#خاارج_النطاق_بقلم_هلا_غرابلي
الجزء الثاني
@rwayate
جاسم:نصبنالن كمين و وقعو فيه
قرب علينا و نحن رجعنا لورا ،حط ايديه على ركبو و حنى ضهرو و اطلع فينا
ابو مسعود:شطورين ،خير ما عملتو
شيرين:مين انتو و شو بدكن مننا؟
تجاهلو سؤالي
مسعود:يابي وحدة الي و وحدة لاخي جاسم
قام واحد بيشبهن من القاعدين
محسن:و ليش ما وحدة الي و وحدة لاخي مزيون؟
مسعود:نحن يلي لقيناهن و اصطدناهن
ابو مسعود:خلللص ...خلص ...انا بعرف فين و موصي علين من شهرين ،لهيك قلتلك روح انت و اخوك جاسم احرس الطريق ، فتحية و زهرة تعو خدون لجوا و بعدين منقرر لمين
قربو علينا و مسكونا من ايدينا و بدن يسحبونا لجوا ،سحبت ايدي انا و عم صرخ انا و ياسمين
شيرين_ياسمين:اتركونا ....بعدي عني ...ما تقربي مني ....عم قلك اتركيني
فوتونا بالغصب على غرفة تانية ،كان فيا تختين و خزانة ،شلحونا على الارض و قفلو الباب و راحو
ياسمين(تبكي(:شفتي كيف عم يتقاتلو علينا و يتقاسمونا ...هدول مو بشر،هدول وحوش يمكن اكلين لحوم البشر
شيرين:نحن لازم نطلع من هون
ياسمين:نحن خلص انتهى وضعنا و علقنا هون
قربت على ياسمين
شيرين:ياسمين ما وقت البكا هلأ، لازم نلاقي طريقة نطلع من هون و نرجع ع محل السيارة
ياسمين:صعب،شو عرفنا بطريق الرجعة
@rwayate
شيرين:منحاول
قمت وقفت انا و عم اطلع بزوايا الغرفة،كان فيا شباك.،ركضت بسرعة و فتحتو بس طلع بوجهي سياخ حديد
شيرين:يالله
اطلعت ياسمين بالشباك و رجعت تبكي
ياسمين:رح ياكلونا ...بجوز يشوونا قبل او يسلقونا
شيرين:اووف انا ناقصتك هلأ
قربت على الباب و حطيت ادني لاتسمع علين
ابو مسعود:السمرا لمسعود و القشطة لمحسن ...
جاسم:بس يابي انا كنت مع مسعود.و انا يلي جبت التانية
ابو مسعود: جاسم الموضوع انتهى
جاسم:حاضر يابي متل ما بتأمر ،انت بتفصل و نحن منلبس
ابو مسعود:هلا دور اخواتك الكبار ،انت دورك بالدفعة التانية
جاسم:متل ما بدك يابي
ابو مسعود:مسعود قلتلي اجو بمركبة!
مسعود:ايه يابي و بكرا من الصبح رح نخفيا
ابو مسعود:منيح منيح
مسعود:يابي ايمت رح ....
ابو مسعود:طول بالك ليجهزون بالاول،فتحية و زهرة من بكرا بتجهزون
فتحية_زهرة:حاضر
ابو مسعود:يلا على النوم
الجزء التاني:
اتوترت اكتر بعد.ما سمعت حديثن ،ما قدرت افهم شو بدن مننا او على شو يجهزونا ،صرت اتمشى بالغرفة انا و عم فكر،مية فكرة خطرت براسي بس كلها كانت افكار سيئة،غفيت ياسمين على الارض و انا بقيت فايقة و عم قاوم التعب و النعس حتى سهيت و غفيت و ما صحيت الا على صوت فتحية و زهرة عم يفيقونا
فتحية:فيقو يلا

#خاارج_النطاق_بقلم_هلا_غرابلي
الجزء الثالث
@rwayate
ياسمين:كيف؟
شيرين:ما بعرف بس بدي لاقي طريقة و انت كمان شغلي مخك و فكري
قطع حديثنا دخلة مسعود و محسن لعنا ، اطلعو فينا هن و عم يبتسمو ، مسكني من ايدي بقوة و طلعنا من الباب على حديقة البيت و الناس واقفة و عم تزت علينا رز ،مشيت انا و اياه و ورانا محسن و ياسمين حتى وصلنا على كرسين مزينين بالورد ،جيت لاقعد ،مسكتني فتحية من ايدي لارجع اسند ضهري ،قرب مسعود و رفع الطرحة عن وجهي و باسني من جبيني هو و عم يطلع فيني ،بعدين قعدنا على الكراسي و بلشو يحتفلو ،يطبلو و يغنو اغاني اول مرة بسمع فيا بحياتي و يرقصو و يدبكو ،و كانت خواريف مدبوحة و مشكوكة بسياخ و عم تنشوى على الحطب ،و انا قاعدة عم افرك بايدي و كز على اسناني و اطلع بياسمين ،عبست وجها ياسمين و هزتلي راسا بس انتبهت على محسن عم يطلع فيا ،نزلت راسا فورا و رجعنا اطلعنا بالناس يلي عم ترقص،معظمن رجال شباب و كبار بالعمر و نسبة قليلة من اللنسوان و حتى هالقلة كانت اغلبية اعمارن فوق الاربعين سنة ،كانت فتحية و زهرة عم يرقصو بنص الساحة مع بعض مع باقي النسوان و ابو مسعود عم يدبك مع باقي الرجال،و باقي الشباب شي عم يرقص و ششي عم يضرب رصاص بالهوا و شي واقف عند الشوي و شي عم يقوم بالضيافة ،بعد ساعة حطو الاكل مناسف رز و فوقا الغنم المشوي و بلشت الناس تاكل بأيديا و نحن قاعدين عم نتفرج علين
فتحية:ابني حصتكن صارت بالغرفة ؟
@rwayate
مسعود:يسلم ايديكي يامو
فتحية:مسعود بدي تبيضلي وجهي و تشدلي همتك الليلة ،ما بدي ابن زهرة يسبقك بشي ،انت ابن الاولى ،متل ما فهمتك اعمل، قوص الضبع الليلة و ما تماطل
مسعود:اكيد يامو ،ما بتكوني الا رضيانة مني
ميل راسو لعندي مسعود
مسعود:جوعانة عروستي؟
اطلعت فيه بقرف و عبست و درت وجهي بدون ما رد عليه ،بعدين خطرتلي فكرة ، قربت لعندو لاهمسلو بادنو
شيرين:انا لازم فوت على الحمام
مسعود:ليش؟
شيرين:لاقضي حاجة
مسعود:ما فيكي تصبري ليخلص العرس؟
شيرين:لا ابدا ،مضطرة كتير
اجا لياشر بايدو لامو
شيرين:ما في داعي تنادي لامك ،انت بتروح معي
اطلعت فيه و ابتسمت ،هز راسو كانو عجبتو الفكرة ،قمت وقفت و اطلعت على ياسمين و غمزتا ، وقت نزلنا من الكرسي ،انتبهت علينا فتحية و اجت بسرعة
فتحية:شبكن ليش وقفتو ؟
مسعود:سمرا بدا تفوت على الحمام
فتحية:اي اقعد انت ،انا باخدا،مشي وراي
مسكت الشعلة و مشينا
فتحية:في حمام خلفي ،ما في داعي لتفوتي لجوا
فتحت الباب الخشب و قبل ما فوت
شيرين:ما في ضو جوا ،كيف بدي شوف
فاتت و علقت الشعلة على الحيط و طلعت
فتحية:فوتي هلأ صار في ضو
@rwayate
فتت و سكرت الباب وراي و بقيت جوا ما عارفة شو اعمل و كيف بدي اهرب من هالزريبة الصغيرة
فتحية:شو صار معك ،لسا ما خلصتي !
