سراج - خزانة الفوائد

مجمع الكتب📗📘

ktabaknachr

#النهر_الفائق شرح كنز #الدقائق
للإمام
#سراج الدين عمر بن نجيم رحمه الله تعالى.

📚قصص||روايات||منوعة📚

rwayate

ياسين:اي موتكرم
عيونك يا احلا وردة

مروة(ابتسمت و وجهت نظري لاحمد)و انت احمد افندي

احمد:نعم اختي

مروة:شايفتك كتير عابس....فردلنا هالوجه...عفكرة انا زعلانة منك صرلي كم يوم بالمشفى و مابشوف وجهك لليوم!

احمد:والله....كنت مكرب...قالولي ممنوع شوفك و انا مكرب

مروة:معافى نشالله.....سمعوني....انتو الكل....هي نظرة الشفقة مابدي شوفها بعيونكن.....انا مروة....و رح ابقى متل ما انا ومارح يتغير شي!....هي مصيبتي و هاد مرضي.....واللي انشلو رجليي....انا رح اعرف اتعامل مع الموضوع و من هلأ.....بس انتو....انتو لازم تشيلو من راسكن اني خلص صرت عاجزة...العجز بالعقل مو بالجسم
و انا رضيانة بقدري و بنصيبي.....الباقي انكن ترضو انتو كمان....مابدي شوف هالحزن بعد هلأ ابدا تمام؟

ام ياسين:ياحبيبتي....نحنا بس.....

مروة(مقاطعة)لابس ولاشي....شو بابا...مابدك تجبلنا فطور....يلا حركولي حالكن بقا

_مجبورة كابر على وجعي....مجبورة اكبس عالجرح ملح و اصطنع الضحكة.....مابقدر اتحمل حزني و حزن غيري
وجعي و وجع غيري....مابقدر.....هي معركتي و انا رح خوضها لحالي....بكامل قوتي
و متل ما ضغطت عالزناد و خلصت الدنيا من شر بني ادم
رح اضغط على حالي و خلص حالي من شباك الحزن و الالم!_

____________

_بنفس اليوم بمركز اعادة التأهيل_

الدكتور فريد:اهلا سيادة العقيد.....تفضلو ارتاحو

سراج:اهلا فيك دكتور....الحقيقة.....انا جاية لعندك و متأمل خير منك......بدي هالبنت تتعالج....بدي ياها تقدر ترجع تمشي من جديد مهما كلف الامر

الدكتور فريد: الامر مو بهالسهولة اللي حضرتك متصورها
والدكتور هادي بيعرف هالشي....بعد ما اطلعت عالاوراق و لصور و تقرير ماقبل و بعد العملية....بيؤسفني اني خبرك انو الوضع شبه مستعصي....البنت حتى تمشي بحاجة معجزة....الاعصاب تالفة بشكل كبير..... اضافة للضرر القريب من الحبل الشوكي....من حسن حظها انو العمود الفقري تلقى القسم الكبير من الضربة وخفف الضرر عالحبل الشوكي....بس هالشي مابينفي وجود ضر....بكل الاحوال....جلسات العلاج الطبيعي رح تكون مكثفة و رح نعمل كل شي منقدر عليه حتى تستعيد لوجزء من قدراتها

سراج:طيب...مافي عملية تعوض هي الاعصاب التالفة؟

فريد:رح نلجأ لكل الاساليب و رح تكون العملية اخر خيار النا.....انت ماتاكل هم شي....هلأ خليها تنهي فترة النقاهة بعد العملية و خلي العمود الفقري يلتئم و بعدين بتجيبها لعنا و لكل حادث حديث

سراج:طيب....ببقى على اتصال مع حضرتك....بالاذن

فريد:مع السلامة

_خلصت موعدي مع مدير المركز و توجهت للمشفى لشوف مروة و اهلها و خبرهن عن اللي رح يصير بالايام الجاية.....وصلت عالمشفى و بمجرد مادخلت حسيت بشي وكأن مسك قلبي و عصرو....دقات قلبي بلشت تتسارع حسيت و كأني رايح لقابل شي قدر كبير
مو كأني رح شوف مجرد بنت....افكاري تشوشت و يمكن نسيت كل الكلام اللي كنت محضرو بذهني
حاولت اتمالك اعصابي اد مابقدر....ونقرت عالباب ودخلت....كانت قاعدة على تختها و عم تلعب شطرنج مع اخوها و مندمجة لدرجة ماحست بدخولي
ابتسامة صغيرة كانت مرسومة على وجهها عطتني راحة كبيرة و شجعتني اني سلم عليها_

سراج:احم.....مسالخير

ياسين:اهلين...اهلين سيادة العقيد

مروة:انت شو جابك....انا ماقلتلك مابدي شوفك بقا!

ياسين:مروة!!!!شوصرلك عيب تحكي هيك معو!

مروة:تفضل لبرا....اذا بتريد

سراج:(بلعت ريقي)انا جاية لخبرك خبر يمكن يفرحك

مروة:أي خبر منك رح يكون بؤس بالنسبة الي

ياسين:لك مروة شوصرلك!!!!عيييب هيك تحكي اهدي شوي

مروة:مابدي اهدا واذا ماطلع من هون رح اطلب من امن المشفى يطالعو

سراج:اهدي اذا بتريدي....عن اي امن عم تحكي...نسيتي اني ضابط؟...انا جاية حتى اعطيكي شوية امل....و حتى قلك اني رح اوفي بوعدي الك

مروة(بانفعال)مابدي شي منك!!!!....لا امل و لاغيرو...انا بعرف جيب امل لحالي بحالي...اذا بتريد لاتخليني صرخ
طلاع لبرا وبس!!!!!

سراج:متل مابدك.....بالاذن

_بعد ماطلع سراج_

ياسين:لك انتي جنيتي....كيف هيك بتحكي!!!

مروة:ياسيييين.....طلاع لبرا....لحقو يلا من وجهي مابدي شوف حدا منكن....(صرخت)طلاع لبراااا....تركوني بحالي!!!!!

_ماحدا حاسس فيني....ماحدا حاسس بالنار اللي شاعلة جواتي....كيف بدي استقبلو....كيف بدي اقدر اطلع فيه وهو سبب كل اللي انا فيه....مابقدر!!!...مافيني حتى اسمع باسمو...مابقدر!_

_______

#سراج

_شفت ياسين طالع من عندها....كانت الممرضة عم تسحب الحقنة من ايدي و رح تمشي....ناديت عليه و اجا قعد جنبي_

ياسين:قلعتني

سراج:مفهوم....حالتها النفسية تعبانة...لازم تتحملوها

ياسين:انا بعتذر عنها....اكيد هيه مو وعيانة للكلام اللي حكتو

سراج:عادي ماتعتذر....انا مقدر وضعها

ياسين:عن شو كنت جاية تخبرنا