رح تلاقو العربة ناطرتكن و الباقي بتعرفوه بس ديرو بالكن من ابو مسعود و اولادو لانو انا ما بعرف وين عم يحملو الحمولة ....سمرا اوعى تنلقطو ...اذا انلقطو انا بخسر دجا و ثريا...ما رح يخلون يعيشو
شيرين:طيب طيب ،خلينا نمشي بسرعة
رجعت ضمتن و باستن هي و عم تأمنا علين و تركتنا بصعوبة نكمل طريقنا لحالنا بعد ما اعطتنا شعلة بضو خافت ،كنا انا و ياسمين مبسوطين انو اخيرا رح نطلع من هالخندق ،مشينا متل ما خبرتنا فتحية نحن و عم ندور على العربة بخيل ابيض حتى شفناه و ركضنا عليه
باسل:اطلعو يلا بسرعة
طلعنا قعدنا انا و ياسمين و كل وحدة مننا حطت بنت بحضنا وشد سراج الخيل و مشي فينا
باسل:من وين طلعو هدول؟
شيرين:شوفي؟
وقف العربة فجأة و بعدين لف و صار يرجع لورا
شيرين:شو يلي صار ،ليش عم ترجع؟
باسل:ابو مسعود و اولادو عم يحملو شحنة هوت ،بدي ارجع قبل ما يحسو علي
شيرين:ايه بسرعة ،خدنا من طريق تاني
باسل:ما في طريق تاني ،رح ننطر بين الشجر لبين ما يخلصو و بعدين منتابع طريقنا
ياسمين:شيرين؛حاسة حاالي دايخةو بدي استفرغ
شيرين:ياسمين شدي حالك ما وقتا هلأ
ياسمين:ما قادرة
قامت بسرعة و نزلت من العربة و صارت تستفرغ على الارض و تسعل بصوت عالي
باسل:يا سلام،دخليا و سكتيا الله يخليكي و الا بيعرفو محلنا
شيرين:ياسمين دخيل الله رح تفضحينا
ياسمين:شيري ما قادرة وقف على رجلي
شيرين:شو صرلك،شدي حالك
فجأة سمعنا صوت رصاص و بين من بعيد اتنين طوال ما قدرت شوف ملامحن عالعتمة ،صرخو بصوت عالي
_مين هون؟
باسل:يالله ،اطلعو بسرعة رح نمشي
طلعتا لياسمين على العربة انا و عم سندا علي ، ضرب باسل الخيل بالسوط و انطلق بسرعة بوجهن و هدلاك بلشو يضربو رصاص حتى يوقف حتى ياسمين غابت عن الوعي و البنتين خافو و صارو يصرخو و الخيل جن جنونو من الرصاص و صار يصهل بصوت عالي و يركض و يتمايل حتى انحرف عن الطريق و نزل بالمنحدر و وقع و انقلبنا كلنا من فوق لتحت ، ركضو االباقي علينا هن و عم يضاو علينا ليشوفو مين جوا العربة و ماسكين اسلحتن و مصوبينا اتجاهنا ، سحبو باسل من محلو على الارض،كان وجهو كلو دم و غايب عن الوعي ،بعدين سحبو ياسمين يلي كانت كمان فاقدة وعيا و بعدين سحبو البنات يلي كانو عم يبكو و خايفين و بعدين طالعوني ،و اول شخص شفتو

بوجهي كان مسعود؛قرفص على رجليه و هو مفتح عيونو و متفاجئ و عم يطلع فيني ليتأكد من هويتي
مسعود:سمرا !
مسكني من ايدي بهمجية
مسعود:شو عم تعملي هون ؟
شيرين:انا ...انا كنت . .
مسعود:كنت عم تهربي؟
خنجر:مين هدول البنتين يلي معك ؟
شيرين:... ..
