@rwayate
ﻟﺒﺴﺖ ﺍﻟﻄﺎﻗﻴﺔ ﻭ ﺣﻄﻴﺖ ﺍﻟﺴﻼﺡ ﺑﺨﺼﺮﻱ ﻭ ﻧﺰﻟﺖ ،ﻧﺰﻟﻮ ﻭﺭﺍﻧﺎ ﻗﺎﺳﻢ ﻭ ﺭﺃﻓﺖ ،ﻛﺎﻧﻮ ﻣﺘﻞ ﺍﻻﻋﺼﺎﺭ ﻣﺘﻞ ﺍﻟﺴﻴﻞ ﻳﻠﻲ ﺑﻴﺠﺮﻑ ﻛﻞ ﺷﻲ ﺑﻄﺮﻳﻘﻮ ﻛﺎﻧﻮ ﻣﺘﻞ ﺍﻟﺰﻟﺰﺍﻝ ﻣﺘﻞ ﺍﻟﻮﺣﻮﺵ ﺩﻓﺸﻮ ﺑﺎﺏ ﺍﻟﺒﻴﺖ ﺑﺮﺟﻠﻦ ﻭ ﻓﺎﺗﻮ ﻭ ﻫﻦ ﺣﺎﻣﻠﻴﻦ ﺍﺳﻠﺤﺘﻦ ﺑﺘﺠﻬﺰ ﺗﺎﻡ ،ﺑﻘﻴﺖ ﻭﺍﻗﻒ ﺑﺎﻟﺼﺎﻟﻮﻥ ﻭ ﺗﻮﺯﻋﻮ ﺍﻟﺘﻼﺗﺔ ﺑﻜﻞ ﺍﻟﺒﻴﺖ ﺳﻤﻌﺖ ﺍﺻﻮﺍﺕ ﺻﺮﺍﺥ ﻣﻦ ﺟﻮﺍ ﻭ ﺿﺮﺏ ،ﺑﻌﺪ ﺷﻮﻱ ﺍﺟﻮ ﺍﻟﺘﻼﺗﺔ ﻭ ﺟﺎﻳﺒﻴﻦ ﻛﻞ ﺍﻫﻞ ﺍﻟﺒﻴﺖ، ﺭﺟﺎﻝ ﻛﺒﻴﺮ ﺑﺎﻟﻌﻤﺮ ﺑﺎﻟﺨﻤﺴﻴﻦ ﺳﻨﺔ ﻭ ﻣﺮﺗﻮ ﻭ ﺍﻭﻻﺩﻭ ﺑﻨﺖ ﺻﺒﻴﺔ ﺑﻌﻤﺮ ﺍﻝ 19 ﺳﻨﺔ ﺗﻘﺮﻳﺒﺎ ﻭ ﺷﺎﺏ ﺑﺎﻝ 18 ﺳﻨﺔ ،ﻛﺎﻥ ﺍﻟﺨﻮﻑ ﻭ ﺍﻟﺬﻋﺮ ﻭﺍﺿﺢ ﻋﻠﻰ ﻣﻼﻣﺤﻦ
ﺭﺍﻓﺖ : ﻭﻗﻔﻮ ﺟﻨﺐ ﺑﻌﺾ ﻋﻠﻰ ﺍﻟﺤﻴﻂ ...... ( ﻳﺼﺮﺥ ) ﻳﻼﺍﺍﺍﺍ
ﻭﻗﻔﻮ ﺟﻨﺐ ﺑﻌﺾ ﻭ ﺍﻻﻡ ﻭ ﺍﻟﺒﻨﺖ ﻋﻢ ﻳﺒﻜﻮ ،ﺷﻲ ﺑﺸﻊ ﻛﺘﻴﺮ ﺍﻧﻚ ﺗﻜﻮﻥ ﻧﺎﻳﻢ ﻭ ﻋﻢ ﺗﺤﻠﻢ ﻳﻤﻜﻦ ﺍﺣﻠﻰ ﺣﻠﻢ ﺑﺤﻴﺎﺗﻚ ﻭ ﻓﺠﺎﺓ ﺷﻴﺎﻃﻴﻦ ﺗﻔﻴﻘﻚ ﻋﻠﻰ ﻛﻮﺍﺑﻴﺲ
ﻣﻌﺎﺫ : ﺍﺑﻮ ﺍﻳﻤﻦ .... ﻣﺎ ﺍﻧﺖ ﺍﺑﻮ ﺍﻳﻤﻦ
