📚قصص||روايات||منوعة📚

rwayate

سالي:شو هالتناقض،كيف فيك تكون خير و شر بنفس الوقت؟

عماد:كل البشر هيك ،ما في انسان منيح بالمطلق ،كلنا رمادين بس عندك الرمادي الغامق يلي بكون فيه الشر طاغي اكتر من الخير و الرمادي الفاتح يلي ...

سالي:الخير طاغي فيه على الشر و انت الرمادي الفاتح اكيد!!!

عماد:ما بعرف ...يمكن

سالي:انا ابيض

زم شفايفو كانو ما عجبو كلامي

عماد:ما في حدا ابيض

سالي:طب جرب و شوف انو انا ابيض

عماد:طيب ... لنفرض انو انطلب منك تقتلي حدا كرمال تنقذي حدا من عيلتك شو بتعملي؟

سالي:شو هالسؤال؟

عماد:شفتي كيف ما فيكي تكون ابيض بكل الاحوال ،ما حدا بيقرر شو بدو يكون ،الظروف هي يلي بتشكل الانسان ..

ساالي:يعني انت بدك تقتلني لتنقذ حدا من عيلتك؟

حط كاسة الشاي و بلع اللقمة

عماد:لااا ما رح اقتلك و لو بدي اقتلك كنت قتلتك من اول ما جيتي لهون و خاصة انو ما هضمتك من اول ما شفتك ،انسانة مستهترة و اندفاعية و ساذجة

سالي:انا؟

عماد:ايه

سالي:ليش؟

عماد:لبيتي الدعوة بسرعة و جيتي لحالك طريق طويل و بعيد بدون ما يكون معك حدا و حتى بدون ما يكون معك وسيلة دفاع عن نفسك بحال اتعرضتي لذات الموقف يلي تعرضتيلو . ...

سالي:لا هيدا ما تهور ،هيدي ثقة بالنفس

عماد:الثقة الزايدة عواقبا وخيمة

سالي:فعلا و انا ندمت كتير ليش جيت لهون و حسيت من اول يوم انو ما مرغوب فيني هون

سكتت و اطلعت على لساعة

سالي:تاخر الوقت وين سحر لهلأ؟

عماد:ما رح ترجع

سالي:امممم هلأ سحر اختك الا مرتك؟

عماد:شو بيهمك الموضوع

سالي(بتسرع)بهمني كتير

اطلع فيني كانو حكيت شي ما مزبوط ،عبق وجهي و تابعت حكي

سالي:يعني بهمني اعرف ....حتى اعرف...يعني كيف انا بدي اتعامل معك

ابتسم ابتسامة اقرب لضحكة مكبوتة

عماد:كيف يعني تتعاملي معي !يعني مثلا اذا قلتلك سحر اختي كيف بدك تتصرفي معي مثلا....ايه ....احكي ....شبك ساكتة

قمت بسرعة من محلي و حملت الصحن يلي قدامو و كاسة الشاي و بدي روح فين على المطبخ

عماد:بس انا لسا خلصت

تركتن من ايدي انا و عم اطلع فيه

عماد:قصدي ما خلصت حكي حتى تقومي و تروحي ،بدك تفتحي موضوع و تناقشي كمليه للاخر ايه

رجعت قعدت محلي و حطيت العلكة بتمي و هزيت برجلي ،اطلع فيني نظرة سريعة و تابع اكل

عماد:شكلو كلامي وترك مو هيك

سالي: لا ابدا انت شكلك فهمتني غلط

عماد:طب فهميني صح

بقي عم يطلع فيني و ناطرني لاحكي و اشرح الحكي يلي خبصتو و انا كل اعصابي مشدودة

سالي:انا ما بحب قلل بقيمة رجال قدام مرتو ...هيك كان قصدي

عماد:ايوا فعلا جواب مققنع

سالي:ايه ...طيب...ماشي ..انا بدي قوم نام ...تصبح على خير

مشيت انا و عم اطلع عليه و هو صافن بالحيط قدامو ،تاني يوم الصبح نزلت انا و عم اتلفت حولي ،ما كان في صوت لحدا ،فتحت الباب و جيت لاطلع ضربت فيه ،رجعت لورا انا و حاطة ايدي على قلبي

سالي:رعبتني

عماد:وين رايحة؟

سالي:شم شوية هوا

عماد:ايه فوتي لجوا

فات و سكر الباب و برم ضهرو قفلو و فات و انا بقيت واقفة بمحلي

سالي:يعني لايمت انا بدي ضل محبوسة هون؟

عماد:.....

سااي:عم احكي معك جاوب ،عيب انو حدا يكون عم يحكيك و انت تبقى ساكت هيك ،سكوتك بيقتل .....اوووف ....طب شو صار بسيارتي ما صلحتا

عماد:....

سالي:طيب ماشي ...خليك ساكت و انا هلأ بدي اطلع من هون...و هلأ هلأ

بقي ساكت و لا كانو حدا واقف عم يحكي معو ،اطلعت على الغرفة انا و معصبة على الاخر ،فتحت الشباك و مديت راسي انا و عم قيس المسافة بين الشباك و الارض ،كان نسبة 50 بالمية انو اذا زتيت حالي تنسكر رجلي ،بس ما كان عندي حل تاني،زتيت المخدات تحت الشباك مباشرة و بعدين جبت كرسي و طلعت حالي من الشباك انا و عم اطلع لتحت و عاين المطرح يلي بدي اوقع عليه ،قبل ما نط سمعت صوت باب البيت الخارجي عم ينفتح ،طلع عماد هو و عم يلحق الصوت ،حتى شاف كل جسمي برا معلقة ايدي بمجاري الشباك و ساندة رجلي على الحفة ،ركض لتحت الشباك

عماد:مجنونة ...مجنونة ....اوعى تزتي حالك بتنكسري و بنبلى فيكي

سالي:قلتلك بدي اطلع من هون هلأ ،و قوم بعد من تحت احسن ما انزل عليك و انت يلي تنكسر

