#قرية_الجن_الجزء_الرابع
#رند_محمد
طلعنا انا وجورج من المخفر .. كانت حالتي تعبانة كتير ووجهي شاحب وعيوني تعبانين
كارين : جورج أنت مومقتنع انو في شي غريب عم يصير حولينا؟
جورج : بصراحة مبلا
كارين : ساعدني لنكشف الحقيقة !!
جورج : كيف ؟؟
كارين : قرية الجن الشمالية وين ؟؟
جورج : أنتي مجنونة شي !!! شو بدك فيا هي القرية من 23 سنة ماحدا عايش فيا إلا كم عائلة .. أساسا القرية بعيدة كتير من هون وبدنا اكتر من خمس ساعات لنوصل للجبل يلي هي وراه !!
كارين : سماع مني مشان الله .. أم الليل كان في عندا سر ومالحقت تحكيه .. انا وقت رحت لعندا قالتلي في شر بين عبونك بعدين انتفضت و ألعتني من بيتا .. وبعد شوي انقتلت... وقبل ماتموت بشوي حكتلي اسم هالقرية ..
جورج : يا كارين القرية مسكونة صعب نفوت عليها
كارين : براحتك.. انا بروح لحالي
جورج. : هففففف لنوصل ع البيت منيح .
دخلنا ع البيت .. أنا اعدت ع طرف الكنباية و انسندت عليها وغمضت عيوني و جورج أعد ع الكرسي يلي جنبي وصفن : رح روح
كارين : عنحد عم تحكي ؟؟
جورج : رح اتصل بهشام خبرو انو نحنا طالعين مشان يجهزلنا كم شغلة
كارين : طيب ، رح ألبس أنا ..
__
غيرت ملابسي و رتبت غرفتي وأنا عم اتأمل حيطانا و أثاثا يلي بحبو .. طلعت منا وسكرت الباب .. رحت لغرفة الأطفال اول ماحطيت ايدي ع مسكة الباب حسيت في ريحة حنية طلعت من الغرفة فتحتا و انا عم حاول عانقا بنظراتي و اشبع منا و من كل حلم حلمتو فيا نزلو دموعي ع الحلم ... أجا جورج من ورايي حط ايدو ع كتفي وفتلني لعندو ومسحلي دموعي .....
طلعنا بالسيارة ومشينا بطريقنا بجهة القرية... بعد كم ساعة وقت قربت الشمس تغيب وصلنا لأول القرية كان في طلعة قاسية للقرية وبس نقطع الطلعة منصير جوا .. وقت كان جورج عم يطلع بالسيارة لهالطلعة حسيت حالي طالعة ع خط مستقيم و بنفخة هوا ممكن تقلب السيارة ..
قطعنا الطلعة كان مافي أعمدة كهربا و إنارة للشارع .. في هوا قوي يمكن لأن المنطقة مرتفعة زيادة .. صفينا السيارة ونزلنا نمشي سوا ..
الشوارع هادية كتير وفاضية .. مافي ولا سيارة لامصفوفة ولا عم تمشي .. مافي ولا شخص.. نحنا بشارع عريض و عجنابه في شجر ومنحدر لتحت في زرع يابس ..
كان في بيتين بطريقنا و التنين مبنيين من اللبن بشكل قديم ومايل و الشبابيك رح يوقعو من البيت ..
السما كانت مليانة طيور من نوع الغراب الأسود يلي بحسس بالشؤم و الخوف ..
جورج : وبعدين ؟ شو بدنا نعمل !!
كارين : رح نضل نمشي لنلاقي حدا ونسألو عن أم الليل ...
ونحنا ماشيين بهالمكان يلي شبه مهجور.. كان في مرة أعدة جنب باب بيتا لابسة لبس قديم كتير و اعدة و بإيدا في أحجار صغيرة كل شوي كانت تمسك حجرة تشعل تحتا نار وتزتا ع جنب .. استغربت من هالتصرف .. قربت لعندا : مرحبا!
المرة : شو بدك
كارين : ممكن اسألك ليش القرية مافيا سكان
ضحكت ضحكة خبيثة : لأن فيا جن .. جن
كارين : طيب انتي شو عم تعملي بالحجار يلي معك؟
المرة : أنا عم أبعد الجن عن بيتي .. و عم أبعتن لبيت تاني
كارين : بتعرفي شي وحدة أسما أم الليل؟
أول مالفظت اسما حسيت المرة تكركبت و انقلبت .. لملمت حجارتا و دخلت فوراً ع بيتا وهي عم تقلي نقلعي نقلعي .. بدك تجيبيلي الأذى انتي
وقتا تأكدت أنو في سر مخبا عليي ..