جاسم:جاوبي لمين هدول البنتين يلي معك؟
اطلعت بمسعود يلي كان عابس و عم يعض على شفايفو
شيرين:هدول ....هدول ...التقينا فين نحن و على الطريق
مسعود:خنجر رجعن على الدار بسرعة
اجا صوت محسن من بعيد
محسن:مسعود شو صار عندك؟
قام وقف هو و عم يضب سلاحو
مسعود:ما في شي محسن،عابرين طريق و خلصنا علين ،انتو تابعو شغلكن
رجع محسن و انضم لباقي الرجال و بقي مسعود و خنجر و اخواتو مزيون و جاسم معنا
مسعود:ما تخبرو محسن او ابوكن بالشي يلي شفتو هلأ و انا بتصرف و بحاسبن
جاسم:بس بدنا نعرف مين هالبنتين الصغار يلي معا لانو القصة ما فاتت راسي
مسعود:جاسم ارجع لباقي الرجال و اترك هالموضوع علي
جاسم:حاضر
مسعود:و انت كمان الحكي الك مزيون
مزيون:حاضر
مسعود:خنجر بتوصلن على الدار واوعى تغفل عينك عنن حتى تسلمن لامي و بتقلا مسعود رح يحرق الاخضر و اليابس ليرجع
خنجر:ماشي اخي بس هاي شو وضعا
مسعود:احملا و ما تطلع على الشارع حتى تتأكد انو صرت بعيد عن نظرنا ،ما تخلي محسن يشوفا لانو رح يقتلا
خنجر:حاضر
رجعنا على الضيعة و خنجر حامل ياسمين على ضهرو حتى صحيت و رجعت لوعيا بنص الطريق ،اول ما شافتنا فتحية انخطف لونا ،وصلا رسالة مسعود و صبت كل غضبا علينا و ما حاولت تسمع مني يلي صار ؛رجعنا البنتين على قبو القن و رجعت حبستني انا و ياسمين بغرفتي
شيرين(تبكي):كلو منك انت السبب
ياسمين(تبكي):ولله ما عن قصدي،ما بعرف شو صرلي،انت بتعرفي اني قاتلة حالي لاطلع من هون بس فجأة قلبت معدتي و ما قدرت امسك حالي ...محسن عرف ؟
شيرين:لا
ياسمين:لحمدلله لحمدلله
شيرين:بس مسعود عرف ورح يحاسبني الي مو الك ،انت يلي وقعتينا و انا يلي بتحاسب عنك ،يالله على حظي
على وجه الصبح ،حسيت على حركة مسعود بالغرفة عم يغير تيابو و بعدين دخل تحت الحرام ،عملت حالي نايمة و قربت منو و حطيت راسي على صدرو،بعدني عنو
مسعود:حسابك لبكرا ،هلأ تعبان و بدي نام
شيرين:مسعود انا خلص ما بقا عيدا
مسعود:شكلك نسيتي شو اخر مرة انا قلتلك
شيرين:لا ما نسيت بس انا اشتقت لاهلي ...(تبكي)..من حقي شوف اهلي ..انت عندك عيلة و عم تشوفا كل يوم و عم تحرمني من اهلي
مسعود:هاي الدموع ما رح تنفع معي هالمرة لانو انا كتير معصب و الحق كلو على امي ،هاي نهاية المعروف يلي قدمتلا اياه تستغل غيابي لتهربك ،طعنتني بضهري امي غدرتني بس كلو بدو يتحاسب
شيرين:امك ما دخلا ا،انا يلي بقيت عليا حتى قنعتا تهربني و تهرب بناتا معي؛مسعود ما دخلن البنات و حتى ياسمين ما دخلا ،انا الحق علي بكل شي
مسعود:اكيد انت الراس الكبير بكل شي لهيك رح يكون حسابك كبير هالمرة
دار ضهرو و تركني قلقانة و خايفة و عم فكر شو بدو يحاسبني مسعود هالمرة
تاني يوم الساعة عشرة فقنا على صوت ابومسعود،عم يخبط على باب غرفتنا و ينادي مسعود بعصبية ،فاق مسعود متوتر و انا نشف الدم بعروقي،فتح مسعود الباب
مسعود:ايه يابي شو في؟
ابو مسعود:غسل وجهك و الحقني على غرفة القعدة
فات يغسل وجهو و انا لحقتو و حاملة المنشفة بايدي
مسعود:ادعي لله يكون بيي ما عرف شي من يلي صار مبارح و الا بتكوني ورطيني كمان و وقتا يا سمرا حسابك رح يكبر كتير
فات مسعود لعند ابوه و اانا وقفت ورا الباب اتسمع
ابو مسعود:وين البنتين يلي لقيتون مبارح مع قاطع الطريق؟
مسعود:اي بنتين يابي؟
ابو مسعود:مسسسعود ،جاسم خبرني بكل شي
مسعود:يابي كان الشاب لحالو ،ما كان معو حدا
ابو مسعود:مسسسعود احكي و الا رح ازعجك كتير
مسعود:يابي جاسم مبارح حشش كتير و انت بتعرف يلي بحشش كيف بصير يشوف شوفات ما مزبوطة ،يعني البنتين تهيؤات بس
ابو مسعود:هلأ منتأكد ؛فتحية
فتحية:ايه
ابو مسعود:نادي خنجر و مزيون
فتحت الباب فتحية و شافتني بوجهها، قربت علي هي و عم تزورني
فتحية:الله ياخدك و يقطع الساعة يلي صدقتك فيا
تركتني و راحت و رجعت و جنبا خنجر و مزيون ،فاتت لجوا و سكرت الباب وراها و انا رجعت اتنصت
ابو مسعود:ايه احكو لشوف مين كان مع سايق العربة مبارح ؟
خنجر:....
