الجزء الرابع والاخير #بقلم_رند_محمد #في_داخلي_أنثى_وهمية
Telegram:@rwayate
مرت فترة خطبتي و كنت مبسوطة كتير مع شادي ، الحدا الحنون يلي الله بعتلي ياه هدية من السما لينسيني كل عذابي ووجعي ..
كل يوم يحاكيني ويسايرني .. بينلي اديش بحبني من خلال افعلو ، بعمرو مازعلني ولا خانقني ..
اليوم فئت من بكير و انا تعبانة مكربة ودايخة وراسي رح يفجر لهيك اضطريت ضل بفرشتي .. وما اتحرك ..
بعد شوي انصل فيني شادي ..
شادي : كيفا رمرومة قلبي
راما : الحمدلله ، كيفك انت
شادي : تمام ، شبو صوتك ، هناء مزعلتك
راما : هههه لا لا ، انا مرضانة من الصبح
شادي : يييي راما شبك شوفي
راما ؛ لاتخاف لاتخاف ، شوية كريب ودوخة
شادي : يلله دقيقتين وبكون عندك ..
فعلاً بعد شوي اجا شادي لعندي وجبلي معو شوكولا ..
شادي : سلامة قلبك ياروحي
راما : الله يسلمك
Telegram:@rwayate
شادي : رمروم بس تتحسني بدنا نحدد موعد العرس يلله صحصحي
راما : هههه اي يلله هه صحصحت
شادي : هههه اي يلله يلله ، ليكي رايح عندي شغل انا ، المسا ازا فضيت بجي لعندك
راما : اي ماشي .. الله معك
-------
رحت ع شغلي بس ماكنت ادران اشتغل ، كل تفكيري و قلبي عند راما ..
ماني مصدق ايمتا يصير العرس .. لحتى تكون حبيبتي ملكي ادام الكل ..
الدرجة يلي بحب فيها راما ، ماممكن حدا يتصورا ..
مراد : لك ماني مسدئ ايمتا يصير عرسك ياشادي وترييحني .. لسا منكون عم نشتغل وفجأة بتصفن
شادي : هههه يالله منك ، خلص رايح عالبيت انا
مراد : اي الله معك ، اصلاً خالصين شغل
رجعت عالبيت و كنت عم اتغدا ، اجا ابن اخي الصغير و بأيدو موبايلي ..
خود عمو عم يدقولك ..
Telegram:@rwayate
شادي : ييي هناء شو داققتلي ، يالله شوفي ..
رجعت اتصلت بهناء مرت ابوها لراما .. ردت عليي : اهلين
شادي : شوفي ليش داققتلي كتير ، راما فيا شي
هناء : لا لا ، بس راسا وجعا كتير ومعدتا لهيك جبناها ع المشفى عطوها ابرة وسيروم لان ما اكلت شي بس مافيا شي ..
شادي : يلله يلله جاي لعندكن دقيقة ..
ام شادي : شبك
Telegram:@rwayate
شادي : راما مرضانة و اخدوها ع المشفى ، انا رايح
ام شادي : خدني معك تعا
شادي : بعدين
وصلت ع المشفى و انا ماسك قلبي بإيديي ..
شادي : شوفي
هناء : مافي شي بخوف
العم : مافي شي شادي بس كريب وشي طبيعي
الدكتور : اتطمنو مافي شي الحمدلله ع سلامتا بس في شوية تحاليل لازم نعملا و نتأكد .. ورح متركا عنا بالمشفى يومين وبعدين بتطمنو ع سلامتا ..
بقيت راما يومين بالمشفى وطلعت نتليج التحليل كانت سليمة ومافيا شي ..
رجعنا ع البيت و راما كانت متحسنة ومافيها شي ، اعدنا نخطط للعرس و حددنا الموعد ..
كنا فرحانين كتير وعم نحضر للعرس ..
مر يومين عهالقصة وراما بلشت بالتحضيرات والتجهيزات .. و انا كنت مشغول بفرش البيت ..
