#اعترافات_رجل_بقلم_هلاغرابلي

#الجزءالسابع:اضفت النهاية

مايا:تهريب!!!بخاف!!!

مراد:ما تخافي بنفس اليوم بتفوتي على تركيا و انا بلحقك و اذا بدك بطلع معك

مايا:....ما بعرف مابعرف بدي فكر بس انت ليش لتساعدني شو بدك مني ؟انا مرة ما خرج اعطيك شي ،ما عندي شي لاعطيك اياه قلبي مالل و مطفي

مراد : ما بدي تعطيني شي بس بدي منك ديري بالك على الشي يلي انت اخدتيه مني

مايا:شو اعطيتني ليش !انا ما اخدت منك شي !

مراد:هههههه شبك خفتي ... انا اعطيتك قلبي و عيوني

مايا:.....مراد انت شاب عزابي و اي بنت بتتمناك شو بدك بوحدة متزوجة و عندا مشاكل او حتى مثلا اطلقت ،شو بدك بوحدة مطلقة و عندا ولد ،اعطي قلبك لبنت تكمل حياتك معا انت و مرتاح

مراد:الموضوع ما بأيدي ،و ما ممكن اي بنت تانية تعبي محلك شو قررتي ؟

مايا:هيك موضوع بدو تفكير كتير و وقت ،يعني بالاول لازم اطلب الطلاق من بلال بشكل جدي ويقبل يطلقني و بعدين بخطط للسفر

مراد:انا معك خطوة بخطوة ،بس هلأ حاليا يعني ما تخليه يقرب عليكي قصدي حتى تمهديلو للطلاق و بعدين اطلبي الطلاق و فهميه انو المحكمة رح تحكم بحضانة الولد الك و هو بحقلو يزورو بالاسبوع مرة بس انت قليلو انو ايمت ما بدو بيجي بشوفو حتى يأمنلك و يطلقك

مايا :ايه و وين بدي روح انا و ابني بهالفترة ،بلكي ما تركنا بالبيت نفسو

مراد:ما تاكلي هم ،اهم شي هلأ خليه يطلقك بالاول و بعدين منعمل الخطوة التانية.

مايا:بس ...بلال ...اخلاقو صعبة كتير و عصبي و انا بخاف منو و من ردات فعلو

مراد:ما تخافي انا واقف بضهرك

مايا:طيب انت ما لازم ترجع لعند اهلك و لشغلك

مراد:ما في مشكلة برجع بس لامن عليكي بالاول و حطك بتركيا ،اهلك بتركيا ؟

مايا :ايه

مراد:اي خلص كتير منيح

مايا :كرم فاق انا لازم سكر تصبح على خير

سكرت الخط و فاتت لجوا و انا رجعت صفنت بالسما ،كنت مبسوط كتير لانو كنت مخنوق و عبرت عن كل شي جواتي و مايا بلشت تلين معي ،بس كنت خايف كتير من زوجا عليها ،و كنت عم غار عليها من زوجا ، كل ما بفوت على بيتو و بطبق هالباب بحسو سكر علي باب قبري ، تاني يوم الصبح الساعة عشرة سمعت اصوات زوجا عم يعيط و يسب عليها و بعدين طلع من البيت دقتلا لافهم منا شو صاير

مايا:كان عم يقلي اليوم بدنا نروح نسهر عند رفيقي و مرتو يلي هي عشيقتو بس انا ما قبلت و قلتلو روح لحالك قام عصب كتير و قلتلو طلقني و روح اتزوجا و رجعت هددتو بانو رح افضحك و افضحا و خبر رفيقك و خلي يقتلكن انتو الاتنين

مراد:ايه

مايا:قام قلي بموتك وقتا و انا خايفة يقتلني فعلا

مراد:طيب شو قلك على الطلاق ؟

مايا:طلع من البيت بلا ما يرد بس ليرجع رح ارجع افتح معو الموضوع مرة تانية

مراد:ايه منيح ضلي وراه حتى يطلقك

مايا:انا خايفة كتير

مراد:ما تخافي انت لازم تطلقي منو من زمان ،بس انت اعملي حسابك هالاسبوع تطلقي و انا رح روح اتفق مع الشخص يلي رح ياخدنا على تركيا

مايا:باسبوع بس !!! ما بعرف

مراد:يلا انا رح سكر بحكيكي بس خلص

سكرت الخط معا و دقيت لرفيقي و نزلت شفتو و قلتلو انو بدي طلع شخص على تركيا الاسبوع الجاي ،سألني مين بدي طلع ،حكتلو كل قصتي مع مايا ، مسك موبايلو و دق لواحد و حكى معو كرمال هالموضوع بعدين خبرني انو رح يجمعني الضهر معو و الضهر اجتمعت مع الشاب و اخدت رقمو و اتفقنا انو اول ما جهز اموري دقلو و خبرو حتى نطلع فورا ،بعتلا مسج لمايا انا و قاعد معن

