اجهاض مبكر٣
#قصة #أجهاض_مبكر للكاتبة #مايا_الحجازي
القسم الثالث
دخل لعندي لجين وهي اول مرة بقرف منو هيك مسكلي ايدي وباسها
الدكتورة لازم تهتم بغذاءها هاليومين مع راحه تامه لا تشيل اي شي ثقيل او يتعبها
لجين:حاضر دكتورة
الدكتورة:ازا صار اي نزيف لازم دغري تسعفوها على اقرب مستشفى
لجين:ليش دكتورة
الدكتورة:مرتك حجمها صغير رحمها لساه طفولي والجنين كان عايش وبصعوبة لقدرت اجهضها اضطريت قصلها من بطانه الرحم الوجع راح يكون صعب عليكي بس هيك رغبتكن انتي وياه الله يعوض عليكي
لجين:....
الدكتورة:ساعدها لحتى تلبس اواعيها دير بالك عليها
نفرت بسرعه منو وما قبلت حط ايدي بايدو تجلست بصعوبه لحتى جابتلي اواعيي السكرتيرة فكرني تعبانه هو مشيت شوي شوي لوصلت على مكتبها كانت عم تكتبلي على راشيته
الدكتور:لبعد ساعتين لا تشربي مي اضطرت خدرك تخدير كامل وممنوع تجيبي سيرتي اني عملتلك اجهاض هي انتي وجوزك مسؤولين على هالشي رغم اني شاكه انو مافي صله بينكن
لجين:والمطلوب هلا
الدكتورة:المبلغ الي اتفقنا عليه
لجين:حاضر
اخد مني المصاري الي جبتهن مع المصاري الي كانو معو دفعهن اعطتني الراشيته وطلعت من عندا وانا عم اسند حالي من حيط لحيط لوصلت لعند السكرتيرة استرحت شوي وشفتو طالع من عند الدكتورة وشكلهن تخانقو بس ما كان الي نفس اسالو ولا حتى احكي معو اجى لعندي ومدلي ايدو ليساعدني ومشينا ودغري كان عم يتصل ب حدا
نجمه:بمين عم تتصل
لجين:صاحب الي ساكن هون
نجمه:فضيحه وعليها شهود
لجين:شهود شو وفضيحه شو
نجمه:ليك لجين واصله معي للسما حل عني
كان عم يحكي على جنب وما بعرف شو صرلي جنيت هسترت من الوجع
ضل واقف حدي وعم يطلع بالشارع لحتى صفطت تكسي حدنا ونزل منها يمكن صاحبو اعطاه مفتاح السيارة ساعدني لطلعت
نجمه:لوين
لجين:بس ترتاحي شوي قبل نرجع ع الضيعه
نجمه:رجعني فورا
لجين:بترتاحي وبرجعك
نجمه:بوشك ع الضيعه بسرعه
لجين:يا ويلي عليكي راس متل الصوان
كان الوجع عم يخليني انفعل غصب عني وابكي هاد اليوم اكتر يوم بستحقر فيه حالي بستحقرو هو كلام الدكتورة منظري وانا عم اجهض ولساتني بنت بيوت على اساس 😢اخ من هالعشيه ومن هالحظ وعلى هالعمر الي بدو يمضي هيك.