اتصل الدكتور نفسو تبع المشفى فيني وطلب مني روح لعندو ..
Telegram:@rwayate
هلأ انا استغربت ليش لازم روح ، بس مع هيك قلت اكيد في شوية نصايح بدو يقلي عليهن ..
رحت لعندو بس فاجئني بإنو نتائج التحاليل طلعت مخربطة واالتحليل يلي عطوه لراما كان لشخص تاني..
الدكتور : التحليل لصبية تانية ، نحنا اسفين ع الخطأ
شادي : هلأ مابدي تعتزر بس قلي تحليل راما فيهن شي يعنيي
الدكتور : بصراحة ومابدي خبي عليك ، في ورم ع الدماغ
شادي : شووووو انت مابتفهم ، اول شي بتقول سليمة وهلأ جاي تكزب .. مستحيل صدقت والله لجبلك الشرطة
الدكتور : هدي يا ابني هاد خطأ بصير بكل المشافي مو بس عنا .. و بتحب تتأكد منعيد التحليل
تركت الدكتور وطلعت من المشفى و انا عم ابكي و ضعف الدنيا كلا فوقي ، حاسس بوجع جوات قلبي ..
كيف بدي عيش لك شو بدي اعمل ..
Telegram:@rwayate
قررت استعجل بالعرس لضل عايش جنبا لراما ودير بالي عليها ،، لعيش كل لحظة معها ..
خبرت عمي و مرتو وصارو يبكو كتير .. راما لهلأ ماكان عندا خبر بيلي صار ..
بس صارت تدوخ و معد ادرت تتحرك وصارت تضعف .. لهيك صار وقت تعرف بمرضا ..
راما : كان قلبي حاسسني ..
راما صارت تبكي ..
شادي : لاتبكي ، نشالله رح تطيبي ورح نتزوج ونجيب ولاد ..
راما : مارح طيب ، مافيني طيب ..
بكيت وحرقت قلبي بدموعا يلي كانت عم تنزل ع ايديي ..
وجعت روحي من جواتا ..
بيوم من الايام فقت ع صوت موبايلي ..
او فقت ع صوت الخبر يلي قلي راما ماتت ..
« ماتت » و موتت قلبي معها ، موتت الامل يلي زرعتو فيني .. كنت عايش مشان ضل معا .. بس ماتت وياريت روح معا ..
-------
Telegram:@rwayate
ام شادي : هاد اخر شي كنت عم اسمعو من ابني « راحت وياريت اخدتني معا » ...
شادي اتعذب كتير ، ياما اصحا ع صوتو بالليل وهو عم يبكي متل ولاد الصفار ..
بيوم من الايام فتت لعندو ع الغرفة وبدون ماينتبهلي ..
شفتو ..
كان حاطت المخدة وحاطت عليها طرحة عروس عم يحكي معها ويبكي : شو تمنيت شوفك بالابيض ادامي ..
تمنيت لو لحظة وحدة بس وقف جنبك وانت بالابيض ..
بس كان نصيبي اني شوفك بالابيض و انتي مكفنة والقبر لامم ترابك ..

الجزء الاول .. #بقلم_رند_محمد #في_داخلي_أنثى_وهمية
Telegram:@rwayate
لك خنقتوني لسا شغل شغل كأني حيوان .. تعبت ماعد فيني .. ماحدا حاسس فيني ..
شو بس انا ابنك ، روحي قولي ل عبدو ..
انهد حيلي و انا بعز شبابي ..
الام : برضايي عليك لاتعصب ، اخوك عبدو عندو مرتو وابنو الله يعينو ..
شادي : اي هو عندو شخصين معك حق حرام ، اما انا يلي عم اصرف ع 5 مو حرام ما ..
الام : لك شو اعمل ، اطلع اشتغل انا يعني و اخواتك مين بدو يدير بالو عليهن ..
شادي : له يا امي ، ماعاش يلي بدو يهينك ..
خلص ماعليكي من شي ..
