#دوامة_الذاكرة
#التالت
عمر : وبهل طريقة بترتاحي؟
أمل: .... يمكن
قربت ومزعت شقفة من كنزتي وربطا بجذع من الشجرة وانا عم اتمنى وبعدها مشينا بقينا عم نمشي لحد ما تعبنا وراح كل واحد على غرفتو
أمل
كنت قاعدة بالغرفة لما دخلت الممرضة عبير لعندي وقالتلي الدكتور بدو ياني بنظرة حزن طلعت فورا وانا بالطريق فهمت!
أكيد عن مرضي دخلت لعند الدكتور يلي كان عم يطلع فيني بنفس النظرة بخطوات تقيلة
الدكتور: أنسة أمل، كنت بفضل لو انك ما لحالك اليوم
فات الدكتور بالمقدمة عن تاريخ حالتي المرضية من اول ما اكتشفت المرض ، بعدين دخل بأختلاف نسب النجاة لكل مرض ، بعدين حكا عن تشخيص الاول يلي كان نسبة النجاة فيه افضل لالي
كان الدكتور عم يهرب من الحكي يلي بدو يقولو هل شي كان واضح
أمل: نسبة النجاح اقل هلق؟
هز براسو بتوتر وصار يهرب عيونو مني : اسفة أمل اسفة كتير
أمل:(بصوت مخنوق) اديش نسبة النجاة؟
طلع فيني بنظرة صمت للحظة وبعدين قال: اذا قسنا النسبة على اخر خمس سنين(اخد نفس) ما كان في اي نسبة نجاة
أمل: شو قصدك؟ يعني صفر بالمية ؟
طلع فيني بحزن وهز براسو
ماكنت عم حس بشي ، ولا شي،
وكاني طلعت من جسمي عم اتامل الحوار بين الدكتور وامل جمدت مشاعري فجأة
سمعت صوت امل عم تقول: شو لح اعمل هلق؟
طلع فيني بشفقة وقال : لح نكمل بالعلاج لح يساعد بتقليل الاعراض ، بس ما بخلو من اعراض جانبية كمان .
اخدت نفس عميق من جسم أمل وسألت: اديش معي وقت؟
قلي وهو عم يطلع بعيوني :اشهر يمكن ما تتجاوز الستة
قالها وتركني عم حاول اهضم الحكي .
كمل حكي: المعدل هو 9 اشهر وفي نسبة اقل من 30 بالمية بتعيش لسنتين
ما حسيت بشي لا وجع ولا حزن ولا صدمة
ولا شي . ولا شي
كنت عم حس اني متت
شفت حالي وانا عم قوم من مقعدي وسمعت صوتي عم يقول : شكرا دكتور حسام
الدكتور: بعتقد انك بحاجة لانك تهدي وتقعدي، جبلك مي؟
امل : لا شكرا انا منيحة
درت للباب وطلعت للممر وانا عم امشي بخطوات هادية وكاني سمعت خبر منيح ما بعرف ليش
مريت من قدام عبير وضليت بنفس الحالة
شفت حالي عم ابتسم واشكرها طلعت على الشارع كانت عم تشتي بهدوء حسيت انو المطر عم يشاركني باللي سمعتو وكانو عم يقلي: ليش ما بكيتي؟ ولا يهمك لح ابكي بدالك
بقيت عم امشي وانا عم شوف الناس عم تمشي شفت بنت حاملة ولد انا لح موت قبل ما يصير عندي ولد اي مالح صير أم
صرت اسئل حالي
يا ترى اذا بكيت لح اتجاوز الصدمة؟
كنت بعالم تاني تماما
انا لح موت . نقطة نتهى. وهل العالم لح يستمر وكاني ما مريت فيه كاني ما ولدت
كنت متل يلي اخد ابرة بنج بكل جسمي ، بس بعدني واعية باللي عم يصير . بلا شعور حقيقي بلا اي احساس
كنت عم أمشي واطلع ع العالم يا ترى عم يحسو فيني؟ عم يحسو باوجاعي؟ بعرفو شو في بقلبي؟
ما بكيت مريت بشوارع ما بعرفا وما بكيت كنت لساتني مخدرة ومبللة تماما ما كان بدي ارجع ع المشفى بس رجلي اخدتني ع البيت حسيت حالي بهديك اللحظة عم موت ببطئ نزلت اول دمعة من عيوني .
دمعة وحدة.
بعدين نزلو كلهم وقفت بحديقة مليانة عالم ما كان في مقعد ارتاح فيو نتبهت لشب اشرلي مشان اقعد مكانو ما بتذكر اذا شكرتو بس دموعي كان عم تنزل بصمت
عطاني محارم اخدتها وسمعت صوتي عم يشكرو بقيت قاعدة لفترة وبعدين حاولت قوي حالي وقفت لاطلع
كانت الاوجاع بقلبي كبيرة كنت عم حس بوجع بجسمي بس كان عم يتجاوز جسمي وعم يخترق روحي ما بتذكر كتير من مشاعري يمكن كنت بلا مشاعر أصلا يمكن هل نوع من الامراض بيقضي على المشاعر حتى
وصلت للمشفى بوقت متأخرة ركضت عليي عبير ودخلتني للغرفة
بليلتها كنت بتمنى لو فيني اخد حبة منوم لا حبتين او حتى تلاتة ونام لعشر ساعات كاملين بس كان لازم وجه السؤال لحالي يلي وجهتو لدكتور : شو لازم اعمل هلق؟
غمضت عيوني . بتوقع اني نمت. ما عم اتذكر شي بس بتذكر اني حسيت على الاقل انو معد يستمر العذاب كتير
نمت.
فتحت عيوني كنت عم اتمنى لو كان كلشي صار مبارح كابوس .
