tala.al_zoubiالجزء الخامس :
لما سمعنا صوت صراخ دانة بصراحة ما عرفنا شو بدنا نعمل و وين نروح حتى ما سدقنا وفكرنا حالنا بنتخيل بس الي صار انو رحنا دغري ع المغفر وخبرنا الشرطة عن الي صار واخدو تلفوناتنا مشان يدورو ع اشي بقدر يساعدهم . كان في شرطي بيطلع علينا بنظرة غريبة كتير وكان جاي بأتجاهنا .
الشرطي : بصراحة انا مش عارف ليش لحد هسا بتيجو ع المغفر @rwayate
لارا : عفوا بس احنا فاتحين قضية اختفاء صديقتنا دانة
الشرطي : ما اتوقع انها مختفية الشغلة واضحة اذا الجماعة الي خطفوها ما رنولكم وطلبو فدية شو بدهم منكم غير المصاري بما انكم بتحكو انو ما عندكم اعداء والقضية صرلها مفتوحة 5 شهور حسب علمي .
لارا : سيدي احنا رح نضل ندور ع دانة واحنا متأكدين انها عايشة
زينة : خلص خلينا نرجع ع البيت
هالة : اهه بس خلينا نوصل لارا بالاول
لارا : تعو نامو الليلة عندي بدكم 4 ساعات لتوصلو ع بيتكم
زينة : الاحسن انو نضل لانه مش قادرة اتحرك من الخوف الي عشتو
هالة : متل ما بدكم
ولما وصلنا كانت امي بتستنانا سلمت ع هالة وزينة و طلعنا ع العمارة وكل ما نطلع درجة نتذكر هداك اليوم ما بتسدقو قديش هاد اليوم اثر فينا. @rwayate
كانو البنات بدهم يطلعو بالمصعد بس كان في ريحة مش طبيعية طالعة منو ما عرفنا ريحة شو.
هالة : هسا بفتحو وبنشوف
امي صرخت : لا ما حدا يفتحو لحد هاليوم ما انفتح والدم الي جوا ما تنضف والمصعد خربان لازمو صيانة .
هالة : اهه منيح حكيتيلنا
وطلعنا ع البيت و ع طول رحنا انام.
ع الساعة 3:00Am كان في صوت ضحك عالي وهاد الصوت كان جاي من ورا العمارة طبعا صحينا كلنا ع هاد الصوت بصراحة هاد الصوت ما كان غريب علينا كأنه صوت دانة كنا متأكدين انو دانة الي بتضحك وقمنا ركض عند الشباك لقينا بنت قاعدة جنب هداك القبر وبتحكي مع حدا وفعليا ما كان في غيرها كانت ملامحها كتير مبينة ملامح دانة.
الصدمة ع وجوهنا كانت مبينة ومن الصدمة ما عرفنا شو نعمل
هالة بصوت كله توتر : ان.انا.انا جد شايفة دانة او بتخيل، حدا منكم يحكى انه ما عم اتحيل انه حقيقة مشان الله. @rwayate
انا من الصدمة ما عرفت شو احكي غير انه ضليت زي الصنم عم بطلع عليها
زينة: هاي دانة والله دانة
هالة: لارا احكي اشي ما تضلي ساكتة
زينة: احنا بشو عم نستنى تعو ننزل نشوفها
طلعنا من غرفتي وانا لسا مو مستوعبة شو يلي صار
ونزلنا مشان نشوفها بس لما وصلنا ما كان في حدا وكان الشارع كتير هادي بس كان مكتوب محل ما كانت دانة قاعدة هديك الجملة يلي من اول ما شفناها وحياتنا قلبت لرعب (ليتك سمعت انين قبري لتنقذيني لكن فات الأوان والموت حان) بس هالمرة كانت مكتوبة بالدم #تالا_الزعبي#انين_القبور #قصص

tala.al_zoubiالجزء السادس :
نزلت امي لعندنا وسألتنا شو بنسوي هون .. هالة : سمعنا صوت دانة
لارا وزينة : اهه سمعنا
ام لارا :حبيباتي شكلكم بتتخيلو ما في صوت ولا اشي
لارا : ماما تعمليش زي الافلام وحياتك سمعناها
ام لارا : شو متوقعه مني احكيلك ، دانة صرلها فتره مختفية واكيد لو كانت هون كان طلعت لعندنا
لارا : ما بعرف ليش بصير هيك @rwayate
زينة : ي بنات كانو التابوت مفتوح ؟ اطلعنا كلنا باتجاه التابوت ورحنا لنشوفه ، لقينا في عضام متحللة جواتو وكان مكتوب ع كل فراغ بالتابوت نفس العبارة ( ليتك سمعت انين قبري لتنقذيني لكن فات الاوان والموت حان ) كانت الاحداث ورا بعض يعني ما كنا نرتاح من اشي دغري تيجي شغلة اغرب من الاولى . واحنا مروحين ع البيت لمحنا شب مارق كان بشبه كتير حارس العمارة وكانت هالمره امي الي شافتو صارت تحكي مش هاد عامر .
