الجزء الخامس

_ببيت سراج_

ميرا:سراج....بدي تلفونك احكي مكالمة

سراج:وينو جوالك ليش!

ميرا:فاصل شحن....ممكن؟؟؟

_بلعت ريقي وطلعت من صور مروة الي كنت عم اتأملهن وعطيت ميرا الجوال_

سراج:تفضلي....بس لاتتأخري بدي شوف شي مهم

ميرا:لادقيقة بس....عن اذنك

_تركتني ميرا و دخلت عالغرفة و انا متوتر...خايف انها تكشف سري....بلشت هز رجلي بتوتر....لحد مارجعت لعندي وهيه عم تخفي ابتسامتها_

سراج:شوفي.....في بتمك حكي

ميرا:ههههههه.....ماعاد فيني اسكت....كنت عرفانة انو اخي عشقان كنت متأكدة!!......ههههههه

سراج:والله اني حمار لاني سلمتك جوالي...كيف عرفتي كلمة السر

ميرا:اييييي سراج.....سهلة كتير....المهم...مين هالحلوة هي....لك عندك كتير صور الها مالحقت شوفهن كلهن
بس حلوة...شوبدك بالحكي حلللوة

سراج:و انا هيك قلت لحالي

ميرا:حكيلي....معقول تخبي عن اختك حبيبتك....حكيلي سراج كيف تعرفت عليها.؟؟..بتحبك؟؟...شو اسما؟اديش عمرها؟؟

سراج:اه من العلقة بلسانك....رح احكيلك....بس خلي الموضوع سر ها

ميرا:اكيد....تفضل عم اسمع

_كانت كتير متحمسة لتعرف.....بنفس الوقت كنت بحاجة حدا اعترفلو....حدا احكيلو عن الي بقلبي....انا بحب مروة....مروة الي بالصور....بالفيديو....بالاغاني....مروة الي بالواقع مابتشبهها....ضميري عم يعذبني لاني عم حس اني سبب تغيرها....وسبب انطفاءها.....بحبها....بحب كل شي فيها
بس.......بالصور!
لانها بانية حول نفسها سور كتير عالي....وعم تمنعني حتى فكر بالاقتراب.....هاد الكرسي عائق بيناتنا....وجودو مرتبط فيني....بوجودي..._

ميرا:معقول!......زعلتني عليها عنجد....يعني ماعاد تمشي!

سراج:الامل ضعيف...بس موجود....و انا متمسك فيه اكتر منها

ميرا:طيب جرب تخبرها عن مشاعرك

سراج:مابقدر.....هيه مابتطيق شوفتي...كيف بدي خبرها
انا علقان....بين الصور و بينها.....بين الخيال و الواقع
مابتتخيلي ميرا....انا بنيت بخيالي عالم....وهيه شريكتي بهاد العالم...متمني لو تسمحلي افتحلها قلبي...وخبرها انا بشو عم حس

ميرا:عرفني عليها...يمكن اقدر ساعدك....رح خبرك عن خطة...سمعني منيح

_طبعا خطة ميرا كانت مجنونة.....بس مابيمنع التجربة
اي شي ممكن يحرك مشاعر مروة تجاهي انا مستعد جربو....وحاسس هالشي رح يفيد....خاصة انو صرلي 10 ايام مازرتها من بعد مادخلت عالمركز_

سراج:شوفيها....قاعدة تحت الشجرة لوحدها

ميرا:اممممم.....بس سراج هي محجبة و الصور بلا حجاب!

سراج:لك ماقلتلك انو هاد كرت ذاكرة جوالها طبيعي تتصور بدون حجاب

ميرا:اييي نسيت....يلا خود نفس و استعد...اوعك تخرب الشغل

سراج:اي حاضر

_جنب مروة_

سراج:مرحبا....كيفك مروة

مروة:(ابتسمت)اهلين!.....كيفك انت

سراج:تمام....بدي عرفك على ميرا

ميرا:مرحبا...كيفك انسة مروة

سراج:ميرا بتكون مدامتي(حاوطت كتف ميرا)

