#سندريلا_بقلم_هلاغرابلي

#الجزءالاول

نجيب(ابو قمر):بنتي حدا عم يدايقك من اخواتك شي ؟

قمر:لا بابا ،ما حدا عم يدايقني بس انا حابة روح اقعد فترة عند امي ،يعني هالصيفية بس

نجيب:كل الصيفية كتير ، قعدي شهر بس و ارجعي ،بضل زوج امك غريب عليكي

قمر:طيب ،رح فوت ضب تيابي

فتت على غرفتي و بلشت ضب بتيابي ،فاتت لعندي سارة و ميساء ،اخواتي من ابي

ميساء:شو رايحة لعند امك ؟

قمر:ايه

سارة:ايه الله معك ،رح نرتاح هالفترة كتير من شوفة خلقتك

قمر:انا رايحة كرمال ريحكن مني

ميساء:اذا بتروحي و ما بترجعي بكون احسن كمان

قمر:بتمنى بس بابا ما بيقبل و ما فينو بدوني ،بحس البيت فاضي

مديت لساني انا و عم جاكرن

سارة:مشي ميساء خليا تكمل ضب اغراضا

طلعو من عندي و انا كملت ضب تيابي ،سكرت الشنتا و حملتا و طلعت

قمر:خلصت

بابا :اسبقيني على السيارة ،هلأ بلحقك

نزلت من بيت ابي بدون ما ودع حدا ، وصلني ابي على محطة القطار و قطعلي تذكرة و طلعت

بابا :ما طولي حبيبتي ،شهر بس متل ما اتفقنا

قمر:ماشي رح اشتقلك كتير

بوستو و لفيتو و طلعت بالقطار انا و عم اشرلو بأيدي و مشي القطار ،بعد 3ساعات نزلت منو و شفت امي ناطرتني بالمحطة لتستقبلني ،سلمت عليا و بوستا و رجعنا على البيت

ام قمر:كيفك انت و ميساء و سارة ،بعدن عم يدايقوكي ؟

قمر:صارو اخف من قبل بعد ما فاتو على الجامعة،امي... ما خلاني ابي قضي كل الصيفية عندك ،رح ابقى عندك شهر بس

ام قمر:توقعت ،و انا كنت ناوية قلو بدي تبقي عندي على طول

قمر:مستحيل يقبل

ام قمر:ما في مشكلة شهر شهر

بعد 4ايام من اقامتي عند امي،فتت اتحمم و ،بعد ما خلصت ،لفيت المنشفة و فتحت الباب و طلع بوجهي زوج امي رجب ،رجال بعمر ال 35 سنة اصغر من امي ب 5سنين ،اول ما شفتو تلبكت و ركضت على غرفتي و قفلت الباب و لبست تيابي ،مشطت شعري و طلعت

قمر :صباح الخير عمو

رجب:صباح النور حبيبتي ،نعيما

قمر:الله ينعم عليك ،وين ماما؟

رجب:فقت ما لقيتا ،اعمليلي فنجان قهوة؟

قمر:تكرم

فتت على المطبخ و حطيت الركوة على الغاز ،شفت ايد انمدت من جنبي و ضربت بخاصرتي ،اارتعبت و رجعت خطوتين ،ضربت بجسم رجب

رجب:شبك ارتعبتي ،بدي القداحة من جنبك

قمر:اي ليكا تفضل

اخد القداحة ،شغل سيجارة و رجع وقف وراي و مد ايدو من جنبي ليرجع القداحة ، و انا بعدت خطوتين عنو ،صبيت القهوة بالفنجان و فتلت ضهري ،شفتو قاعد على الكرسي

رجب:ايييه يسلم ايديكي

ناولتو الفنجان و مسكلي ايدي هو و عم يطلع فيني ، سحبتا فورا و بلشت علامات التوتر تظهر على وجهي،طلعت من المطبخ و رحت على غرفتي،لحقني بعد شوي و فتح الباب بدون ما يدق ابدا