طلع شادي من البيت وكان ضايج ومهموم وكٱن هموم الدنيا كلا ع كتافو ..
ابوه توفى قبل سنتين بحادث سيارة ..
و اخواتي تلاتة كلن صغار .. و عبدو اكبر واحد متزوج وعايش ببيت لحالو ..
صبحي ( صف سابع ) .. ماجد ( صف رابع )
.. زهرة ( 4 سنين ) ..
كل يوم الصبح بكير بيطلع ع شغلو ، مابيرجع لأخر الليل .. يادوب ياكل وينام ..
شادي شب آدمي كتير وشغيل .. كل حياتو الشغل .. ماعندو لا طلعات ولا فوتات ولا قصص هيك او هيك ..
............................
Telegram:@rwayate
قومي تحركي راما يلله عنا شغل ..
راما : لكك اي ايمة شبك بتضلي تعيطي
--: يلله تعي بدنا نعزل ..
كل يوم الصبح بفتح عيوني ع صوت ووجه هالغولة مرت ابي .. بتضل تعيط وتخانقني ..
انا تعودت عليها صرلا عنا 6 سنين ..
بس اليوم مافيني اتحملا ، كتير تعبانة وموجوعة وهي بدا ياني عزل ..
-- : لكك راما تعي
Telegram:@rwayate
راما : لوين بدي اجي ، مو شايفتيني تعبانة وعم ، ليش مابتحسي بغيرك
-- : الله ياخدك لعندو ويريحني منك ..
راما : اي امين ، عدي شتغلي لحالك انا رايحة ع الصيدلية اخد ابرة مشان اجي ساعدك انضرب ..
نزلت ع الصيدلية و انا معصبة كتير من هالعيشة وهالوضع ..
معقوول !! .. معقول في شب بيبكي ..!!/؟
قربت شوي شوي ، كان في شب باين عليه تعبان .. عم يبكي ومدايق كتير ..
راما : خير .. ممكن اعرف ليش عم تبكي
شادي : مين حضرتك ؟
راما : انا كنت مارة بالصدفة وشفتك تعبان ، حبيت اسئلك شبك بركي قدرت ساعدك .. مو معقول شب متلك يبكي ومايكون في شي
شادي : هه مافي شي .. شوية مشاكل عائلية
راما : طيب بعتذر ..
( شادي قال بينه وبين حالو ) - هالبنت كانت ناعمة ومتل النسمة تغلغلت بروحي ، تركتني وفتلت ضهرا .. شعراتا الشقر صارو يطيرو بالهوى و كأنن خلقوا ليلعبو بالفضاء ..
( راما ) - رجعت عالبيت و انا عندي فضول اعرف مين هالشب وليش كان عم يبكي ..
ياترى اهلو ماتو ؟ ياترى امو تركتو وماتت وهو وصغير متلي ؟ .. معقول ضربتو مرت ابوه ؟ ..
يمكن تفكيري كان طفولي شوي ..
Telegram:@rwayate
------
ام عبدو : شادي يرضا عليك جبلي عدة المقالي .. مشان اطبخ
شادي : طيب بدك شي كمان
ام عبدو : لا بس هدول ..
- نزلت و انا مشلوش بالغراض وشوبدي جيب عم اتزكر مشان ما انسا ..
شفتا /- بالصدفة شفت هديك البنت ، كانت ع برندة بيتا عم تنشر غسيل .. اول مالمحتني .. ابتسمتلي ابتسامة ناعمة
-------

الجزء التاني
Telegram:@rwayate
#في_داخلي_أنثى_وهمية
( بالصدفة شفت هديك البنت ، كانت ع برندة بيتا عم تنشر غسيل .. اول مالمحتني .. ابتسمتلي ابتسامة ناعمة ) ..
رجعت ع البيت و انا عم فكر فيا مو قدران نام الليل ، يمكن هاد يلي بقولو عنو حب من اول نظرة .. مابعرف شو هالشعور بس يمكن قلبي شدني لعند هالانسانة الناعمة ..
