#إمسك_يدي
#الجزء_العاشر
#بقلم_فتاة_من_ورق_بسمه_السباعي
*مضى شهر و تعلقت بأسمر كتير .. صرت انطر اللحظة يلي تجبلي ياه رنيم قبل ما تروح على المدرسة ، كنت احضنو و بوسو و حس قلبي رح يطير من الفرحة ...
ابو سهيل : بتحبيه ؟
نهاد : كتير بحبو لهالصبي كأنو ابني .
ابو سهيل : اعطيني ياه خليني جرب احملو .
نهاد : بسم الله .
*فرحت انو ابي تقبل اسمر و اخيراً .. بعد لحظات اندق الباب ...
نهاد : انتبه على اسمر بابا انا رايحة شوف مين عند الباب .
ابو سهيل : ماشي .
*فتحت الباب و عيني كانت عند اسمر...
سناء : كيفك .
نهاد : اهلا و سهلا تفضلي .
*فاتت سناء و انا ركضت حملت اسمر لأنو صار يبكي...
سناء : كيفك عمو .
ابو سهيل : اهلين يا بنتي ، انا رايح نام شوي خدو راحتكن .
نهاد : نوم الهنا بابا .
سناء : ماشاء الله عليه صاير وجهو متل البدر .
نهاد : الله يحميه ، ما بتتخيلي اديه بحبو لهالصبي .
سناء : مبين من خوفك عليه ، ما لحق يبكي الا حملتيه و سكتتيه ، معقول لأنو مو ابنك و حاسة بالمسؤولية ؟
نهاد : ولا مرة فكرت بهي الطريقة ، انا حبيتو لأسمر و دخل قلبي ، حاسستو ابني .
سناء : بتعرفي شو ناقصكن ؟
نهاد : شو ؟
سناء : ناقصكن سليم يكون جنبكن ، يعني ترجعو لبعض انتي و سليم و يربى هالصبي بحضنك و حضن ابوه .
نهاد : مستحيل ارجعلو شو عم تحكي انتي ؟
سناء : ليش مستحيل ؟؟ اذا ياسمين وماتت .
نهاد : ما برجعلو لانو عندي كرامة ، حتى لو ماتت ياسمين بس هو كسر قلبي و تزوج عليي ومو بعيدة يرجع يتزوج مرة تالته .
سناء : لو عنجد بتحبيه لأسمر بترجعي كرمال يعيش طبيعي بين اهلو .
نهاد : سناء خلينا نسكر على هالسيرة انا ما برجع لسليم لو شو ما صار ، قايمة اعمل قهوة .
سناء : متل ما بدك .
________________________________________
#بقلم_فتاة_من_ورق_بسمه_السباعي
*حطيت الغدا على الطاولة و قعدنا انا و شادي...
شادي : لك شو هااااااد
ريما : شوفي ؟
شادي : مشتهي ارجع من شغلي مرة وحدة و آكل لقمة طيبة ، صرلنا شهر متزوجين و لهلأ ما اكلت اكلة طيبة .
ريما : شبها ليش والله طيبة .
شادي : انتي فاقدة حاسة التذوق يعني ؟ مليانة ملح .
ريما : طيب ليش عم تعصب شو صار هلأ بعملك سندويشة او منطلع منتغدى عند امك .
*تطلع فيني شادي و عيونو مليانة غضب ، و بلحظات سريعة قلب الطاولة بإيدو ...
ريما : لك ليش هيك عملت .
شادي : مشان تتعلمي تطبخي من يوم ورايح .
ريما : هلأ خلصت تنضيف البيت كل هاد لأنو الملح زايد ؟ بتعصب من الشغل و بتجي بتتفشفش فيني .
شادي : ليش عم ترفعي صوتك ؟
ريما : النا شهر متزوجين وانت بس بتعصب عليي المفروض نعيش هلأ احلى ايام انا ما توقعتك هيك أبداً .
*بعد ما خلصت جملتي رفع ايدو شادي و ضربني كف وقعني بالأرض...
شادي : هاد الكف مشان تتذكريه كل ما فكرتي ترفعي صوتك عليي ، يلا نضفي البيت و ارجعي اطبخي شي تاني و صحيني بعد ساعتين .
*دخل شادي على الغرفة وسكر الباب ، بقيت بالأرض عم ابكي ما عارفة من وين بدي بلش تنضيف ، كنت بدي اطلع على بيت عمي وخبر عمي باللي صار ، بس خفت من شادي يرجع يضربني اذا عرف اني خبرت عمي ...
________________________________________
#بقلم_فتاة_من_ورق_بسمه_السباعي
*دخلنا على معهد الموسيقا انا و استاذي باسل ...
