📚قصص||روايات||منوعة📚

(3)
@rwayate
ينظر إليه يجده غارقا في الضحك
حازم بضيق: ع إيش بتضحك
كرم: هههه مش قادر بهدلتك
حازم بضيق: شو هالشغاله هاي ليش تاركها ع راحتها
كرم باستغراب: مين كاترين؟
حازم بسخريه: كمان كاترين اسمها مش لابقلها
كرم ينفجر ضاحكا: هههههه لو سمعتك حولتك ع النيابه فورا ولك هاي أختي هههه
حازم: أختك! بس شكلها من طرف واحد
كرم: كيف يعني
حازم: من امك او من أبوك
كرم: لأ ليش بتحكي
حازم: ولك هاي ألفاظها مصريه باحتراف
كرم: عهههههه لسا ما سمعت شي
حازم: شوي كان بهدلتني اول ما دخلت وقلتلها فنجان قهوه وسط
كرم: هههه منيح ما علقت مشنقتك
حازم: البركة في ابنك ألهاها
كرم: طيب منيح
حازم: طيب ليش بتحكي مصري
كرم: مش دايما بتحكي مصري حسب المزاج بتاعها .. بتحكي مصري لأنها درست في مصر فاكتسبت من لغتهم
حازم: اه قلتلي شو بتشتغل
كرم بضحك: زميله لإلك
حازم باستغراب: كيف يعني
كرم: مش انت ضابط كمان هي ضابط
حازم بصدمه: هاي ضابطه وكيف بتترك أختك يا كرم تشتغل هيك شغل
كرم بِهم: والله لعبت علينا كلنا راحت عند عمتي اللي ساكنه في مصر وعلى أساس تدرس هندسه لقينها بعد سنين صارت ضابطه
حازم: يعني بلا مؤاخذه إنتوا ما بتفهموا حتى تخدعكم كل هالسنين
كرم: من حد ما طلعت تدرس ما إجت ولا زياره وعمتي وجوزها ما بتدخلوا فيها عندهم الحياة حريه اعمل اللي بدك إياه
حازم: يعني اكيد رح اشوفها بالشغل لأني انتقلت هين
كرم: ههه طبعا استلقى وعدك منها إذا بتيجي بطرفها
حازم: فكك منها بس ليش حتى تدرس هيك تخصص
كرم أطرق رأسه: هاد الاشي اعفيني ما بقدر أجاوبك عنه
حازم نظر إليه مطولا : مش مشكلة
@rwayate كرم بتحذير: معاذ امشي عِدل
معاذ بنفاذ صبر: إنت كمان بكفي اختك
كرم: مش لأني ساكتلك تمشي ع راحتك نحنا بدنا مصلحتك
معاذ: حلو عني يا .. خلي الواحد يعيش يومين حلوين
كرم: نفسي اعرف وين بتروح وبتسهر
معاذ ببرود: يعني وين مع اصحابي
كرم: امشي من قدامي مش فاضيلك بس انا حذرتك يا معاذ كاترين مش رح تسكتلك
معاذ: اختك عاملة علينا ضابط عن حق شايفه حالها ع ايش ..لازم تزوجها ونخلص منها
كرم بحده: إنت شو بتقول ليش هيك بتحكي عن اختك عيب عليك.. وما الك دخل بزواجها
معاذ: ليش ما بتقبل بحدا كل واحد بتقدملها بترفض في إنّ بالموضوع وإنت بتعرف ومخبيين عليّ آخرتني رح اعرف وتشوفوا شو رح اعمل
كرم امسكه من كتفه بعنف وبتحذير: معاذ إذا بتفتح هاي السيره قدام أختك ما تلوم إلا حالك امشي من وجهي (أزاحه بعنف وذهب)
@rwayate
رفعت : اتفضل اقعد
:خير طلبتني
رفعت: إنت ضابط وإلك مكانتك حسب ما سمعنا عنك بشغلك القديم
:طيب
رفعت: بنا نوكل إلك مهمه حماية شخص
:ومين هاد الشخص
رفعت: زميل لإلك
__بسخريه: والزميل ما بقدر يحمي نفسوا
رفعت: هو ما بعرف إنو تحت الخطر ومعرض للقتل بأي لحظه
:اللي فهمتوا من سيادتك إني بدي أحمي بدون علموا كيف هيك @rwayate
رفعت: انا رح أكلفك إنت وإياه تصيروا تعملوا مع بعض جميع العمليات والهجمات وبهيك بتكون معاه وبتحمي
__:طيب ليش ما تخبروا انو تحت الخطر
رفعت: يا حازم إنت ما بتعرف إنو اللي بحكيلك عنه راسوا صعب ويابس كمان إذا قلتوا مستحيل يقبل حد يحمي وهو من أكفأ الضباط
حازم : طيب ومين هاد الشخص اللي مهددوا
رفعت: قبل شهرين ألقينا القبض ع تاجر المخدارت اكيد سامع اسمو سمير الجابي
حازم: اه معروف
رفعت: وتم إلقاء القبض عليه من قبل الضابطة اللي بحكيلك عنها
حازم مقاطعا بسرعه: كمان وحده مش واحد كِملت
رفعت: خليني اكمل بعدين بتستفسر ع راحتك
حازم: اتفضل
رفعت: قدر يهرب من السجن وترك تهديد واضح وصريح إنو رح يقتلها ..بإمكانك تسأل تفضل
حازم بضيق: ليش اخترتني انا لهيك مهمه انا كل فكري بدي أحمي واحد طلعت وحدة هو ناقصني في وحده تشتغل هيك شغل تنظب ببيتها أحسنلها
رفعت: ما تستهان فيها مثل ما قلتلك من أكفأ الضباط..اما بالنسبه إني اخترتك إنت لسبب معين
حازم: اللي هو
رفعت: إنك صاحب أخوها
حازم بتفكير: ومين هاد صاحبي
رفعت: هلا بطلبها وبتتعرفوا ع بعض بس مثل ما فهمتك انتوا بتشتغلوا مع بعض مش تحميها هيك الاتفاق رح يكون قدامها ... وبنفس الوقت تحميها بدون علمها مفهوم
حازم بضيق: ما بتقدر تخلي حد ثاني عني
رفعت بحزم: انا اخترتك يا حازم وانتهي الأمر وهاي مهمة موكلة إلك مفهوم
حازم بضيق: مفهوم
@rwayate
يطلبها وتأتي تطرق الباب وتدخل تؤدي التحيه
رفعت: اتفضلي ارتاحي
تنظر له ولا تعير له اهتمام وكأنه لم تره
حازم في سره: ي عيني ع الحظ طلعت اخت كرم هو ناقصني انا .. كيف اتجاهلتني كيف بدي اشتغل معها الله يعينك يا حازم
كاترين: خير يا فندم طلبتني
رفعت مشيرا لحازم: بدي أعرفك ع الضابط حازم انتقل جديد لقسمنا
نظرت له بلامبالاه
حازم في سره: حسستني إني حشره بهالنظره ما علينا
كاترين: المطلوب يا فندم
رفعت مشير اليها: وهاي الضابطه كاترين يا حازم
حازم بخبث: عارفها سيادتك
رفعت: بتعرفوا بعض ممتاز
كاترين مقاطعه بضيق: يا فندم ما بعرفوا
حازم ينظر لها بخبث: مش انت أخت كرم برضوا ولا لأ

كاترين بغيظ: اه بس ما بعني إني بعرفك
حازم بخبث: والقهوة الوسط
كاترين وقفت وقالت بحزم لرفعت: في اشي ضروري يا فندم
رفعت: ارتاحي يا كاترين
كاترين بضيق: اتفضل حضرتك
رفعت: الضابط حازم وإنت يا كاترين مكلفين بالشغل مع بعض
هتفت بحدة: شو بتقول إنت
رفعت بحزم: كاترين إلتزمي حدودك واعرفي مع مين بتتكلمي
كاترين:بتأسف يا فندم انا معي فرقتي مش بحاجة إني أشتغل مع حد ثاني
رفعت: اللي بحكي في أمر يا كاترين مش للأخذ والعطا..(نظر إلى كليهما) وإذا في مشاكل بينكم يا ريت ما تأثر ع شغلكم والأفضل تفتحوا صفحه جديده مشان الشغل يمشي تمام
حازم بنظره ذات معنى لكاترين: ما تقلق سيادتك رح نتفق تمام التمام
رفعت: هاد العشم برضوا..بإمكانكم تتفضلوا وتتفقوا كيف تشتغلوا مع بعض
@rwayate
يخرجون تنظر له وتقول بحدة
كاترين: الكلام الفارغ اللي انقال جوا اعتبروا ما انحكى مفهوم
حازم ببرود: هاد من ناحيتك من ناحيتي لأ
كاترين: اتقي شري أحسنلي ..ليش حتى نشتغل مع بعض كل واحد معو فرقتوا
حازم بحزم: عندي أمر ولازم أنفذوا
كاترين بسخريه: ما تفكرني مش فاهمتك فوق يااض
حازم: وإنت ما تفكري ساكتلك ع ألفاظك مشان سواد عيونك وقت ما بدي بردلك الصاع صاعين فامشي عِدل أحسنلك واحسنلي
كاترين بخوف مصطنع: يمامي خوفتني روح العب بعيد ياواد
حازم بخبث ويقترب منها: بدي ألعب معك يا قطة
كاترين: إلزم حدودك ماشي
يأتي معتز
كاترين: وين مختفي يامعتز إنت ولؤي
معتز: راح لؤي يوصي ع فطور يا حضرة الضابط بدك تيجي ولا مشغوله(وينظر لحازم باستغراب)
كاترين: شو قلنا يا معتز ما بدنا هالتكلف بالحكي
معتز وينظر لحازم: بس
كاترين وقد فهمت ببرود قالت: كأنو مش موجود
معتز سكت بحرج
كاترين: كمان مش مشغوله يلا امشي نفطر
وذهبت معه دون الالتفات لحازم
...
حازم في سره: شكلو الشغل هين حلو(ويذهب لمكتبه)