مسكلي ايدي وسحبتها منو
لجين:انا معك
نجمه:حاجتك تحكي انا وانا انت كزاب
لجين:ليش هيك صايرة قاسيه
نجمه:انت العبت عليي لعبه ما راح سامحك لجين لاخر يوم بعمري
لجين:شو دخلني انا
نجمه:هس لا تسمعني صوتك ومن بعد اليوم انساني اعتبرني صرمايتك وشلحتها عم تفهم
لجين:وبعدين معك انا بشو وانتي بشو
نجمه:انا بشو يا لجين انا بمنظري الوسخ بتعرف شو انا 😭انا وحدة عاهرة
لجين:خلص خلص اسكتي لا تسمعيني ولا كلمه
نجمه:لا ترفع صوتك علي
لجين:لا تغلطي على حالك بترجاكي والله لنصلح كل شي
نجمه:اخرس يا ندل يا واطي
لجين:شبكي شو صار لعقلك جنيتي
نجمه"لا انا اليوم اكتر يوم بكون صاحيه فيو هيك
لجين:روقي هي بس لانك منفعله
نجمه:شو هاد المكان
لجين:راح ترتاحي هون
نجمه 😡
نزل فتحلي باب السيارة وجابلي الدوا من لصيدليه وخلاني فوت للبيت غصب عني وانا متل لمجنونه
تمددت على كنبايه وغمضت عيوني من الوجع غطاني منيح وقعد حدي
لجين:لا تزعلي انا اسف
نجمه:وين بدي اصرفها هي الاسف
لجين:تحملي كرمالي
نجمه:عم موت والله من وجعي
لجين:سلامتك
نجمه"كانو سكاكين عم تقطع بطني معاد فيني
لجين:في نزيف
نجمه:اي في
لجين:هي الدكتورة بنت حرام
نجمه:ليش
لجين:كيف بتقصلك من بطانه الرحم
نجمه:شو بعرفني انا
لجين:بتشوف والله لخليها تندم
نجمه:لا مشان الله لتروح تفضحني
لجين:انا بحلها انتي شو بدك
نجمه:اخ ...اخ يا امي
جابلي كاسه عصير وشربني هو الدوا
نجمه:خليني ارجع ع البيت السفر بدو ساعه
لجين"الساعه لساها 11
نجمه"دوبنا نوصل
لجين:طيب انتي ارتاحي وانا بصحيكي
ما اقدرت اغفى بس غمضت عيوني كان عم يمسحلي على شعري كل الوقت وانا عم يزيد نفوري منو ماني مسدءة ايمتى اخلص وارجع على بيتي الساعه طنعش طلعنا من البيت وبوشنا ع الضيعه خليتو يتركني بالكراج وارجعت على البيت مشي لحالي وانا ماسكه كيس الدوا وحاطه ايدي على بطني .
دقيت الباب فتحتلي مرت ابي
خالتي:يوووه يا نصرة تعالي شوفي نجمه شبها
اجت ماما وبس شافتني طار عقلا
ماما:شو الي صاير معك
نجمه:تعبانه شوي
فزو اخواتي باربعتهن واجى بابا لعندي انا مشي ما عم اقدر امشي من وجعي والنزيف
نجمه:لا تخافو مافيني شي
مصطفى:شو الي صاير
نجمه:وقعت بالمدرسه من التعب مو اكتر
بابا:خليني اخدك ع المركز الصحي
نجمه:بس لارتاح راح صحصح لا تشيلو همي
مسكني مصطفى من خصري ومسكلي بايدي التانيه وضل معي لحتى هو غطاني
مصطفى:ما على قلبك شر
ماما:من شو تعبتي
مصطفى:كل نهارها عم تركض وما عم تلحق علينا 14 نفر معها حق
خالتي"من هيك معقول
نجمه:هلا بصحصح
ماما"راح حضرلك شي تاكليه
نجمه:😢
تركوني وطلعو وعلى قد ما اتصل فيني لجين ضربت التلفون لصار مية شقفه وتمددت بتعب وكل شوي عم اتوجع حضرتلي ماما الغدا واجت هي اشرفت على اكلي مع خالتي وهنن رتبو المطبخ والب



#قصة #أجهاض_مبكر للكاتبة #مايا_الحجازي
القسم الاخير
صحي قالب خلقتو بوشي وهو المطلوب راحه نفسيه انزعاجو مني وانا عم مشط شعري وزبطت حالي بدلت تيابي والبست بيجامه لونها اصفر وتمددت على التخت والزقت بأخرو وغمضت عيوني
لجين؛وبعدين معك انتي
ما رديت عليه
لجين:طيب احكيلي شو عملتلك انا
نجمه:...
لجين:اشتقتلك والله
نجمه: ..
لجين:ولهان عليكي ارحميني
نجمه:😐
لجين:لا تخليني جن عليكي عم حذرك انا
نجمه:تسترجي تقرب مني والله بلم عليك كل البيت
لجين:شو
نجمه:اي انا مجنونه بحكيلهن انك عم تضربني
لجين:😡
نجمه:لا تحاول تستعطفني قرفانه منك اييع
لجين:لكن ليش ارضيتي يا بنت الحلال
نجمه:كرامه لاهلي لاخواتي حرام هنن ما بيستاهلو الي عملتو فيهن
لجين:انا جبرتك شي
نجمه:يمكن لا بس انت كنت بتعرف وضعي ومسكتني من ايدي الي بتوجعني
لجين:وهلا شو وجعك
نجمه:ضميري صحي فجاة تخيل انا وانت مجرمين انا ما بسامحك
لجين:ما قدرت وقتها اتزوجك ليش ما بتفهمي انتي
نجمه:شو ما كان انا عقلي هيك
لجين:.....
