ها بحكم عوايدهم
كان يتواصل معي بشكل مستمر ويخبرني الي عم بيصير ضلينا على هالحالة لأجت أمو لعندو وقالتلو بدها تخطبلو

ام قصي. شو رأيك ببنت أختي سهى
قصي. كيف يعني من اي ناحية
ام قصي. شو رأيك اخطبلك ياها
قصي. امي مشان الله قلتلكون ما بدي غير جوري بترك روحي وما بتركها
ام قصي. ونحنا قلنالك منغضب عليك ادا بتتزوجها بدك تكسر كلمة ابوك
قصي. تركوني بحالي مشان الله لك حاااج انا تعبت يا اخي ما بدي اتزوجها ولا اتزوج غيرها ارتحتو هيييك
ام قصي. طيب سماع بتتزوج بنت اختي وبفرح فيك بعدين بزوجك ياها بعدين شو بدك فيها ما رح تجبلك ولاد اما هي صغيرة وحلوة
وقف قصي وصار يروح ويجي بالغرفة. اميي انا وبنت اختك مستحيييل عرفتي يعني لو حطو لحمي ولحمها بالخلاط لحمي بينفر منها فهموها بقى
ام قصي. سماع لقلك جوري ما رح نخطبلك ياها وعميل الي بدك ياه

تركتو وطلعت ضب تيابو وترك البيت 15 يوم على امل اهلو يغيرو رأيهون وبهالأثناء كانو يحكو معي ويجرحوني بالحكي يقولولي انتي بنت مدينة وما بتزبطي معنا

فجأة نكرتو الخبز والملح الي بيناتنا...فجأة عملتوني عدوتكون...وانا الي اعتبرتكون متل اهلي ...حاج والله كسرتوني بعد ما كسرتني الدنيي ألف مرة...سرقتو مني ضحكتي وفرحتي...سرقتو اغلى شي بملكو

انكسرت...انكسرت...انكسرت!!
ياالله ...هي الكلمة الي كنت عم رددها اول ما فتحت موبايلي ...وبعد ما راحت روحي وأغمى عليي؟!..
أعيدوني إلى نفسي..أعيدوني إلى ذاتي..أبحق عمرنا الماضي ألا تهدوني إلى ذاتي؟!
#رحلة_العشق_المظلم_بقلم_رومانتيكا
#واقعية
الجزء الثامن والأخييير..........

فتحت واتس اب وصرت قلب بين الحالات لحتى طلعت معي حالة اختو لقصي!
فتحت عيوني على وسعهن كنت بين مصدقة وماني مصدقة اكيد كذب بس هاد كرت عرسو شو بدي أكتر من هييك؟!

حطيت عرقمو وانا عم برجف ودقيتلو حسيت عأنفاسو لما رد

جوري. انت واحد كذاب كذاب بكرهك
قصي. حبي شو في شبك؟!
صرت صرخ. بدك تتزوج آااه هي جزاتي على الي عملتو معك ما هيك بكرهك بكرهك الله ياخدكون
من كتر ما صرخت معد يطلع صوتي
قصي. اهدي الله يوفقك اهدي خلينا نتفاهم
جوري. لك على شو بدنا نتفاهم آااه على شووو؟!
انت خليت فيها تفاهم
قصي. والله انا عملت هيك مشانك
قلتلو بلهجة مسخرة. مشاني ما هيك

فصلت الخط بوجهو وطفيت هاتفي نزلت عركبي وصرت صرخ بصوت عالي لصار معي أنهيار عصبي وأغمى عليي

هي اكتر نقطة ضعف بوصلا لحد هاليوم تمنيت ما أصحى كان بدي تكون النهاية لحد هون
بس الحياة ما وقفت...
اكتر شي اجى ببالي وعودك !
انا بكرهك ...
اي نعم بكرهك كتير
لاء انا بعشقك...
بتنفس بصوتك
ليش قتلتني ليش؟!!

ضربتني الحياة الف مرة بس ضربتك كانت القاضية؟
حطمتني كسرت كل شي حلو كان بيناتنا

فقت على صوت أمي واختي فرح بالمشفى قالولي انو صار معي انهيار عصبي تمنيت لو كانت جلطة وبعدها خلصت من هالحياة

رحت من المشفى عبيت اختي فرح بوقتا ما تركتني لخبرتا كل شي صار معي بالتفصيل

جوري. قبل بيومين قلتلو حاسة انو رح يصير شي يكسرني قلتلو خليني اسمع منك ما بدي أسمع من الغريب
فرح. الله ينتقم منهن
جوري. صرت أبكي وكملت قلي مافي شي تطمني طلع كذاااب كلون بيكذبو

حضنا بعض وصرنا نبكي انا وياها بعرف بدا تعاتبني كتير بس وضعي ما بيسمح لهيك اختصرت
وكتير وقفت جنبي هي وبناتها
ضلينا عندا انا وأمي يومين وبهاليومين كان موبايلي مسكر طبعاً امي ما خبرت بشي اولاً لأنو ما بدي أصدمها وتانياً بيكفيها مرض وتعب لسا همي فوق كل هاد

بعد يومين من عرسو فتحت هاتفي كان باعتلي كتيير رسائل انو هو هدفو من هالزواج نوصل لبعض وما حبا ولا رح يحبا لمرتو طنشتو وما رديت عليه حتى دقلي رفيقو وصار يبررلي

حسام. والله والله والله امو زبطت كل شي وهو متلك ما كان بيعرف بشي ليوم كتب الكتاب
جوري. مشان الله حسام روح ضحاك عولد صف اول مو عليي
حسام. وحيات عيونك هو تزوج مشانك وعأساس ينزل عالشام ويخطبك بعد ما يتزوج وحتى اشترط عأهلو ما يخبروكي بشي ليتم العرس
جوري. ههههه وهي ليكو من يومين كان عرسو

بعرف انو في كذب بالموضوع وانو هالحكي مانو منطقي بالمرة ما بعرف ليش سامحتو ما بعرف ليش رجعت أحكي معو هو ضعف هو غباء هو شي تاني ما بعرف انا صح رجعت بس قلبي ما صفي بدي اجرح كل حدا جرحني او كان السبب
صرت أتقصد أحكي معو طول السهرة وهو يسايرني ابعت رسائل عالطالعة والنازلة وهو بس بدو رضايي ضل معصبة وأتعامل مع الكل بلؤم