مروة:اه...والله؟...كتير حلو...مبين جاييكن بيبي كمان

ميرا:بنوتة!....ونشالله تطلع حلوة متلك

مروة:تسلمي

#مروة
_بعد غيبة 10 ايام...جايب مدامتو تتعرف عليي....ليش!
اكيد غيرانة و جايبها يورجيها اني عاجزة...و اني مو ضمن دائرة البنات اللي لازم تخاف منهن...ههه..اكيد هيك
جايبها ليثبتلي عجزي اكتر...ليقهرني على حالي و يوصلي رسالة اني بعمري مارح كون ام!!....انو هو بحياتو مانظرلي نظرة رجل لبنت.....لا....مجرد شفقة...شفقة...ماعم اخد اكتر من الشفقة من الكل!!!!_

سراج:وين شردتي مروة....نحنا هون

مروة(ابتسامة مزيفة)ولاشي....اخي احمد جاية عالطريق

سراج:كتير منيح....انا رح روح جيب شي نشربو و راجع...ارتاحي انتي حبيبتي

ميرا:اوك حبيبي ماتتأخر

مروة:شكلكن متفقين

ميرا:كتير....سراج مافي منو...قلبو طيب...و الحياة معو سهلة...مالو متطلب ابدا

مروة:شوبدك احسن من هيك!

ميرا:اكيد مافي...مع انو بالشغل طبيعتو عكس هيك تماما"

مروة:بعرف...وياترى هو خبرك اني هون و هيك بسببو!

ميرا:خبرني....و انا اسفة...بس بالنهاية هاد قضاء و قدر

مروة:مزبوط....قضاء و قدر

ميرا:انتي كتير حلوة ع فكرة

مروة:شكرا....من برا بس...من جوا شي تاني

ميرا:صدقيني فترة صعبة و رح تمرق

مروة:نشالله

_اجا سراج و حامل كاسات العصير....الاندماج كبير بينو و بين ميرا....هالشي خلف فيني شعور غريب....شعور باني بدي كون محل ميرا....بدي كون زوجة و حبيبة و ام
بدي عيش هي التفاصيل الحلوة....بدي.....بس بدي اقدر امشي
كانو عم يحكو لما وصل احمد و سلم علينا....بس ميرا تغير لونها لما شافت احمد....و تشردقت بالعصير
ستغربت هالشي....وحتى نظرات احمد ماكانت عادية
كان فيها شي من الصدمة....وعدم الاستيعاب
قعدت معهن شوي و حسيت حالي بحاجة اني اتمدد_

مروة:احمد....معلش تاخدني على غرفتي...بدي اتمدد

احمد:اكيد اختي...

سراج:ااااه...خليك احمد....انا باخدها و بجيب شي لميرا تاكلو

احمد:طيب تفضل

_بعد غياب سراج و مروة_

احمد:ميرا؟؟؟؟

ميرا:احمد؟؟؟

احمد:ماكنت بعرف انك تزوجتي

ميرا:مو بهالسرعة الي متخيلها

احمد:وضابط كمان....برافو

ميرا:انت ماخصك
احمد:متل مابدك...صبي ولا بنت؟

ميرا:بنت

احمد:ممتاز....تقومي بالسلامة

ميرا:تسلم

______________

#مروة

_الايام بلشت تمضى بهدوء و ملل....العلاج متعب و صعب....كل شي بهالحياة صار عكس ماكنت بحلم او حتى بتخيل...شهر ورا شهر...وماعم يتغير شي...علاجي متل عدمو ولاتحسنت شعرة...صار سراج يجيب ميرا و يجي كل كم يوم...طبعا ليزيد احساسي بالعجز....مع انها لطيفة معي و بتحكي عن سراج كتير...حتى احمد صار يتقصد يجي بوقت جية ميرا....وحسيت في اخد و عطا بيناتهن...طبعا...انا حاسة انو سراج عم يتقرب مني
بس اكيد هالشي ماحرك فيني ساكن...لانو متزوج
ولانو جاييه ولد....ولاني مشلولة....ولانو قلبي مو متحمب يخوض حرب مع حدا...لو اني بلحظات بشرد
بحلم احلام اليقظة....وبحس بشي حلو تجاهو....بس بنفض عن راسي هالافكار....وبقول هو من الاساس مو الي...و وجودو جنبي بس ليخفف عني....و ليرضي ضميرو مو اكتر....مرق 5 شهور....و ولدت ميرا و جابت البنت....وصارت تجيبها لعندي لشوفها....بس انا ماحبيت البنت ابدا....و لا لهف قلبي الها...يمكن غرت لانها بتملك شي انا مابملكو....حتى اشياء مو شي واحد....المهم اني ماحبيتها....كل شي كان عادي...حتى اجا اليوم الي سمعت فيه دكتوري عم يتناقش مع سراج_

