#ألْفُ_عَآمّ_من_الْـعـشق 💑
#الجزء_الحادي_عشر_والاخير
@rwayate
تحرك أمجد من مكانو .. اتصل مع المحامي وطلب منو الصبح يلتقي فيه بمركز الشرطة ..
كل الطريق كان مشوش .. حاسس حالو مخنوق .. صورة مرح ما عم تغيب عن عيونو .. صوتها .. وطلبها منو انو يضل معها .. احساس قاتل بالذنب ..

مع طلوع الضو كان امجد عم يجهز حالو ليطلع ... قبل ما ينزل فات على غرفة زينة .. فتح خزانتها و سحب فستان كان يحبو كتير عليها ..
تأملو شوي .. رجعو لمكانو وطلع ...

بمركز الشرطة دفع أمجد كفالة أبو فراس ونص الديون الي عليه ... ترك المحامي يستكمل الأوراق القانونية .. قبل ما يطلع رجع قرب من المحامي وقلو ( وقول لابو فراس بس يوصل على بيتو بيلاقي ولادو بانتظارو )

المحامي : استاز امجد خليك وانت بتقلو هاد الحكي

أمجد : لأ .. عندي شغل مهم ..

طلع مباشرة على مأوى العجزة .. سأل عن أبو محمد ودلوه عليه .. كان متمدد بغرفتو متل كل يوم ..

أمجد : صباح الخير ..

الصوت صحى أبو محمد ... غرز بصدرو سكين .. انوجع كتير .. صار يأن ويتوجع ..

قرب امجد ومسك ايدو : كيفك ؟

أبو محمد :ليش .. ليش .. ليش ..

كان عم يبكي متل الطفل ... دار امجد وشو للجهة التانيه ... كان في داخلو معركة .. وجع قوي .. حقيقه عم يحاول يكزبها انو الرجال الي رباه وكبرو كان غرضو يضغط على امو فيه
كان هدفو يمسك امو من الأيد الي بتوجعها ما كان هدفو يوقف جنبو ..

تنهد أمجد وسألو ( انت قتلت ابي مزبوط ؟ .. )

أبو محمد ( بدي شوف ابني )

حكى الكلمات بصعوبة ... قدر امجد يفهمن .. ويرجع كرر السؤال بس بلهجة أقوى ( سألت

ك .. انت قتلتو ؟ ما معي دليل .. ما في شي بيثبتلي إلا احساس قوي جوا
احساسي عم يحرق كل حبي الك ... قلي اي ... ااثبتلي انو كل قيمك ومبادئك الي علمتني ياها حقيقية واعترف ... قلي الحقيقه وبوعدك .. ما رح اعمل شي
وهالمرة رح جيبلك ابنك ... وبعد ساعات قليله رح يكون قدامك .. انا ما بدي غير الحقيقه .. بدي تعترف .. بدي تقولها وتريحني .. انت قتلتو ؟ )

تمتم أبو محمد بحكي غير مفهوم .. قرب امجد منو اكتر ...

أبو محمد ( انا .. انا .. )

شد امجد على قبضة ايدو .. غمض عيونو بقوة .. ما بيعرف كيف رح يتحمل يسمع هالكلمة ..

أبو محمد ( ما قتلتو .. انا بحب وفاء .. بس ما قتلتو .. اقسم بالله ... ما .. قتلتو )

نزلت دمعة من طرف عين امجد .. ارتخت ايدو وابتسم .. ( اكيد ؟ )

أبو محمد ( أكيد .. خليني .. شوف .. ابني .. )

فرحة غريبه انعشت روحو ... اخد نفس طويل كأنو كان مكتوم على صدرو .. عمل اتصال صغير ( بعتلك العنوان .. دقايق وبتكون عندي .. )

رجع تطلع على ابو محمد ... تأمل ملامحو ... تزكر ايامو معو ... كل شي علمو ياه .. وكل شي قدملو ياه .. يمكن الشر بيجرح .. بس الخير بيدوم ..
يمكن الشر بيغذي الروح عالحقد ... بس الخير بيربي الروح عالوفا ..

طلع من غرفة ابو محمد ولقى محمد بوشو ..

