ضابط_واربع_بنات
#الجزء_الثالث_عشر
#بقلمي_امــل_احمـــد_ســـــلوم

*╚══════ღღ══════╝

اندفع جسم معاذ بقوه للخلف بعد ما تلقى رصاصه بصدرو من جودت
صرخت لارا وهدى ولين من صدمتها جحضوا عيونها وماعدت نزلت دمعتها
طارق : معاااااذ
بدون ما يهتم لنفسه ركض لعند صاحبه وحمله بين ايديه وبلش يصحيه
طارق : معاذ رد عليي ياصاحبي
معاذ فتح عيونو وابتسم بتعب ودمعته بطرف عينه
سامحني يا صاحبي طلعت ابن قاتل امك وابوك
مال براسه وغمض عيونه وطارق يصرخ لااا معاااذ

بهاللحظه فاقت لارا من صدمتها واطلعت ب لين ولين اطلعت عليها
لارا : ازا بدك تقتل حدا اقتلني انا ياجودت الكلب
التفت طارق بسرعه وشافها اشرت ل لين ب ايدها اشاره علمها ياهم بتدريباتهم
جودت : اي شو عليه بيسعدني يكون مرتك على ايدي
ابو معاذ : استنى جودت ..
سحب مسدسه وسلطه على لارا :… بنات صالح محدا بيقتلهم غيري
نزل جودت سلاحه لتنتهز لين الفرصه وبحركه سريعه داست بكعبها ع اجرو لينتفض جسمه لقدام وهي بدورها رجعت راسها بقوه لورا لتعطيه ضربه براسه
اختل توازنه وحط ايدو على انفه بتألم ليهجم عليه معن ويركل المسدس من ايدو ويسحب نتالي منه
ابو معاذ : عندك يا كلب
طارق : مععععاااااان
كان ع وشك يطلق رصاصة ناح معن لكنه فجأه وقع المسدس من ايدو وفتل جسمه ببطئ ناح امينه اللي كانت ماسكه مسدس جودت ومصوبيته عليه وقبل ما يطلق رصاصته ناح معن طخته
ابو معاذ : قتلتيني يا امينه
امينه بتبكي ': هي تار كل الاولاد يلي شردتهم وطخته كمان طلقه وهي تار بناتي… طخته التالته بقلبه ليوقع ب ارضه ميت وترمي المسدس من ايدها وتوقع ع ركبها… وهي تار قلبي والسنين السوده يلي عشتها معك

صوت الرصاص صدح من جديد بالفيلا التفت الكل فجأه ليشوفوا جودت وقع ع وجهو بعد ماتناول سلاح ابو معاذ وقوص حاله… بعد ماشاف حاله محاصر ماكان قدامه الا الموت هاد قانون المافيا والكاس يلي شربه لغيره شربه هوي

*╚══════ღღ══════╝

بــــعد ســـت اشــــهر

وصل طارق ومعن عالفيلا وفاتو عالصاله
طارق : كيفك امينه خانوم
امينه بحزن : الحمد للہ
معن : شو وينو معاذ
امينه : حابس حاله بغرفته من هداك اليوم وهو حاسس بالخزي والعار من اعمال ابوه
طارق : هلأ بنشوفوا ومنحكي معه
امينه : طارق
التفت عليها : نعم امينه خانوم
امينه : سامحه لمعاذ… هوي ماخصوا ب اعمال ابوه
مشي لعندها ومسكلا ايدها وباسها
طارق : رب العالمين حكا ولاتزر وازرة وزر أخرى.. صدق الله العظيم
امينه : صدق الله العظيم
طارق : لاتشغلي بالك رح شوفوا واحكي معه

