قصة جديدة: #حور
.............
قراءة ممتعة🦋💙"
#ⴅÂÐЄĦÂ

فكرت كتير بعنوان لقصتي بس مالقيت ومو ضروري يكون الها عنوان في كتير قصص بحياتنا بلا عنوان ووجع بحياتنا بلا عنوان يمكن حتى الفرح مابكون الو عنوان فجأة بيجو
اسمي حور
#حور البارت الاول
#نسمة

بعرف اسم غريب بس حلو ههه انا كتير بحبو وطبعا ليلي مابيعرف شو يعني فهو مأخوذ من القرآن الكريم (وحور عين *كأمثال اللؤلؤ المكنون)
هلق انا مابمتلك موصفات جمال عالمية ﻻ بس بقولو اني حلوة ومكلتمة سمعتها من كتير عالم رح قلكون الموصفات
بيضة عيوني وسط سود وشي شبه مدور حواجبي رفاع وجبيني كمان وسط انفي وتمي صغار شعري اسود وناعم نحيفة متوسطة الطول
انا فقيرة،فقيرة كتير، بس تأخرت لعرفت انو الفقر ماكان عيب او مشكلة مثلا وتأخرت لعرفت انو المصاري مابتشتري شي بشتغل وبصرف ع حالي وع امي واختي يلي مالهن دخل الا راتبي وبس
انا بشتغل بمطعم كرسونة وفي الي بالمطعم 3 رفقات
اول وحدة إسراء وكانت الاهضم بينا
والتانية رهام وكانت الاحلى بينا
والتالتة لينة وكانت الاشطر بينا بالطبخ والشغل وهيك
ونحن ال4 كنا متذمرين من قصة فقرنا واحتياجنا صح ماكنا نحكي او نمد ايدنا او نطلب بس قصة انو البنت تشتغل وتكون هي الاب والام كتير صعبة مسؤولية كتير كبيرة وبشعة ولهيك رب العالمين فارضها ومكلفها للرجال ﻻنو نحن مامنقدر عليها الا بطلوع الروح
.....................
حور:طاولة 12 بدهن 2 بيتزا حجم كبير
لينة:وجع شو مافي بالمنيو الا البيتزا
حور:هههه يارفيقتي بيتزاياتك طيبين اي نشمس المطعم فيهن
لينة:إسرااااء وين الكفكير يلي عم اشتغل فيه
إسراء:حطيتي بالمجلى فكرتو للجلي
لينة:ماشالله حولك يارفيقتي جلاية غير شكل شاطرة يلا نشفيها وهاتيها زكاتك
اسراء:اي بس ماجليتها
لينة:احسن ﻻن ماخلصت شغل فيها هاتيها
إسراء:المشكلة انو كمان ماخليتها كبيتها ﻻنو مانجلت معي
لينة:ههههه وجع لك مابتخلي شي مابتكبي حدى يشفلها حل ياجماعة
رهام:هي اسراء راتبها بالحرام ههههه هي للجلي بس بتكب دغري
.................
بهاد النهار كانت نفسيتي تعبانة كتير عم اضحك من برا وبس ﻻنو امي كانت تعبانة كتير وجاية انا ع الشغل غصمن عني مشان مايخصم المدير من الراتب كالعادة
هالنهار بالنسبة الي كان طويل وماصدقت ايمتا صارت الساعة 9 ونص موعد اغلاق المطعم موعد تسكير المطعم موعد العودة الى المنزل موعدنا الى الجنة😂 المهم كل العمال انصرفو بقينا نحن ال4 مع المدير عم نضب المطعم فجأة بتجي سيارتين مفيمين شغل دعم كتير بينزل منهن 6 شباب وشب واحد منهن مبين عليه هو الزعيم مثلا او هاد المتميز بالشلة الكل حوليه عدا ان اكتر واحد متشيك اسراء فاتت عم ترجف ﻻنو هي يلي كانت عم ضب الكراسي بس مااسترجت تقلهن المطعم اغلق سكرنا يعني ههه فاتت بسرعة وتركتهن يسرحو ويمرحو -راتبها حراااام 😂😂-
.................
لينة:لك شبك متل الليمونة
حور:سوس شبك متل يلي انكشف عنو الحجاب وشاف مقامو بجهنم هههه حبيت
اسراء:لك يحبك عزرائيل اي لك فاتو 6 شباب ولي ع قلبي صح حلوين ال6 بس يروحو فعس ع هالفوتة متل القضا المستعجل قعدو لك وال6 مبينين شغل دعم
رهام:اي وماتقليلهن سكرنا؟
اسراء:يبعتلك شوفة متل شوفتهن قصفو ركابي من منظرهن بدك ياني حاكيهن
حور:صبايا شوبدنا نعمل؟
لينة:انا هلكت من كتر ماطبخت اليوم
حور:وانا ريئي نشف ونهد حيلي من الوقفة واللعي مع الزباين
اسراء:ع ساس نحن المرتاحين
-وقتها طلع المدير وشافهن وراح لعندهن-
لينة:الحمدلله اكيد راح يصرفهن
حور:هاد اذا استرجا وحدة منكون تروح تسمع شو رح يحكو
رهام:انا لها👂🏻
................
المدير:ءءءء يااهلين نورتو ءء بس للاسف متل مو شايفين المطعم سكر
علي:ع راسي المطعم وصاحبو بس مالنا مطولين هنن ساعتين بس
المدير:ءءوالله مابيغلا عليكون بس
علي:30 الف حق هالساعتين تلاتة بدنا ننبسط شوي وملينا من بيوت بعضنا وكل يلي بدنا 3 شغيلة واحد يطبخ واحد يودي ويجيب والكرسون ولكل واحد منهن 10 الاف ﻻنو اخرنا عن موعد ذهابو
المدير:يااهلين وياسهلين حلت البركة علينا نورتو شعشعتو كنت قول من الاول انو الشباب مالين ع حسابكون المطعم
علي:هه كبير، وينك بدنا اغاني حطلنا اممم شو مودكون شباب
فادي:بدنا مروان خوري محسوبكون يشعر بالرومنسية
علي:من ايمتى رجلي هههه بس يلا منسمع مروان اي معلم مروان خوري وعلي الصوت شوي ﻻنو هاد بغني وشوشة
الكل:ههههههه
.......
حور:يقطع عمرو مااغلاظو مافي متل احساس مروان دخيل قلبو انا
لينة:والمدير؟
رهام:راح ع مكتبو
اسراء:شَرَّف ليكو سكتو
-فات-
المدير:منيح يلي مارحتو في عنا ضيوف وبدنا نكرمهن
لينة:استاذ الله وكيلك اديي نهدو
المدير:لكل وحدة بتبقى 10 الاف -سكتنا- يلا وحدة منكون بتقدر تروح و3 يضلو رايح ع مكتبي شوي يلا قومو بالواجب وكأنا فاتحين المطعم وحطولون مروان خوري-راح-