رجب:ليش ما عملتي فنجان الك ؟

قمر:انا ما بشرب قهوة

رجب:اي هاي اطيب قهوة بشربا بحياتي

قمر:صحة و هنا

رجب:بس ناقصا شوية سكر

قمر:اي تكرم هلأ بجبلك معلقة سكر

قمت لاطلع من الغرفة ،وقف بوجهي،روح شمال يجي شمال معي،روح يمين يمشي يمين معي هو و عم يبتسم

قمر:بدي روح على المطبخ

رجب:عم امزح معك ما ناقصا سكر ، انا بشربا سادة اصلا

قمر:طيب

رجعت لمحلي و هو بعدو واقف

قمر :بدك شي؟

رجب:لا ما بدي ،عم اتأملك بس

اجا قعد قبالي على التخت

رجب:صار عمرك 17سنة

قمر:ايه

رجب:حلو هالعمر كتير ،بتبلش البنت تتفتح فيه متل الوردة و بتصير صبية و بتكتمل كل معالم انوثتا و بتصير تحب و تنحب ،في حدا بحياتك ؟

قمر:لا

رجب:طيب ما بتحسي انو لازم يكون في حدا بحياتك يحبك و يهتم فيكي و يحسسك بأنوثتك

حط ايدو على رجلي

رجب:فيكي تعتبريني هالحدا و تخبريني بكل اسرارك

صار يلمس بأيدو على رجلي ،بعدين حط ايدو على وجهي

رجب: اعتبريني رفيقك

اجا قعد جنبي و لفني

رجب:اي شي بدك اياه ،اطلبيه مني ،و ما تخجلي او تترددي ابدا

قمت ايدو عني ،رجع يلمس على شعراتي ،بعدين على ضهري ،كان بدو يغط على قلبي ،لو ما سمعت صوت الجرس عم يرن ،قمت فورا

قمر :اجت امي

رحت لافتح الباب و هو قام وراي و طلع على البرندا،فتحت الباب

ام قمر:يييي ماما فيقتك ،ما بعرف وين راح مفتاحي ،بعلمي كان بالجزدان

قمر:فايقة من زمان

ام قمر:وينو رجب؟

قمر:هون ...جوا ...طلع على البرندا يمكن ،وين كنت ؟

ام قمر : كنت بالوظيفة

قمر:ايمت توظفتي؟

ام قمر:من فترة

قمر:ايوا

ام قمر:بس كنت اخدة اجازة هالاكام يوم كرمال اقضين معك

قمر:بس امي ليش ما قلتيلي انو عندك وظيفة ؟

ام قمر:من ال 7ل 12 ،دوام ما طويل كتير

#سندريلا_بقلم_هلاغرابلي

#الجزء السادس:

نزلنا من الشاحنة نحن و عم نعطس

قمر:يكتر خيركن

امير:ماااااااع ،قصدي يعطيك العافية اخي ،امشي

مشينا على الطريق العام ،رن موبايلو

قمر:مين عم يتصل فيك؟

امير:هاي ميساء ،الو ...ايه...نحن عالطريق ...وين انتو ...ايه انتظروا ،هلأ شوي تانية منصير عنكن ..سلام

قمر:بدنا ساعة لسا لنوصل

امير:سمعيني شوي ،الو وفيق وينك انت ....تعال خدني انا وصاحبتي

ضربتو على كتفو و زورتو

قمر:انا ما صاحبتك

امير: انقطعنا بنص الطريق و سيارتي مدري شو صرلا ما بقا عم تشتغل ،انا وين ...انا على طريق القصر ..ما طول ...سلام

قمر: هلأ بدنا ننطر رفيقك لسا ليجي و يطلعنا ،كنا لاقينا سيارة من هون و وصلتنا على البلد

امير: هيدا ابن عمتي

قمر:ابن عمتك!