بدل تيابو وطلع من الغرفه وانا استغرقت بالنوم.
اجى بنص الليل ودغري بدل تيابو وقعد متل غيمه شباط ع التخت وعم يشرب دخان وخلاني اسعل من الريحه على قد مانها بشعه وعلى حد علمي هو بينفخ تنفيخ بس باينتو عم يشرب بعمق كنت عم مثل النوم وسمعت صوت انفاسو قريب مني طبع بوسه مليانه شوق على خدي ورجع لمكانو استنيتو لحتى غفي ورجعتلو بدل البوسه عشرة طبعن لحتى شخر تا قدرت بوسو ومن الصبح بس طلع الضو جهزتلو اواعيه ورتبت الغرفه ع الماشي ودخلت للمطبخ حضرت لفطور وجهزت القهوة لحتى صحي وصحيت حماتي ومحمد اتحمم هو وقعدنا على البلكون سوى ونحن عم نشف القهوة على رواق
حماتي:وين سهرت مبارح
لجين؛عند صبري
حماتي:اي منيح
محمد:كنت عزمتني
لجين:بتعرف الطريق
حماتي:بدك تتاخر
لجين:لا ليش
حماتي:اي احسب حسابك بدنا نزور خالتك يعليي مبارح كانت بالمشفى
لجين:سلامتها
حماتي:الله يسلمك
لجين:طيب ما راح بتاخر
افطرنا سوى وانا دخلت معو ع الغرفه نفسي اعرف هي نفسها الي كانت حاطه عينها على وحدة من بناتها
نجمه:بضيعه تانيه خالتك
لجين:وانتي شو دخلك
نجمه:اي معك حق
لجين:لا تعملي غدا وازا بدك خلي مصطفى ياخدك لعند اهلك ما راح نرجع الا المسى
نجمه:ما بدي روح لمكان
لجين:على كيفك لانو
نجمه:ليش بقى
لجين:محمد بدو يضل بالبيت حلوة تكوني معو بنفس البيت
نجمه:هاد اخوك
لجين:يا ستي انا شكاك وابن حرام اي خدي اتصلي ب ابوكي وامك ازا بيرضوها عليكي انا برضاها
نجمه:😔
لجين:اجهزي خلصيني
نجمه:متل ما بدك
اقنعني بكلمتين يخرب بيتو راح هو للمدرسه وانا ضليت عم اشتغل واغسل واكوي ورتب وجهزت حالي لروح لبيت اهلي البست بنطلون جينز مع بلوزة بيضة وحفايه ربطت شعري ونطرت ليرجع هو وحطيت خبر عند مصطفى انو بدي اقضي نهاري عندن .
اجى من الدوام ودغري خبر حماتي انو تجهز وقت شافني لابسه انبسط
لجين:جيبلك معي شي
نجمه:متل شو
لجين:اي شي
نجمه:هئ
لجين:براحتك ...الك عندي اليوم مفاجئة اي حبي
نجمه:انا
لجين:😄اي انتي
نجمه: شو هي
لجين:خلص انتي ترقبي وتوقعي كلشي
اجى مصطفى واخدني وهنن طلعو ع الضيعه كان الاستقبال كتير حار والكل متعطش لشوفتي وقعدت متل لضيوف وهنن يقدمو وياخرو وعم اتناقش معهن امور كتيرة متل ما كنت اتمنى بس هلا بدون فائدة اجى الليل ووانا ببيت اهلي
بابا:يعني جوزك بدو اياكي تنامي هون
نجمه:ما خبرني
بابا:اتصلي فيه
نجمه:هو بضيعه اهل امو وبس يرجع بياخدني
بابا:ما بعرف بس لازم خبرك
نجمه:انا فايته لنام بغرفتي ازا اجى او اتصل خبروني
اول ليلة صعبه وغريبه بحسها كل يوم قبل نام عم اتاملو وبوس فيه بدون ما يحس هي هي المفاجئة اكيد انو يخليني ببيت اهلي وبيعرف يفكر بس ما راح اهتم لغيابو .
