#عشيق_بالاكراه. #واقعية
#بقلمي_ليلى_العمر
@rwayate
وعد؛ اخخخ ياامي ببوس ايدك حاج بكفي لك بكفي
حاتم؛ خرسي وليك لك حاج تردي بتمي
وعد؛ وانت حاج تضربي لك كسرتني لك كرامة لله حاج مشان الله
وجثيت ع ركبي وصرت ابكي وحطيت ايدي ع وجهي
ولادي صارو كومة وحدة بالتخت حاضنين بعض وخايفين وبيبكو
اطلع عليهم حاتم وزت العصاية من ايده وطلع من لبيت
هيك بلشت قصتي باثبات رجولة
يمكن تقولو اكيد انا عاملة شي خطير لإنضرب هالضرب لاء انا هيك كانت حياتي كل يومين انضرب ع اتفه الاسباب
زوجي حاتم بضل خايف ومترقبلي وحاسس انو باي لحظة ممكن خونه او اتركه او احكي لحدا عنو وعن مشاكلي معو يلي اصلا هو عم ينكرا
ياريتني تاركتو او حتا حاكية لحدا كان ماصار يلي صار بس للاسف دائما الندم بيجي متأخر
كنت بكل مرة حاول احكي لحدا اتراجع واتذكروه واتذكر نظرة الانكسار بعيونه اشفق عليه واتراجع عن قراري
كل ليلة كان لازم البس واتشيك ونام بحضن زوجي بس مو متل مو مفكرين كنا متل الاخوة تقريبا وهاي هي مشكلتي يلي دمرتني
كان يحاول يسعدني ويدللني بس مو ك زوج رغم انو كتير منمثل هالدور بحياتنا اليومية بلشت معاناة زوجي بالضعف من ٤ سنين بعد ما جبت اخر ولد حاليا عمر زوجي ٣٦ وعمري ٢٧ عنا اربع صبيان جبتن ورا بعض الصغير كان عمره ٤ سنين
اعدت لملم كرامتي يلي انهدرت من شوي للمرة المليون قدام ولادي ماقدرت حط عيني بعينن طلعت عالمطبخ وتظاهرت بالجلي
مو طالع بايدي شي اصلا لو حكيت لاهلي مافين يساعدوني ورح يقولولي العبارة المشورة ... صبري كرمال ولادك....
...................
رح اوصفلكم حالي وحاتم
حاتم حلو كتير وجسمو رياضي واسمر وعيونو كبار سود وانا طويلة نوعا ما وبشرتي بيضا وشعري خرنوبي وعيوني زيتونين مايلين عالاصفر ورموشي طوال وشفافي كرزيات كان كل يلي يشوفني ينبهر بجمالي وجمال زوجي ومايصدقو عنا ٤ اطفال
.............
خلصت جلي وماوقف تلفون عن الطنطنة من اشعارات فيس وواتس كنت اهرب من حياتي الواقعية لحياة وهمية انشاتها عالفيس كونت اصدقاء مابيعرفوني حتا اسمي غيرته
كنت بالمواقع الوهمية الافتراضية المرا القوية الجبارة يلي حياتا كاملة ومابسمح باهانتة المرا ودائما استنكر الضرب والتعنيف للزوجة
وبالواقع انا كنت منعزلة عن الدنيا مابتذكر ايمتا اخر مرة اندق بابي
مسكت موبايلي وولادي نامو عالتخت اصلا كان وقت نومتهم نامو ع صورة امهم عم تنضرب من ابوهم الوحش الكاسر ربي يعينن عالكوابيس يلي رح تلاحقن بحياتن
فتحت الفيس ونزلت بوست ضحك ومزح واعدت دردش مع رفقاتي البنات يلي متاكدة ورا كل وحدة فيهن حكاية وقصة هرباني منها لهالعالم الوهمي
وانا بتصفح وبقلب بهالفيس وصلني طلب مراسلة غريب من شب اسمه عامر الباشا
هالمسج كان نقطة تغير بحياتي واجبرني رد عليه من هول يلي فيه
عامر الباش؛
مرحبا مدام ام صهيب(وعد) يمكن تتجاهلي طلب المراسة ويمكن تحذفيه وتحظريني بس بحب طمنك هدول ارقامك التنين ***************
++++++++++++++
السيرف والعادي اه وهاد
******************
رقم زوجك الغالي ابو صهيب
.....
