tala.al_zoubiالجزء الخامس :
لما سمعنا صوت صراخ دانة بصراحة ما عرفنا شو بدنا نعمل و وين نروح حتى ما سدقنا وفكرنا حالنا بنتخيل بس الي صار انو رحنا دغري ع المغفر وخبرنا الشرطة عن الي صار واخدو تلفوناتنا مشان يدورو ع اشي بقدر يساعدهم . كان في شرطي بيطلع علينا بنظرة غريبة كتير وكان جاي بأتجاهنا .
الشرطي : بصراحة انا مش عارف ليش لحد هسا بتيجو ع المغفر @rwayate
لارا : عفوا بس احنا فاتحين قضية اختفاء صديقتنا دانة
الشرطي : ما اتوقع انها مختفية الشغلة واضحة اذا الجماعة الي خطفوها ما رنولكم وطلبو فدية شو بدهم منكم غير المصاري بما انكم بتحكو انو ما عندكم اعداء والقضية صرلها مفتوحة 5 شهور حسب علمي .
لارا : سيدي احنا رح نضل ندور ع دانة واحنا متأكدين انها عايشة
زينة : خلص خلينا نرجع ع البيت
هالة : اهه بس خلينا نوصل لارا بالاول
لارا : تعو نامو الليلة عندي بدكم 4 ساعات لتوصلو ع بيتكم
زينة : الاحسن انو نضل لانه مش قادرة اتحرك من الخوف الي عشتو
هالة : متل ما بدكم
ولما وصلنا كانت امي بتستنانا سلمت ع هالة وزينة و طلعنا ع العمارة وكل ما نطلع درجة نتذكر هداك اليوم ما بتسدقو قديش هاد اليوم اثر فينا. @rwayate
كانو البنات بدهم يطلعو بالمصعد بس كان في ريحة مش طبيعية طالعة منو ما عرفنا ريحة شو.
هالة : هسا بفتحو وبنشوف
امي صرخت : لا ما حدا يفتحو لحد هاليوم ما انفتح والدم الي جوا ما تنضف والمصعد خربان لازمو صيانة .
هالة : اهه منيح حكيتيلنا
وطلعنا ع البيت و ع طول رحنا انام.
ع الساعة 3:00Am كان في صوت ضحك عالي وهاد الصوت كان جاي من ورا العمارة طبعا صحينا كلنا ع هاد الصوت بصراحة هاد الصوت ما كان غريب علينا كأنه صوت دانة كنا متأكدين انو دانة الي بتضحك وقمنا ركض عند الشباك لقينا بنت قاعدة جنب هداك القبر وبتحكي مع حدا وفعليا ما كان في غيرها كانت ملامحها كتير مبينة ملامح دانة.
الصدمة ع وجوهنا كانت مبينة ومن الصدمة ما عرفنا شو نعمل
هالة بصوت كله توتر : ان.انا.انا جد شايفة دانة او بتخيل، حدا منكم يحكى انه ما عم اتحيل انه حقيقة مشان الله. @rwayate
انا من الصدمة ما عرفت شو احكي غير انه ضليت زي الصنم عم بطلع عليها
زينة: هاي دانة والله دانة
هالة: لارا احكي اشي ما تضلي ساكتة
زينة: احنا بشو عم نستنى تعو ننزل نشوفها
طلعنا من غرفتي وانا لسا مو مستوعبة شو يلي صار
ونزلنا مشان نشوفها بس لما وصلنا ما كان في حدا وكان الشارع كتير هادي بس كان مكتوب محل ما كانت دانة قاعدة هديك الجملة يلي من اول ما شفناها وحياتنا قلبت لرعب (ليتك سمعت انين قبري لتنقذيني لكن فات الأوان والموت حان) بس هالمرة كانت مكتوبة بالدم #تالا_الزعبي#انين_القبور #قصص

tala.al_zoubiالجزء السادس :
نزلت امي لعندنا وسألتنا شو بنسوي هون .. هالة : سمعنا صوت دانة
لارا وزينة : اهه سمعنا
ام لارا :حبيباتي شكلكم بتتخيلو ما في صوت ولا اشي
لارا : ماما تعمليش زي الافلام وحياتك سمعناها
ام لارا : شو متوقعه مني احكيلك ، دانة صرلها فتره مختفية واكيد لو كانت هون كان طلعت لعندنا
لارا : ما بعرف ليش بصير هيك @rwayate
زينة : ي بنات كانو التابوت مفتوح ؟ اطلعنا كلنا باتجاه التابوت ورحنا لنشوفه ، لقينا في عضام متحللة جواتو وكان مكتوب ع كل فراغ بالتابوت نفس العبارة ( ليتك سمعت انين قبري لتنقذيني لكن فات الاوان والموت حان ) كانت الاحداث ورا بعض يعني ما كنا نرتاح من اشي دغري تيجي شغلة اغرب من الاولى . واحنا مروحين ع البيت لمحنا شب مارق كان بشبه كتير حارس العمارة وكانت هالمره امي الي شافتو صارت تحكي مش هاد عامر .