عماد:ما رح بعد قبل ما ترجعي تفوتي لجوا

سالي:ما رح فوت ...بعد من هون

عماد:ياللله ...شو هاالبلوة هاي ....طب فوتي و خلينا نتفاهم

ساالي:انا ما بدي اتفاهم مع واحد بحكي معو و بسالو و بضل ساكت كانو قاعدة مع حيط،بدي اعرف اولا ليش انا هون

عماد:طيب فوتي و بخبرك

سالي:لا هلأ بدك تقلي

عماد:قلت فوتي جوا و بخبرك

سالي:انا عنيدة و ما رح فوت

عماد:و انا اعند و قلت فوتي لجوا و بخبرك

شافني ما اتيت باي حركة ، بعد من تحت الشباك

عماد:يلا زتي حالك بس عم قلك اذا انكسرتي ما تفكري انو رح اركض فيكي و اسعفك اصلا هون ما في لا دكتور و لا مشفى ،انا يلي علي عملتو يلا زتي حالك

سكتت شوي

سالي:طيب رح فوت

📚قصص||روايات||منوعة📚

rwayate

ضل واقف عماد تحت عم يتفرج علي و انا حطيت ايدي و جيت لارفع جسمي حتى فوت بس فلتو رجلي و صارو معلقين بالهوا

سالي(تصرخ):رح اوقع رح اوقع

عماد:ضلك ماسكة منيح لبين ما اوصل لعندك

سالي:بسسسرعة

فات عماد لجوا و انا ماسكين ايدي بالشباك وصل لعندي مسكني من ايدي

عماد:امسكي برقبتي منيح

كان قلبي عم يدق كتير ما بس من خوفي من انو اوقع لانو كنت متأكدة انو ما رح اوقع لانو واثقة فيه ،بس كنت كل ما قرب منو لعماد و شم ريحة عطرو و اطلع بعيونو حس قلبي رح يوقف و رح غيب عن الوعي ،رفعني و هو ماسكني من خصري و سحبني لجوا ،وقعنا على الارض و انا فوقو ،جيت لقوم بسرعة بس التقت عيوني بعيونو و نسيت حالي و انا عم اطلع فيه كان بعيونو في جاذبية كتير سود مكحلين و رموش طويلة و نظرات قوية ، لوبقيت اكتر من دقيقة كان رح يغمى علي بس وقعت العلكة من تمي على وجهو ،غمض عيونو باشمئزاز ،مسك العلكة و رجع حطا بتمي

عماد:حنكك ما بيتعب ،ريحيه شوي

سالي:....

عماد:شكلك مطولة هيك

سالي:.....

.قمت بسرعة انا و عم سرح شعري بتوتر و نفض تيابي

قام عن الارض

عماد:ما بقا تعيدي هالتصرف ماشي

قرب على الشباك و سكرو و انا كنت عم احكي مع حالي

سالي:شحلو !يما الحب يما

عماد:اجت سحر

نزل بسرعة لتحت و انا لحقتو فورا متل المخدرة و المسيرة

عماد:شو صار معك؟

سحر:معتصم بسرعة اطلع من هون ،رجال سيراج كانو عم يلحقوني حتى يوصلولك و بصعوبة لضيعتن بالطريق بس بجوز باي لحظة يوصلو

هي و سحر عم تحكي؛سمعنا صوت سيارات عم تشحط ،ركضت سحر على الشباك

سحر:ليكن ...اطلع من الشباك و انزل بين الشجر و لاقيلك شي مخبئ لبين ما يروحو

..... @rwayate

الجزء الرابع:

معتصم:ما رايح محل ،و ما انا يلي بهرب و بتخبى متل الفيران

فاتو 5 رجال على البيت كانو فايتين مداهمة ،بقي معتصم واقف بمحلو

معتصم:اهلين بالشباب الطيبة

رد واحد منن كانو هو رئيسن

_اهلين فيك ،شو صار معك؟

معتصم:ما صار شي بعدين لسا المهلة ما خلصت و باقي يومين

_اي بعرف بس حبينا نعملك زيارة كرمال نذكرك بس مو اكتر

معتصم:ما نسيت و بعدني عم اشتغل على الموضوع و قلو لمعلمك معتصم بحياتو ما خيس معك ،بس يلي صار هالمرة شي فوق ارداتي و ارادتو و بعدني على كلمتي ،يومين و القطعة او المبلغ بكون صار عنكن

_ايه بس المعلم بقلك انو بدو القطعة و ما عاد بدو يبيعا

معتصم:طيب ،منجبلو القطعة

_و بقلك كمان انو ما تفكر تهرب او تتخبى لانو بجيبك من سابع ارض وين ما كنت

معتصم:ليش في بالعادة اهرب و اتخبى

_لكن ليش قاعد هون بهالمنطقة المقطوعة و هالبيت القديم بعلمي معتصم متل الطير الحر ما بهدي بعش

معتصم:ايه و انا هيك بس هيدا جزء من شغلي و انا ادرى فيه و انتو شو بدكن غير انو تاخدو هالقطعة و تفرقوني بريحة طيبة

_ايه صح

انتبه الشاب علي هو و عم يحكي مع معتصم ،اشرلو براسو علي

_مين هاي؟
معتصم:بظن ما دخلك

_طيب بس وضعكن مشبوه

معتصم:ايمن خليك بحالك و ما تغلط معي ماشي و خود رجالك و روح من هون و شي يومين انا بجي لعنكن

_طيب كل حال اذا ما جيت انت ،نحن رح نرجع نجي و نجيب ضيافة المعلم معنا و انت بتعرف المعلم اديش كريم و بيهتم بحسن الضيافة

معتصم:فهمت

طلع الشاب من البيت هو و عم يطلع فيني نظرات غريبة،وقف معتصم على الشباك هو و عم يراقبن حتى راحو ،التفت لعند سحر