ليوم كان الهاتف بأيد مرتو وقرأت الرسالة الي بعتا علقت بيناتون للشيطان الرجيم وطلبت الطلاق طبعاً لهون بدي أوصل

وقفت قدام مرايتي و تطلعت عحالي صرت أضحك بهستيريا الي قدامي وحدة ما بتشبهني ابداً وحدة مجهولة الهوية
سألت حالي يا ترى شو الي عملو فيني؟
حتى ملامحي تغيرت ذبلت ...
نبرة صوتي صارت اقوى...
نفسيتي تدمرت...قتلو فيني كل شي حلو بس لساتني موجودة

المسا بلاقي رسائل من أختو الي بالسعودية كانت عم تسب وتلعن بس هالمرة انا مو متل كل مرة انا هالمرة قوية كتيير وكأني صحيت ع

#رحلة_العشق_المظلم_بقلم_رومانتيكا
#واقعية
الجزء الأول...........

ليش؟؟
لا حدا يسألني هاد السؤال لاني حتى انا ما بعرف ليش مع اني صاحبة هالحكاية.

الوردة المفعمة بالحب والحيوية والأمل

حلوة ورح ضلني هيك حتى لو غمضت ذبلت أو انكسرت رح ضل حلوة
بابا بيسميني جورية العيلة وأحياناً جوريتي وانا كتير بحب هالأسم لأنو بيربطني بذكريات كتيرة وبيحسسني بالأمان والدفا
دائماً كنت مدللة العيلة وخصوصي عند أبي ما بينرفضلي طلب ابداً وانا كتير كنت متعلقة في مع انو ما بشوفو كتير
بابا بيشتغل بالخليج اما نحنا عايشين بالشام وبسبب طبيعة شغلو ما بيقدر يشوفنا الا أسبوع بكل شهر
وضل هالأسم مرافقني بكل مراحل حياتي حتى بعد ما ذبلت وانكسرت...
....................................

هلق عمري 17 سنة
راجعة من مدرستي تعبانة عم عد الخطوات لأوصل للبيت لأني ميتة جوع .
لما قربت أوصل البيت كان في نظرات عم بتلاحقني من بعيد كان عم بيراقب خطواتي بهدوء وعم يتمقلني بشكل غريب لما حس عليي اني عم بطلع عليه ابتسملي زورتو ودخلت عالبيت...
ماني عم بفهم شي من تطليعاتو لانو هي ما اول مرة من اول ما سكن مقابل بيتنا على نفس الحالة وكل مرة أتزاور في وما أعطي وجه...

دخلت عالبيت كانت امي قاعدة مع جارتنا أم سعيد سلمت عليهن ودخلت على غرفتي وانا عم اضحك كالعادة ام سعيد جايبتلنا عريس

وأختي فرح بغرفتي كملت معي اليوم حاولت أهرب قبل ما تناديني

فرح. تعي لهون شفتك
ليش عم تتصهصني؟
جوري. فرح!
نقزتيني شو في
فرح. الواحد بيقول اهلا وسهلا
جوري. اهلا وسهلا شو عم تعملي هون لا تقولي جايبتيلي ولادك لخليهون عندي أوعك ها بدفنك
فرح. العمى ما احقرك شو شايفتيني ما بدخل بيت اهلي إلا لمصلحة
جوري. ههههههه يعني هيك شي
فرح. ما حابة اتخانق معك هلق قوليلي ليش فايتة وعم تتصهصني

رجعت تذكرت منظر أم سعيد وهية عم تحكي عن العريس ورجعت أضحك من أول وجديد

فرح. لككك شوفي؟!
جوري. هههههه ولا شي أم سعيد جايبتلا عريس لأمك وقال طول بعرض بأرتفاع
فرح.هههههه لا ولو هاد مربع مو عريس
جوري. ههههههه ههههه أخخخ يا ربي فرطت يبعتلك الهنا
فرح. لك كملي هلق عأساس ما بعرف اني خفيفة دم
جوري. هههههه واثقة كتير

وقفت ورا الباب وصرت اسمع شو عم تقول ام سعيد وأحكي
عم تقول ام سعيد انو مربع لقطة قصدي عريس لقطة قال عندو بيت ملك وشغيل وكامل مكمل

فرح. يا ستي نيالك
جوري. قصدك نيال أمك لو تشوفي كيف لافة رجل عرجل ومكيفة
فرح. هههههه بدك تعلميني عأمك هلق رح تشوفيها داخلة لعندك وأبتسامتها من الأذن للأذن

ونحنا عم نحكي ونضحك دخلت لعنا أمي ومتل ما توقعنا الأبتسامة شاقة وشا ومبسوطة

ام عمرو. شبكون ليه عم تضحكو
فرح. أمي نحنا لازم نسألك هالسؤال
(غمزتها). أمي شو القصة؟
ام عمرو. وليي عليكون سمعتو ما هيك
فرح. يعني هيك شي مين العريس؟
ام عمرو. جارنا الي انتقل جديد أحسان
فرح. لاااااااا عم تمزحي

حطيت أيدي عتمي لما تذكرت نظراتو لألي تطلعو عليي كانو خدودي موردين من الخجل حطيت إيديي ععيوني واندرت لتاني جهة

فرح. ييي ييي عأساس خجلانة يا بعدي من شوي كنتي عم تتضحوكي ليش التمثيل
جوري. فرررااااح
فرح. ههههه ماشي ماشي خلص

الأمور كانت عم تمشي بسرعة وبما انو بابا بيضل مسافر أغلب الوقت ما كان موجود معنا لما أحسان قرر يجيب أمو وخالتو ويجو ليتعرفو علينا

كنت نايمة بتختي وعم فكر كيف رح نستقبلهون فجأة حسيت بخربشة فوق راسي مايا ونايا وحدة قاعدة فوقي ووحدة عم تنتف بشعري

مايا. يالله يالله قومي
نايا. خالتو قومي لعبينا

قمت من التخت وصرخت. فرااااح تعي خدي بناتك اوووف
...............................