لارا : امي مشان الله شو الي بصير هون
زينة : امشو نطلع بحياتكم
طلعنا ركاض ع البيت واحنا طالعين كان في بسة نازلة بسرعة من نفس المصعد صرنا نصرخ من كتر الخوف الي عشناه هاي الليلة وكل ذكريات دانة الي رجعتنا لورا .
بعد مرور سنة وكم شهر.. الساعة 5 الفجر 25 اذار نفس اليوم الي اختفت فيه دانة .. كنا متذكرة هاد اليوم اكتر من اسمي لانه هاد اليوم تركت وراه بصمة كبيرة بحياتنا ، نزلت ع الشارع @rwayate مشان امشي مع انو كان الوقت متأخر بس اجتني الجرأه فجأه كنت بمشي وبنفس الوقت حاسه في حدا عم يمشي وراي كان في خيال ، صرت امشي بسرعه وهو صار يمشي بنفس الطريقة ، حط ايدو ع ايدي وما حسيت غيري كأنو حدا غزنب بأبره ، بصراحة ما كنت عارفة اذا كان بنت او شب لانه كان لابس اسود وما كان مبين اشي منو ، صرت اركض بسرعة وهو ضل مكانو استغربت كتير انو ليش ما لحقني بنفس الوقت كانت ايدي توجعني كتير والي فهمتو قبل ما اغيب عن الوعي انو اعطاني ابره منوم وما لقيت غير هالحدا بحكي بصوت عالي ( ليتك سمعتِ انين قبري لتنقذينني لكن فات الاوان والموت حان ) ومن وقتها ومن هالتاريخ 25 اذار نفس التاريخ الي اختفت فيه دانة تفتح قضية اختفاء لارا وتنتقل الرواية ل زينة . @rwayate
ما استوعبنا الخبر الي وصلنا وكان صدمة للكل الاشي الي فهمناه انو هالتاريخ في عقدة لازم يكون الها مفتاح . بلشت الاتهامات تلحقنا انا وهالة بما انو انا وياها الوحيدين الي صرلنا اشي وكانت الشرطة بتستنى دليل يثبت انو احنا الي عملنا هيك ب لارا و دانة ، كان اشي كتير صعب بالنسبة النا وكان الكل ضدنا واولهم اهل دانة ولارا ، بس انا وهالة قررنا انواجهه الاشي و نفكر ونربط الافكار ببعضها منهم،.وكانت البداية تاريخ 25 اذار .
#تالا_الزعبي #انين_القبور #قصص_رعب

•
• tala.al_zoubiنهاية القصة :
كان عامر يمشي باتجاه القبر واحنا كنا نلحقو بدون ما يحس ، ما لقينا غير خالتو ام لارا نازلة بتصرخ تركنا كلشي ورحنا نشوفها وبنفس الوقت الشرطة اجت ،
ام لارا : هاي دانة كانت قدامنا كل هالوقت وما شفناها ، شو ذنب هالبنات ي ربي ، وبنتي ما بعرف عنها شي شو بكون صاير معها هسا ووين اراضيها، والدموع ما فارقت عيونها ، الشرطة بلشت تاخد البصمات وهاي الشغلات وانا وزينة كنا مع ام لارا ، زينة : هالة روحي لعند القبر بلكي راح عامر ، ام لارا : عامر ؟ زينة : اهه حارس عمارتكم ، ام لارا : بنتي صاير اشي لعقلك الشب توفى ، زينة : بس احنا شفناه عند القبر الي ورا العماره ، ام لارا : اي قبر ؟ اخدنا ام لارا لحتى تشوف القبر وما كان في حدا عندو ، هالة : زينة تعي نقرب اكتر بلكي لقينا اشي يدلنا ، زينة : هالة امانة انتي شوفي والله انا خايفة كتير .