امير :هيدا الوحيد يلي ما قاطعني و بعدين سيارة شو عم تحكي عليا ؟بقر الا جاج هالمرة بدك طلعينا على البلد

قمر:طيب بس لو ما اطلعنا بشاحنة الغنم ،كنا بعدنا واقفين بمحلنا متل المجانين عم نأشر للسيارات

امير: اسكتي بقا و حاج تحكي ولو ،من اول الطريق لهلأ ما سكتي

قمر:بحكي يلي بدي اياه و اذا انت ما حابب تسمع حط ايديك على ادنيك

امير:لا بحطن على تمك

حط ايديه على تمي ،صرت بعدن بأيدي و هو ضاغطن على تمي

امير(مبتسم) :احكي لشوف عم اسمعك

قمر:....ممممممممممم

امير:اي شو كمان؟

قمر:مممممممممم

امير:شطورة ،هلأ رح ارفعن و ما بقا تحكي و تعيدي بأنجازاتك ،انت طلعتينا من الحمام و انت يلي وصلتينا لهون ،صرت حافظن منيح ،وجعتي راسي فين

قمر:طيب رح اسكت ، بس مشان تشوف انو المرة هي دائما يلي بتحل ...

امير:يااااللله ،فالج ما تعالج ،طيب بتعرفي شو ،انا رح تابع طريقي لحالي و انت تابعي لحالك و ارجعي لعند ميساءلحالك اوك

قمر:اي اوك ، انا ما بحاجة حدا ، من انا و صغيرة معتمدة على حالي و حاملة مسؤولية حالي

امير:طيب منيح يلا سلام

قمر:سلام

تركتو و مشيت ،و هو بقي واقف بمحلو ناطر سيارة ابن عمتو ،عتمت الدنيا و صار الطقس ابرد من قبل و تيابي مي ،انا و ماشية لحالي و خايفة و عم اتلفت يمين و شمال و انطر شي تكسي تمر لاطلع فيا ،انا و ماشية طلع كلب اسود بوجهي ،بلش يعوي علي و انا شفتو و رجعت ركض بأتجاه امير ،شافني امير من بعيد و صار يضحك و انا ناديلو

قمر:الحقني ..... كلللللب ..وراي .

وصلت لعندو و تخبيت ورا ضهرو انا و عم الهت

امير: ههههههههه شايفك رجعتي ؟

قمر:كلب عم يلحقني كلب

امير:ما في شي ،وين الكلب ؟

قمر:كان وراي ،طلع بوجهي و صار يعوي علي

امير:يلا بكون راح ،ما تخافي ،انت قدا و قدود ،تابعي طريقك

حسيت حالي انحرجت بين اني اتنازل و ابقى مع امير و بين اني تابع طريقي لحالي انا و خايفة

قمر:يعني انا فكرت منيح و قلت بنطر ابن عمتك معك ،كرمال ما اتركك لحالك

فتلي ضهري و حط ايدو على ضهري و دفشني دفشة ناعمة

امير: اذا كرمالي معلش ببقى لحالي انا ما عندي مشكلة ،انت تابعي طريقك

قمر:...ايه ....بتابع ...عادي يعني it s ok

امير:الله معك

قمر:سلام

كنت اكبر من انو اتنازل لامير و قلو انو انا خايفة تابع الطريق لحالي و حابة ابقى معك ،رفعت راسي و ضليت ماشية بدون ما التفت وراي ،بعد ربع ساعة،سمعت صوت زمور سيارة

امير:اطلعي

كان امير قاعد جنب ابن عمتو بالسيارة

قمر:ما بدي،برجع لحالي

درت وجهي و تابعت مشي و سيارة وفيق ماشية على صفي

امير:يا زلمة ما شفت اعند من هيك بنت بحياتي

وفيق: كأنو كل البنات قارين عند نفس الشيخ

امير:اطلعي بقا

قمر:قلتلك ما بدي،خلص انت تابع طريقك انت و رفيقك و ما تاكل همي ،انا بدبر حالي

امير:يا رب ،قمر اطلعي احسن ما انزل احملك و طلعك انا

قمر:طيب ماشي

فتحت باب السيارة و طلعت و خبطت الباب

وفيق:يا ويلي شو هالريحة يلي هفت علينا ولو ،كأنو ريحة بقرة ميتة

انا احمر وجهي و اطلعت بامير ،كان مخنق صوتو من الضحك

قمر:هاي الريحة كانت موجودة قبل ما انا اطلع

امير:ههههه وفيق ما قصدو عليكي

وفيق:بعتذر وين كاينين ؟بالمزبلة ولا بشي حظيرة ؟

قمر:هلأ اديش بدنا لنوصل عالبلد ؟

امير:ما كتير ،وفيق نزلنا على باب الجامعة الله يخليك

وفيق:تكرم

صار يقلب امير بالاغاني و يطلع فيني بالمراية،ابتسمتلو ابتسامة مصطنعة ،فتل وجهو لعندي