شيرين:يلا يلا
ما كان عندي غير حل واحد ،شلحت الفستان الابيض و بقيت على التياب الداخلية ،قمت الشعلة من الحيط و قربتا على الفستان حتى بلشت النار تاكل فيه ،فتحت الباب و زتيت الشعلة و الفستان يلي عم يحترق على فتحية يلي صارت تصرخ والتهت بالحريق و انا طلعت بسرعة اركض بعيد عن البيت و العرس ،سمعت اصوات فتحية عم تصرخ

#خاارج_النطاق_بقلم_هلا_غرابلي
الجزء الأول
@rwayate
شيرين: ياسمين وطي الصوت او حطيلنا اغاني هادية كرمال ركز بالطريق
ياسمين:حاضر حاضر ،هلأ انت متأكدة ماشين بالطريق المزبوط؟
شيرين:يس ،فتحي ورقة الطريق يلي اعطانا اياها ابو توفيق و تأكدي احسن ما تقعدي تحكي
ياسمين:طيب
شيرين:شو صار معك؟
ياسمين:شو عرفني هههههه خلص ماشين صح ،بيتا لهاي الختيارة براس الجبل تقريبا و شكلنا قربنا نوصل
شيرين:و انشالله ما تكون طلعتنا على الفاضي
ياسمين:لا ولو ابو توفيق اكدلي انو منلاقي طلبنا عندا ،شو خسرانين دخيلك خلينا نعتبر حالنا طالعين مشوار
شيرين:ملا مشوار هالمشوار ،الطريق صعب و في متاهات كتير
رجعت ياسمين علت صوت مسجلة السيارة على العالي على اغنية يا سهر الليالي
ياسمين:في غيم بالسما ،شكلا رح تمطر، اسرعي شوي خلينا نرجع على وقت
@rwayate
انا و عم سوق لمحت شي من جهتي؛هيئة شكل انسان طويل كتير و لابس اسود؛قطعتو انا و عم اطلع بالمرية بس فجأة اختفى؛التفتت على ياسمين ،شفتا عم تكبس بموبايلا
ياسمين:كل ما منطلع لفوق ،عم تروح التغطية
شيرين:يا ريت قلتلو لمجد هو يلي يروح عني
ياسمين:ها على اساس كتير اخوكي كان رح يروح،انت احيانا بتجيبلو غرضو لعندو
شيرين:اوووف
كنت من جوا قلقانة و متوترة و بعد ما قطعت نص الطريق ندمت كتير اني طلعت هالطلعة ،بعد نص ساعة وصلنا على بيت خشبي صغير
ياسمين:وصلنا و اخيرا
نزلت انا و عم اطلع بالبيت و الارض يلي حوليه ،قربت و دقيت الباب دقتين لانو ما كان في جرس،بعد دقايق قليلة فتحتلنا الباب مرة خمسينية ،شعرا الابيض و تجاعيد وجهها اعطاها هيئة مرعبة
شيرين:نحن من طرف ابو توفيق
ردت بصوت مبحوح هي و عم تتفحص شكلنا
ام صالح:ايه ،فوتو
تركت الباب مفتوح و فاتت و نحن فتنا لوراها و نحن عم نطلع بالبيت ،عمار قديم كتير و رطوبة و العفونة اكلة الحيطان
@rwayate
شيرين:قلنا ابو توفيق انو منلاقي طلبنا عندك
ام صالح:شو طلبكن؟
شيرين:طلبنا عشبة البقدونس السرخسية
قعدت على كنبة مهترية هي و عم تسعل
ام صالح:ايه ...عندي طلبكن ،جاين لحالكن؟
ياسمين:ايه
ام صالح:اممم
طلعت على الحديقة هي و عم تتكي على عصا و نحن لحقناها ،قربت على نبتة و مسكتا بايدا هي و عم تطلع فيا و تهمس بصوت ما مسموع،قربت لعندي ،مديت ايدي لاتناولا منا،سحبتا لجهة معاكسة
ام صالح:ما قبل ما اعرف شو بدك تعملي فيا ؟
شيرين:لازمتني للجامعة ،عم اعمل بحث عن النباتات المهددة بالانقراض و بدي قدما بالبريزنتيشن
ام صالح:كل هالنبتات يلي قدامك انا برعاهن متل اولادي و ما بطلع وحدة من هون قبل ما اعرف لوين بدا تروح و اتأكد انو بدا ترجع
شيرين:بوعدك يومين و رجعلك اياها
ام صالح:اذا بقيتي عايشة،رجعيا؟
شيرين:عفوا!