سراج:يعني ماعم افهم....مو حضرتك قلت انو العملية اخر خيار!

الدكتور:هاد الحكي كان قبل العلاج....بس للاسف...مروة ماعم تستجيب...ومافي تحسن ولا واحد بالمية

سراج:شو يعني!

الدكتور:يعني صرلا 6 شهور عنا...وهالمدة كافية لتظهر تحسن لو بسيط...بس مروة ماظهرت هالشي ابدا...انا برأيي خدوها عالبيت...وبتكفيها جلسة علاج بالاسبوع
الوضع مستعصي

سراج:لا....انا مستعد سفرها لبرات البلد

الدكتور:لاتتكلفو عالفاضي....البنت مافي امل منها...الظاهر نصيبها تكمل حياتها مقعدة...انا اسف

سراج:و اذا بدي خليها هون

الدكتور:مارح تستفيد شي....انا ماعندي مشكلة بس رح تدفع ثمن علاج و رح يروح عالارض....ولاتنسى انها اخدة ممكان حدا ممكن يكون محتاجو اكتر منها....بتمنى تتمم اجراءات الخروج...بالاذن

سراج:ياااااا الله......ليش هيك عم يصير!!!.....كيف بدي خبرها...كيف بدي حط عيني بعيونها و قلها انتي ماعاد تمشي!!!

_بهالاثناء فتحت باب غرفتي و طلعت_

مروة:وديني عالبيت سراج

سراج:(بتصنع)هه...شو هالحكي ليش بدك تروحي عالبيت...والعلاج؟؟

مروة:انا سمعت كل شي....لاتتظاهر بالبراءة...وديني عالبيت...ولاتخبر اهلي بشي اذا سمحت

سراج:بس يامروة انا رح سفرك!......

مروة(صرخت)خلص!!!!!!!......حاج تقدملي وعود فاضية....وعود مالها معنى حاااااج بيكفي....انت بتعرف و انا بعرف اني ماااابقا امشي!!....خلص لاتعذبني و تعذب حالك انا رضيانة بنصيبي...وديني عبيتي...و انت حاج حامل عبئي....تفرغ لعيلتك بيكون احسن

سراج:مروة!!!

مروة:اذا بتريد...هي حياتي و هاد قراري و انت لازم تحترمو

سراج:انا اسف عنجد

مروة:ماشي اعتذارك مقبول وديني عالبيت اذا بتريد

_تنازل سراج لقراري و رحت عالبيت تاني يوم....طبعا ماعاد في شي متل قبل....كل تعامل اهلي اختلف معي
و صرت كل الوقت البنت العاجزة الي بحاجة اقل مساعدة....بكل شي....بالحمام باللبس بالنوم بكلللل شي...وانا استسلمت لاكتئابي....استسلمت لقدري المشؤوم...ماحدا بالبيت قدر يرجع يتعامل معي بشكل طبيعي مرة تانية....حتى ماعاد نادولي وردة!
لانو بنظرهن الوردة دبلت وماعاد تنفعها سقاية...بعد مدة
طلعت من غرفتي....و رحت باتجاه البرندة لاتفرج عالبحر و اشكيلو همي متل العادة....لانو صار صديقي الوحيد....بالصدفة...سمعت احمد عم يحكي تلفون و كان مزعوج و صوتو عالي_

احمد:عم قلك بدي اعمل التحليل!!!.....انتي ليش ماعم تفهمي....اذا مو برضاكي غصب عنك...ولاتنسي انو شعرة وحدة بتكفيني..........اقسم بالله ياقمر...قصدي ياميرا....اذا هالبنت بتكون بنتي لخليكي تندمي!!!
وتعضي العشرة كمان بس لانك نسبتيها لغيري عم تفهمي!
معك من هون لبكرا....بدي لاقيكي انتي و البنت ناطرينس لنروح نعمل التحليل....سلام!!!!

