@rwayate
# ﺍﻟﺠﺰﺀﺍﻟﺮﺍﺑﻊ
ﻏﺴﺎﻥ : ﺷﺒﻚ ﺷﻮﻓﻲ ﻟﻴﺶ ﻫﻴﻚ ﻋﺎﻣﻠﺔ ﺑﺤﺎﻟﻚ
ﺳﺤﺮ : ( ﺑﻐﻨﺞ ) ﻛﻞ ﺳﻨﺔ ﻭﺍﻧﺖ ﺍﻟﻲ ﻭﻳﺪﻳﻤﻚ ﻓﻮﻕ ﺭﺍﺳﻲ ﺍﻟﻴﻮﻡ ﻋﻴﺪ ﺯﻭﺍﺟﻨﺎ
ﻏﺴﺎﻥ : ﻭﺍﻧﺘﻲ ﺑﺄﻟﻒ ﺧﻴﺮ ﻳﺎﺭﺏ
ﺟﻮﺯﻱ ﺍﻧﺒﺴﻂ ﻛﺘﻴﺮ ﺑﺄﻧﻲ ﻣﻬﺘﻤﻪ ﻓﻴﻪ ﻭﺑﻬﺎﻟﻴﻮﻡ ﻭﺧﺒﺮﻧﻲ ﺍﻧﺰ ﻫﺎﺩ ﺍﺣﻼ ﻳﻮﻡ ﺑﻘﻀﻲ ﻣﻌﻲ ﻭﺍﻋﺘﺬﺭ ﻣﻨﻲ ﻻﻧﻮ ﺿﺮﺑﻨﻲ ﻭﻛﺴﺮ ﺑﺨﺎﻃﺮﻱ
ﺍﻧﺎ ﺍﻧﺒﺴﻄﺖ ﻛﻤﺎﻥ ﻭﻗﻠﺖ ﺍﻧﻮ ﺟﻮﺯﻱ ﺗﻐﻴﺮ ﺭﺟﻊ ﺟﻮﺯﻱ ﻋﺎﻟﺸﻐﻞ ﺷﺎﻓﺘﻮ ﺣﻤﺎﺗﻲ ﻗﺪﺍﻡ ﺍﻟﺒﺎﺏ ﻗﻼ ﺍﻧﻲ ﻛﻨﺖ ﺗﻌﺒﺎﻧﺔ ﻭﺍﺟﺎ ﻟﻴﺸﻮﻓﻨﻲ
ﺍﺟﺖ ﺣﻤﺎﺗﻲ ﻭﺷﺎﻓﺘﻨﻲ ﻛﻴﻒ ﻻﺑﺴﺔ
ﺣﻤﺎﺗﻲ : ﻟﻴﺶ ﻫﻴﻚ ﻋﺎﻣﻠﺔ ﺑﺤﺎﻟﻚ
ﺳﺤﺮ : ﺍﻟﻴﻮﻡ ﻛﺎﻥ ﻋﻴﺪ ﺯﻭﺍﺟﻨﺎ ﻭﺣﺒﻴﺖ ﺩﻟﻞ ﻏﺴﺎﻥ ﺷﻮﻱ
ﻟﻤﺎ ﺣﻤﺎﺗﻲ ﺳﻤﻌﺖ ﺍﻧﻮ ﺻﺮﻟﻨﺎ ﺳﻨﺔ ﻣﺘﺰﻭﺟﻴﻦ ﻗﺮﺭﺕ ﺗﻨﻐﺺ ﻋﻠﻲ ﻓﺮﺣﺘﻲ ﻭﺑﻠﺸﺖ ﺗﻨﻖ ﻭﺗﺴﻤﻊ ﺣﻜﻲ ﻣﺸﺎﻥ ﺍﻻﻭﻻﺩ ﻭﻟﻴﺶ ﻣﺎﺣﺒﻠﺖ