امير:بتعرفي انو لولاي كنت بعدك ماشية على الطريق و ناطرة سيارة خخخخخخخخ

قمر:ما اهضمك ،لولاك انا ما كنت هلأ هون ،كنت عم اشرب كاسة شاي و قاعدة بغرفتي عم ادرس

وصلنا على باب الجامعة ،نزلت انا و امير من السيارة،شفت ميساء و سارة واقفين عند موقف الباص و ناطرينا

سارة:و اخيرا وصلت

ميساء:طولتو كتير

امير:بعتذر بس تعطلت السيارة على الطريق و نطرنا وفيق لاجا اخدنا

سارة:ايوا

امير:يلا سلام بشوفكن بعدين

رجع امير لعند رفيقو و نحن وقفنا تكسي و طلعنا

قمر:حسابك ميساء لنرجع عالبيت

ميساء:انا الا انت ،وين كنت انت و اياه ؟

قمر:هلأ بطلتي ت

#سندريلا_بقلم_هلاغرابلي
#النهاية

مر اسبوع كامل و ما شفت وجهو لامير ابدا و لا حتى سمعت صوتو ،قدمت اامتحانات الجامعة و خلصت و كنت عم انطر كل يوم اتصالو او شوفتو ،بس ما كان في اي صوت من جهتو ،لهيك غيرت رقمي باخر يوم بالامتحان و انا و راجعة على البيت ،تلقيت خبر وفاة ابي بجلطة قلبية ،كان خبر وفاتو مفاجئ و مميت الي ،فتت بحالة نفسية سيئة و اكتئاب ،اجت امي بعد وفاتو ب 3ايام و كان اثار الحزن واضحة على وجها،فااتت لعنا على البيت بعد حرب صامتة بينا و بين نوال ،بعدين فاتت لعندي على غرفتي

ام قمر:ضبي اغراضك بدك تروحي معي

قمر:ما بدي ،رح ابقى هون

ام قمر:وين هون؟!!،عند مرة ابوكي و بناتا ،ابوكي هو و عايش ما حبوكي ،شو بدن يعملو فيكي هلأ

قمر:ايه وين بدي روح اقعد معك و مع زوجك؟

ام قمر:انا و رجب اطلقنا

قمر:و جامعتي؟

ام قمر:بتنقليا لعندي

قمر:بس هالبيت انا الي حصة فيه

ام قمر:اي لينباع هالبيت ،بتاخدي حصتك

قمر:بس انا هون تعودت و صار عندي رفقات

ام قمر:قمر ،انا رح اطلع انطرك برا بتكوني خلصتي ضبي شنتايتك و بس تخلص الصيفية بترجعي تنقلي جامعتك لعنا

قمر:طيب

ضبيت شنتايتي و ودعت اخواتي ميساء و سارة يلي كان واضح على وجهن ارتياح من فكرة روحتي يلي بلا رجعة ،سافرت مع امي و قعدت عندا ،كانت امي تنزل على وظيفتا و انا قضي معظم وقتي عند جارتا فتحية يلي عرفتني عليها اول ما وصلت ،كنت اتذكر امير على طول و بكل مرة احقد عليه اكتر و اكرهو لانو كانت نيتو اتجاهي تقضية وقت بس ،بعد اقامتي عند امي بشهرين،انرن جرس البيت الصبح ،كانت امي بالوظيفة ،رحت فتحت الباب و طلع بوجهي رجب

