#الرئيس : صرت شبل متمرد قادر يعيش لحاله بالغابة بدون زعيم...
#تيم (رفع حاجب و نزل حاجب): نعم!!!
#الرئيس : قدرت تطلع لحالك من السجن بدون مساعدتي
#تيم (بشك) : وين المشكلة.. ما فهمت!!
#الرئيس : رح تفهم ابني رح تفهم... بس مو هلا بعدين
#تيم : لا تقلي ابني... ليش اجيت لهون.. شو بدك؟؟؟
#الرئيس (عم يكح): هههههههه... بدي هنيك بسلامتك طبعا..
#تيم (((بعقله))): "كذاااااب.... انت ما بتيجي الا لمصلحة"
#الرئيس : خلص روح ارتاح هلا وبكرة بنحكي...

مشي تيم بدون ما يحكي أي كلمة ... طرق الباب وراه بقوة .. دخل على غرفته اللي هي مشتركة مع غرفة جاد.. تمدد على تخته و بايده كتاب عم يقرا..
#تيم (عيونه بالكتاب) : لساتك صاحي؟؟؟
#جاد (معطيه ظهره): أي مو جاييني نوم.. شو بدو منك ؟؟
#تيم : علاك مصدي .. كالعادة
#جاد : هههههههه ما بظن..
#تيم : شو قصدك
#جاد : بكرة بنشوف.. ((نط من محله ..تربع و هو قاعد على التخت)) تييم
#تيم : بسم الله .. شو بدك
#جاد : قلي بالتفصيل كيف عملت هيك خطة..
#تيم : هوهو بدي ضل عيد انا ...((((لف وجهه و سكر كتابه و نام)))
#جاد ((حط ايده على وجهه بملل)): انا بفرجيك سيد تيم

تاني يوم الصبح الكل كان واقف بصف منتظم و الرئيس قدامهن...قليل ما يجتمع فيهن.. بس الكل مجهز حاله لمصيبة و عم يستنوا شو بده يقول
#الرئيس : سمعت انكن متحسنين و عم تعملوا المهمات المطلوبة منكن ... و انا جمعتكن اليوم حتى قلكن انو تيم عمل مهمته بدون مساعدة من أي حد.. و صار قادر يكون زعيم العصابة لهيك.. اح اح.. تفضل سيد تيم و اختار رجال لحتى يكونوا تحت إمرتك.. هي مكافئة بسيطة إلك.. بس ما يزيدوا عن عشر رجال
#تيم : (قال بهمس)اخيراا... "جاد, سليمان, مراد, علي, سامر, و أسير " هدول الرجال اللي بدي اياهم..
#الرئيس (غص بالحكي) : ت.. تمام .. من اليوم تيم هو زعيمكم و بتنفذوا أوامره .. مهماتكن رح تكون من عنده.. مفهوم
#الرجال : مفهووووم
#الرئيس : تيم الحقني

مشي الرئيس و تيم لحقه.....
#الرئيس :اخدت كل الرجال الكفوء
#تيم : بظن انو حضرتك خليتني اختار اللي بدي اياه.. بتتراجع بكلامك سيد ادوارد
#ادوارد : و مين قلك رح اتراجع؟؟؟
#تيم : (سند ايديه على المكتب) بدي مقر الي و لرجالي
#ادوارد : إي تكرم سيد تيم.. هلا بخلي واحد من الشباب يبعتك على بيت الغابة
#تيم (ابتسم بتعالي): تمام

أمر ادوارد واحد من الشباب ياخد تيم و رجاله على بيت الغابة و تيم أصر يروح بالباص الخاص بادوارد بالاول ما وافق بس تيم احرجه قدام رجاله و انه أعطى كلمته .... وصلهم الشب على بيت صغير على قدهم... نزلوا من الباص و بسرعة تيم طلع سلاحه و جهه على الشب اللي وصلهم
تيم : انزل ولا.. و اتروك الباص هون

