#قلوب_مشوهة

الجزء السابع

نمت بغرفة قمر وجلال .. كانو لسه مو ماخديني اغراضهن ..
تمددت على الفرشة .. شميت ريحة جلال فيها .. عرفت وين الجنب الي بنام عليه وعرفت انو وحده وسادتو .. اخدتها وحضنتها وضليت عم شم ريحتها وابكي ، غمضت عيوني و صرت اتذكر ايامنا مع بعض .. ما كان يخليني ابعد عنو ابداً يقلي بدي اشبع منك و ملي عيوني بشوفتك ..
اشتقت لاسمع كلمة حلوة ..
اشتقت لكون انسانة طبيعيه ،اشتقت لكل ثانية بحياتي الحلوة الي كانت قبل هداك الحادث البشع ..

غفيت بعد ما تنفخو عيوني وتعبت من البكي ، كانت الساعه 3 لما نمت .. الساعه 3.30 حست بحركة .. كأنو في شي عم يتحرك على جسمي ..
بس من التعب ما قدرت فتح عيوني وفكرت حالي عم اتوهم ..

قلبت للجهة التانيه و حسيت ايدي اجت على جسم بني ادم .. فتحت عيوني بسرعه وانا قلبي مقطوع و شفت هالة نايمة جنبي على الفرشة ومفتحه عيونها

قمت من مكاني وانفاسي عم تتسارع وجسمي عم يرجف : هالة .. شو في شبك ؟

تجلست شوي شوي وردت ببرود : ما في شي شبك هيك ارتعبتي ؟ انا بس حسي تشوب كتير بغرفتي وجيت نام بغرفتك ..

رنا : بسم الله الرحمن الرحيم ... شبك فيكي شي ؟

هالة : لا .. نعسانه .. بدي ارتاح ..

وحطت راسها على المخده و غمضت عيونها ..
رجعت قعدت جنبها وضليت اتطلع عليها ..

ما عاد قدرت ارجع نام من الرعبة .. ضليت قاعده عم عض اصابعي و اتطلع فيها لاتاكد انها نايمة ... مع طلوع الضو فتحت عيونها و قامت طلعت من عندي من الغرفة بدون ما تحكي ولا كلمة ..

حاولت نام شوي ما قدرت .. ضليت اتقلب بفرشتي ساعات لاجت حماتي وقالتلي قوم ساعدها لان هالة نايمة وشكلها تعبانه .. قمت وبلشت شغل بالبيت و هالة نايمة بالصالة .. خلصنا شغل و حطيت فطور لنفطر و لما حطيت الأكل دق باب البيت ورحت افتح .. لقيت قمر على الباب

رنا : يا عيني اهلا وسهلا .. حماتك بتحبك ها

قمر : عنجد ؟ هي قالت ؟

رنا : لا ما قالت حبيبتي .. فوتي فوتي ريتو مية اهلا وسهلا ...

فاتت قمر و قبل ما تقعد على الأكل راحت تصحي هالة ، بس هالة ما رضيت تقوم وقالت انها نعسانه كتير وتعبانه وما بدها حدا يصحيها ..

قعدنا انا وقمر وحماتي على الأكل .. وبلشت قمر تحكي عن جلال بدون ما توقف و لا لحظة ..

ما عاد قدرت اكول ولا لقمة بسبب حكيها الي بهز البدن و حماتي تعض على شفافها وتغمز لقمر و قمر ما كانت تسكوت .. ضلت تحكي وتحكي وتحكي .. كيف جلال بينام وكيف جلال بياكول وكيف جلال بيقعد .. لوقت ما تلفت اعصابي و قلبت صينية الأكل كلها و صرخت فيها : حاااااااااااااج بقى

بكفي بكفي بكفي ، لسه جلال عمل و جلال قعد و جلال حكى ... خلص خلص ما بدي اسمع شي بكفييييييييييييييي بكفييييييي

ام جلال : رنا شبك شو صرلك وطي صوتك

رنا : وطي صوتي ؟ هاد الي بهمكن انو وطي صوتي ؟

التفتت على قمر الي كان لون وشها مخطوف وعم تطلع فيني بدون ما تحكي ولا حرف .. رفعت اصبعي بوشها وحكيتها بحرقة : ليكي .. شايفه جمالك هاد كلو ؟ ما بيجي نقطة ببحر جمالي .. و جلال زتني وما سأل عني .. بكرا بس تمرضي او تتعبي .. او حتى يمكن تتشوهي .. وقتا خلص جلال بيزتك وبجيب و حده غيرك ينبسط معها .. لا تفرحي فيه كتير و لا تسدئي حكيو لان كل شي كذب .. اسأليني انا..

نزلت الشال الي بضل غطي فيه

راسي وصرت اضحك : انا الي بعرف كل شي .. شوفي .. شوفي كان شعري متل الحرير وطويل كتييييييير
و وشي .. كانو الكل يحكو بجمالي و بحسني .. انا احلى منك فهمانه ؟ انا احلى منك بمليووووووووون مره احلى منك انا

صحيت هالة على اصواتنا و وقفت بيناتنا عم تسأل شو في .. تركتهن وفتت على غرفتي .. بعد دقايق كانت حماتي حاكيه لهالة شو الي صاير .. سمعت صوت هالة هي وعم تعيط بصوت عالي لتسمعني : اتركيني امي ، خليني فوت اتفاهم معا لشوف شو بدها هالمجنونة .. شو مفكرة حالها بدها تتحكم فينا وتعيشنا على مزاجها ... ما بكفي متحملين شوفة وشها بكفي قرف خليني فوت اتفاهم معا ..

