#القـــــــــــــــــــلادة
@rwayate
#الجزء_السابع
/في بيت هند/
حمزة : يا اختي شو صار معك ساعة لتلبسي .. ( اندق الباب ) مين بدو يجينا هلأ ( فتح الباب وطلعت بوشو حبيبة )
حبيبة : السلام عليكم
حمزة : وعليكم السلام ورحمة الله .. وينك لهلأ شغلتي بالنا
حبيبة : بالصيدلية .. لا تخافو عليي ( كملت طريقها لجوا البيت)
حمزة : حبيبة !!
حبيبة : ( فتلت لعندو ) نعم ؟
حمزة : ( صفن بعيونها صفنة طويلة .. اديش صار في بعيونك تعب ياحبيبة .. فكرت لح ارتاح بس احكي .. تعبت اضعاف تعبي الاول .. ياريت هالتعب الي ولا الك ياريت اخدك من الدنيا وحطك بقلبي وماخلي شي يدايئك .. لو زوجتك لـ إلياس كان اهون عليي . بيبقى التعب الي ولا يصيبك هم ..) آسف
حبيبة : ولا يهمك لا تعتذر ماعملت غير الصح أنت بالنهاية انتو اهلي شو ماصار وعندي ياكن بالدنيا
حمزة : بس ماقصدي مشان اني خبرتك .. بس والله أنا ... ( قاطعتو) كمان ولا يهمك .. انت خير سند كنت الي بهالحياة وفضلك مابنساه لموت
حمزة : ولح ابقى جنبك شو ما طلبتي
حبيبة : الله يقدرني ريحك وردلك جمايلك
حمزة : ما إلي عليكي شي بس تكوني مبسوطة انا بكون مالك الدنيا .. عن اذنك .. شوفي امك قلبها ع نار ( دار ضهرو ليمشي )
حبيبة : ستنى شوي .. فوت خلينا نحكي مع امي
حمزة : بس ...
حبيبة : مابدها بس .. عادي واقع وضعنا ولازم نتفاهم فيه
حمزة : طيب فوتي .. يا اختي تعالي اجت حبيبة
هند ( اجت بسرعة .. وعانقت حبيبة .. ) وين كنتي ياعمري والله فرط قلبي عليكي
حبيبة : ( بوستلا ايديها) آسفة امي سامحيني بس كان لازم اقعد لحالي كنت بالصيدلية
هند : شو بدك تعملي ؟؟ لح تتمي عندي مافيني بدونك انا
حبيبة : فوتي لنحكي امي ( فاتو قعدو بالصالون هنن التلاتة )
حبيبة : أنا قررت ابقى هون اذا بتستقبلوني لأنو مالي مكان روح عليه.. لبين مايصير عرسي .. واسفة اذا عم تقل عليكن وانتو اهلي وعندي ياكن بالدنيا
هند : شو هالحكي لك امي .. انتي بنتي شو ماصار بتبقي بنتي .. روحي الك انا
( عانقتها حبيبة ) الله لايحرمني منك يا عيوني انتي والله انتي ست الكل واحلى ام بالكون
حبيبة : وبالنسبة لخالو .. مابعرف اذا بتزبط ناديلك هيك .. بس يمكن مو زابطة ..
حمزة : لا تكملي .. انا قاعد بشقتي ويلي بتريدو بيحضر وقوليلي يلي بدك ياه شلون مابدك ناديني .. خالو .. حمزة .. يلي بتحبي
حبيبة : طيب خلي حمزة مشان ما دايئك .. واسفة اذا لح ائسرك مانك مضطر تقعد لحالك مشاني ..
حمزة : لا حبيبة انتي سعادتك بتكفينا وراحتك بالدنيا نحن بس بدنا تكوني مرتاحة .. وانا هيك مرتاح كتير
حبيبة : الله يخليلي ياك والله عندي غلاوتك بالدنيا ( سكتت شوي وفكرت بكلامها .. " لك جدبة انا ماعاد خالي .. حرام دايئو بهيك كلام .. ياريت هالهم الي ولا إلك " )
حمزة : بستأذن انا بدي امشي .. تصبحو ع خير
ــــــــــــــــــــــــــــــــــــــــــــــــــــــــــــــــــــــ
( تاني يوم كانت حبيبة بوقت دوامها وراحو ياسين واهلو )
هند : أهلا وسهلا
ياسين : يعطيكِ العافية .. أنا ياسين يلي بتشتغل معي حبيبة بالصيدلية .. وهي والدتي وأختي
هند : تفضلوا أهلا وسهلا
........ (فاتوا وقعدو بالصالون )
ياسين : نحن جايينك بموضوع حاسس شوي وبيخص حبيبة
هند : حبيبة !!! خير يا ابني شبها
ياسين : بصراحة ... صعبة والله .. بس
هند : شوفي يا ابني لا تفورلي قلبي الله يرضى عليك
أم ياسين : أنا بحكي .. اختي هي السلسلة ( مسكت القلادة بإيدها وصارت ترجف ) مشان الله ريحيني وقوليلي هي... ( قاطعها ياسين) امي روقي خلص لح احكي
هند : شبها هي السلسلة ؟!! شو وصلها لعندكن !!!