ﺧﺮﻃﺶ ﻣﺴﺪﺳﻮ ﻣﻌﺎﺫ ﻓﻮﺭﺍ ﻭ ﺣﻄﻮ ﺑﺮﺍﺳﻮ
ﻣﻌﺎﺫ : ﻋﻢ ﺍﺳﺎﻟﻚ ﺟﺎﻭﺏ
ﺍﺑﻮ ﺍﻳﻤﻦ : ﺍﻳﻪ ﺍﻳﻪ ﺍﺍﺍﺍﻧﺎ ﻫﻮ
ﻣﻌﺎﺫ : ﻋﺮﻓﺘﻨﺎ ﻣﻮ ﻫﻴﻚ ؟؟؟؟
ﺍﺑﻮ ﺍﻳﻤﻦ : ﺍﻳﻴﻪ ﺍﻳﻪ ﺷﻴﺎﻃﻴﻦ ﻋﺎﺑﺪﻳﻦ
ﻣﻌﺎﺫ : ﻛﺘﻴﺮ ﻣﻨﻴﺢ ،ﻭ ﺍﻛﻴﺪ ﺑﺘﻌﺮﻓﻮ ﻟﻤﻌﻠﻤﻨﺎ ﻭﻗﺖ ﻳﻌﺼﺐ ﺷﻮ ﺑﻴﻌﻤﻞ ،ﻟﻴﺶ ﻣﺎ ﺑﺪﻙ ﺗﺒﻴﻌﻮ ﺍﻻﺭﺽ ،ﻳﻌﻨﻲ ﻛﻨﺖ ﺣﺎﺑﺐ ﺗﺸﻮﻓﻨﺎ ﺑﻨﺺ ﺑﻴﺘﻚ
ﺍﺑﻮ ﺍﻳﻤﻦ : ﻭ ﻻ ﺑﻤﻴﺔ ﻣﻠﻴﻮﻥ ﺑﺒﻴﻊ ،ﻫﻴﺪﻱ ﺍﻻﺭﺽ ﺍﺑﻲ ﻭﺭﺛﺎ ﻣﻦ ﺟﺪﻱ ﻭ ﺍﻧﺎ ﻭﺭﺛﺘﺎ ﻣﻦ ﺍﺑﻲ ،ﻫﻮﻥ ﺧﻠﻘﻨﺎ ﻭ ﻫﻮﻥ ﻣﻨﻤﻮﺕ ﻭ ﺑﻬﻼﺭﺽ ﻣﻨﻨﺪﻓﻦ ﺑﺎﺫﻥ ﺍﻟﻠﻪ
ﺿﺮﺑﻮ ﺭﺃﻓﺖ ﻛﻒ ﻻﺑﻮ ﺍﻳﻤﻦ ،ﻭ ﻫﺠﻢ ﺍﻳﻤﻦ ﻋﻠﻴﻪ ﻭ ﻫﻮ ﻋﻢ ﻳﺼﺮﺥ
ﺍﻳﻤﻦ : ﻭﻻ ﻣﺎ ﺗﻤﺪ ﺍﻳﺪﻙ ﻋﻠﻰ ﺍﺑﻮﻱ
ﻣﺴﻜﻮ ﻗﺎﺳﻢ ﻣﻦ ﺍﻳﺪﻳﻪ ،ﻭ ﺧﺒﻄﻮ ﺑﺎﻟﺤﻴﻂ ﺧﺒﻄﺔ ﻗﻮﻳﺔ ﻭﻗﻊ ﺍﻟﺸﺎﺏ ﻋﻠﻰ ﺍﻻﺭﺽ ﺭﻛﻀﺖ ﺍﻻﻡ ﺗﻘﻴﻤﻮ ﻣﻦ ﺍﻻﺭﺽ ،ﻛﺎﻧﺖ ﺑﻨﻴﺔ ﺍﻟﺸﺎﺏ ﻻ ﺗﻘﺎﺭﻥ ﺑﺒﻨﻴﺔ ﻗﺎﺳﻢ ﺍﻭ ﻭﺍﺣﺪ ﻣﻨﻨﺎ
ﺭﺃﻓﺖ : ﻗﻠﺘﻠﻲ ﻣﺎ ﺑﺘﻨﺪﻓﻦ ﺍﻻ ﻫﻮﻥ ﺑﺲ ،ﻣﻨﺪﻓﻨﻚ ﻫﻮﻥ ﻣﺎ ﻓﻲ ﻣﺸﻜﻠﺔ