كنت عم شد على ايدي و اسناني وهز ضهري لقدام و ورا و اتمنى شوفهن كلهن عم يحترقو .. جواتي كره عم يكبر كتير الهن .. ازا بيموتو قدام عيوني ما رح ازعل عليهن ... ما رح ازعل على اي حدا منهن ... ابداً ...

مرقو اسبوعين بعد الموقف الي صار ، كانت تجي امي تزورني وتطل علي و تتأكد ازا انا منيحه و تجيبلي معها كريمات وانا اخدوه و ارميهن بالخزانة
قمر ما عاد اجت لعندنا و جلال يجي يسلم علي و يعطيني مصروف و يروح ... وهالة كان وضعها غريب كتير ...

#قلوب_مشوهة

الجزء الثامن + التاسع

ام جلال : شو في ... شو صااااااااير ؟

رنا : م م م .. ما .. ما بعررف ما بعرف في صوت من غرفة هالة انا ما بعرف شو في

ام جلال : هالة ؟ ..

ركضت و فتحت الباب : هاااااااااالة ؟ شبك امي ؟ شبك شووو فيييييييي ؟

قربت لجوا و شفت هالة قاعده بالأرض و متكورة على حالها وعم ترجف وتبكي ..
خفت من منظرها وضليت واقفه على جنب

ام جلال : رنا جيبي كاسة مي بسرعه

رنا : اي .. اي حاضر ..

ركضت على المطبخ جبت مي ورجعت .. اخدت حماتي الكاسة ورشت على وش هالة وشربتها .. وهالة عم تحكي حكي مو مفهوم

هالة : لا تخلوه يقرب مني ، طلعوه من هون .. طلعوه من هون خلي يبعد عني بكفيييييييييي بكفييييييييي

ام جلال : لك مين هون ؟ شو عم تخبصي انتي شو عم تحكي ؟

رنا : مرت عمي بجوز شايفه كابوس!

تطلعت فيني هالة وصرخت : اطلعي من هون انتي اطلعي من هون ما بدي ياكي ما بدي شوفك انقلعي

رنا : انا شو عملتلك هلأ !

ام جلال : رنا اطلعي من هون .. روحي اتصلي على جلال خليه يجي

رنا : جلال ؟

ام جلال : ايه اتصلي عليه يلا .. بسرعه

رحت اتصلت عليه ، كنت اكتوب الرقم وخربط فيه وارجع اكتبو .. كل ما شوفو بحس جروحي كلها بتتفتح .. اتصلت وبس سمعت صوتو رجف قلبي .. قلتلو يجي ويشوف هالة شبها .. خلال ثواني كان عم يدق الباب متل المجنون فتحتلو وقبل ما يحكي معي ولا حرف دفشني وفات على غرفة هالة عم يركض ..فتت وراه و وقفت عند الباب اسمعهن ..

حملها جلال من الأرض وقعدها على التخت .. شربها المي و مسح على شعرها .. وامها حضنتها و صارت تهديها وتبوسها ..
وانا عم اتطلع فيهن صرت ابكي ، ليش انا ما عملولي هيك ؟ ليش ما خاف علي هيك ؟ ليش ما حسسني انو بحبني و واقف معي ؟ كتير علي ؟

#قلوب_مشوهة

الجزء الثاني

شادية : هلأ بدك تخجلي متل بنت ال15 سنة .. يكون بعلمك كمان سنتين تلاته بصير اسمك عانس متل حكايتي .. صحيح جمالك ورقة رابحه بايدك بس بصراحه نحنا مجتمعنا معقد ازا الاستاز جلال عاجبك خلص قولي يارب

رنا : يارب

شادية : اه ؟

رنا : اه ؟ لك لا مو قصدي .. يعني الي بدي قولو انو

شادية : والله انا شايفتك موافقه بس مو عارفه كيف بدك تحكيها ، يلا خليني احسن منك مع انو ما بتستاهلي ..رح ردلو خبر انك موافقة

مسكتها من ايدها بسرعه قبل ما تقوم : لك تعي شو تقوليلو موافقه شو الشغله شوربة ؟

شادية : لكن قلو ما في نصيب ؟

رنا : هلأ هيك يعني ؟

حطت ايدها على تمها وكتمت ضحكتها : جدبة اكيد ما رح قلو موافقه ، رح قلو انو ما عندك مانع يجي يشرب فنجان قهوة عندكن بالبيت ..

نزلت راسي وابتسمت : ما بعرف

شادية : ليكون ما عندكن بن ؟؟؟؟؟؟؟؟

نكشتها من ايدها : حاجه ولو

شادية : خلص خلص خلينا نحكي جد .. الاستاز جلال ما في منو واي بنت بتتمناه بعدين ازا ما لحقتيه انا بدي الطشو منك .. شو يعني ازا كنت اكبر منو بسنه اه ؟ ما فيها شي والله عادي !

رفعت حواجبي وضليت ساكته

شادية : رن الجرس عندي حصة هلأ .. خلص انا رح اتصرف

رنا : وانا عندي حصة خلينا نطلع سوا ..