▪▪▪▪▪
رجعت تاني يوم من بكير وصلني مصطفى وعزمتو على فنجان قهوة وما ردني والتقى مع محمد وعلى حكي جهزت القهوة وشربناها سوى
مصطفى"وين صهري
محمد:ببيت خالتي
مصطفى:اوف باتو هنيك
محمد:خالتي مريضه
مصطفى:سلامتها
محمد:معاد الا يوصلو
كنت متحمسه لشوفو اندق الباب وانا رحت لافتح ركض كانت حماتي بوشها البشوش سلمت عليي ولمحت لجين نازل من السيارة ومعو صبيه😱يا خرابي مين هي لمشحرة الي معو ولسى عم يضحكو مع بعض تماسكت بالزور وضليت واقفه لحتى سلمت عليي بطرف ايدها وكانها قرفانه
كانو عم يحكو مع بعض بالانكليزي على اساس اجانب 😡لازم اعرف شو عم يحكو
سكرت الباب وكزيت على اسناني ووراهن دغري سلم على مصطفى والصبيه دخلت هي وشنتتها للغرفه
كنت عم فور واغلي بس بدون ما حسسو وبس راح مصطفى دخلت عليهن كانو عم يضحكو ويكركرو من قهري تركتهن ودخلت على غرفتي شوي ولحقني وانا الي عم اتماسك بالغصب والهي حالي بشغلات ما الها داعي
لجين:ما سألتيني عن المفاجئة
نجمه:انو وحدة منن
لجين:الي مبارح خبرتك عنها
نجمه:شبها
لجين:هي هييه
نجمه:ماني شايفها
لجين:الصبيه الحلوة 😄مافي مبروك اتزوجت
نجمه:عنجد
لجين:اي
نجمه:بس ما خبرتني
لجين:اسمها مفاجئة
نجمه:كربوجه مشالله عنها
لجين:بدك شي قبل




#قصة #أجهاض_مبكر للكاتبة #مايا_الحجازي
القسم الاول
نجمه:اي حبيبي
لجين:نطرتك وينك انتي
نجمه:صارت معي شغله ما راح اقدر اطلع من البيت
لجين:هي العادة
نجمه:😔
لجين:شو صار عندك
نجمه:اختي المتزوجه اجت فجأة وماما ما خلتني اطلع من البيت
لجين:ماشي حبي
نجمه:راح بشتقلك
لجين:انا ولهان عليكي
نجمه:بكرى بشوفك
لجين:ماشي
نجمه"باي يا روحي
لجين:الله معك
سكرت معو الخط ودغري طلعت من غرفتي عملت ترتيبه للمطبخ الي مو مبين عليه النظافه انا لحالي الي عم اشتغلو ورا اخواتي الشباب واخواتي الي من مرت ابي وماما وخالتي واليوم لتكمل مع الي خلفني جاية قمر وجايبة عر لولاد معها ومستحيل ما نطبخ وليمه واكيد من نصيبي كل هاااد
ماما:يلا عجلي عجلي المطبخ مافيو ولا صحن
نجمه:اي اي اي
خالتي:يلا بسرعه دوبك تلحقي تجلي وتركبي الجاج ع النار
نجمه:حاضر حاضر
ماما:يلا انتصار الحقيني خلينا نجهز القهوة المرة
خالتي:لاحقتك ام مصطفى
وعم يتعازمو على شغله ناكته كانو ساعدوني بالمطبخ الي ما عم اعرف من وين بدي ابدا فيه من الطناجر ولا لصحون ولا ردزن الفناجين بلشت ضب الاكل الاواعي الارض الي معفوشه وبعدها بديت الجلي واسمعت صوت لولاد عم يتصارخو اكيد وصلت قمر لروح سلم عليها غسلت ايديي وبمريول الجلي رحت سلمت عليها كتير مشتاقتلها وسلمت على زوجها ودغري راح يزور قرايبينو