...
حازم: لؤي اسألها شو صار معك ما خبرتنا بشي
لؤي: آسف ما بقدر لأنه كاترين ما بترضى تحكي إلا وقت ما بدها
حازم: لا حول الله يارب عليها هات المايك
لؤي بمعارضه: يا حضرة الضابط ما بصير هيك
حازم بحزم: عيرني سكوتك من فضلك
...
حازم: كاترين سامعتيني
كاترين: يا لؤي مش قلت ما حد يحكي معي
حازم بحدة: انا حازم يا كاترين
كاترين: أووف هي ناقصتك كمان شو بدك
حازم: شو صار معك
كاترين: بعد شوي بخبر معتز او لؤي يلا طير
حازم بغضب: كاترين احكي عِدل
كاترين: اووف اسمع همي متواجدين بالطابق الثالث في الساحة مقعدين الرهائن بالوسط وهمي محوطينهم
حازم: كم عددهم
كاترين: تحت نظري عددهم خمسة
حازم: اممم اكيد في غيرهم بأماكن ثانية
كاترين بسخريه: اكيد في ما بدها فصاحه
حازم: شو عامل حتى ربنا يبليني بوحده مثلك
كاترين: غور ياض خليني اشوف شو بدي اعمل
حازم: استني مسلحين
كاترين بسخريه: لأ ماسكين فرودة مي... اه مسلحين ولاشو
حازم: ياااارب ارحمني ...اسمعي عودي أدراجك منا نداهم المكان احسن اشي
كاترين: بعد ما دخلت بتحكيلي ارجعي
حازم: لأنه كان بدي معلومات عنهم وبأي طابق كمان انتهت مهمتك يلا ارجعي
كاترين: بدك تقتحم المكان اقتحم بس انا ما رح أعود ادراجي فاهم
حازم: هو انت عنيده مع الجميع
كاترين: إذا كان عاجبك انا اه كده
حازم: اسمعي طيب تواري بمحل ما حد يشوفك
يسمع صوتا
: يا سيدي في وحدة متخبية هين
يلتفون حولها
: مين انت
كاترين بحده: مواطنه
بسخريه: يا اهلا بالمواطنه
كاترين بعصبيه: شو بدك مننا اطلق سراحنا
: لسانك طويله يا حلوه (وضع يده على ذقنها)
أزاحت يده بغضب: إياك تلمسني يا حقير
حازم وكان يسمع لهم من خلال المايك: رحتِ بستين داهيه يا ست كاترين قال شو بضبط اعصابي يخرب بيتك مش بنت انتي
سمعته من خلال السامعه الموجوده بأذنها
كاترين بصوت عالي: انا مش بنت والله لوريك واعلمك حدودك
: مع مين بتحكي إنت ولي
حازم: يخرب شرك اسكتِ اسكتِ فضحتينا
نظرت لهم وجدتهم ينظرون لها بجراءة فأجهشت في البكاء: انا انا خايفه ما تؤذوني اهئ اهئ انا كنت جايه اشتري ملابس لابن اخوي اهئ اهئ مالي دخل باشي
حازم: يا بنت الايه شاطرة بالتمثيل
كاترين ببكاء حاد: والله مابمثل ما بدي حد يآذيني ما حد يقرب عليّ (وبصوت عالي) خلص المهمة يخرب بيتك
ينظرون لها بعدم فهم
اما هو كان يسمع وعلامات الاستغراب ظاهرة على محياه
الرئيس: اشحطوها وحطوها عند الناس صدعتني
:امرك ياباشا
..
رومها ع الأرض عند سيدة كبيره أخذتها في حضنها
السيده: اهدي يابنتي اهدي ان شاء الله ربنا بوخذ كيدهم في نحرهم
لا تزال تبكي
حازم في سره: مالها هاي شو صرلها معقول ما بتمثل مستحيل فش حد أقوى منها اكيد بتفكر بإشي..
بس انا لازم أبدأ ما بدنا نتأخر
في هذا الوقت خرج إحدى الأشخاص من إحدى النوافذ ومعه إحدى الرهائن ويضع المسدس على رأسه وقال بصوت عالي: بدنا 5مليون دولار بنفرج عن جميع الرهائن بدون خسائر خلال ساعه ما بوصل المبلغ كل خمس دقايق رح نرمي رهينه من هين
ودخل بسرعه إلى الداخل
حازم وضع يده على رأسه
معتز: شو بدنا نعمل
حازم: لحظه خليني افكر
لؤي: كاترين جوا مش يعملوا فيها اشي
حازم: كاترين ع قد حالها وشكلها شاطره بالتمثيل
معتز: كيف يعني
حازم: شافوها صارت تبكي وصدقوها كأنهم
لؤي: لأ أكيد ما بتمثل
معتز بذعر: مستحيل تمثل إنها بتبكي عمرها ما مثلت انها بتبكي اكيد صرلها اشي
لؤي نظر لمعتز: معقول حد ا
معتز مقاطعا: لأ لأ تف من ثمك
حازم: ما تفهموني واقف مثل الأطرش بالزفة
معتز: بالمختصر ياحضرة الضابط كاترين مستحيل تمثل انها بتبكي إلا اذا كانت بتبكي عن جد
حازم أزاح وجهه شاردا: شو صرلها
جاءه اتصال من رفعت
رفعت: شو صار معكم
حازم: كاترين دخلت عندهم متنكره
رفعت: وسبتها تدخل وحدها
حازم: كان من ضمن الخطه
رفعت: بدي تتصرف بسرعه يا حازم
حازم: رح أبدأ الآن خلال نص ساعه رح تسمع أخبار بتسرك
رفعت : ان شاء الله

ما أن قال كلمته حتى سقط أرضا
حازم أطلق النار على رأسه ...
@rwayate
تنهدت فذهبت بسرعه باتجاه حازم
كاترين: حازم حازم انت كويس
حازم بغضب: قومي حطي حجابك وشوفي فرقتك وينهم لحد الآن
انصاعت لأوامره...ولم تستطع الرد عليه... وذهبت لإيجاد الفرقه... لم تجد احدهم... قامت بالاتصال بالإسعاف فورا.. جاءت مسرعه وذهبوا إلى المشفى
اتصلت بلؤي
كاترين بذعر: وينكم يا لؤي
لؤي: نحنا مسكنا افراد العصابه وأخذناهم ع القسم
كاترين: يعني حازم أمركم انكم تعملوا هيك
لؤي: لأ بس إنت دايما بتحكيلنا لما تمسكوا جميع اطراف العصابه بتودوهم ع طول ع القسم .. وقلت انت وحازم بترجعوا مع بعض
كاترين بحده: اغبيه
لؤيل خير صار اشي
كاترين: الرئيس تاعهم ما كنتوا ماسكينوا وانصاب حازم ونحنا بالمشفى
لؤي بصدمه: شو
@rwayate
لم تكن اصابته خطيره دخلت عنده.. وجدته يضع كفه على رأسه
كاترين بأسف: الحمدلله على سلامتك
حازم نظر إليها وأزاح وجهه ولم يجيب
كاترين بلعت ريقها: ما كان قصدي يصير هيك ..آسفة اصابتك بسببي
حازم: خلصتِ كلامك
كاترين نظرت له باستغراب
حازم: دايما العمليات اللي بدخل فيهن عمري ما تعرضت لهيك موقف
@rwayate
او انصبت..او عرضت احد أعضاء فرقتي انو يصير فيهم مثل ما كان بدو يصير فيكِ
تجمعت الدموع في عينيها
حازم اشاح بوجهه عنها وقال بغضب: طول الوقت لسانك طويل وما بتسكتي كيف بتنهاري مرة وحدة
انهارت في دموعها
حازم : بكفي بكي وين كاترين صوتها دايما عالي ... ليش ما بتردي عليّ وعلى أوامري لازم تنفذي اللي براسك دايما .. كأنك عمرك ما قُدتي فرقتك ولا أنجزتِ مهمة كيف بتحكي لفرقتك يغادورا الموقع قبل ما يتأكدوا إنو ماضل خطر ..اللي عطاك لقب ضابط شكلو كان نايم
لم تستطع الإجابه عليه انما اختنق صوتها... يدخل عليهم رفعت
رفعت: بهنيكم انكم استطعتوا تنهوا المهمه بدون خسائر.. وألف الحمدلله على سلامتك يا حازم
حازم: الله يسلمك
رفعت: كيف التعاون يا كاترين
نظرت إليهم وخرجت سريعا
زفر حازم بضيق
@rwayate
رفعت: مال كاترين ..كاترين بتبكي ها الحدث لازم نسجله بموسوعه جينيس
حازم: الاشي اللي شافتوا يمكن كان صعب عليها كأنثى اعذرها سيادتك
رفعت: مش مهم.. ومش موضوعنا المهم تكونوا بلشتوا تتفاهموا
حازم بسخريه: تفاهم كبير بينا ما تقلق
رفعت: ممتاز وهاد المطلوب
_____
جلست في منزلها وفي غرفتها تحديدا تنظر للفراغ.. لم تعد تسأل بأخيها معاذ.. وهذا ما أراده
طالت إجازتها... جاءها اتصال ابتسمت مم بين شرودها في الماضي
كاترين تحاول ان تكون طبيعيه: يا اهلا وسهلا بالحبايب
: كوكو كيفك يا مُزة
كاترين تضحك: اي ده إنت بيئه من يومك
_ قهقه عاليا: دنتي إنتِ البيئه يا كوكو
كاترين: وين هالغيبه يا سعد ما بتسأل عني
سعد: إنتِ في القلب يا كوكو بتعرفي مشاغل الحياه
@rwayate
كاترين: كيف عمتو وعمو
سعد: بسلموا عليكِ كثير السلام دلوقتي مسافرين الشرم ههههه عم يستعيدوا أيام الشباب
كاترين: من حقهم دانتَ اكيد كابس على نفسهم
سعد: لسانك بدو قطع يا كوكو من يومك لسانك طويل
كاترين: له ليش حتى انا كيوووت أوي أوي
سعد: لأاا مهو باين
كاترين: المهم شو عامل انت بشغلك
سعد: من الشركه للبيت للفرشه وهكذا دواليك
كاترين: هههههه عمرك ما رح تتطور
سعد بجديه: كاترين مالك فيكِ اشي مش ع طبيعتك حتى ضحكتك
كاترين تحاول ان تكون طبيعيه: فش اشي يا سعد بس ضغط شغل
سعد بحزم: كاترين احكي مالك
كاترين بصوت متحدرج: سعد انا مخنوقة اوي
سعد بحنيه: احكي شو صار معك
بدأت كاترين تقص عليه ما حدث معها في الأيام الفائته
سعد: مش اتفقنا يا كاترين إنك تنسي
@rwayate
كاترين: مش قادره
سعد: حاولي اقل مافيها تتناسي
كاترين: ان شاء الله
سعد بلهجة مرحه: وين سعادة الضابط اللي دايما بشتم فيني
كاترين تضحك: غور ياض
سعد: هههههه اه هاي هي كاترين... بس فهميني هاد حازم بدو يضل يشتغل معك
@rwayate
كاترين بعد تنهيده: هيك كلفنا الوكيل رفعت ما بعرف لمتى
سعد: بس اتحكمي بأعصابك يا كاترين ما بنفع كل ما تتذكري تنكسري من جديد بحكم طبيعه شغلك بتفرض عليكِ تبقي قوية ..مش إنت اللي بترضى مهمتها تفشل بسببها دايما بتفكري قبل ما تعملي اشي بس المره حسب ما قلتيلي ألغيتي تفكيرك وشغلتي بدالوا عنادك وعواطفك صح يا كاترين ولا غلطان
كاترين بأسف: صح
سعد: مادام عارفي غلطك الاشي ممتاز..اقطعي الاجازه وكملي شغلك مش إنت درست وكان طموحك توصلي لهاي