لارا : امي مشان الله شو الي بصير هون
زينة : امشو نطلع بحياتكم
طلعنا ركاض ع البيت واحنا طالعين كان في بسة نازلة بسرعة من نفس المصعد صرنا نصرخ من كتر الخوف الي عشناه هاي الليلة وكل ذكريات دانة الي رجعتنا لورا .
بعد مرور سنة وكم شهر.. الساعة 5 الفجر 25 اذار نفس اليوم الي اختفت فيه دانة .. كنا متذكرة هاد اليوم اكتر من اسمي لانه هاد اليوم تركت وراه بصمة كبيرة بحياتنا ، نزلت ع الشارع @rwayate مشان امشي مع انو كان الوقت متأخر بس اجتني الجرأه فجأه كنت بمشي وبنفس الوقت حاسه في حدا عم يمشي وراي كان في خيال ، صرت امشي بسرعه وهو صار يمشي بنفس الطريقة ، حط ايدو ع ايدي وما حسيت غيري كأنو حدا غزنب بأبره ، بصراحة ما كنت عارفة اذا كان بنت او شب لانه كان لابس اسود وما كان مبين اشي منو ، صرت اركض بسرعة وهو ضل مكانو استغربت كتير انو ليش ما لحقني بنفس الوقت كانت ايدي توجعني كتير والي فهمتو قبل ما اغيب عن الوعي انو اعطاني ابره منوم وما لقيت غير هالحدا بحكي بصوت عالي ( ليتك سمعتِ انين قبري لتنقذينني لكن فات الاوان والموت حان ) ومن وقتها ومن هالتاريخ 25 اذار نفس التاريخ الي اختفت فيه دانة تفتح قضية اختفاء لارا وتنتقل الرواية ل زينة . @rwayate
ما استوعبنا الخبر الي وصلنا وكان صدمة للكل الاشي الي فهمناه انو هالتاريخ في عقدة لازم يكون الها مفتاح . بلشت الاتهامات تلحقنا انا وهالة بما انو انا وياها الوحيدين الي صرلنا اشي وكانت الشرطة بتستنى دليل يثبت انو احنا الي عملنا هيك ب لارا و دانة ، كان اشي كتير صعب بالنسبة النا وكان الكل ضدنا واولهم اهل دانة ولارا ، بس انا وهالة قررنا انواجهه الاشي و نفكر ونربط الافكار ببعضها منهم،.وكانت البداية تاريخ 25 اذار .
#تالا_الزعبي #انين_القبور #قصص_رعب

•
• tala.al_zoubiنهاية القصة :
كان عامر يمشي باتجاه القبر واحنا كنا نلحقو بدون ما يحس ، ما لقينا غير خالتو ام لارا نازلة بتصرخ تركنا كلشي ورحنا نشوفها وبنفس الوقت الشرطة اجت ،
ام لارا : هاي دانة كانت قدامنا كل هالوقت وما شفناها ، شو ذنب هالبنات ي ربي ، وبنتي ما بعرف عنها شي شو بكون صاير معها هسا ووين اراضيها، والدموع ما فارقت عيونها ، الشرطة بلشت تاخد البصمات وهاي الشغلات وانا وزينة كنا مع ام لارا ، زينة : هالة روحي لعند القبر بلكي راح عامر ، ام لارا : عامر ؟ زينة : اهه حارس عمارتكم ، ام لارا : بنتي صاير اشي لعقلك الشب توفى ، زينة : بس احنا شفناه عند القبر الي ورا العماره ، ام لارا : اي قبر ؟ اخدنا ام لارا لحتى تشوف القبر وما كان في حدا عندو ، هالة : زينة تعي نقرب اكتر بلكي لقينا اشي يدلنا ، زينة : هالة امانة انتي شوفي والله انا خايفة كتير .
