#آنــــا_واخـــتــــي 🎬
#تكملت_الجزء_الأول ⑴


.#عامر :- لمين هالحلوة الصغيرة ...
.
.#سلمى :- اختي هاي ...
.
.#عامر :- طيب اتركيها تاخد هاي الحلوى منى لاتخافي انتو ماعندكم مكان تعيشو فيه صح..
.
.#سلمى :- انت شلون عرفت ..
.
.#عامر :- صرلي فترة عم شوفكم بتنامو بمخزن المشفى ..تعو معي انا رح اعتبركم بناتي ..انا الله ما اعطاني بنات...تعو لاتخافو مرتي رح تهتم فيكم ...
.
.(( اخدنا عامر على بيتو ..لعند مرتو الهام ..اول ما شافتنا خافت كتير...
.
#الهام :- انتو بنات مين ...ليش جابكم هون عامر..انتو ماخايفين ..هاد عامر مانو منيح .

.#سلمى :- خاله الهام نحنا ما النا اهل بنام بالشارع ..اتركينا عندك هون ..
.
.((بعد ماقلت لالها قصتنا شفقت علينا ووافقت تتركنا عندها
.
#الهام :- يابنات بس عامر رح يخليكم تشحدو وتبيعو ..عامر رح يستغلكن ...انا قد مافيني رح احميكم ...
.

((وبلشنا نروح انا وانتي نشحد لنقدر نجمع لعامر مصاري .. كنا انا وانتي نهرب من مكان لمكان لبيوم كمشتنا الشرطة ...اللي كان وقتها ممنوع اي حد يشحد بالشوارع ..غبنا بسجن الاصلاحية شي يومين ..ومن ارجعنا لعند عامر ..لقينا خاله الهام مضروبة على الاخر...
.
#الهام :- يابنات اهربوا اهربو عامر رح يقتلكن ...
.
.#سلمى :- خالي الهام نحنا كنا بالسجن ...
.
.#عامر :- عم تهربيهن يا الهام ..تعي لهون لازم تموتي انتي ...
.
(( عامر قتل الهام قدامنا ...بقي يخنق فيها لطلعت روحها ...ومشان يخوفني وما احكي لحد ..قام حرق وجهي بمية النار 😢😢...شوهلي وجههي ..
.

#عامر :- اكيد هلاء خفتي هيك..سلمى ..بتحبي شوهه وجهه اختك الحلو ولا تبقي ساكتة مايطلع صوتك وتشتغلي معي على الساكت ..واذا فكرتي تهربي ياويلك ياويلك رح جيبك من تحت الارض..

#مـــجــرد_حـــلـــم 🌸✨
#تكملت_الجزء_الأول ⑴
Telegram:@rwayate
هالدنيا علمتني اشياء كتيرة ماكنت بعرفها

مافي مين اشكيلو همي
مافي مين يمسح الدمعة من عيني اذا بكيت
مافي مين يسمعني كلمة حلوة
وحيدة بدنيتي

مابعرف شو مصيري او شو رح يكون مخبيلي المستقبل

سكرت الدفتر وحطيتو بأرض الخزانة...

طلعت من غرفتي وقعدت بالصالون مع ام غسان وسحر وسمر
قربت ع الصوبية ودفيت ايدي كانو باردين كتير

ام غسان. سمر قومي اعمليلي كاسة زهورات
سمر. يلا شوي وبقوم

ام غسان. وانتي سحر روحي شوفي شو ناقصنا اغراض للبيت مشان بكرا اخوكي يجيبهن

سحر. بكرا يوم الخميس ؟
ام غسان. اي الخميس ليش بتسألي

سحر. ولشي بس بكرا اول خميس رح نسهر لوحدنا وماعنا حدا

قامت سحر لعند الروزنامة وشقت ورقة اليوم وبكرا

لين. سحر اعطيني ورقة يوم الخميس
سحر. ليش شو بدك فيها

لين. ولشي بحب احتفظ بهي الورقة من كل سنة

سحر. شو بيعنيلك هاد التاريخ
لين. يوم ميلادي
سحر.امممم حلو ، العمر كلو يارب
لين. تسلمي