اعطتني النبتة و هي عم تطلع فيني نظرات غريبة
شيرين:شو سعرا؟
ام صالح: صفر ليرة
اطلعت بياسمين و ياسمين رفعتلي كتافا
شيرين:طيب ،شكرا كتير ،نحن لازم نروح
@rwayate
طلعت انا و ياسمين من عندا و هي ماشية ورانا و عم تعكز على عصايتا ،انا عم افتح باب السيارة لفتلي نظري قلعة حجر كتير كبيرة على قمة الجبل
شيرين:ياسمين اطلعي شوفي
ياسمين: ياااا ،شو هيدا ...قلعة !
ام صالح:هيدا قصر امير الجبل
شيرين:امير الجبل !
ياسمين:هههههه قصر و امير متل حكايات كان يا ماكان
شغلت السيارة و مشيت
ياسمين:ما حبيتا ابدا لهل المرة و بتكذب كمان ،قال قصر امير الجبل
شيرين:ولا انا ما حبيتا ،لا شكلا و لا حكيا مريح
@rwayate
ياسمين:المهم اخدنا يلي بدنا اياه
شيرين:و بس نخلص منبعتلا اياها مع ابو توفيق ،انا مستحيل اطلع لعندا مرة تانية
ياسمين:بس عندا نبتات نادرة كتير و شكلا غريب ،ما شفت متلن بحياتي
رجعت شغلت ياسمين الاغاني و تابعنا طريقنا ،حتى لمحت على الطريق شي كبير و اسود بنص الطريق ،وقفت السيارة بسرعة قبل ما امشي فوقو
ياسمين:شو هيدا؟
شيرين:ما بعرف ،لحظة لانزل و شوف

#خاارج_النطاق_بقلم_هلا_غرابلي
الجزء الرابع
@rwayate
شيرين:بتاكلوه !
وقفت بمحلي انا و عم اطلع فيه و عابسة
مسعود: شبك، خفتي؟
بلعت ريقي
شيرين :عنجد بتاكلوه
مسعود:اي مناكلو ،منشكو بالسياخ و منشويه على الحطب متل ما شفتينا عم نشوي لحم الغنم من كام يوم
شيرين:امممم
مسعود:ههههههههه ،قصدي بالاكل يعني القتل
شيرين(تتنهد):اها
مسعود:بس اذا اضطر الامر مناكلو
وصلنا على البيت ، فتت انا و مسعود و شفنا امو و ابوه و باقي اخواتو الشباب قاعدين على الارض عم ياكلو
فتحية:يلا يامو فوت و لاقيلك محل ،الاكل سخن
قعد تربع و انا قعدت جنبو ،بعد ما تغدينا ،قمت الاكل على المطبخ و جيت لفضي باقي الاكل بالزبالة بس وقفني صوت فتحية
@rwayate
فتحية:وقفي ...شو عم تعملي...عم تكبي الاكل بالزبالة ،نحن ما منكب البواقي بالزبالة،منطعمين للدواب
شيرين:طيب ماشي؛ما كنت بعرف ،وين بحطن ؟
فتحية:فضي الاكل هون بهالجاط و انا باخدن بكرا للدواب
شيرين:طيب
بنص الليل فقت ،ما شفت مسعود جنبي ؛قمت بسرعة و جيت لافتح الباب ،كان مقفل
شيرين:ها عامل حسابك بهالموضوع
رجعت كملت نومتي انا و عم فكر بمخرج من هون،تاني يوم فقت الصبح على صوت فتحية
فتحية:قومي اعمليلنا قهوة ،نفيسة هون
شيرين:مين نفيسة؟
فتحية:تقلي القهوة؟
شيرين:حاضر حاضر
@rwayate
غليت القهوة ،و فتت ضيفتا،نفيسة من عمر امو لمسعود،صحتا منيحة و سمرا غامقة و بس تضحك بتخاف من منظر اسنانا السود و المكسرين
نفيسة:هاي عروسة مسعود؟
فتحية:ايه شو رايك ما احلى و مجذبة اكتر من عروسة محسن؟
نفسية:اي بكتير ،مشالله عيونا كبار سود و ملوزين ولا هالشفايف المليانة ولا هالعود النحيف و الناعم ولا الشعر الليل الناعم،شتان بين هاي و هديك الجقمة اللبطة ،ما بتنطاق ،ما الكنة بتجي بتشبه حماتا و هاي طالعة الك فتحية
حسيت راسا لفتحية كبر كتير ،قعدت لفت رجل على رجل و شربت القهوة و اعطتا لنفسية فنجانا القهوة
فتحية:يلا نفيسة ادلي دلوك،شو شايفة اليوم بفنجاني
نفيسة:ابيض متل قلبك الابيض،شايفة عيون وحدة عليكي عشرة على عشرة كيف ما عم تتحركي،مقهورة و مكيودة منك
فتحية:كيف شكلا نفيسة؟

#خاارج_النطاق_بقلم_هلا_غرابلي
الجزء الخامس
@rwayate
ربطلي رجلي و رجع علقني على العليقة على الحيط متل الخفافيش جنب جاكيتو ،رجلي فوق و راسي تحت و راح قعد على الصوفاية هو و عم ينكش اسنانو بعود خشب
شيرين:مسعود نزلني خلص فهمت الحكي....بدك تتركني طول الليل هيك
مسعود:ايه
شيرين(تبكي):بكرهك و بكره كل عيلتك بكرهكن كلكن و رح حاسبكن واحد واحد
قام مشي باتجاهي ،فكيتو بدو يفكني بس مد ايدو على جيبتو و طالع سكاكين صغيرة و رجع قعد محلو ،مسك اول سكينة ،رجع ايدو لورا وبعدين رماها باتجاهي ،صرخت صوت من خوفي ،ضربت السكينة بالحيط جنب بطني و نزلت على الارض
مسعود:اووف ما زبطت
رجع رمى التانية جنب رجلي و وقعت على الارض
مسعود:و كمان هاي ما زبطت
شيرين:مسعود خلص ببوس رجلك ،قلبي رح يوقف ،قتلني فورا و بلا لعب الاعصاب
مسعود:ما انت يلي عم تلعبي ،قلت لفرجيكي انا كيف بلعب
مسك التالتة و هو عم يديق عيونو و يحدد الهدف و رماها ،غمضت عيوني ،اجت على شعري و وقعت على الارض
..صعب كتير بابشع لحظات بحياتك ،تحاول تستحضر احلى ذكرياتك ،غمضت عيوني انا و عم اتذكر امي و اخي مجد و بيتي و غرفتي و تختي و حتى ريحة كتبي ،كانت سكاكين مسعود عم تضرب بالحيط و تنزل على الارض فاضية بدون نقطة دم ،ما بعرف اذا كان فعلا هو عم يخطأ الهدف متقصد او حسن حظ ،بس خلصت االسكاكين يلي بايدو،قام جمعن و رجعن لمحلن و نزلني من عن العليقة ،فكلي رجلي
مسعود:لو اجتك سكينة وحدة كنت رح اتركك معلقة ليتصفى دمك بس من حسن حظك انو كلن اجو على الحيط
شيرين:. ...