ﺣﻤﺎﺗﻲ : ﺍﻧﺘﻲ ﺻﺎﺭ ﻻﺯﻡ ﻳﺸﻮﻓﻚ ﺩﻛﺘﻮﺭ
ﺳﺤﺮ : ﺑﺲ ﺍﻧﺎ ﻟﺴﺎﺗﻨﻲ ﻋﺮﻭﺱ ﻭﻓﻲ ﻧﺎﺱ ﺑﻴﺘﺰﻭﺟﻮ ﺳﻨﺔ ﻭﺳﻨﺘﻴﻦ ﻭﻣﺎﺑﻴﺤﺒﻠﻮ
ﺣﻤﺎﺗﻲ : ﺳﻜﺘﻲ ﺍﻧﺘﻲ ﺷﻮ ﻓﻬﻤﻚ ﺑﻬﺎﻟﺸﻐﻼﺕ ﻣﺮﻳﻢ ﻭﺳﻌﺎﺩ ﻣﻦ ﺍﻭﻝ ﺷﻬﺮ ﺣﺒﻠﻮ ﻭﺟﺎﺑﻮ ﻟﺠﻮﺍﺯﻥ ﺍﻟﺼﺒﻴﺎﻥ
ﻣﺮﻳﻢ : ﺧﻠﺺ ﺍﻣﻲ ﻻ ﺗﻬﺰﻱ ﺑﺪﻧﻚ ﺑﻜﺮﺍ ﺑﺎﺧﺪﺍ ﻭﻣﻨﺮﻭﺡ ﻋﺎﻟﺪﻛﺘﻮﺭ
ﺍﺟﺎ ﺟﻮﺯﻱ ﺍﻟﻤﺴﺎ ﻭﺑﻠﺸﺖ ﺣﻤﺎﺗﻲ ﺗﻌﺒﻲ ﺑﺮﺍﺳﻮ
ﺣﻤﺎﺗﻲ : ﺍﺑﻨﻲ ﺻﺮﻟﻚ ﺳﻨﺔ ﻣﺘﺰﻭﺝ ﻭﻟﻬﻠﻖ ﻣﺮﺗﻚ ﻣﺎﺣﺒﻠﺖ
ﻏﺴﺎﻥ : ﺍﻟﻠﻪ ﻛﺮﻳﻢ ﺍﻣﻲ ﻣﺎﻟﻲ ﻣﺴﺘﻌﺠﻞ
ﺣﻤﺎﺗﻲ : ( ﺗﺒﻜﻲ ) ﺍﺫﺍ ﺍﻧﺖ ﻣﺎﻟﻚ ﻣﺴﺘﻌﺠﻞ ﺍﻧﺎ ﺑﺪﻱ ﺷﻮﻑ ﻭﻻﺩﻙ ﻗﺒﻞ ﻣﻮﺕ
ﻏﺴﺎﻥ : ﺷﻮ ﻫﺎﻟﺤﻜﻲ ﻳﺎﻣﻮ ﺍﻟﻠﻪ ﻳﻄﻮﻟﻨﺎ ﺑﻌﻤﺮﻙ
ﺣﻤﺎﺗﻲ : ﻣﻌﻨﺎﻫﺎ ﺑﻜﺮﺍ ﺭﺡ ﺍﺑﻌﺖ ﺳﺤﺮ ﻣﻪ ﺍﺧﺘﻚ ﻣﺮﻳﻢ ﻟﻌﻨﺪ ﺍﻟﺪﻛﺘﻮﺭﺓ ﻟﺘﻔﺤﺼﺎ ﻭﺗﻌﺮﻓﻠﻨﺎ ﻟﻠﻴﺶ ﻟﻬﻠﻖ ﻣﺎﺣﺒﻠﺖ
ﻏﺴﺎﻥ : ﺍﻟﻲ ﺑﺘﺸﻮﻓﻲ ﻣﻨﺎﺳﺐ ﺍﻋﻤﻠﻲ ﻳﺎﻣﻮ