------------
راما : خالتي ..
هناء : شووو
راما : الله يخليكي خلينا نروح نتمشا ، دايق خلقي ..
هناء : اي ، بدك تروحي ، مبارح رحتي ع الصيدلية .. مافي داعي تروحي اليوم ..
راما : هلأ ع الصيدلية صار مشوار .؟..
هناء : خلص خرسي ، لأنك عزلتي البيت مبارح رح اخدك ع الحديقة ومناخد بزر ..
راما : ياسلاااااام رايحة البس ..
Telegram:@rwayate
[ هناء مرت ابي قوية كتير ومعزبتني كتير ، بس اوقات بحسا حنونة .. و اوقات بتنقلب لشيطان اخرس بتدايقني وبتقهرني .. وبالنهاية اد ماكانت حنونة مارح تاخد مكان امي ] ..
نزلنا ع الحديقة ، اخي الصغير نقاق زيادة .. بدو يشتري ، اخدتو ورحت اشتريلو فجأة شفت هداك الشب / يالله شو هالصدف هي ..
كان عم يحكي ع موبايلو وعم يضحك .. ( اتطلعت فيه نظرة متل نظرة صطيف الاعمى بباب الحارة ، هههههه وصرت قلدو كيف عم يحكي )
فجأة مابلاقي الا واحد واقف ورا ضهري وعم يضحك .. هون انا كتير خجلت و انخزيت ..
- شادي : هاد انتي ؟؟/ ..
- راما : ههه اه اي ممم بعتذر
- شادي : ولايهمك ..
- راما : ممم اي
- شادي : انا شادي .. عمري 23
- راما : تشرفت فيك و انا راما عمري 18
هناء : يبعتلا حما راما وينا
راما : اه روح روح مشان الله ، هي مرت ابي هلأ اذا شافتني بتألف قصص وبتخبر ابي
شادي : طيب ..
هناء : ولك ساعة بدي ضل دوور عليكي ، تعي يلله ابوكي اتصل فيني
رحت عل بيت و انا عم اتصفن بالحيطان ، لك ياويلي ضحكتو ونظرتو ... ولك شووو ...
ضليت ع هالحالة يومين ، لا اكل ولا شرب بس صافنة ومتمنية ارجع شوفو ، + شادي + ..
----------------
Telegram:@rwayate
ام عبدو : شادي ، تعا تغدا
شادي : اجيت ياقلبي
ام عبدو : هههه دخيل قلبك
اعدنا ع الغدا وكنت عم اتخيلا ادامي ، شو صار بقلبي .. شو صار جواتي ، فيني شي غريب ..
معقول عشقان ،!؟؟ لا لا ماحلي اعشق لسا ..
شادي : عطيني مي راما ..
الكل صارو يضحكو وصفنو بشادي ..
ام شادي : لما قلتلك عشقان ماصدقتني
منال ( مرت اخو لشادي ) : والله عشقان ..
شادي : ههههه لا هههه شوو ..
راح ع الغرفة وهو خجلان بس قلبو عم يضحك ..
خلص لازم يعرف راما ويعترفلا بالشي يلي عم بصير معو ، يمكن مو اسمو حب بس بنفس الوقت مابيعرف شو عم يصير معو ..
Telegram:@rwayate
----------
هاد اليوم انا متفائلة.كتير وحاسة في شي حلو بدو يصير معي ، لح اشرب قهوتي ع البرندا و استقبل شروق الشمس بابتسامة وفرحة ..
- اعدت ع البرندا كنت عم اتطلع ع الطريق والناس .. عم استنا « شادي »
بالفعل بعد شوي شفت شادي ، لك اي والله شادي ..
كتير فرحت ، حسيت انو هلأ في شي مقصود ،، في مفاجأة حلوة ..
قرب شادي لعند برندتي ، و سألني عن رقم موبايلي ..
انا ماقدرت رد عليه ، لان اهلي بدن يسمعوني ويفيقو ... كتبت رقمي ع ورقة وعلقتو بملقط غسيل وزتيتو ..