مزيون:.....
ابو مسعود:شبكن سكتو ...احكو
خنجر:لحالو يابي ،ما كان معو حدا
ابو مسعود:مزيون؟
مزيون:ما كان معو حدا ،كان لحالو
ابو مسعود:ها ،لكن من وين طلعو هالبنتين يلي حكى عنن جاسم الغبي
مسعود:قلتلك يابي حشش كتير
ابو مسعود:هالغبي؛عرفتو هويتو لهل الكر؟
مسعود:لا يابي ما عرفناه و قتلناه 3 رصاصات بقلبو حتى نتأكد انو مات
ابو مسعود:غبي ،تاني مرة ما بتتصرف منك لحالك ،بترجع تسألني ،بلكي كان حدا باعتو ليتجسس علينا ،يمكن يكون من طرف مهران و رجالو

مسعود:يابي مهران ما بيسترجي يقرب بعد الشي يلي عملناه ، و صيتنا فايح بالطريق كلو
ابو مسعود:ما تستهينو فين ،رغم قصرن بس خبيثين ،ما نسينا شو عملو فينا من 4 سنين
مسعود:يابي و نحن ردينالن اياها و من وقتا ما بقا استرجو يغلطو معنا ،انت ارتاح ،ما تاكل هم شي
ابو مسعود:طيب بس فتحو عيونكن على اخوكن جاسم و ما تتركوه يحشش على كيفو ،ما ناقصني وجعة راس ،نحن ما صدقنا ايمت خلصنا من قصة الشرطة
مسعود_خنجر_مزيون:حاضر يابي
فتح الباب مسعود و انا بعدت فورا بس لمحني ،لحقني على المطبخ و مسك ايدي و سحبني على الغرفة و سكر الباب
شيرين:مسعود خلص مرقت القصة على خير
مسعود:اضطرينا نوقف تحميل بس بتعرفي لو جاسم خبرو لابي انو انت و قشطة كنتو بمحل التحميل شو كان عمل فيكن ،كنتو تمنيتو الموت مية مرة ،بس هالموقف يلي حطيتيني فيه قدامو ما رح سامحك عليه يا سمرا
شيرين:اعمل يلي بدك اياه ،ما بتفرق معي ،اساسا كلكن رح يجي يوم و تتحاسبو وقت الشرطة تعرف محلنا و تاخدنا من نص ارضكن المتخلفة
مسعود:ها ،ااشرطة ما بقا رح ترجع لهون ؛بتعرفي ليش ؟
شيرين:ليش!
مسعود:لانكن ميتين
شيرين:مافهمت
مسعود:الشرطة بقيت عم دور عليكن حتى لقت تيابكن القديمة و عليها اثار دم ،يعني اكلتكن الذئاب و ما بقي منكن غير تيابكن،شو رايك؟
شيرين:انت ...انت..شيطان ،و انت و ابوك ما كتير بتفرقو عن بعض
مسعود:لو انا ما بفرق عنو،ما كنت بعدك واقفة قدامي لهلأ و عم تتنفسي و الدم عم يمشي بعروقك
شيرين:ها ،معناها يا ريت كنت بتشبهو ،كنت على الاقل متت و ارتحت و ما بعدني لهلأ عم اتعذب
مسعود:لسا ما شفتي شي من العذاب
شيرين:شوفتك كل يوم ما في اكتر من هيك عذاب
دفشني على الحيط و مسك وجهي بايديه
مسعود:لسانك اطول منك
قمت ايديه عن وجهي
شيرين: بس ما اطول منك
مسعود:سمرا،رح تندمي كتير
شيرين: انت عم تكبر االقصة،انا جيت لاعتذر منك مبارح بس انت يلي ما قبلت
سمعنا صوت زغاريد و اصوات من برا ،بعد عني مسعود و طلعنا لنشوف شو القصة،شفنا زهرة واقفة برا و عم تزغرد و محسن عم يوزع حلو للناس
فتحية:زهرة شو صاير عنكن؟
زهرة:باركيلنا
فتحية:مبروك بس على شو ؟
زهرة:قشطة حامل
حطيت ايدي على تمي
شيرين:ياسمين حامل!