ﺍﺟﺖ ﻳﻮﻡ ﺍﻟﺘﺎﻧﻲ ﺑﻨﺖ ﺣﻤﺎﻱ ﻟﻨﺮﻭﺡ ﻋﺎﻟﺪﻛﺘﻮﺭﺓ ﻭﺻﻠﻨﺎ ﻟﻌﻨﺪ ﺍﻟﺪﻛﺘﻮﺭ
ﻣﺮﻳﻢ : ﻛﻴﻔﻚ ﺩﻛﺘﻮﺭﺓ ﺑﺪﻱ ﻳﺎﻛﻲ ﺗﻔﺤﺼﻴﺎ ﺻﺮﻻ ﺳﻨﺔ ﻣﺘﺰﻭﺟﺔ ﻭﻟﻬﻠﻖ ﻣﺎﺣﺒﻠﺖ
ﺍﻟﺪﻛﺘﻮﺭﺓ : ﻫﻠﻖ ﺑﻔﺤﺼﺎ ﺑﺲ ﻋﺎﺩﻱ ﻓﻲ ﻧﺎﺱ ﺑﺘﺘﺰﻭﺝ ﺳﻨﺔ ﻭﺳﻨﺘﻴﻦ ﻭﺗﻼﺗﺔ ﻭﻣﺎﺑﻴﺤﺒﻠﻮ ﻭﻓﻲ ﻧﺎﺱ ﻣﻦ ﺍﻭﻝ ﺷﻬﺮ ﻭﺷﻬﺮﻳﻦ ﺑﻴﺤﺒﻠﻮ
ﻓﺤﺼﺘﻨﻲ ﺍﻟﺪﻛﺘﻮﺭﺓ ﻭﺍﻧﺎ ﻛﻨﺖ ﺧﺎﻳﻔﺔ ﻳﻜﻮﻥ ﻓﻴﻨﻲ ﻣﺸﻜﻠﺔ
ﻣﺮﻳﻢ : ﻃﻤﻨﻴﻨﻲ ﺩﻛﺘﻮﺭﺓ ﺗﻄﻤﻦ ﻋﻠﻴﻜﻲ ﺍﻟﻌﺎﻓﻴﺔ ﺍﻟﻬﻲ
ﺍﻟﺪﻛﺘﻮﺭﺓ : ﺍﻃﻤﻨﻲ ﺍﻟﻤﺪﺍﻡ ﻣﺎﺑﺘﻌﺎﻧﻲ ﻣﻦ ﺍﻳﺔ ﻣﺸﺎﻛﻞ ﺑﺲ ﺍﻟﺸﻐﻠﺔ ﺑﺪﺍ ﺷﻮﻳﺔ ﻭﻗﺖ
ﻣﺮﻳﻢ : ﻳﻌﻄﻴﻜﻲ ﺍﻟﻌﺎﻓﻴﺔ ﺩﻛﺘﻮﺭﺓ
ﺭﺗﺤﺖ ﻛﺘﻴﺮ ﻟﻤﺎ ﺍﻟﺪﻛﺘﻮﺭﺓ ﻗﺎﻟﺖ ﺍﻧﻲ ﻣﺎﺑﻌﺎﻧﻲ ﻣﻦ ﺍﻱ ﻣﺸﻜﻠﺔ
ﺭﺟﻌﻨﺎ ﻋﺎﻟﺒﻴﺖ ﻭﻣﺮﻳﻢ ﺧﺒﺮﺕ ﺣﻤﺎﺗﻲ ﺑﺤﻜﻲ ﺍﻟﺪﻛﺘﻮﺭﺓ ﻃﺒﻌﺎ ﺣﻤﺎﺗﻲ ﻣﺎﻋﺠﺒﺎ ﻫﺎﻟﺸﻲ
ﺍﺟﺎ ﻭﻗﺖ ﻋﺮﺱ ﺍﺧﻲ ﺳﻌﻴﺪ ﻭﻛﻨﺎ ﺍﻧﺎ ﻭﺟﻮﺯﻱ ﻣﺘﻞ ﺍﻟﺴﻤﻨﺔ ﻋﺎﻟﻌﺴﻞ