المرتبه
كاترين بخفوت: اه
سعد: طيب بترجعي الشغل وبتلتفتي لمعاذ اكيد أخذ راحتوا
كاترين: معك حق ماشي ع راحتوا
سعد: و حازم
كاترين بضيق: مالو الثاني اصلا مش عارفه كيف بدي اتعامل معو بعد ما بكيت قداموا
سعد: اتعاملي عادي مثل ما بتتعاملي معي او مع معتز ولؤي
كاترين بضيق: صعب يا سعد انتوا غير هو واحد غريب ومستفز وبايخ وبارد وما بينطاق
سعد بمباغته: بس خفتي عليه
كاترين بارتباك: مش زميل يا سعد اكيد بدي اقلق عليه
سعد: ما علينا المهم تعاملي عادي هو حسب ما فهمتيني كيف يتصرف معك بحاول يقمعك ويقمع شخصيتك المتمردة
كاترين بسخريه: مفكر حالو شارلك هولمز
سعد بخبث: ليش مش حلو
كاتري: : ما قلت مش حلو بس شايف حالوا على ايش
سعد: هههههه انتوا الاثنين اكيد مثل ناقر ونقير
كاترين: اصلاتن ما رح اصير اتعامل معو إلا بحدود
___
اما على الطرف الآخر
حازم بجديه: انتوا شو بتعرفوا عن الضابطه كاترين
نظرا إلى بعضهما البعض فقال
معتز: كل خير ضابطه كفؤ في عملها
حازم بنظره ذات معنى: وغير هيك
لؤي: شو بتقصد
حازم: قصدي حياتها شو سرها
لؤي بارتباك ينظر لمعتز: مش فاهم حضرتك
حازم بحده: انتوا فاهمين قصدي
معتز: ما في اشي سيادتك
حازم بنفاذ صبر: طيب فرجوني عرض كتافكم
من هو سعد؟
وما هو سر كاترين؟
كيف ستتصرف مع حازم؟

(6)
@rwayate
يضربون لها التحية
كاترين بجديه: شو الوضع
لؤي: كلو تمام يا فندم
..
تذهب لمكتبها تجده أمامها
حازم: اهلا وسهلا بحضرة الضابط شو وين هالغيبة
كاترين نظرت له بضيق: إجازة...ممنوع!
حازم بمزاح: ع راحتك
@rwayate
كاترين: عن اذنك
حازم بجديه: لحظة
كاترين تلتفت إليه: يا نعم
حازم: في قضية لازم نعمل عليها.. عملت كل اشي بقدر عليه بس بما إنه كنتِ بإجازة لازم أعلمك بكل اشي حتى نقدر نتحرك
كاترين: طيب اتفضل ع مكتبي وخبرني
.....
كاترين: خبرني
حازم: كابريه مشبوه
كاترين ضحكت بسخريه: كابريه ومشبوه كيف زبطن معك هالكلمتين مهو من اسمو كابريه اكيد مشبوه
حازم تنهد: لا حول الله يارب.. يابنت الحلال خلينا بشغلنا شو عملت بحياتي حتى تورطت فيكِ
كاترين وقفت بغضب: نعم شو قصدك اذا بتقدر تلغي عملنا مع بعض بكون شاكره افضالك
حازم بهدوء: اجلسي اجلسي الله يهديكِ والله كرم مش مثلك
@rwayate
كاترين : ما إلك دعوى
حازم: خلينا نكمل يا بنت الحلال ونخلص
كاترين جلست بغضب: كمل تا نشوف لشو بدها توصل
حازم بجديه: الكباريه جتنا معلومات بعطي لزباؤنه مخدرات
كاترين: طيب اتأكدت
حازم: اها اتأكدت خلال هاي الفترة..وخصوصا انه معظم روادوا بضلهم يجوا عليه ما بقدروا يقطعوا .. لأنهم طبعا في حاله إدمان ..راقبنا كم شخص بترددوا على ملاهي ثانيه بس لما يشوفوا حالهم مانهم مروقين وع مزاجهم ع طول بروحوا ع اللي بحكي عنه... واخذنا عينات واتأكدنا
كاترين: طبعا بطبيعه الحال هاي الكبريهات والملاهي حسب مابدك سميها.. هي خطأ لأنه في خمرة
حازم: نحنا علينا بالمهمه الموكله علينا وهي المخدرات
كاترين برقت عيونها وكأنها افاقت: اه معك حق اهم اشي المخدرات
حازم نظر لها باستغراب
كاترين: شو الخطه
@rwayate
حازم: بدي ادخل متنكر بلباس مثلهم .. لأنه حسب تحرياتي في كذا شخص شاكك انه واحد منهم هو اللي بزود المكان بالمخدرات
كاترين بشرود ونظرت لأعلى: مش عارفه شو بستفادوا انهم يخربوا جيل بأكملوا
حازم: سياسه تخريب البلاد ومشان الفلوس بعملوا اشي المهم الليله رح أدخل الملهى (شدد على كلمته) وحدي
كاترين نظرت له بحده: ما حزرت
حازم بحده: اسمعي انا قلت اخبرك لأني مجبور اخبرك فما تحشري انفك انك تيجي معي
كاترين بعناد: انا بعرف انو نحنا بنشتغل مع بعض ومادام انت ضابط وانا ضابط مثلي مثلك فما بحقلك تتخذ قرارك وحدك
@rwayate
حازم بحزم: كاترين.. فهميني كيف بدك تدخلي مكان مثل هالمكان
كاترين بعند: مثل ما انت بدك تخل انا بدخل
حازم بنفاذ صبر: انا بدي اتنكر..انتِ كيف بدك تدخلي بحجابك فهميني
كاترين: عادي بهمش
حازم: كيف عادي ما تضلك تعاندي يعني بتقدري تشلحي الحجاب ولا تعودتي اي حد يشلك إياه
كاترين احتقن وجهها: شو بتقول إنت شو قصدك احترم نفسك
حازم بهدوء: مش قصدي اشي انت بنت ما بتعرفي شو بصير في مثل هالأماكن..يعني اذا دخلت بدك تجاريهم ببعض الحركات
كاترين بشهقه: يعني ممكن تشرب خمره يا حازم
حازم: مش خمره بالضبط قصدي انا شب ممكن فأي وقت بنت ممكن تطلب ترقص معي وغيرها من هالحركات وانـ
كاترين بغضب مقاطعه: وانت ممكن تعمل هيك
@rwayate
حازم ابتسم بداخله ثم قال: اذا اضطريت يمكن اعمل حتى اكمل التمثيلية
كاترين بحده: وانت بتقبل ع نفسك تعمل هيك
حازم: مالك معصبه انت شو دخلك
كاترين حاولت تصنع الهدوء: مش معصبه ولا اشي بس إنت كشخص مؤمن يعني بترضاها لنفسك
حازم ابتسم: لا ما برضاها(اكمل بجديه) انا بحكيلك شو ممكن يصير انت اي حد يمكن يتحركش فيكي فهمت عليّ بكفي اللي صار قبل ما بدي ذكرك
كاترين: مش ضروري اتضلك تذكرني انا ما بضعف بالعاده مثل المرة اللي فاتت.. وانت كمان كيف بدك تروح وتمشي ع عكاز واجرك لسا مش طيبه ما بتخاف حد يعملك اشي
@rwayate
حازم بخبث: خايفه عليّ
كاترين بلامبالاه: ع ايش بدي اخاف لازم تخاف ع امك وابوك وزوجتك واذا عندك اولاد
حازم تنهد: اول اشي ما في اشي اخاف عليه (نظر لها نظره ذات معنى) بس يمكن اصير اخاف ع حد.. والديّ متوفيين ومش متزوج
كاترين: طيب انا بدي اروح معك
حازم بنفاذ صبر: ما فهمتِ لحد الآن كيف بدك تدخلي
كاترين : بسيطه بتنكر بلبس رجالي وقتها اذا اتحركشت مثل ما قلت فيي بنت بكون بنت مثلها وما بتحاسب بس إنت لازم اتدبر حالك (نظرت له وضحكت)
حازم: ليش بتضحكي يا فيلسوفه

كاتريم: قصدي لازم تتنكر بلبس بنات هههه يعني اذا اتحركش فيك شب ما بتوخذ اثم
حازم بحده: نعم! روحي من وجهي الله يهديكِ كيف بدك تتنكري بلبس شب يعين بدك تقلعي الشال
كاترين: انت هامك الشال ..مش مشكله مش الدنيا شتا بلبس طاقيه وبلف ع رقبتي وشاح او لفحة
حازم: مستحيل اقدر اقنعك بس اذا صار اشي هيك ولا هيك ما تلومي إلا نفسك
كاترين بثقه: ما تخاف انا قدها
حازم: بنشوف ثقتك بالليل الساعه عشره ماشي
كاترين: ماشي
_
تعود للمنزل وتجد أخاها جالسا على التلفاز
كاترين: مرحبا
معاذ: اهلا
كاترين: شو بتعمل
معاذ بسخريه: عم بلعب كوره واضح يعني بتفرج ع التلفزيون
كاترين باستخفاف: هيه هيه هيه خِفة عم تستظرف يعني
معاذ: لأ عم أتمسخر
كاترين بضيق: معاذ اتعدل بالحكي معي
معاذ: خلص سكتت
كاترين: متى امتحاناتك
معاذ بلامبالاه: بعد اسبوعين
كاترين: يعني لازم تبلش دراسة
معاذ: قولي ان شاء الله
كاترين نهضت: طيب انا طالعه اليوم مهمه ويمكن ما ارجع للصبح ماشي
معاذ لمعت عيناه: جد
كاترين نظرت له باستغراب: مالك
معاذ ببرود: ولا اشي
كاترين: طيب. رايحه ارتاح ساعتين صحيح
معاذ: ايش
كاترين: بدي طقم من عندك
معاذ: طقم ايش
كاترين بنفاذ صبر: بدي طقم ملابس
معاذ بفضول: لإيش
كاترين: بدك تعطيني ولا لأ
معاذ: خذي اللي بدك اياه (واكمل في سره) المهم تروحي الليله واخلص
______
انتقت احدىالملابس فحجمها قريب من حجم أخيها الذي يختلف قليل فقط الطول فهو اطول منها قامت بإجراء تعديلات مناسبه
جهزت نفسها وجدت أخيها يغط في نوم عميق تركت ورقه له تعلمه بخروجها وذهبت للمقر
كانت تردتدي بلوزة رمادية اللون ويعلوها جاكيت من اللون الأسود وبنطال من اللون الأسود وبوت رياضي وطاقيه تخفي شعرها وواضعة لفحة حول عنقها ونظارات رجالية تضعها على وجهها في محاولة لإخفاء معالمها الأنثوية
قابلته
كاترين بصوت غليظ: ضابط حازم
نظر إليها: نعم
كاترين حاولت كتم ضحكتها: بدي أسألك وين بلاقي الضابطه كاترين
حازم بهمس: اتأخرت كثير وينها لحد الآن
كاترين سمعته: مش موجوده لو سمحت؟
حازم بضيق: بدك اشي منها
كاترين: في لقاء خاص بينا
حازم بغيض: لقاء خاص ع الساعه عشرة بالليل؟
كاترين: عادي تيكيت ايزي.. نحنا بزمن التحضر
حازم بضيق: طيب مين إنتَ حتى اخبرها
كاترين بضحكه خفيفه: ما عرفتني
حازم بضيق: ما حصلي الشرف عن إذنك عندي شغل
كاترين شالت النظارة وبضحك: لحظة لحظه
نظر إليها بحده: هو انت
كاترين : هههههههه شايف شاطرة بالتنكر
حازم: مبسوطه يعني
كاترين بتشفي: هههههه طبعا
حازم يبتسم: مادام اضحكتي مش مشكله
كاترين تغيرت ملامحها للجديه: طيب يلا بينا نبدأ
حازم: شو تحولتِ بهالسرعه
كاترين بحزم: ما دخلك