اطلع فيني مسعود و عبس و رجع سحبني من ايدي على الغرفة
شيرين:شبك ،اتركني
مسعود:و انت ؟
شيرين:شو انا؟
مسعود:ليش ما عم تحبلي لهلأ؟
شيرين:انا ....احبل .....لا مستحيل ...
مسعود:ليش؟
بلعت ريقي انا و عم فكر كيف ما خطرتلي فكرة الحمل من قبل ،انا ممكن احمل من مسعود و وقتا رح تصير الطلعة من هون مستحيلة،رح تكون هالضيعة قبري
مسعود:سمرا ..احكي ..
شيرين:ما بعرف ليش ،بجوز كون انا ما بجيب اولاد مثلا
دفشني على التخت
مسعود:انا ما بفهم هيك ،بدك تحبلي و اليوم و بهالساعة كمان
التقيت بياسمين وقت فتنا انا و فتحية نباركلا على الحمل بفترة العصر ،كانت متسطحة و وجهها تعبان كتير و عم تستفرغ كل ما تاكل شي ،خفت كتير انو يجي يوم و كون انا بمحلا ،ما قدرت انفرد فيا ولا دقيقة بس وقت انفردت بفتحية
فتحية:ما بقا بدي شوفك بالقن من يوم و رايح ،فهمانة؟
شيرين:خلينا نرجع نحاول مرة تانية بس هالمرة من غير ياسمين
فتحية:مستحيل ،لولا مسعود ،لكانو بناتي هلأ مدفونين تحت الارض
شيرين:على اساس هن هلأ عايشين على الارض
فتحية:خليكي بحالك و شوفي كيف رفيقتك حامل ،غاري منا
فتلت ضهرا و مشيت
شيرين:على اساس انجاز يعني
فتحية:شو حكيتي؟
شيرين:ولاشي ...ولاشي
كنت خايفة كتير من عقاب مسعود هالمرة بس تاني يوم بالليل طلع ابو مسعود و اولادو ليكملو تحميل شحنة مبارح،و بقينا انا و فتحية و سيف بالبيت ،هاي الليلة صار فيا شي ما متوقع ابدا،فقت على صوت ضجة باالبيت؛قبل ما قوم من التخت،كان باب غرفتي مدفوش و فاتو علي رجال طبيعين طولن من طولي ،مسكوني من ايدي و طلعوني لغرفة القعدة هن و حاملين اسلحتن وعم يهددونا فين ،شفت فتحية قاعدة و واقف جنبا واحد منن و حاطط السلاح براسا و بعدين جابو سيف هن و موجهين السلاح عليه و عم يهددو بانو رح يضربو اذا تحرك اي حركة
مهران: مين هاي ؟شكلا غريب عنكن
سيف:هاي مرة اخي مسعود
مهران:اوووه كتير منيح ،رح ناخدا معنا و نعتبرا رهينةو بعدين منتفاوض

تصدق بوعدا و تساعدني ،لهيك كنت ناطرة كل يوم دخول الشرطة على الضيعة ،بس كانت الامور هادية لدرجة
الملل و اخبار ضيعة الاقزام و اخبار سمر انقطعت عنا بشكل نهائي رغم حزن مزيون على فراق مرتو ،حتى اجا اليوم يلي رجعت فتحية فيه من الارض هي و مسعود ،فاتو لعندي على المطبخ هن و مستنفرين
فتحية:شو هادا؟
رفعت ايدا بوجهي و هي حاملة علبة الكبريت
شيرين:علبة كبريت
فتحية:انت يلي حرقتي القن حتى تلهينا بالحريق و ياسمين تهرب سمر
شيرين:مرة عمي،شو عم تحكي انت ؟
فتحية:مسعود ،هاي عم تغشم حالا،من كفين بتحكي كل شي
بعدت عن مسعود و لزقت بالحيط
شيرين:مسعود؛امك بدا تبليني بهيك قصة حتى تصير تكرهني
فتحية:يعني انا كذابة
شيرين:لا بس انا ما دخلني بالحريق
فتحية:ياسمين حكت كل شي بعد اول كفين من محسن
شيرين:شو حكت؟
فتحية:قالت انو انت صاحبة الفكرة و قلتيلا تفتحلا الباب لسمر
شيرين:......ياسمين ...