كنا عم نطلع ع هالة وهيه عم بتروح بتجاه القبر وكانت الشرطة معبية المكان بس الي صار كانت هالة تقرأ بالي كان مكتوب ع القبر ليتك سمعت انين قبري لتنقذيني لكن فات الاوان والموت حان ، صاحب المقولة : دانة )) انا عمر توأم المرحوم عامر بتاريخ 25 اذار فقدت اخوي بسببكم لو ما اخوي طلع وحذركم كان لحد هاليوم عايش بس انتو الوحيدين المسؤولين عن موته و هسا اتحملو النتائج موت دانة ولارا ومن الصعب تلاقوني ، ودغري فتحنا الصندوق ولقينا لارا مسكر ع تمها و وجها احمر وعيونها مفتوحين ، كل المكان صار صراخ و دموع ما تحملنا الاشي الي صار فقدنا اعز الناس ع قلبنا و انحرق قلب الام ع بنتها كانت من ارعب الايام الي عشناها انا وهالة بحياتنا وما ضل عنا هدف لنعيش عشانو و كان حكم القانون علينا نعتقل لمدة 7 سنوات ، رغم وجود القاتل بس انسجنا بقضية اعانة القاتل للقتل ، وبهاي الحالة ضاعت ايامنا الحلوه والسعادة بطل الها عنوان بهاي الحياه خسرنا اعز صديقاتنا و ضاع شبابنا ...
25 اذار .... لعنة هذا اليوم تلاحقنا .. #ليتك_سمعت_انين_قبري_لكن_فات_الاوان_والموت_حان #تالا_الزعبي

• tala.al_zoubiالخامس :
ما استوعبت شو الي شفتو يعني لانا كانت بقمه الا مبالاه عصبت وصرخت عليها لانها تركت كرم بهاي الحاله وكنت رح اضربها لولا ما اجى زيد.
حكيتلو كلشي صار معنا من اول ما وصلت ع البيت و بهدلني لانه صرخت ع لانا بس بعد ما وضحتلو شو السبب وانو شو صار مع كرم حس انو الموضوع جدي وفعلا في اشي مش مزبوط.
البسنا واخدنا كرم ع الدكتور وطبعا بالاول ما كان متقبل الموضوع وما كان يحكي ابدا بس اخدناه بالقوه، ولما وصلنا ع المستشفى وشافو الدكتور حكالنا: ابنكم متعرض لصدمه كبيره وهاي الصدمه للاسف خلتو ابكم (اخرس) ومشان يقدر يرجع لطبيعتو لازم يعيش نفس الوقف الي شافو لما صابتو الصدمه بس رح تاخد وقت ، عندكم فكره من شو خاف لهدرجه؟ @rwayate
طبعا سارة وزيد ما استوعبو الاشي الي سمعوه و كانو جد مصدوين و سارة ما وقفت بكي.
زيد: لا والله يا دكتور ما عندنا فكره وما صار اشي يعني، (وحكالو الي صار معهم)
الدكتور: الاغلب انو صاير اشي بغيابكم عن البيت، مين كان معو طيب؟
سارة : تركت بنتي لانا معو بس اصلا ما كانت تعرف بالاشي الي صار ومش اول مره بتركهم يعني، وبصوت كلو بكى :دكتور لاقيلي حل مشان الله مستحيل الي عم يصير مع ابني .
الدكتور : بنعمل الي علينا ولا يهمك.
ما بتصدقو قديش الاشي الي صار مع كرم وجعني و كان عقلي بس بفكر بالاشي الي صار بغيابي ، ازا ما في حدا دخل ع الييت وازا ما صار اشي زي ما بتحكي لانا شو الي صار وشو الي وصل كرم لهاي الحاله.
بعد مرور شهر :
ضليت كل هاي الفتره جنب كرم و كنت بعيده كتير عن لانا ما بعرف ازا خوف منها او تصرفاتها كانت غريبه بس فعلا هاد الي صار . @rwayate
بتاريخ 4/8 كان هاد اليوم غريب كتير روحت من شغلي ولمحت لانا قاعده مع كرم وكانت تحكي معو بصوت واطي وهو من الخوف بس يهز براسو حاولت افهم شو بتحكيلو بس ما قدرت بعدها قامت لانا ووقفت ع طرف الشباك زي الي بدها تنتحر ، دخلت عليهم بسرعه من الخوف ومسكتها وكانت تشد ع ايدي وتحكي اتركيني انا مكاني مش هون ، خفت كتير وصرت اصرخ وهي بنفس الوقت تشد ع ايدي لحد ما قدرت اسحبها و هاد الي صار هديتها وقعدت معها رغم انو خوفي كان اكبر من انو اضل قاعده واحكي مجرد حكي بس كانت تصرفاتها اكبر من انو طفل يفكر فيهم وكنت ملاحظه انو فيها اشي غريب وهاي مش بنتي لانا بس ما كان في حدا مصدقني .