تجمد الدم بعروقي وخفت انا كل رفقاتي عالفيس مابيعرفوني ولاحتا عاطية رقمي لحدا بدون تردد رديت عليه لخلص لموضوع قبل ما يجي حاتم
وعد؛ والمطلوب اخي
عامر؛ ولاشي نصير اصدقاء
وعد؛ اخي انا مرا متزوجة وبحب زوجي وموومن هالنوع
عامر؛ ايوا بعلامة القتلة يلي اكلتيها قبل شوي
انصدمت وصرت اضرب ع وجهي مين هاد اكيد حدا من الجيران
عامر؛ وعد سكري زوجك جاي عالبيت وحذفي لحكي واصحك تحظريني
مسحت بسرعة وتلبكت وزتيت جوالي وقمت اعمل حالي نايمة قبل مايوصل حاتم
وفعلا فتح الباب ودخل
حاتم؛ وعد حبيبتي وينك
مارديت ولا جاي عبالي رد لان هاي عادتو بيجرح وبداوي وانا بسايره شفقة عليه وعلي وعالولاد مو اكتر
فجاة حسيتو اعد عالتخت وصار يتحسس ضهري
حاتم؛ وعد بلا غلاظة قومي جهزت فيلم رعب من يلي بتحبين يلا وعودة رح اعمل متة لبين ماتصحصحي
وفعلا قمت ومو طايقة اطلع بوجهو طلعت عالصالون اعدت عالصوفة
بس كان كل تفكيري بعامر الباشا الغامض يلي بيعرف عني كلشي
شغل حاتم الفيلم وحضني وحط قدامنا الشيبسات والبزر والمته وشغل الفيلم
حاتم كتير انسان منيح بس مشكلتو بالضعف يلي ماعم يتقبلو وبضل مصر يقنعني انو رجال بالضرب بالعصبية لمهم يقنعني
وانا وحياة الله كنت مقتنعة فيه واصلا مابحب هالشغلات ابدا يعني كنت مبسوطة فيه كيف ماكان ورضياني
طول الفيلم كنت عم فكر بعامر
اكيد عامر من نوع الرجال يلي بيستغلو ضعف المرا وظلما لصالحن الشخصي ومفكرين انو المرا كائن هش بدو دائما حدا يوقف معو يمكن فعلا انا كنت كائن هش من جو بس مو لكل كان هيك ياما نسوان انظلمو وصبرو وكابرو ع وجعن وما رضخو للضعف
خلص الفيلم وتصنع حاتم النوم لما شافني لسا مصحصحة ليتهرب مني فات ع غرفة النوم وهو عم يجر حاله
مسكت موبايلي وصرت ادور بين عشرات الاشعارات بلكي بلاقي شي يوصلني لعامر واعرف هويته الحقيقية مالقيت شي

#عشيق_بالاكراه
@rwayate
#بقلمي_ليلى_العمر

الفصل الثاني

اعدت اطلع بالمسج وفكر كنت بورطة حقيقة مابدي خون زوجي وبنفس الوقت مابدي حدا يدمر حياتي ياربي شو اعمل

قويت البي وكتبتلو
وعد؛ اخي والله انا مو تبع هالقصص
عامر؛ ولا انا
وعد؛ لكا شو بدك مني
عامر؛ بدي ريحك
وعد؛ عفوا
عامر؛ مرة تاني بقلك انا مو تبع هالقصص انا كتير حبيتك بتعرفي اني ماعم نام الليل كرمالك
وعد؛ مشان الله حاج تحكي انا متزوجة شو هالحكي هاد
عامر؛ ماعم كذب مستعد خليكي اميرة وصونك وحبك فوق ماتتصوري
وعد؛ اخي رح احظرك وانسا انك حكيتني اريح الي والك
عامر؛ ليكي انا بالحب مجنون بخربلك حياتي اذا بتعاندي
حطيت الجوال وصرت ابكي هاد يلي كان ناقصني
عامر؛ الو
عامر؛ ردي وين رحتي
عامر؛ صدقيني اذا بتحكي لحدا لاقلب حياتك جحيم
كنت عم شوف كلامو وابكي حاتم خلقة بشك فيني وبدو حجة ليعاقبني ع شي ماعم اعملو شو اعمل
عامر؛ عم قلك ردي ترا هلق بجي بدق ع بابكم
وعد؛ لا مشان الله مابدي فضايح
عامر؛ بدي اسالك سؤال
وعد؛ شو