أوس : انا ما بعرف انت شو شايف استاذ ، بس المفروض انو هاد يكون معهد موسيقا .
باسل : شايف مركز كبير مليان غرف و كل غرفة مرسوم فوقها آلة موسيقية .
أوس : هاد المعهد رح يكون بإدارتك و اشرافك و انا رح كون مدرب العزف على الكمان ، وباقي الآلات انت جيب اساتذة مختصين بالموسيقا ليكونو مدربين متلي .
باسل : بفهم منك رح تصير استاذ موسيقا متلي ؟
أوس : اي .
باسل : ما بتتخيل اديش أنا فخور فيك .
أوس : كلشي رح اعملو بفضلك ، لولاك انا ما كنت هون هلأ .
باسل : انت شب ذكي و عندك إرادة ولو ما كنت هيك ماكان في قوة بالدنيا بتقدر تغيرلك تفكيرك .
أوس : استاذ بقدر اطلب منك طلب ؟
باسل : اي طبعا .
أوس : ممكن توصفلي كل غرفة كيف شكلها وشو لونها وعلى شو بتطل ؟
باسل : اكيد .
________________________________________
#بقلم_فتاة_من_ورق_بسمه_السباعي
*طلعت من شغلي و رحت جيب رنيم و أسمر ...
سليم : يلا بابا انزلي جيبي اخوكي .
رنيم : حاضر .
سليم : ما تتأخري .
رنيم : خمس دقايق بالكتير و برجع .
*نزلت رنيم من السيارة .. فتحت شباك السيارة و صرت دخن .. تذكرت أول مرة اجيت على هالحارة لشوف نهاد ، كانت حلوة و صغيرة ، تذكرت اديه تمشينا سوا بأيام الخطبة ، وتذكرت كيف كانت تطلع فيني نظرات كلها حب و حنية و دفا ... ما كملت تفكيري بنهاد بلشت اسمع صوت ياسمين و كأنها عم تذكرني بحالها ... كنت عم عيش عذاب نفسي لأني بعمري ما كرهت نهاد بالعكس تماما انا حبيتها و لما زادت مشاكلنا عشقت ياسمين ...
سليم : يا الله شو هالدوامة يلي عالق فيها يا سليم ! ما قادر تنسى ياسمين وما عرفان تكمل حياتك من جديد .
#بقلم_فتاة_من_ورق_بسم
#الجزء_العاشر
#بقلم_فتاة_من_ورق_بسمه_السباعي
*مضى شهر و تعلقت بأسمر كتير .. صرت انطر اللحظة يلي تجبلي ياه رنيم قبل ما تروح على المدرسة ، كنت احضنو و بوسو و حس قلبي رح يطير من الفرحة ...
ابو سهيل : بتحبيه ؟
نهاد : كتير بحبو لهالصبي كأنو ابني .
ابو سهيل : اعطيني ياه خليني جرب احملو .
نهاد : بسم الله .
*فرحت انو ابي تقبل اسمر و اخيراً .. بعد لحظات اندق الباب ...
نهاد : انتبه على اسمر بابا انا رايحة شوف مين عند الباب .
ابو سهيل : ماشي .
*فتحت الباب و عيني كانت عند اسمر...
سناء : كيفك .
نهاد : اهلا و سهلا تفضلي .
*فاتت سناء و انا ركضت حملت اسمر لأنو صار يبكي...
سناء : كيفك عمو .
ابو سهيل : اهلين يا بنتي ، انا رايح نام شوي خدو راحتكن .
نهاد : نوم الهنا بابا .
سناء : ماشاء الله عليه صاير وجهو متل البدر .
نهاد : الله يحميه ، ما بتتخيلي اديه بحبو لهالصبي .
سناء : مبين من خوفك عليه ، ما لحق يبكي الا حملتيه و سكتتيه ، معقول لأنو مو ابنك و حاسة بالمسؤولية ؟
نهاد : ولا مرة فكرت بهي الطريقة ، انا حبيتو لأسمر و دخل قلبي ، حاسستو ابني .
سناء : بتعرفي شو ناقصكن ؟
نهاد : شو ؟
سناء : ناقصكن سليم يكون جنبكن ، يعني ترجعو لبعض انتي و سليم و يربى هالصبي بحضنك و حضن ابوه .
نهاد : مستحيل ارجعلو شو عم تحكي انتي ؟
سناء : ليش مستحيل ؟؟ اذا ياسمين وماتت .
نهاد : ما برجعلو لانو عندي كرامة ، حتى لو ماتت ياسمين بس هو كسر قلبي و تزوج عليي ومو بعيدة يرجع يتزوج مرة تالته .