خاف الشب و نزل من الباص و ايديه فوق راسه .. التفت على تيم و بعدين هرب بسرعة.. اخذ تيم نظرة سريعة للبيت مبين عليه موحش و مو خرج الواحد يسكن فيه .. فتح الباب كله غبرة و تراب .. نفض ايديه و هو قرفان .. دخلوا على البيت و جاد شغّل الاضوية .. البيت كله غبرة و الأثاث مغطى بقماش ابيض
#تيم (بهمس) : ادورد الحقير.. لك شو هاد القرف اللي باعتني عليه..
#جاد : العمى شو هاد!!!
#تيم (التفت عليهم) : اسمعوني شباب..من اليوم نحن منفصلين عن ادورد الوسخ..
#سامر : لعيونك.. بس ليش؟؟
#تيم : بعدين بفهمكم.. هلا لازم نعمل حملة تنظيف.. انا ما بقعد و المكان هيك
صرخوا كلهم بصوت واحد: نعععععممممم!!!!!!!!!!!
#تيم (مسح شعره) : اووف .. انا الحق علي... (صرخ) اتحركوااااا.. هي مهمة يلااااا

استسلموا و كل واحد بلش يدور على شي ينظف فيه.. جابوا سطولة مي قديمة و قشاطات و مماسح اخدوهم من تيابهم القديمة.. لما شافهن تيم حبس الضحكة .. و رفع كمامة ليساعدهن .. شي عم يمسح الحيطان و واحد معلق على السلم عم ينظف الاضواء.. و مي مغطية الارض .. بقيوا عم ينظفوا حوالي 5 ساعات متواصلة .. خلصوا اغلب البيت و بقي كم شغلة بسيطة .. قعدوا كلهم بتعب على الارض
#تيم : يعطيكم العافية.. فيكن ترتاحوا اليوم و بكرة بنكمل.. رح اطلبلكم اكل هلا
#جاد (بتعب) : إي إي .. بتعمل معروف

تاني يوم فاق تيم بكير و جاب الأغراض اللازمة لحتى يكملوا بيتهم الصغير..
#جاد (عم يتثاوب) : لك شو مفيقك بكير.. (حط ايده على راسه) ااااخ لك شو هاد اللي جايبه؟؟؟
#تيم : خلص لا تنق فوق راسي.. شوية دهان و زجاج للشبابيك.. و هاد فطور
#جاد : إي هاد الحكي الصح ^.^
#تيم : ما بتفكر غير ببطنك.. و يا ريته مبين
فاقوا كلهن و بلشوا شغل بعد الفطور.. دهنوا البواب و سور الحديقة.. ركبوا الشبابيك و صلحوا الاشياء الخربانة... و على ال 5 المسا كل شي كان جاهز

#الضابط : هاد يا سيدي محقق عمره بالاربعين معه الجنسية البريطانية... اللي بعرفه انه درس و ربي في بريطانيا و كان يشتغل هناك بعدين قرر يرجع على البلد.. صرله سنه راجع
#اللواء : قلتلي ببريطانيا.... طيب بتعرف اذا كان في حدا معه في غرفة التحقيق ؟؟؟؟ و كم عددهم؟؟

#الضابط : ممممم.. سألت عن هي التفاصيل.. و قالولي انه بنته كانت بغرفة التحقيق المخفية عم تسمع و بس.. ما تواجهت مع المجرم
#اللواء : شووو؟؟ بنته ؟؟؟؟ و ليش بنته تكون هناك اصلا؟؟
#الضابط : كمان سألت و خبروني انها عم تدرس متل ابوها... و كانت عم تعمل مشروع للجامعة
#اللواء : إي... مع انه ما دخلت براسي بس رح مشيها.. روح انت و كمل شغلك بتعمموا على اسمائهن بكل المخافر بدي لاقيهن... مفهوم
#الضابط : عُلم (اعطى التحية و بدوا يطلع)
#اللواء : سليم
#الضابط سليم : نعم سيدي
#اللواء : بس تلتقي مع هاد المحقق... قله يمر لعندي
#الضابط : امرك سيدي
________________________________________________________