_عقلي ماستوعب الحكي!.....ميرا مرت سراج كانت على علاقة باحمد....والبنت....سالي....بنت اخي!
مومعقول ابدا....فتحت الباب و طلعت لعندو لافهم منو شوالقصة_

مروة:احمد!

احمد:نعم شوبدك!

مروة:سالي...بنت سراج....بتكون بنتك؟؟؟

احمد:انتي كنتي عم تتنصتي وليه!!!

مروة:بالغلط سمعت

احمد:سمعي وليه فصعونة....بتنسي انك سمعتي هالحكي عم تفهمي....وهالشي مابيخصك و لابتفهمي فيه....خليكي ملتهية بكرسيكي و بشللك و لاتحشري انفم بشي مابيخصك عم تفهمي!....وهلأ نقلعي لغرفتك يلا

_رحت لغرفتي و قعدت قبال الشباك....اكيد كلام اخي قاسي كتير بس ماقدر يخليني انسى الحكي الي سمعتو
البنت يمكن تكون بنت اخي....معناها في لعبة بالموضوع و لازم افهمها...بهالاثناء اجت امي لعندي و خبرتني انو سراج استأذن من اهلي كرمال يطالعني من البيت_

_بالسيارة_

مروة:ماكان في داعي تعذب حالك

الجزء الرابع

_صباح اليوم التالي_

#مروة

فجأة كل شي بعيوني قلب للسواد...ماعم شوف شي الا رجليي العاجزين والمشلولين....كان الموت اهون و اسهل من هالشي...ابي و اخي راحو يرتاحو و امي بقيت عندي
مين كان بيتخيل هالشي يصير!
كل الليل ماغمضتلي عين....عم عيد شريط الماضي بذاكرتي....عم حاول احصر اذا كنت عاملة شي ذنب كبير و بستاهل هيك عقاب
طلعت عالساعة....لقيتها 7 الصبح...بدي قوم...بدي اتحرك
بدي ارجع لشغلي...بدي عيش حياتي
دموع متل الجمر عم تنزل على خدودي....ومافي شي يصبرني ولاينسيني
بكيت من كل قلبي....حتى حسيت صدري داق ومابقا فيني اخد نفس....صحيت امي لتجيب ممرضة_

مروة:امييي...امييي.. لحقيني رح اختنق....امييي

_زادت حدة البكا بشكل مابقا قدرت اتحكم بحالي....وانفاسي داقت اكتر....امي جابت ممرضة و هالممرضة عطتني ابرة....خلال ثواني كنت مبلشة افقد الوعي و غط بنوم عميق!_

_______________

#سراج

كنت نايم لما رعبني صوت جوالي وهو عم يرن على صدري...تجلست و فركت عيوني لاعرف المتصل

سراج:الو...اهلين هادي

هادي:كيفك سراج

سراج:تمام منيح...خير في شي؟

هادي:قلت يمكن بيهمك تعرف....مروة اليوم الصبح صابها انهيار عصبي

سراج:نعم؟لشو...يعني شو السبب؟

هادي:بوضعها هالشي متوقع الصدمة كبيرة لاتنسى

سراج(تنهدت)شوفيني اعمل؟

هادي:بدي ياك تحاول جهدك تساعدها....هلأ رح ابعتلك مسج...فيه عنوان مركز اعادة تأهيل....خاص للناس اللي بحالة مروة....وطبعا...العلاج الفيزيائي اساسي بهالمركز..ببعتلك العنوان و بتتواصل معهن عن الحالة و بتخبرهن انو بدك تاخدها لعندن...اكيد هالشي رح يرفع معنوياتها كتير