كنا عم نطلع ع هالة وهيه عم بتروح بتجاه القبر وكانت الشرطة معبية المكان بس الي صار كانت هالة تقرأ بالي كان مكتوب ع القبر ليتك سمعت انين قبري لتنقذيني لكن فات الاوان والموت حان ، صاحب المقولة : دانة )) انا عمر توأم المرحوم عامر بتاريخ 25 اذار فقدت اخوي بسببكم لو ما اخوي طلع وحذركم كان لحد هاليوم عايش بس انتو الوحيدين المسؤولين عن موته و هسا اتحملو النتائج موت دانة ولارا ومن الصعب تلاقوني ، ودغري فتحنا الصندوق ولقينا لارا مسكر ع تمها و وجها احمر وعيونها مفتوحين ، كل المكان صار صراخ و دموع ما تحملنا الاشي الي صار فقدنا اعز الناس ع قلبنا و انحرق قلب الام ع بنتها كانت من ارعب الايام الي عشناها انا وهالة بحياتنا وما ضل عنا هدف لنعيش عشانو و كان حكم القانون علينا نعتقل لمدة 7 سنوات ، رغم وجود القاتل بس انسجنا بقضية اعانة القاتل للقتل ، وبهاي الحالة ضاعت ايامنا الحلوه والسعادة بطل الها عنوان بهاي الحياه خسرنا اعز صديقاتنا و ضاع شبابنا ...
25 اذار .... لعنة هذا اليوم تلاحقنا .. #ليتك_سمعت_انين_قبري_لكن_فات_الاوان_والموت_حان #تالا_الزعبي

•
• tala.al_zoubiالجزء السابع :
الاصوات يلي سمعتها ما كانت كتير واضحة بس كانت عبارة عن صوت بنت صغيره بتعيط وبتصرخ بصوت عالي فكرت انو حنين الي بتعيط ورحت اطمن عليها بسرعة لما وصلت باب غرفتها لقيتو مفتوح استغربت لانه انا لما طلعت خليتو مسكر وما فتحتو تلبكت كتير وكنت متردده ازا ادخل ولا لا بس اول ما تقدمت خطوة لقيت عند اجري ورقة زي كأنها قديمة ومكتوب بالدم عبارة ( سكوني اساس لعنتي فإحذري ) هون فقدت عقلي بطلت @rwayate اعرف شو اسوي امزعها ولا لا بس الي بعرفو انو لازم اتخلص منها وما خطرلي فكره غير اني اروح احرقها مشان ارتاح وفعلا هاد الي سويته فعلا رحت وحرقتها وبلشت ارتاح قل خوفي ، لما كانت تنحرق سمعت صوت اشي قوي كتير زي كأنو حدا بضرب الحيط بقوة وهاد الصوت كان جاي من غرفة حنين ، دخلت ع الغرفة زي المجنونة لقيت حنين نايمة ولقيت علامة بتخوف عالحيط زي علامة شيطانية وهون الصدمة كانت واضحة ع وجهي وفقدت عقلي ع الاخر شو بصير معي وشو السبب ماا كان معروف ، صفنت شوي ووقتها لقيت نفس الورقة الي كان مكتوب عليها العبارة ع الارض ما دققت كتير او فعليا كنت ناسية انو انا حرقتها و لتهيت شوي و بعدين رجعت مشان اخد الورقة لاني استوعبت انها نفس هديك الورقة بس شو جابها مع اني انا حرقتها بس ما لقيتها كانت مختفية طبعا من كتر الصدمات بطلت استغرب المهم رحت وضليت قاعدة جنب حنين كنت كتير خايفة عليها ومتوترة من الاشياء الي صارت معي لانها كانت زي فلم الرعب جد ، اتزكرت حكي الدكتورة لما قالتلي اروح عند شيخ ما كان معي وقت اروح اليوم ف اجلتها لبكرا . @rwayate