حملت الدفاتر بايدي و مشينا لنطلع من غرفة المعلمين و صدفنا جلال عند الباب

جلال : مرحبا

نزلت راسي وما رديت ، جاوبت شادية : اهلا وسهلا ..كأنك معصب استاز جلال ؟

جلال : يا اختي ما بعرف الطلاب مخهن سميك ولا انا الي مخي سميك

شادية : ليش شو صاير ؟

جلال : اتخيلي الي حصة كاملة عم ناقش طالب بالصف الرابع .. عم يسألني ليش 2+2 = 4 و بنفس الوقت 2*2= 4 بس 1+1=2 و 1*1= 1
تعي بقى اقنعيه انو هي قوانين رياضيات ثاابته .. شو شايفني الخوارزمي

رنا : ايه والله معو حق ليش هيك ههههههه

ابتسم ابتسامة صغيرة و حرك نظارتو .. تطلع فيني للحظات .. نزلت راسي و تجاوزتو : يلا عن اذنكن

تركتو هو وشادية واقفين عم يحكو وضليت كل الدرس صافنه وتاركة الطلاب عم يلعبو و يتخانقو .. اجت لعندي بنت معصبه وحطت ايديها على خاصرتها وصرخت فيني : انسة رناااااااااااااااا

ارتعبت و فوراً رديت : ايه ايه موافقه !

فتحت تمها و اعطتني نظرة حاده وكملت : ما بدك تعلمينا نرسم شمس ؟؟؟ وعدتينا الدرس الماضي نتعلم نرسم شمس و عصافير !

رنا : طيب طيب .. يلا هدوء ما بدي اسمع صوت .. تطلعو كيف رح ارسم على اللوح وبترسمو متلي ..
_____

بعد يومين اجت امو لجلال هي و بناتها التنتين و عمتو لجلال .. استقبنالهن احسن استقبال وكانت امي مبسوطة لاني موافقه على الشب..

بعد زيارتين تانيات حددو موعد ليجي جلال يشوف ابي ويقعد معي و نسأل عنو .. وقت قعدنا كانت كأنو اول مره بشوفو .. كأنو حدا غريب ما بعرفو تلبكت كتير و كل قوة شخصيتي راحت .. مشاعري تجاه جلال كانت قوية كتير و واضحه ..

سأل ابي عن جلال ، هو وحيد امو وعندو تلات اخوات تنتين متجوزات و وحده بعمري عزابيه .. والدو متوفي و وضعهن المادي منيح كتير ..
الو بيت لحالو جنب بيت اهلو و سمعتو طيبه كتير ..

ما كان في اي مشاكل او عوائق تأخر الموضوع ، اعطينا موافقتنا و تمت الخطبة الرسمية و كتب الكتاب .. وصرت انا و جلال روح وحده ما بتفترق

كل المعلمين والمعلمات بالمدرسة يراقبو حركاتنا و ضحكاتنا .. ما كنت اقدر ابعد عنو ولا ثانية وهو كان معجب فيني كتير و تعلق فيني بسرعه ..

ساعات طويلة نقضيها على الموبايل بعد دوام المدرسه و بعدا يجي يسهر عنا ، كان صعب كتير اقدر اقعد بلاه او هو يقدر يبعد عني .. هاد القرب الي بيناتنا خلى مشاعرنا تقوى بسرعه و نفوت بعلاقة حب قوية بزمن قياسي ..
#مال_الشام
بعد شهرين من خطوبتنا طلب جلال من ابي نحدد موعد العرس باقرب فرصة لان امورو مستقرة وجاهز .. انا كنت خايفه من التغيرات الي عم تصير حياتي بهي السرعه ... بس هو دايماً كان يطمني ويشجعني انو ايامنا الجايه مع بعض رح تكون شي بيشبه الأحلام .. وعدني نعيش قصة حب متل الي بالحكايا و المسلسلات .. كان كريم كتير و حنون يخاف علي من كل شي
بس قبل موعد العرس باسبوع فاجئني لما طلب مني انو بدو ياني اتروك المدرسه وا

قعد بالبيت لانو بدو يكون عي

#قلوب_مشوهة

الجزء الثالث

حاولت افتح عيوني بس ما قدرت .. فتحت عين وحده وضرب الضو مباشرة بعيني رجعت غمضت .. كان تمي ناشف كتير .. همست بصعوبة : بدي مي

الممرضة : الحمدلله على السلامة مدام خليني انده للدكتور و لزوجك و والدتك

رنا : مين انتي ؟..انا وين ؟

الممرضة : هلأ الدكتور بفهمك كل شي .. عن اذنك لحظة ..

سمعت صوت خطواتها وهي طالعه من الغرفة ، بعد دقايق فات اكتر من حدا و مسكت امي ايدي هي وعم تبكي : الحمدلله على سلامتك يا روحي الف الحمدلله على سلامتك

جلال بصوت مهزوز : رنوش هيك خوفتيني عليكي ؟
رنا : امي انا وين ؟

الدكتور : الحمدلله على سلامتك مدام رنا ، انتي بالمستشفى للاسف كان في حريق ببيتك واسعفوكي لعندنا

رنا : بدي مي

امي : دكتور بصير شربها ؟

الدكتور : اي بس كمية قليلة ..

اول ما لمست المي شفايفي حسيت كأني الي سنين مو شربانه و صرت اشرقها كأني ولد صغير .. سحبت امي الكاسة قبل ما ارتوي

بليت شفافي و تطلعت بعيني على جلال : انا اسفه .. نسيت الاكل على النار .. ما بعرف كيف هيك صار ... انا ما بعرف

جلال : بسيطة طولي بالك المهم انتي منيحه

الدكتور : مدام رنا انتي هل

أ صاحية وما بدي ياكي تتوتري او تخافي ..

#قلوب_مشوهة

الجزء الرابع

فتحت الباب والتفت جلال لعندي ونزل الموبايل من ايدو وانخطف لونو ..