ﻃﻠﺐ ﻣﻨﻲ ﺟﻮﺯﻱ ﺍﻧﻮ ﻧﺮﻭﺡ ﻧﺸﺘﺮﻱ ﻟﺒﺲ ﺍﻟﻲ ﻛﺮﻣﺎﻝ ﻋﺮﺱ ﺍﺧﻲ ﺭﺣﻨﺎ ﻭﺍﺷﺘﺮﺍﻟﻲ ﻛﻠﺸﻲ ﻣﺎﻧﻘﺺ ﻋﻠﻲ ﺷﻲ ﻭﺑﻌﺪﻳﻦ ﺩﺧﻠﻨﻲ ﻋﻠﻰ ﻣﺤﻞ ﺩﻫﺐ ﺍﺷﺘﺮﺍﻟﻲ ﺑﻼﻙ ﻋﺠﺒﺘﻨﻲ ﻛﺘﻴﺮ ﺍﺧﺪﻧﻲ ﻧﺎﻛﻮﻝ ﺻﻨﺪﻭﻳﺸﺎﺕ ﺷﺎﻭﺭﻣﺎ ﻭﺭﺟﻌﻨﻲ ﻋﺎﻟﺒﻴﺖ ﻟﻤﺎ ﺷﺎﻓﺘﻨﺎ ﺣﻤﺎﺗﻲ ﺍﻧﺰﻋﺠﺖ ﻭﺣﺴﺖ ﺍﺑﻨﺎ ﺭﺡ ﺗﺨﺼﺮﻭ
ﺭﺟﻌﺖ ﻧﻘﺖ ﻣﺸﺎﻥ ﺷﻐﻠﺔ ﺍﻻﻭﻻﺩ ﻭﻧﻐﺼﺘﻠﻲ ﻓﺮﺣﺘﻲ
ﺣﻤﺎﺗﻲ : ﺷﻮ ﺍﺑﻨﻲ ﺭﺡ ﻳﺼﺮﻟﻚ ﺳﻨﺘﻴﻦ ﻣﺘﺰﻭﺝ ﻭﻟﺴﻪ ﻣﺎﻓﻲ ﺣﻤﻞ
ﻏﺴﺎﻥ : ﺍﻟﻠﻪ ﻛﺮﻳﻢ ﺍﻣﻲ ﻛﻠﻮ ﺧﻴﺮ
ﺍﺟﺎ ﻳﻮﻡ ﻋﺮﺱ ﺍﺧﻲ ﺗﺰﻭﺟﻮ ﺳﻌﻴﺪ ﻭﺩﻫﺐ ﻓﻌﻼ ﺩﻫﺐ ﻣﺎﻛﺎﻥ ﻓﻲ ﻣﺘﻼ ﺍﺩﺏ ﻭﺍﺣﺘﺮﺍﻡ ﻣﺮﻕ ﻋﻠﻰ ﻋﺮﺳﻦ 3 ﺷﻬﻮﺭ ﻭﻃﻠﻌﺖ ﺩﻫﺐ ﺣﺎﻣﻞ ﺑﺎﻟﺸﻬﺮ ﺍﻻﻭﻝ ﺍﻫﻠﻲ ﻓﺮﺣﻮ ﻛﺘﻴﺮ ﻭﺍﻧﺎ ﻓﺮﺣﺘﻠﻦ ﻛﻤﺎﻥ ﻟﻤﺎ ﺳﻤﻌﺖ ﺣﻤﺎﺗﻲ ﺍﻧﻮ ﻣﺮﺕ ﺍﺧﻲ ﺣﺎﻣﻞ ﻣﺎﻋﺎﺩ ﻗﺪﺭﺕ ﺗﺨﺒﻲ ﺑﻘﻠﺒﺎ ﺍﻛﺘﺮ