ياسين : بصراحة مبارح هي السلسة شفتا مع حبيبة مقطوعة وطلبت مني صلحلا ياها .. ونحن عنا أخت مفقودة من 20 سنة وكان عندا نفس القلادة بقى حبيبة بنتك ؟ انتو جايبينلا هالقلادة ؟
أم ياسين : ( ترجف وتبكي) اي والله لبنتي هالقلادة انا متأكدة .. قوليلي مشان الله ريحيني .. حبيبة بنتكن ؟؟
هند : شو عم تحكو أنتو ؟؟ لا مافيني اقطع بشي ليجي أخي
ياسين : طيب بس ريحينا لنفهم .. بنتك ولا لأ
هند : أنا شلون بدي اتأكد انكن ماعم تكذبوا ؟
ياسين : هيك بلشنا نتفاهم .. بورجيكي صورها هية وصغيرة بالقلادة نفسها ..
هند : لحظة لحاكي أخي يجي ....
...........
هند : اي اخي .. متل ماعم قلك .. يلا تعال بسرعة .. الله معك
.... قال عشر دقايق وبيكون هون .. عيادتو قريبة .. ورجيني الصور
(وبلش ياسين يفتح الصور ويقلب فيهن وهند تتفرج وأم ياسين قلبها ع نار ومو حسنانة تخفف توترها)
ياسين : شوفي وقت ساوينالا ياها اول يوم .. كان عمرها شهر ... وهي بعد شي تمن شهور .. كانت عم تبلش توقف وتمشي والقلادة برقبتها .. وهي القلادة لحالا .. وهي يوم ضاعت ..
هند : لك مزبوط .. هي هية وبنفس الفستان جبناها
@rwayate
#الجزء_السابع
/في بيت هند/
حمزة : يا اختي شو صار معك ساعة لتلبسي .. ( اندق الباب ) مين بدو يجينا هلأ ( فتح الباب وطلعت بوشو حبيبة )
حبيبة : السلام عليكم
حمزة : وعليكم السلام ورحمة الله .. وينك لهلأ شغلتي بالنا
حبيبة : بالصيدلية .. لا تخافو عليي ( كملت طريقها لجوا البيت)
حمزة : حبيبة !!
حبيبة : ( فتلت لعندو ) نعم ؟
حمزة : ( صفن بعيونها صفنة طويلة .. اديش صار في بعيونك تعب ياحبيبة .. فكرت لح ارتاح بس احكي .. تعبت اضعاف تعبي الاول .. ياريت هالتعب الي ولا الك ياريت اخدك من الدنيا وحطك بقلبي وماخلي شي يدايئك .. لو زوجتك لـ إلياس كان اهون عليي . بيبقى التعب الي ولا يصيبك هم ..) آسف
حبيبة : ولا يهمك لا تعتذر ماعملت غير الصح أنت بالنهاية انتو اهلي شو ماصار وعندي ياكن بالدنيا
حمزة : بس ماقصدي مشان اني خبرتك .. بس والله أنا ... ( قاطعتو) كمان ولا يهمك .. انت خير سند كنت الي بهالحياة وفضلك مابنساه لموت
حمزة : ولح ابقى جنبك شو ما طلبتي
حبيبة : الله يقدرني ريحك وردلك جمايلك
حمزة : ما إلي عليكي شي بس تكوني مبسوطة انا بكون مالك الدنيا .. عن اذنك .. شوفي امك قلبها ع نار ( دار ضهرو ليمشي )
حبيبة : ستنى شوي .. فوت خلينا نحكي مع امي
حمزة : بس ...