الساعة 7:00am صحيت مشان اروح ع الشيخ لانه فعليا مش قادره استنى ولا دقيقة وحده رنيت ع اختي مشان تاخد حنين عندها واجت بس كانت حنين مش حابة تروح عند خالتها لاول مره كان اشي غريب لانه مش من عادتها ولانه كانت تترجاني مشان نروح بس بالاخر رضيت وراحو وانا رحت فورا عند الشيخ ، دخلت لعندو وحكيتلو كلشي صار معي من اول ما دخلت اللعبة ع البيت ف كان اول اشي بطلبو مني اجيب اللعبة و انا وافقت وحكالي ما بقدر اعمل اي اشي قبل ما اشوف اللعبة الي بتحكي عنها وهاد الي صار روحت ع البيت لانه كان قريب كتير من @rwayate مكان الشيخ ودخلت ع المخزن مشان ادور ع اللعبة بس ما لقيتها انصدمت و دورت بكل البيت بس برضو ما لقيتها وهاد الاشي بيعني انو اللعبة قاعدة بتتحرك بالبيت ع راحتها . #تالا_الزعبي#لعنة_السكون #قصص_رعب

• tala.al_zoubiالجزء الثامن :
فقدت اعصابي لما ما لقيت اللعبة موجودة ودغري رجعت لعند الشيخ وحكيتلو الي صار معي وانو خبيت اللعبة بالمخزن و كنت اشوفها وكانت تطلع علي بنظرة كلها حقد وكراهية ولما رجعت اخدها ما لقيتها بالمخزن بس الصدمة كانت بالرد الي ردو الشيخ هاي اللعبة ساكنة حدا بالبيت و مشان يروح هاد السحر .. قاطعتو بشكل عفوي بس ما في حدا بالبيت غيري انا وبنتي الصغيرة كيف ممكن تكون ساكنة شخص بالبيت ؟ الشيخ : ليش كتير مستهينة ببنتك يمكن اللعبة ساحريتها هيه @rwayate
انا : مستحيل يصير اشي من هالحكي بنتي لسا صغيرة
الشيخ : ليش مين قلك انو السحر بالعمر يا بنتي
انا : شو الحل مشان الله يا شيخ ساعدني
الشيخ : احتمال هاي اللعبه جواها روح وهاي الروح الها اسم مخفي وما حدا بعرفو ولما تعرفي هاد الاسم بتطلع الروح من اللعبه واذا كانت بنتك مسكونة رح تطلع منها هاي الروح هاد الاشي خطر بس ما في حل غير هيك بضل عليكي ادوري ع اسم هاي الروح
انا : كيف ممكن الاقيه ما بعرف @rwayate
الشيخ : من خلال الشغلات الي بتعملها اللعبه يمكن بتبعت ادلة بدون ما تعرف انها بتعطيكي اسمها فكري ي بنتي وما بقدر اساعدك اكتر من هيك و الله يكون معك .
طلعت من عند الشيخ ورحت ع بيت اختي مشان اخد حنين وحسب ما قالتلي اختي انو حنين ضلت مسكره ع حالها بالغرفه وما رضيت تفتح والاغرب انها كانت تحكي مع حدا وكان تصرخ ع الشخص الي بتحكي معو طبعا اختي كان فاهمه انها بتحكي مع العابها بس انا اتزكرت كلام الشيخ و احتمال كبير تكون حنين فعلا مسحوره الدمعه كانت بعيني وما كنت قادره اتحمل هاد الاشي واني اشوف بنتي بهاد الموقف صرت كتير اخاف منها وهاد الاشي كان زاعج امومتي كوني ام كيف ممكن ام تخاف من بنتها . @rwayate
روحنا ع البيت وكانت الساعة 11بالليل ودايما حنين بس تروح بتحب انها تاخد دش بس هالمره ما حكتلي شكيت بالموضوع لانه مش من عادة حنين وتزكرت كلام الشيخ انو من الممكن تكون حنين مسحوره بس انا كنت انكر القصة وما كان بدي اصدق ، بعد نص ساعة اجيت مشان البس حنين بجامتها وكان عندها اكتر من بجامة والي خلاني استغرب انها اختارت اكتر بجامه بتكرها ضليت انكر الموضوع واخدع حالي لحد ما اجى وقت تحضير العشا لحنين بس هالمره حاولت اعمل شغلة مشان اختبر حنين وكان العشا سمك اكتر اشي بتكرهو حنين وبعمرها ما حبتو ولا طلبت مني اعمللها اياه بس الصدمة كانت انو حنين اكلت عادي وما شتكت زي كأنها اكلة عادية هون انا اتأكدت انو هاي مش بنتي حنين هاي الروح الي بتتحكم فيها
#تالا_الزعبي #لعنة_السكون #قصص_رعب

• tala.al_zoubiالجزء العاشر
الاشي الوحيد الي كان الصح اني كنت اخبي كل ورقة لأني كنت شاكة بالشغلات الي بتنكتب وحكيت بلكي بستفيد منهم باشي.