كابوس وبس .
#التالت
عمر : وبهل طريقة بترتاحي؟
أمل: .... يمكن
قربت ومزعت شقفة من كنزتي وربطا بجذع من الشجرة وانا عم اتمنى وبعدها مشينا بقينا عم نمشي لحد ما تعبنا وراح كل واحد على غرفتو
أمل
كنت قاعدة بالغرفة لما دخلت الممرضة عبير لعندي وقالتلي الدكتور بدو ياني بنظرة حزن طلعت فورا وانا بالطريق فهمت!
أكيد عن مرضي دخلت لعند الدكتور يلي كان عم يطلع فيني بنفس النظرة بخطوات تقيلة
الدكتور: أنسة أمل، كنت بفضل لو انك ما لحالك اليوم
فات الدكتور بالمقدمة عن تاريخ حالتي المرضية من اول ما اكتشفت المرض ، بعدين دخل بأختلاف نسب النجاة لكل مرض ، بعدين حكا عن تشخيص الاول يلي كان نسبة النجاة فيه افضل لالي
كان الدكتور عم يهرب من الحكي يلي بدو يقولو هل شي كان واضح
أمل: نسبة النجاح اقل هلق؟
هز براسو بتوتر وصار يهرب عيونو مني : اسفة أمل اسفة كتير
أمل:(بصوت مخنوق) اديش نسبة النجاة؟
طلع فيني بنظرة صمت للحظة وبعدين قال: اذا قسنا النسبة على اخر خمس سنين(اخد نفس) ما كان في اي نسبة نجاة
أمل: شو قصدك؟ يعني صفر بالمية ؟
طلع فيني بحزن وهز براسو
ماكنت عم حس بشي ، ولا شي،
وكاني طلعت من جسمي عم اتامل الحوار بين الدكتور وامل جمدت مشاعري فجأة
سمعت صوت امل عم تقول: شو لح اعمل هلق؟
طلع فيني بشفقة وقال : لح نكمل بالعلاج لح يساعد بتقليل الاعراض ، بس ما بخلو من اعراض جانبية كمان .
اخدت نفس عميق من جسم أمل وسألت: اديش معي وقت؟
قلي وهو عم يطلع بعيوني :اشهر يمكن ما تتجاوز الستة
قالها وتركني عم حاول اهضم الحكي .
كمل حكي: المعدل هو 9 اشهر وفي نسبة اقل من 30 بالمية بتعيش لسنتين
ما حسيت بشي لا وجع ولا حزن ولا صدمة
ولا شي . ولا شي
كنت عم حس اني متت
شفت حالي وانا عم قوم من مقعدي وسمعت صوتي عم يقول : شكرا دكتور حسام
الدكتور: بعتقد انك بحاجة لانك تهدي وتقعدي، جبلك مي؟
امل : لا شكرا انا منيحة
درت للباب وطلعت للممر وانا عم امشي بخطوات هادية وكاني سمعت خبر منيح ما بعرف ليش
مريت من قدام عبير وضليت بنفس الحالة
شفت حالي عم ابتسم واشكرها طلعت على الشارع كانت عم تشتي بهدوء حسيت انو المطر عم يشاركني باللي سمعتو وكانو عم يقلي: ليش ما بكيتي؟ ولا يهمك لح ابكي بدالك
بقيت عم امشي وانا عم شوف الناس عم تمشي شفت بنت حاملة ولد انا لح موت قبل ما يصير عندي ولد اي مالح صير أم
صرت اسئل حالي
يا ترى اذا بكيت لح اتجاوز الصدمة؟
كنت بعالم تاني تماما
انا لح موت . نقطة نتهى. وهل العالم لح يستمر وكاني ما مريت فيه كاني ما ولدت
كنت متل يلي اخد ابرة بنج بكل جسمي ، بس بعدني واعية باللي عم يصير . بلا شعور حقيقي بلا اي احساس
كنت عم أمشي واطلع ع العالم يا ترى عم يحسو فيني؟ عم يحسو باوجاعي؟ بعرفو شو في بقلبي؟
ما بكيت مريت بشوارع ما بعرفا وما بكيت كنت لساتني مخدرة ومبللة تماما ما كان بدي ارجع ع المشفى بس رجلي اخدتني ع البيت حسيت حالي بهديك اللحظة عم موت ببطئ نزلت اول دمعة من عيوني .
دمعة وحدة.
بعدين نزلو كلهم وقفت بحديقة مليانة عالم ما كان في مقعد ارتاح فيو نتبهت لشب اشرلي مشان اقعد مكانو ما بتذكر اذا شكرتو بس دموعي كان عم تنزل بصمت
عطاني محارم اخدتها وسمعت صوتي عم يشكرو بقيت قاعدة لفترة وبعدين حاولت قوي حالي وقفت لاطلع
كانت الاوجاع بقلبي كبيرة كنت عم حس بوجع بجسمي بس كان عم يتجاوز جسمي وعم يخترق روحي ما بتذكر كتير من مشاعري يمكن كنت بلا مشاعر أصلا يمكن هل نوع من الامراض بيقضي على المشاعر حتى
وصلت للمشفى بوقت متأخرة ركضت عليي عبير ودخلتني للغرفة
بليلتها كنت بتمنى لو فيني اخد حبة منوم لا حبتين او حتى تلاتة ونام لعشر ساعات كاملين بس كان لازم وجه السؤال لحالي يلي وجهتو لدكتور : شو لازم اعمل هلق؟
غمضت عيوني . بتوقع اني نمت. ما عم اتذكر شي بس بتذكر اني حسيت على الاقل انو معد يستمر العذاب كتير
نمت.
فتحت عيوني كنت عم اتمنى لو كان كلشي صار مبارح كابوس .
كابوس وبس .