كنت متوترة وخايفة كتير وما بعرف كيف بدي أتصرف تطلعت تطليعة أخيرة عشكلي بالمراية ومسكت صينية القهوة ودخلت فيها وانا عم أرجف.
كانت فرح عم تعملي حركات بأيديها لتقويني
ابتسمت سلمت وضيفت القهوة ،قعدت جمب ماما بهدوء وراسي بالأرض كنت حاسة بتطليعات الكل عليي وأعجابون بشخصيتي ضليت صافنة لحتى ماما نكشتي لأدخل لجوا

فتت عغرفتي وانا عم طقطق أصابيعي من التوتر قعدت جمبي فرح وبلشت تستجوبني

فرح. بسرعة حكيلي
جوري. اوووف اشتغل محقق كونان
فرح. خلصيني شو صار
تطلعت عالجهة التانية وصرت أحكي بخجل جوري. قال بشبه نجوى كرم
مسكت بطنا وهي كاتمة ضحكتها فرح. لاااااع هههههه نجوى كرم بفرد مرة أوعك تصدقي هااا
جوري. صدقت ومشي الحال
فرح. يعني عجبتيهون فينا نقول مبروك يا جوري كرم
تطلعت فيها وغمزتا بمكر جوري. عندك شك محقق كونان؟
فرح. أعوذ بالله

بعد ما فتت عغرفتي اتفقو عكل التفاصيل وقررو انو نخطب وطبعاً نأجل العرس ليرجع بابا من الخليج ماني قادرة حدد مشاعري بهالفترة وماني عم بقدر ميز الصح من الغلط ما عم بعرف حالي مبسوطة او لاء
بعد فترة رجع بابا من السفر كنت مبسوطة كتير برجعتو لاني عنجد اشتقتلو اشتقت لحنانو اشتقت لحكيو ونصايحو
ضميتو بقوة وصرت أبكي

أبو عمرو. هههه بنتي الحلوة ليش عم تبكي
جوري. ا

شتقتلك كتير بابا
أبو عمرو. وانا اشتقتلك كمان
تطلع فيني بحنان وقرصني من خدودي. شوو قال كبرتي ورح تتزوجي
جوري. بابا انا ما بكبر حتى لو تزوجت
أبو عمرو. الف مبروك يا بابا ورح تضلي طول حياتك مدللة العيلة
قاطعتنا فرح. بابا..؟!
شو مشان يعني نحنا موجودين خليها تترك شوي لغيرها
أم عمرو. لكن أخر العنقود هي
أبو عمرو. هلق كلكون صرتو على جوج خلص كلكون غاليين

لوت تمها وكأنو ما اقتنعت وكلياتنا صرنا نضحك عشكلها
لما منكون مجتمعين كلايتنا بحس حالي مالكة الدنيي وما فيها بحس بالأمان والدفا وانو ما بدي شي من هالدنيي غيرون

الأيام صارت تمشي بسرعة وياما شايفينا انا وأمي طالعين نازلين عالسوق لحتى نلحق جهازي لأنو حددنا موعد العرس بعد جمعة وجبنا الذهب.

بهي الفترة كان تواصلي مع أحسان قليل شوي لانو تنيناتنا كنا مشغولين بتحضيرات العرس بس كان يجي لعنا و أحياناً نحكي شوي عالهاتف قلي بعد العرس رح نسافر عمحافطة تانية لانو رح نعيش مع اهلو وانا ما عارضت هالشي

بعد أسبوع
————
————

دخلنا عالصالة شابكين ايدين بعض صوت الزلاغيط معبي الصالة ضلو يرشو علينا ورد لوصلنا عالأسكي الفرح باين عوجوه الكل أهلي وأهلو صفنت فيهون للحظة حسيت بأيدو شدت كف أيدي أكتر وكأنو عم بيطمني وعم يقلي انا موجود معك قرب شوي من أذني وصار يهمسلي

أحسان. بحبك
تطلعت في وزميت عيوني كأني بدي اتأكد من الي اسمعتو يمكن صوت الاغاني عم يخليني أتوهم...عنجد؟!
أحسان. اي انا بحبك من اول ما سكنت مقابل بيتكون
ابتسمت بتوتر اول مرة حدا بيقلي هالكلمة وصرت حاول شتت نظري عنو بس هو ضل عم يحكي
أحسان. انتي حدا مميز ما بتشبهي حدا بتمشي واثقة من نفسك ما بتطلعي يمين ويسار بتطلعي بوجهك وبس
ظمانك متل بنات هالأيام وأحلا شغلة فيكي هي زورتك
حطيت ايدي عتمي وصرت اضحك بخجل

بعد 28 يوم
————
————

متل الأمير والأميرة عايشة بحلم ما بدي أصحى منو كل شي كان مثالي عيلتي التانية حياتي الجديدة والحب الي لقيتو من جديد كل شي عم عيشو متل ما بدي بس في قاعدة بالحياة بتقول حلواً أو كان مراً سيمر
وفعلاً بعد 28 يوم بالزبط صحيت من هالحلم الي حبيتو او الأصح الي وهمت حالي في لما صحيت كان في شوية سواد حاولت فتح عيوني شوي بس كان السواد عم يطغي أكتر وأكتر لحتى معد أحسن ميز شي الحلم من الواقع وحتى الصح من الغلط ....
هناك قاعدة في الحياة تقول مهما كان حلواً أو مراً سيمر.
#رحلة_العشق_المظلم_بقلم_رومانتيكا
#واقعية
الجزء الثاني...........