محمد بلهفة ( ليش ابي هون ؟ )

حط امجد ايدو على كتفو ( شوف يا محمد ... رب العالمين عادل بالسماء و بالأرض ... ابوك هون بسبب عدالة رب العالمين )

ملامح محمد كانت كلها حيرة ... في بقلبو الف سؤال وما عم يقدر يسأل .. نزل عيونو وسأل ( وانا ليش هون !! ليش انا انحرم من ابي كل هالسنين ! )

ابتسم امجد ( كمان بسبب عدالة رب العالمين .. بس تطلع من هون بتحكي مع المحامي تبعي .. رح يحولك كل املاك ابوك الي باسمي .. وابوك بتنقلو على افضل متشفى
إذا لزم الأمر سافر فيه للعلاج .. وانا بتكفل بالمصاريف .. )

علامات الدهشة طغت على وش محمد ... طبطب عليه امجد .. مشي من جنبو وهمس ( سامحني .. بس كلنا خضعنا لعدالة رب العالمن .. )

______________________________________

جولي : يا خانوم ... لايمت بدك تضلي هيك معنده ؟ حرام الي عم تعملي بحالك وبامجد بيك

زينة بحيرة والم : ما بعرف .. اشتئتلو كتير ..

قعدت جنبها ومسكت ايديها وهي عم تبتسم : طيب روحي لعندو يلا

زينة :ما فيني .. لازم اتاكد انو بحبني ..

حطت ايدها على بطنها وكملت ( و اتاكد انو رح يحب بنتي كمان )

حطت جولي ايديها على خدها بفرح : معك بنت ؟

زينة : ايه هيك قالتلي الدكتورة ..

عانقتها جولي : الف الف مبروك

_____________________________________

تاني نهار بعد ما تاكد امجد انو ابو فراس صار ببيتو مع اولادو .. وتاكد انو الأوراق الرسمية اكتملت و املاك محمد رجعتلو .. فات لعند اختو ريم ..
قعد معا وفهما انو ابنها رح يروح يومين بالأسبوع زيارة لعند ابوه ..
كان ايمن عم يسمع الحكي ومبسوط كتير .. بصعوبة قدرو يفهمو ريم وياكدولها انو ايمن رح يرجعلها وما حدا بياخدو منها ..
بعد ما حسها هديت واستوعبت باسها على جبينها .. تركها مع ابنها .. مسكو ايمن من ايدو وبعيون كلهن حب و احترام ( شكراً كتير خالي )
ابتسم امجد وطلع من الغرفة .. كانت هيا واقفه عالباب عم تسمع الحديث وفي بعيونها دموع ...