سالي بمياعه: مالو صاحبك يا كوكو
حازم بخبث: بدو حد يزبطوا بس شكلو مش لاقي
سالي: في وحده صاحبتي اذا بريد
حازم بخبث: لا هو بدو من نوع ثاني
سالي بعدم فهم: شو قصدك
حازم: ولا اشي اشربي اشربي
سالي: بصحتك
نظرت له كاترين هل سيشرب من هذا الشراب المسكر المخدر
وجدها تنظر إليه بتركيز فتعمد إغاظتها وقام برفع لكأس إلى فمه لحدِِ قريب جدا... كانت تنظر له بعيون ثاقبة ... وجدته فجأه يضع الكأس بجانبه بِخِفة ويخرج من كُم ملابسه ابرة شفافه اللون ويقوم بسحب الشراب بداخلها ووضعها بملابسه بحركة خفيفه لا يشعر بها أحد...
جحظت عيونها
كاترين: ليش هيك عملت
حازم اقترب برأسه إليها وقال بخفوت: بدك إياني يعني أشرب .. وهذول عينات دايما بوخذهن حتى أتأكد من نسبه المخدر (وقال بمزاح) هو انا ما خبرتك
@rwayate
كاترين بضيق: إنت بتعتبر نفسك خبرتني اشي
سالي: اجلس منيح يا كوكو مشان اعرف أسند حالي عليك
حازم نظر لكاترين بإغاظه : خذي راحتك يا سولا
كاترين مقاطعه بصوت رجولي: كوكو تاعك بصراحه محشور وبدو يروح ع الحمام انا بقعد بدالوا وبسندك صح يا كوكو
حازم فرغ فمه: هااا
كاترين: مالك يا كمال مش كنت بتحكيلي قبل شوي محشور بس مستحي تحكي يا سولا حتى ما تزعلها ما تخاف انا براعيها مزبوط
سالي: روح يا كوكو هي هاد الأمور أبو عيون عسلية بسندني
حازم: قولي والله
كاترين بإغاظه: يلا يا كوكو (وتبستم بسخريه)
اقترب منها وبهمس: أعتبر هاد أسلوب غيرة
نظرت له وأرادت أن ترد عليه إلا أنه ابتعد بسرعه
انحنت على كتفها ... نظرت لها كاترين وارادت صفعها ولكنها التزمت الصمت حتى لا تفشل خطتها
كاترين في سرها: قال أغير قال ع ايش شايف حالو هههه لأنه حلو شوي
@rwayate
بعد مدة عاد وملتصقه فيه فتاة أخرى... نظرت له كاترين بغضب.. فاقترب منها وقال بخبث: ما بتعرفي إنهم بسموني دنجوان
كاترين نظرت له باستخفاف: ع ايش هالغرور
حازم: اسأاي حالك ليش غيرانه
كاترين أرادت أن تتكلم ولكنها صمتت وجحظت عينيها عند رؤيتها لذلك الشخص الذي دخل لتوه هذا المكان القذر ابتلعت ريقها بصعوبة وجدته يجلس ويطلب الشراب
كاترين بارتباك: سولا سولا
سالي: نعم
كاترين بصوت رجولي: شايفه الشب اللي جلس هونيك
سالي بعدم ادراك: ايوا
كاترين: روحي ارقصي معو بس ما تخلي يشرب ماشي
سالي بعدم فهم: ليش
@rwayate
كاترين: مش مهم ليش .. بس اذا عملتِ هيك ليلتك اليوم مع كوكو بضمنلك إياها
لمعت عينيها: مشان كوكو ماشي
وذهبت بخطوات مترنحه.. اما حازم كان ينظر لها باستغراب وصدمه وعدم فهم
حازم: ما تفهميني وشو بتعملي عم تعرضيني كمان
كاترين وتنظر باتجه سالي: من كل عقلك صدقت اسمع خبر الفرقه يدخلوا ويلقوا القبض على الجميع
حازم: ما تفهميني مين هاد الشب
كاترين بألم: أخوي
حازم بصدمه: اخوكِ؟
كاترين: اه
حازم ابتلع ريقه: وبدك نلقي القبض عليه
كاترين بحزم: أول واحد وانا بدي حقق معو بس وحدوا ما بدي حقق مع غيروا
حازم نظر لها باستغراب
كاترين بحده: شو ناطر يلا تحرك قبل ما يشرب بدي إياه واعي بسرعه
بدأ حازم بإلقاء الأوامر على كل الرجال ليبدؤوا بالتحرك..
@rwayate
لؤي: وضعناه في غرفة التحقيق
كاترين بعد فترة من الصمت: خلي وحدوا شوي
حازم: ليش قومي هيني رايح ابلش تحقيق
كاترين بجديه: خليه شوي يتربى بعذاب ضميروا.. وخليه ينتظر مصيروا هو مرتعب
@rwayate
ذهب كل شخص ليحقق مع مجموعه وبقيت جالسه شاردة
أما أخيها كان جالسا بتوتر وارتباك يفرك يديه بقوة
بعد من الوقت... تدخل إلىأخيها بعد أن أبدلت ملابسها لم ينظر إليها تقدمت نحوه وجلست مقابلا له ويفصل بينهم الطاوله
كاترين بجديه: شو بتعمل هون
رفع نظره إليها ببطئ وابتلع ريقه بصعوبة
كاترين: رايح ع النايت كلب يا معاذ
معاذ بارتباك: فش غيرك يحقق معي
كاتربن بحدة: فش غيري
معاذ يحاول ان يكون قويا: اه رايح عندك مانع مالك دخل فيني وإنت مانك وصي عليّ
كاترين رفعت إحدى حاجبيها لأعلى: إنت مبسوط من اللي بتعملوا
معاذ بثقه: اه
كاترين: من متى بتتردد على مثل هالأمكان
ألاذ بالصمت
ضربت بكفها على الطاوله بقوه فنظر لها بخوف: عم بسألك جاوب
معاذ بارتباك: اللي تقريبا خمس شهور
كاترين: وهاد النادي الليلي بالتحديد من متى بتتردد عليه
معاذ: من شي شهرين او ثلاثه
كاترين: مين دلك عليه
معاذ: شو بدها تفيدك هالأسئله يعني عاملين حالكم شرفا ما جيتوا إلا على هالنادي
كاترين بحدت: عم أسألك بس بتجاوب. مين دلك عليه
معاذ: شوي من صحابي

كاترين: بدرسوا معك بالجامعه
معاذ: لأ
كاترين: ولا شو كيف صحابك
معاذ: اتعرفت عليهم بإحدى النوادي واتصاحبنا
كاترين: معك ارقامهم
معاذ: لأ
كاترين: كيف صحاب وما معك ارقامهم
معاذ: عادي ما في ضرورة لأنه دايما بنشوف بعض في النايت
كاترين: الليله كانوا معك
معاذ: ما شفتهم لأنوا ما اتفقنا نلتقي اليوم
كاترين بسخريه: لأنك ما توقعت اخرج من البيت وانت ما صدقت أخرج
معاذ: إنت ما الك دعوى فيني عامله حالك الشريفه العفيفه علينا وبس
كاترين بحدة: شو قصدك ولا
معاذ: قصدي معروف

حازم: وين كاترين
معتز: في غرفه التحقيق مع اخوها
حازم رفع حاجبه باستنكار: لحد الآن شو بتعمل
معتز هز كتفيه بعدم المعرفه: ما بعرف
حازم: طيب رايح اشوفها
ذهب واراد فتح الباب لكنه توقف عند سماع صوتهم العالي
_
كاترين بحدت: احكي قصدك
معاذ بصوت عالي: عامله علينا الشريفه العفيفه الخضرة النظيفة.. والله اعلم شو مخبيه علينا لأ هو مخبيه تقريبا على الجميع ما عدا اكرم ونادين والسيد لؤي ومعتز صح ولا لأ
كاترين بخفوت: شو قصدك
معاذ: ما فهمتي قصدي ولا عم تتدعي عدم المفهوميه ابصر لمين بايعه شرفك ورافضه الجواز صح كلامي ولا خطأ...... ردي ليش ساكته
صفعته كفا: اخرررررس
ماهو سِرّ كاترين؟

حازم: انا رافض اكمل بهاي اللعبه ..انا مستعد اضلني أحميها بس بعلمها أما نضلنا مخبيين عليها إنه سمير هرب ومهددها ما بصير
@rwayate
كاترين في سرها: يعني شغلك معي كلو لعبه مخططه يا حازم باشا .. وانا اللي غبية لأ انا حمقاء اني ارتحتلك
ذهبت إلى مكتبها