كنت حاسة حالي متل الفراشة بدا تضل عم تطير كتير مبسوطة بحياتي الجديدة ما بنكر اني كتير فقدت لأهلي بعد ما سافرت بس أهلو لأحسان كانو عيلتي التانية وكتير عوضوني بغربتي
بعد 28 يوم من زواجي أحسان طلب مني ذهبي لحتى يشتغل اول ما قلي فكرتو عم يمزح معي او يمكن عم بسمع غلط بس هو أكدلي أكتر من مرة احترت كتير بأني اعطي ياهون او لاء بعرف انون حقي وخصوصي انو نصون من اهلي بس ما هان عليي أكسر خاطرو.
بعد 3 ايام فكرت كتير ضبيتون بعلبة مسحت دمعتي وقويت حالي
لما فات عالغرفة كنت عم بستناه عالتخت وعطيتو ياهون
أحسان. لا تزعلي رح عوضك وجبلك أضعافون بعد ما تنفك كربتي ووسع شغلي
جوري. ولا يهمك حبيبي فداك

ما حبيت أكسر خاطرو مع انو كتير انكسر خاطري وما لحقت أفرح فيهون وهو كتير انبسط مني وقلي اني اثبتلو حبي واخلاصي واني بنت ناس

بعد هيك صار يطول بشغلو كتير يعني احياناً ما يرجع لوجه الصبح ما بنكر اني كتير أدايق من هالواضع بس ما اشتكيت لاني بعرف انو عم بيأسس حالو ومتل ما بيقولو كبريها بتكبر وصغريها بتصغر وانا كنت عم صغرها واحتسب أمري لألله

كنا انا وحماتي وسلفتي عم نضب المطبخ وبنفس الوقت عم نحكي ونضحك وباين عسلفتي الغيرة مني ومن معاملة حماتي معي فجأة حسيت توازني عم يخف دخت وكنت رح اوقع عالأرض مسكتني حماتي ورشت علي مي لحتى صحيت

أم علي. بنتي شبك شو صرلك
جوري. ما بعرف
أم علي. بشو حاسة
جوري. دايخة ونفسي عم تقلب
تطلعت سلفتي فيني بعدين تطلعت بحماتي وضحكت
نجوى. لا تكوني حامل
أم علي. اي والله كيف ما دارتلي

بعد ما صحصحت شوي لبست ورحنا انا وحماتي عالدكتورة وفعلاً كنت حامل كنت طايرة من الفرح طول الطريق عم بضحك واتخيل ردة فعل جوزي عهالخبر حماتي عم تضحك عليي وتقلي اضحكي بكرا رح تبكي كتير
فجأة خطرلي اعمل شي حلو بهالمناسبة

جوري. مرت عمو شو رأيك اعمل شي حلو بهالمناسبة
ام علي. امم فكرة زيني غرفتك وعملي سهرة حلوة الك ولجوزك
جوري. يعني ما بتزعلو
ام علي. وليش لحتى نزعل المهم تكونو مبسوطين
جوري. الله يخليلنا ياكي

بعد ما رجعت عالبيت اتصلت مع أحسان عالأرضي وقلتلو لا تطول كتير اليوم لاني مجهزتلك مفاجأة رح تعجبك كتير ووعدني انو يجي
ما كان معي وقت كتير فتت وبلشت التحضيرات....

................................

قاعدة عالتخت لابسة فستان أحمر طويل كت من عند الصدر فاردة شعري الطويل عكتافي وحواليي الورد من كل الجهات وعم طقطق أصابيع أيديي من التوتر
نطرت كتييير

.....
ساعة...ساعتين....تلاتة
صارت الساعة تنتين وما اجا...
البيت كلو نام الا انا عم بنتظرو وما عم بيرد عأتصالاتي
بلشت الشموع تدوب وحدة ورا التانية وانا كنت عم دوب معهون وعم أمنع دموعي ينزلو بصعوبة

ما رح يجي....
قررت اني ما انطرو اكتر من هيك
بيكفييي قلتا بصوت عالي

أحسان. شو هو الي بيكفي؟!

التفتت ورايي لقيت أحسان فايت من الباب طنشتو ودحشت حالي بالفرشة وغطيت راسي

أحسان. جوريتي
مجنونة شو عاملة هههههه

قرب مني وكشف الحرام
أحسان. انا أسف بس والله مو بأيدي
طنشتو ودرت حالي لتاني جهة
أحسان. صار عندي شغل بحمص فجأة ولو كنت بعرف انو عاملتيلي هيك مفاجأة لأترك كل شي وأجي لعندك

جلست حالي وصرت أضربو عصدرو وأبكي
جوري. ما بتعرف ما هيك ما بتعرف مين اتصل فيك وقلك لا تتأخر مين قلك عاملتلك مفاجأة

أحسان. لك خلص يا مجنونة أخخخ ههههههه

صرت أضربو أكتر. قلتلي ما بتعرف مو هيك وحياتك بكرا ادا ابنك طلعلك بدي أقتلو

مسك معصم ايديي وصفن فيني شوي
أحسان. أأ أنتي حامل؟!

هزيت براسي. اي نعم

صار يضحك بهستيريا وضمني لعندو
أحسان. ألف مبروك حبيبتي

جوري. بعد شوي رح تخنق الولد

أحسان. ههههه هي بعدنا دخيل الولد وأمو للولد

جوري. اي براڤو ضحاك ععقلي بكلمتين

قرصني من خدودي أحسان. ماشي متل ما بدك بعدين ادا انتي ما استحملتيني مين بدو يستحمل

جوري. انا مين يعني
لويت تمي وتطلعت في. شو كنت عم تعمل بحمص

أحسان. اخدت بنات لوحدة مشان تشغلهون

جوري. تشغلهون وانت شو دخلك

أحسان. رجعنا للنكد

جوري. شووو

أحسان. هلق شو بدك بهالشغلة بعدين بحكيلك

جوري. بس معد تتأخر كتير

أحسان. أمرك

.....................................

تاني نهار أحسان خبر اهلو بأني حامل والكل كان مبسوط للحفيد الجديد ومو عاطين فرحتهون لحدا وانا حكيت مع اهلي وخبرتون وطبعاً كتير انبسطولي وخبروني انون رح يزوروني قريباً

رجعت الحياة لمجاريها وطبعاً الي في طبع ما بيغيرو يعني أحسان رجع يتأخر عالبيت وما وفى بوعدو متل ما قال

حسيت حالي تسرعت بهالجازة من ناحية فقدت لأهلي كتير وخصوصي اني بعيدة عنهون ومن جهة تانية مسؤولياتي الجديدة وزوجي المهمل كتير

يعني فجأة تحولت من وحدة مدللة مو هاممها شي لبيت وزوج ومسؤوليات كبيرة عليي بس مع الأسف مافي تراجع بهالطريق

بلشت علامات الحمل تظهر عليي لعية نفس وتعب وأرهاق الشي الي خلاني اتجاهل زوجي بس الأمور كانت عم تتعقد أكتر والمشاكل عم تزيد وخصوصي لما سمع انو اهلي جايين لعندي
بوقتا طلب مني اتدين منون مصاري ما عرفت شو قلو او شو احكي غصيت بدموعي بس شو بدي قول