سراج:طيب....ماشي الحال بعتلي هالعنوان لشوف شوبقدر اعمل

هادي:تمام....و بتخبرني شوبصير معك....يلا سلام

سراج:سلام

_حضنت راسي بين ايديي و حسيت بوجع فظيع
عيوني زغللو.....وحسيت بخدر باصابع ايدي...فورا قمت من مكاني و فتحت البراد الموجود بغرفتي....طالعت الابرة و حقنت حالي...وحاولت استرخي بينما ارجع لوضعي الطبيعي.....سمعت رنة جوالي بالمسج تبع هادي
جريت حالي و تناولت الجوال وفتحت المسج
نطرت شوي لتحسن وضعي وحسيت حالي صحصحت
قمت غسلت و طلعت عالتراس للاقي ميرا ناطرتني بالقهوة_

ميرا:صباحو

سراج:اااه....صباحك

ميرا:شكلك تعبان

سراج:شوي والله....هاتي صبيلي هالقهوة

ميرا:تكرم عينك......تفضل

سراج:يسلمن

_شربت من الفنجان و طالعت الجوال و طلبت رقم المركز اللي بعتلي ياه هادي و نطرت ليردو عليي_

سراج:الو مرحبا....مركز الامل لأعادة تاهيل مرضى الشلل النصفي؟؟

السكرتيرة:نعم تفضل بشو بقدر ساعدك

سراج:معك العقيد سراج المهندس من الامن

السكرتيرة:اهلا و سهلا

سراج:انا عندي حالة....بتخصني...مريضة صابها شلل برجليها على اثر حادث مؤلم و اجتني توصية بمركزكن من طبيب بالمشفى العسكري...حابب جيب هالبنت و تتعالج عندكن بالمركز

السكرتيرة:تمام.....حاليا بالنسبة للامكنة الفارغة ف في عندي 3 غرف فاضيين....ياريت تتفضل حضرتك و الطبيب المشرف عالحالة مع الاوراق الطبية كاملة و تشرفنا لنسجل المريضة بسجلاتنا و نحدد نوع العلاج اللي بتحتاجو

سراج:طيب....اليوم عال1 الضهر بكون عند المدير

السكرتيرة:تمام ثبتت الموعد باسم حضرتك...اهلا وسهلا

سراج:شكرا الك

_نهيت اتصالي و طلعت بميرا اللي عم تطلع فيني و مالها فهمانة شي_

ميرا:مين هي الحالة اللي بتخصك؟

سراج:بنت...ضربتها بالسيارة وقت كنت مسرع و الضربة اجت بعامودها الفقري و انشلت و انا تعهدت لأهلها اني عالجها لانو وضعهن على قدو

ميرا:بس بعرف العلاج لهيك حالات مكلف كتير

سراج:شوبدي اعمل....انا تعهدت الهن و وعدتها انها ترجع تمشي من جديد بالنهاية الذنب ذنبي

ميرا:اممممم.....اديش عمرها هالبنت؟

سراج:مابعرف بالعشرينات

ميرا:حلوة؟؟

سراج:شوبدك ان كانت حلوة ولابشعة....الحالة انسانية بحتة

ميرا:امممممم....انسانية بحتة قلتلي....بكل الاحوال الا ماروح و اتطمن عنها شي يوم

سراج:قولي يارب....انا ماشي طالعة انتي اليوم؟

ميرا:طالعة مع رفقاتي عالبحر

سراج:ماشي...انتبهي عحالك....سلام

________________

#مروة

_كلهن جنبي هالمرة....احمد...ياسين...امي....ابي...تطلعت فيهن و بوجوههن المهمومة و الحزينة....كل هالقد وضعي بيأسي!!!
اديش صعب هالاحساس...احساس الشفقة من كل اللي حواليك....احساس العجز.....انك تكون عاجز عن انك تقوم بابسط الامور الشخصية
اديش صعب انك تحس انو في حاجز كبير انبنى بينك و بين الكل....مافيك تحكي عن المك لان رح تزيد المهن
ولافيك تشارك وجعك
عليك تتحمل وتصبر....عليك تبلع الغصة ورا الغصة و تتعود عالوضع الجديد....وضع العجز!_

مروة:رح تضلو هيك عابسين كتير؟

ياسين:حبيبتي انتي صحيتي

مروة:اي صحيت ياسين افندي....مابدك تلاعبني دق شطرنج؟

ياسين:شطرنج؟؟؟!!!