مسج مراد : كيفك مايا انشالله كل الامور ماشية تمام و كلها اسبوع و بتخلصي من هالكابوس و منصير مع بعض بس انت ارجعي استفزيه و طالبيه بالطلاق

بعتلا المسج و رجعت كملت قعدتي مع الشاب ليشرحلي اكتر عن الطريق يلي بدنا نطلع منو ،بس بعد ساعة و نص اجتني رسالة من مايا

مسج مايا : انا فكرت منيح بالموضوع و ما بقدر اترك زوجي ،انا بحبو كتير و بحب ابني و ما بقدر احرمو من ابوه ،رجاءا ما بقا ترجع دقلي ابدا ابدا انا مرة متزوجة و مستحيل حب على زوجي او اتركو و اتزوج غيرو

قرأت الرسالة و كأنو عم اقرأ شهادة وفاتي بايدي ،بنيت احلام كتير و بهالرسالة انتهى كل شي ، رجعت دقتلا بأيدين عم يرجفو ،بس كان موبايلا خارج التغطية و كأنو خلص ما بقا ترجع دقلي ، بقيت عم افتل بشوارع الشام انا و مخنوق كتير ،رجعت المسا على البيت، انقطعت الكهربا انا و فايت عالبيت ، فتت شغلت شمعة و رجعت قعدت على البرندا و شغلت اغاني على موبايلي و بلشت دخن ،كنت عم اطلع على برندتا و عم فكر ليش هيك عملت فيني.

#الجزء التامن:

انقهرت كتير ،و من قهري و زعلي من مايا يلي حسيتا عم تلعب فيني و بمشاعري ،رجعت قرأت الرسالة و خبط الموبايل بالحيط و اخدت قراري و فتت ضبيت تيابي بالشنتا يلي جيت فيا و حطيت مع تيابي قميصا النوم يلي اجت فيه اول مرة عندي ، ،تاني يوم فقت الصبح و اصلا ما نمت هديك الليلة منيح ، لميت موبايلي من الارض و بعتلا رسالة قبل ما انزل من البيت و اتوجه على لبنان

مسج مراد:انا حبيتك

#اعترافات_رجل_بقلم_هلاغرابلي
#واقعية

الجزء الاول:

عيناك الدمع الاسود فوقهما
يتساقط انغام بياني
عيناك وتبغي وكحولي
والكاس العاشر اعماني

وانا في المقعد محترق
نيراني تاكل نيراني
أاقول احبك يا قمري
اه لو كان بامكاني
فأنا لااملك في الدنيا
الا عينيك واحزاني

سفني في المرفأ باكية
تتمزق فوق الشطأن
أاسافر دونك ليلكتي
يا ظل الله بأجفاني
يا صيفي الاخضر يا شمسي
يا اجمل اجمل الواني
هل أرحل عنك وقصتنا
أحلى من عودة نيسان

كنت عم اسمع هالغنية و عم اتخيل عيونا السود قدامي ، مسكت باكيت الدخان ،كان فيه اخر سيجارة ،قمتا و شغلتا ،كنت عم احترق متل السيجارة يلي كنت عم دخنا ، قمت من عن الكرسي و طلعت على البرندا ،سحبت سحبة طويلة من السيجارة و بلعت الدخنة و كبيت السيجارة على طول ايدي ،انطفت قبل ما توصل على الارض،كانت هالسيجارة متلها متل قلبي يلي اشتعل و احترق و انطفى و انا وحدي يلي اختنقت ، رجعت فتت ،مسكت موبايلي و رجعت قرأت رسالتا ،عضيت على شفايفي و خبطت الموبايل بالحيط ،انسانة ضعيفة ، انسانة لعبت فيني و بمشاعري ،بدا تبقى طول عمرا تحت رحمتو و بدو يضل يهينا و يضربا ، فتت على غرفتي و نزلت الشنتاية و بلشت ضب تيابي بالشنتاية لارجع لمحل ما جيت ،كنت جاي لاتنفس هون و هلأ رح اطلع من هون مخنوق ،انا و عم ضب تيابي بالشنتا طلع فستانا بأيدي ،قربتو على انفي و شميت ريحتو ،كانت لسا ريحتا فيه متل لما اول مرة شفتا ،شردت انا و عم اتذكر كيف شفتا اول مرة