يوم الي اجو لعندي اهلي كنت مو عاطية فرحتي لحدا واول ما شفتون ضميتون بقوة وعم امنع الدمعة تخوني في غصة بصدري عم خبيها وعم بكتم انفاسي لانو ما بدي ابكي

ابو عمرو. كيفها جورية العيلة
جوري. أشتقتلكون كتييير بابا
ام عمرو. ونحنا اشتقنالك يا روحي انتي
جوري. ليش ما جبتو معكون اختي فرح وولادها والله كتير اشتقتلون
ابو عمرو. هههه طولي بالك بابا مرة الجاي منجيبون معنا

شعور الغربة كتير بشع وبهالشهرين عرفت معناه كتير منيح مافي حدا بيحبك وبيتمنالك الخير متل اهلك وابشع غربة لروحك وانت بعيد عنون استقبلتون احلا استقبال وكتير انبسطت فيهون ووقت الي راحو بكيت كتير لانو رجعلي نفس شعور الغربة طبعاً ما انسيت اطلب منون مصاري وهنن ما خجلوني

المشكلة انو كانت اول مرة بس ابداً ما أخر مرة لأنو صار كل يومين تلاتة يقلي اتديني من اهلك مصاري وكل مرة بحجة شكل

فتت عالمطبخ معصبة كتير ودايقة خلاقي فجأة اجا حدا من ورايي ونقزني فلت الصحن من ايدي وصرت صرخ

نجوى. لك هي انا شبك
جوري. افففف نقزتيني
نجوى. ليش سهرانة لهلق ما اجى زوجك
جوري. لسا بيكون عندو شغل
نجوى. لك يا هبلة اصحي زوجك بيضل عم يلعب قمار للصبح قال شغل اي شغل هاد لوجه الصبح
ههههعهه شامية هبلة

وقعت كلماتها متل السم عليي هزيت راسي بسرعة
جوري. مو ناقصتك نجوى ترا الي فيني مكفيني
نجوى. الحق عليي عم نبهك

اخدت كاسة المي وطلعت تركتني وراها متجمدة ماني قادرة أتحرك حتى مشاعري مجمدة يعني ذهبي ومصاري اهلي كلو راح عالقمار وشووو كمان؟!!
بدي ابكي بدي صرخ بهي اللحظة بس ماني قادرة فجأة صحاني صوت مليان غضب صوت خلا الجليد الي جواتي يدوب ويتلاشى بدي اتخبا منو بس ما قدرت لحق صرخ عليي شدني من شعري وسحبني لعندو!!.....
وعندما تسقط خذ يدك بيدك الأخرى فلو كان بهم خيراً لما دعوك تسقط.
#رحلة_العشق_المظلم_بقلم_رومانتيكا
#واقعية
الجزء الثالث............

صحاني صوت مليان غضب صوت خلا الجليد الي جواتي يدوب ويتلاشى بدي اتخبا منو بس ما قدرت لحق صرخ عليي شدني من شعري وسحبني لعندو

خلصت حالي من بين أيدي بصعوبة كانو عيوني مدمعين وعم يتوسلو يفهمني شوفي؟!
شو الي صار؟!

قبل ما اسألو اي سؤال نترني عالأرض بقوة وصرخ عليي بطريقة غريبة
أحسان. انا ما صرلي ساعة عم ناديلك
عمليلي شاي حلوة بسرعة
جوري. اخخ حاضر
أحسان. قومي بلا بهورة ما فيكي شي

تر أحسان. عم تفهمي ولا لاء

هزيتلو براسي بسرعة ودموعين مغرقين عيوني وعم برجف من الخوف زت السكين عالأرض وصار يشقع الدم من أيدو وهون انا زتيت حالي عالأرض وانهرت من البكا

البيت كلو استنفر وعم يترجوني ما روح واترك وانا ما هاين عليي أتركون لأنون صارو جزء من حياتي وحبيتون كتير بهالسنة قعدت اتزكر كل شي صار معي بهالسنة وابكي بكيت كتير لنشفو دموعي
فجأة حسيت حدا قعدا تطلعت في هاد سلفي

علي. لساتك عم تبكي
تطلعت في وحاولت أكتم شهقاتي جوري. شو بدك ياني اعمل انا عم موت
علي. طولي بالك كل شي بيلتقالو حل
جوري. حل لشو انا معد فيني ضل هون اكتر من هيك رح موت
علي. بس الكل تعود عليكي وحبك
جوري. وانا معد فيني أكتر من هيك أخوك بهالسنة قتل كل شي حلو فيني
علي. يوم الي رحنا لعندكون نخطبك تفاجأنا فيكي وبأهلك كيف قبلو يعطوكي ألو كنا مفكرين شي وحدة من أشكالو اهلك ما عطو عروس عطو ملاك
مسحت دموعي وابتسمت
جوري. نصيب

فعلاً نصيب انا كتير مأمنة بهالكلمة هي الشي الي بيخليني ما أزعل وكون اقوى من هيك هاد نصيبي
بعد ما هدي وضع البيت شوي وأمنت انو أحسان طلع من البيت طالعت شنتايتي نفسا وجهزت حالي

تطلعت نظرة سريعة عالغرفة وصرت أبكي تزكرت كتير شغلات صارت هون بكيت وضحكت عشقت وكرهت انخذلت كتييير تذكرت عرسي ولما كنت حامل شلحت محبسي وحطيتو عالطاولة وتطلعت من الغرفة...
لسا الذكريات عم بتداهم افكاري بهاد الصالون ياما سهرنا وضحكنا...
لما دخلت عالمطبخ تذكرت مناقراتي مع سلفتي تذكرت حكيي مع مرت عمي وحتى لما اجا أحسان سكران عالبيت وشدني من شعري...