عامر؛ ليش صابرة ع حاتم انتي حلوة والف مين يتمناكي انتي مابتشوفي حالك بالمرا
وعد؛ انا وحاتم متزوجين من عشر سنين وعندي اربع ولاد
عامر؛ زتيلو ياهن واذا بدك انا بربيلك ياهن
وعد؛ انت من عقلك بتحكي
عامر؛ لك انا بعشقك بموت فيكي من زمان وانا بخطط لهاللحظة
وعد؛ اذا عنجد بتحبني تركني ولا تدمرني
عامر؛ للاسف انا بالحب اناني كتير فوق ماتتصوري
وعد؛ طيب بس قلي مين انت
عامر؛ مارح قلك هلق وقت بحس انك حبيتيني ساعتا بقلك
وعد؛ طيب وبعدين شو بدك
عامر؛ تطلقي ونتزوج
وعد؛ ياربي ليش ماعم تفهمني
عامر؛ حاج تعاندي حاتم مابحبك وبضل يضربك لك بحياتي ماشفتو اخدك مشوار حتا ولادك مابحسن سعيدين بحياتن
هاي الحياة يلي عم تحاربي مشانا لك تركيه
وعد؛ مارح اتركه قلي شو بدك غير هيك
عامر؛ قلتلك شو بدي وبرجع بذكرك اني ماعندي شي اخسرو ورح حارب كرمال احصل عليكي وهلق سلام زوجك رح يوصل لعندك
وسكر المحادثة
مسحت لمحادثة واعدت ابكي ركضت عالحمام مشان مايحس علي حاتم فتحت الدوش واعدت اضرب حالي واندب حظي انا كيف بدي اخلص من هالورطة هاي كيف كيف
دخل حاتم وكان عم يصيح
حاتم؛ وعد وينك وين انتي
طلعت بسرعة ولفيت ع حالي المنشفة
وعد؛ ليكني كنت بالحمام
حاتم؛ ليش عم تتحمي هلق مالك بالعادة واطلع فيني نظرة الشك يلي ع طول بيطلع علي فييها
وعد؛ اف منك ومن حياتك لك خلص بكفي ذل وقهر انا تعبت تعبت
حاتم؛ صايرلك لسان يا بنت الكلب ومسك العصاية تبع النشافة ونزل فيني ضرب ضرب لحتا جسمي انهد وصوتي تقطع ماعاد حسيت ع شي عم اسمع صوت لولاد عم يبكو فتحت عيوني بصعوبي وجريت حالي لعندن حضنتن بسريرن واعدت هديهم وتناسيت وجعي قدامهم
ياقلبي عليهم شوفتن بهالمنظر كسرتني انا لازم احمي ولادي منو فجاة خطر ببالي عامر وكلامه انه لولاد شو ذنبن يربو بهيك جو
حضنت ولادي ونمت من الوجع
صحيت تاني يوم مو عارفة شو اعمل وعم فكر اعمل شي لالي ولولادي
طن الموبايل
عامر؛ كيفك
وعد؛ لك مشان الله حل عني هي ناقصتك روح فضحني بلكي بموت وبرتاح منك ومنو ومن حياتي لك انا بكره كل لرجال ولو بايدي لاطلق وقضي كل حياتي بدون رجال
وسكرت النت بلا مااسمع رد
اعدت اتصفن بالموبايل كنت لوحدي بالبيت لولاد بالمدارس وحاتم بشغله
وقفت قدام المراي واطلعت ع شكلي
وعد؛ انا حلوة وصغيرة فيني اتجوز احسن منو وكتيرين بيقبلو بولادي وبربوهن حتا لو تركتن بتربين ستن امو لحاتم عالقليلة مابشوفو امهم عم تنضرب ستن حنونة وحاتم بحياته ماضربن
بلحظة طيش وبلحظة حسيت فيها انو خلص ماعاد قادرة وبدي حدا ينقذني من حالي وقررت اتصرف قبل ماغير رايي
فتحت النت لقيت عامر مسكر ومو رادد ع مسجي الاخير
كتبتلو
وعد؛
عامر انا موافقة اتخلى عن حياتي او حياة حاتم يلي عم يعيشني فيها حتا لو بدو ولاده رح اتركن انا لاول مرة رح اخد قرار بخصني بعد عشر سنين حرمان وكبت
رح حرر روحي واتحرر
عامر انا رح زت كلشي ورا ضهري وامشي وراك ومتاكدة مارح يكون في شي اسوء من يلي صار