نجمه:شوصايرة قد الفيل😂
قمر"الله يسامحك هلا هيك
نجمه:بمزح يا قلبي
قمر:وين ماما وين خالتي
اجو من المضافه وبلشت الترحيب وصوت التبويس كأنو العاب ناريه
ماما:نجمه يلا جهزي العصير اختك مشوبة
نجمه:حاضر
خالتي:خلي لولاد يلعبو بغرفتك هلا بيصرعونا
نجمه:😡يلعبو مين ماسكهن
اخدو قمر وراحو للمضافه ولولاد دخلو لغرفتي كانها مداهمه وانا رجعت ضبيت كل شي جليتو وحضرت العصير ودخلت لعندن ومن وصلتي سكتو
ضيفتهن واخدت كاسي وقعدت حابه اندمج بشغله جديدة
ماما:اي نجمه خلصتي
نجمه:اي ماما
خالتي:روحي لغرفتك حبيبتي
نجمه:ليش بقى
ماما:عم نحكي بموضوع عيب انتي تسمعيه
نجمه:😤اوف منكن
شربت عصيري وطلعت من المضافه وسمعت صوت ماما عم تحكيلي سكري الباب وراكي سكرتو ومشيت خطوتين وقلت بحالي شو هالموضوع الي ما بينحكى انا صرت بالبكلوريا وبسمع شغلات كتير خليني اتثقف هدول متزوجين
حطيت ادني على الباب وسمعت صوت ضحكه خالتي وامي
قمر:اي الله وكيلكن هاد الي عم يصير
ماما:وسلفتك شو خبرتك
قمر:انو عادي هي امور بتصير
خالتي:مسكينه ضحك عليها
قمر:وانا ما رضيت خبرها😂
ماما:اي تنباع بالعزا وانتي كيف زوجك معك
قمر:يقبر قلبي ولا اروع وازكى من هيك بيجنن
خالتي:اي دلليه وغنجيه الرجال بموت بهيك شغلات روح قلبو هي الشغله بالتحديد
ماما:لا قمر شاطرة ما بدها مين يعلمها
قمر:اي ماما لا تخافي عليي وكل ليله عم البسلو تفريعه شكل لحتى ما يمل مني ولو تشوفي كيف بينقلب مية درجه
خالتي"اي لكن هيك النسوان بتكون
نقزت من صوت مصطفى اخي لكبير وصرت ارجف
مصطفى:على شو عم تتسمعي
نجمه:لا لا ولاشي
مصطفى:وصلت قمر
نجمه:من شوي
مصطفى:لكن لفوت سلم عليها احكيلهن كنتي تتسمعي عليهن
نجمه:لا يستر عليك لا تحكي كانو عم يحكو عليي قال مو طيب العصير الي عامتلو لهيك اتسمعت
مصطفى:جهزيلي نفس اركيلة لشوف مو بس الي لاخوتي
نجمه:حاضر بأمرك اخي
تركتو دخلت للمطبخ ولسى خايفه يحكيلهن شو اسمعت هلا هاد الموضوع ما بيصير اسمعو 😏انا هي الشغلات كلها عم تمرق من تحت باطي قال تفريعه قال 😂
جهزت الاراكيل شي اربعه ودخلت لغرفتي 😱ولي على عيونكن شو عاملينلي بالحيطان لك لك تركولي للدفاتر هيك هيك ما عم افتحهن لانو مو ملحقه على 14 نفر وفوق كل هاد صارو عشرين اليوم ...قلعتن وفشيت قهري فيهن وكل واحد طيارة على رقبتو وطلعو يبكو قفلتها ورحت كمل واجب الخدامه بييت اهلي دخلت للمضافه كأني سرلنكيه وكل شوي قوم واقعد وشوف الاكل جهز لحتى صار وحضرت السفرة وندهت لاخواتي من ابي التوام عاصم وحازم ليساعدوني بنقل الاكل للمضافه هلكت وبالاخر ما طلعلي مكان اتغدا وماما حكتلي خدي قطعه جاج وصحن رز وروحي كليه بالمطبخ وانا دغري حملت حالي ودخلت لغرفتي وانا عم باكل فرطت من جوعي اتصلت ب لجين دردش معو مشغولين بحشي لبطون هنن