ما بدي ودع حدا اخدت شنتايتي وطلعت بسرعة من البيت بعرف حالي ادا ودعتون رح اختنق كنت متل الضايعة بالشوارع اخدت تكسي وطلبت منو يوصلني عالكراجات ومن هناك قطعت عالشام

..وصلت الشام 10 المسا..
مافي تكاسي بالشوارع عم بتلفت يمين ويسار وما عم لاقي حدا بس في وحدة مع جوزها وولادها بالسيارة قربت منون بخجل

جوري. لو سمحتي
دارت وشا. اتفضلي
جوري. معلش تطالعوني معكون لعند اهلي وبعطيكي اجرتكون لاني ما عم لاقي تكاسي اجرة
م. لاء ما ممكن

لفت وشا وطلعت بالسيارة من دون ما تعتذر حتى فجأة لمحت خيالو من بعيد بالأول فكرت حالي عم بتوهم بس لاء كل مالو عم بيقرب أكتر وعم توضح الصورة أكتر!....
أن مشيتَ على الجمر فحتماً سيكون مصيرك الأحتراق
#رحلة_العشق_المظلم_بقلم_رومانتيكا
#واقعية
الجزء الرابع...........

لمحت خيالو من بعيد بالأول فكرت حالي عم بتوهم بس لاء كل مالو عم بيقرب أكتر وعم توضح الصورة أكتر بابا!
قربت عليه وصرت أحضنو وأشهق وأخيراً ارتدتلي الروح ومن كومة حجار لقيت نتفت أمل ضميتو بقوة كبيرة وتمنيت يوقف العالم بعدني عنو شوي ومسحلي دمعتي

أبو عمرو. مين مزعل جوريتي
كتمت شهقاتي وحكيت بصوت مبحوح
جوري. الدنيا يا بابا الدنيي قتلت جواتي كل شي حلو
أبو عمرو. بقتل الدنيي كلا كرمالك

طمرت حالي بحضنو ورجعت أبكي كان عم يتلمس راسي ويحاول يهديني
طبعاً جية بابا ما كانت صدفة لأنو أحسان بعد ما عرف اني طلعت راح عالكراجات وعرف ايمتا بوصل وعلى هاد الأساس خبر بابا

رجعت عبيت اهلي عمري 18 سنة قبل سنة طلعت منو عروس مفعمة بالحيوية والحب وهلق رجعت مطلقة مكسورة يائسة

بعد ما رجعني بابا عالبيت وارتحت وهديت نفسيتي بلشو يفتحو معي الموضوع وبعيونون تساؤلات كتيرة بيلي صار معي لانو طول هالسنة كنت عم بمدحلون بهالبني آدم واعطيهون صورة الزوج المثالي وفجأة بجي لعندون وبدي أطلق

صرلي يومين بغرفتي ما بطلع منها الا لأكل وفوت عالحمام اجا بابا ونادالي اقعد معهون بالصالون
وانا ما حبيت خجلو
كانو الكل قاعدين وعم يطلعو فيني لأحكي

جوري. شبكون شو في؟!
حاسة حالي بالمحكمة
أبو عمرو. بابا لاحظتي انو صرلنا يومين ما حكينا معك ولا فتحنا سيرة منتظرين لتهدا أعصابك وهلق من حقنا نحنا كأهل نعرف شو الي صاير معك مزبوط ولا لاء
هزيتلو براسي جوري. مزبوط بابا
ابتسملي ليعطيني الثقة بأني احكي اما ماما وخواتي كانو عم بيراقبو بهدوء
تنهدت بعمق وبلشت أحكي
جوري. بابا ...ماما انا أسفة اني كل هالفترة عم بوهمكن اني عايشة احلا عيشة ما كنت حابة زعلكون وبنفس الوقت كنت بتأمل يتحسن الوضع
مسحت دموعي وتابعت حديثي
جوري. بس مع الأسف كنت يوم ورا الي بعدو عم بكتشف وسخو اكتر بالبداية باع ذهبي ليلعب قمار وحتى المصاري الي كنتو تدينوني ياها كمان راحت بيشتغل بالدعارة بيشرب وبيحشش وما بعرف شو بدي احكي لأحكي
امي حطت ايدا عتما وصارت تبكي
ابو عمرو. لككك ابن الكلب انا بفرجي
جوري. بابا طول بالك بترجاك ما بيستاهل هيك واحد تلوت ايديك في
ابو عمرو. لك ليش ما حكيتي من الاول ليش؟؟
جوري. بابا قلتلك
ابو عمرو. من بكرا بتنزلي معي عالمحكمة انا بفرجي لهالواطي

هزيت راسي ورجعت فتت عغرفتي لحقتني أختي فرح ضمتني وصارت تهديني وانا كنت كتير بحاجة ألها بهالوقت بعدتني عنها شوي وتطلعت فيني

فرح. طولي بالك اختي هيك واحد وسخة ما بيستاهل تزعلي عليه
جوري. انا ماني

هداك بيضل يطلع علينا
جوري. هههه ما بعرف من شوي وقفني وحكا معي شوي لا يكون معجب فيكي
نور. وليش ما فيكي مثلاً
جوري. ههههه ببساطة لانو عمرو مناسب لعمرك أكتر

ضلينا 15 يوم بالمشفى كل يوم شوف قصي واقعد معو ومع أمو وعرفوني عأبو صرنا صحبة بهالفترة واخدنا أرقام بعض الحمدلله نور كان وضعها أحسن
وقدرنا نخرجها

رجعت الحياة عمجاريها وكل واحد راح بحال سبيلو انا رجعت اهتم بأهلي وبمتطلباتون وقصي واهلو رجعو عمدينتهون
بعد فترة شفتو باعتلي رسالة ((انا وأبي بالشام تعي خلينا نشوفك))
بعتلو((أنا أسفة وبعتذر لو أمك معكون كان ممكن بس عنجد بعتذر))

صار يحاول معي انو يخليني أجي او نطلع عشي مكان عام ونشوف بعض بس انا ما قبلت

صار يبعتلي وانا شوف رسائلو وطنش كنت رح اقفل الهاتف وزتو بس لما قريت رسالتو الي طالعة عالشاشة من فوق كان الفضول رح يدبحني وما قدرت الا رد ((بدي أحكي معك بموضوع ضروري ممكن تردي عرسائلي)).
وكلما ستبدأ بالأستقامة سيواجهكَ منعطف، فأن كان لا بد من الأنحناء أنحني ولكن لا تنكسر.
#رحلة_العشق_المظلم_بقلم_رومانتيكا
#واقعية
الجزء الخامس.............