معتصم:شو صار معك و الا قلك ما تحكي مبين من وجهك

اشرتلو سحر بعيونا علي

معتصم:انت اطلعي لفوق على غرفتك

سالي:طيب

اطلعت على غرفتي بس ما فتت طبقت الباب بصوت عالي لاوهمن انو انا فتت و رجعت على روس اصابعي و وقفت على راس الدرج لاتسمع علين

سحر:انا برايي تسالا،بجوز بتعرف

معتصم:هاي بدا تعرف !،بتحسيا بلهاء بضلا فاتحة تما هيك او بتكون عم تعلك،مستفزة

سالي(بصوت منخفض):بلهاء !انا بلهاء ،معقول هيك عم يشوفني بس شو يعني بلهاء؟

معتصم: و حتى لو بدي اسالا ،شو بقلا ؟،ولله عم ندور على قطعة حقا ملايين و هي عندك اعطينا اياها ،هيك بكون عم فتحلا عيونا و اذا كانت القطعة هي مخبيتا رح تنكر و تبطل تعطينا اياها ،سعرا ما قليل ابدا

سحر:طب معقول خالد يكون باعا؟

معتصم:لا لانو قبل ما يموت بساعة كنت عم حكيه و قلي لساتا معي و ما لقتلا زبون دفيع

سحر:طب شو الحل لكن؟الوقت عم يمضى بسرعة و حياتك على كف عفريت يا معتصم ،انا خايفة عليك كتير

سكتو الاتنين سوا و ما عاد عرفت شو عم يصير تحت ،بس قررت انزل و شوف ،نزلت بهدوء انا و موطية جسمي؛شفت سحر حاطة ايدا على وجه معتصم و عم تطلع فيه و عم تقرب عليه شوي شوي و بدا تبوسو هاللعينة ،ما قدرت ابقى واقفة عم اتفرج هيك و كبست علين ،اول ما سمعو صوتي ، جفل معتصم و رجع لورا

معتصم:انت شو عم تعملي هون؟

سالي:انا كان بدي بس .....موبايلي ...نسيتو هون

قربت على الطاولة و عملت حالي عم دور عليه

معتصم:شو ما بين معك؟

سالي:لا بس بتذكر اني انا حطيتو هون ....طيب رح دور عليه مرة تانية فوق بغرفتي

📚قصص||روايات||منوعة📚

rwayate

رجعت طلعت لفوق انا و بالعة ضحكتي على شكلا لسحر يلي انزعجت كتير مني انو خربتلا الجو عليا،تسطحت على التخت انا و عم برم خصل شعري بايدي و حاول اربط خيوط هالقضية ،كان بدي اعرف بس شو هي القطعة يلي سعرا غالي و الكل مستنفر و بدو اياها ،و انا عم فكر انفتح الباب فجاة و فاتو معتصم و سحر لعندي ،بقيت هادية و متسطحة ،سحب معتصم كرسي و قعد قبالي و بقيت سحر واقفة جنبو

معتصم:قومي جلسي قعدتك بدنا نحكي كلمتين

جلست قعدتي و انا عم زم شفايفي و اعلك العلكة

سالي:تفضل عم اسمعك

معتصم:اسمعي منيح انا شو بدي قلك و ركزي معي ...انا رح قلك ليش انت هون و شو بدي منك

سالي:و اخيرا رح تبقا للبحصة

معتصم:ايه.... نحن منشتغل بتهريب الماس

سالي:تهريب يعني شي غير قانوني و بتتحاسبو ..

معتصم:ابوكي كان مبلش يشتغل معنا بس ما كمل و نحسنا

سالي:ابي انا

معتصم:..المهم انا اعطيتو لابوكي قبل ما يموت بيوم قطعة الماس صغيرة لون بينك حقا بال 30 مليون دولار

سالي :30 مليون دولار؟؟؟؟؟؟

معتصم:ايه و كان على اساس هو يشتريا بعدين صار بدو لزبون عندو و يعطيني حقا و عمولتي بس ابوكي مات بسكتة قلبية قبل ما شوف فرنك منو ،و توقعت يكون حاطا ببيتو او سيارتو او محل شغلو لهيك جبتك لهون كرمال ابعت رجالي يدورو عليا

سالي:ايوااا ،طب مين هيدا سيراج ؟

معتصم:هو صاحب القطعة و انا اخدتا منو كوسيط لبيعا لابوكي و اخد نسبة الي و اعطيه الباقي و انا ما اخدت حقا حتى اعطيه لهيك مهلني 5 ايام حتى رجعا

سالي:طيب انا شو دخلني بكل هالقصة ،دورتو عليا و ما لقيتوا

معتصم:صح معناها في حدا تاني اخدا ...

سالي:و يلي هو؟

📚قصص||روايات||منوعة📚

rwayate

معتصم:ما في غيرك

سالي:ههههههه انا ،كيف بدي اخدا و انا ما بعرف بوجودا اصلا

معتصم:ما تغشمي حالك ،انا متأكد انو هي معك و انت مخبيتيا ،فتحي عينك منيح هالقطعة بكفة و حياتك بكفة تانية

سالي:و اذا قلتلك ما بعرف انت عن شو عم تحكي و لو معي كنت اعطيتك اياها هلأ ،يعني شايفني مبسوطة بالسجن عندك

تابعت علك علكة و انا عم برم خصل شعري و اطلع بسحر يلي كانت واقفة و عم تهز رجلا ،قاوم وقف معتصم

معتصم:طيب ...ماشي ...بس انت رح تبقي هون و ما رح تطلعي من هالبيت قبل ما تقليلي وين الماسة

سالي:جد ما بعرف وينا

سحر:بس عيونك عم تقول غير هيك

ساالي:ليش حضرتك بتعرفي تقراي لغة العيون ،شو شايفة بعيوني لسا

اطلعت بمعتصم و ابتسمت

سحر:مشي معتصم و خليا هون مزروبة ،مصيرا بالاخير تقر و تعترف

نزلو الاتنين من غرفتي و انا قمت و فتحت الشنتا فورا ،دورت على كيس الاكسسوارات يلي حطتلي اياه ام العبد ؛فتحتو و طالعت الخاتم