نجمه:هلا لخصلت شغل البيت
لجين:هلأ😲
نجمه:اي والله
لجين:اوف شو عزيمه
نجمه:اي عزيمه لقبائل تخيل
لجين:ومافي غيرك يخدمهن
نجمه:اي والله انا وحيدة على عشر صبيان
لجين:امك ومرت ابوكي ما بساعدوكي
نجمه:لا كل يوم عندهن شي عزا وشي فرح واليوم عزمو اختي المتزوجه
لجين:ويساعدوكي شو بيخسرو
نجمه:ما بيخسرو شي بس ما بحسو فيني انا
لجين:اي والعمل الحل النهائي للمهزلة هي
نجمه:تتزوجني وتخلصني منهن
لجين:ع الوتر الحساس ضربتي
نجمه:يا لجين يا حبيبي والله انا مليت
لجين:والله ماما عم تسدها بوشي فكرك مبسوط بحالي راح ختير وانا عزابي
نجمه:بخدم عندكن ع الاقل اخر الليل بنام بحضنك برتاحلي شوي
لجين:خليني قلبها براسي
نجمه:احسن ما نضيع وقت والله عم يروح من اعمارنا
لجين:حاضر
نجمه:يم

#قصة #أجهاض_مبكر للكاتبة #مايا_الحجازي
القسم الثاني
المسا كل اخواتي الشباب لبسو التجمع بالساحه كرمال الحفله ومنى عيني شوف لجين من بين الشباب كلها وشفت ماما وبابا وخالتي لبسو ليروحو ووقفت اتاملهن بدون ما اطلب روح معهن
خالتي:ليش نجمه ما بدها تروح
ماما:لا خليها بالبيت تدرس"
بقلبي"هلا وقت الدراسه ليش وقت الشغل ما بتحكيلي روحي ادرسي انا بشتغلهن عنك"
بابا:وكيف بدها تبقى بالبيت لحالها
خالتي:صح ابو مصطفى معو حق
ماما:يعني تروح وتترك دراستها
بابا:اي احسن ما يحكو ابو مصطفى ترك بنتو العزابيه بالبيت وبتعرفي شباب الضيعه ما بيستحو والزعران كتار..البسي يابي بسرعه
نجمه:عنجد
خالتي:اي حبيبتي دوبك تتجهزي
ما سدءت ايمتى سمعت هالكلمه وفرحت فرحه مو طبيعيه البست فستان اسود لتحت الركبه بشبر وحفايه سودة وفردت شعري الناعم على طولو وحطيت مكياج خفيف وطلعت بسرعه لعندن قفل بابا الباب ومشينا باتجاه الساحه صوت الاغاني الجبليه عم تهز المكان والتجمع هنيك وين بدي شوفك لك لجين بس الا ما التقي فيه هلا قعدت حد امي وخالتي وبنت عمي اسماء وعيوني على كل الشباب عم دور على لجين .
شفت كل اخواتي والعروس كانت بتفلج على قد مو حلوة والعريس بياخد العقل كمان وبعدها شفت لجين واقف حد اخي مصطفى😳يا شحارك يا نجمه ...لا ولسى عم يمزح معو وضربو على كتفو 😱ما هذا
مشيو باتجاهنا وانا زبطت حالي ونزلت راسي للارض لحتى قربو كتير ما قدرت ما اسرق نظرة عليه لابس قميص ابيض وبنطلون جينز بيشل وبوط ابيض ومزبط حالو وحسيت حالي عم شم ريحه انفاسو .