فتحية:ما قلتلك ابني هي راس الفتنة و المصايب بكل شي بصير هون ،ابني هاي بدا تعملنا مشاكل كتير لقدام ،قدما بشع علينا كتير،من اول ما فاتت و نحن على مشاكل انقتل اخوك و اتصاوب ابوك و اليوم كانت رح تقتلي اخواتك ،هاي عم تصفينا واحد ورا التاني ،شو ضل لسا اكتر من هيك يصير معنا حتى تصدق ،لازم نخلص منا باسرع وقت قبل ما هي تخلص علينا
شيرين:رجعني من محل ما جبتني
فتحية:لا ما حذرتي ،انا قلتلك بدي ادفنك عايشة اذا بتطلعي الك ايد بالقصة
شيرين:بدكن تقتلوني..بدكن تعملو فيني متل ما بتعملو ببناتكن ،اسمعي اذا حدا بقرب علي ،وقتا علي و على اعدائي و رح افضح كل شي و رح قول انو بناتك بعدن عايشين
فتحية:ما رح تلحقي تحكي ،رح اخفيلك صوتك و نفسك
جيت لارجع لغرفتي و مر بين مسعود و امو ،بس رجع مسعود خبطني على الحيط
شيرين:اخ
مسعود:سمرا انا اعطيتك فرص كتير و كل مرة عم سامحك بس هلأ خلص ،ما ضل الك شي عندي يشفعلك
فتحية:اليوم االساعة بعد نص ليل 12 رح تاخدي اخر انفاسك ،حفرلا حفرة ورا الزريبة لانو هنيك مستواها و التابوت علي
شيرين(تبكي):مسعود بدك تقتلني بدك تموتني ...يالله انتو شو ...مستحيل تكونو بشر
فتحية:خدا على غرفتا هلأ بدون ما يطلع حسا و روح احفرلا قبرا
حملني مسعود انا و عم ابكي و صرخ ،ما كنت متوقعة حياتي تخلص بهالشكل ،هون ..على هالضيعة ..و بهالطريقة ...حطني مسعود بالغرفة يلي كان عم ينفذ كلام امو متل الاعمى ،ربطني و راح يحفرلي قبري ، كنت رح افقد عقلي انا و عم اتخيل حالي بقبرر معتم و لحاالي و فوقي التراب ،ترجيتو كتير لمسعود انو يعطيني فرصة اخيرة بس كان ساكت و كأنو ما عم يسمعني ،على الساعة 11 بالليل انفتح الباب علي و فاتت فتحية هي و لابسة عبايتا السودا ،مسكتني من ايدي و سحبتني على الارض غصب عني
شيرين:فتحية خلص ولله بقعد عاقلة ...فتحية خلص دخيل الله ...لوين اخدتيني . .. ما بدي موت ..ما بدي موت

هون ،كنت نام و احلم اني ارجع لحياتي الطبيعية لبيتي لاهلي لجامعتي بس كان صوت ممدوح الخشن كان يردني على ارض الواقع ،فاتت زمرد لعندي هي و حاملة صنية الاكل
شيرين:شو ما في غيرك يجبلي الاكل ؟
زمرد:فيه بس انا حبيت جبلك اياه هالمرة ،اسمعي انت عدوتي من هاللحظة و يا انا يا انت بهالقصر
شيرين:انت انت ،انا ما حابة ابقى هون
زمرد:رح فرجيكي يا سمرا ،انا لكن انحط بقسم الخدم و انا ست الجواري
شيرين: بتستاهلي لانو نيتك انقلبت عليكي
زمرد:و انا رح سود عيشتك هون
مسكت الاكل و كبتلي اياه على الارض
زمرد:يلا كلين من الارض
طلعت من عندي هي و عم تضحك ،بعدا فات ممدوح و طلعني
شيرين:لوين اخدني ؟بدكن تموتوني ؟ليش انا شو عملت ؟
ممدوح

طلعنا على جناح الامير ،دق ممدوح الباب دقتين و فات و انا فتت وراه ،كان امير الجبل عم يلبس تيابو و الخدم حوليه عم يساعدوه
امير:جبت البارودة
ممدوح:ايه
شيرين:اووه ..لحظة لحظة ...انا ما عملت شي كبير حتى اتعاقب عليه بهالطريقة ،انا كان بدي حريتي بس ،بدي ارجع لحياتي و لاهلي
امير:ليش بعتتك ام مسعود لهون ؟
شيرين:كرمال تخلص مني
امير:ليش بدا تخلص منك ؟
شيرين:على حسب قولا اني انا قدمي اسود علين و من وقت ما فتت ارضن هلت المصايب علين
امير:في صحة بهالموضوع ،جيتي من يومين و عملتي فوضى كبيرة هون ،ممدوح شو عرفت عنا كمان ؟
ممدوح:جلالتك بتكون زوجة مسعود ..