ﺣﻤﺎﺗﻲ : ﻟﻴﻜﻲ ﻧﺤﻦ ﺗﺤﻤﻠﻨﺎﻛﻲ ﻛﺘﻴﺮ ﻭﺭﺡ ﻳﺼﺮﻟﻚ ﺳﻨﺘﻴﻦ ﻋﻨﺎ ﻭﻣﺎﺣﺒﻠﺘﻲ ﺍﻟﻤﻜﺘﻮﺏ ﻣﺒﻴﻦ ﻣﻦ ﻋﻨﻮﺍﻧﻮ
ﺳﺤﺮ : ﺣﺮﺍﻡ ﻋﻠﻴﻜﻲ ﻳﺎ ﻣﺮﺕ ﻋﻤﻲ ﺷﻮ ﺫﻧﺒﻲ ﺍﻧﺎ ﺍﺫﺍ ﺍﻟﻠﻪ ﻟﺴﻪ ﻣﺎﺭﺍﺩ
ﺣﻤﺎﺗﻲ : ﻟﻴﻜﺎ ﻣﺮﺕ ﺍﺧﻮﻛﻲ ﻣﺎﺻﺮﻻ 3 ﺷﻬﻮﺭ ﻣﺘﺰﻭﺟﺔ ﻭﺣﺒﻠﺖ
ﺳﺤﺮ : ﻫﺎﺩ ﻧﺼﻴﺒﻨﺎ ﻻ ﺍﻋﺘﺮﺍﺽ ﻋﻠﻰ ﺣﻜﻤﺘﻮ
ﺑﻴﺠﻲ ﺟﻮﺯﻱ ﻣﻦ ﺍﻟﺸﻐﻞ ﻭﺑﻴﺴﻤﻊ ﺣﺪﻳﺜﻨﺎ
ﻏﺴﺎﻥ : ﺷﻮﻓﻲ ﺍﻣﻲ ﺷﻮ ﺍﻟﻘﺼﺔ
ﺣﻤﺎﺗﻲ : ﻭﺍﻟﻠﻪ ﻳﺎ ﺍﻣﻲ ﺍﻟﻈﺎﻫﺮ ﻣﺮﺗﻚ ﻣﺎﻋﺎﺩﺕ ﺍﺣﺘﺮﻣﺖ ﺣﺎﻻ
ﺳﺤﺮ : ﻣﺮﺕ ﻋﻤﻲ ﻓﻬﻤﻴﻨﻲ ﺍﻧﺎ ﺷﻮ ﻋﻤﻠﺘﻠﻚ ﻭﺍﻟﻠﻪ ﻣﺎﺑﻌﺘﺒﺮﻙ ﻏﻴﺮ ﻣﺘﻞ ﺍﻣﻲ
ﺣﻤﺎﺗﻲ : ﻣﻦ ﺷﻮﻱ ﻛﻨﺘﻲ ﻋﻢ ﺗﺤﻜﻲ ﻏﻴﺮ ﻫﻴﻚ ﻗﺎﻝ ﺍﻟﻜﻨﺔ ﻛﻨﺔ ﻟﻮ ﻛﺎﻧﺖ ﺣﻮﺭﻳﺔ ﻣﻦ ﺍﻟﺠﻨﺔ
ﻏﺴﺎﻥ : ﻭﻟﻴﻪ ﺳﺤﺮ ﺷﻮ ﺣﻜﻴﺘﻲ ﻣﻦ ﺷﻮﻱ
ﺳﺤﺮ : ﻭﺍﻟﻠﻪ ﻣﺎﻗﻠﺖ ﺷﻲ
ﺣﻤﺎﺗﻲ : ﻋﻢ ﺗﻜﺬﺑﻴﻨﻲ ﻛﻤﺎﻥ
ﻏﺴﺎﻥ : ﺳﺤﺮ ﻋﺎﻟﻐﺮﻓﺔ ﺣﺴﺎﺑﻚ ﺑﻌﺪﻳﻦ