سالي:هيدا انت يلي قايمة الدنيا عليك

لبستو و رفعت ايدي

سالي:30 مليون دولار مع انك ما بتعبي العين

رجعت شلحتو بسرعة و خبيتو بجيبة بجامة و رجعت طويتا بسفل الشنتا و رجعت تسطحت انا و عم فكر ،معتصم واضح انو صادق كلامو بس انا اذا اعطيتو الخاتم رح ارجع على البيت ا و ما بقا رح ارجع شوفو بحياتي و هو عجبني كتير و طيرلي عقلي و انا ابتليت و انفتنت فيه ،بعد ساعة من التفكير قررت ابقى على موقفي انو ما بعرف شي عن الماسة و رح العب باعصابو ليومين ،ابتسمت ابتسامة خباثة ،قمت غيرت تيابي و لبست بجامة اللولو كاتي و نزلت لتحت ،كانو سحر و معتصم قاعدين جنب بعض و عم يحكو ليلاقو حل ،اطلع فيني معتصم من تحت لفوق و دار وجهو ،فتت على المطبخ فتحت البراد و حشرت راسي جواتو و طلعت بتفاحة على وشك انو تخرب و قنينة مي و طلعت وقفت على باب المطبخ انا و عم اكلا و معتصم و سحر عم يتهامسو

سالي:على فكرة البراد فاضي ،انتو ما بتجوعو يعني ،عايشين على الطاقة الشمسية و هاي ان وجدت بهالبقعة من الكوكب

فتت بمياعة انا و عم اتمايل و قعدت على الكنباية و مديت رجلي على طاولة قبالي ،اطلع فيني معتصم نظرة غضب و عض على شفايفو

معتصم:طيب روحي انت هلأ و شوفي شو بدك تجيبي للبيت بس ما تكتري لانو شغلة يومين و منخلص من هالقصة

قامت سحر و اخدت مفتاح السيارة و طلعت و بقيت انا و معتصم يلي قعد على الكنباية يلمع سلاحو و يطلع فيني ليرهبني ،بعد ما خلصت اكل التفاحة زتيتا على سلة الزبالة من بعيد بس ما اجت بالسلة وقعت على الارض

سالي:اوووبس ...ما بعرف حدد الهدف و صيب منيح

معتصم :بس انا بعرف كتير حدد الهدف و صيب من اول رصاصة

سالي:ما في شك لانو هاي شغلتك

قربت شعري على وجهي و صرت مشطو بايدي و افتح تمي و نفخ الخصل ليطيرو عن وجهي ،بعدين صرت نفخ بوالين بالعلكة

سالي:هلأ انت بدك تقتلني بهالمسدس؟

معتصم:ايه

سالي:وين بدك تضرب الرصاصة ؟براسي الا بقلبي؟

معتصم:لوقتا ما منختلف عن المكان

سالي: انا بفضل تكون براسي

معتصم:....امم

سالي:ما سالتني ليش....انا رح قلك ليش ...لانو ما عندي قلب

معتصم:ما عندك قلب .... يعني عندك تشوه خلقي كمان بقلبك

سالي:لاااااا ...قصدي كان عندي و بعدين اعطيتو لحدا ...يعني انا ما اعطيتو ...هو اخدو لحالو

هز براسو و عيونو مركزين بسلاحو ما اهتم ولا لكلمة قلتلو اياها ،قهرني كتير ببرودة اعصابو و انا من جوا كنت عم اغلي

سالي:انا عرفت انو سحر ما بتكون اختك و بتكون حبيبتك

معتصم:ايه و كيف عرفتي هالشي؟

سالي:لانو شفتك عم تتوددلا و تلاطفا

رفع راسو و اطلع فيني هو و مكشر

معتصم:شو عم اعمل ؟

سالي:عم شئسمو ..

معتصم:بدي اسالك سؤال

سالي(مبتسمة): تفضل

معتصم: .انت بتعرفي كيف بجيبو اولاد؟

احمر وجهي و تلبكت و بلعت ريقي

سالي:طبعا بعرف اصلا ما في حدا ما بيعرف

معتصم:معناها انت عم تفهمي شو عم تحكي

سالي:اي اكيد انا فهمانة و كتير كمان

معتصم:هههههههههه ولله ما واضح انك بتفهمي شي يا عمو

صار يضحك علي و يهزو اكتافو هو و عم يضحك ،اطلعت عليه من تحت لفوق و عبست

سالي:شو هاي عمو ؟شو شايفني بنت صغيرة قدامك و ما معبية عينك

قمت وقفت انا و عم شد حالي

معتصم:شبك شادة حالك و عم تمطي حالك لفوق من غير شي غرقانة بهالبجامة يلي مطروشة بالقطط

استفزني كتير و طلعت فورا على الغرفة ،فتحت الشنتا و نكشت فيا انا و عم ادعي انو تكون ام العبد حاطتلي شي فستان اظهر فيه انوثتي
،بالاخير طلع بايدي فستان ابيض ديق قصير ساتان و فيه شوية دانتيل على اكتافو ،لبستو بدون ما اتردد ولبست عليه سكربينا عالية و سرحت شعري و حطيت روج ازهري و كحلة سودا و نزلت انا و عم طق بكعب الكندرة قبل ما اوصل لتحت شفتو عم يطلع على مصدر الصوت و اول ماشافني اطلع علي من فوق لتحت بعدين انفجر بالضحك رجع استفزني بضحكتو كتير ؛قربت لعندو و انا حاطة ايدي على خاصرتي

سالي:فيني اعرف ليش عم تضحك؟

📚قصص||روايات||منوعة📚

rwayate

معتصم:ههههههههههه مجنونة شو عم يصير معك ،انا قلت اطلعتي تنطمزي بغرفتك و ارتاح راسي شوي من حكيك،بس رجعتي و مغيرة اللوك كلو ،يعني بدك تفهميني انك كبيرة

