مطر .. وقلها غمضي عيونك
وما تطلعي لهنيك

ديما هزت براسها انو ماشي وغمضت عيونها بقوة ...

#سمو_الملكة

الجزء الثاني

ضلت ديما خمس دقايق بالزبط مغمضة عيونها و دموعها عم يشرو وهي حابسه انفاسها .. وعم ترجف من الرعبة

صفوان : خلص راحو
وشال ايدو عن تمها

ديما : متأكد ؟

صفوان : ايه اكيد

قعدت ديما بالأرض وضلت تبكي .. نزل صفوان واعتزر منها

ديما : خلص خليني روح

صفوان : لك لا بس ليكون راح من الطريق

ديما : ايه طيب

صفوان : خايفه ؟

ديما : خايفة ؟ قول رح موت .. حاسة البي رح يوئف .. شو كان حمزة عم يعمل ؟

صفوان : كان عم يقطف زيتون ههههههههه

ديما ما فهمت عليه وسكتت

بعد شوي قالتلو خلص بكون راح.. حطت شنتتها على ضهرها وكان بدها تمشي

صفوان : ديما ديما

ديما : ايه ؟

صفوان : ما اعطيتيني جواب

دبما نزلت عيونها بالأرض : ايه بقبل

وركضت طلعت من الكرم وضلت رايحه عالبيت وهي حاسة بمزيج من الفرح والخوف .. الواقع والكزب
هيك شي ما بيتفسر .. احساس الحب تملكها .. سيطر عليها .. وصارت تنطر اليوم والتاني ليجي صفوان يخطبها
وينفذ حكيو !! هيك لبعد يومين .. وفى بوعدو .. وجابه ابوه واخواتو الخمسه واجو يطلبوها بشكل رسمي لديما

اخوها حمزة كان كتير يحبو واقنع ابوه انو يوافق ويعطيه .. بدون ما ياخدو رأي دايما او يسألوها بس هي كانت موافقة سلفاً ..
قرأو الفاتحة .. واتفقو على كل التفاصيل .. كان من ضمن الأتفاق انو ديما وصفوان رح يسكنو مع بيت سلفها
الي هو اخوه الكبير لصفوان .. ما كانت عقبة او مشكلة كبيرة بالنسبة لاهل ديما .. ومشيت الأمور برواق
لبعد شهرين .. تم العرس .. و زفو ديما لصفوان عروس ما في بحلاها ولا جمالها

كانت مملكتها هي عبارة عن غرفة صغيرة ببيت سلفها محمد .. بس كانت هالغرفة معبيه حب ودفا
طلعت ديما من النار للجنة .. حبها صفوان حب ما صار ولا كان .. متل الي بينحكى بالقصص والحكايا
مال_الشام
هاد الحب خلى النار تشغل بقلب سلفتها ريم .. كان الحقد والغل معبي قلبها .. على شو بحبها هالقد
و بأي حق بياخدو غرفة من بيتي و بيحجزو حريتي !! افكار خلتها تتحول لشيطانة ما بتعرف الرحمة
مع انها كانت بعمر ام ديما ... بس الغيرة عمت عيونها .. بلشت تستغل كل فرصة لتقهر ديما وتزعلها
ذل واهانة وتلطيش حكي .. وديما تركض على غرفتها وتبكي بحضن صفوان الي لا حول له ولا قوة

ريم بصوت عالي : شو هااااد الي حاطيتو على وشك ؟

ديما : مو .. مو .. مو حاطة شي شو حاطة

ريم : و هاد الي على وشك شووو ؟؟ مكياج ؟؟؟

ديما : ايه مكياج !! انا عروس و صفوان بحب حطلو مكياج

ريم : صفوان بحب ولا محمد الي بيحب ؟

ديما : محمد ؟

ريم : لا تسلبيها علي ها .. حركات بنات الشوارع ما عندي بالبيت فهمانه ؟؟ روحي غسلي وشك

ديما : لك استغفري ربك ما بيجوز هالحكي !! استغفر الله العظيم

ريم : ديما خانوم .. صحيح انك شقرا وبيضا وعيونك خضر .. بس الوحده جمالها بخجلها
لسه ما في الا بتتغنجي قدام جوزي .. وعلى شوي بتقعدي بحضنو .. انا ساكتلك لانك بعمر بناتي
بس بعد اي حركة هيك ولا هيك بخبر جوزك ... و كل شوي تفوتي على غرفة النوم مع صفوان
هاد الحكي ما بيزبط معي ..انا عندي اولاد وبخاف عليهن .. ما الك فوته على غرفتك الا الساعه
11

ديما : شوووو .. بدك تتحكمي فيني كمان ايمت بدي نام مع جوزي وايمت لا شبك انتي

ريم :ايه بدي حدد .. طول مانك قاعده ببيتي .. بدك تمشي على كيفي

ديما حبست دمعتها وما بدها تورجي ريم انو قدرت تبكيها

ديما : طيب شو بدك هلأ ؟

ريم : مبدئياً فوتي غسلي وشك والبسي عباية ما في داعي للبس الملون حتى لو مستر

ريم : ماشي . طيب

ركضت ديما على الحمام و تحممت وغسلت وشها لان خافت تعمللها ريم فضيحة .. و لبست تيابها
وطلعت عالمطبخ فوراً لتبلش بالغدا .. هيك لرجع صفوان ومحمد من شغلهن وقعدو الكل على الغدا
بس كان محمد عم ياكول ويغص و وشو ما بيتفسر والكل ملاحظ عليه

صفوان : اخي صاير معك شي بالشغل؟

محمد : لا

صفوان : لكن شبك ؟

ريم : اسأل مرتك

صفوان : مرتي ؟
مال_الشام
كانت اللقمة بتمها لديما .. بس غصت وصارت تسعل وشربت مي

ديما : شو عاملة انا ؟

ريم : ولا شي بس فتي تحممتي وتركتي تيابك الداخلية بالحمام وانتي عارفه انو هلأ جوزي بدو يفوت يغسل
عنجد عيب يا ديما عيب .. ازا انتي ربيانه ببيت اهلك هيك نحنا ما عندنا هالحكي

صفوان : شوووووووووووو ؟

ديما شكت بحالها انو نسيانه غراضها بالحمام و ارتعبت كتيييير و وشها صار احمر متل البندورة

صفوان مسكها من ايدها بقوة : ولك ما نبهتك الف مره تنتبهي

ديما : والله والله ما تركت شي .. لك ما تركت شي

ريم : يا ربي منك يا ديما جد بتجبريني احكي شغلات عيب .. تركتي التياب الداخلية الي لونهن احمر
لا المشكلة انو اغراضك عرايسيه ... يعني لو ولادي فاتو و شافوهن وين خبي وشي منهن اه ؟

قام صفوان متل المجنون عالحمام وفعلاً لقى تياب داخليه هو بيعرف انهن لمرتو .. صار وشو اصفر