بعد شوي رن موبايلي ..
Telegram:@rwayate
صوتو سحر ..
شادي : الو
راما : الو
شادي : حبيت اتطمن عليكي نشالله مانتبهتلك مرت ابوكي وقت كنتي واقفة معي هداك اليوم
راما : لا الحمدلله ..
شادي : اي .. رح سكر وبحاكيكي بعدين
راما : اي الله معك ..
((( شادي ))) لك يالله متمني ضل عم حاكيا سنة ..
((( راما ))) دخيل الله متمنية يضل عم يحاكيني سنة ..
كل يوم صرنا نحكي انا وشادي ، استنا ليجي الليل وفوت ع غرفتي وتخلص طلبات هناء لحاكيه ..
حكالي عن عيلتو وعن حياتو .. حكالي كل عذابو ..
هو كان يتيم الاب و انا يتيمة الام يعني منكمل بعض ..
عزمني ع القهوة مشان يتعرف عليي اكتر .. و انا رفضت بس رك عليي كتير ، و انا قلبي كان عم يشدني و نسيت فكر ونسيت عقلي ..
Telegram:@rwayate
رحت معو تاني يوم ،، طبعاً كل هاد وضليت ساعة اقنع هناء ترضا عأساس رايحة مع رفيقتي .. نبسطت كتير معو ، بس ماكملت فرحتي ..
شافتني هناء ، كيف ! شلون ! مابعرف !!!..
وصارت تهددني ع الطالعة والنازلة ومسكتها عليي حجة ، صرت اشتغل بالبيت و هي اعدة وما استرجي حاكيها كلمة .. حبستني بالبيت ماعد خلتني اطلع ، ومع كل هاد كانت مصدقة كذبتي ، قلتلا هاد اخوها لرفيقتي لما شافني سلم عليي ..
------
هناء : تعي وليه ، ساوي البيت ...
راما : مشان الله خلص تعبت والله تعبت
هناء : ليكي لاتخليني عصب ، لان بتعرفي شوبعمل
راما : لك ليش هيك عم تعملي فيي والله حرام ، قلتلك انو هاد اخو رفيقتي لما شافني سلم عليي و سالتو عن اختو شو اخبارا
هناء : ولو كان ، بس ابوكي مخو صعب يعني ازا بيعرف يمكن يدبحك ..
راما : مو ضروري تقوليلو
هناء : يلله اشتغلي بلا لعي فاضي ..
Telegram:@rwayate
-----------

الجزء التالت #بقلم_رند_محمد
Telegram:@rwayate
#في_داخلي_أنثى_وهمية
حسيت بضربة قوية على راسي ومن بعدا ماعد حسيت الا ع صوت عياط و حاسة بكل احشائي عم تنحبط ...
بذكر انو صوت هناء كان عم يعلا وعم تقول لاااا لك خلص خلصصص مشان الله تركا ..
بعد هالحكي هاد كنت بغيبوبة وحاسة ع كل شي حوليي بس مو قدرانة اتحرك ..
سامعة صوت تخطيط القلب كيف عم يعمل ..
كنت مستنية لحتى ماعد اسمع شي ، و انتهي ..
بس اللي سمعتو كان صوت حلوة ..
صوت حدا عم يمشي بممر المشفى ويغني بهدوء ..
حاولت افتح عيوني بس ماقدرت .. كان بدي اعرف مين صاحب هالصوت ..
- الجيران هنن يلي فكرني من ايدين ابي ، الشرطة اعتقلوه لان ضربني كتير و هناء كانت واقفة هي و امها معي بالمشفى ..
بعد شوي حسيت انو انفتح الباب وحدا قرب لعندي ..
ماكنت عرفانة مين هالحدا .. شكلو حدا حنون ..
هناء !! .. لا .. و لا ابي .. ولا حدا ..
Telegram:@rwayate
صاحب الصوت الحلو ضل عم يغني ويغني ..
بوقتا حسيت انو هاد شادي ...