رحت لعند جورج و انا عم ارجف و صوتي عم يتردد : جورج في سر بأم الليل... هي الها علاقة بهالقرية
جورج : شو حكت المرة؟
كارين : لازم نروح بسرعة نلاقي حدا يساعدنا و يحكيلنا مين هي أم الليل ..
ضلينا ماشيين و الشمس بلشت تغيب .. الشوارع فاضية مافيا الا صوت عواصف و هوا .. البيوت كلا كانت مو منظمة شي مبني بالعالي شي بالمنحدر شي مايل وبدو نفخة ليهبط... و أغلب البيوت مشققة حيطانا من نوع العمار القديم .. ضلينا ماشيي لحتى مرينا من جنب بستان كان فيه شجر كتير وكل شجرة عم تتمايل ع الشجرة التانية من شدة الهوا ..
دخلنا عليه وصرنا نمشي ونتطلع حولينا ... شفنا رجال كبير كان آعد ع الكرسي وعم يشرب شاي
جورج : مرحبا ياعم ؟
الختيار : أهلين مين حضرتكن؟
جورج : نحنا عم ندوور ع ست اسما أم الليل بتعرفا ؟؟
الختيار : يا ابني بلالك وجع هالراس .. حميل حالك ورجاع لبلدك لان بلدنا مابينعاش فيا ولا فيك تتعرف ع حدا منا
جورج : و أم الليل وين؟
الختيار : مابعرف .. بس بتمنى ماتوجعو راسكن بقصصا ..
التفتت لعند جورج : هلأ صرت متأكدة آنو في من وراها شي بشع ..
جورج : ياعم نحنا مضطرين كتير انو نبقى هون الليلة ممكن تساعدنا بشي مكان آمن !!
الختيار : طيب .. أنا عايش لحالي فيكن تتفضلو لعندي تبقوا هالليلة
اتطلعنا انا وحورج ببعض ونحنا خايفين ..
الختيار : لاتخافو أنا ماني من الناس السيئين يلي مروا عليكن بالقرية
أخدنا معه ع بيتو يلي كان بعد البستان بشوي .. دخلنا لجوا أغلب البيت مرمم بخشب شي بالطول وشي بالعرض و الفرش قديم كتير و الإضاءة خافتة ..
الرجال : أنا أسمي أبو عطا .. تفضلو ارتاحو لبين ما حضرلكن ال
#رند_محمد
طلعنا انا وجورج من المخفر .. كانت حالتي تعبانة كتير ووجهي شاحب وعيوني تعبانين
كارين : جورج أنت مومقتنع انو في شي غريب عم يصير حولينا؟
جورج : بصراحة مبلا
كارين : ساعدني لنكشف الحقيقة !!
جورج : كيف ؟؟
كارين : قرية الجن الشمالية وين ؟؟
جورج : أنتي مجنونة شي !!! شو بدك فيا هي القرية من 23 سنة ماحدا عايش فيا إلا كم عائلة .. أساسا القرية بعيدة كتير من هون وبدنا اكتر من خمس ساعات لنوصل للجبل يلي هي وراه !!
كارين : سماع مني مشان الله .. أم الليل كان في عندا سر ومالحقت تحكيه .. انا وقت رحت لعندا قالتلي في شر بين عبونك بعدين انتفضت و ألعتني من بيتا .. وبعد شوي انقتلت... وقبل ماتموت بشوي حكتلي اسم هالقرية ..
جورج : يا كارين القرية مسكونة صعب نفوت عليها
كارين : براحتك.. انا بروح لحالي
جورج. : هففففف لنوصل ع البيت منيح .
دخلنا ع البيت .. أنا اعدت ع طرف الكنباية و انسندت عليها وغمضت عيوني و جورج أعد ع الكرسي يلي جنبي وصفن : رح روح
كارين : عنحد عم تحكي ؟؟
جورج : رح اتصل بهشام خبرو انو نحنا طالعين مشان يجهزلنا كم شغلة
كارين : طيب ، رح ألبس أنا ..
__
غيرت ملابسي و رتبت غرفتي وأنا عم اتأمل حيطانا و أثاثا يلي بحبو .. طلعت منا وسكرت الباب .. رحت لغرفة الأطفال اول ماحطيت ايدي ع مسكة الباب حسيت في ريحة حنية طلعت من الغرفة فتحتا و انا عم حاول عانقا بنظراتي و اشبع منا و من كل حلم حلمتو فيا نزلو دموعي ع الحلم ... أجا جورج من ورايي حط ايدو ع كتفي وفتلني لعندو ومسحلي دموعي .....