بعد مرور يومين كنت كتير قاطعة بقراءه هاد الكتاب وكنت بقراء بالصفحة 69 وكنت بدي اقرأ لصفحة 70 وانام ع طول بس الي صار انو الكهربا كانت تطفي وتضوي استغربت لانه كل البيوت كانت ضاوية وما فيها الكهربا اشي فجأه مره وحده طفت الكهربا التمست وصرخت بدون وعي وبهاد الوقت دق باب البيت رحت مشان اشوف مين بس ما لقيت في حدا بس كان في صندوق فتحتو ولقيت جواتو ورقة مكتوب عليها نفس العباره بس هالمره كانت الكلمة الي تحت (تشبه)ما فهمت شو المقصود بس الي عملتو اني سكرت الباب من الخوف واول ما سكرت الباب رجعت الكهربا رحت دغري مشان اكمل قراءة لقيت الكتاب مفتوح ع صفحة 70 مع اني لسا ما قرأتها .
جمعت 3 وراق لحد هلأ وكل كلمة اغرب من الي قبلها وما فهمت شو العلاقة بينهم، مرقو 3 ايام بعد هاليوم وكنت بكل يوم فيهم اقرأ 9 صفحات ويصير اشي مرعب وتوصلني رسالة واكيد كان بكل رسالة كلمة وخلال هدول 3 ايام كانو الكلمات (1-شمعة2-يائسة 3-بسماء) وبعد ما استلم الرسائل كنت ارجع لعند الكتاب والاقيه مفتوح عند اخر صفحة كنت بدي اقرأها بهاد اليوم .
بس بهاد اليوم كان الشغلة عم توضح اكتر واكتر ، وصلت عند صفحة 90 وكنت بدي ابلش قراءه مشان اخلص هاد الكتاب اليوم وزي كل مره دايما بس اوصل للصفحة قبل الاخيره كان يصير اشي معي مش متوقع وفعلا هاد الي صار وصلت عند صفحة 99 و بصراحة كنت عم بخاف اكتر واكتر الخوف الاول كان من الاشي الي رح يصير بعد ما اخلص هالصفحة والخوف التاني من الكتاب نفسو لانه كان كتير غامض و كانت القصة كلها بالورقة الاخيرة الي بالكتاب و لما اجيت اقرأها سمعت صوت صراخ بالحديقة وكل الطقس تغير جد زي الافلام ما كنت عارفه شو اعمل اطلع اشوف شو بصير ولا اتخبى ضليت ماسكة الكتاب بايدي ما كان بدي اتركو لانه بدي اعرف شو النهاية بهاد الموضوع وطلعت ع الحديقة وكان الجو كلو مطر كان اشي غريب وبخوف جد وقفت بنص الحديقة وما كنت عارفه شو اعمل ما خطرلي غير اقرأ اخر صفحة ولما فتحت الكتاب كانت الصفحة الاخير ما فيها غير (سكوني اساس لعنتي فاحذري وتحتها مباشرة كلمة الرعب) كانت اكبر صدمة بالنسبة الي الكتاب كان بايدي وكيف انكتب هاد الكلام قاطع كل تفكيري صوت صراخ جاي من البئر الي بالحديقة قربت منو وانقطع هاد الصوت زاد خوفي ودخلت ع البيت وطلعت ع الغرفة وجبت كل الورق الي انكتب عليهم العبارة و قرأت كل الكلمات الي تحت وجمعتها مع بعض وكانت النتيجة بنتي انا تشبه شمعة يائسه بسماء الرعب حسيت كأنها رسالة و فيها لغز
#تالا_الزعبي

• tala.al_zoubiالجزء الاول :
@rwayate
اصوات بتمر علينا بحياتنا مستحيل بيوم من الايام ننساها لانها عيشتنا حالة من الرعب وصار الها ذكرى بحياتنا وهالذكرى استمرت اكتر من عشر سنين فصعب تفارقناا .. احداث القصة بلشت : 25 _اذار ..... يوم الاحد .... الساعة 1:30Am ... هالتاريخ دخل ع حياتنا وسجل اتعس الذكريات جواته ومن وقت هداك اليوم بنتمنى فرحة صغيرة تدخل ع البيت .