الامير:يعني مرة ابنا لام مسعود !
ممدوح:ايه بس زوجا ما بيعرف انو هي هون عنا ،حسب ما تخبرت انو مفكر انو هربت و سمعت كمان انو ...
الامير:ايه ؟
ممدوح: انو عملت مشاكل كتير ،حاولت تهرب عدة مرات حتى اخر مرة عملت حريق كبير بس عندا نقطة جيدة وحيدة ..
الامير: ايه؟
ممدوح:حاولت تصلح بين الارضين و اجتمعت بعيلة مهران و زوجت بنتو لابن ابو مسعود
الامير:شي مثير للاهتمام ! و هلأ كيف العلاقة بيناتن؟
ممدوح:رجعت توترت لانو ام مسعود خربت كل شي
الامير:هيك بصير بس تغيب الرجال ،معناها صار لازم ندخل ؟
ممدوح:يلي بتشوفو جلالتك و سمرا شو بعمل فيا؟
الامير: سمرا ...يا سمرا ما اشتقتي لاهلك؟
شيرين:ايه كتير
الامير:معناها اطلعي تجهزي لنروح زيارة على ارض العمالقة و منأجل الصيد لبكرا
شيرين:لا لا انا اشتقت لاهلي بس ما قصدي فتحية و مسعود ،انا عندي اهل...
الامير:كل هالبنات يلي هون عندن اهل ،و انا ما بهمني من وين جيتي قبل ما تخطي رجلك هالارض يلي هي كلا تحت نفوذي،انا بهمني انو انت صرتي هون و يلي بدوس هالارض ما بيطلع منا ،هون ارضك و اهلك ،مفهوم؟
شيرين:اممم
طلعنا بعربة خيل و توجهنا لارض العمالقة
شيرين:سمعان بشي اسمو سيارة ؟
امير:ايه
شيرين:ليش ما بتشتري سيارة احدث و اسرع من هالعرباية
امير:لانو مضرة للبيئة
شيرين:امم جواب مقنع
وصلنا على ارض العمالقة ،نزل امير الجبل من العربة و الكل ركض عليه انحنى قدامو و رحبو فيه ترحيب يليق بالاسم ،و بدقايق قصيرة اتجمهرو حوليه اهل الارض كلها ،بصعوبة شقينا طريقنا بيناتن لوصلنا على بيت ابو مسعود ، التقينا بجاسم اول شخص من عيلة ابو مسعود ،بعدين طلع الباقي يستقبلو حتى لمحت مسعود واقف جنب ابوه ؛ما كان شايفني لسا ،فات امير الجبل من الباب و انا مشيت وراه حتى التقو عيوني بمسعود،فتح عيونو على الاخر كأنو ما صدق يلي شافوه قدامو،مسكني من ايدي
مسعود:سمرا !
شيرين:اترك ايدي هيك
مسعود:شو عم تعملي مع الامير؟
شيرين:اسأل امك ،بعتتني هدية للامير و انا هلأ صرت جارية من جواريه
مسعود:امي!