ساالي:ايه و انشالله تكون هلأ شفت بعينك

معتصم:هههههههههه شفت شفت ،شفت طفلة صغيرة لابسة تياب اختا الكبيرة مدري اما و عم طقطق بالكعب و رح تتفشكل فيه و ما عارفة تمشي فيه

سالي:فظيع انت ....بتموت ....متجعرف

معتصم:اسما متعجرف

سالي.انا ما عندي لا اخت و لا ام ....و هدول تيابي ولله تيابي

معتصم:طيب خلص صدقتك روحي اشلحين

رجع ركز نظرو بسلاحو و شغل سيجارة ،رجعت خطوتين و رحت قعدت بمحلي ،اطلع فيني نظرة سريعة و رجع ركز بسلاحو ،انا جلست ضهري و حطيت رجل على رجل ،اطلع فيني كيف قعدت ضحك ضحكة مكبوتة و انا صرت هز برجلي و طق بالعلكة

معتصم:انت جسمك جسم صبية بس هون عقلك ،عقل بنت عمرا 13 سنة و الدليل كيف عم تعلكي العلكة بطريقة مستفزة

سالي:امممم ...طيب ...بعلكا متل ما بدي

معتصم:اعلكيا بهدوء بدون ما اطلعي اي صوت و تكهربيلي بدني

سالي:ماشي ....من ايمت بتعرفا لسحر؟

معتصم:بعتقد هاي امور خاصة و يلي بيني و بين سحر ما بيعنيكي بشي ،لهيك ريحي راسك و ركزي كيف بدك تطلعي من هون

سالي:طيب اذا قلتلك انا بعرف وين الماسة يلي عم دورو عليا اديش رح تعطيني نسبة عليا؟

اطلع فيني و عبس

معتصم:ها هلأ تغير الحكي و صرتي عم تفاوضي،معناها بتعرفي وينا و ما عم تحكي

سالي:لا ما عم اعرف بس بجوز اعرف يعني اذا عصرت مخي و حاولت اتذكر مثلا

معتصم:القطعة رح ردا لصاحبا يعني ما رح اخد ولا ليرة عليا

سالي:ايه و انا شو بضمنلي هالحكي يكون صحيح و شو بيضمنلي انك ما تقتلني بعد ما اعطيك اياها و خاصة انو انا حاسستك بتكرهني كتير

معتصم:شو بدك ضمان انو ما رح اذيكي بعد ما اخدا منك و انو وصلك براسي على بيتك و زبطلك سيارتك و اطلع من حياتك و ما عاد تشوفي وجهي

سالي:بس انا ما بدي هيك ...قصدي انا بدي ضمان شي ملموس و مادي ما بدي كلام و وعود بس

معتصم:طيب رح اعطيكي مبلغ رح يعجبك ...

سالي:ما بدي مصاري

معتصم:هلأ عم تقولي بدك نسبة

سالي:و هلأ غيرت رايي

معتصم:شايفة كيف انك طفلة

سالي:اتركني فكر و بخبرك شو بدي الضمان و المقابل

معتصم:طيب بس اسرعي بالتفكير لانو ما معنا وقت كتير

ضب سلاحو ببيتو و حسيتو ارتاح نفسيا و رجع سند ضهرو على الكنباية هو و عم يدخن و انا عم العب بخصل شعري و اسرح بخيالي و اطلع فيه ،كنت بكل مرة بصفن فيه بلاقي فيه شي حلو كتير ما شفتو من قبل ،انتبه علي انا و عم اطلع فيه ،حطيت ايدي على خدي و درت وجهي ،شلحت السكربينة و حطيت تحت الكنباية و رفعت رجلي و غفيت انا و جوعانة و عم فكر بالمقابل ،ما فقت الا على صوتو عم يفيقني

معتصم:قومي كلي ما صرعتي راسنا بدك تاكلي

سالي:اي يلا بس شوي

و تابعت نومة ،ما فقت الا بنص الليل ،كان الصالون عتم كلو و ما في ضو ابدا ،فتت على المطبخ انا و عم لمس قدامي ،شغلت الضو و فتحت البراد لشوف سحر شو جابت معا

سالي:هالمقوصة جايبة بروستد و ما تركولي الا قطعة وحدة ....اووف

اكلتا هي و باردة و معا كام حبة بطاطا و كولا و انا و طالعة من المطبخ كنت عم دور بالصالون على معتصم ،شفتو نايم على الكنباية ،قربت لعندو انا و عم اطلع فيه ،عيونو ..رموشو السماك ...شفايفو الزهر ،مرقت اصابعي بشعرو و بدقنو
بعدين سكرتلو فتحات انفو باصابعي انا و كاتمة ضحكتي،صار يطلع صوت من تمو، ، حطيت راسي على صدرو انا و عم اسمع دقات قلبو و اتنفس انفاسو

سالي:اصابني عشقك ...

معتصم:شو عم تعملي؟

رفعت راسي و هو قام فورا و جلس قعدتو
سالي: عم حس دقات قلبك تك تك تك تك ، ليش ما تركتولي غير قطعة فروج وحدة

معتصم:فيقتك لتاكلي انت بدك تنامي

ساالي:وين يور كيرل فريند سحر؟

معتصم:ما هون ،راحت

جلس قعدتو و هو عم يفرك بعيونو

معتصم:شو صار معك؟فكرتي؟

سالي:ايه قبل ما اخرق بالنومة كنت عم فكر قمت نمت و حلمت فيك

تنهد

معتصم:المهم شو طلع معك؟

سالي:جايتك بالحكي ...حلمت انو انا لابسة بدلة بيضا و الناس عم تزت علي ورد ابيض

معتصم:شكلك رح تموتي

سالي:لاااا بعيد الشر عن قلبي ...المهم انو كنت عم نزف بالبدلة و اذ ...

معتصم:ايه

سالي:بتجي انت و لا بس بدلة سودا و كرافيتا سودا ،كنت مبسوطة كتير بالحلم و وقت جيت فيقتني قطشتو للحلم

معتصم: انا ما عم اسالك شو حلمتي انا عم اسالك شو قررتي ؟

سالي:نفس الشي ،بدك القطعة ترجعلك ،بدي اتزوجك ...قصدي تتزوجني ...ما بعرف كيف بقولوها المهم نتزوج انا و اياك

.....يتبع

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الخامس:
@rwayate
معتصم:نعم !!