رفعت بحزم: اظن يا حضرة الظابط هاي مهمة وإنت مكلف فيها وممنوع تعارض واي محاوله منك لإفشاء السر بتعرض نفسك للطرد
حازم بقله حيله: ماشي.. عن إذنك
@rwayate
ذهب باتجاه مكتبها
كاترين ببكاء: يا سعد افهمني انا بكره اني أكون عبيطة الكل استغفلني يعني ما بقدر احمي حالي ... خلص انا زهقت وقرفت من هالعيشه
سعد: طيب أسألك سؤال بس ياريت ما تعصبي خذيني ع قد عقلي
كاترين: اسأل
سعد: إنت بتحبيه
كاترين بحدة: لأ طبعا
@rwayate
سعد: طيب طيب اهدي انا آسف
كاترين: طيب بدي أسكر
سعد: شو زعلتِ.. اسمعي رح احاول أوخذ إجازة من الشغل واسافر عندكم
كاترين بفرحه: بجد حاول يا سعد حاول اللي خمس سنين مش شايفتك بلكي أرتاح شوي
_
طرق الباب ودخل دون أن يسمع اذنها
كاترين بجمود: سعد مضظرة أسكر بعدين بحكي معك
سعد: طيب لا إله الا الله
كاترين: محمد رسول الله
@rwayate
التفتت إليه بحده وقامت من مجلسها: اظن من الأدب انو لما تخبط الباب ما تدخل حتى أسمحلك تدخل
حازم : ما علينا (جلس على الكرسي.. نظرت له بحده)
كاترين: خير
حازم بغيره: مين سعد
كاترين بهجوم: مادخلك
حازم بامتعاض: طيب شو اخبار معاذ
كاترين: شو بعنيك
حازم بحدة: عم أطمن
كاترين بسخريه: اطمن يا سي حازم منيح ..(أدرات له ظهرها) في اشي ثاني بدك تسأل عنه
حازم: ليش هيك بتعامليني كنت إلك كم يوم ماشيه منيح
@rwayate
التفتت إليه ووضعت كلتا يديها على المكتب وقالت وعيونها تلمع: ليش بنضحك ع بعض .. إنت مفكرني هبله خلص لعبتك انكشف عرفت انو سمير هرب وشكرا الك على حمايتي خلص انا بعفيك من هالمهمه بحمي حالي من حالي
حازم وقف امامها: هاد الاشي مش انت اللي بتقرري
كاترين بحده: حتى لو سياده اللوا بذات نفسوا أمرك الاشي ما بهمني.. ويلا فرجيني عرض كتافك
حازم نظر إليها بتمعن: ما تضلك تبكي عيونك بذبلوا (قال كلماته وانسحب)
رجفة هزت جسمها وتهاوت على كرسيها في سرها: حافظي على مشاعرك لنفسك يا كاترين لأنه بالأخير رح يرميكي اذا اهلك باعوكِ وما سألوا هو بدو يسأل
__

لؤي بمزاح: قلت امزح معكم وبعرف كل واحد فيكم شو رح يجاوب
كاترين : يعني كده
لؤي بخفوت: اه
معتز لكاترين: ما تتدخلي شو بدي اعمل في
@rwayate
قام معتز وذهب للؤي لضربه إلا انه قام بالهروب والالتفاف في غرفه المكتب
كاترين بضحك: هههههه شكلك مسخره يا لؤي هارب مثل اللي عاملوا عمله
يفتح الباب ويدخل.. ينظرون له ويقف كل من معتز ولؤي..أما هي كانت تنظر له ببرود
حازم بحدة: شو هالهرج اللي عاملينوا
معتز: منتأسف
لؤي: بس كنا بنمزح آسفين
كاترين بضيق: خير يا حضرة الضابط شو بدك ليش داخل مكتبي
حازم تقدم نحوها وقال بحدة: اول اشي هاد مكتب عمل لازم تحترموا حالكم فيه وثـا
كاترين مقاطعه : نحنا محترمين بس اللي مابشوف أعمى ... والضابط المحترم بستأذن قبل ما يدخل... اممم طيب شو ثانيا
حازم نظر لهما: رحوا شوفوا شغلكم
ذهبا فورا
كاترين بضيق: لو سمحت أسلوبك مش عاجبني ما إلك دعوى بفريقي
حازم: يعني هزاركم ومزحكم اشي عادي
كاترين ببرود: ما إلك دعوى
حازم: يعني سمعتك مش خايفة عليها
كاترين وقفت وهتفت بغضب: احترم نفسك واعرف شو بتحكي والتزم حدودك
حازم بهدوء: طيب بعتذر عارف مين إنت بس الناس شو تحكي
@rwayate
كاترين جلست وقالت بضيق: إنت شو عارف بالزبط لؤي ومعتز مثل إخواتي ومتربين سوا والكل عارف هالاشي كل ما بدي أصفى ناحيتك واعتبرك مثلهم ع الفاضي بس
حازم مسرعا: يعني بدك تعتبريني اخوكِ
كاترين مؤيده: اها مثل اخوي اصلا يصحلك اخت مثلي
حازم: لا أبوس إيدك اعتبريني اي اشي غير أخوكِ
كاترين بعدم فهم: شو اعتبرك (وبسخريه قالت) أبوي مثلا ولا عمي
حازم : شو ابوك عمك وكمان مش خالك يا ستي اعتبريني صديق ..هااا صديق منيح صح
كاترين نظرت له بتمعن: إنت لشو بتلف وبتدور
حازم بتمعن: بدك احكي يعني دوغري قصدك
كاترين: بالضبط
حازم ببطئ وترقب لملامحها: انا بدي إياك تعتبريني زوجك .. حبيبك... قدرك ...شريك حياتك
نظرت له بصدمة كانت تحدق به ببلاهة
حازم بترقب: شو رأيك
كاترين بنفس حالتها: إنت واعي شو بتقول
حازم: مية بالمية المهم انت اصحي(وكان يلوح بيده امامها)
كاترين رمشت عيونها بقوة وقالت بحزم: لأ
حازم: لأ شو
كاترين بجديه: لأنك معتبر حالك دنجوان ومفش حد مثلك بدك تخدعني بهالكلمتين فوق يا بابا مش كاترين اللي بتنخدع بمثل هالكلام الفارغ
حازم مسرعا: والله ما فكرت بهالكلام كلو ... إنت عجبتيني بكل اشي .بالرغم إني كنت رافض الفكرة نهائيا بس إنت جيتي ع حياتي وقلبتي
@rwayate
رأيي.. انا بعترفلك كل ما أشوف معتز او لؤي بحكوا معك حالتي بتتغير يعني بصريح العبارة بغيير عليكِ
نظرت له بذهول من كلاماته لم تتوقع بأنه يكن لها مثل هذه المشاعر
كاترين بهدوء وجديه: إنت بتعتبر نفسك شخص مناسب صح
حازم باستغراب من سؤالها نظر لها ولم يعلق
كاترين: إنت يا حازم شخص مناسب و اي وحدة بإمكانك تتقدملها وتوافق ع طول ..بس انا مش مناسبة الك
حازم بترقب : ليش
كاترين: بدون ليش دوِّر واختار.. واذا بدك بساعدك بس انا اختيار فاشل واكثر من هيك ما رح جاوبك
طُرِق الباب سمحت بالدخول
كاترين : اهلين عم عبدو
عبد الخالق(بواب): في شخص عطاني هالظرف وقالي لحضرتك وهيني وصلتلك إياه
كاترين: شكرا إلك عم عبدو
عبدالخالق: العفو يابنتي(ويخرج)
تنظر للمغلف تجد مكتوب للضابطه كاترين.. تقوم بفتحه تحت أنظار حازم
تقوم بالقراءة وتشعر بالصدمة والدوار يصيبها من المفاجئه
ماذا يوجد بالمغلف حتى تتفاجئ؟
ومن الذي قام بإرساله؟
وحازم... ماهو موقف حازم من رفضها لطلبه؟ وهل حقا أحبها بعد ما سمع ما حصل لها؟

(10)
@rwayate
حازم بقلق: كاترين مالك ؟شو في
كاترين تنظر له بخوف
حازم: عطيني الورقة
ممسكة الورقه بقوة تبتلع ريقها: سمير سمير هو السبب
حازم: سبب بشو
يأخذ الورقه من يدها بقوة ويقرأ: " كيف حالك يا ضابطة كاترين.بتمنى مفاجئتي أعجبتك. بهنيك قدرتِ تنقذي أخوك هاي المرة . بس ما تفرحي لأني رح أقتلك إنت وكل مين بشد على إيدك"سمير الجابي
حازم بجديه: اللي فهمتوا إنو هو السبب باللي صار لأخوكي اكيد كان باعث ناس حتى ينتقم منك
كاترين بخوف: بس بس معاذ حكالي بلش يرتاد هاد المكان من ثلاث شهور أظن وهو هرب من شهرين
حازم: أحيانا بحسك بتفقدي القدرة على التفكير يعني لما قدر يهرب من السجن أكيد كان إلو صِلات وتواصل مع أشخاص يعملوا اللي بدو إياه
كاترين بخفوت: معك حق (نهضت فجأه وقالت) معاذ يمكن في خطر
حازم: مش بالمصحه هو
كاترين: اه
حازم: طيب ما تخافي المكان آمن
كاترين تبتلع ريقها: لأ سمير يمكن يعمل اي اشي
حازم: طيب تعالي خلينا نروح نشوفوا... إلا احكيلي متى رح يخرج
كاترين: اظن بكرة
حازم اكتفى بهز رأسه
@rwayate
كاترين تدخل الغرفة بسرعه: معاذ إنت بخير حد غريب دخل عندك
معاذ باستغراب: منيح انا مافي حد دخل عندي
كاترين: الحمدلله الحمدلله
يدخل حازم
كاترين: وين كنت
حازم: اتصلت برئيس النيابه وخبرتوا..وهو رح يبعث فريق يضلوا مأمن عليكم من أي خطر
كاترين: شكرا لحضرتك
حازم يبتسم: ياما انت كريم يارب كاترين ما شخطت فيي
معاذ ضاحكا: هههههههه باضتلك بالقفص ههههه .. بس احكولي شوفي مين اللي في خطر
بدأت كاترين تقص عليه كل شيء فهي لن تخفي عليه سرا بعد الآن هكذا قررت
معاذ بثقه: ما تخافي عليّ انا قد حالي ..وخلص اتعلمت من خطأي.. المهم إنت ..انا اللي لازم احميكي
كاترين نظرت له بضيق: طيب تعرف تسكت خاالص
_
بعد مرور يومين
كاترين في المطبخ: يا معااااذ شوف مين ع الباب في حد بخبط
معاذ: يابنتي اسموا الباب بنطرق أو في حد ع الباب قال بخبط قال
كاترين بضيق: امشي من قدامي
@rwayate
يذهب يفتح الباب يجد من يغلق فمه
معاذ: اممممم
: هووش بس خليني أدخل ما تخاف
كاترين من المطبخ: مين يا معاذ
لا تجد ردا
ولكنه تفاجئ بصوت كسر باب المنزل من اقتحام الأشخاص المراقبين
تضع شالا على رأسها.. عندما تشاهد المنظر تقف مستغربه
كاترين: شوفي وليش داخلين... ومين هاد اللي مكتفينوا ولافين راسوا
احدى الجنود: حضرتك هاد الشخص دق الباب ولما أخو حضرتك فتح الباب سكرلوا ثموا ودخلوا هو ساكت
كاترين: صح يا معاذ
معاذ: اه بس كأني شايف هالخلقة
كاترين: طيب لفوا مشان أشوف
تنظر إليه فتنفجر ضاحكة على منظره وهو يطالعها بنظرات غيظ واستنكار
كاترين وهي تضحك: هههه اتركوا اتركوا هههه مش قادره هاد سعد يا معاذ ابن عمتك
الجندي: متأكدي حضرتك ممكن نوخذوا ونعمل معاه اللازم
كاترين بجديه محاوله كتم ضحكاتها: اه متأكدة بس شوفوا شو عملتوا بالباب
@rwayate
تركوه .. وكانت تضحك عليه
سعد بضيق: اضحكي اضحكي يا بنت
كاترين: هههههه شكلك كان مسخرة
سعد: هيك الواحد بستقبل قرايبوا
كاترين: إنت حظك..
سعد: قال شو بدي أعملك إياها مفاجئه طلعت ع راسي .. ولا إنت يا سي معاذ مش عارفني قال شو كأني شايف هالخلقة
معاذ يذهب إليه ضاحكا ومرحبا: هههه اهلا وسهلا فيك يابن عمتي نورت
سعد بضيق: منورة بأصحابها
كاترين: طيب قوم ما تضلك مقموص
سعد: بأى كده مش رح أعطيكي هديتك
كاترين ذهبت إليه بلهفه وأمسكته: يا أهلا وسهلا بسعد والله إلك وحشة يَـلا
سعد : خذي بعقلي حلاوة
كاترين بغيظ: ده إنت عيل فقر مش تحكيلي كبرتي وحلويتي
سعد أمسكها من خدودها: ده انت بقيتي مُزة يا كاترين
كاترين: لا لا انا ما بسمحلك تعاكسني احترم نفسك يااض
سعد: إنت تطولي
معاذ مقاطعا إياهم: أوووف هو ناقصني ياربي كملت معنا كنا بواحد صاروا ثنين بهاللغه
يجلسون جلسه عائليه يضحكون ويمزحون ويتسامرون
____
حازم: وين كاترين