@rwayate
كنت بهاد اليوم عازمة صاحباتي ع البيت بما انو اهلي سافرو ع السعودية حبيت اتسلى معهم ونغير جو .. كانت العماره فاضيه ما كان فيها غير عامر ( حارس العمارة ) وصاحباتي ( هالة ، زينة ، دانة ) ، ما كنا قلقانين بهاد الاشي كتير كان همنا ننبسط و نخلي هاي الليلة من احلى ليالي حياتنا بس ما كنا بنعرف شو الي كان مخبالنا بهاي الليلة .
ضلينا ناكل ونتهبل ومشغلين الاغاني اعلى صوت زي كل مرهه ، بعد خمس مرات من دق الباب حسينا انو في حدا عم يدق الباب ولانو كانت الاغاني شغالة بصوت عالي كنا مترددين اذا في حدا كان يدق او لا ، كان الوقت متأخر كتير وانو مين بهالوقت صاحي وجاي علينا ؟؟ طلبت من هالة تفتح الباب .. راحت وفتحت الباب وما لقت حدا حكت يمكن من بتهيألنا و رجعت سكرت الباب وكملنا رقص وهبل .
بعد ربع ساعة رجع اندق الباب وكانت هالمره الدقة واضحة وقوية .. دانة كانت اكتر وحدهه بتخاف فينا حكينالها خليكي هون واحنا بنفتح ... رحنا انا وزينة وهالة لحتى نشوف مين الي عم يدق واول ما فتحنا الباب كان الحارس واقف وكان كتير معصب وبطلع علينا بنظرهه
@rwayate
بتخوف .. عامر(الحارس): مطولة قصتكم ؟؟ لارا ( انا ) : اي قصة عمو في اشي ؟
عامر(الحارس): كل الجيران فاقو ع صواتكم ياريت تناموا ما ضل شي وبطلع النهار .. قاطعتو وهو عم يحكي : بس ي عمو ما في حدا بالعماره غيرك الجيران كلهم طالعين مع بعض ع العمره مع اهلي .. صار يطلع علي بنظره بتخوف نظرهه كلها حقد .. زينة : لو سمحت ضل بدك اشي ؟
طلع وخبط الباب بشكل قوي .. صرنا نطلع انا وزينة وهالة ع بعض ونضحك .. كان موقف كتير بضحك لما خبط الباب بس كانت نتائج هاد الاشي اكبر بكتير من الاثر الي تركه .. كملنا الهبل والرقص وما وقفناه بالمرهه وصارت الساعة 5:00Am الفجر بهاد الوقت نعسنا وحكينا بدنا نروح انام زبطنا كلشي .. الباب ( دق ، دق ،دق ) قمنا من التخوت زي الملطوشين قمنا الاربعة نشوف مين ع الباب فتحنا وما لقينا حدا .. ما لقينا غير دانة بتصرخ وبتأشر ع الارض الي قبال بيتنا كانت مكتوب بالفحم ( ليتك سمعت انين قبري لتنقذيني لكن فات الأوان والموت حان) #تالا_الزعبي #انين_القبور #قصص_رعب

• tala.al_zoubiالجزء التاني :
@rwayate
زينة : ولكم اكيد في حدا عم يمزح معنا
هالة : اهه انا مع زينة بهاد الاشي
لارا ( انا ) : شو ما كان تعالو أنظف الارض ونروح انام
نظفنا الارض ورحنا ع غرفنا ع اساس انام بس ما قدرنا من ورا الاشي الي شفناه. ..