حبيبة : مابدها بس .. عادي واقع وضعنا ولازم نتفاهم فيه
حمزة : طيب فوتي .. يا اختي تعالي اجت حبيبة
هند ( اجت بسرعة .. وعانقت حبيبة .. ) وين كنتي ياعمري والله فرط قلبي عليكي
حبيبة : ( بوستلا ايديها) آسفة امي سامحيني بس كان لازم اقعد لحالي كنت بالصيدلية
هند : شو بدك تعملي ؟؟ لح تتمي عندي مافيني بدونك انا
حبيبة : فوتي لنحكي امي ( فاتو قعدو بالصالون هنن التلاتة )
حبيبة : أنا قررت ابقى هون اذا بتستقبلوني لأنو مالي مكان روح عليه.. لبين مايصير عرسي .. واسفة اذا عم تقل عليكن وانتو اهلي وعندي ياكن بالدنيا
هند : شو هالحكي لك امي .. انتي بنتي شو ماصار بتبقي بنتي .. روحي الك انا
( عانقتها حبيبة ) الله لايحرمني منك يا عيوني انتي والله انتي ست الكل واحلى ام بالكون
حبيبة : وبالنسبة لخالو .. مابعرف اذا بتزبط ناديلك هيك .. بس يمكن مو زابطة ..
حمزة : لا تكملي .. انا قاعد بشقتي ويلي بتريدو بيحضر وقوليلي يلي بدك ياه شلون مابدك ناديني .. خالو .. حمزة .. يلي بتحبي
حبيبة : طيب خلي حمزة مشان ما دايئك .. واسفة اذا لح ائسرك مانك مضطر تقعد لحالك مشاني ..
حمزة : لا حبيبة انتي سعادتك بتكفينا وراحتك بالدنيا نحن بس بدنا تكوني مرتاحة .. وانا هيك مرتاح كتير
حبيبة : الله يخليلي ياك والله عندي غلاوتك بالدنيا ( سكتت شوي وفكرت بكلامها .. " لك جدبة انا ماعاد خالي .. حرام دايئو بهيك كلام .. ياريت هالهم الي ولا إلك " )
حمزة : بستأذن انا بدي امشي .. تصبحو ع خير
ــــــــــــــــــــــــــــــــــــــــــــــــــــــــــــــــــــــ
( تاني يوم كانت حبيبة بوقت دوامها وراحو ياسين واهلو )
هند : أهلا وسهلا
ياسين : يعطيكِ العافية .. أنا ياسين يلي بتشتغل معي حبيبة بالصيدلية .. وهي والدتي وأختي
هند : تفضلوا أهلا وسهلا
........ (فاتوا وقعدو بالصالون )
ياسين : نحن جايينك بموضوع حاسس شوي وبيخص حبيبة
هند : حبيبة !!! خير يا ابني شبها
ياسين : بصراحة ... صعبة والله .. بس
هند : شوفي يا ابني لا تفورلي قلبي الله يرضى عليك
أم ياسين : أنا بحكي .. اختي هي السلسلة ( مسكت القلادة بإيدها وصارت ترجف ) مشان الله ريحيني وقوليلي هي... ( قاطعها ياسين) امي روقي خلص لح احكي
هند : شبها هي السلسلة ؟!! شو وصلها لعندكن !!!
ياسين : بصراحة مبارح هي السلسة شفتا مع حبيبة مقطوعة وطلبت مني صلحلا ياها .. ونحن عنا أخت مفقودة من 20 سنة وكان عندا نفس القلادة بقى حبيبة بنتك ؟ انتو جايبينلا هالقلادة ؟
أم ياسين : ( ترجف وتبكي) اي والله لبنتي هالقلادة انا متأكدة .. قوليلي مشان الله ريحيني .. حبيبة بنتكن ؟؟
هند : شو عم تحكو أنتو ؟؟ لا مافيني اقطع بشي ليجي أخي
ياسين : طيب بس ريحينا لنفهم .. بنتك ولا لأ
هند : أنا شلون بدي اتأكد انكن ماعم تكذبوا ؟
ياسين : هيك بلشنا نتفاهم .. بورجيكي صورها هية وصغيرة بالقلادة نفسها ..
هند : لحظة لحاكي أخي يجي ....
...........
هند : اي اخي .. متل ماعم قلك .. يلا تعال بسرعة .. الله معك
.... قال عشر دقايق وبيكون هون .. عيادتو قريبة .. ورجيني الصور
(وبلش ياسين يفتح الصور ويقلب فيهن وهند تتفرج وأم ياسين قلبها ع نار ومو حسنانة تخفف توترها)
ياسين : شوفي وقت ساوينالا ياها اول يوم .. كان عمرها شهر ... وهي بعد شي تمن شهور .. كانت عم تبلش توقف وتمشي والقلادة برقبتها .. وهي القلادة لحالا .. وهي يوم ضاعت ..
هند : لك مزبوط .. هي هية وبنفس الفستان جبناها