مروة:اي....ولامفكرني نسيت كيف بتنلعب؟....يلا روح جيب الحجار و اللوحة...شتريلي ياهن جداد لانو بدي لاعب كل حدا بشوفو بهالقعدة الطويلة

الجزء التاسع

_الساعة 7 الصبح.....فتت عبيتي و انا مو شايف بعيوني
فضلت ماخبر اهل مروة هيه وين و خبرتهن اني مالقيتها و لسا عم فتش عنها...دخلت فورا على غرفتي ...و طالعت مسدسي و حشيتو رصاص
لبست واقي للرصاص و طالعت مفتاح الخزنة الي بالبنك و هميت لاطلع من البيت_

ميرا:اخي....لوين رايح من هلأ

سراج:عندي شغل

ميرا:بس مو مبكر شوي

سراج:خلص ميرا مالي فاضي

ميرا:مالتقت مروة؟؟

سراج:لا...مالقيتا

ميرا:احمد عم يتوعد لاختو

_وقفت و انا بطريقي للباب و فتلت لعند ميرا_

سراج:شو عم يتوعدلا؟

ميرا:اذا التقت رح يحبسها بالبيت و يمنعها تشوف حدا ابدا ليجي نصيبها....قال بدو يحطلا حد و يربيها

سراج:(تنهدت)هيك لكن.....قولي لجوزك يخرس و ينضب احسن ما انا ضبو بطريقتي.... اساسا ماحدا بحاجة ترباية غيرو...و اذا كان على نصيبها ليكو ادامك واقف.......فهمي لجوزك هالكلمتين....الي بيئذي مروة لو بكلمة كأنو عم يئذيني...لهيك يدير بالو عحالو....فهمتي
سلام!!!!!

_لعمى ما اغباه....قال بدو يربيها....هه...رحت عالبنك و سحبت رصيدي كلو و حتى رصيد ميرا و رصيد اهلي الله يرحمهن....المبلغ يادوب وصل للنص مليون بس معلش....ونطرت تلفون شهاب ليعطيني رقم الحساب الي بدي حول عليه المصاري_

____________

_بعد ما عذبني كل الليل حسيت قوايي انهارت خلص و بطل عندي ادنى قدرة عالمقاومة....مابعرف اديش الساعة و لابعرف شو رح يصير.... و اذا كان سراج رح يخاطر بحياتو و ينقذني او لا_

شهاب:شو شكلك تعبتي!....طولي بالك لسا الجاية احلا

مروة:(تلهث)

شهاب:بس طلعتي قطة برية ها....بتتحملي وجع...كل هالضرب و ما متتي لسا....الظاهر مابيفتك فيكي غير الرصاص

مروة:قوص و ريحني

شهاب:هههه....ولوووو.....رح قوصك ادام حبيب القلب...مارح ضيع هالفرحة من ايدي

مروة!!!!!!!

شهاب:اوعك تفكري انو رح ياخدك....هأ.....رح موتك ادامو مشان يعرف قيمتك....مو هو خطب غيرك...خليه يندم عالاقل...هههههههه....الساعة 7ونص....خلينا نتصل بالحب
________________

_ركبت سيارتي بعد ما جهزت كل اموري...و شغلتها و طلعت عالشارع العام لانطر مكالمة شهاب_
_رن الجوال_
شهاب:حبيبو للقلب

سراج:امورك جاهزة...المصاري معي و اذن السفر طالعتلك ياه

شهاب:شاطر....طيب....خلي المصاري معك و خلينا نلتقي لنصفي حسابنا

سراج:وين و ايمتا؟

شهاب:بعد ساعة.....بمصنع الالعاب المهجور عرفتو؟

سراج:عرفتو....ساعة زمان و بكون هنيك

شهاب:سراجو.....اوعك تخاوز او تعمل دق نقاصة ها....ترا حبيبة القلب تنهنهت باقيلا شعرة و بتموت
بقا خليك آدمي و حلوب معي صافي