مسعود:سخنتيلي المي؟
شيرين:...ايه
مسعود:لحقيني معناها بتيابي على الحمام،بدي تفركيلي ضهري بالليفة
كنت حابة كتير بهديك الليلة قوم و جيب السكاكين من جيبة جاكيت مسعود و شكن ببطنو بس ما كنت بقدر اقتل صرصور حتى اقتل انسان ،بس كل شي عملو مسعود ما قدر يثنيني عن فكرة الهروب ،ما عادت رجعت نفيسة ابدا لعنا بعد ما قطعولا ايدا بنص الساحة و قدام كل الناس بتهمة السرقة
فتحية:شفتي يلي بيسرق شو بصير فيه ،ديري بالك لكل عمل بتعمليه من ورا ضهرنا الو عقاب عنا و ما كل مرة بتسلم الجرة
تغير مسعود معي كتير و صار يعاملني بشكل سيئ كتير بعد.ما فقد ثقتو فيني ،بعد يومين كنت عم احلب االبقرة و حسيت على حركة دعسات برا ،تركت من ايدي و طلعت لشوف مين فيه ،شفت فتحية حاملة سطل حليب و سفرطاس معدن و ماشية و عم تتلفت حوليا ،فاتت على قن الجاج ،لحقتا فورا بعد ما شلحت من رجلي ،مديت راسي لشوف شو عم تعمل و ما لقيتا ،فتت لجوا و دورت عليا بكل القن ،ما كان الها اثر،كأنو انشقت الارض و بلعتا،رجعت لكمل حلب البقر انا و كل فكري مشغول فيا حتى رجعت سمعت صوت دعساتا ،رجعت قمت على روس اصابيعي و مديت راسي من شباك الزريبة ،شفتا راجعة هي و حاملة نفس السطل و السفرطاس بس فاضين
شيرين:وين راحت بالحليب ،الجاح ما بيشرب حليب ،على اهالقصة
رجعت فتت على القن انا و عم اطلع حولي ،ما في اي شي غريب ، طلعت من القن انا و عم فكر ،حملت سطل الحليب و رجعت على االبيت
فتحية:انت وين كنت؟
شيرين:كنت عم احلب البقر
فتحية:مين طلب منك ليش،ما قلتلك اطلعي انشري الشراشف على السطح
شيرين:نشرتن
فتحية:تاني مرة ما بتعملي شي بدون ما اطلب منك
شيرين:حاضر ،شفتك انت و فايتة على القن
تغيرت ملامح وجهها فجأة و تلبكت
فتحية:ايه كنت عم طعمي الجاج
شيرين:اممم
فتت على غرفتي انا عم ابتسم و طقطق اصابعي
شيرين:فتحية مخبية سر كبير كتير بالقن ،و خايفة كتير انا اعرفو؟شو هو يا ترى؟و لمين كنت اخدة الحليب و الاكل !اخ بس ،لازم اعرف
وقفت على المرية سرح شعري و حطيت كحل اسود بعيوني و تعطرت بالمسك يلي كنت بكره ريحتو ،بس هون الو شعبية كبيرة يمكن لانو ما بيعرفو غيرو عطر،بعد ما فات مسعود على الغرفة
شيرين:انا بدي روح شوف قشطة بكرا ؟
مسعود:ليش؟
شيرين:زيارة
مسعود:لا
شيرين:ليش لا ؟هاي امك بتطلع كل يومين كل مرة عند حدا شكل و انا ببقى محبوسة بالغرفة هون
مسعود:هيدا الناقص تحطي راسك براس امي
شيرين:طب قلا تاخدني معا لوين بتروح ،احسن ما ابقى محبوسة هون
مسعود:كمان لا،ما بيلبقلك
تاني يوم الصبح كنت اول ما فايقة و طالعة من الغرفة لغسل وجهي،سمعت صوت فتحية و ابو مسعود و مسعود على غير العادة موجودين بالبيت
مسعود:يابي ولا واحد فين رح يسترجي يفوت على ارضنا و يلي بفوت مناكلو باسنانا
ابو مسعود:من طول عمرا الشرطة بتخاف تطلع لهون بس شكلو ابو البنات شغلة كبيرة لانو ما ملو و لا فقدو الامل و الن اكتر من اسبوع هون و عم يدور علين بكل الارض و اكيد رح يصلو لعنا ؛و اذا رفضنا فوتن و عندنا ،رح يشكو بالموضوع
فتحية:ما تخاف و حتى لو فاتو منخفي البنتين و باقي البنات يلي جبناهن ،بس كيف عرفو محلن ،ليكون ابو توفيق هو يلي مخبرن
ابو مسعود:ابو توفيق ما الو علاقة ،بس هادا الخروي الخليوي مدري شو كان اسمو ،تاركتو البنت بالسيارة قال عن طريقو قدرو يعرفو محلن و يلاقو السيارة

#خاارج_النطاق_بقلم_هلا_غرابلي
الجزء التامن
@rwayate
صارت تخبط على راسا فتحية و ادور بالصالون و تولول و تقلي انو انا السبب بيلي صار و تنعتني بالبومة السودا ، طلع ابو مسعود مع اولادو من البيت ليجتمعو بالساحة ،بقي جو البيت متوتر و فتحية طول نهار عم تبكي كانو ابنا يلي مات او عم تستبق الاحداث،رجع ابو مسعود بالليل و جمع كل اولادو من نسوانو الاتنين و نبه علين ما حدا بيخطي خطوة برا الارض لحالو او اعزل خوفا من ردة فعل مهران ،مرت يومين على الحادثة بدون اي تغيير حتى بلشت الاجواء تروق شوي و فضيتلي فتحية
• فتحية:تعي لهون احكيلنا شفتيا لفتون شي؟
• شيرين:ايه شفتا منيحة كتير و نمت عندا
• فتحية:بعدا قصيرة زمكة
شيرين:ما بعرفا من قبل حتى قلك اذا تغيرت الا لا ،بس يلي شفتو عندا ما شفتو عند حدا تاني
زهرة:شو شفتي ليش؟
شيرين:اوووه
اخدت نفس عميق و حكيت عن شي شفتو و شي ما شفتو مستغلة غيرة فتحية من فتون