سالي:هيدا قراري

معتصم:لحظة راجعلك بس لغسل وجهي

راح غسل وجهو و رجع و هو عم ينشفو ،شغل الضو و اجا قعد قبالي و شغل سيجارة

معتصم: شو بدك اعمل؟

سالي:بدك تتجوزني

معتصم:حسبي الله و نعم الوكيل بسما هالبلوة ،يعني سراج بيرتاح و انا ببتلي

سالي:هلأ انا بلوة

معتصم:لك يا بنت انا ما مصدق ايمت اخلص من القصة و ندرا علي لاعتق الكار كلو من بعد هالقصة

سالي:على كيفك ،هاي انا قلتلك ،جيب شيخ و خليه يكتب كتابنا و بعدين بعطيك الماسة

طفى السيجارة بالمكتة و مسكني من ايدي و شدني لعندو

معتصم:انت عم تلعبي فيني و عم تلعبي باعصابي ،انت بتعرفي انو حياتي بخطر من ورا هالقطعة ...شبك احكي

سالي:يا ويل قلبي و انا حياتي بخطر و هيك بضمن انك ما تقتلني (مبتسمة)

معتصم:انت شو بدك مني او بالاحرى شو بدك فيني انت بتعرفيني منيح ولا بتعرفي كيف انا عايش و كيف بفكر ،انا ما بناسبك ابدا و حرام اصلا تسميا على حالك جازة و انت بعدك صغيرة

سالي: انا ما صغيرة

معتصم:طيب ما صغيرة بس قدامك مستقبل طويل و فرص لتلتقي بالشخص المناسب و انا انسان سيء كتير

سالي:بعرف هالحكي و اعتبرو زواج مصلحة او زواج ممشروط

سند ضهرو على الكنباية و هو عم ينفخ

سالي:يلا انا طالعة كمل نومتي فوق و هلأ انت يلي لازم تقرر ،اوك الطابة بملعبك ،تصبح على خير

اطلعت على الدرج انا و عم اطلع فيه،كان واضح عليه انو اقتراحي عليه جبلو هم جديد و رح يخلص من شي و يفوت بشي تاني بس حسيت حالي انو من بعد ما شفتو ما عاد.بقدر اتركو ،تاني يوم الصبح و يلي كان اخر يوم بالمدة الممهولة الو ،ما نزلت من غرفتي ابدا حتى هو اجا ،دق الباب و فات

معتصم:معك هويتك

قمت نطيت على التخت

سالي(مبتسمة):اي طبعا ما بتحرك بلاها

معتصم:طيب

بعد شوي سمعت اصواتو عم يتخانق مع سحر ،طلعت لعندي سحر هي و معصبة ،اول ما شافتني مسكتني من شعري

سحر:وليه فجلة ام نص دكة انت بتعرفي وين القطعة احكي عن محلا و بلا هالالاعيب

سالي:اخ اخ شعري

معتصم:ميرفت اتركيا خلص ،نحن ما صدقنا ايمت نوصل لهل النقطة ،ما في وقت

ميرفت:مستحيل ...مستحيل خليك تتزوجا و خلي كلاما يمشي علينا

اطلع فيا و هو عم يسحب ايدا من شعري

معتصم: خلص فترة و بتعدي و انا قبلت

اطلعت فيني بغيظ

ميرفت:،انا بفرجيكي ،طالع منك يا قزمة

الساعة 4 العصر اجا شيخ ليكتب كتابنا انا و معتصم ،كانت سحر واقفة معصبة و متوترة و عم تهز برجلا ،اعطاني الشيخ ورقة من كتب الكتاب و اطلعت على غرفتي انا و مبسوطة ،لحقني بعد شوي معتصم دق الباب دقتين و فات شافني عم ضب شنتايتي و لم اغراضي من الغرفة

معتصم:و هاي مشينا متل ما بدك ،خبريني وين القطعة ؟

سالي: يلا هلأ منروح انا و اياك سوا و بعطيك اياها

معتصم:سيراج عاطيني مهلة للساعة 12 لجبلو اياها و الا...

سالي:معتصم قلتلك رح اعطيك اياها ولله انا ما بنت صغيرة انت وفيت بكلامك و انا رح اوفي بوعدي ،نزل الشنتاية بطريقك خلينا نمشي بسرعة

معتصم:طيب

نزل معتصم الشنتا و انا لحقتو و طلعنا نحن التلاتة سوا ،معتصم عم يسوق و انا قاعدة جنبو و سحرا قاعدة ورا و قالبة وجهها ،نزلت سحر على الطريق و انا و معتصم تابعنا على البيت ،فتت على البيت كانت فوضى و خربانة الدنيا فيه ،حملت الشنتا و فتت على غرفتي و بقي معتصم ناطرني برا،اخدت الخاتم من الشنتا و طلعت لعندو ،فتحتلو ايدو و حطيتو بكف ايدو

سالي:هاي هي

رفعا بالعاالي هو و عم يدقق فيا

معتصم:بس انا ما اعطيتا لابوكي خاتم

سالي:ايه شكلو اخدا عند صايغ و حطلو اياها بخاتم

معتصم:وين كنت مخبيتيه؟

سالي:اكيد ما رح قلك بس انا ما كنت بعرف انو عم دورو عليه الا لما قلتلي ...طيب هلأ روح اعطيه لسيراج و ناطرتك بكرا الصبح على الفطور ايه

معتصم:......