تركوها وطلعوا لعند معاذ ودقوا عالباب

كان قاعد عالكرسي مستند ب ايديه ع فخديه وراسه بالارض
معاذ :قلتلكم مابدي شوف حدا
طل معن براسه ولحقه طارق : ولا حتى نحنا
رفع راسه بحزن وهو بيطلع بطارق ورجع نزله ب انكسار وغمر راسه بين ايديه
معاذ : سامحني ياصاحبي سامحني انت كنت بدور ع قاتل ابوك وبالاخير طلع القاتل ابي،… اااه ياربي ليش مااخدتني لعندك وريحتني من هالعزاب
قرب طارق لعندو وقعد قباله بوضعية القرفصاء
طارق : ارفع راسك ولا انت ماخصك ب ابوك ..
معاذ :
طارق : طول هالسنين وانت ادور معي طول هالسنين ماتركتني ولاتخليت عني… بدك اجي اليوم واتخلا عنك…
معاذ :
طارق : اللي صار صار ياصاحبي وانت مادخلك فيه وانا بيشرفني يكون عندي اخ متلك
رفع راسه لتبان عيونه الدبلانه وتنهمر دموعه وتبلل لحيته
معاذ : اخوك !!
طارق : طبعا ولا نحنا اخوه ورح نبقى اخوه
فتح طارق ايديه وضم معاذ وصار يمسحله عضهرو
معاذ : ونعم الاخ انت ياطارق
معن عم يمسح دمعته ويقرب منهم بشقاوه
حاج حبيباتي شو خليتو للنسوان
معاذ : تضرب انت وحكيك
معن : اي يالله بلا ولدنه وفوت خود شور مرتب واحلق هاللحيه يلي شبه بيت الغراب واللبس واتنهدم نسيان اليوم خطوبة اختك هدى
معاذ : لا مو نسيان بس
معن : حاج اتبسبس انا فهمت شو بدك… بدك ياني فوت حممك
معاذ بيضحك : لا ولووو خلص بروح لحالي
حمل منشفته وتوجه عالحمام : مابطول باخد شور وبحلق وبرجعلكم
طارق : معاذ
التفت… اي طارق
طارق : عم تشوف لارا
معاذ : لو سمحت طارق مابدي اسمع بسيرتها
معن : ليش يا معاذ حرام عليك هي اختك
معاذ : اختي… اختي سبب بكل المصايب يلي نزلت علينا وبعدها عنا افضل وهاد مو بس رأيي هاد رأي هدى كمان

حكا كلمته وفتل حاله وفات عالحمام

معن : عجبك كلامه
طارق : معاذ معه حق بعدها عنهم افضل
معن : حتى انت ياطارق !!
طارق : مستحيل اقدر سامحها لانها كزبت عليي وخلتني اتعزب وهي معها دليل يريحني ويخليني اقبض عالعصابه واقدمهم للعداله .. بس شوف بسبب عنادها ويباسة راسها شو صار
معن : شو صار!! امينه خانوم ومانحبست لانه القاضي اعتبر يلي عملته دفاع عن النفس… وانت واجتمعت ب اختك وبنت اختك وعرفت مين قاتل ابوك وهدى ورجعت لبيتها بهيك بتكون لارا ضرتكم
طارق بحده : لو حاكيتلي من اول ماكان تقوص معاذ ولولا ستر الله كنا خسرناه وكانت لين ماتت كمان
معن : ماتوقعتك قاسي لهي ال

صيه وكان لازم انها تحط لحسن حد من البدايه او تركتوا !!!

اسمحولي قلكم شي مهم من خلال تجربتي بالحياه… .