ﺍﺑﻮ ﺍﻳﻤﻦ : ﻳﺎ ﺍﺑﻨﻲ ﺍﻧﺎ ﻣﺎ ﻋﻨﺪﻱ ﻏﻴﺮ ﻫﺎﻟﺒﻴﺖ ﻭ ﺷﻘﻔﺔ ﺍﻻﺭﺽ ﻛﻞ ﺭﺯﻗﻲ ﻣﻨﺎ ﺍﻟﻠﻪ ﻳﺨﻠﻴﻜﻦ ﻣﺎ ﺗﻘﻄﻌﻮﻟﻲ ﺑﺮﺯﻗﻲ
ﻗﺎﺳﻢ : ﺍﻟﻤﻌﻠﻢ ﻣﺎ ﺭﺡ ﻳﺎﻛﻞ ﺣﻘﻚ،ﺭﺡ ﻳﻌﻄﻴﻚ ﺣﻘﺎ
ﺍﺑﻮ ﺍﻳﻤﻦ : ﺍﻟﻤﺒﻠﻎ ﻳﻠﻲ ﺑﺪﻭ ﺑﻌﻄﻴﻨﻲ ﺍﻳﺎﻩ ﻛﺘﻴﺮ ﻗﻠﻴﻞ ﻭﻟﻠﻪ ﻣﺎ ﺍﻋﻄﺎﻫﺎ ﺣﻘﺎ
ﺿﺮﺑﻮ ﺭﺍﻓﺖ ﺑﻮﻛﺲ ﺑﻨﺺ ﺑﻄﻨﻮ ،ﺻﺮﺥ ﺍﺑﻮ ﺍﻳﻤﻦ ﻣﻦ ﻭﺟﻌﻮ ﻭ ﺣﻨﻰ ﺿﻬﺮﻭ
ﺭﺍﻓﺖ : ﻗﺼﺪﻙ ﺗﻘﻮﻝ ﺍﻟﻤﻌﻠﻢ ﻧﺼﺎﺏ ﻭﻻ
ﺍﺑﻮ ﺍﻳﻤﻦ : ﻻﺍﺍﺍﺍ ..... ﻣﺎ ... ﻗﺼﺪﻱ ... ﻫﻴﻚ
ﻣﻌﺎﺫ : ﺑﺪﻙ ﺗﺒﻴﻊ
ﻃﻠﻊ ﻣﻌﺎﺫ ﺍﻻﻭﺭﺍﻕ ﻣﻦ ﺟﻴﺒﺘﻮ ﻭ ﺣﻄﻦ ﻋﻠﻰ ﺍﻟﻄﺎﻭﻟﺔ ﻭ ﺣﻂ ﻓﻮﻗﻦ ﺍﻟﻘﻠﻢ ﻭ ﻗﻌﺪ ﻋﻠﻰ ﺍﻟﻜﻨﺒﺎﻳﺔ
ﻣﻌﺎﺫ : ﺗﻌﺎ ﻭﻗﻊ ﻳﻼ
ﺑﻘﻲ ﺍﺑﻮ ﺍﻳﻤﻦ ﻭﺍﻗﻒ ﺑﻤﺤﻠﻮ ﻣﺎ ﻗﺪﻡ ﺧﻄﻮﺓ ﻟﻘﺪﺍﻡ ﺑﺎﺗﺠﺎﻩ ﻣﻌﺎﺫ ،ﻣﺴﻜﻮ ﻗﺎﺳﻢ ﻣﻦ ﺍﻳﺪﻭ ﻭ ﺩﻓﺸﻮ ﻟﻌﻨﺪ ﻣﻌﺎﺫ
ﻗﺎﺳﻢ : ﻭﻗﻊ ﻭﻻ ......
ﺣﻂ ﺍﻳﺪﻳﻪ ﻋﻠﻰ ﻭﺟﻬﻮ ﻭ ﺍﺧﺘﻨﻖ ﺻﻮﺗﻮ ﺑﺎﻟﺒﻜﻰ
ﺍﺑﻮ ﺍﻳﻤﻦ ( ﻳﺒﻜﻲ ) : ...