_من فترة قريبة __

مراد:الو...كيفك ...اي هلأ وصلت ....هادا رقمي السوري سيفو عندك..لااا ما خرج ...لك هلأ وصلت يا زلمة ، ،جاي هلكان بدي اتحمم و نام .... ولله و انا مشتقلكن بكرا بشوفكن ... اطمنو اجازتي طويلة هالمرة ...ايه الي سنين ما جيت عالبلد ...بدي عبي صدري من هوا سوريا و ريحة الياسمين.....يلا سلام

سكرت الخط و جريت شنتايتي و طلعت على بيتي بالطابق التالت ،كانت مقطوعة الكهربا ،ما تفاجأت لانو سمعت بقطعة الكهربا و التقنين الصارم يلي صار من تراث البلد،شغلت فلاش موبايلي و طلعت انا و عم ضاوي على الدرج ،وصلت على بيتي يلي كان بيت العيلة قبل ما يهاجرو اهلي على المانيا بظل هالاحداث ،حطيت المفتاح بالباب و فتحت الباب ،وقفت شوي قبل ما فوت ،سمعت صوت صراخ و تكسير من البيت يلي قبالي ،بعدين فتحت الباب و دخلت شنتايتي و قبل ما سكر باب بيتي ،انفتح باب البيت يلي قبالي و طلع منو شخص ركض باتجاهي و فات فورا على بيتي و سكر الباب و ارتمى بحضني ،انا وقفت مصدوم و ما عارف شو اعمل ،كانت ريحة الشخص ريحةما بتشبه اي ريحة بالعالم و كأنو تركبت مخصوص لهل الشخص ،كانت ريحة مرة ،سلطت ضو الفلاش على الشخص يلي اقتحم بيتي و حياتي و حضني فجأة

مجهولة (تبكي) : الله يخليك اذا دق الباب ما تفتحلو

اطلعت عليها ،كانت وحدة عم تبكي و ترجف ،كانت حالتها يرثى لها ، لابسة قميص نوم ممزع ،بقيت حاطة راسا على صدري و عم تبكي ،انا ما عرفت اعمل شي غير انو لفيتا بايدي ،كانت عم تلهت بنفس دافي اخترق ضلوع صدري و مشي بدمي ، كان جسما بارد كتير ،لفيتا و نسيت حالي و اسمي و عنواني وكل شي ، حتى انتبهت علي انو حاضنا بقوة ، بعدت عني و فاتت لجوا البيت و انا لحقتا

مراد:...طولي بالك ما رح افتحلو بس شو القصة؟

مجهولة (تبكي):هيدا زوجي كان عم يضربني و هربت منو و ما عرفت لوين بدي روح ،شفت باب بيتك مفتوح و ضو جاي من بيتك ،لهيك قلت بفوت شوي بس ما انا كنت بعرف انك شاب ،ما شفتك منيح عالعتمة انا بعتذر وين مرتك؟

مراد: انا ما متزوج طيب اقعدي ارتاحي

انتبهت على حالها و اطلعت علي

مجهولة :بس اذا بتريد ما عندك شي حطو علي

مراد:ايه يلا

ما عرفت شو بدي اعطيها ،فتحت شنتايتي و اعطيتا قميص ،لبستو و قعدت ،كان الدم عم ينزل من شفايفا

مراد:قومي غسلي وجهك ،بس ما عندي ضو

مجهولة:لازم تكون اجت الكهربا هلأ

مراد: اه ثواني رح ارفع القاطع

مشيت على فلاش موبايلي و رفعت القاطع و رجعت وقفت على باب غرفة القعدة ، اطلعت فيا ، كانت قاعدة على الصوفا و رافعة رجليا و عم تمسح دموعا بايد و الايد التانية عم تشد فيها فستانا لتغطي رجليا و طارقة راسا بالارض ،كان شعرا اسود طويل ناعم متل الليل ،كانو ايديا و رجليا بيض و ناعمين كتير ، انتبهت علي انا و عم اطلع عليا ،انا تلبكت و نزلت راسي فورا بالارض

مجهولة:انت عايش هون لحالك ؟

مراد :انا ما عايش هون ،انا هلأ جيت من السفر و هيدا بيت العيلة بس فاضي ما فيه حدا

مجهولة:وين كنت ؟

مراد:انا مقيم بالمانيا انا و اهلي بس جيت زيارة لهون غير جو اكام يوم و راجع و رح جدد جواز سفري كمان بطريقي

مجهولة:يلا انا لازم روح

مراد:لوين بدك تروحي هلأ؟

مجهولة:ما بعرف بس ما رح ابقى هون

مراد:وين اهلك؟

مجهولة:اهلي ما هون ،اهلي بتركيا

مراد:اذا ما عندك محل تروحي عليه ابقي عندي