طلعنا بالسيارة ومشينا بطريقنا بجهة القرية... بعد كم ساعة وقت قربت الشمس تغيب وصلنا لأول القرية كان في طلعة قاسية للقرية وبس نقطع الطلعة منصير جوا .. وقت كان جورج عم يطلع بالسيارة لهالطلعة حسيت حالي طالعة ع خط مستقيم و بنفخة هوا ممكن تقلب السيارة ..
قطعنا الطلعة كان مافي أعمدة كهربا و إنارة للشارع .. في هوا قوي يمكن لأن المنطقة مرتفعة زيادة .. صفينا السيارة ونزلنا نمشي سوا ..
الشوارع هادية كتير وفاضية .. مافي ولا سيارة لامصفوفة ولا عم تمشي .. مافي ولا شخص.. نحنا بشارع عريض و عجنابه في شجر ومنحدر لتحت في زرع يابس ..
كان في بيتين بطريقنا و التنين مبنيين من اللبن بشكل قديم ومايل و الشبابيك رح يوقعو من البيت ..
السما كانت مليانة طيور من نوع الغراب الأسود يلي بحسس بالشؤم و الخوف ..
جورج : وبعدين ؟ شو بدنا نعمل !!
كارين : رح نضل نمشي لنلاقي حدا ونسألو عن أم الليل ...
ونحنا ماشيين بهالمكان يلي شبه مهجور.. كان في مرة أعدة جنب باب بيتا لابسة لبس قديم كتير و اعدة و بإيدا في أحجار صغيرة كل شوي كانت تمسك حجرة تشعل تحتا نار وتزتا ع جنب .. استغربت من هالتصرف .. قربت لعندا : مرحبا!
المرة : شو بدك
كارين : ممكن اسألك ليش القرية مافيا سكان
ضحكت ضحكة خبيثة : لأن فيا جن .. جن
كارين : طيب انتي شو عم تعملي بالحجار يلي معك؟
المرة : أنا عم أبعد الجن عن بيتي .. و عم أبعتن لبيت تاني
كارين : بتعرفي شي وحدة أسما أم الليل؟
أول مالفظت اسما حسيت المرة تكركبت و انقلبت .. لملمت حجارتا و دخلت فوراً ع بيتا وهي عم تقلي نقلعي نقلعي .. بدك تجيبيلي الأذى انتي
وقتا تأكدت أنو في سر مخبا عليي ..
رحت لعند جورج و انا عم ارجف و صوتي عم يتردد : جورج في سر بأم الليل... هي الها علاقة بهالقرية
جورج : شو حكت المرة؟
كارين : لازم نروح بسرعة نلاقي حدا يساعدنا و يحكيلنا مين هي أم الليل ..
ضلينا ماشيين و الشمس بلشت تغيب .. الشوارع فاضية مافيا الا صوت عواصف و هوا .. البيوت كلا كانت مو منظمة شي مبني بالعالي شي بالمنحدر شي مايل وبدو نفخة ليهبط... و أغلب البيوت مشققة حيطانا من نوع العمار القديم .. ضلينا ماشيي لحتى مرينا من جنب بستان كان فيه شجر كتير وكل شجرة عم تتمايل ع الشجرة التانية من شدة الهوا ..
دخلنا عليه وصرنا نمشي ونتطلع حولينا ... شفنا رجال كبير كان آعد ع الكرسي وعم يشرب شاي
جورج : مرحبا ياعم ؟
الختيار : أهلين مين حضرتكن؟
جورج : نحنا عم ندوور ع ست اسما أم الليل بتعرفا ؟؟
الختيار : يا ابني بلالك وجع هالراس .. حميل حالك ورجاع لبلدك لان بلدنا مابينعاش فيا ولا فيك تتعرف ع حدا منا
جورج : و أم الليل وين؟
الختيار : مابعرف .. بس بتمنى ماتوجعو راسكن بقصصا ..
التفتت لعند جورج : هلأ صرت متأكدة آنو في من وراها شي بشع ..
جورج : ياعم نحنا مضطرين كتير انو نبقى هون الليلة ممكن تساعدنا بشي مكان آمن !!
الختيار : طيب .. أنا عايش لحالي فيكن تتفضلو لعندي تبقوا هالليلة
اتطلعنا انا وحورج ببعض ونحنا خايفين ..
الختيار : لاتخافو أنا ماني من الناس السيئين يلي مروا عليكن بالقرية
أخدنا معه ع بيتو يلي كان بعد البستان بشوي .. دخلنا لجوا أغلب البيت مرمم بخشب شي بالطول وشي بالعرض و الفرش قديم كتير و الإضاءة خافتة ..
الرجال : أنا أسمي أبو عطا .. تفضلو ارتاحو لبين ما حضرلكن ال