ﺳﺤﺒﺖ ﺣﺎﻟﻲ ﻭﺭﺣﺖ ﻋﻠﻰ ﻏﺮﻓﺘﻲ ﻛﻨﺖ ﻋﺮﻓﺎﻧﺔ ﺷﻮ ﻣﺴﺘﻨﻴﻨﻲ ﺍﻛﻴﺪ ﺭﺡ ﺗﻌﺒﻲ ﺑﺮﺍﺳﻮ
ﻓﺎﺕ ﻟﻌﻨﺪﻱ ﻛﺎﻟﻌﺎﺩﺓ ﻭﻫﻮ ﻣﻌﺼﺐ ﻃﻠﺐ ﻣﻨﻲ ﻓﻀﻲ ﺍﻟﻐﺮﻓﺔ ﻭﺍﻧﻘﻞ ﻏﺮﺍﺿﻲ ﻋﺎﻟﻔﺮﻓﺔ ﺍﻟﺼﻐﻴﺮﺓ ﻣﻦ ﺗﻢ ﺳﺎﻛﺖ ﻧﻔﺬﺕ ﺍﻟﻲ ﻃﻠﺒﻮ ﻣﻨﻲ
ﺑﺎﻟﻴﻮﻡ ﺍﻟﺘﺎﻧﻲ ﻃﻠﻌﺖ ﻣﻦ ﻏﺮﻓﺘﻲ ﺷﻔﺖ ﺑﻨﺎﺕ ﺣﻤﺎﻱ ﻭﺣﻤﺎﺗﻲ ﻣﺠﻬﺰﻳﻦ ﺣﺎﻟﻦ
ﺣﻤﺎﺗﻲ : ﻳﻼ ﻳﺎﺑﻨﺎﺕ ﻫﻠﻖ ﻣﻨﺘﺄﺧﺮ ﻋﺎﻟﺠﻤﺎﻋﺔ ﻣﺎﺑﻴﺼﻴﺮ ﻋﻴﺐ
ﺳﻌﺎﺩ : ﻳﻼ ﺍﻣﻲ ﺟﺎﻫﺰﻳﻦ ﺍﻥ ﺷﺎﺀﺍﻟﻠﻪ ﻣﺎﻣﻨﺘﺄﺧﺮ ﻋﻠﻰ ﻧﺴﺎﻳﺒﻨﺎ
ﻭﺗﺮﻛﻮﻧﻲ ﻭﺭﺍﺣﻮ
ﺳﺄﻟﺖ ﺭﺍﻣﺎ ﻭﻳﻦ ﺭﺍﺣﻮ
ﺭﺍﻣﺎ : ﻻ ﺗﺴﺘﻌﺠﻠﻲ ﻣﺮﺕ ﺍﺧﻲ ﺭﺡ ﺗﻌﺮﻓﻲ ﻋﻦ ﻗﺮﻳﺐ
ﻭﺗﺮﻛﺘﻨﻲ ﻭﻓﺎﺗﺖ ﻋﻠﻰ ﻏﺮﻓﺘﺎ ﺗﺮﻛﺘﻨﻲ ﺑﺤﻴﺮﺗﻲ ﻛﻨﺖ ﺧﺎﻳﻔﺔ ﻳﻜﻮﻥ ﺍﻟﻲ ﺑﺒﺎﻟﻲ ﺻﺤﻴﺢ ﺭﺟﻌﻮ ﺣﻤﺎﺗﻲ ﻭﺑﻨﺎﺕ ﺣﻤﺎﻱ ﺑﻌﺪ ﺳﺎﻋﺘﻴﻦ ﻣﺒﺴﻮﻃﻴﻦ ﻭﻋﻢ ﻳﻀﺤﻜﻮ
ﺣﻤﺎﺗﻲ : ﺭﺍﻣﺎ ﻫﺎﺗﻲ ﻫﺎﻟﺘﻠﻴﻔﻮﻥ ﺍﺣﻜﻲ ﻣﻊ ﺍﺧﻮﻛﻦ ﺧﻄﻲ ﺧﻠﻲ ﻳﻔﺮﺡ ﺷﻮﻱ ﻭﻳﺸﺘﻐﻞ ﻣﻨﻴﺢ