كل وحده فينا قامت وراحت ع الصالون وكلنا التقينا هناك و بلشنا نفكر بالكلام الي نكتب ع باب البيت كان جد كلام موزون وكلام بتحسو في رسالة جواتو وما لقينا غير في اشي خبط ع الشباك وكانت الخبطة قوية و الجو اختلف 180 درجة من الخوف صرنا نصرخ وما عرفنا شو بدنا نعمل .. هالة : لارا يمكن الحارس عم يتمسخر علينا وهو الي بعمل كل هالمسخره
@rwayate
انا ضليت ساكتة ما عرفت شو بدي ارد .. زينة : شو مصلحتو من هالاشي احنا ما اذيناه ولا عملنا اشي بزعجو
دانة : بنات مشان الله خلونا نطلع من هون .. ما سمعنا غير صوت سيارة إسعاف وشرطة قاطعتنا .. كلنا رحنا لعند الشباك لنشوف شو الي صار بس كان الشارع كلو عتمة وما قدرنا نلمح اشي ..
لارا ( انا ) : بنات انا لازم انزل واشوف شو الي عم يصير
زينة وهالة : واحنا كمان جاين معك
دانة ضلت ساكتة ... هالة : دانة انتي ضلك بالبيت وسكري ع حالك .. دانة : اكك بس ما اطولو والله بخاف
نزلنا ركاض لحتى نفهم الي بصير ...
كان ع باب العماره ضجه ما بتتخيلوها الكل بصرخ و ببكي رحنا مشان نسأل الموجودين عن الي صاير بس الكل تجاهلنا و ما حدا قبل انو يجاوبنا .. رحنا لعند الشرطي وسألناه شو الي صار ؟:. الشرطي : حارس العماره لقينا مطعون بالمصعد وحاليا المصعد
@rwayate
مسكر يعني اياكم حدا يستخدمو وكانت كل بيوت العماره مفتوحة رغم انو حسب ما سمعت الكل بالعمره ، بس، عفوا انتي مين ؟
لارا : انا وحده من سكان هاي العماره
الشرطي : تعرضلكم حدا ؟
لارا : لا لا كلنا بخير .
الشرطي : بس لو سمحت بدنا ناخد ايفادتك ؟
لارا : اهه طبعا ... جاوبتو ع كل اسألتو ومن كتر الخوف ركضت لورا العماره وصرت ابكي
زينة وهالة كانت الصدمة ع وجهم من الاشي الي شافو عندي بالعماره يعني الاشي الي صار ما بنشوفو غير بالقصص والافلام .... ما كانو عارفين شو بدهم يعملو غير يلحقوني ويهدو فيه .. لارا : الله اعلم شو كان صار فينا
زينة : ما انا مصدومه من الي صار وليش احنا بالذات ما صار معنا اشي .
@rwayate
هالة : كأنكم نسيتو الاشي الي نكتب ع باب البيت ؟
لارا : ولكم هاد الي مخوفني هاي كانت رسالة من القاتل بس احنا مسحناها من غير ما نفهم شو المطلوب ..
زينة : ولكم احنا ناسين دانة بالبيت لحالها امشو نطلع نشوفها
واحنا قايمين لفت نظرنا اشي كبير وبشبه الصندوق وكان مغطى بشرشف ابيض وكلو تراب .. #تالا_الزعبي #انين_القبور #قصص_رعب

tala.al_zoubiالجزء الثالث : @rwayate
واحنا قايمين لفت نظرنا اشي كبير وبشبه الصندوق وكان مغطى بشرشف ابيض وكلو تراب .. لارا : ي بنات شو ممكن يكون هاد الاشي .
زينة : تعو نفتحو بسرعة .
هالة : ولكم دانة بتستنى فينا بنشوفو بعدين .
لارا : لا تعالو نفتحوا ع السريع .. بس ما سمعنا غير صوت دانة وهي بتصرخ من العمارة .
هالة : ولكم هاد صوت دانة .. ركضنا بسرعه زي المجانين لعند البيت وفتحناه وصرنا انصرخ : دانة ...دانة بس ما كانت عم ترد ..
ما خلينا غرفة ما دورنا فيها عليها وما كنا نلاقيها غير لما دخلنا الغرفة الي كانت دانة نايمة فيها وكانت الصدمة هون لما لقينا فوق تخت دانة مكتوب بالفحم ( ليتك سمعتِ انين قبري لتنقذيني لكن فات الأوان والموت حان) كانت الصدمة ع وجوهنا وما كنا مسدقين الاشي الي شفناه ..
زينة : يا بنات الوضع ما بطمن دانة وين @rwayate
هالة : معقول نزلت ادور علينا
لارا : هالة انتي مش شايفة شو الي نكتب فوق تختها ؟.
هالة : لا مبلا شايفة بس يمكن هالاشي نكتب بس نزلت لتحت !