قربت لعندو وسألتو : مع مين عم تحكي ؟

جلال : مع هالة عم قلها انو ما يستنوني على السهرة لان كنت واعد امي

رنا : عم تقول لاختك قطة ؟

جلال : هههههههههههههههههه لك لا سمعتي غلط انتي

حط ايدو على كتافي : شو جاهزة للسهرة ؟
بعدت ايدو و رجعت سألتو : مع مين كنت عم تحكي ؟ عم تخوني ؟

جلال : حبيبتي انتي عم تتوهمي ، خلص خلينا مبسوطين .. من زمان كتير ما سهرنا سوا صح ؟ ما اشتقتيلي ؟

رنا : هلأ تذكرت ؟ فكرتك نسيت انو انا مرتك .. اعطيني موبايلك ..

جلال بعصبيه : اي خلص بقى خلي عني شو هالجنان

تركني وطلع من الغرفة .. ركضت وراه وصرت صرخ : وين رايح تعال لهون .. انا سمعتك قلتلها جهزي حالك رح اجي لعندك .. لك عم تخوني يا جلال .. عم تخوني انااااااااااااااا يا واطي ؟ الله ينتقم منك الله يحرق قلبك متل ما حرقت قلبي مع مين عم تخوني مين هي الكلبة الي متفق انت وياها علي رد علي ررررد علييييييييي

مسكتو من كنزتو وصرت شدها و هو فتح باب البيت وبدو يطلع .. ضليت شدو وصرخ .. التفت علي ودشفني بقوة لورا و وقعت على الارض

رنا : طلقني .. طلقني هلأ بدي روح على بيت اهلي ما بدي ضل ولا ثانية عندك .. والله لخلي ابي يمسح الارض فيك

طلع وطرق الباب وراه .. ضليت بمكاني عم ابكي وصرخ ، انا جوزي يخوني ! انا الي كنت شوف حالي اجمل بنت بالدنيه وما في بعدي هيك يصير فيني !!
بعد ربع ساعه سمعت حدا عم يدق على الباب .. قمت فتحتو ولقيت حماتي جايه لعندي .. رميت حالي بحضنها وصرت اشهق : شفتي شو عمل فيني انا شو عملتلو شو عملتلو .. باعني بكل بساطة ..

ام جلال : طولي بالك بنتي واستغفري ربك ما بصير تعملي بحالك هيك

رنا : انتو الي ما بصير تعملو فيني هيك حرام عليكون انا بني ادمة انا بشر بحس وبتوجع ، تحملت كل شي منو لاني بحبو وعم قول معو حق بس ليش ما صبر علي ... انا رح اتعالج والله رح اتعالج يا مرت عمي احكي معو وفهميه انا رح ارجع حلوة متل الأول

ام جلال : بنتي .. جوزك ما عمل شي غلط .. جلال تجوز على سنة الله ورسولو .. وهاد الشي لا عيب و لا حرام ..

رنا : شو ؟

ام جلال : اي .. جلال تجوز من شهر وما كان بدو يخبرك مشان ما يجرحك بس ابني عريس وما لحق يتهنى ... ما بعرف كيف صارت القصه نحنا ما كان ببالنا هالموضوع بس صار فجأة ومرتو طفلة عمرها 15 سنة اعتبريها اختك الصغيرة مو ضرتك ... ولا تخربي بيتك لان جلال ما بدو يطلقك .. خليكي قاعده ببيتك معززة مكرمة ليفرجها الله عليكي

رنا : جوزتوه ؟ من شهرررررررررر !!!!!!!! لك وانا ؟ انا شو ؟؟؟ ما عندكن رحمة ما بتخافو الله ؟ لك انا شو عملتلكن ؟

ام جلال : لا حول ولا قوة الا بالله .. انا اتصلت بامك وخبرتها بكل شي .. انا ما رح اجبرك تضلي قاعده عند ابني بس هو بدو ياكي تضلي وما بدو يطلقك .. الي بريحك نحنا جاهزين نعملو الله يفرج همك سامحيني يا بنتي

رنا : روحي الله لا يسامحك لا انتي ولا ابنك .. يارب شوفكن عم تحترقو متل ما احترقت انا و اشفي قلبي فيكون يا ظالمين

ام جلال : يخرب بيتك على هالدعوة يخرب بيتك من حالك !!!!! عم تدعي على ابني انتي مو شايفه منظرك كيف بدو يقدر يتطلع فيكي فوق ما انو خاف على مشاعرك هاد الي بيطلع معك !!!!!!!!!!!

وصلت امي وفاتت وقفت بيناتنا رجعتني لورا وصارت تتخانق مع حماتي وانا عم يتقطع من جوا كل ما اتخيل انو جلال هلأ قاعد مع وحده تانيه فضلها علي ! .. امي قلعت حماتي طلعتها من البيت و سكرت الباب و صارت تواسيني ..

رنا : قال انو بيحبني ، كان يموت فيني كيف هان عليه كل شي بيناتنا كيف هيك بيعمل فيني ؟؟؟؟؟؟؟؟؟؟؟؟

أمي : لا تبكي يا امي خلص احترق قلبي عليكي طولي بالك ، تعي غسلي وشك وريحي حالك بكرا بس ترجعي متل ما كنتي بيطلقها وبيرجع لعندك

رنا : انا ما عاد بدي ياه .. ما عاد بدي ياه بكرهووو انا صرت اقرف منو كمان ما بدي ياه

أمي : طيب متل ما بدك .. الي بدك ياه منعملو بس هدي حالك ..