سراج:ماشي....و انت شرحو....لاتخوض بالمي العكرة...بتعرف اني مقايس عن كل شي مو هيك....يلا..منلتقي

_سكرت مع شهاب وفكرت....شهاب هلأ بأضعف حالاتو و لازم استغل هالشي لصالحي....بس كيف!
لازم الطريقة تضمن انو مروة ماتنأذى...و وقتي ضيق
بدي اتحرك بسرعة و بشكل ما يلفت نظر حدا ابدا
حركت سيارتي باتجاه الفرع لزبط اموري عالتمام و روح لقابل شهاب_

750 صباحا"

سراج:بدي ياك تضل صاحي مافي مجال للغلط يالؤي

لؤي:امرك سيدي...ان شاء الله كل شي بيكون متل مابدك و احسن

سراج:طيب.....اسبقني و رح اطلع بعدك بعشر دقايق

لؤي:حاضر....احترامي

_طلع لؤي بعد مافهمتو عالخطة الي رح ننفذها....وقفت عالشباك و تكتفت...توتري كتير عالي...مافي غير مروة بذهني...كيف بدي انقذها و انهي شهاب بنفس الوقت!
مرقو العشر دقايق....حملت حالي و طلعت من المكتب و انا عم حط المسدس على خصري...ودمي من جوا عم يغلي_

________________

#مروة

_وصلت للانهاك....نفسي عم اخدو بصعوبة كبير .و كأن واحد من ضلوعي انكسر..حاسة وجهي تورم....و الدم عم ينزف بحرارة من انفي و تمي....مابعرف ليش لهلأ مافقدت وعيي...غمضت عيوني وحاولت هدي حالي و اتدارك الخوف الي جواتي....بهاللحظات اجا شهاب لعندي_

شهاب:شو ياقطة...قربت لحظة الصفر...خليكي جاهزة
ولاك رامي!!!....وين رفيقك؟

رامي:راح يقضي حاجة معلم

شهاب:يقضي حاجة!!!يلعنك و يلعنو

_بهاللحظة رن جوال شهاب برسالة....قرأها و ارتسمت ابتسامة ع وجهو...غير ابتسامتو الشريرة....بلع ريقو و استعاد رباطة جأشو و طلع بالشب ورايي_

شهاب:بتعملو متل ماقلتلكن...وعند اشارتي بتطالعوها لهالكلبة خلي حبيبها يشوفها بمنظر راااااائع.....ههههههه

رامي:امرك معلم

شهاب:صحصح.....انا طالع دخن سيكارة

_بعد خروج شهاب_

مروة(بصوت متعب)شو رح تعملو فيني!!!

رامي:خرسي وخليكي ع نصتك

مروة:حرام عليك....انت ماعندك اخوات...ماعندك حدا تخاف عليه!

رامي:لو عندي ماكنتي لقيتيني هون...لهيك خرسي....بعدين تمنك كتير غالي!

مروة:ببوس ايدك تساعدني....ليك اذا بتساعدني بخلي سراج يعفي عنك الله يخليك

رامي:سراج خاين

مروة:(تبكي)الله يخليك....انا ما اذيتك لتئذيني!والله بتواسطلك عند سراج

رامي:هههههه اي مو لتطلعي عايشة بالاول!المعلم مخبيلكن مفاجأة بتشل!...وينو هداك الغبي

السبت من كل أسبوع

موعدكم في الساعة10:00مساءً
في القناة التعليمية
#دروس_في_اللغة العربية

تقدمها الأستاذة / #مروة بالتعاون مع
أ/ #صفاء و
أ/ #المشاعر

يتم الإشتراك
عبر رابط القناة

http://T.me/yemen_na4

وسيتم طرح سؤال بعد كل درس يتم الإجابة عليه من قبل الأعضاء الكرام
ونستقبل إجابتكم عبر

@Al_mashaaer

ولمدة3أيام وسيتم الإعلان عن اجابة السؤال الصحيحة من قبل الأعضاء يوم الأربعاء من كل أسبوع...
في منتدى يقظة فكر للكتب

http://T.me/yaqizt_faker