شيرين:شغلات كتيرة ،عندا تلفزيون و غسالة يعني ما بتغسل على ايدا و بتتعب متلكن و عندا فرن غاز بتطبخ عليه يعني ما بتشعل حطب متلكن ،و عندا حنفيات بالحيط بتبرميا بايدك هيك بتنزل المي و حتى اذا بدك بتنزل مي سخنة و عندا لمبات بكبسة زر بتشعل و بكبسة بتطفي ،ولا شو كانت لابسة وقت استقبلتني؟
فتحية:شو كانت لابسة؟
شيرين:شي غريب و حلو و تقيل ،ما شفت وحدة بكل الارض لابسة متلو
فتحية:شو هو احكي؟
شيرين:عباية لون نهدي عم تلمع متل النجوم بالليل ،كانت طالعة فيا متل الملكة بس ناقصا تاج
فتحية:شرشوحة لو شو ما لبست،اصلا ما بيلبقلا لانو قصيرة كتير و ما عندا خصر متلنا
شيرين:انا شفتا كتير حلوة و زوجا مهران مدللا كتير متى ما قلتلكن ما بتشتغل كتير لانو عندا كهربا
فتحية:و من وين قدرو يجيبو كهربا ؟
زهرة:على علمي امير الجبل بس يلي عندو كهرابا بهاي الارض
فتحية:ايوا معناها فتون عايشة عيشة الامراء
شيرين:تمنيت ابقى عندن و ما ارجع،حياتن حلوة كتير و الحطب عندت ما بيستخدموه الا للتدفئة
فتحية:زهرة نحن لازم نطالبو لابو مسعود يجبلنا كهرابا،فتون ما احسن مننا
زهرة:فتون ما عندا رجال متل ابو مسعود ما بيعطي دانو لمرة ،سمرا بدي اسالك فتون كان عندا بنت...
شيرين:ايه سمر ،بتجنن و علاقتا حلوة كتير مع اما متل الرفقات ،اصلا بتشبه اما
دمعو عيونا لزهرة و بعدين انا سكتت فورا و حاولت غير الحديث
شيرين:لازم ترجع علاقتكن معن متل اول ،رح تستفادو و تتعلمو منن كتير
فتحية:نحن نتعلم منن،فشرو
كان مخا لفتحية متل صبة الباطون بالنسبة الي قاسي و عنيد كتير بس عرفت شو النقطة الضعف بشخصيتا،الغرور
فتحية:بكرا شوفي كيف نحن رح نصير احسن منن و نسبقن و هن يتعلمو مننا،نحن معنا المال و القوة و السلطة
شيرين(بصوت منخفض):بس اللله حارمكن العقل
المسا انا و قاعدة بغرفتي و متسطحة على التخت و عم احشي براسو لمسعود بالشي يلي شفتو ببيت مهران ،سمعنا صوت فتحية و ابو مسعود عم يعلقو،نطيت بسرعة لاعرف شو في بس مسعود مسكني من ايدي و قعدني
مسعود:شو بدنا فين ،خليكي قاعدة جنبي
شيرين:طيب ،مسعود.شو قلت؟
مسعود:قلت بقول لبيي و منحكي و منشوف
شيرين:ها ،بعرف ما رح يطلع من امرك شي و انو الكلمة الاولى و الاخيرة لابوك
مسعود:سمرااااا
شيرين:شو حكيي ما صحيح!
مسعود:لا ما صحيح
شيرين: فرجيني لكن انو ما صحيح
مسعود:بكرا بتشوفي ،قربي شوي لعندي ؟
شيرين:ايه

#خاارج_النطاق_بقلم_هلا_غرابلي
الجزء التاسع
@rwayate
طلعنا من باب المطبخ و دفشتني لبرا لعند رجال ضخم و شعرو رمادي ،عمرو تقريبا بال 50 سنة
فتحية:هاي هي هديتي لامير الجبل
مسكني من ايدي و اطلع فيني
ممدوح:طيب ،بخبرو بس شو سبب الهدية ،ما بدك مقابل؟
فتحية:لا ابدا ،ما بدي شي بس ديرو بالكن كتير منيح منا انو تهرب لانو تاريخا طويل بمحاولات الهرب
ممدوح:ما توصي ؛الدبانة ما بتتنفس الا بعلمنا ،بحطا بقسم الجواري الا الخدم ؟
فتحية:الخدم و زيادة عليا و جور عليا منيح لانو عذبتنا كتير يلا امشي بسرعة قبل ما يجي مسعود ...سمرا انا كنت لازم ادفنك تحت الارض بس هيك بكون عم ريحك و انا ما بدي ريحك ،بدي اياكي تتعاقبي عقاب ابدي ،خدا من وجهي قبل ما غير رأيي
شيرين:لوين اخدني ...اتركني ...عم قلك اتركني
حملني و حطني على الحصان و طلع هو و عم يصرخ علي و يهددني بالضرب بالسوط ،ما كنت عارفة لوين اخدني بس كنت خايفة كتير من كلام فتحية و مطمنة انو خلصت من الموت ،وصلنا على قلعة كبيرة براس الجبل هي نفس القلعة يلي شفتا انا و ياسمين اول ما جينا لهون ،فتحولو باب حديد كتير كبير
البواب:شو جايب معك ؟
ممدوح:هدية لامير الجبل
نزل عن حصانو هو و ماسك اللجام بايدو،ساعدني لانزل هو و عم يملي علي تعليمات
ممدوح:هون بدك تكوني حذرة كتير ،من اول محاولة هرب الك بيقتلوكي بدون اي فرصة اولى ،بدك تسمعي الكلمة و اطيعي الاوامر ،هون الك تم ياكل ما الك تم يحكي
شيرين:لوين جايبني ؟
ممدوح:هيدا قصر امير الجبل ،فوتي من هون
فتنا من باب خلفي للقصر ،استقبلتنا مرة كبيرة بالعمر اسما ياسمينة
ياسمينة :خدم الا جواري؟
ممدوح:حطيا خدم ،اسما سمرا
ياسمينة:ماشي
ممدوح:الامير فايق ؟
ياسمينة:ايه و نزل على الصيد
ممدوح:طيب،ياسمينة هاي اذا حاولت تهرب من هون ،بتخبروني فورا لينعملا اللازم
ياسمينة:حاضر
طلع ممدوح من المطبخ و سحبتني ياسمينة من ايدي
شيرين:انا شو بدي اعمل هون ؟
ياسمينة:اعملي يلي بينطلب منك بس
شيرين:حاضر ،هيدا ممدوح شو بكون هون؟
ياسمينة:هيدا المستشار الخاص للامير
حطيت ايدي على تمي و ضحكت،اطلعت فيني ياسمينة بطرف عينا
ياسمينة:شو المضحك؟