طلب المدعو بالشيخ من بيتروفن تروح وتزور سارة مشان تشوف شو صار فيها من ورا السحر تاعو طبعا هي تحمست و كان الحقد عاميها و فعلا هاد الي صار راحت مشان تشوف سارة .
دقت الباب و كانت متوقعه انو الي رح يفتح الباب زيد بما انو سارة رح تكون حالتها سيئه بس الي صار انو ..
#تالا_الزعبي #سحر_بيتروفن

339 likes
• tala.al_zoubiالنهاية :
اخدو لانا لعند الشيخ وحكولو كلشي صار معهم و قرأ عليها قرأن وكانت كتير تصرخ بس يبلش يقرأ اي اشي وما كانت تتحمل و وقتها حكالهم انو لانا في حدا عامللها سحر ولازم انو ننقذها وانو مش ضايل معنا وقت بالمره وهون سارة وزيد ما عرفو شو يعملو من الصدمة ، سارة ضلت تبكي اما لانا كانت نوعا ما مش صاحية ع حالها المهم الي صار هون انو الشيخ فهم سارة وزيد شو يعملو واعطاهم شغلات ونبههم من الطلامس الي في احتمال يلاقوها بالبيت . @rwayate
اما وضع بيتروفن كان وضعها مختلف وكان الانتقام عم يمشي لعندها والسبب كان انو المدعو بالشيخ كان محتفظ بشعرة من راس بيتروفن وكان بدو يطبق السحر الي بلش فيه ع بيتروفن وفعلا هاد الي صار .
بلش اليوم التاني و كان المفروض قبل الساعه 12 ينفك السحر عن لانا مشان ما تموت وكان الشيخ شاطر كتير وبلش يفك عقدة السحر تاع لانا كان يقرأ قرأن عليها و صراخها وخوفها كان قادر لانه يخلي سارة تغيب من الخوف ، كانت لانا ترجف وفش بعد كم دقيقه طلع اشي من تم لانا وكان عبارة عن كتلة لونها اسود مقرفة وكانت بدل انو الاشي الي نعمل الها اسمو السحر الاسود و طبعا بعد كل هاد لانا نامت قد ما كانت منهكه وتعبانه وفش 10 دقايق وصحيت و قعد الشيخ يحكي معها وطلب منها تتزكر كل الي صار معها بهاي الفتره مشان يحلو مشكلة كرم ويرجع يحكي . @rwayate
وبهاد الوقت بصير مع بيتروفن اشياء غريبة : اغراض البيت بتبلش تتكسر وبتنتشر اصوات بتخوف بالبيت و طبعا قلب بيتروفن بلش يدق من الخوف و صار معها اسوء من الي صار مع لانا ..
بهاي الاوقات بتكون لانا بتتزكر الي صار معها وتحكي للشيخ ول اهلها والي صار معها وقتها : كان في حدا يجي يحكي معها و يحرضها ع كرم وكانت تسمع كلامو وتتحول ل متوحشه وتروح تضرب كرم بطرق غريبة وكانت كتير تخوفه و كانت تحكيلهم انو ما كانت لحالها وكان معها 3 اشخاص وكان الهم طقوس معينه وهيه انهم يشبكو ايديهم ويلفو حوالين البيت ع الساعه 3 الفجر وكان لبسهم ابيض بس ما كانت تقدر تشوف وجوهم و بهداك اليوم الي صار فيه كرم اخرس كان السبب انو شافهم ومن الخوف انربط لسانه لانهم قربو منو ، طبعا كانو سارة وزيد منصعقين من الاشي الي سمعوه بس الشيخ هداهم وحكالهم انو لازم يعملو زي الي حكتو لانا وفعلا عملو والحمدالله انفك السحر عن كرم ورجعلو صوتو ولانا رجعت ل طبيعتها . @rwayate
الساعه 12 الا ربع هون بلش السحر يسيطر ع بيتروفن بلشت تصرخ و عرفت انو السحر ربع ساعه ورح يطبق عليها ما عرفت شو تعمل وحالتها سائت كتير و بلشت تبكي كتير وبلش جسمها يطق و بلش العد التنازلي لحد ما اطبق هاد السحر ع بيتروفن وماتت .