بعد فترة يومين صحيت من الغيبوبة وشادي وهناء فوق راسي ..
معقول هناء سمحت لشادي يجي ؟؟ كيف !؟
شادي : كيفك راما
راما : منيحة ..
هناء : شادي معلش تجيب عصير ..
شادي : تكرمي
كان في اشارات استفهام حولين اللي عم بصير !!
سألت هناء : شوو القصة ليش شادي هون ؟
هناء : ليكي شادي اجا لهون ليتطمن عليكي ، و انا فهمت كل القصة منو .. وهو قال مستعد يدفع كل مصاريف المشفى لهيك انا تركتو ، انتي بتعرفي وضعنا
راما : شوووو ، لك جنيتي انتي ، كيف شب غريب بدو يصرف علينا ويدفعلنا تكاليف المشفى ، مستحيل اقبل ..
بعد شوي اندق الباب ..
هناء : خرسي هلأ ،، تفضل
ام شادي : مرحبا ، حضرتك راما
راما : اي انا تفضلي
Telegram:@rwayate
ام شادي : انو بكون امو لشادي
هناء : اهلا وسهلا
راما : اهلين خالة
ام شادي : بصراحة شادي قلي انو صديقتو بالمشفى وطلب مني زورك ، الله يعافيكي
راما : تسلميلي يارب
بعد رجعتي عالبيت ..
شادي : الو راما
راما : اهلين شادي
شادي : ماما بدا تزوركن اليوم وتشق عليكي في مجال
راما : اي اهلا وسهلا ..
اجو لعنا شادي كان معو باقة ورد كبيرة وبتجنن ، عطاني ياها وقلي الحمدلله ع سلامتك ..
طول السهرة عيونو ماكانت عم تنشال عني ، كل نظراتو كانت عم تحكي قصص ..
نحنا وقاعدين سواا، اجاني مسج منو .. فتحتو كان مكتوب .. "" طالعة بتجنني ، بحبك ""
تكركبت كتير و احمر وجهي ، طلعت فيه لقيتو عم يضحكلي ..
اجيت بدي قوم .
Telegram:@rwayate.
بس امو ماخلتني ..
ام شادي : خليكي ..
مع بعد اذنك يامدام هناء انا بدي اطلب راما لشادي
بوقتا طلعت من الغرفة فوراً .. وكنت مبسوطة كتير ..
و انا موافصة وهناء موافقة بقي بابا المسجون ..
كيف بدنا نخبرو ..
كل هالشي يلي صار و انا مابهون عليي ببابا مستحيل اسخا فيه ، هاد ابي مافيني اتركو لحالو ..
بس الحمدلله بعد يومين طلع .
Telegram:@rwayate.
قررنا بوقتا انا وشادي انو يبعت امو تطلبني رسمي بحضور بابا ..
وفعلاً صار يلي حكينا و اجت طلبتني .. بابا وافق لان كان مو طايق يشوفني وبس بدو يخلص مني ..
وبنفس الوقت بابا ماكان متزكر شكلو لشادي وماعرف انو هاد نفسو الشي يلي كنت عم شوفو واكلت اتلة بسببو ...
بعد خطبتي بأسبوع بابا اخدنا مشوار وراح شادي معنا ...
للصدفة شفنا مراد رفيق شادي بالطريق ..
مراد : كيفك شادي
شادي : لك اهليين احلا مراد
مراد : شووو خطبت .. و راما يازلمة مو انت كنت تحبا وبدك ياها ..
شادي : هشش هي راما ..
بابا : لحظة ، انت كنت تعرف راما من قبل ... يعني انت يلي كنت واقف تحت بيتنا ..
شادي : عمي طوول بالك القصة انو كنت بدي قلا انو اهلي بدن يطلبوها
بابا : خراس يلعنك ويلعن راما ..
ماكانت قصة مهمة ، لان كنا مخطوبين وبابا همو انو يخلص مني ويمكن كان مستعد يعطيني لأي شخص ممكن يدق بابي ..
---------