كمل امجد طريقو .. لحقتو هيا و وق

#ضحية_الحاضر_والماضي
#بقلم_مريم_اليوسف

#الجزء_الحادي_عشر_والاخير

راحت اية ع بيت اهلو لاحمد ..وحست انو انو البيت معجوق
فاتت وكانت العيلة مجتمعة كلا واحمد كان واصل هو ومرتو
اية : الحمد لله عسلامتكن .. والف الف مبروك بالرفاه والبنين
احمد : الله يسلمك .. والله يبارك بعمرك وعقبالك
اية : شكرا
ميس : الله يبارك فيكي وعقبالك حبيبتي
اية : تسلمي كلك زووق
اية : يهنيكي السلامة ماما فردوس
فردوس : الله يسلمك ياحبيبتي .
قعدت معون حست حالا قريبة وغريبة بنفس الوقت .. يعني هنن لهلأ مابيعرفو انها بنتون وبتضل غريبة حست حالا بدا تبكي بس حبست دموعا وقامت
اية : مابدي انزع عليكن فرحتكن .. رح خليكن مبسوطين بين بعضكن
احمد : شو هالحكي هاد ما انت منا وفينا صرتي
اية : لا انا غريبة ورح ضل غريبة
فردوس : لا تحكي هيك .. والله الله بيشهد انو بحبك متل احمد واكتر
اية : وانا كمان حبيتك متل امي بالظبط .. بس خليني انسحب بكون افضل مشان تاخدو راحتكن
توفيق : شو في بيناتنا اسرار اقعدي بنتي اقعدي
اية : خلوني روح بكون مرتاحة اكتر
عبد الرزاق : خلوها ع راحتا .. بدا تروح تروح
توفيق : ماشي بنتي روحي الله معك
طلعت وحست غصة كبيرة بقلبا .. انو هية كانت لازم تكون معون وتفرح معون واسما ع اسمون ..
ركبت تاكسي وكانت عطول تضل منتبهة من شوفيرية التاكسي لانو تفكر انو عبد الرزاق متفق معون .. طلبت منو تنزل بحديقة عامة .. نزلت وصارت تتمشي .. كانت الحديقة مليانة ناس وولاد .. بدا تقعد بمكان مكدا يشوفا .. شافت شجرة .. راحت قعدت عند جزعا حطت جزدانا بحضنا وضمت رجليها وصارت تبكي بصمت لانو يلي بقلبا ماعم تعرف تعبرو غير بالبكي ..
.........................
احمد : ماما شبا اية حسيتا مو على بعضا
فردوس : مابعرف وانا كمان عطول بلاقيها صافنة والدمعة بعينا .. وعم تتصرف معنا بغرابة
احمد : كيف يعني
فردوس : حاسستا كتير متغيرة معنا وعم تحب تضل هون اكتر وقت
احمد : رح شوفا واحكي معا .. بس ماما انا معد فيني اقنعا تضل هون اكتر هية اذا بدا تضل تضل .. لانو بكفيها يلي صابا من وراي
فردوس غصت وقالت : طيب يلي بريحا خليها تعملو
عبد الرزاق : بكون احسن .. يعني انا لهلأ ماعم تدخل على عقلي وحدة غريبة شو عم تعمل عنا بالبيت مانا لاخادمة ولا ممرضة
كلون انقهرو منو
فردوس : انا بدي اياها .. بعدين ماعم تعمل شي البنت عم تقعد معنا ساعة او ساعتين وبتروح على بيتا
عبد الرزاق : يعني ماعندا اهل يخافو عليها ويسألوها وين عم تروح ويين عم تجي
فردوس : طبعا عندا اهل وبخافو عليها .. بس هية عم تجي كرمالي مشان صحتي .. وهية ماخبرت اهلا انو عم تجي لهون لانو اكيد مارح يخلوها تجي ع بيت ناس غرب
عبد الرزاق : وانتي عاملة حالك صغيرة بدك وحدة تسليكي
فردوس : مابكفي انحرمت من بنتي وهية بعز صباها قليل علي اذا قعدت مع شبيهتا ساعة باليوم .
توفيق : بابا مافيها شي واية كتير حبابة وقلبا طيب وماشفنا منها شي
عبد الرزاق : اي متل مابدكن عملو ..انا شو جاييني .
تركون وقام
ميس هزت براسا لاحمد انو شوفي
احمد مسكلا ايدا بطمانينة
احمد : نحنا طالعين نرتاح شوي لانو تعبانين من الطيارة
فردوس : اي حبيبي قومو ارتاحو .. وانا بعد شوي بفيقكن مشان نتغدا سوا .
سحب ميس من ايدا وطلعو على غرفتون
سكر الباب وقال : شو حبيبتي حلوة غرفتنا
ميس ؛ اي كتير حلوة متل صاحبا
احمد : وصاحبتا كمان
ميس : شو قصة اية
احمد : قصة طويلة ببقا بحكيلك اياها
ميس : احكيلي اياها هلأ
احمد : لا هلأ مشغول
ميس : مشغول ؟؟ مشغول بشو
احمد : ليش انا عندي شغلة وعملة غيرك هالايام
ميس : احمد تلملم .. وروح خدلك شاور مشان ترخي اعصابك وترتاح
احمد : ههههه ماحزرتي
ميس بنبرة تهديد : احمددد
احمد : ميسس بحبببك
ابتسمت وقربت تعلقت برقبتو وقالت : بموووت فيك
.......................
جمال بشركتو مشغول كتير فاتت لعندو شهد
شهد : شو رجل الاعمال المشهورجمال بيك مانو فاضي يحكينا
جمال: هلا شهود .. والله الشغل لفوق راسي
شهد : الله يعطيك العافية .. بس هيك بتنسانا
جمال: وحياتك مو ناسيك بس انتي شايفة
شهد : ع كل حال انا جاي اعزمك ع الغدا وممنوع ترفض لانو انا بكرا راجعة كمل دراستي
جمال : ليش مستعجلة
شهد : هي صرلي حوالي ٣اشهر .. حاج
جمال: ماقلتلي صار معك ماجستير شو لسه بدك تدرسي
شهد : بدي اخد دكتورا
جمال : الله يوفقك يارب .. طيب بس مهليني خمس دقايق خلص الشغل يلي بين ادي وبنروح
شهد : اوك
خلص جمال شغلو وراح هو وشهد على مطعم مشان يتغدو
قاعدين عم ياكلو
شهد : جمال حاسستك احسن
جمال : من ايو ناحية من ناحية الشغل يعني
شهد : لا بخصوص قلبك
جمال : مبين علي انو منيح
شهد : هيك مبين
جمال : هيك ظاهر الك بس من جوا عم اتقطع .. عم التهى بالشغل عم قول بركي بنسى .. بس عبس حتى عم شوفا بالوراق يلي قدامي ع المكتب
شهد : لهل الدرجة
جمال : واكتر .
شهد : طيب ارجاع حاول معا
جمال : هية مبسوطة هيك ..