حطيت راسي على صدرها وكملت بكي ... بعد اربع ساعات كانت امي نايمة جنبي ...
قمت من مكاني و فتت على غرفة نومي انا وجلال .. طلقت تيابو وصرت شم ريحتهن واتزكر ايام الخطبة و الشهر الي قضيناه سوا .. اديش كان يحبني ويتغزل فيني .. كل شي راح ... كل شي راح خلص !

وقفت قدام المرايه وتطلعت بحالي ، كان ضو خافت كتير عم يفوت من الشباك و الغرفة عتمه .. صورتي بهي اللحظة مرعبة كتير .. حتى انا خايفه من حالي ..
لمست وشي بخوف وايدي عم تر

جف .. تطلعت على جسمي وصرخت
مسكت المزهرية الي جنبي

و رميتها على المرايه ..

صحيت امي و اجت تركض لعندي تسألني شو صار ..

#قلوب_مشوهة

تتمة الجزء الرابع + الخامس

وقفت قدام المرايه وتطلعت بحالي ، كان ضو خافت كتير عم يفوت من الشباك و الغرفة عتمه .. صورتي بهي اللحظة مرعبة كتير .. حتى انا خايفه من حالي ..
لمست وشي بخوف وايدي عم ترجف .. تطلعت على جسمي وصرخت
مسكت المزهرية الي جنبي و رميتها على المرايه ..
صحيت امي و اجت تركض لعندي تسألني شو صار ..

رنا : بدي وشي .. بدي جسمي .. بدي ارجع متل ما كنت ساعديني ساعديني ما عاد متحمله حااالي انا عم موت حسي فيني .. حسي فيني ببوس ايدك

أمي : ولي على البي عليكي .. ولي عليكي شو صار فيكي يا بنتي ..

____ _ ___ ____

الي قاعده ببيت اهلي اسبوعين ، كل لحظة عم تمر علي اصعب من الي قبلها
وعم حس الكره عم يكبر بقلبي تجاه جلال ، عم اتمنى خليه يشرب من نفس الكاس الي شربني منها ..

عرفت انو مرتو بتكون اخت رفيقة هالة ، هي الي جابتلو ياها وهو وافق يتزوجها لان ما الها اب و وضعهن المادي سيء كتير فــ كان جلال حبل الخلاص الهن .. و حفرة الهلاك ألي ..

ما حدا سأل عني و لا حدا عم يحكي معي .. قاعده كل الوقت بغرفتي عم احكي مع حالي واضحك لحالي وابكي لحالي ...

فاتت امي لعندي ومعها كاسة الحليب .. وقعدت جنبي ..

أمي : خدي اشربي الحليب و تخليني حطلك من هاد الكريم جبتو جديد

رنا : امي لو سمحتي اتركيني بحالي

أمي : مو على كيفك ، بدك ترجعي متل الوردة متل ما كنتي وما رح اتركك لتطيبي حتى لو غصب عنك ، ما بكفي رفضتي تروحي معي لعند الساحرة مشان تفك عنك الحسد !!!!!!!!!! ازا ضليتي راكبة راسك بتخسري كتير
هي جلال تجوز ومبسوط و اخد مرتو تقعد ببيتك وانتي لسه قاعده هون وعم تبكي

الفتت عليها بسرعه : شووو ؟ قعدها ببيتي ؟؟؟؟؟؟؟؟؟؟؟؟

أمي : ايه مو هاد الي بدك ياه ؟ قالتلك حماتك ما تطلعي و جلال بدو ياكي تضلي ما رديتي على حدا .. يلا اعملي الي براسك لشوف

رنا : _ _ _

أمي : افتلي علي لشوف خليني امسحلك وشك وجسمك خلصيني ..

شدتني من ايدي وبلشت تحطلي على الحروق بكل مكان ، كنت حس بلذعه و وجع من الشي الي عم تحطلي ياه بس ما حكيت ولا حرف ولا توجعت ..

بس خلصت مسحت ايديها و قامت لتطلع من الغرفة ..

رنا : لحظة

امي : شبك شو في ؟

رنا : الساحرة ... الي قلتي عنها .. عنجد ساحرة ولا نصابة ؟

امي : لا ساحرة و مضمونة والكل بيخاف منها وبيعملولها حساب .. شو بدك تروحي ؟

رنا : اي .. بدي روح ..

أمي : أكيد ؟ مو تغيري رأيك ها ؟ خلينا نروح ونعرف مين الي حسدك مشان نقدر نفك الحسد

رنا : يعني هي بتعرف بالغيب ؟

أمي : أم سلطان قالتلي انو مره ضيعت خاتم دهب و راحت لعندها و قالتلها انو جارتها سلمى الي ماخديتو .. و قالتلها على مسؤوليتها انو بتلاقيه عندها
وبالفعل بعد ما واجهت سلمى وهددتها تجيبلها الشرطة طلعت بالخاتم واعتذرت ... انا خايفه من هالفوتة بس كتر ما حكتلي عنها ام سلطان و عن خدماتها للناس خرطت مشطي .. بعدين نحنا ما بدنا شي .. منوصل منعرف مين الي حسدك و منفك العين لانو كان لازم زمان الحروق تروح بس شكلها العين قوية لهيك ما عم تتعالجي

رنا : ايوه ..طيب لكن .. خلينا نروح اليوم

أمي : لا لا .. بدنا ناخود موعد بالأول وبعدين بدنا نستأجر سيارة لان المكان بعيد .. خليني اطلب من ام سلطان تزبطلنا القصه وتروح معنا

رنا : حاولي باسرع وقت

أمي : ماشي .. ولا يهمك امي انتي بس ريحي حالك وطولي بالك ..