#تالا_الزعبي

• tala.al_zoubiالجزء التاني :
كانت الصدمة واضحة ع وجهي وما كنت قادره اصدق الي شفتو للحظة فكرت حالي بحلم بس للاسف هاد كان مجرد تفكير لانه هالاشي الي صار قدامي واقع وكان صعب اواجهوا كانت اللعبة بتطلع @rwayate بنظرة حقد كأنها مزعوجة مني ومن الصدمة صرخت بلا وعي وغمضت عيوني وحطيت ايدي ع وجهي بس مشان اقدر اسيطر ع حالي بس الي صار وقتها سمعت صوت حنين بتحكي : ماما شو مالك ليش صاحية الدنيا لليل . فتحت عيوني دغري وطلعت مشان اشوف اللعبة الي جنب حنين بس كانت مختفية وقتها ما قدرت اتحمل واخدت حنين تنام عندي بالغرفة نيمت حنين وانا من قلقي ما قدرت انام ضليت صاحية لأني ما كنت حاسة بالأمان ابدا .
ع الساعة 10:00pm سمعت صوت السيارات والجيران وبصراحة @rwayate هاد الاشي شال الخوف الي عندي وبلشت اقنع حالي انو الصبح امان وازا صار اشي معي الجيران موجودين قمت وبلشت ادور ع اللعبة بكل البيت بس ما لقيتها وكان كل تركيزي ع غرفة حنين ضليت ادور فيها وما كنت الاقي اي اشي بخصها لحد ما لقيت تحت مخدة حنين شعر لون اشقر وكأنه شعر لعبة بس ما خطرلي انو ممكن يكون شعر نفس اللعبة هديك حكيت يمكن حنين لما كانت تمشط شعر لعبتها نسيتهم و دغري رحت ع غرفتي مشان اصحي حنين بس لما رحت لقيت حنين قاعدة ع التخت و مبتسمة وكأنها كانت عم تحكي مع حدا بس لما شافتني سكتت ، سألتها انو شو بتعملي كنتي ، حنين : ولا اشي بس انا كتير اشتقت ل لين ( لين بنت خالتها ) وقتها قررنا انا وحنين انو تيجي خالتها تاخدها @rwayate عند لين لحتى انا اخلص شغل البيت و اجي اخدها ، وبهاد الوقت افطرت حنين ولبست و اجت خالتها اخدتها وانا ع طول بلشت بشغل البيت بس الي وقفني فضولي كان بدي اعرف وين مكان اللعبة وقتها قررت اروح ع المخزن مشان اشوف ازا اللعبة موجودة ولا لا وصرت ادعي تكون موجودة لحد ما فتحت باب المخزن ولقيتها موجودة بغض النظر عن النظرة الي كانت مرسومة ع وجهها الا انو كنت مرتاحة كتير اني لقيتها .
الساعة 9:30pm اتأخر الوقت وبلشت اجهز حالي مشان اروح اجيب حنين لبست ووقفت عند المراي مشان ابلش بالميكياج كنت شارده وانا عم بحطو لحد ما شفت اللعبة وراي وكان حجمها اكبر من الي كانت عليه وقتها متت من الخوف و لفيت دغري مشان اشوفها بس ما لقيت في حدا وقتها اعصابي تلفت صرت احس في اشي غلط فيني بس كملت ولا كأنو في اشي وكانت الصدمة بس لفيت كانت مكتوب ع المراي بشعر اللعبة ( سكوني اساس لعنتي ف احذري !) #تالا_الزعبي#لعنة_السكون #قصص_رعب

•
• tala.al_zoubiالجزء الثالث :
لما شفت هاد الاشي المكتوب ما صدقت وفكرت حالي بتخيل بس لما اجيت @rwayate امسك الشعر كان نفس شعر اللعبة الي كان تحت مخدة حنين من الخوف تركت كلشي و دورت ع مفتاح السيارة وكانت الكهرباء وقتها بتضوي وبتطفي زاد خوفي اكتر واكتر لقيت مفتاح السيارة وطلعت من البيت وركبت السيارة ومن كتر التوتر والعجلة نسيت اسكر باب البيت بس هاد الي صار ضليت احاول اشغل السيارة وما كنت تشتغل وكان الشارع كلو عتمه ومافي حدا يساعدني قعدت بالسيارة وضليت احاول اشغلها لحد ما اشتغلت وقل خوفي وقتها .