اجت سمر من المطبخ ومعها كاسة الزهورات واعطتها لأم غسان

سمر. سحر وين الشدة خلينا نلعب كم دور بما انو ماعنا حدا

سحر. فكرة حلوة قومي جيبيها
سمر. لا قومي انتي

ام غسان. لا انتي ولا هي يلا قومن ع الدراسة

سمر. لاااا مابدنا كلو دراسة دراسة
بدنا نلعب كم دور وانتي رح تلعبي معنا

ام غسان. حلي عني
سمر. لا بدك تلعبي رح قوم جيب الشدة

سمر. يلا جبتها يلا لين قربو

بلشت سمر تسجل اسمائنا ع الدفتر وكنا رح نلعب طرنيب انا وهي وسحر وام غسان

بلشنا اول دور ودق باب البيت

سمر. قومي افتحي الباب
سحر. لا قومي انتي
لين. خلص انا بقوم بس لا تغشو

قلت مين وفتحت الباب

لين. اهلا وسهلا تفضلي
سمية. كيفك لين
لين. بخير .. وانتي
سمية. تمام

لين. معك حدا ولا سكر الباب

سمية. لا خليه محمد عم يصف السيارة

لين. اي تفضلي

دخلت سمية واجا محمد
محمد. كيفك لنوش
لين. بخير وانت
محمد. بخير .. مين في عندكن

لين. ماحدا تفضل

محمد ابنها لأم غسان بحب المزح كتير ومهضوم بعاملني متل اختو
اكبر من ينال وسمية مرتو

محمد. عم تلعبو شدة بدوني
سمر. لسا هلأ بلشنا تعا العب معنا

محمد. تاركين الدراسة وعم تلعبو شدة حلو

سحر. كلو دراسة ملينا
محمد. يلا انتي وهي ضبو الشدة وفوتو ادرسو لشوف

ام غسان. اي من زمان بدهن بهدلة لانو نسيانيين انهن بالجامعة

محمد. وين ينال لكن
ام غسان. ليش احنا بنشوفو بكون سهران ببيت عمك

محمد. لكن انا رايح لعندو وانتي سمية خليكي هون لحتى ارجع

سمية. اي ناطرتك

سمر. سمية قومي نروح ع الغرفة
سمية. ليش
سمر. لك قومي بدي ورجيكي شغلة

سمية. اي يلا
سحر. وانا جاية معكن

دخلو سمية وسحر وسمر ع الغرفة وبقيت انا وام غسان
كنت حابة فوت معهن بس مانادوني تنهدت
ولميت ورق الشدة وصرت العب فيه

دق باب البيت رحت افتح كانو محمد وينال

ينال. مساء الخير
لين. مساء النور تفضلو

ينال. كيفك امي
ام غسان. بخير ماناقصني غير شوفتك هي هيك وبيتك فوق بيتنا ومانك متزوج
كيف لو تزوجت رح تنسانا ع الخالص

ينال. ههههههه
ام غسان. محمد مو كنت رايح ع بيت عمك ليش رجعت

محمد. انا طلعت ولقيت ينال بطريقي رجعت

ينال. وانت شو جابك لعنا
محمد. كنا رايحين ع بيت اهلا لسمية مالقيناهن اجينا لعندكن

ينال. وين البنات
ام غسان. بالغرفة مع سمية

تركتهن سهرانين ودخلت ع غرفتي لحتى نام لانو سهراتهن طويلة
فتحت موبايلي لألعب بمزرعة الاحلام بس مافتحت لانو النت ضعيف سكرت الموبايل وغمضت عيوني
سمعت صوت ام غسان عم تناديني
طلعت لشوف شو بدها

لين. نعم خالة
ام غسان. شو عم تعملي
لين. كنت بدي نام
ام غسان. خلص لكن روح نامي فكرتك قاعدة

لين. ليش في شي
ام غسان. لا ولشي .. عم يوجعك شي يعني ع هوا مابدك تنامي بكير

لين. لا ابدا بس مالة
عادي قوليلي خالة اذا بدك شي اصلا ما جاييني نوم

ام غسان. كنت بدي ياكي تحطي عشا بس اذا نعسانة فوتي نامي

لين. لا لا

دخلت ع المطبخ جهزت العشا وطلعتو
وناديت للبنات من الغرفة بس قالو مابدهن يتعشو مارضيو يطلعو

ام غسان. لين تعي اتعشي
لين. لا مو جوعانة ، تصبحو ع خير

الكل. وانتي بخير

بغرفة البنات

سمر. شو رأيك بالهدية الي جبلي ياها معاذ بعيد الحب عجبتك ؟

سمية. اي كتير حلوة
وانتي سحر
سحر. انا شو
سمية. مافي حدا
سحر. ههههه حاليا لا مابنعرف شو الايام مخبيتلنا

سمر بتحب معاذ ابن عمتها وهوا كمان بحبها

سحر. بكرا عيد ميلاد لين شو رأيكم نعمل حفلة صغيرة بهالمناسبة

سمية. وشو بدك بلين حتى تعملليلها حفلة

سحر. انا قلت بنفرحها وكمان نحنا بننبسط يعني بنعمل حفلة بحجة لين وبنجيب كيك وبنسهر سهرة غير شكل

سمر. فكرة حلوة حرام خلي لين تفرح كل سنة بيمرق هاليوم وبكون عادي بالنسبة الها بس المرة هي بنجبلها هدايا وبنفرحها
شو رأيكن ؟