رنا : ماشي .. ماشي ..

طلعت امي هي وعم تفرك بايديها و مبسوطه ، كنت شاكة بموضوع الساحرة لان بعرف امي على نياتها كتير و حكي النسوان بياخدها وبيجيبها .. بس كان قلبي عم يفور يغلي و بدي اعمل اي شي لاخود حقي ..

بعد يومين جهزنا حالنا من الصبح بكير و لبست و غطيت حالي بالكامل لانو ما بدي حدا يشوفني وانا بهل منظر ... طلعنا بالسيارة و ضلينا ماشين ساعتين بعدين وصلنا على ضيعه صغيرة كتير ومتل الصحرا ..

نزلت ام سلطان و قالتلنا نلحقها ، مشينا على رجلينا نص ساعه تانيه لوصلنا على بيت حجر اسود هيئتو مهجور ..

رنا : خالة انا تعبت ما عاد قادرة امشي

ام سلطان : لك وصلنا .. هاد هو المكان

امي : يييييييي هاااااااد ؟ العمى شو هالفوتة المكان بخوف كتير يا ام سلطان

ام سلطان : لا بخوف ولا شي بس الست وردية طقوسها غريبه امشو من تم ساكت

رنا : اسمها وردية ؟

ام سلطان : ايه بس ما تندهيلها باسمها .. قوليلها يا أمنا

رنا : يا أمنا ؟؟؟؟؟؟؟؟

ام سلطان : لك ام رنا فهمي بنتك يوه !

رنا : طيب طيب خلص .. من وين بدنا نفوت ؟

ام سلطان : من هون ... بس اشلحو من رجليكن

امي : وين نشلح ؟

ام سلطان : لك اشلحو هلأ و احملوهن بايديكن خلصوني !!!!!!!!!

رنا : ماشي ماششششششي ..

شلحت من رجلي و نزلت ومسكنا الكنادر بايدينا .. و فتحت ام سلطان باب كان من الخشب المهتري .. فتنا على غرفة فاضية الها تلات ابواب ..

مسكت بايد امي وهمستلها

#قلوب_مشوهة

الجزء الخامس

ام سلطان : ما تخافو ما تخافو .. تعالو خلينا نقعد نستنا دورنا

أمي : لك شو نستنا دورنا انا ركبي قصفو من الخوف ام سلطان شو عم يصير هون ؟ ومن وين هالصوت الي طلع ؟

ام سلطان : حاجتك اسئلة انا شو بعرفني !!!

انا كان عرقي عم يشر مني و عم دور بعيوني من وين اجا هالصوت ، بعد شوي انفتح باب على يميني و طلعت منو وحده ملثمة و قالت الي دورها هلأ تفوت يلا ..

قامو اربع نسوان مع بعض ولحقوها وقعدنا نحنا مطرحهن وامي عم تولول وتقلي مشان خلينا نطلع وانا قلها اصبري شوي لنشوف شو عم يصير جوا !!

بعد تلات ساعات وصل الدور لعندنا .. فتنا نحنا التلاته ولقينا حالنا بغرفة فاضيه ، سألتنا الملثمة مين صاحبة العلاقة ؟

اشرت علي ام سلطان : هي

الملثمة : طيب انتو بتستنو هون وهي بتفوت ، ممنوع كلكن تفوتو

مسكتني امي من ايدي : يا بفوت انا وياها يا ما بتفوت

الملثمة : لكن يلا لبرا

همست لأمي : خلص خليني فوت ما تخافي ، ما في شي بيخوف كل الي فاتو قبلنا طلعو

أمي : شو جنيتي انتي ؟ كيف الك قلب تفوتي هالفوتة لحالك ؟ انا رح ينشف دمي من هالمكان خلص ما عاد بدي نشوف هالساحرة قلبي مو مرتاح

رنا : خلص امي ازا تأخرت الحقيني .. النا من الصبح ناطرين مو معقول هلأ نرجع !

بعد ما اقنعتها ام سلطان انو هيك عادي وانو (أمنا) وردية بتحب الهدوء والتركيز ..فتت مع الملثمة مشينا بممر طويل ومعتم ، بعدين فتنا لعند أمنا وردية .. كانت قاعده على منصة عالية والغرفة كلها دخان بخور ريحتو بتغب عالقلب .. صرت اسعل واتطلعت على الملثمة لاسألها شو بدي اعمل هلأ .. بس ما عاد لقيتها حوالي ..

رنا : مــ ــ .. مرحبا !

وردية : جوزك بدو فك رقبة يا رنا

رنا : أ..أ..أنا ؟ .. عم تحكي معي ؟ انا ؟

وردية : تعالي لهون ..

____ _ ___

بعد نص ساعه طلعت من باب تاني ولقيت امي وام سلطان عم يستنوني برا
كنت شاردة ومو عرفانه شو احكي

أمي : شبك ؟ شو صار ؟ ليش ساكته ؟ شبو وشك هيك اصفر متل الليمونة ؟

ام سلطان : رنا فهمينا مشي الحال ؟

تطلعت فيهن وحكيت بتردد : اي .. يمكن مشي الحال ..