كان بيت اختي بعيد عني يعني بدو ساعة ع الطريق خفت تقلق ف بعتلها رسالة اني رح اتأخر شوي وانو خلي حنين نايمة عندك اليوم وبعد ما وصلت هاي الرسالة تلفوني طفا شحن وماكان معي شاحن .
كان كلشي ع حاله لحد ما صرت بعيدة عن البيت وبنفس الوقت مش قريبة ع بيت اختي كنت عم بسوق وانا سرحانة وبفكر بالشغلات الي صارت معي لحد ما لمحت اشي مرق من قدام السيارة بس ما قدرت اعرف شو هالاشي مامر كم دقيقة ووقفت السيارة بنص الشارع نزلت لحتى اشوف شو القصة @rwayate بس ما قدرت اشوف اشي لانه كان الشارع عتمة وما كان في اي سيارة تساعدني ومافي معي ضو ، والي عملتو اني قعدت جوا السيارة وسكرت علي وضليت استنى حدا يمرق بس الي صار اني غفيت بدون ما احس وبعد نص ساعة حسيت ع حالي وكنت لسا بفتح بعيوني ما لقيت غير اللعبة واقفة قدام السيارة وماا قدرت امسك حالي من الخوف وكنت وقتها حاطة رجلي ع البنزين وتحركت السيارة وماقدرت اسيطر عليها .
********* الصبح الساعة 7:00 صحيت ولقيت حالي بالمستشفى ما فهمت شو الي صار بس حسب حكي الدكتورة انو صار معي حادث وكانت السيارة خابطة بعامود كهرباء @rwayate بس ما صار في اشي كتير يعني بس رضوض .
اتصلت ع اختي واجت هيه وحنين ركض و اتطمنو علي وحكيتلها الي صار معي بس ما صدقت وفكرتني بمزح معها وانا كملت معها ع هاد الاساس .
روحنا ع البيت وكانت اختي نايمة عندي مشان تساعدني ومرق هاليوم زي اي يوم تاني ونام الكل وانا ضليت صاحيه، بس لحد هالوقت كان بالي مشغول وفي غصة وخوف كبير براودني تجاه اللعبة لانه انا متأكدة انه كل شي صار بسببها وما عم اتخيل، قمت ورحت ع المخزن واخدت اللعبة وطلعت ع الحديقة مشان احرقها..
مسكتها بايدي وحكيت بصوت كان فيو الخوف : خلص بكفي الي صار معي بسببك لحد اليوم انتي لازم تموتي والروح يلي جواتك تنحرق. @rwayate
كان في عنا بالحديقة بئر وقفت جنبو واول ما ولعت النار شفت خيال حدا وراي لفيت وجهي لقيت حنين وبعدها فورا في قوة حاولت ترميني جوا البئر المشكلة مو هون المشكلة كانت حنين!! #تالا_الزعبي #لعنة_السكون

•
• tala.al_zoubiالجزء الرابع :
لفيت وجهي لقيت حنين وبعدها فورا في قوة حاولت ترميني جوا البئر المشكلة مو هون المشكلة كانت حنين!!
***** الساعة 3:00 الفجر
اختي : سيرين كيف ممكن يصير هاد الاشي
انا : صدقيني هاد الي صار حنين حاولت ترميني جوا البئر
اختي : سيرين مالك ؟ حنين كانت نايمة جنبي وانا متأكدة @rwayate
انا : لا انا مش مجنونة انا بحكي الي صار **** نرجع بالزمن ساعة وحدة **** الساعة 2:00 الفجر :
صوت صراخي وخوفي كان معبي البيت كنت متمسكة بطرف البئر وما كان عندي امل انو حدا يسمعني بس كان وجود اختي نعمة من الله لانها سمعت صوتي وطلعت ادور علي و ساعدتني وطلعت من البئر ، هاد الاشي الي صار انحفر بذاكرتي ومستحيل انو ينمحي بيوم و صرت اخاف من حنين بس ما كنت حابه ابينلها هاد الاشي .