سناء : لو عنجد بتحبيه لأسمر بترجعي كرمال يعيش طبيعي بين اهلو .
نهاد : سناء خلينا نسكر على هالسيرة انا ما برجع لسليم لو شو ما صار ، قايمة اعمل قهوة .
سناء : متل ما بدك .
________________________________________
#بقلم_فتاة_من_ورق_بسمه_السباعي
*حطيت الغدا على الطاولة و قعدنا انا و شادي...
شادي : لك شو هااااااد
ريما : شوفي ؟
شادي : مشتهي ارجع من شغلي مرة وحدة و آكل لقمة طيبة ، صرلنا شهر متزوجين و لهلأ ما اكلت اكلة طيبة .
ريما : شبها ليش والله طيبة .
شادي : انتي فاقدة حاسة التذوق يعني ؟ مليانة ملح .
ريما : طيب ليش عم تعصب شو صار هلأ بعملك سندويشة او منطلع منتغدى عند امك .
*تطلع فيني شادي و عيونو مليانة غضب ، و بلحظات سريعة قلب الطاولة بإيدو ...
ريما : لك ليش هيك عملت .
شادي : مشان تتعلمي تطبخي من يوم ورايح .
ريما : هلأ خلصت تنضيف البيت كل هاد لأنو الملح زايد ؟ بتعصب من الشغل و بتجي بتتفشفش فيني .
شادي : ليش عم ترفعي صوتك ؟
ريما : النا شهر متزوجين وانت بس بتعصب عليي المفروض نعيش هلأ احلى ايام انا ما توقعتك هيك أبداً .
*بعد ما خلصت جملتي رفع ايدو شادي و ضربني كف وقعني بالأرض...
شادي : هاد الكف مشان تتذكريه كل ما فكرتي ترفعي صوتك عليي ، يلا نضفي البيت و ارجعي اطبخي شي تاني و صحيني بعد ساعتين .
*دخل شادي على الغرفة وسكر الباب ، بقيت بالأرض عم ابكي ما عارفة من وين بدي بلش تنضيف ، كنت بدي اطلع على بيت عمي وخبر عمي باللي صار ، بس خفت من شادي يرجع يضربني اذا عرف اني خبرت عمي ...
________________________________________
#بقلم_فتاة_من_ورق_بسمه_السباعي
*دخلنا على معهد الموسيقا انا و استاذي باسل ...
أوس : انا ما بعرف انت شو شايف استاذ ، بس المفروض انو هاد يكون معهد موسيقا .
باسل : شايف مركز كبير مليان غرف و كل غرفة مرسوم فوقها آلة موسيقية .
أوس : هاد المعهد رح يكون بإدارتك و اشرافك و انا رح كون مدرب العزف على الكمان ، وباقي الآلات انت جيب اساتذة مختصين بالموسيقا ليكونو مدربين متلي .
باسل : بفهم منك رح تصير استاذ موسيقا متلي ؟
أوس : اي .
باسل : ما بتتخيل اديش أنا فخور فيك .
أوس : كلشي رح اعملو بفضلك ، لولاك انا ما كنت هون هلأ .
باسل : انت شب ذكي و عندك إرادة ولو ما كنت هيك ماكان في قوة بالدنيا بتقدر تغيرلك تفكيرك .
أوس : استاذ بقدر اطلب منك طلب ؟
باسل : اي طبعا .
أوس : ممكن توصفلي كل غرفة كيف شكلها وشو لونها وعلى شو بتطل ؟
باسل : اكيد .
________________________________________
#بقلم_فتاة_من_ورق_بسمه_السباعي
*طلعت من شغلي و رحت جيب رنيم و أسمر ...
سليم : يلا بابا انزلي جيبي اخوكي .
رنيم : حاضر .
سليم : ما تتأخري .
رنيم : خمس دقايق بالكتير و برجع .
*نزلت رنيم من السيارة .. فتحت شباك السيارة و صرت دخن .. تذكرت أول مرة اجيت على هالحارة لشوف نهاد ، كانت حلوة و صغيرة ، تذكرت اديه تمشينا سوا بأيام الخطبة ، وتذكرت كيف كانت تطلع فيني نظرات كلها حب و حنية و دفا ... ما كملت تفكيري بنهاد بلشت اسمع صوت ياسمين و كأنها عم تذكرني بحالها ... كنت عم عيش عذاب نفسي لأني بعمري ما كرهت نهاد بالعكس تماما انا حبيتها و لما زادت مشاكلنا عشقت ياسمين ...
سليم : يا الله شو هالدوامة يلي عالق فيها يا سليم ! ما قادر تنسى ياسمين وما عرفان تكمل حياتك من جديد .
#بقلم_فتاة_من_ورق_بسم