رجعنا على البيت وانا كل الطريق شاردة وعم فكر بالي صار جوا ، بحياتي ما تخيلت فوت هيك مكان واتعامل مع هيك بشر ... كنت خايفه حتى فكر بشي سيء لان صرت اتخيل انها ممكن تعرف شو عم فكر ..
وصلنا على البيت وفتت نمت لتاني يوم .. كنت تعبانه كتير ما بعرف ليش ..

تاني نهار فتت لعند ابي وطلبت منو يحكي مع جلال مشان يجي ياخدني على بيتي

أبي : ايوه .. اي سكري عالموضوع بس يجي هو ياخدك بتروحي معو غير هيك ما عندي

أمي : جنيتي انتي من وين طالعه بهاد الحكي ؟

رنا : لك شبكون هيك كأني حاكيه شي غلط .. بدي ارجع لعند جوزي مو طالبة شي لا عيب ولا حرام

أمي : لكن ليش طلعتي من عندو اه ؟

رنا : أنا ..

أبي : ما في داعي للاخد والعطى .. ازا اجا اخدها جوزها ماشي غير هيك ما عندي ..

رنا : اووووف ياربي هاد الي كان ناقصني ..

أمي : ايه لا .. عنجد جنت البنت عالخالص !!

طلعت من الغرفة وقعدت لحالي عم فكر ، بعدين قمت اتصلت من الهاتف على جلال و حكيت معو ..

جلال : الو ؟

رنا : الو .. مرحبا جلال هي انا رنا

جلال : كيفك ؟

رنا : مشتائتلك .. انت كيفك ؟

جلال : انا .. انا

رنا : شو ؟

جلال : انا اسف كتير رنا ما كان بدي يصير هيك

رنا : بعرف .. انت بتحبني و احزر شو ؟ انا اهلي رح يعملولي عمليات تجميل على حسابهن ورح ارجع احلى من الاول .. بس ليبيع ابي الأرض .. هلأ تعال خدني لان ما بدي ضل بعيده عنك

جلال : يعني سامحتيني ؟

رنا : اي سامحتك وبدي ارجع على بيتي

جلال : بس .. قمر قاعده بالبيت ..

ضغطت على اسناني بقهر : شو يعني ؟

جلال : يعني بصير تتحمليها شوي لتطلع وترجع على بيت اهلي ؟

رنا : اي ما في مشكلة ، بتحمل ليش ما بتحمل

جلال : طيب ايمت اجي اخدك ؟

رنا : هلأ .. بس لا تقول لابي انو انا الي اتصلت عليك لانو زعلان منك وماخد على خاطرو .. جيب مرت عمي وتعالو خدوني

جلال : بجي انا لحالي ، امي زعلانه كمان من امك ..

رنا : يوووه .. طيب خلص ماشي رح استناك ..

سكرت الخط وفتت على غرفتي استنا لشوف شو بدو يصير

عالعصر دق باب بيتنا قمت بسرعه لافتح بعدين رجعت قعدت على اساس ما معي خبر بشي .. سمعت صوت جلال
على الباب و فوراً نزلو دموعي ..
ثواني و فاتت لعندي امي هي ومبسوطة

أمي : جوزك اجا .. اكيد بدو ياخدك وما قدر يعيش بدونك .. شفتي مو قلتلك انو بحبك ؟

رنا : ايه شايفه .. ما قدر يعيش بدوني هه !

أمي : قومي البسي وزبطي حالك

رنا : هههههههههههههههههههه

تلبكت امي وفهمت علي ليش ضحكت

رنا : اخخخ الله يصلحك يا امي ، حكياتك بضحكو

طلعت من الغرفة بدون ما ترد .. وانا قمت ضبيت غراضي و نطرت شي ساعه اجا ابي وقلي جهزي حالك لتروحي مع جوزك

رنا : جاهزة .. اطلع ؟

ابتسم ابي وقلي اطلعي ..

#قلوب_مشوهة
الجزء السادس

طلعت لعندهن وكانو حاطين السفرة وعم يستنوني .. قعدت انا وساكته .. اعطتني قمر رغيف خبز هي ومبتسمة

قمر : جلال قال انك بتحبي البامية وعملتلك بامية برز وبامية ببندورة و بامية مقلية وصينية بامية بالفرن

ضحك جلال : هههههههههه بربي انتي مجنونة ما ضل الا تعمليلنا بامية بالعسل .. مشان التحلاية يعني

صفنت قمر شوي كأنها مو فهمانه : ليش ما قلتلي كيف بتنعمل كنت عملتها !

جلال : هههههههههههههه

قمر : شبك عم تضحك ؟

انتبه علي جلال انو عم اتطلع فيهن بعصبية .. صار يسعل و حط عينو بالأكل : يلا بسم الله الرحمن الرحيم خلونا ناكول ..

اكلت كم لقمة وحسيتهن و قفو بحلقي وما عاد نزلو .. كانت قمر كل الوقت عم تحكي ما سكتت ولا لحظة .. بتحكي بكل شي وحكي فاضي و تافه كانها ما بتعرف شي بالحياة .. وجلال يحاول يختصر المواضيع و يحكي معي ..
رميت الخبز من ايدي وقمت ..

قمر : وين رايحه ضرتي معقول الاكل ما عجبك ؟

رنا : انا مو ضرتك وليه انا مو ضررررررررررتك

صرخت فيها بصوت عالي وتركتهن وفتت وسمعت صوتها هي وعم تبكي برا .. بنت صغيره جابها و فضلها علي و تركني واجه مصيري لحالي .. كل شي كان كذب .. كل الحب الي حكالي عنو و الوعود طلعت كذب .. هلأ صار يعاملني كأني اختو مو كأني مرتو .. مخليني عندو شفقة .. كلهن بيستاهلو الحرق .. كلهن .. كلهن ..