معتز: اليوم أخذت إجازة
حازم: ليش في اشي
معتز: ما بعرف ما خبرتنا حازم: ماشي
@rwayate
يُطرق الباب
سعد: هو انا جيت زيارة ولا جاي أخدمكم انت وإياها
معاذ: انا بلعب ع الجوال بخسر بعدين
سعد: وإنت
كاترين: انا بفقد بالجوال في برامج جديده ثانك يو على هالهديه صحيح
سعد: دلوقتي فطنتي يختي عداكِ العيب بصراحه
كاترين: روح شوف مين لأنه رح يكسر الباب شكلوا مُصِر يدخل
..
يفتح الباب
سعد: خير مين حضرة جنابك
حازم: انا اللي لازم أسألك مين إنت
سعد بابتسامه: اظن إنت طارق الباب مين بدك
حازم بضيق: وين كاترين
سعد بصوت عالي: كاترين حطي ع راسك وتعالي شوفي مين ع الباب
كاترين: يلا جييت
@rwayate
كاترين باستغراب: خير حازم في اشي حتى جاي ع البيت
سعد نظر إليه: يا مرحبا يا مرحبا الضابط حازم عِندِنا
حازم بضيق: هو انت بتعرفني
سعد بمرح: ده أنا بسمع عنك كثير
حازم بضيق: ان شاء الله يكون خير
سعد نظر لكاترين: خير أوي أوي
حازم: شكرا
سعد: نحنا واقفين بنعمل اييه ادخل اتفضل البيت بيتك
يجلسون
كاترين بضيق: سعد تعال معي شوي
سعد: إنت تؤمري
@rwayate
في المطبخ
كاترين بحده: شو مالك ليش منشكح على الآخر
سعد: مالك انتِ.. مبسوط عادي..حرام الانبساط عندكم
كاترين بحدة: سعد
سعد: خلص خلص بس مش عارف والله قلبي انشرحلوا
كاترين: طيب خفف بياختك شوي
سعد: ده انت بتؤمري.. يلا جيبي عصير فضلي وانا بوخذ بسكوت
كاترين: طيب يلا امشي
ذهبا إليه كان يضع يده على كتفها
نظر لها بحدة
كاترين باقتضاب: تفضل
حازم: شكرا
@rwayate
سعد بابتسامه: تفضل بسكوت اشي فاخر
حازم باقتضاب: شكرا
سعد : العفو
كاترين : خير يا حازم في اشي حتى جاي عنا
حازم: سمعت إنك ماخذي اجازة قلقت قلت في اشي
كاترين: كل القصة إنو إجى ابن عمتي وحبينا نستقبلوا فش داعي لهلقلق
حازم بنظرة ضيق لسعد: تشرفت بمعرفتك
سعد بابتسامه: اللي شرف
يدور حديث بينهم يحاول سعد تلطيف الأجواء لكن الوضع متكهرب
سعد بمزاح يضربها على ظهرها: ما تقومي تحطي السفره جعنا
كاترين بهمس: خدامه ابوك يعني
سعد بهمس: سمعتك يابت قومي تحركي قومي
سعد بابتسامه: شرفتنا يا حضرة الضابط رح توكل اصابعك عاملي كاترين جاج محشي اما شو ريحتوا بتشهي واكيد طعمه تحفه
اكتفى حازم بابتسامه بارده
معاذ : سعد افتح ثمك
سعد فتح فمه هااا
معاذ: وينوا مش لاقيه
سعد باستغراب: شو هو
معاذ: الراديو
سعد: الراديو؟!
معاذ: إنت اكيد بالع راديو ما بتقدر تسكت شوي من مبارح من حد ما جيت وانت مصدع راسي كلو كوم وسهرك مع كاترين تلعبوا وتمزحوا كوم ثاني
@rwayate
سعد بضحك: شو الواحد ماخذ من الدنيا خلي الواحد يفرغ طاقاتوا يابني
حازم في سره: كمان بتمزحي معو يا كاترين هانم
كاترين: اتفضلوا الأكل جاهز
سعد قفز: تسلم إيديك ما كان لازم تتعبي هالإيدين الحلوين (أمسك يدها وقبلها)
نظرت له باستغراب وقالت بحده: سعد اتلم
سعد بخوف مصطنع: آسف يا بيه ...(ثم اكمل وهو ينظر لحازم ويراقب تقلبات وجهه) تفضلوا تفضلوا
حازم بجز على أسنانه: شكرا الك يا كاترين غلبتي حالك
سعد مسرعا: غلبتنا راحة تفضل خذلك حتة هالفخد رح توكل أصابعك واراها
كاترين تنظر لسعد بغضب ولكنه ينظر لها ولا يبالي

(11)
@rwayate
معاذ: تسلم إيديك يا كاترين..رايح أتسطح شوي
كاترين: صحه وعافيه ..ماشي
سعد يتحسس بطنه: تحفة الأكل يا كوكو تسلم إيديك
كاترين : صحه يا سعد
حازم بضيق: شكرا إلك يا كاترين بس طلعتي شاطرة بالطبيخ ابهرتيني
سعد: هو إنت ما تعرفهاش ده كاترين خبرة فاكرة ايام ما كنت ساكنه عنا كنت تعملي أكلة منسف أما إييه اشي هايل
كاترين بضيق: بدكم شاي ولا قهوة
سعد: والله الشغله بدها كاسه شاي
كاترين: كيف بتحب الشاي يا حازم
حازم بإغاظه: بدي قهوة وسط وبكاسة
كاترين بتمتمه: هو انا خدامه عند حضراتكم
@rwayate
سعد نظر لها بابتسامه: بتقولي اشي يا كوكو
كاترين بابتسامه صفراء: لا سلامتك ما بتحبوا كمان نس كافيه أو كابتشينوا ولا هووت شوكليت
سعد يحك رأسه: والله ذكرتيني بالنس كافيه مش غلط شو رأيك يا حازم
حازم وقد أعجبته الفكره ولمعت عيونه بخبث: والله مش غلط لو مع النس كافيه بسكوت من صنعك بكون عال العال
سعد مؤيدا: وانا بقول هيك كمان
كاترين كان تنظر لهم بعيون مشتعله غضب وقالت بعصبيه: شو بتقول إنت وإياه فاتحها سبيل ع روح امكم وابوكم.. سايقينها لأني سكتت لأ يا بابا فوق إنت وإياه بتقوموا من قدامي وبتنقلعوا برة البيت ..
سعد : شو بتقولي
كاترين بغضب: فرجيني عرض كتافكم إنت وإياه يلااا
سعد أمسك بحازم: بقلك قوم خلينا ننفذ بريشنا
أمسكه وأخذه وخرجا
كاترين : يخرب شركم رفعولي ضغطي هو انا سرنلكيه عندهم ...هوووف لازم خليتهم يجلوا الجلي كان احسن
@rwayate
يفقون امام العماره.. وسعد يضحك
سعد: والله لتموتني كاترين زودناها
حازم بضيق: بقلك انا رايح سلام
سعد امسكه من كتفه: وين رايح يا حضرة الضابط بدي اتكلم معك
حازم بضيق: خير
سعد: هين يعني في الشارع خلينا نروح ع كافيه
حازم: طيب في كافيه ع الشارع الثاني تعال
سعد:يلا
@rwayate
حازم باقتضاب: خير شو بدك مني
سعد: اول اشي حاسك من اول ما شفتني مش طايقني صح ولا انا خطأ
حازم: شو بتسفيد اذا عرفت
سعد وقد لمعت عيناه: كثيير
حازم: طيب مش مضايق عادي هيك طبيعتي
سعد: كذاب
حازم بحدت: نعم
سعد: بقولك كذاب .. إنت مضايق لأني بتعامل بأريحيه مع كاترين
حازم ببرود: بتهيألك
سعد: لأ مش بتهيألي متأكد
حازم: لشو بدك توصل
سعد:إنت بتحب كاترين
حازم: ليش بتسأل
@rwayate
سعد بغيظ: هو إنتوا كلكم الضباط مستفزين بالإجابه هيك ما تريحني وتجاوب ع أسألتي ع طول ضروري كل سؤال تطلعلي سؤال ثاني.. (اكمل بجديه)طيب بدي أريحك بصراحه حاسك بتحبها وحسب ما حكتلي عنك كيف بتتصرف معها كل هالاشي بدل على إنك بتكنلها مشاعر والاشي واضح لما كنت اغيظك وانا اتعامل معها قبل شوي وبصراحه كنت قاصد هالاشي حتى اتأكد من مشاعرك
حازم نظر له بقوة
سعد مسرعا: لحظه لحظه ما تفهمني غلط انا ارتحتلك وحابب نكون اصحاب وتكون صهري (شدد على كلمته الأخيره)
نظر له حازم باستغراب
سعد هز رأسه: مالك مستغرب كاترين أختي بالرضاعه ونحنا نفس السِّن
حازم وقد لمعت عينيه: بجد إنت أخوها
سعد ضحك: ههه اه اخوها (واكمل بجديه) انا حافظ كاترين اكثر من معاذ ومن كرم بذات نفسه وعارف كيف بتفكر
حازم: مادام عارف كيف بتفكر هي بتحبني
@rwayate
سعد بضحك: لأ ما حزرت ما بجاوبك حتى تعترف صراحة بتحبها صح صح
حازم لعب بشعره: اه بحبها .. كيف ومتى ما بعرف يمكن شخطها فيني خلاني أحبها
سعد بسعادة: وهي بتحبك
حازم بلهفه: هي قالتلك
سعد: لأ بس انا بعرف بطريقتي
حازم: ما اظن لأني اعترفتلها واتجاهلتني ورفضت وأعطتني محاضرة اني شخص مناسب ومحتاج وحدة مناسبة
سعد: عارف الاسطوانه المشروخه تعاتها
أكمل سعد بحزن: بس هي معها حق تحكي هيك .لأنها بتخاف تخوض مثل هاي التجربه وبوضعها
حازم : قصدك اغتصابها
سعد بصدمة ممزوجة باستغراب : شو عرفك
حازم: سمعتها لما قالت القصة لمعاذ
سعد بترقب: وهي بتعرف إنك بتعرف