طلعت مشان اغسل وجهي بس لقيت كل غرفتي مكركبة وحالتها حاله وكان جوا الحمام في شمعة مولعة ومحطوط ورد بصراحة ما اخدت بالموضوع كتير لانها من حركات اختي وما خطرلي غير هيك لحد ما فتحت المي وكانت كلها دم بالاول ما كنت حاسة بس بعدين صوت صراخي كان قادر انو يموتني خفت لاكبر @rwayate درجة وتوترت ووقفت مكاني والكهربا تطفي وتضوي تمسكت بحالي وطلعت من الحمام و اول ما طلعت لقيت بوجهي نفس العبارة مكتوبة ع المراي وبنفس الشعر ( سكوني اساس لعنتي ف احذري ) .
حكيت كل الي صار لاختي وزي اي شخص تاني مستحيل يصدق ، شكيت بحالي كتير ليش بس انا الي بصير معي هيك وليش ما حدا بشوف غيري .
بعد مرور 7 ايام الساعة: 2:00 الفجر
كنت قاعدة ع التلفون بعد ما نامت حنين لانه فعليا ما كان الي نفس انام كنت عم بتذكر كلشي صار معي وكنت بحاول احكم ع حالي ازا انا جد مجنونة ولا لا لحد ما دق باب البيت @rwayate انصدمت اول ما سمعت صوت الدقة مين رح يجي بهاد الوقت كنت كتير خايفة وبمشي شوي شوي لحد ما وصلت لعند الباب وشفت من العين السحرية وكانت الصدمة اني شفت حنين بتعملي باي جد انصدمت ودغري ركضت لعند غرفتها ولقيتها صاحية وبتلعب بالالعاب تاعونها ومبسوطة صرخت من الخوف لانه حنين كانت نايمة شو صحاها رجعت ركضت لعند الباب واطلعت من العين السحرية لقيت اللعبة بتعملي باي وبتضحك ضحكة شريرة نوعا ما وهون فقدت عقلي وصرت اعيط وخوفي من اللعبة وحنين زاد ، بعد ما هديت شوي صرت افكر انه كيف ممكن اتخلص من اللعبة وبنفس الوقت اخلي حنين بعيدة عن هاد الاشي .
#تالا_الزعبي #لعنة_السكون

•
• tala.al_zoubiالجزء الخامس :
اللعبة كانت تلاحقني بس لحد هلأ ما عرفت شو بدها مني والعبارة كانت عامليتلي قلق كبير بحياتي وبالاخص كلمة السكون يعني ازا اللعبة هيك ساكنة كيف ممكن تكون هي الي بتعمل هاي الاشياء معي ، كان اشي صعب بالنسبة الي احكي للناس الحوالي انو انا بشوف هاي الشغلات لانه فعليا فش حدا @rwayate بصدق وازا اقرب الناس الي اختي ما صدقتني .
انا اكتر حدا يمكن بحب النظافة وكالعادة قررت ارتب البيت بعد ما نامت حنين وفعلا هاد الي صار رتبت كلشي وخلصت بعدها خطرلي انظف الحديقة لانه صرلي فتره مش منظفيتها .
بلشت تنظيف بالحديقة وكانت الدنيا لليل وهدوء بس كان الصوت الوحيد صوت المي الي بالبئر بس ما اخدت فيها وكملت تنظيف كان الطين معبي المكان طبعا استغربت من وين جاي كل هالطين بس ما خطرلي غير انو حنين كانت تلعب وعدت هالقصة بس ما كان اللغز هون ، كتير اتأخرت و كان لسا ضايل @rwayate انضف عند البئر وكان في جنب البئر بقعة دم وجنبها سكين خفت كتير ورجعت لورا و كان بدي اشوف شو القصة بس الي منعتني حنين لانه سمعت صوتها بتصرخ طلعت لعندها بسرعه مشان اشوفها بس كانت نايمة وما كان فيها اشي فكرت حالي بتخيل ورجعت نزلت مشان اشوف لمين بقعة الدم هاي بس كانت مختفية وما كانت موجودة السكين بتقدرو تحكو كأنو في انسان تالت ساكن معنا بهالبيت .