ﺿﻞ ﻭﺍﻗﻒ ﺑﻤﺤﻠﻮ ﻳﺒﻜﻲ ﻟﺘﺤﺮﻙ ﻗﺎﺳﻢ ﻭ ﻗﺮﺏ ﻋﻠﻰ ﺑﻨﺘﻮ ﺑﻄﺮﻳﻘﺔ ﺣﻴﻮﺍﻧﻴﺔ ﻭ ﺷﺮﻃﻼ ﻗﻤﻴﺺ ﺍﻟﻨﻮﻡ ﻳﻠﻲ ﻻﺑﺴﺘﻮ ﻏﺼﺐ ﻋﻨﺎ ﻭ ﻫﻲ ﻋﻢ ﺗﺒﻜﻲ ﻭ ﺍﺧﻮﺍ ﻗﺎﻋﺪ ﺑﺎﻻﺭﺽ ﻭ ﻃﺎﻣﺮ ﺭﺍﺳﻮ ﺑﺼﺪﺭ ﺍﻣﻮ
ﺍﺑﻮ ﺍﻳﻤﻦ : ﺧﻠﺺ ﺧﻠﺺ ﺑﻮﻗﻊ
ﻗﺮﺏ ﺍﺑﻮ ﺍﻳﻤﻦ ﻭ ﻗﻌﺪ ﻋﻠﻰ ﺍﻟﻜﻨﺒﺎﻳﺔ ﻗﺒﺎﻝ ﻣﻌﺎﺫ ﻭ ﻣﺴﻚ ﺍﻟﻘﻠﻢ ﻭ ﺍﻳﺪﻳﻪ ﻋﻢ ﻳﺮﺟﻔﻮ
ﺍﺑﻮ ﺍﻳﻤﻦ : ﻭﻳﻦ ﺑﻮﻗﻊ؟
ﻣﻌﺎﺫ : ﻫﻮﻥ ﻭ ﻫﻮﻥ
ﻭﻗﻊ ﺍﺑﻮ ﺍﻳﻤﻦ ﻫﻮ ﺑﺪﻣﻮﻉ ﻋﻴﻮﻧﻮ ﺍﺧﺪ ﺍﻟﻮﺭﻕ ﻣﻌﺎﺫ ﻭ ﺣﻄﻦ ﺑﺠﻴﺒﺔ ﺟﺎﻛﻴﺘﻮ ﻭ ﻗﺎﻡ ﻭﻗﻒ ﻭ ﻃﺎﻝ ﻣﻦ ﺟﻴﺒﺘﻮ ﻣﺒﻠﻎ ﻣﺼﺎﺭﻱ ﻭ ﺯﺗﻮ ﻋﻠﻰ ﺍﻟﻄﺎﻭﻟﺔ ﻭ ﺍﺷﺮﻟﻦ ﺑﻌﻴﻮﻧﻮ ﻟﻘﺎﺳﻢ ﻳﺒﻌﺪ ﻋﻦ ﺍﻟﺒﻨﺖ ﻳﻠﻲ ﻛﺎﻥ ﻣﺤﺎﻭﻃﻬﺎ ﺑﺎﻳﺪﻳﻪ ﻭ ﻋﻢ ﻳﻄﻠﻊ ﻋﻠﻴﺎ ﺑﻨﻈﺮﺍﺕ ﺷﻬﻮﺍﻧﻴﺔ ،ﻭ ﺑﺴﺮﻋﺔ ﺍﻟﺒﺮﻕ ﺍﺧﺘﻔﻴﻨﺎ ﻛﺄﻧﻮ ﻣﺎ ﻛﻨﺎ ﻣﻮﺟﻮﺩﻳﻦ ،ﺭﺟﻌﻨﺎ ﻧﺤﻦ ﺍﻻﺭﺑﻌﺔ ﻋﻠﻰ ﻓﻴﻼ ﻋﺎﺑﺪﻳﻦ ﻟﻨﺴﻠﻤﻮ ﺍﻭﺭﺍﻕ ﺍﻟﺼﻔﻘﺔ ،ﻓﺘﺖ ﺍﻧﺎ ﻭ ﻣﻌﺎﺫ ﻋﻠﻰ ﺍﻟﻔﻴﻼ ،ﻛﺎﻥ ﻗﺎﻋﺪ ﻋﺎﺑﺪﻳﻦ ﻋﻢ ﻳﺸﺮﺏ ﻛﺎﺱ ﻭ ﻣﺮﻭﻕ