حازم: لأ.. بس انا هاد الاشي ما بهمني
سعد: متأكد
حازم: انا مش صغير حتى ما اعرف مشاعري عمري 33 سنه وعشت سنين طويله بشوف اشكال وألوان وعمرها ما وحدة دخلت قلبي مثل كاترين
سعد: يا عم يا عم دن انت واقع ... ربنا يتمم ع خير حتى أزغرط
حازم ضحك: ههههه بجد إنت بالع راديو
سعد: هههه بس المشكله كيف بدك تقنعها انا عارف عقلها حتى اذا قلتلها عارف قصتها رح تقلك إنت عرضت عليّ الزواج شقفة ومن هاي الأمور
حازم يفكر: معك حق شو الحل
سعد: خلينا شوي نفكر إلا ما نلاقي حل
حازم: طيب ماشي ...عطيني رقمك خلينا نضل ع تواص
تبادلوا الأرقام وذهب كل واحد منهم بطريقه على أمل اللقاء مرة أخرى
_
:بتنفذوا كل اشي مادام اتأكدنا
_: نرسلها رساله
بغموض: لأ بدري خليهم يفكروا بعدين ينصدموا
_: تمام يافندم
: مابدي غلط مفهوم
_: ولا يهمك
@rwayate
يدخل بسرعه لمكتبها
حازم بحدة: كاترين وين ملف قضيه السرقه
كاترين باقتضاب: ما تدخل بالراحة هي وكاله من غير بواب
حازم: لو سمحتِ جاوبي مش طايق حالي
كاترين بضيق: طيب مادام مش طايق نفسك حل عم وجهي
حازم: الله يجيبك يا طولة البال.. سيادت اللوا طالبوا حالا مني شفتي اشي يابنت الحلال ردي عليّ
كاترين ببرود: شوف ع الرف اللي وراك يمكن تلاقيه
نظر لها بغضب وذهب يبحث عنه .. بعدة مدة
حازم بحدة: كاترين قومي شوفي وينوا @rwayate
كاترين ببرود: اممم شوف بالخزانه اكيد هناك مدام مش ع الرف
حازم تقدم إليها ونظرات الغضب تطالعها: شغل عناد يعني (اكمل بتهديد) ماشي يا كاترين كل اشي بحسابوا
كاترين بخوف مصطنع: يا مامي خوفتني الصراحه .. بدك اشي اخدم نفسك بنفسك
حازم بصوت مرعب: بنشوف مين بدو يخاف يا كاترين
نظرت له ولم تستطع اخفاء علامات القلق على وجهها
أما هو ذهب إلى الخزانة وعثر على الملف وذهب في طريقه
@rwayate
بعد مرور يومين
معاذ: شو رأيكم نطلع
كاترين بنفاذ صبر: وين بدك تروح
معاذ: ع الملاهي الواحد يغير جو
سعد وقد لمعت عيناه: معك حق لازم نطلع
معاذ: شو قلتي يا كاترين
كاترين: ماشي قوموا نجهز
ذهب كل شخص ليبدل ملابسه
أما سعد قام بإجراء اتصال على حازم ولكنه لا يجيب بل يوجد اشارة فهاتفه مغلق ...
وهم بالسيارة
سعد: إلا يا كاترين شو اخبار حازم
كاترين بضيق: ليش بتسأل
سعد: اللي زمان مش شايفوا
كاترين: ما بعرف اللي يومين مش شايفتوا في الشغل
سعد: يعني ماخذ إجازة
كاترين: لأ وبتصلوا عليه ما برد دايما جوالوا مغلق
سعد بتفكر: وين اختفى
كاترين: ما بعرف .. المشكله ما حد بعرف وين ساكن وما في عندو اهل حتى يسألوا عنو
سعد: وإنتوا ما بتتصرفوا انو ضابط مختفي عندكم
كاترين: بقولوا إنهم متعودين على اختفاؤا بكون بِحل قضية ما تعتل هم
سعد: معقول هيك
كاترين بضيق: خلص سكر ع السيره
يصلون إلى مكانهم .. يلعبون لكن كل شخص شارد في عالمه الا معاذ فهو يلهو ...
كاترين في سرها: من آخر مرة دخل المكتب اختفى معقول عندو مهمه
سعد: وينك يا حازم معقول خلص زهقت منها ربنا يستر

**
(12)
لؤي: اختفت مرة وحدة ما رجعت البيت وآمري الحراس يتركوها
معتز: وين اختفت بكفي الضابط حازم
يصل سعد ومعاذ إلى المقر بخوف
لؤي: ما اتصلت عليكم اشي
سعد: كنت قبل شوي بفتح الإيميل لقيت باعثتلي رساله
معتز بلهفه: شو كاتبه فيها
سعد: كاتبه انو سمير خاطف حازم واتصل عليها انها تروح عندو وحدها
لؤي: كيف ما خبرتنا
سعد: بتحكي كمان معها جهاز تعقب بتقدروا تعرفوا مكانها اذا ما أجت
معتز: ممتاز انها ماخذة الجهاز
لؤي: انا رايح أجهز فريق بسرعه وإنت يا معتز بسرعه حدد مكانها .. وانتوا ارجعوا ع البيت
سعد: مستحيل نحنا معكم ع الدعسه
معتز: ما بصير
معاذ مقاطعا: مستحيل نتركم
لؤي برضوخ: ماشي يلا يا معتز
@rwayate
كاترين ببكاء: حازم إنت كويس
حازم ضحك بسخريه ممزوجه بتعب: إنتِ شو شايفي
كاترين: انا السبب
حازم بحدة: انت وحدة غبية كيف بتيجي برجليك لهين ما بتفهمي دايما معرضه حالك للخطر
كاترين بحدة هي الأخرى: انا جاي أساعدك
حازم: كثير ساعدتيني قصدك زدتِ الحمل عليّ آااه
كاترين بخوف: بتوجعك
حازم بتعب: مش حاسس فيها
كاترين: حاول حرك إيدك بلكي يخرج المسمار
حازم بوهن: مفكرة بهالسهوله هو غارز المسمار بخشبه غارز بإيدي
كاترين تبكي: انا رح أوقع وشو مايصير يصير لحد هون وبكفي
حازم بحدة: اوعي يا كاترين...
كاترين ببكاء: بس همي بعذبوك بسببي لازم اوقع حتى يفرجوا عنك
حازم: وإنت مصدقه إذا وقعتي رح يفرجوا عمي بتكون هبله
كاترين من بين دموعها: ما تحكي هبلة سكتلك كثير
حازم: وبتضلك هبله
كاترين اشاحت بوجهها: اسكت بنعرف تسكت إنت مالك دعوه بدي أوقع وما تدخل بدي أنده عليه
حازم مقاطعا: بموتك يا كاترين مش مشكله انا .. انت شو ما بتفهمي
كاترين: اللوا اكيد بس يعرف لما أوقع اني تحت الضغط مش رح يعاقبوني
حازم: إنت هبلة عن صح
كاترين: ما بسمحلك
حازم: لأ بدك تسمحيلي يعني وقعتي بدو يطلق سراحك بهالسهوله رح يدخل الشحنه ويستفاد منها بعدها رح يقتلك بكل سهوله او يعمل فيكي اشياء ثانيه
كاترين بترقب: شو قصدك بأشياء ثانيه
حازم: اما بعطيكي ابر مخدره وبوديكي بستين داهيه أو (وسكت)
كاترين: كمل ليش سكتت
حازم: يتعرضلك هو او إحدى رجالتوا إذا مش جميعهم بعدها يرموكي ( قال كلماته واشاح بوجهه عنها)
كانت تسمع بذهول أيعقل أن يحدث لها ما حدث لها منذ الصغر أسيتكرر المشهد مرة أخرى
بدأت الأحداث تعصف في ذهنها بدأت صور تأتي وتذهب وتسمع أصواتا تتردد في مخيلتها
نجلاء: صابر هاد سمير مش رح يجيبها لبر لازم نعمل إلو بدوا إياه مشان نوخذ حقنا
صابر: بس البنت شو ذنبها
نجلاء: مش مشكله البنت المهم نحنا وهي رح تكون مغتصبه بنقدر نقتلها وخلص
صابر: معك حق بنخلص منها ومن همها
@rwayate
سمير: بالرغم إنك صغيرة بس حلوة وبتفتحي النفس
كانت تبكي
سمير: اهلك قدمولي إياكي بطبق من ذهب تعالي لعندي
..
سمعها فجأة تصرخ وعيونها تجهش بالبكاء: لأاااااا حرام عليكم حرام
حازم بخوف عليها: كاترين حبيبتي اهدي مالك شو صرلك
كاترين بهذيان: ما تخليهم يقربوا عليّ مشان الله
حازم وقد فهم ما بها فقد تذكرت الماضي: ما تخافي انا معك ومستحيل خلي حد يقربلك المهم ردي عليّ
نظرت له كأنه طوق نجاة
حازم بمزاح قليل: اول اشي ما تبكي عيونك بتوجعني لما تبكي
كاترين ببلاهة: هااا
حازم: مالك يا كوكو دموعك مثل الخنجر
كاترين بعدم وعي: إنت بتستهبل يااض