اطلع فيني امير الجبل و اشرلي بعيونو لاقعد جنبو ،تركت مسعود مصدوم و رحت قعدت جنبو و فتحية رح تنهار و توقع على الارض من جيتي لعندن مع الامير
ابو مسعود:اهلا و سهلا بجلالة الامير؛باركتلنا ارضنا بجيتك لعنا
امير الجبل:ابو مسعود انا جيت اليوم لانهي الحرب بينكن و بين ارض الاقزام ،من هاللحظة ما بقا بدي اسمع اي مشاكل بيناتكن ،بدنا نلتفت لشغلنا
ابو مسعود:انت بتأمرنا ،اي شي بتطلبو منا اعتبرو تنفذ
امير الجبل:سمعت زوجت ابنك لبنت مهران
ابومسعود:ايه ولله بس بعد يلي صار ،البنت رجعت لاهلا و ما رحنا رجعناها
امير الجبل:بتاخد جاهة من عنكن و بتروحو لعندن و بترجعو تطلبو البنت حسب الاصول
ابو مسعود:حاضر جلالة الامير
امير الجبل:ايه ام مسعود بدي اتشكرك كتير على الهدية يلي بعتيلي اياها
نزلت راسا ام مسعود بدون ما تنطق كلمة ،فتح الباب مسعود بعصبية و طلع من البيت
ابو مسعود:ما في شي من قيمتك جلالة الامير

سمعنا صوت صراخ و فوضى برا ، بعت ابو مسعود ابنو جاسم ليتفقد الوضع ،رجع جاسم مخطوف لونو و عم يلهت
جاسم:يابي ....يابي ...الحق
ابو مسعود:شوفي جاسم؟
جاسم:مسعود علقان مع رجال الامير برا
طلع يركض ابو مسعود و هو ماسك عبايتو بأيدو و فتحية عم تولول ،قام امير و طلع و انا ركضت وراه ،كان ابو مسعود ماسك ابنو من ضهرو عم يشدو لورا
ابو مسعود:مجنون انت ...شو عم تعمل ...ارجع لوعيك .
الامير:كيف بيتجرأ !
ضربو كف قدام الناس و عليت الاصوات،لمحت ياسمين واقفة من بعيد على باب االبيت عم تتفرج،استغليت الفرصة و رحت لعندا
ياسمين:شيرين ...انت عايشة
شيرين:ايه ...تعي نحكي جوا
فتت انا و اياها على غرفة القعدة
ياسمين:فكرتن قتلوكي بعد ما الحريق يلي صار اخر مرة و طلعو اشاعة انك هربتي
شيرين:هيدا كلو تخطيط فتحية ،بعتتني هدية للامير
ياسمين:اسمعي الشرطة عرفو انو بعدنا عايشين و دخلو عالارض لهون بس محسن خباني تحت الارض حتى ما يشوفوني و قعدو يومين يدور علينا و بعد ما فقدو الامل طلعو من هون
شيرين:عنجد!فرحتيني كتير بهالخبر
ياسمين:وين الفرحة ؟عم قلك فاتو و طلعو و ما لاقونا
شيرين:المهم عرفو انو نحن بعدنا عايشين و موجودين ،يمكن سمر بنت مهران هي يلي مخبرتن
اطلعت على بطنا
شيرين:ولدتي؟
نزلت راسا و بلشت تبكي
ياسمين:ايه ولدت و جبت بنت و ما طلع الضو عليا ،اخدو قبل ماا رضعا و دفنوا الظالمين
شيرين:اوووه
ياسمين:مع اني ما بحبو لمحسن و ما بدي ولد منو بس متت وقت اخدوا ،كان نفسي شوفا و شما ،حملت فيا تسع شهور و تعبت كتير و بالاخير بثواني قتلو
شيرين:رح يتحاسبو كلن واحد واحد
ياسمين:ما حدا رح يتحاسب منن و نحن هون محبوسين عم نموت كل يوم مية موتة ،انا ...انا مفكرة اقتل حالي و اخلص من هالعيشة
شيرين :ياسمين اوعى تفكري بهيك شي؛وعد ليجي يوم و نطلع من هون و ننسى كل يلي مرينا فيه بس شوية وقت
ياسمين:انا تعبت و مليت و هلا محسن بدو ولد و اذا طلعت بنت رح يرجع يقتلا ؛ما بقا قادرة اتحمل هيك شي
شيرين:شبك ركزي ،خدي احتياطاتك ما تحبلي ابدا ،شغلي مخك ،هانت كتير ،حاولي ترجعي تتواصلي مع سمر
محسن:سمرا انت هون ؟
شيرين:ايه
محسن:اطلعي ،الامير بدو اياكي
شيرين:ياسمين متل ما قلتلك خليكي قوية بوعدك نطلع من هون