ﺳﻤﺎﻫﺮ : ﺍﻱ ﺍﻣﻲ ﺑﺘﻌﻤﻠﻲ ﺯﻳﻨﺔ ﺍﻟﻌﻘﻞ
ﺣﻤﺎﺗﻲ : ﺍﻟﻮ ﻛﻴﻔﻚ ﺍﺑﻨﻲ ﺍﻱ ﺍﻱ ﺭﺟﻌﻨﺎ ﻣﺒﺮﻭﻙ ﺍﻟﻠﻪ ﻳﺘﻤﻤﻠﻚ ﻋﻠﻰ ﺧﻴﺮ ﻣﺎﺷﻲ ﻳﺎ ﻋﻴﻮﻥ ﺍﻣﻚ ﻣﺎﺑﺪﻱ ﻏﻴﺮ ﺳﻼﻣﺘﻚ
ﻣﺮﻳﻢ : ﺷﻮ ﺍﻣﻲ ﺷﻮ ﻗﺎﻟﻚ ﺍﻛﻴﺪ ﺍﻧﺒﺴﻂ
ﺣﻤﺎﺗﻲ : ﻟﻮ ﺗﺸﻮﻓﻮ ﻛﻴﻒ ﻛﺎﻥ ﻓﺮﺣﺎﻥ ﻣﺴﻜﻴﻦ ﺣﺎﺟﺘﻮ ﺗﻌﺘﻴﺮ
ﺳﻌﺎﺩ : ﺍﻱ ﻭﺍﻟﻠﻪ ﻇﻠﻤﻨﺎ ﻛﺘﻴﺮ
ﺳﺤﺮ : ﻋﻠﻰ ﺷﻮ ﻋﻢ ﺗﺒﺎﺭﻛﻮﻟﻮ ﻣﺮﺕ ﻋﻤﻲ
ﺣﻤﺎﺗﻲ : ﻭﺍﻟﻠﻪ ﻳﺎ ﻛﻨﺘﻲ ﻋﻠﻰ ﻋﺮﺳﻮ ﺑﻌﺪ ﺍﺳﺒﻮﻉ ﻟﻴﺠﺒﻠﻨﺎ ﺍﻟﺼﺒﻲ ﺍﻟﻲ ﻣﺎﻗﺪﺭﺗﻲ ﺗﺠﻴﺒﻲ
ﺳﻤﺎﻫﺮ : ﺷﻮﻱ ﺷﻮﻱ ﻋﻠﻴﻬﺎ ﺍﻣﻲ ﻟﺘﻜﻮﻥ ﺣﺎﻣﻞ ﻭﺗﺴﻘﻂ ﻣﻦ ﻭﺭﺍ ﻫﺎﻟﺨﺒﺮ
ﺍﻟﻜﻞ : ﻫﻬﻬﻬﻬﻪ
ﻓﺘﺖ ﺑﻨﻮﺑﺔ ﺑﻜﻲ ﻛﻨﺖ ﻋﻢ ﺍﺑﻜﻲ ﺑﺤﺮﻗﺔ ﻣﺎﺣﺪﺍ ﻓﻴﻦ ﺗﻜﺮﻡ ﻋﻠﻲ ﺑﻤﺤﺮﻣﺔ ﻛﺎﻧﻮ ﻋﻢ ﻳﺘﺎﺑﻌﻮ ﺷﻲ ﻓﻠﻢ ﺗﺮﻛﻲ
ﺍﺟﺎ ﺟﻮﺯﻱ ﺍﻟﻤﺴﺎ ﻭﺍﺧﺪﻟﻲ ﻛﻞ ﺩﻫﺒﺎﺗﻲ ﻟﻌﺮﻭﺳﺘﻮ ﺍﻟﺠﺪﻳﺪﺓ