شيرين:مستشار خاص للامير!عنجد ما عم صدق ،انتو باي قرن عايشين ،خدم و جواري و امير و مستشار و قلعة و احصنة ،يالله وين انا ،مستحيل يكون كل يلي عايشة فيه انا حقيقة ،اكيد عم احلم
ياسمينة :سمرا بدل هالحكي يلي عم تحكيه و ما مفهوم منو شي ،فوتي غيري تيابك و بلشي شغل
شيرين:حاضر
غيرت تيابي انا و عم اطلع بزوايا القصر ،كان مكان كتير فخم الديكور و النقوش يلي بالسقف و اللوحات و المنحوتات كلها قديمة ،حسيت حالي فايتة على متحف ،كان كلها شغلات نادرة ،تابعت اتفرج و نسيت حاالي حتى اجا صوت من وراي
اميرالجبل :مين انت؟
فتلت ضهري و شفت شاب طويل ابيض و شعرو اسود مسرح لورا و لابس قميص ابيض و بنطلون اسود و جزمة سودا جلد ،كان وسيم كتير و خاصة عيونو كانو جذابين كتير لدرجة تلبكت و نزلت راسي
شيرين:انا ...انا سمرا
امير :مين سمرا؟
شيرين:انا ..
ممدوح:هاي سمرا هدية من ام مسعود يلي ساكنين بارض العمالقة
شيرين:هدية !شو شايفني قدامك !ما ناقص غير تغلفني و تحطلي شريطة حمرا
ممدوح:انت شو جابك لهون ،انا ما حطيتك بقسم الخدم
شيرين:كنت عم اتفرج على اللوحات و نسيت حالي
ممدوح:ايه بسرعة انزلي لتحت و ما بقا بتتواجدي بمحلات ما الك
امير:انا قلتلك حطا بقسم الخدم ؟
ممدوح:لا جلالتك بس ام مسعود باعتا خدم ،لانو ما بكر
امير:انا يلي بقرر وين محلا،حطا بقسم الجواري
شيرين:لا انا مرتاحة بمحلي ...جلالتك

#خاارج_النطاق_بقلم_هلا_غرابلي
الجزء العاشر
@rwayate
الكل اطلع فيني
شيرين:انا....
الامير:ايه
فتحية:سمرا هيدا ابني هيدا مسعود زوجك ،مستحيل تسخي فيه
تذكرت كل شي عملو فيني مسعود كيف اغتصبني و كيف علقني على الحيط و اخر مرة كان رح يقتلني و يدفني عايشة و هو السبب بيلي انا فيه هلأ
شيرين:جلالة الامير بيستاهل الموت بس انت حكيم و كريم ،برأيي لازم يتعاقب عقاب كبير بس يضل عايش حتى يحكي لغيرو و لاولادو و احفادو عن الذنب يلي عملو بحقك و العقاب يلي نالو ،خلي العقاب يخلد بذاكرتو ،خليه كل ما شم ريحتك من قبل حتى ما يشوفك يدفن راسو بالارض متل النعامة
اطلع فيني مسعود ،رفعت حواجبي و انا مخبية ابتسامة الشماتة
الامير:احسنتي بالتفكير ، جيبو على القصر و هناك بينال عقابو على مهل
طلعنا بالعربة و رجعنا على القصر ،نزلوه لمسعود على زنزانة تحت الارض ، كان صوتو يوصل لقسم الجواري هو و عم يصرخ من وجع الضرب ،كانت ناري عم تخمد منو و من امو فتحية ،بعد 5 ايام من العذاب الجسدي افرج عنو الامير و ردو لارضو ،كنت واقفة على الشباك و هن عم يطالعوه من القصر بكل ذل و هوان ،لمحني واقفة عم اتفرج عليه ،حسيتو رح يخترق الحرس و الابواب و يطلع لعندي و يخنقني ،بس كنت مطمنة و مرتاحة انو ما رح يسترجي يخطي هيك خطوة طول ما انا تحت جناح الامير ،دخلت عندي زمرد
زمرد:الامير بدو اياكي بغرفتو
اطلعت بزمرد
شيرين:يلا رايحة،تياب الخدم لبقتلك اكتر من فساتين الجواري
زمرد:رح تندمي كتير على هالحكي
طلعت على غرفة الامير،دقيت الباب دقتين و فتت ،كان متمدد بالتخت و شالح تيابو الداخلية من فوق
شيرين:عفوا !برجع بوقت تاني
الامير:لا تعي،في علبة مرهم اعشاب على الطاولة جنبك ،جيبيا و ادهنيلي ضهري
شيرين:انا؟
الامير:في حدا غيرك بالغرفة؟
شيرين:لا ،بس قصدي يعني في اي حدا يقوم بهالمهة غيري
الامير:لا بدي انت ،اعتبريه رد معروف على يلي قدمتلك اياه ،نسيتي اني سلمتك مصيرو لمسعود
شيرين:انا ما طلبت منك هالشي و بعدين طلع في مقابل الو
الامير:طيب
قام جلس ضهرو و كتف ايديه قدام صدرو
الامير:انا هلأ بدي امرك امر ،نفذي يلي طلبتو منك هلأ
شيرين:و اذا ما نفذت ،بدك تعاقبني؟
الامير:اكيد
شيرين:شو بدك تعاقبني؟مثل مسعود يعني؟
الامير:لا عقاب اكبر لانو انت ما عم بطيعي الامير يعني ما عم تحترميني
شيرين:ها ،طيع اوامر الامير !،شو اسمك؟
الامير:امير الجبل
شيرين:ما قصدي اللقب ،قصدي اسم العلم
الامير:...زين
شيرين:زين !اسمك زين ؟
الامير:ايه ،ما حدا بيعرف هالاسم غير ممدوح و هلأ صرتي انت
شيرين:كتير حلو الاسم ،شو عمرك؟
الامير:26 سنة
شيرين:26 سنة!ههههههه عمرك هيك بس و مخوف كل هالعالم ،فكرتك اكبر من هيك
الامير:ليش؟شكلي بيوحي ؟
شيرين:لا شخصيتك بتوحي
الامير:يعني شو بتتوقعي عمري؟
شيرين:37 سنة،انت شو بتحطلي عمر؟
الامير:18
شيرين:لا انا 22
الامير:شكلك و تصرفاتك بتعطي عمر ال 18
قعدت على الكرسي انا و عم اطلع بزوايا غرفتو
شيرين:كأنك عايش لحالك بكل هالقصر ،وين اهلك ؟
الامير:ابي ميت و امي ...كمان...ميتة
شيرين:كيف ماتو؟
الامير:ابي مرض و مات و امي قتلا ابي
شيرين:عنجد كيف ...ليش...