قال •اللّـہ̣̥ تعالى…
وجعلنا بينهم مودة ورحمة...
صدق •اللّـہ̣̥ العظيم…

(لو بحثت في معاجم الألفاظ وفهارس الأمثال لما وجدت لفظا أدق من وصف القران للعلاقة بين الزوجين : هنّ لباس لكن وانتم لباس لهنّ.. فلا يلتصق شيء أشد من إلتصاق اللباس بالجسد
وأما الترابط القلبي: وجعلنا بينكم مودة ورحمة.. فإذا تحققت هاتان العلاقتان استقرت الحياة الاسرية وحاز الزوجان وفازا بأحلى متاع وأشرف علاقة قلبية.. وتتكدر الحياة بينهما بقدر ما يخل الزوجان بهذين الرابطين
وما أجمل ماقاله هوميروس الشاعر اليوناني: إذا إتخذت إمرأة فكن لها أباً وأماً وأخاً لأن اللتي تترك أباها وأمها وإخوتها وتتبعك فمن الحق أن ترى فيك رأفة الأب وحنو الأم ورفق الأخ)

الحياه بين اي زوجين بتكون مبنيه عالموده والرحمه ورسولنا الكريم عليه الصلاة والسلام حكا ..
ما اكرمهن الا كريم وما اهانهن الا لئيم

انا ماعم احكي انه الوحده تتخلى عن شخصيتها وكيانها وتتنازل عن كرامتها… ابدا ابدا ف المرأه قبل ماتكون زوجه فهيه انسانه والها على زوجها حقوق وواجبات ولو كانت بدون قيمه ماكرمها رب العالمين… وخصها بسوره بالقرآن الكريم (سورة النساء )

انا بحترم الاخت بتول وبهني والديها على تربيتها…
بتول حاولت تغير من زوجها
بتول حاولت تمسك ب ايدو للنهايه
بتول ضحت واعطت وشافت وسترت
بتول عانت وقاست وتحملت وصبرت
بتول قبل ماتكون زوجه كانت فعلا انسانه ترفع لها القبعه تحيه اجلال وتقدير
المرأه اللي بتتحمل زوجها برغم عيوبه هي مرأه صالحه مو عديمة كرامه
المرأه اللي بتستر عيوب زوجها وبتعطيه فرصه ليغير من نفسه هي هيه فعلا حفيدة عائشه رضي الله عنها
المرأه اللي بتصون شرف زوجها ومابتخونوا بحجة اهماله الها والتفاته لغيرها هي فعلا بتقتدي بمريم العذراء
المرأه اللي بتكظم غيظها للنهايه وبترمي حمولها على الله ورغم الانفصال بتعطي كمان فرصه للرجوع فهي مرأه تعلمت من النبي ايوب عليه السلام معنى الصبر
تعلمت من النبي يعقوب انه الابتلاء من رب العالمين… ومابعد الضيق الا الفرج

قصة بتول اثرت فيي للنخاع وخلتني اعرف فعلا انه الزوجه الصالحه كنز

تمنيت اختم هالقصه بصحوة ضمير حسن لكن للأسف بعض الرجال انتزعت من قلوبهم الرحمه ومابيشوفوا المرأه الا وسيله للمتعه والخلفه وتربية الاولاد

وختاما اذكركم يامعشر الرجال بقول رسولنا الكريم
(رفقا بالقوارير )

كان سيد البشر عليه الصلاة والسلام
يثنيْ ركبته لأمنا عائشه حتى تركب الجمل
فتصبح ركبته الشريفة كالسلم !!

أيها الزوج والرفيق والحبيب

إنسي خطأها وتذكر حبها مهما كانت المرأة مخطئة فحين تضمها لصدرك وتحنو عليها حتما ستتغير من أجلك
كل فتاة تحتاج الى كلمة جميلة من زوجها ترفع بها معنوياتها الرقيقة , فكثيرا منا يستهين بكلمة احبك او كلمة انت جميلة حتى وان كان يراها قبيحة ولا يدري انه بكلمات قليلة يملك قلبها ويصبح بالنسبة لها الرجل العظيم , فلاتنسى انها زوجتك نصف روحك الثاني .
كلما افرطت في دلالها وارتاحت نفسيتها كلما زادتك حبا وحنانا وطاعة .

#تمت_بعون_الله
#بقلمي_امــل_احمـــد_ســـــلوم