طلعت لبرا ،كان بعدو التجمع و المشكلة على وشك انو تخلص و رجال الامير ماسكين مسعود من ايديه و رجليه كانو وحش مفترس ،اجت عيني بعين فتحية ،زورتني هي و عم تهز راسا
الامير: لازم يكون عبرة لغيرو حتى ما يرجع يتجرأ اي حدا على الامير و حاشيتو
ابو مسعود:جلالة الامير منطلب العفو و السماح منك
ركضت فتحية تبوس ايدو للامير و تترجاه
فتحية:هيدا ابني الكبير هيدا اول فرحة الي ،ما تحرمني منو
ابو مسعود:غلط و ندم جلالتك،بعدو ولد طايش و عقلو ما كامل ،سامحو هالمرة كرمالي
الامير:ابو مسعود انت لازم تتعاقب كمان لانك ما عرفت تربيه و تعلمو الاحترام
ابو مسعود: متل ما بتامر جلالتك
الامير:امرك بايد سمرا ، شو بتقول سمرا بيتنفذ ؟

ياسمين:طيب
شيرين:شو صار معك؟
ياسمين:شو عرفني هههههه خلص ماشين صح ،بيتا لهاي الختيارة براس الجبل و شكلنا قربنا نوصل
شيرين:و انشالله ما تكون طلعتنا على الفاضي
ياسمين:لا ولو ابو توفيق اكدلي انو منلاقي طلبنا عندا ،شو خسرانين دخيلك خلينا نعتبر حالنا طالعين مشوار
قمت وقفت انا و عم غص بحبة البوشار ،اطلعت علي سوزي
سوزي:شبك ...ليش وقفتي ...لسا هلأ بلش الفيلم
زتيت البوشار من ايدي و طلعت انا و عم ابكي ،اتصلت فيا كتير حتى ردت عليى
ميرنا:انت شو ...انت وحدة ندلة و حقيرة ،انا يلي امنتك على شغلي و دخلتك بيتي هيك بتعملي فيني ،بتسرقينيو بتبدلي الاوراق
تالا: مو انت يلي كتبتي بالنص البقاء للاقوى
ميرنا:انا بفرجيكي؛اوعى تفكري انو فيك تعملي هيك عملة و تنفدي ،انا رح افضحك قدام كل الناس يا سراقة يا حرامية
تالا:ايدك و ما تقصري يلا باي ما فاضية عم احتفل بالنجاح
رجعت على بيتي انا و منهارة ،ما تخيلت ابدا انو ممكن رفيقتي تسرق تعبي و تسرق حلمي و تطلع لفوق على كتافي ، سالتني امي عن سبب حزني بس ما كنت قادرة قلا لانو ما كان بدي تنقهر علي و كنت بحالة صدمة ما قادرة احكي فيا شي و بقيت على هالحالة مدة طويلة حتى اجا اليوم يلي اتصلت فيه فيني سوزي
سوزي:سمعتي شو صاير؟
ميرنا:شو صاير؟
سوزي:رفيقتك تالا الها 3 ايام مفقودة و ما الها اثر و االشرطة عم دور عليا حتى الخبر نزل بالجرايد المحلية
ميرنا:عنجد !
سوزي:لك احذري شو كمان ؟
ميرنا:شو؟
سوزي:الكل عم يقول انو انخطفت خطف من ورا الفيلم يلي كتبت قصتو
ميرنا:شو دخل الفيلم؟
سوزي:هههههه ما بعرف ،معقول عيلة ابو مسعود حقيقية و هن يلي خطفوا لانو حكت عنن
ميرنا:لا مستحيل ،القصة خيال
سوزي: لانو الشرطة شافت سيارتا على طريق الجبل الاحمر ،طلع بسموه الاحمر على لون الدم ،ولي خفت انا من الحكي بس ، ياحرام ...المهم انو ما عاد لقولا اثر من بعدا ،يا امي بجوز يكونو دفنو تحت الارض هلأ
ميرنا:يالله ،ما عم صدق ،طب شو اخدة لهنيك؟
سوزي:يمكن قد ما نجح الفيلم كبر راسا كتير و صدقت حالا و فكرت حالا البطلة و طالعة ادور على الامير ههههههه
مر على اختفاء تالا اسابيع و شهور كتير و ما بين الها اثر ابدا بس انا كنت من جوا عم احمد ربي كل دقيقة على المعروف يلي قدمتلي اياه تالا و ما خبرت حدا ابدا انو انا يلي كتبت القصة غير امي ،و على اثر حادثة اندرج الفيلم تحت بند الافلام الواقعية.
انتهت