و ها .. انا ما بيسمعني الا الحلوااااات

لين : ...... عنجد لا عاد تحكي معي زعلت

جاد : هههههه مجنونة ... لا تزعلي ما في احلى منك يا قلبي عم امزح .. من بين الملايين ما شفت غيرك وما حبيت غيرك ..

لين : اي قلتلي

جاد : حاج تغاري حاج

لين : مو غيرانة انا

جاد : ههههههه تعي ولي ( ضما ) حاج تغاري بحبك يا قلبي .. لك انا بعشقك انتي اكسجيني يلي بتنفسو

لين : هئ غنيلي .. مشان ارضى

جاد : شو بدك غنيلك ؟

لين : سميتك عشقي

جاد : وانتي فعلا .. عشقي بحبك

لين : على فكرة رسمت رسمة رح تعجبك كتيييير

جاد : هاتي لنشوف

لين : شوف ...

جاد : هاد انا .. وربي انك فنانة .. بيجنن رسمك وكلك بتجنني بحبك .. بحبك يا اكسجيني يلي بتنفسو وما بستغني عنو

لين : ( ضمتو واتطلعت بعيونو ) يلا غنيلي

جاد : غني معي اي

لين : ماشي يلا ... لما بشوفك بحبك ولما تبعدي بحبك .. سميتك عشقي وما فيني الا حبك ..

جاد : بتغيبي لحظة بحنلك .. بكل وقت انا بشتقلك .. تبعدي عني تبقي جنبي رح تبقي بقلبي ورح ضل حبك .. وحبك .. وحبك

لين : ( تنهدت ) بحبك كتيييييير

#انــــتـــــهـــــت
(( @rwayate💙✨))

#قدر_فتاة_احلام_دمرتها_الايام

#الجزء_الخامس_والأخير

بس ماانتهت قصتي هون في قصة صارت معي بهل اوقات يلي مريت فيها ورح احكيها بعد جيتي على سوريا بمدة سبع شهور نزلت التلكرام لانو ماكنت منزلتو وبلشت قصة جديده بعد مانزلتو دخلت على قناة وكان فيها فقرة مشان المشاركة حطيت عالمعروف وشاركت كان صاحب الفقرة شب صرنا نحكي من كلمه لكلمه اخدنا وش على بعض وصرنا كل يوم نحكي طبعا هوي كان يبعتلي الشب هوي من الهيئة الاسلامية مجاهد عمرو ٢٠ سنه ضلينا شي شهرين نحكي عادي هون انا ماكنت متطلقه لسه وانا مابحب اكذب بكلامي حكيتلو قصتي وانو بدي اتطلق وكلشي بالتفصيل وبعد هالشهرين بيتغير كلامو معي وكل يومين بقلي بدي قلك شي بقلو احكي بقلي خلص انسي كل يومين يعمل هيك اخر شي قلتلو اشبك لسه كل يومين هيك شو بدك احكي وخلص... بيتجرآ وبقلي انو هوي صاير عم يتعلق فيني وكذا وبعد يومين بيعترفلي انو بحبني بس انا ماكان عقلي بالحب ولا قلبي كان كل همي اخلص من زوجي صرنا نحكي ونتعرف على بعض اكتر وقلتلو انو مافيني حبو بس هوي ضل مصر انو رح يبقى بحبني ورح يخليني حبو وصار هالشي هاد هوي ساكن بإدلب المدينه وانا بالريف انا ماني بعيده عنو يعني ربع ساعه بكون بضيعتي والله بعتو عليها هوي قائد مجموعه اجاه امر يجيب المجموعه ويجي على ضيعتي وبعد فترا طلب يشوفني من بعيد ووافقت طبعا منقبة شافني من بعيد وعرف وين بكون بيتي وصار كل يوم الصبح يمر من قدام بيتي وشوفو ويشوفني بس هون انا حكيت لآمي كلشي وامي صارت تعرف كلشي بالضبط وكانت معي بكل خطوة وصارت تحكي معو وهوي يحكي معاها وبعدين رجع على ادلب وضلينا نحكي مع بعض وخلاني حبو وهوي بحبني كتير »شافني مرة وحده بدون نقاب هلق من كلامو مبين صادق وانا ماصرلي كم يوم مخلصه عدة اهلو للشب ساكنين بريف حلب وهوي بإدلب وعالعيد الكبير يلي مضى اجت امو زيارة لعندو وعلى آساس يجيبا لتتعرف علي بس ماصرلو مجال يجيبا وامو حكيت معي ومع امي واعتذرت مننا بس لانو ماجاب امو ع العيد امي صارت تكرهو وتحقد عليه وقلتلي لابقى تحكي معو هاد واحد كذاب وبدو يتسلى بس ماتركتو. وضلينا نحكي مع بعض بعد مدة اجى حكا معي وقلي انو ابوه مو موافق ابنو يتزوج وحده مطلقه طبعا نسيت خبركن انو هوي وحيد لآهلو انا خبرتو من الاول انو شو رح يكون رآي اهلو بالموضوع يقلي مادخلهن انا يلي رح اتزوج مو هني وانو هوي مابيتخلا عني ومارح يتركني لو شو ماصار بس عند يلي خبرني انو ابوه هيك قال قلتلو انا قلتلك من الاول وهلق جاي تقلي هالحكي ماعاد احكي معو وصرت اتجاهلو يبعتلي مارد يعتذر مني مارد اهنتو بس مااستسلم وضل يبعتلي ولما شفتو هيك ما قدرت ماارجع احكي معو ولسه مابعرف شو رح يكون جواب ابوه وشو رح يكون جواب امي هوي عم يستنى امو لتجي لعندو زيارة بدو يجيبا تشوفني بل اول بعدين بيخطبني ولهلق عم نحكي مع بعض وصرت بحبو كتير وهوي كمان بحبني مابيتركني زعلانه ابدا ودائما بيعتذر مني واحيانا بكون انا الغلطانه بس هوي بيعتذر وبقلي سامحيني ولما مابفتح بجن وكل يوم بيحكي معي ساعه وتنتين وتلاته وما بمل ابدا باع هاتفو واشترى هاتف جديد واجى ليفعل الرقم نفسو طلع محروق اشترى غيرو ورجع بعتلي من رقمو الجديد لو كان كذاب كان رجع بعتلي من رقمو الجديد كان ضل معي كل هالفترا صرلو ٩تسع شهور عم يحكي معي وامي بتقلي كذاب وهوي هلق عم يستنا لتجي امو زيارة لعندو رح يجيبا تشوفني وبعدين رح يخطبني مابعرف شو اعمل مشان هيك حكيتلكن انصحوني بشي انا اتعلقت فيه كتير وخايفه اخسرو وادعولي آمانة دعوة الغريب مستجابة ادعولي اذا هل ابن حلال فيو خير الله يجعلو من نصيبي واذا كان شر الله يبعدو