حازم : لا حول الله يارب مستحيل لازم تضيعي اللحظة يا قاتلة اللذات وهادمه اللحظات
كاترين كأنها افاقت: مالك يا حازم شو بتبرطم
حازم: ببرطم!؟ بحكيلك يا كاترين بحبك وبموت في لسانك الطويل
كاترين: إنت واعي شو بتحكي وبهالوضع
حازم: هاد المكان المناسب إني عبرلك عن مشاعري ما بتقدري تهربي ولا بيجي حد يقاطعنا
كاترين تنظر له مستغربه
حازم: اه شو قلتِ
كاترين بألم: إنت ما بتعرف اشي يا حازم
حازم وقد فهم عليها: انا فاهم كل اشي وبعرف كل اشي
كاترين باستغراب: شو بتعرف
حازم بهدوء: عارف شو صار زمان معك
كاترين تبلع ريقها: عارف إني (سكتت)
حازم أومأ برأسه: اه وما في داعي لهالكلام وبدك تسألي كيف عرفت سمعت بلسانك
كاترين مقاطعه بحدة: يعني شفقان عليّ
حازم مسرعا: لأ والله لأ عمري ما فكرت بهالطريقه
كاترين ساكته
حازم: خبرت سعد وهو بعرف كل اشي كنت مستني اللحظه المناسبه اني اكلمك بس ما كنت ألاقي
كاترين ابتسمت: هاد مكان مناسب برأيك
حازم : ههههه آااه
كاترين بخوف: مالك شو بوجعك
حازم بخبث: خايفة عليّ
كاترين أشاحت بوجهها ولكنها تذكرت وابتلعت ريقها وبدأت دموعها بالانهمار
حازم بقلق: مالك يا كاترين
كاترين بارتباك: سمير سمير هو نفسو اللي (اجهشت بالبكاء)
حازم: هو نفسوا شو
كاترين بوجع: هو اللي اعتدى عليّ
نظر لها بصدمة : كيف ؟ متأكدة؟
كاترين: اه اتذكرتوا كيف كنت ناسيه شكلوا ما بعرف
حازم فكر قليلا: اه نفسوا كمان علامه الاكس اللي ع وجهوا
كاترين: صح اه والله كيف عرفت
حازم: مني قلتلك اسمعتك
كاترين: اه صح
حازم بجديه: كاترين
كاترين: نعم
حازم: ما معك اشي تقدري تفكي حالك في
كاترين: معي بس برجلي
حازم: حاولي تطولي
حاولت لكنها لم تستطع .. فكرت قليلا وجدت أن الكرسي أطرافه حادة فبدأت تحاول قطع الحبل من يديها باحتكاك الحديد بالحبل
حازم: شو. بتعملي
كاترين: اسكت شوي آاااه
حازم بقلق: مالك
كاترين بألم: جرحت إيدي ..(ثم قالت بفرح) بس فكيت إيدي
قامت بفك قدميها وذهبت باتجاهه
قامت بفك الأحبال المحيطه به لكن بقيت يده الملتصقه بالشجرة
كاترين بهوف: شو بدنا نعمل
حازم بألم حاول ان يفك يده إلا أن الألم كان أقوى
حازم: روحي إنت يا كاترين واهربي وإياكي ترجعي سامعه
كاترين بمعارضه: لأ مستحيل أتركك إلا ما نلاقي طريقة
حازم بحدة: كاترين اسمعي الكلام
كاترين بعناد: مش سامعه اسكت شوي خليني أفكر
حازم: غبية بتضلك غبيه روحي اهربي قبل ما حد يشوفك
كاترين بعند: شو ما بدك تحكي احكي بدك تقول غبيه هبله حمقاء اللي بدك إياه احكي مش رح أرد عليك
حازم برجاء: يا كاترين مشان خاطري ردي عليّ ما بدي يصرلك اشب وانا واقف عاجز
يسمعون صوته البغيض: برافو قدرتي تفكي حالك بس للأسف ما قدرتي تفكي وتهربوا
كاترين: إلك يوم يا سمير
سمير: ههههه بعدكم ان شاء الله
حازم: ما إلك دعوى بكاترين بدك انا بوقع ع كل الأوراق وكل اشي بدك إياه بصير
سمير: بدي إياها مثل زمان
نظرت له بخوف
حازم بغضب: إياك تحاول تقرب منها
سمير: هههه ضحكتني فك حالك يا حلو بالأول

كان حازم يحاول إزالة يده ولكن لم يستطع ذلك ...
بدأ سمير بالاقتراب منها.. وهي تقف بجانب حازم
حازم بهمس: اوعي تضعفي يا كاترين خليكِ قوية .. اهربي ما تخليه يمسك
سمير: تعالي يا حلوة
كاترين بثقه تنظر حولها: استسلم يا سمير وقعت بشر أعمالك
نظر حوله وجد جميع رجاله تم القبض عليهم
حازم باستغراب: شو عرفهم مكانا
كاترين بضحك: هو انا ما قلتلك إني كنت باعثلهم رسالة ومعي جهاز تعقب
حازم بغيظ: بتردهالي يعني
كاترين: والله كنت ناسيه اني عامله هاي الأمور لما شفتهم افطنت
حازم: عداكِ العيب بصراحة
سمير رفع مسدسه باتجاههم
كاترين بحزم: نزل المسدس يا سمير كل اشي بتعملوا ع الفاضي
سمير: اذا بدي أخسر مارح اخسر وحدي
كاترين: شو قصدك
سمير: انتوا الاثنين رح تموتوا.. أو خلي كل الرجاله ينزلوا أسلحتهم وأمشي من هين
كاترين: لا برافو عليك بتعرف تفكر .. بس ما حزرت.. بدك تموتنا موتنا أصلا حازم خلص راحت عليه إيدو انعطبت وما بقدر يعمل اشي ف حياتوا
كانوا يطالعنوها باستغراب ما هذا الذي تتفوه به
كاترين: أما أنا آاااااه (صرخت من الألم وجلست على الأرض.. نظروا لها باستغراب ماذا أصابها)
حازم بقلق: كاترين مالك
سمير : قومي بلا تمثيل
كاترين بوجع: مش قادرة بطني بتوجعني آااااه الحقوني مش قادرة .. بموووت آاااااه
حازم بصوت عالي: ليش واقفين القوا القبض عليه وشوفوها
سمير اقترب من كاترين ووضع المسدس على رأسها: اللي بعمل اي حركه بقتلها ع طـ
ما قال كلماته إلا صرخ من الألم بقوة آااااااااااه.. ووقع أرضا
نظر اليه الجميع باستغراب.. تفاجئوا بوقوف كاترين على قدميها ولم يحصل لها شيء قامت بالبزق عليه وقالت باشمئزاز: خلصنا منك يا كلب
حازم بدهشه:شو عملتِ
كاترين بضحك: خدعتوا مشان يقرب عليّ معي سكينة برجلي كنت حاططتها ضربتها ببطنوا
حازم: انت خدعتينا كلنا
كاترين: ههههه اتعلم بس
حازم: ومنكم نستفيد
نظرت له كاترين وليده صرخت بهم أن يطلبوا الإسعاف
ماهي إلا لحظات ووصلت سيارة الإسعاف وقامت بأخذه إلى المشفى
تمشي بقلق
سعد: اهدي يا كاترين ان شاء الله خير
كاترين بخوف: خايف يبترولوا إيدو
سعد: تفي من ثمك ان شاء الله خير
معاذ بمرح قليل: بس شو يا كاترين طلعتِ قدها .. خطيرة إنت
كاترين : هي طلعوا الدكاترة
ذهبت باتجاههم
الدكتور: منيح ما تأخرتوا أكثر من هيك كان اضطرينا نبتر إيدو ... بس رح يلاقي صعوبة باستعمال ايدو وخصوصا بالبدايه وصعب ترجع لطبيعتها لأنه المسمار كان مخترق كل إيدو ... زرعنا إلو جلد واعملنا اللي علينا .. بإمكانكم تدخلوا
..
دخلوا إليه وعلامات الاضطراب على وجوههم
سعد بابتسامه حاول اظهارها: الحمدلله على سلامتك
حازم: الله يسلمك
معاذ: حاسس بوجع
حازم: لأنها مخدرة مش شاعر بالوجع
معاذ: ان شاء الله خير
حازم: مالكم يا جماعه محسسيني انها آخر الدنيا حكمت ربنا إنو يصرلي هيك.. بكفي اني شايفكم أول مرة بحس بهاد الشعور انو في حد مهتم فيني
سعد نظر لكاترين وجدها ساكته
سعد: ما تقوم يا معاذ معاي نجيب قهوة نشربها
معاذ: ما تقوم لحالك هي بدها مشاركه
سعد بضيق: ما تتلم وتقوم معي وإلا آجي أشحطك
معاذ بنفاذ صبر: قوم يلا
...
حازم: كاترين ليش ساكته
كاترين بصوت مائل للبكاء: انا السبب في اللي حصلك عمري مارح سامح نفسي
حازم: كاترين ليش هيك بتحكي ليش تلومي حالك
كاترين: انا السبب لو ما ظهرت في حياتك ما كان صار اللي صار
حازم بحزم: كاترين ما تحكي هاد الكلام الفارغ هاد الأمر اختبار من ربنا ولازم نكون مآمنين بأقدارنا
كاترين: ونعم بالله
حازم بمرح: طيب بما انو نحنا قاعدين وحدنا والشيطان ثالثنا بقول لازم تعطيني موافقتك قبل ما الشيطان يلعب بعقلي وانا مش ضامن نفسي هاا بقولك
كاترين بخجل: إنت شو بتخبص
حازم بمرح: انا لسا ما بلشت تخبيص..اه شو قلتِ
كاترين: احكي مع كرم
حازم: ما إنت كريم يارب شو بقلك قومي من وجهي لأني مش ضامن حالي
___
بعد مرور سنتين
كاترين بصراخ: الله يوخذك يا حاازم الحقني بدي أموووت
حازم: إنت بكل حالاتك لازم تشخطي يا بنت الحلال