#المحقق عماد: خود اشرب مي
#تيم : ((شربها مرة وحدة)) شكرا
#المحقق عماد: العفو... المهم لما اخدك الزلمة وين رحت؟؟

ركبت مع الزلمة بالسيارة و غمضلي عيوني ... بس انا كنت مركز بحركة السيارة يمين شمال و بعدين طريق مستقيم طويل كتييير... لوقت ما غلبني النعس و نمت.. لما فقت كنت بغرفة صغيرة لوهلة حسيت حالي لسا بالميتم بس صوت خشن صحاني من غفلتي
#الزلمة : قوم ولا لسا نايم.. بدك تقابل الرئيس
مشيت معه متل ما بدو الصراخ او الهرب هدول الخيارين ما عادوا موجودين.... الحل الوحيد هو الاستسلام للامر الواقع... دخلنا على غرفة الرئيس رجال كبير و شكله رح يخوف أي طفل بس انا خلص تعودت على هالاشكال

#الرئيس ادوارد: منيح كتير جورج... هالولد شكله اجرامي...حطه بمجموعة سليمان
#جورج : ليش سيد ادوارد!!! خليه مع مجموعة رامي احسن
#ادوارد : عم قلك خليه مع سليمان بدون نقاش

كانوا عم يتناقشوا مع مين بدي روح... بالنهاية اتفقوا اني روح مع واحد اسمه سليمان.. شب اكبر مني بكتير.. ما كنت لحالي كان معي كم ولد بعمري .. علمنا كيف نكون مجرمين سرقة , تهريب ناس من السجن , تهكير المواقع البنكية... بالنسبة الي ما علمني غير هدول اما القصص الخطيرة ما كان يدخلني فيهن.. بقيت معه 5 سنين

#تيم : سليمان خدني معك اليوم
#سليمان : لا.. مستحيل كم مرة بدي قلك
#تيم : طيب خليني اتعلم شغلك
#سليمان : لا تضل تنق فوق راسي.... قلتلك لا يعني لا... انتهى النقاش

استسلمت و ما عاد طلبت إني روح معه لانه ما شفته بعد هداك اليوم... طول ال5 سنوات و انا تحت رعاية سليمان كنت دور على جاد او امجد بس عبث ما لقيتهم... انتقلت رعايتي لشخص تاني كان قاسي كتير ما بتذكر اسمه ... بس وقتها سمعت من واحد بمجموعته انه جاد عم يشتغل مع رامي ... ارتحت كتير لانه عايش اما امجد ما عرفت عنه شي

#تيم (ببرود) : و لما صار الرئيس يعتمد علي و صرت بعمر يأهلني كون زعيم و أول مهمة إلي مع جاد.. انمسكت بعملية تهكير و طبعا الفضل إلك
#المحقق عماد (ابتسم) : ههههه واجبي... انت بعمر يدخلك جامعة مو زعيم
#تيم (ابتسم جنابي) : هه جامعة!! شو عم تقول انت!
#المحقق عماد (تنهد) : الله المستعان.... المهم لسا انا عند كلامي رح ساعدك... بس انتظرني شوي

طلع المحقق من عند تيم و توجه لعند بنته بالغرفة التانية....
#المحقق عماد: بظن هيك بكفي لمشروعك
#شهد : شكرا كتير بابا.. بس فيني اقترح عليك شي؟؟؟
#عماد ( بغضب) : لا شكرا..و هي القصة بالذات لا تددخلي فيها (تابع مشيه ) روحي على البيت
#شهد (قامت من مكانها و وقفت بوجهه) : بابا اسمعني... اذا ما عجبك اقتراحي بحمل حالي و بمشي فورا
#عماد ( تنهد و حط ايديه بجيبه) : عم اسمعك
#شهد ( ابتسمت بفرح) :.........
*يْـــتٌـــبّـــعُ.......*