طلع من عندي بدون ما يرد علي بكلمة و انا اتصلت بام العبد لتجي و نرتب البيت ،تاني يوم نطرتو جهزت حالي و نطرتو لمعتصم ،كنت متوقعة انو ما يجي ،على الساعة 11 اجا شاب اسمو رائد من طرفو

رائد:انا بعتني معتصم لحت اخدك لعندو

سالي:وينو هو و ليش ما اجا ؟

رائد:عندو شغل و ما بقدر يجي لهيك انا بدي اخدك

سالي:طيب بس لالبس جاكيت

كنت لابسة فستان اسود سبور حطيت علي جاكيت جلد

ام العبد:كيف بتأمني و بتروحي لعندو نسيتي انو كذب عليكي و حبسك عندو

سالي:ايه بس هلأ الحكي اختلف ،انا صرت مرتو

ام العبد :بلكي عملك شي ،ولله يا بنتي الثقة الزايدة ما منيحة ...انت خليكي هيك اعملي يلي براسك و ما تردي علي

تركتا لام العبد تحكي و بقيت ماشية ،طلعت مع رائد ،بقينا ساعة على الطريق ،طلعنا لطريق برا البلد

سالي:لوين رايحين؟

رائد:بلا رح نوصل ،رايحين على المستودعات القديمة

📚قصص||روايات||منوعة📚

rwayate

بعد نص ساعة وقف السيارة ،فتحت جزداني و قمت علكة و حطيتا بتمي و نزلت انا و شوي متوترة ،كانت منطقة فاضية كلها مستو دعات كبيرة و مسكرة ،مشي رائد و انا مشيت وراه لفتنا على مستودع كبير شفت من بعيد رجال مسلحة ،هبط قلبي و يلي زاد الطينة بلة انو شفت معتصم قاعد على كرسي و مربط ،ركضت لعندو لا اراديا

سالي:شو في؟ ليش مربطينو هيك ،ما اعطاكن القطعة يلي بدكن اياها

كان في رجال بعمر الخمسين سنة قاعد على كرسي قبالو لمعتصم و حاطط رجل على رجل ،توقعت انو هيدا سسيراج

سيراج:هاي هي االبنت

هزلو معتصم براسو

معتصم:اي هاي هي،هاي بنتو لخالد اغا يلي اعطيتوو القطعة

سيراج:ربطوا جنبو

قربو علي شابين من رجالو متل الوحوش ،ربطوني على كرسي جنب معتصم

سالي(تصرخ):اتركوني ....بعد عني انت و اياه ...معتصم شو في

سراج:اهدي شوي اهدي لفهمك و افهم منك .. هيدا الخاتم يلي بيحمل ماسة البينك ستار تقليد ما اصلي ،خبرينا وين القطعة الاصلية

سالي:ولله ما بعرف انا الخاتم لقيتو بسيارة ابي بعد ما مات و ما فكرت انو الو قيمة هالقد ،يعني كانت قيمتو بالنسبة الي انو كان من ابي ،اخدتو و حطيتو بصندوق اكسسوارات ،هيدا يلي بعرفو

سراج:طيب انت وقت اعطيتو لخالد اعطيتو اياه قطعة خام الا خاتم؟

معتصم:خام و هو شكلو اخدو عند صايغ و حاطط الماسة على خاتم ،يعني الصايغ هو يلي ضحكان على خالد و مبدل بين الاصلي و التقليد،بنتو ما الها علاقة بشي

التفت علي سيراج

سيراج:مين الصايغ يلي عمل ابوكي عندو الخاتم؟

سالي:ما بعرف

توقعت القصة تخلص بسهولة بس الموضوع تعقد كتير و صارت رجلي بالقصة ،سكت سيراج كانو عم يفكر بشي

سيراج:ما بتعرفي ابوكي مع مين كان يتعامل من الصياغ؟

سالي:لا ابدا

سيراج:طيب وقت لقيتي الخاتم بسيارة ابوكي ،كيف شفتيه بعلبة او محطوط بكيس

سالي:كان كيس صغير و فيه علبة

سيراج:وين العلبة؟

سالي:العلبة ...انا عندي علب كتير لخواتم و اساور .....

سيراج:وين هدول العلب؟

سالي:بغرفتي

سيراج:رائد خود شابين معك و روحو على غرفتا و بتجيبولي كل شي في علب بينحط فين مجوهرات

رائد:حاضر معلم

بقي سيراج قاعد قبالنا و ناطر رائد ،اطلعت على معتصم كان واضح عليه انو تعبان و ما نايم ،بعد ساعة رجع رائد و حط على الطاولة 5 علب صغار

رائد:هدول معلم لازم يكون الخاتم اجا بوحدة منن

فتح سبراج العلب و هو عم يقرأ فاتورة كل علبة ،بقي علبة بلا فاتورة او مواصفات للقطعة

سيراج:هاي هي العلبة يلي اجت فيا الخاتم

سالي:ما ما بتذكر

سيراج:ما بتتذكري ؟طيب رائد بتاخد هالعلبة و بتنزل على سوق الصاغة و بتجبلي من تحت الارض صاحبا و بتجيبو من رقبتو لهون

رائد:بس معلم في صياغ كتير عندن نفس العلب

سيراج:انا ما بفهم هيك ،اي حدا مشتبه فيه بتجيبو

رائد:حاضر معلم

طلع رائد و طلع وراه سيراج هو و عم ينبه على رجالو

سيراج:خلي عيونكن عشرة على عشرة علين

بقيت انا و معتصم مربطين على كراسي

سالي:فكرتك ما رح تجي على الفطور بس الغايب عذرو معو

معتصم:.....

سالي:شبك ليش ما عم ترد ،طب انا شو طالع بايدي اعمل ،ولله كنت حابة ساعدك بس طلع الموضوع صعب و ليكك ورطتني معك

معتصم:ولله ! قولي غباء ابوكي هو يلي ورطك ،عم قول لمين طالعة ساذجة هيك ما طلع لحدا غريب

سالي:.......