رح تبلش الاحداث والادلة من هاد اليوم : الخميس
كنت دايما متعودة احضر فلم قبل ما انام مع حنين وطبعا كنت اختار افلام بتناسب عمرها و كان من المستحيل احط قدامها فلم رعب بس الي صار : حطيت فلم سندريلا لحنين ورحت ع المطبخ مشان اجيبلها اشي تاكلو وانا طولت بدون ما احس بس لما رجعت كان محطوط صوره اللعبة بدل الفلم @rwayate وحنين ما كانت موجوده وقع الاكل من الصدمة ، وبدون وعي بلشت ادور ع حنين بكل البيت بس ما قدرت الاقيها صرت اعيط دورت بكل مكان وين بدها تروح يعني طبعا انا ما فهمت الي صار وكنت عم بحاول استوعب انو حنين ضايعة وهيه كانت بالبيت والباب مسكر قعدت قبال الكنباي الي كانت قاعدة عليها حنين ولمحت طوق حنين واقع جنب الكنباي نزلت ع الارض مشان اخدو ووقتها شفت حنين نايمه تحت الكنباي ، بصراحة ما كنت عارفة شو اعمل افرح مشاني لقيت حنين ولا انصدم من وجدها تحت الكنباي المهم اخدتها وحطيتها ع تختها وكنت احاول اصاحيها بس ما كانت تصحى جربت كلشي مشان اصحيها بس نفس النتيجة هون قلبي طلع من محله انه شو ممكن تكون اللعبة عملت بحنين!
**** #تالا_الزعبي #لعنة_السكون#قصص_رعب

•
• tala.al_zoubiالجزء السادس:
لما جربت كل الطرق لتصحى حنين وما صحيت للاسف اتصلت بالإسعاف فورا، دخلوها غرفة العمليات وطلبوا مني استنى بالاستراحة هون انا انهرت تماما لاني مو مستوعبة الاشي يلي صار ويلي وصل حنين لغرفة العمليات!!
بعد مرور ساعة كاملة والافكار بتروح وبتيجي بعقلي @rwayate اجت الممرضة ع الاستراحة وحكت انه الدكتورة بتستناني بغرفتها وبدها تحكي معي بموضوع مهم.
انا: حنين وينها؟ هي منيحة شو في خوفتيني؟
الدكتورة: مدام سيرين تفضلي استريحي، ممكن تحكيلي شو صار بالزبط لانه حنين معها نزيف داخلي!
(انا استغربت كتير وانجنيت كيف صار مع حنين هيك @rwayate
صرت احكي بعقلي معقول اللعبة تعمل كل هاد
كيف رح احكي للدكتورة ممكن تفكرني مجنونة وصرت محتارة كتير وافكر)
الدكتورة : مدام سيرين خير شو صار !!
(وهون الله ألهمني انو احكي للدكتورة عن كل اشي صار حتى لو مارح تصدقني المهم اني ارتاح وافضفض لاي حدا)
والحمد لله طلعت الدكتورة سامعة بهيك اشي من قبل وصدقتني ونصحتني @rwayate بإني احكي كل الي صار لشيخ لانو ممكن ينفعني باشي، بصراحة موضوع الشيخ ابدا ما كان خاطر ببالي ويمكن الاشي يلي صار كان وسيلة لاستيعن بالشيخ.
والحمد لله حنين تعافت وصارت احسن وكنت مبسوطة انها ما تضررت كتير بس بنفس الوقت مو عارفة شو اعمل عشان اللعبة.
اجا الليل و بعد ما نامت حنين عملت نسكافيه و شغلت سورة البقرة لاشعر بالامان وارتاح وغفيت من دون ما احس بسبب الارهاق .
******. الساعة 2:30 Am صحيت من صوت الهواء يلي كان غير عن المعتاد وصل لدرجة انه الشبابيك تفتح وتسكر لحالها! طبعا ما كنت مرتاحة لهاد الاشي ومستغربة كتير لانه احنا بشهر تموز والجو شوب! المهم ما اهتمت حكيت يمكن عاصفة غبار بسبب الجو، هاد الصوت مو هو يلي زاعجني يلي @rwayate زاعجني صوت الأبواب يلي بتسكر وبتفتح لحالها وكأنه في حدا هو يلي بسكرها حاولت ما اخاف واقنع حالي انه من الهواء ورحت سكرت الشبابيك وطلعت على غرفة نوم حنين لقيتها نايمة بالرغم من كل هاد الازعاج وسكرت باب الغرفة مشان ما يزعجها الصوت، وانا رايحه لحتى انام بغرفتي سمعت اصوات صادرة منها قلبي هون وقف وصرت ارجف حاولت استمد الشجاعة من خوفي وكملت مشي لحتى ما وصلت الباب وقربت أذني عند الباب لاسمع، كمية الصدمة يلي كانت على وجهي نستني خوفي لانه الأصوات يلي سمعتها كانت عبارة عن.... #تالا_الزعبي #لعنة_السكون