ﻋﺎﺑﺪﻳﻦ : ﺷﻮ ﺑﺎﻉ ﻫﺎﻟﻐﺒﻲ؟
ﻣﻌﺎﺫ : ﺑﻴﺴﺘﺮﺟﻲ ﻣﺎ ﻳﺒﻴﻊ ﻳﺎ ﻣﻌﻠﻢ ﻭ ﻧﺤﻦ ﺭﺟﺎﻟﻚ
ﻋﺎﺑﺪﻳﻦ : ﺑﺮﺑﻲ ﺍﻧﻜﻦ ﺑﺘﺒﻴﻀﻮ ﺍﻟﻮﺟﻪ
ﻗﺎﻡ ﻭﻗﻒ ﻭ ﻣﺸﻲ ﺑﺎﺗﺠﺎﻫﻨﺎ ﺑﺨﻄﻮﺍﺕ ﺑﻄﻴﺌﺔ ﻭ ﻣﺘﻤﺎﻳﻠﺔ ،ﺍﺧﺪ ﺍﻻﻭﺭﺍﻕ ﻣﻦ ﺍﻳﺪﻳﻦ ﻣﻌﺎﺫ ﻭ ﻟﻒ ﻟﻔﺔ ﻣﺎﻳﻜﻞ ﺟﺎﻛﺴﻮﻥ
ﻋﺎﺑﺪﻳﻦ : ﺍﻟﻴﻮﻡ ﺑﺪﻧﺎ ﻧﺤﺘﻔﻞ ﻭ ﻧﺮﻗﺺ ﺑﻬﺎﻟﻤﻨﺎﺳﺒﺔ ..... ﻟﻴﻨﺎﺍﺍﺍﺍﺍ ..... ﻟﻴﻨﺎ ...
ﺍﺟﺖ ﺍﻟﺨﺪﺍﻣﺔ ﻣﻦ ﺟﻮﺍ ﺑﺴﺮﻋﺔ
ﻋﺎﺑﺪﻳﻦ : ﺍﻓﺘﺤﻲ ﻗﻨﻴﻨﺔ ﺗﺎﻧﻴﺔ ﻋﻠﻰ ﺷﺮﻑ ﻫﺎﻟﺮﺟﺎﻝ ﻭ ﺷﻐﻠﻴﻠﻲ ﺍﻻﻏﺎﻧﻲ ﺑﺪﻱ ﺍﺭﻗﺺ
ﺍﻃﻠﻌﺖ ﺑﻤﻌﺎﺫ ،ﻛﺎﻥ ﻭﺍﺿﺢ ﻣﻦ ﻣﻼﻣﺤﻮ ﺍﻧﻮ ﻫﺎﺩﻱ ﻭ ﻣﺘﻌﻮﺩ ﻋﻠﻰ ﺣﺮﻛﺎﺕ ﻋﺎﺑﺪﻳﻦ ﺍﻟﻄﺎﻳﺸﺔ ﺍﻣﺎ ﻋﺎﺑﺪﻳﻦ ﻛﺎﻥ ﻣﺰﺍﺟﻮ ﺭﺍﻳﻖ ﻛﺘﻴﺮ
ﻋﺎﺑﺪﻳﻦ : ﻧﺎﺩﻱ ﻟﺒﺎﻗﻲ ﺭﻓﻘﺎﺗﻚ
ﻣﻌﺎﺫ : ﻣﻌﻠﺶ ﻣﻌﻠﻢ ﺧﻠﻴﻨﺎ ﻧﺘﺮﻛﻚ ﺗﺎﺧﺪ ﺭﺍﺣﺘﻚ ﻭ ﺗﺤﺘﻔﻞ ﻟﺤﺎﻟﻚ ﻭ ...