معتصم:ها ...سكتي ...ما عجبك الحكي

سالي:صح انا غبية و هبلة ،لانو وثقت مرة تانية و جيت لهون برجلي لعندك

معتصم:لو ما جيتي برجليكي ،كانو رح يجيبوكي غصب عنك ،ما تتحجج فيني و انا ما كنت مصدق انو اخلص منك رجعت انحشرت معك و اوعى تصدقي مثلا انك مرتي و انا زوجك بس تخلص القصة من هون منخلص من هون

سالي: انت واحد بلا احساس و يا ريت لو بقيت ساكت و ما حكيت ؛لانو بكل كلمة عم تجرحني (تبكي)

معتصم:......طيب خلص ...انا اسف و بعتذر بس انا تعبت من هالقصة

سالي:و انا بعتذر منك ....انا الحق علي ..تصرفي غبي كتير ...تصرفت بدون ما فكر و احسب ابدا يمكن لانو حسيت انو ممكن تكون الشخص يلي بدو يعوضني عن فراق ابي و حسيت في قبول او ممكن يصير قبول منك اتجاهي بس طلعت غلطانة ،انت بتنظرلي اني بنت صغيرة و ما بعرف اتصرف و بهلاء قصدي بلهاء .....

معتصم:انا ....

سالي:سمعتك عم تقلا لسحر مدري ميرفت انو انا بلهاء ،هلأ بس نطلع من هون ما بقا بدي ارجع شوف وجهك ابدا ابدا يا ...يا ..يا متكبر و مغرور يا بارد و انت و سحر قصدي ميرفت كتير مناسبين لبعض الله يهنيكن

معتصم:ما في شي من طرفي اتجاها

سالي:اصلا ما في قلبك شي اتجاه حدا ،يا ريت لوبقيت مكتئبة و حزنانة على ابي و ما شفتك بحياتي

معتصم:ياالله.....

بقينا انا و معتصم عم ناخد و نعطي بعض حتى اجا رائد و جايب معو 3 رجال ،فوتون لجوا ،كنا نسمع اصواتن لبرا هن و عم ياكلو قتل ،اجا بعد شوي سيراج و فات لعندن يحقق معن و يعرف الماسة وين راحت ،بعد ساعتين طلع رائد و ماسك اتنين من الرجال يلي حققو معن

رائد: غطولن عيونن و رجعون على باب محلن

بقي واحد جوا

📚قصص||روايات||منوعة📚

rwayate

سالي:شكلو يلي جوا هو المطلوب

معتصم:انشالله

طلع سيراج و وراه رائد ،مسك سيراج الكرسي و سحبو و رجع قعد قبالنا

سيراج:اسمع يا معتصم الموضوع عم يتعقد اكتر ،الصايغ يلي جوا اعترف انو مبدل القطعة الاصلية و بايعا لحدا تاني بضعف سعرا

معتصم:اي منيح ،روحو جيبو من هالحدا التاني

سيراج:انت بتعرف مين هالحدا التاني

معتصم:مين بكون؟

سيراج:لؤي مصري

سالي:لؤي مصري!!

معتصم:لؤي مصري !!!و ما تقلي انو عم تفكر تجيبا من عندو

سبراج:ايه و انت يلي رح تجيبا ،انت يلي ورطتنا بكل هالقصة و انت الوحيد المسؤول انو هالقطعة ترجعلي

معتصم:سيراج قتلني هلأ بارضي ازبط من انك تطلب هالطلب مني لانو بالحالتين انا ميت ،بس عالاقلية بموت برحمة شوي

سيراج:وهاي رح تساعدك؟

انتبهت عليه انو اشر علي

سالي:مين هاي؟اناااا قصدك انا ...بعدين شو عرفك انو بعدا عندو ،بجوز يكون التاني باعا لحدا تاني ،انا برايي تاخد حقا من هالصايغ المحتال يلي جوا و تخلص القصة

سيراج:لا ما حذرتي يا شطورة ،لؤي مصري معروف بحبو لاقتناء الشغلات النادرة حتى يحس حالو متميز و يتباهى و ينغر بحالو اكتر ما هو مغرور ،لهيك انا متاكد انوهي عندو و بنص بيتو و بالمرة منكسرلو شوكتو

معتصم:و بدك اياني فوت لنص بيتو !انت بتعرف كام رجال واقفين على االباب الخارجي بس غير يلي جوا و غير يلي على سطح بنايتو ،اكتر من عدد شعر راسي و راسك

سبراج:ما انت يلي رح تفوت يا ذكي،هاي يلي بدا تفوت

سالي:انا ....حرام عليكن ما دخلوني بهيك قصص ،ما خرجي هيك شي ابدا،شوفو ميرفت شخصيتا اقوى مني امرأة المهمات الصعبة

اطلع سيراج برائد

سيراج:تعا فكن لنتفاهم

معتصم:برايي نطلع سالي من القصة لانو فعلا ما خرجا هيك شي ،بتتلبك فورا و بتفوت بالحيط ،يعني انا بأكدلك انو بتورط الواحد بدل ما تساعدو

سيراج:لا بالعكس هي البنت المناسبة لهيك مهمة ،انثى رقيقة و قوام حلو ،هي الانسب

نكشتو برجلي لمعتصم و اشرتلو لينتبه شو قال سيراج عني

سالي:شكرا الك

اطلع فيني و زم شفايفو كانو ما عجبو

معتصم:طيب كيف بدا تفوت لجوا ؟

سيراج:منعملا طعم ل لؤي ،لؤي كل ليلة خميس بيسهر ببار و بيختار بنت و بيطلع يقضي ...

سالي:لحظة ...انا بدك كون هيك ...مستحيل ،مستحيل رخص حالي بهالطريقة كرمال قطعة الماس ...

سيراج:انت مجبورة تعملي هيك ،ادفعي تمن غباء ابوكي

ساالي:مستحيل اقبل ،عم قلك من هلأ طلعوني من كل هالقصة بخربلكن كل شي

قمت وقفت ؛رجع مسكني سيراج و شدني لارجع اقعد

سيراج:انت مفكرة الامور هيك بهالبساطة ،انو تحملي حالك و تطلعي من هون و لا كانو صار شي ،هاي الماسة بدا ترجع و لو تمنا راسك و راسو فهمانة

.....يتبع

📚قصص||روايات||منوعة📚

rwayate