زينة : كلام هالة منطقي امشو ننزل اندور عليها بسرعة
نزلنا ندور عليها ومن العجقه ما لقيناها حكينا لازم نقسم حالنا بكل مكان انا رحت ادور ورا العمارة و زينة جوا العمارة وهالة بين الناس الي كانوا موجودين قدام العمارة .. طلعت زينة ع سطوح العمارة وهيه بتنادي ع دانة وما كان حدا يرد ورجعت دورت ببيوت الجيران وبرضو ما لقتها ، خطر ع بالها تشوف بالمصعد لانه لفت نظرها الدم الي طالع منه بس تذكرت انه الشرطي منعهم يفتحوه . @rwayate
وهالة دورت بين الناس وبرضو ما لقت دانة ، وراحت خبرت الشرطي وحكتلو عن الي صار وانتشرت الشرطة بكل مكان .
زينة ركضت لعند هالة .. زينة : شو لقيتي دانة
هالة : لا دورت بكل مكان وما لقيت ضلت هالة وزينة عم يستنو اردلهم خبر .. بس الي صار معي كان ..👇
دورت ورا العمارة وبرضو ما لقيت صرت اصرخ زي المجنونة : دانة وينك ي دانة عدتها فوق الخمس مرات والدموع ما نشفت من عيوني ، وبطلت اقدر اتحمل الاشي الي بصير معي ورحت مشان اشوف شو صار مع البنات بس وانا رايحة لمحت عيني نفس الصندوق رحت بدون تردد مشان افتحوا .. لارا : داااااااااااانة
زينة : هاد صوت صراخ لارا امشي بسرعه .. ولحقتنا الشرطة لتشوف شو صار .. @rwayate
لما وصلوا لعندي لقوني واقعة ع الارض و شافوا جنبي نفس الصندوق الي كنا رح نفتحو بس فعليا هالصندوق كان عبارة عن تابوت بستنى ضيوفو وكان ع التابوت مكتوب ( ليتك سمعتِ انين قبري لتنقذيني لكن فات الأوان والموت حان)
ومن هالتاريخ ... 25 اذار ... الساعة: 3:39AM انفتحت قضية اختفاء دانة ومن يومها عم نعيش حالة الرعب .... #تالا_الزعبي #انين_القبور#قصص_رعب

tala.al_zoubiالجزء الرابع :
@rwayate
بعد فتح قضية اختفاء دانة كانت المشاكل ملاحقيتنا وتحولت حياتنا لحياة كلها خوف ورعب ومشاكل حتى علاقتنا انا وزينة وهالة خفت بطلنا متل اول يمكن الخوف حط حاجز بينا .. بعد مرور 5 شهور .. كانت كتير نفسي اشوفهم و احكي معهم لانو فعليا اشتقت لايامي معهم .. اتصلت فيهم وقررنا نجتمع بالمكتبة .. الساعة 7:00pm رحت ع المكتبة وضليت استنى فيهم @rwayate بصراحة كنت حاسة انهم رح يتجاهلوا وما رح يجو بس هاد الاحساس راح بمجرد اني شفت هالة وزينة ركضت لعندههم وحضنتهم متل حضن ولد ما شاف اموا من سنين ما بتتخيلوا قديش كان نفسي اشوفهم وقديش كنت محتاجه الهم ... قعدنا مع بعض وحكينا وكانت عيونا كلها دموع ما بنعرف كيف وصلنا لهاي الحالة وليش هيك كان مصيرنا كنا فاقدين دانة كتير ومشتاقينلها وكانا كل مرهه ترن علينا الشرطة نفكر انهم لقوا دانة بس للاسف لهاد اليوم ما عنا خبر عنها .. اخدنا الحكي وضلينا نتزكر ايام زمان ما لقينا غير تلفون زينة برن فتحت الخط وكان رقم خاص فتحت الخط وطلعت اصوات غريبة وفصل الخط .. زينة مو كتير اهتمت وكملنا عادي رجع تلفون هالة رن وبرضو رقم خاص وطلعت نفس الاصوات احنا استغربنا مين الي برن بهاد الوقت رن تلفوني فتحت الخط وحطيت سبيكر بالاول ما كان في صوت فجأه طلع صوت صراخ دانة ....... #تالا_الزعبي#انين_القبور #قصص_رعب