ﻋﺎﺑﺪﻳﻦ : ﻭﻻ ..... ﻋﻢ ﻗﻠﻚ ﻧﺎﺩﻳﻦ ﺑﺪﻧﺎ ﻧﺮﻗﺺ ﻟﻠﺼﺒﺢ
ﺯﻡ ﺷﻔﺎﻳﻔﻮ ﻣﻌﺎﺫ ﻭ ﻃﻠﻊ ﻭ ﻧﺎﺩﻯ ﻟﻘﺎﺳﻢ ﻭ ﺭﺍﻓﺖ ،ﺩﺧﻠﻮ ﻫﻦ ﻭ ﻋﻢ ﻳﺤﻜﻮ ﺑﺼﻮﺕ ﻭﺍﻃﻲ ﻛﺎﻧﻮ ﻣﺘﺬﻣﺮﻳﻦ ﻣﻦ ﺍﻟﻮﺿﻊ،ﺍﺟﺖ ﻟﻴﻨﺎ ﻭ ﺣﺎﻣﻠﺔ ﺑﺎﻳﺪﺍ ﺍﻟﻘﻨﻴﻨﺔ ،ﺍﺧﺪﺍ ﻋﺎﺑﺪﻳﻦ ﻭ ﺧﻀﺎ ﺑﺴﺮﻋﺔ ﻭ ﻫﻮ ﻋﻢ ﻳﻀﺤﻚ ﺑﺸﻜﻞ ﻫﺴﺘﻴﺮﻱ ﻭ ﻓﺘﺤﺎ ،ﻃﺮﺷﺖ ﺑﻮﺟﻮﻫﻨﺎ ﻧﺤﻦ ﺍﺍﻻﺭﺑﻌﺔ ﻭ ﺯﺍﺩ ﺿﺤﻜﻮ ﻋﻠﻰ ﺷﻜﻠﻨﺎ ﺍﻛﺘﺮ
ﻋﺎﺑﺪﻳﻦ : ﺍﺿﺤﻜﻮ ﺍﺿﺤﻜﻮ ... ﻟﻴﻨﺎ ﺟﻴﺒﻲ ﺍﻟﻔﺴﺎﺗﻴﻦ ﻳﻠﻲ ﻗﻠﺘﻠﻚ ﻋﻠﻴﻦ
ﺻﺮﻧﺎ ﻧﻀﺤﻚ ﻏﺼﺐ ﻋﻨﺎ ﻣﺴﺎﻳﺮﺓ ﻓﻴﻪ ﻭ ﻧﻤﺴﺢ ﻭﺟﻮﻫﻨﺎ ،ﺷﻐﻠﺖ ﻟﻴﻨﺎ ﺍﻻﻏﺎﻧﻲ ﻋﻠﻰ ﺍﻟﺼﻮﺕ ﺍﻟﻌﺎﻟﻲ ﻭﺭﺍﺣﺖ ﻭ ﺑﻠﺶ ﻋﺎﺑﺪﻳﻦ ﻳﺸﺮﺏ ﻭ ﻳﺮﻗﺺ ﻭ ﻧﺤﻦ ﻭﺍﻗﻔﻴﻦ ﻋﻢ ﻧﺘﻔﺮﺝ ﻋﻠﻴﻪ،ﻛﺎﻥ ﺍﻟﻮﺿﻊ ﻣﻘﺒﻮﻝ ﻭ ﻋﺎﺩﻱ ﺣﺘﻰ ﺭﺟﻌﺖ ﺍﻟﺨﺪﺍﻣﺔ ﻭ ﻫﻲ ﻣﺎﺳﻜﺔ ﻗﻤﺼﺎﻥ ﻧﻮﻡ ﺑﺎﻳﺪﺍ ﻭ ﺍﻋﻄﺘﻦ ﻟﻤﻌﺎﺫ ،ﺍﻃﻠﻊ ﻓﻴﺎ ﻣﻌﺎﺫ ﻭ ﺯﻭﺭﺍ
ﻣﻌﺎﺫ : ﻳﻠﻌﻦ ....
ﻟﻴﻨﺎ : ﻭﻟﻠﻪ ﻣﺎ ﺩﺧﻠﻨﻲ ﺍﻧﺎ ،ﻫﻮ ﻫﻴﻚ ﺑﺪﻭ
ﺍﻋﻄﻰ ﻣﻌﺎﺫ ﻟﻜﻞ ﻭﺍﺣﺪ ﻓﻴﻨﺎ ﻗﻤﻴﺺ ،ﻭﺻﻞ ﻟﻌﻨﺪﻱ
ﻗﺼﻲ : ﺷﻮ ﻫﺎﺩﺍ ؟
ﻣﻌﺎﺫ : ﺍﻟﺒﺴﻮ
ﻗﺼﻲ : ﻧﻌﻢ !!!
ﻋﺎﺑﺪﻳﻦ : ﺧﺨﺨﺨﺨﺨﺨﺦ ﻣﺎ ﻋﺠﺒﻮﻛﻦ
ﻗﺎﺳﻢ : ﻣﻌﻠﻢ ﺧﻠﻴﻬﺎ ﻟﻐﻴﺮ ﻳﻮﻡ
ﻋﺎﺑﺪﻳﻦ : ﻻ ﺍﻟﻴﻮﻡ ﻳﺎ ﺑﻐﻞ ﺍﻧﺎ ﻣﺒﺴﻮﻁ ﻭ ﺑﺪﻱ ﺍﺿﺤﻚ