رجب:كيفك يا حلوة

قمر:امي ما هون

جيت لسكر الباب بوجهو ،حط رجلو بين الباب و الحيط و دفشو و فات

قمر:قلتلك امي ما هون

سكر الباب و رجع التفت علي

رجب:بعر انو امك ما هون

قمر:ليش جاي لكن ؟

رجب:اشتقت شوف هالوجه الحلو

قرب علي اكتر و انا رجعت لورا ،ركضت على غرفتي ،ركض وراي ،مسكني ايدي

رجب:تعي لهون ،انا نفسي فيكي من زمان

قمر(تبكي):اتركني يا حيوان

بزقت عليه و فلتت منو و ركضت على المطبخ ،فتحت الدرج و حملت سكينة،كان واقف وراي ب لمح البصر و مسكني من خصري انا و عم صرخ ،و قام السكينة من ايدي و زتا على الارض ،سمعنا صوت باب البيت عم يتخبط و صوت جارة امي فتحية

فتحية :قمر ..افتحي الباب

حط رجب ايدو على تمي حتى ما يطلع صوتي انا و عم صرخ

فتحية:رجب بعرف انك جوا ،افتح الباب احسن ما اتصل بالشرطة

رجب:الله يلعنا....

تركني و هرب على البرندا

رجب:بس راجعلك

رحت ركض على الباب و فتحتو لفتحية،لفيتاانا و عم ابكي ،بطلعة امي على الدرج ،ركضت علي هي و مخطوف لونا

ام قمر:الله يلعنو شو عمل معك

قمر:ما لحق يعمل شي،اجت فتحية

لفتني و فتنا لجوا

ام قمر:يكتر خيرك فتحية ،معروفك ما رح انسالك اياه

فتحية:بسيطة ،بس شفتو طالع على البيت و هو بيعرف انك بالوظيفة ،نقزني قلبي و حسيتو طالع يعمل شي

ام قمر:وسخ انا من زمان كنت لازم اخلعو ،قمر عملك شي؟

قمر:لا

فتحية:ما بدك اياه ابدا بس عندي احساس رح يضل يدايقك

ام قمر:الو فترة عم يجي على محل شغلي و انا عم قلعو

فتحية:برأيي تنقلي من هالبيت لبيت ما يعرف عنوانو ابدا

ام قمر:فكرت بالموضوع و عرضت البيت على البيع و رح نطلع من كل هالمحافظة و نشتري بيت بغير محافظة و منو قمر بتكمل جامعتا و ما تتعذب بأوراق النقل

قمر:يعني بدنا نرجع و نستقر هنيك

ام قمر:ايه ،اول ما ينباع البيت

بعد اسبوعين باعت البيت امي و ضبينا اغراضنا و سلمنا البيت للمشتري و رجعنا ،قعدنا بفندق اول اسبوع لحتى اشترينا بيت جديد و نقلنا عليه انا و امي ،و بلشت امي ادور على شغل جديد ،انا بهالفترة حاولت اتواصل مع سارة و ميساء على الموبايل حتى اخد رقم فاتن يلي اختفى من موبايلي بس ما كانو يردو علي ابدا ، بعد شهر امي لقت شغل بمحل تياب و انا التهيت بالستجيل للسنة الجديدة بالجامعة ،و التقيت برفيقتي فاتن عم تسجل كمان ، بعد ما خلصنا رحنا قعدنا بالكافتريا

فاتن:وين سافرتي بدون ما تودعيني و لا حتى رجعتي اتصلتي فيني ؟

قمر:ما كان في وقت ،صارت الشغلة فجأة و رقمك اختفى من عندي و حاولت جيبو من اخواتي بس ما ردو علي ،انت شو اخبارك ؟

فاتن:تمام

قمر:عم تشوفي اخواتي؟

فاتن: رحت عندن كذا مرة لأسالن عنك بس قالولي سافرتي لعند امك و ما بقا رح ترجعي لهون

قمر:و امير ؟عم تشوفيه؟

فاتن:لا ،سمعت انو خطب

قمر:امير خطب!مين خطب؟

فاتن:قرايبتو ،بنت عمو او بنت عمتو هيك شي يعني

قمر:اممم و باسل عم تشوفيه ؟

فاتن:طبعا هلأ شوي تانية و بيجي ،صرنا صحبة كتير

قمر:منيح

فاتن:ليكو عم