#انــــتـــــهـــــت

ير وواعي ودارس شريعه
وبعرف الحلال والحرام وكان يعرف بقصة ديما .. و خبر دارين انو جوازها بالمرتين كان غصب عنها وهو كان حاضر العرس
و بيعرف انو بالاجبار تجوزت .. وقلها انو المصاري سرقهن منها جوزها التالت بحجة يجيبكن لعندا .. كانو قايللها
كل التفاصيل قبل العرس .. وهي كتير كانت توثق فيه وفهمت كل شي

زياد : عفواً .. انا رح غير تيابي .. ونام بالغرفه التانيه .. وانتي ودانة وامك نامو بغرفتنا

ديما : لا يا ابني ما بصير

زياد : لا مرت عمي انتو الكن عمر ما اجتمعتو تحت صقف واحد .. سدئيني فرحتي رح تكون اضعاف .. يلا بالإزن

تركهن زياد وهن فاتو على غرفتهن ..
قعدت ديما عالتخت .. و دارين بحضنها و هي عم تلعب بشعراتها وتحكيلها كل شي صار

ودانة كانت بعيدة وعم تسمع وتبكي ..

لوقت ما حكتلهن كل شي صار معا من وقت مات ابوهن لهل لحظة هي .. خلصت حديثها .. وكان عم يأذن الفجر ..

ديما : دانة .. تعي لحضني يا امي ..