قصي((بدي أحكي معك بموضوع ضروري ممكن تردي عرسائلي))
لما قريت موضوع ضروري كان الفضول عم يدبحني وقلبي عم يرجف بسرعة لأعرف شو الموضوع ستنيت شوي ورديت علي

((أسفة هاتفي خلص شحن اتفضل شو هو الموضوع الضروري))

قصي((الصراحة ما بدي لف ودور جوري انا معجب فيكي))

فيني انا فتحت عيوني على وسعون وقرأت رسالتو مرة ومرتين وتلاتة تربطت ايديي وما عرفت شو رد بعتلو((الصراحة صدمتني انت واعي عحالك شو عم تحكي))

قصي((واعي وكتير كمان وين الغلط بالموضع انا معجب فيكيييي))

جوري((قصي عنجد بعتزر منك يعني مو زابطة انا أكبر منك ب 4 سنوات وانا مطلقة وانت عزابي يعني من وين ما جيتها مو زابطة))

قصي(( لا بدك تسمحيلي يعني العمر مو كل شي اهم الشي التفاهم خالتي اكبر من زوجها ب19 سنة وعايشين وما احلاهون))

جوري((عن اذنك منحكي بعدين))

سكرت موبايلي وصفنت شوي بكلامو لاء لاء مستحيل من وين ما جيتها مو زابطة ابداً من دون ما حس عحالي أرجع فكر بحكيو قلت بيني وبين حالي خلص بيكفي طفيت ضو الغرفة وقعدت مع بابا كان عم يتفرج عالتلفزيون

ابو عمرو. جوريتي ليش هيك متوترة ومانك عبعضك في شي؟!
هزيت راسي بسرعة وابتسمت لانو بابا بيفهمني من نظرة
جوري. لا بابا بالعكس مافي شي ابداً
ابو عمرو. الله يريح بالك يا بنتي بدي ياكي تديري بالك عحالك منيح ها
جوري. أمرك بابا

كلام بابا الي بيريحني وخوفو عليي كان بمثابة الخيط الوحيد الي بيربطني بهالدنيي وبيخليني أتمسك فيها
عم تمضي الأيام بنفس الروتين قصي بيحكي معي كل فترة وبيحاول يفتح معي نفس الموضوع وانا بصدو بطريقتي وعالأغلب بيكون حكينا برسمية ومختصر
وهيييك كنت عايشة حياتي لحتى انقطع هالخيط الي بيربطني بالحياة
راح بابا واخد معو كل شي حلو توفى خلص ....
كنت ما عم صدق حاسة حالي بكابوس بس ما عم بصحى منو
انعزلت عن العالم وعن الناس صرت جسد بلا روح كل يوم بتأمل انو يكون هالشي كذب بعد ما فيق بضل نايمة بالفرشة ليجي بابا يصحيني بطول بغرفتي على أمل يجي ويشوف شبها جوريتو
بابا أشتقتلك كتير...
مليت وانا أنطرك بتختي لتصحيني...
بنام وبصحى وبرجع بنام وبصحى على أمل انو تكون وفاتك كابوس...
الأيام من بعدك متل بعضا...
كان بدك ياني كون قوية بس انا كنت أستمد القوة منك انا بلاك ضعيفة كتييير...

انكسرت كانت تمشي أيامي متل بعضا بعد وفاة بابا
لحد ما وصلني مسج عموبايلي من قصي قلي انو جي عالشام مع عيلتو ومرت أخو
دقيتلو وقلتلو الحمدلله عسلامتك وطلب مني انو يشوفني بالمشفى عندون موعد لأبو هناك واتفقنا نشوف بعض تاني يوم
وفعلاً جهزت حالي ورحت زرتون سلمت عليه وعلى عيلتو وهناك تعرفت على ابن عمتو كان حاكيلو عني
وعلى مرت اخو واختو
صرنا نتمشى انا وياه بالمشفى ورجع يفتح معي نفس الموضوع تنهد بعمق وتطلع بعيوني

قصي. شو ما فكرتي بموضوعنا
جوري. قصي انت عم تضغط عليي كتيير
قصي. بس انتي ما عم تعطيني فرصة وكل ما بفتح الموضوع بتغيري
جوري. انا موت بابا كسرني صارت كل مسؤليات البيت وأمي عليي نفسيتي تعبانة و بحكي معك لارتاح وتتغير تفسيتي
قصي. فهمت عليكي

ابتسم بوشي تركني وراح رجعت عالبيت وانا متوترة كتير وماني عبعضي عم فكر بكلامو ضليت يومين ما احكي معو بس بالي عندو بعدين قلت بيكفي خلص هالشي غلط لازم يطلع من راسي هو صديق وبس!

بعد يومين دقلي تنهدت ورديت عليه كان عم يطلب مني اجي عالمشفى لساعد اختو بولاد أخو لانو امون عندا عملية واتفقنا تجي اختي لعند امي وانا روح لعندون

وفعلاً مشينا على هاد الأساس تاني يوم رحت عالمشفى وضليت معهون للمسا قالولنا انو تأجلت عمليتها لبكرا
ودعت الكل وعأساس ارجع لعندون تاني نهار وطلعنا انا وقصي من المشفى كانت نظراتو الي غريبة كان خايف ومتلبك كان قلبي عم بيقلي انو في شي رح يصير ضلينا ساكتين لطلعنا من باب المشفى

جوري. قصي شبك شوفي؟!
قصي.

ابتسم بوجهي آااه لا ما في شي بسس
جوري. بس شوو؟
قصي. فرك راسو بما انو اختك عند أمك والكل مفكرك بالمشفى شو رأيك تجي معي عالبيت؟
جوري. آااه

كنت تايهة مشردة عايشة بجحيم فتحلي باب من نار وقلي فوتي!...لحقتو فتت عالنار برجليي وبعرف أنها رح تحرقني
بسسس لييش؟؟
كل يوم بسأل حالي نفس السؤال يا ترى ليش؟؟
ليش سمحتلو ياخدني عالموت وانا رضيانة؟
كيف قبلت كون المجرمة بحق نفسي كييييف؟!
ولحد اليوم عم دور عالجواب بس ما لقيتو

مشيت معو وانا رضيانة مسلوبة الأرادة كيف وليش لا حدا يسألني صار كل شي بدون ما حس

..........................................