#البارت_الثامن_عشر
#حور
.................
كل مرة بكون قوية وبكون مو مهتمة ليلي عم يصير ﻻن سبب قوتي معي (أمي) بس هالمرة ﻷ مختلفة
هالمرة يالله اديش حسيت حالي ضعيفة حسيت حالي مكسورة ووحيدة كمان
لما لقيا حالي بالسجن مع هدول المجرمات متلي متل اي وحدة فيهن مع اني مابقدر اطلع ربعهن
يلي قاتلة زوجها ويلي قاتلة خالها ويلي سارقة أبوها وانا ضاربة ابن عمي
..................
آية:بترجاك علي بدي حور
علي:ح تطلع آية وحياتك ما ح خليها تنام ح طالعها،إسراء خدي آية لعندك وبع
آية:ﻷ انا ﻻزم اجي معك
علي:تجي معي وين لك هبلة رايح ع السجن انا مو ع الجنينة
آية:معلش الله يوفقك ﻻزم روح
علي:هشششش خلص خلص آية بتروحي مع إسراء هلق وانا رايح جيب حور واجي يلا عمر وشادي وصلوهن للبنات
عمر:ﻷ شادي بوصلهن وانا جاية معك شريك
شادي:بوديهن وبلحقكون
علي:يلا لكن ع السيارات
.........................
علي:كيف يعني ما بتطلع
رئيس المخفر:أ.علي هي فقط شكليات
علي:بلا شكليات بلا اكل هوا هلق بتطلع حور
رئيس المخفر:أ.علي انا مابيطلع بإيدي شي وآ.حور ح تنخدم خدمة 5 نجوم اكتر من هيك الله وكيلك مابيطلع بإيدي
عمر:بدنا نشوفها
رئيس المخفر:مع انو مو مسموح بس ح تشوفوها تكرمو
علي:دق خليها تجي لهون لو سمحت
رئيس المخفر:تكرم
-دق لتجي وطلع هو-
علي:اليوم حور ما ح تنام هون
عمر:طول بالك احكي مع ابوك انت يحاكي شي حدى
علي:ﻻ انا رح حاكيهن ما ح وجع راس ابي بعدين متخانق معو هو وامي
عمر:كمان يعطيك العافية يارب
-فاتت حور-
حور:علي

اديش كانت بردانة وخايفة وعم ترجف وانا خايف عليها اكتر منها تمنيت لو كنت بدالها بهاللحظة
قدرت طمنها وهديها
بس الشي يلي جنني انو بعد ساعتين اجا امر بتحويلها ع فرع مو مخفر انا هون جنيت اتصلت وقدرت خليها بمكانها بس لمدة 3 ايام يعني ذمة التحقيق وبعدين اذا عمران صحي او ما صحي ح تطلع

كان ﻻبد من هال3 ايام قعدهن هيك قلي علي بس انا كنت قرفانة من كل شي كلو وسخ وقرف حتى الصابون وسخ وحتى النفوس جوا وسخة كلهن وسخين
باليوم التاني وع المسويات يعني عند المسا بتفوت السجانة وبتنادي:
حور أمين حور أمين
حور:أنا
:قومي تعي
حور:شو في
:قومي بلا حكي فاضي يلا
-قمت وانا خايفة انو شو في فتت ع غرفة فيها طاولة وعليها ضو بس مو ضاوي الغرفة كلها جو كئيب ومخيف وحدى فتح الباب وقرب قرب وقعد معي وبس شفت وشو اتذكرت كل شي بشع بحياتي أتذكرت الايام يلي ماكنا نامها من الجوع بسببو اتذكرت شوربة البصل يلي كنا عايشيين عليها اتذكرت دموع امي كل يوم قبل ماتنام أتذكرت ضحكاتو الخبيثة كل شهرين
وقت يمرق ويقول ﻻزمكون شي؟؟ اي كان عمي أبو عمران اتظاهرت بالقوة بقمة ضعفي وكنت عم حاول اني اتماسك -
#يـــتــبـــع 💙🌸