دارين : حبيبتي دانة تعي .. امك مو ذنبها والله

#سمو_الملكة

الجزء الثاني عشر ( الاخير)

ركضت دانة وارتمت بحضنك امها .. قامو تلاتتهن صلو سوا .. وبعدها غفيو .. ضلو نايمين للساعه تنتين الضهر

دق زياد عالباب وصحاهن وقال لدارين انو هلأ رح تجي امو والنسوان على الصبحية لهيك خليهن يقومو ويتخبو بالغرفة الجوانية

بالفعل صحتهن وفاتو على غرفه و قفلو الباب
ودارين لبست توب الصبحية وتمكيجت واستقبلت ام زياد و نسوان اعمامها و المباركين .. حطولها الفطور
وقعدو شوي وراحتو

دارين : هلأ طلع امي واختي ؟

زياد : لا تعي بس خليني اخود بوسة بالأول

دارين صار وشها احمر كتير : زياد خلص بعدين

زياد: لك لو تعرفي اديش صعبه اتحمل بعدك عني اكتر

دارين : خلص هس لا تسمع امي واختي .. رح افتحلهن الباب

فطرو معهن .. وبعدين طلعو من عندن و تركو العرسان لحالهن

زياد كان رجال بكل معنى الكلمة .. سند و حقاني وما بخاف من حدا ولا حتى من ابوه
وضعو المادي كان فوق الممتاز لان من وهو صغير كان متعلم صنعة تصليح السيارات وكان معلم
بس ضل يروح على مدرستو وكمل لفات عالجامعة ودرس شريعه وبعرف حق رب العالمين

وقف بوش الكل وطالب بحق مرتو ودانة و امهن

وواجه اخوتها لديما وقلهن انو ديما رح تطلع وترجع تسكن ببيتها .. بيت صفوان الله يرحمو

كبرت المشاكل بس ابو ديما كانت صحتو كتير تعبانه وقلهن خلص .. خلوها تروح

طلعت ديما على بيتها .. الي فيه ريحة حبيبها.. فيه احلى ايام عمرها .. بيتها الي عمرتو بضحكتها ودمعتها

فاتت عليه هي وبناتها .. ورجعو نفضوه ونظفوه و جوز دارين جابلها فرش جديد وكل اللوازم الي بتحتاجهن

بعد فترة رفيق زياد طلب منو يدورلو على عروس .. ودلو على دانة .. وطلبوها رسمي وتجوزت هي كمان

جابت دارين بنت سمعتها هيا .. و ولد خلت امها تسميه لان لسه في بقلب ديما غصة الولد

و المفاجئة كانت لما ديما سمت الولد صفوان ..

و دانة جابت صبي .. و قالت لامها كمان تسميها .. وكمان سمتو صفوان ! والتنتين ما اعترضو لانو كانت ضحكة امهن عندهن بالدنيا

وهيك يا امي خلصت حكاية ستكن .. هلأ فهمتو ليش انا و خالتكن دانة عطول منندهلها سمو الملكة ؟
لانها بعيني وبيعنها ملكة تحملت وصبرت الي ما بيتحملو حدا ..

تطلعت هيا وصفوان ببعضهن

مدت دارين ايدها على شعرات ابنها صفوان : وانت فهمت ليش انت وابن خالتك التنين اسمكن صفوان ؟
لانو ستك هيك بدا .. والي بدها ياه بكون أوامر فهمانين ؟
و ربكن عوضني بابوكن الله يحن عليه و يفتحها بوشو وين ما راح

هيا : لكن لهيك ستي ما رضيت تترك بيتها وتجي تعيش معنا ؟ انا كنت مفكرتها ما بتحبنا

دارين : اوعو تحكو هيك .. الكل ظلمها لستكن حتى انا ... و هلأ بدنا نعوضها عن كل شي صار نسعدها فهمانين يا صيصان؟

صفوان : حاضر يا اميرة

دارين : اميرة ؟

هيا ضحكت : ايه ماما .. مو ستي ملكة . ؟ وانتي بنتها ؟ معناتها انتي اميرة ..

دارين : هههههههههههههه انتو ازكياء متل ابوكن

صفوان : ستي اجت ستي اجت هيييييييييي هييييييييييييي اجت الملكة اجت الملكة

هيا : ياااااااااي .. اجت ستي الحلووووة

ركضو عليها وضموها هي كانت عم تتعكز على عصاية خشب

مسحت دارين دمعتها : الله يقدرني يا امي و اقدر عوضك عن جزء بسيط من الي عشتيه يا تاج راسي انتي
يا احلى واعظم و اهم ملكة رح يعرفها التاريخ .. انتي ملكة قلبي وعيوني

ديما : دارررين ليش ولادك عم يقلولي سمو الملكة متلك شو علمتيهن ؟

دارين ضحكت : اهلين امي .. تعي طبختك ملوخية الأكلة الي بتحبيها

ديما: لكن كتريلي عليها ليمون

دارين ابتسمت و وطت صوتها: حاضر يا سمو الملكة ..

#انــــتـــــهـــــت