وقفت تحت الدوش وفتحت المي الباردة بلكي بطفي شوي من نار قلبي هلق لوعيت عحالي صرت أبكي وأصرخ

ليش؟؟
ليششش؟؟

ليش هيك عملت بحالي ليش كسرت ثقة اهلي؟؟
قلبي عم يصرخ من جوا ودموعي عم تحرقني
اهلي بعتوني مساعدة لوحدة وانا كسرت ثقتهون فيني

اتذكرت لما بابا الله يرحمو قلي ديري بالك عحالك يا بنتي
صرت صرخ أكتر حتى المي الباردة ما عم بتطفي البراكين الي شاعلة جواتي

بهديك الليلة نمت من دون ما حس عحالي كيف او شلون فقت الصبح مخدرة تذكرت كل شي صار ورجعت ابكي...
رجعنا عالمشفى وانا طول الطريق ما عم بتطلع في ولا عم بحكي معو متوترة كتير من وجودو معي

رحت جبت فطور وفتت بعدو عالمشفى وبعد ما عملت مرت اخو العملية ضلينا للمسا بعدين خرجوها وانا رجعت عبيتي وهنن عالبيت الي مستأجرينو

بعد يومين من رجعتي عالبيت كانت اختو تتواصل معي وعزمتني لعندون بالأول حطيت أمي حجة لاني ما كنت حابة شوفو واعتذرت منها
بس هي الحت عليي وطلبت مني افرجيهون عالسوق ما قدرت خجلها
اجى قصي اخدني كان بدو اي فرصة لنكون سوا تعشينا عندون ونزلتون عالسوق كتير انبسطنا وغيرنا جو
قرب مني قلي شو رأيك نتمشى شوي بالحديقة وافقت لانو لازم نحكي انا بعرف حالي غلطت بس كان لازم واجه هالغلط ما أهرب منو

ضلينا نمشي ونحنا ساكتين وكل واحد عم يخبي الأعصار الي جواتو صار يطقطق اصابيع ايديه بتوتر ويحكي معي

قصي. انا عنجد بحبك
اندرت على جهتو وتطلعت بعيونو
كمل حكيو قصي. عنجد انا بحبك من كل قلبي رح احكي معك بصراحة بالبداية كنت بدي اعمل معك علاقة وامشي بس اكتشفت اني عنجد بحبك
عكفت حواجبي. يا قصي الي صار بيناتنا حرام عم تفهم عليي انا عم موت كل دقيقة وكل ثانية كل ما بتذكر الي صار وبفكر كيف رح واجه ربي والي صار مستحيل يتكرر غير بالحلال
قصي. خلص الي بدك ياه بيصير بس امهليني شوية وقت حتى مهد لأهلي الموضوع
جوري. بس ما رح يوافقو
قصي. انتي ما عليكي تركيها عليي

هزيت براسي وكملنا مشي ونحنا عم نمشي سألني عن سبب طلاقي تنهدت من جوا وحكيتلو كل شي صار معي بالتفصيل كان يحاول يهديني وانا عم غص بس شو بدو يهدي ليهدي الحريق الي جواتي كان أكبر من انو ينطفى

يا ترى رح يقدر يطفي هالحريق ولا رح يشعلو بزيادة هاد الشي الي كنت اسئل حالي في؟!

كنت أصارع جحيمي زماني وإعصاري ففتح لي ذراعيه وقال تعالي أأتخلص من الجحيمِ بالنارِ ؟!
#رحلة_العشق_المظلم_بقلم_رومانتيكا
#واقعية
الجزء السادس...........

كل واحد فينا رجع عبيتو بأمل جديد ورجعت الحياة عمجاريها اهلو سافرو وهو ضل بالشام كنا نضل نحكي مع بعض عالواتساب ونشوف بعض اهتمامو فيني خلا قلبي يرجع ينبض بس لهلق حاسة حالي بطريق مجهول ما بعرف صح او غلط

كل يوم عن التاني عم حبو اكتر لحد ما اجا اليوم الي بدو يرجع في بوقتا بكيت كتير وتمنيت ما يروح بس ما فينا نساوي شي

رجع عمدينتو وضليت عتواصل معو ومع اهلو وخواتو البنات كل يوم كنا نحكي مع بعض وين بيروح وين بيجي شو بيعمل كنت نحكي بأبسط التفاصيل وحسيت حالي بهالفترة عنجد اشتقتلو مالي شغلة وعملة غير احكي معو ودير بالي على امي

لحد ما بيوم قلي شو رأيك تجي لعنا زيارة منو بتشوفي جو القرى وبتغيري جو قلتلو بشوف اهلي وبردلك خبر يمكن ما يوافقو

والله ما كذبت خبر دقيت لأختي الكبيرة وقلتلا

جوري. حبيبتي اختي مو انا اختك الصغيرة جورية العيلة
فرح. هاتي لنشوف شو المطلوب هالمرة
جوري. بتعجبيني لما بتفهمي عليي عالطاير
فرح. يلعو لقلبك هاتي قوليلي شو بدك
جوري. اممم بتتذكري رفقاتي الي حكيتلك عليهون عزموني روح زيارة لعندون
فرح. اممم خليني فكر بالأول
جوري. فروح حبابة
فرح. يعني انتي حابة تروحي
جوري. يعني بغير جو وبتسلى
فرح. طيب كم يوم بدك تضلي
جوري. شي 3 او 4 ايام ما بطول
فرح. طيب لكن امري لألله بحاول اقنع امك و بتجي لعندي بس مافي داعي حدا يخبر اتفقنا
جوري. اي هااا هي اختي الي بحبا
فرح. آااه يا مصلحجية

استلمنا أمي انا من جهة وفرح من الجهة التانية وبلشنا نقنع فيها

فرح. يا ماما يا حبيبتي خليها تروح بتتسلى مع رفقاتها
ام عمرو. لاء يعني لاء شو بدك الناس تحكي علينا فرح. امي مافي داعي حدا يعرف فهميني انتي وين اعتراضك
جوري. اي أمي الله يوفقك والله رح تطق روحي من البيت رح افقع
ام عمرو. هلق اتفقتو عليي
جوري. والله ما بطول 4 ايام بالكتييير
فرح. خلص أمي