الامير:خاينة...اتفقت مع مستشار ابي على انو تهرب معو من القصر بس ابي و الحرس حسو علين و وقتا عدما ابي بساحة القصر هي و المستشار
شيرين:...ما قادرة اتخيل الموقف
الامير:يعني كان المفروض اعدمك وقت حاولتي تهربي
شيرين:و انت شفتا لامك هي و عم تنعدم قدامك

#خاارج_النطاق_بقلم_هلا_غرابلي
الجزء الحادي عشر و الأخير
@rwayate
حملني مسعود و راح على الارض و ابوه و امو و اخوه جاسم ماشين وراه، اول ما شفت حفرة غميقة بالارض منظرا مرعب،حسيت رح غيب عن الوعي من الخوف
مسعود:جاسم قرب احفرا لسا ،بدي اياها غميقة كتير؛بدي ادفنا تحت سابع ارض
قرب جاسم و بلش يحفر و انا صرخ و ابكي و اترجاه لمسعود ،قرب على الحفرة و زتني فيا و مسك الرفش هو واخوه و بلشو يطمروني بالرمل
شيرين:لحظة ..لحظة ...جاسم بدي احكي شغلة قبل ما موت لازم ابو مسعود يعرفا
جاسم : شو بدك ؟
مسعود:ماترد عليا تابع طمر
شيرين:جاسم الموضوع ضروري كتير ،ما رح تندم اذا سمعتني
وقف جاسم يتسمع لحكيي بس فتحية هجمت على جاسم و خطفت من ايدو الرفش و بدا تطمرني بالرمل قبل ما تابع كلامي بس ابو مسعود مسكا من ايدا
ابو مسعود:خلينا نسمعا بالاول
فتحية:عم تكذب ،كذابة ،ما تصدقوا
ابو مسعود:انت سمعتيا شو حكت حتى تقولي عنا كذابة
مسعود:يابي عم تماطل وقت حتى ما نقبرا
شيرين:فتحية و مسعود ما بدن اياني احكي هالحكي لانو يلي عملوه شي كتير كبير
اطلع فين ابو مسعود
ابو مسعود:شو عاملين؟
مسعود:يابي كذابة
جاسم:يابي خلينا نسمعا و بعدين منكمل
ابو مسعود:احكي
اخدت نفس و انا مسح الرمل عن وجهي
شيرين:اابنتين يلي شفتن معي وقت كنا عم نهرب بهديك الليلة بكونو اخواتك البنات دجى و ثريا ،البنات يلي ولدتن فتحية من 6 سنين بعدن عايشين ،مسعود ما دفنن متل ما قلك
جاسم:شايف يابي قلتلك شفت بنتين بس انت ما كنت تصدقني و فكرتني محشش
ابو مسعود: انت قلت الشاب كان لحالو ؟
جاسم:يابي ...كان معو سمرا و قشطة بس مسعود نبهنا ما نقلك حتى ما تعصب
ابو مسعود:فتحية و مسعود صحيح هالحكي ؟
مسعود:….