ماما:شفتي انتصار ابن خولة
خالتي:قصدك لجين
ماما:اي هو
خالتي:شبو
ماما:واقف مع مصطفى
خالتي:مع انو مو مصاحبو
ماما:يلا ولاد ضيعه وحدة
خالتي:اسمعت من اختي نهلة الي بصف نجمه انو مدوب قلوب البنات
ماما:ليش هو نفسو استاز العلوم
خالتي:وفي عندو اخ دكتور
ماما:اي والله شي بيرفع الراس وبتعرف تربي هالخولة
خالتي:بموتو عليه الصبايا ل لجين
اسماء:اي والله وبعيد المعلم بينطمر هدايا وورود
ماما:بيدرس عليكي نجمه
نجمه:اي ماما
ماما:وبيفهم دخلك
نجمه:اي ماشي حالو
خالتي:وعلى هوى ما سمعت انو امو ناويه تاخدلو موظفه من ضيعه اهلها ويمكن ها بنت خالتو
ماما:اي بيطلعلها ومحلاها وهي اخدتلو من بنات لبيوت
اسماء:مع انو هو بسيط وعادي
خالتي:امو مكيودة
"كنت راح جن من هالاخبار هي فائدة الي بيدورو من بيت فلان ل بيت فلانه معهن اخبار الحارة والضيعه وفجاة عصبت عليهن وعلى لجين لو ما الو علاقه كان واقف قدامي مباشرة وانا تحلفتلو بعيوني وزورتو
اسماء:يمكن عرفك طالبتو😂
نجمه:ليش وليه
اسماء:اكلك بعيونو
نجمه:هس لا يسمعوكي
اسماء:هلا لبعد انظارو عنك
نجمه:شو دخلني انا
اسماء:😉مع انو كل بنات المدرسه هون ليش بس انتي
نجمه:يمكني حلوة زيادة
اسماء"طالعه بهاد الفسان بتمزعي العقل عنجد
نجمه:معقول
اسماء:طولك بوحدة 😂
نجمه:شو قصدك
اسماء:ملفت للنظر
نجمه:😳
سكتت وكنت عم اتفرج على صف الصبايا والشباب والي عم يدبكو ومبسوطين والعرسان كمان .
رفعلي حواجبو بمعنى شبكي وانا هزيتلو براسي يعني بسيطه وضحك من كل قلبو وراح مع صاحبو ليشاركو بالدبكه وانا ما فوتت ولا لقطه من هالدبكه وبحدو كان مصطفى وسامر وجابر اخواتي منظر بالنسبه الي حلو وطبيعي😂لانو تخيلتو يكون صهر العيلة ياريت تتحق هالامنيه.
خالتي:هي امو ل محمد
ماما:ام الدكتور
خالتي:راح اندهلا نسلم عليها
نجمه:يعني امو ل الاستاز
خالتي:اي هي
كانت معجرفه زيادة ونافشه حالها كانها ديك حبش سلمت بنفسيه حامضه بس شكلها مع خالتي صحبه ويمكن لجين شافها لامو وابتسملها 😂عم يلطف جو .
انتهت الحفله ونحن دغري حضرنا حالنا لنرجع ع البيت وتعازمو خالتي وامو وتواعدن بزيارة لبعض مشينا عيلتنا وعيلتهن على نفس المستوى بالشارع وانا حدي المخابرات مصطفى ما قدرت اسرقلي كم نظرة على المشيه الراكزة 😂يقبر قلبي كيف مهيوب وحليوة
وصلو هنن قبلنا وانا سرقتلي نظرة عليه كان واقف مبتسم وحاطت ايدو على شعراتو غمزني وانا دغري كفيت طريقي .
▪▪▪▪▪▪
بالمدرسه كنت كل الوقت شاردة بكلام اسماء وخالتي قال بدها تزوجو موظفه وانا ليش خبص معي ومن الاساس علقني فيه اذا هالحكي صحيح والله لموت او انتحر ويقولو انتحرت كرمال استازها كان دوامي قدام باب الادارة لالمحو اليوم ولا حصه علوم بس لازم احكي معو وبالاخير اتبهدلت من الانسه اعتدال وسمعتها تحكي للاساتزة هي نجمه اوقح من هيك ما شفت واقفه قدام باب الادراة وكانها ناطرة حدا فوق ماهي كسلانه انزويت على جنب واحد ومنى عيني شوفو وبعد هالكلام عني عرف اني ناطرتو قبل تخلص الفرصه اطلاع مشان الله .
رن الجرس وبلشت الحصه كان دمي فاير وما سدءت ايمتى طلع بطولو وشخصيتو
نجمه:استاز استاز ...ممكن شوي
لجين:اكيد
اخدتو على جنب والانسه اعتدال زورتني
نجمه:وينك انت
لجين:شوفي احكي بسرعه
نجمه:بدي شوفك
لجين:اليوم مستحيل
نجمه:راح بنطرك حد الوادي اليوم العصر لا تنسى
لجين؛عندي تصليح وراق للشعبه الاولى
نجمه:يا لجين ابوس ايدك
لجين:بحاول