فتحية:لا لا عم تكذب
ابو مسعود:فتحية اذا بيطلع انت يلي عم تكذبي لاقبرك محلا
فتحية:كذب كذب كذب
انخطف لونا لفتحية و هي بقيت هم تردد.كلمة وحدة كذب
ابو مسعود:طب وينن البنتين اذا حكيك صحيح ؟
شيرين:مخبيتن فتحية تحت قن الجاج ،طلعوني من هون لاخدكن و دلكن على محلن
ابو مسعود:جاسم طالعا من الحفرة
طالعني جاسم من القبر و مسعود و فتحية عم يطلعو فيني و يزوروني بس ما كنت خايفة منن لانو ما ضل شي لاخسرو اكتر ،مشينا نحن الخمسة باتجاه القن ،فتحتلن الباب يلي بالارض و نزلت على السلم و نزلو ورايي جاسم و ابو مسعود
جاسم:هاي اول مرة بعرف انو في باب هون و غرفة تحت القن
ابو مسعود: امشي لنشوف
مشينا بالممر حتى وصلنا على المكان يلي بيتواجدو فيه البنتين بس ما كان في حدا ،كان فاضي و ما في اي اثر للبنتين
ابو مسعود:وينن؟
شيرين:ولله كانو هون و انا كنت نزلن الاكل بايدي ،اكيد فتحية مغيرتلن محلن لانو عرفت انو بدي احكي علين
مسعود:يابي قلتلك انو هي كذابة و عم تماطل بموتا
شيرين:طب اسألو ياسمين هي كانت معي و شافتن و بتعرف فين
بعتو جابو ياسمين من البيت و سالا ابو مسعود عن البنتين
ياسمين:هاي اول مرة بسمع انو فتحية عندا بنتين
شيرين:ياسمين شبك ..البنتين دجا و ثريا يلي كنا بدنا نهربن معنا ،شبك نسيتي
ياسمين:ليش نحن ايمت كنا بدنا نهرب ،انا ما بعرف عن شو عم تحكي

#خاارج_النطاق_بقلم_هلا_غرابلي
الجزء السادس
@rwayate
شفت بنتين صغار اعمارن بال 6 سنين قاعدين بالارض و عم يلعبو بالحجارة و يحطون فوق بعض و عم ياكلو تفاحة ،تذكرت كلام مسعود فورا عن توم البنات يلي جابتن فتحية من كام سنة و دفنن مسعود هن و عايشين ،هدول هن ،هدول بنات فتحية عايشين تحت الارض ، بس قدام الناس هن ميتين ،كان منظرن بقطع القلب ،كيف قدرو يعيشو كل هالسنين هون ،كيف فتحية عم تقدر تتركن كل هالوقت الطويل لحالن و لايمت بدن يضلو هيك متخبين ما تشوفن الشمس و محكومين بالجهل و التخلف يلي هون ،انسحبت بهدوء و طلعت على السلم و فتحت الباب لاطلع بس وقعو عيوني على وجه فتحية ،ارتعبت و كنت رح اوقع من السلم على الارض بس مسكتني من تيابي،بلعت ريقي و طلعت
فتحية:انا لازم موتك و بهاللحظة و الا بخسر بناتي
شيرين:ما تخافي ما رح احكي لحدا عن يلي شفتو ،زعلت علين و عليكي
فتحية:ازعلي على حالك و على يلي بدو يصير فيكي
شيرين:ما رح يصير فيني اكتر من يلي صار ،انا ما بدي ساومك على اولادك بس حرام يبقو هيك تحت الارض؛هدول بني ادمين ما حيوانات
فتحية:انا يلي بقرر و انا بعرف مصلحتن
شيرين:بعرف انو مصلحتن يبقو تحت الارض حتى ما حدا يشوفن و يقتلن بس انا فيني اقدملك معروف اذا بتساعديني
فتحية:؛بلشتي تفاصلي
شيرين:ما هيك بس اعتبريا مصلحة مشتركة انا بستفيد و انت كمان
فتحية:احكي
شيرين:خليني اهرب انا و قشطة و رح باخد بناتك معي ،خليني اطلع من هون و طلعلك اياهن و بضمنلك سلامتن و انو يعيشو حياة نظيفة و صحية على الارض لانو هدول بحاجة شمس و هوا نظيف و الا رح يموتو و تصيبن امراض من نقص فيتامين مهم ما بتاخديه الا من الشمس و رئتينن كمان بحاجة لهوا متجدد احسن من الرطوبة تحت و الا بصير معن ربو و ما فيي خبرك عن نوبات الربو يلي ممكن تكون قاتلة ،يعني اذا زوجك ما قتلن و دفنن انت رح تقتلين بالعيشة هون
فتحية:انت بدك مصلحتك و بس
شيرين:صدقيني بدي مصلحتي و مصلحتن ؛انا تعاطفت معن و زعلت علين ،شو قلتي؟
فتحية:......اذا طلعو من هون ،يعني ما بقا رح اقدر شوفن ابدا ،يعني كانو ميتين و شو بقا بتفرق عاشو ولا ماتو
دمعو عيونا و غصت هي و عم تحاول تخبي وجعا،لاول مرة بشوف فتحية بهيك حالة،ملامح وجهها تغيرت من قوة لضعف و قلة حيلة
شيرين: تعي معن
فتحية:لا مستحيل ،ابو مسعود بيلاقيني و بيقتلني
شيرين:طيب على الاقلية بتعرفين عايشين مرتاحين و مبسوطين ،عم يتنفسو هوا نظيف و بس يصيرو صبايا فيكي ترجعي تاخدين
فتحية:كيف بدي اخدن؟
شيرين:متل ما اخدونا انا و قشطة و خلي الحادثة تكون صدفة و هيك برجعو بناتك لحضنك و بتزوجو جنبك بدون ما حدا يعرف انو هدول بناتك
سكتت و هي متفاجئة من الفكرة و حسيت في قبول من ملامح وجها
شيرين:فكري و رديلي خبر ما رح تندمي ابدا
قربت علي و رفعت اصبعتا بوجهي لتهددني
فتحية:و انت اذا بتجيبي سيرة لحدا عنن يا سمرا لادفنك عايشة تحت الارض معن
شيرين:لا ما رح احكي ،مسعود معو خبر فين؟
نزلت راسا كانو عم تفكر بالجواب يلي عرفتو مسبقا
فتحية:ايه معو خبر ،هو يلي كان اخدن ليدفنن بس شفق علين او يمكن شفق علي قد ما بكيت بهداك اليوم و حطن بالبستان لبين ما دبرلن هالمحل بس انت ما رح تقليلو انو صار معك خبر بوجودن
شيرين:متل ما بدك
فتحية:بس اذا...
شيرين:خلص قلتلك ما رح احكي لحدا بس انت فكري بالموضوع منيح و لا تنسي الشرطة و الامن هون يعني فرصة منيحة و الطريق سالك لنوصل على المدينة بأمان و انا باكدلك اذا وصلنا لهنيك ما حدا رح يعرف محلنا
رجعت انا و فتحية على البيت و هي عم تعيد و تكرر بنفس الجملة و التهديد،بس الشي يلي تغير من هداك اليوم هو معاملتا اتجاهي؛كان بتحسن ملحوظ و خاصة انو انا يلي كنت اخد احيانا الاكل للبنتين دجا و ثريا و اقعد العب معن و احكي معن مع انو كان حكين قليل و ركيك بس بيتواصلو مع بعضن بطريقة غريبة حتى من غير ما يحكو او باصوات ما مفهومة ،بس كنت عم حبن كتير و شوف فين الامل يلي بدو يطلعني من هالحفرة،سألتا لفتحية عن قرارا بعد اسبوعين و بعد ما سمعت مسعود عم يطمن ابوه انو امور الشرطة حلها بطريقتو لهيك قلقت و خفت اكتر
فتحية:موافقة بس..
شيرين:عنجد