كانت النار عم تكبر بصدري و الوجع عم ياكلني اكل ، بعد يومين قمر ضبت غراضها وراحت على بيت اهلو لجلال .. بس ما كان يقعد عندي يرجع من شغلو لعندها ياكول و يجي ينام العصر و بس يصحى يرجع يطلع وضل ببيت اهلو للساعه تنتين بالليل يجي لعندي .. وبيوم من الأيام .. لما رجع لحقتو قبل ما ينام وحكيت معو

رنا : جلال ليك قبل ما تنام بدي قلك شغله ..

جلال : اي شو

قـصـة جـديدة بعنوان: #قلوب_مشوهة

#ⴅმძ3Һค

القصة مو رعب بس فيا جن وهيك..للي مابحب هيك قصص
#قلوب_مشوهة

الجزء الأول

- انسة انسة انسة. ليكي شو رسمتلك وردة

مسكت الورقة وتطلعت فيها بملل : شاطر حبيبي حلوة كتير

- طيب اكتبيلي هون ممتاز مشان ورجيها لماما ؟

اخدت قلم الحبر الأحمر و حطيتلو عليها نجمة و رجعتلو الورقة : يلا روح كمل رسم مع رفقاتك

قمت من مكاني و وقفت على باب الصف .. شفت الأستاذ جلال مدرس الرياضيات واقف مع شادية بالباحة ضليت عم راقبهن وكانو يحكو بانسجام و يبتسمو .. توترت كتير ما بعرف ليش ..

الفتت وراي على الأولاد كانو عم يرسمو ويلعبو بالألوان ندهت لبنت منهن وقلتلها توقف عريفة على زملائها لارجع رتبت تيابي و طلعت مستعجلة باتجاه جلال و شادية .. وقبل ما اوصل بشوي انتبهو علي

جلال : اهلا وسهلا انسة رنا
شادية : شو رنا مو عندك درس هلأ ؟

وقفت قريبه شوي من جلال وابتسمتلهن بهدوء : صباح الخير اول شي .. ايه عندي درس بس شفتكون وحبيت اجي سلم عليكون وانشغل بالي ليكون صاير شي مشكلة جديده وعم تحكو فيها ؟

شادية : ليش ما بصير نحكي الا ازا كان في مشكلة ؟

حك جلال راسو و حاول يخبي ضحكتو ..

عملت حالي ما سمعت سؤال شادية والتفتت على جلال : استاز جلال كنت حابة احكي معك مشان نعمل نشاط مشترك للطلاب .. يعني انا بحس انو الرياضيات و الرسم مادتين بيكملو بعض وممكن نعمل شي كتير حلو و لا شو رأيك ؟

جلال : فعلاً معك حق .. انا جاهز بس عندك فكرة معينه ؟

رنا : ممممممممم

شادية : طيب لكن انا بالأذن بدي روح

رنا : وين رايحه شادية ؟

شادية : بدي جهز حالي عندي درس بعد شوي خلص انتو خدو راحتكون

رنا : يعني رايحه ؟

شادية : ايه

رنا : خلص لكن خديني معك وانا بدي ارجع شوف طلابي صوتهن وصل لهون ..

شنكلت ايدي بايدها و التفتت على جلال : منبقى منحكي بالنشاط استاز جلال

حط ايدو على اطار نظارتو وابتسملي : ماشي أنسة رنا .. تحت امرك ..

كزت شادية اسنانها بقوة على بعض و حكتلي بهمس : يا ريت يا انسة رنا نكون قدوة حسنة لطلابنا وما نعمل هيك حركات مولدنة لانو عيب الموقف الي صار من شوي ..

تلقائياً صار وشي يقلب على ألوان قوس قزح و غصيت بريقي وصرت اسعل : عفواً ؟ ما فهمت شو قصدك

سحبت ايدها بقوة وتطلعت فيني بحدة : لا انتي فاهمة منيح ..

تركتني ومشت .. كنت بدي الحقها و حاول صلح الموقف بس قررت انسحب مشان ما تكبر القصه ، رجعت لعند طلابي و لقيتهن عاملين كوارث وموسخين بعض بالألوان .. نسيت شوي الموقف البايخ الي عملتو وانشغلت بتنظيف الطاولات مع الأولاد وما قدرت عاقبهن لان حسيت انا الي لازم اتعاقب ..

رحت على غرفة المعلمين و قعدت على طاولتي انا وتعبانه .. طبيت وشي على الطاولة و تنهدت .. من وقت تعينت بهل مدرسة وانا ما عم اعرف حالي

بعمر ال23 سنة عم اتصرف تصرفات ما عملتهن بعمر ال16 سنة ..
كنت بنت راكزة كتير او تقريباً مثالية ، شايفه حالي وما في شي بيعجبني او بيلفت نظري .. انا بنت معجبة كتير بحالي .. معجبة بجمالي الي وهبني ياه رب العالمين وخلى الناس تبلش تتقدملي من لما صار عمري 14 سنة .. بس لاني مدللة ابي وامي ولاني بنت عنيده كتير ما كان يعجبني حدا و رفضت الكل لان ولا مره حسيت في حدا بيستاهلني عنجد لدرجة ما عاد حدا دق بابنا او فكر يتقدملي ، الموضوع ما كان يزعجني لوقت ما تخرجت و اختي الي اصغر مني تجوزت وصار عندها بنت ، مع هيك غروري و ثقتي بنفسي ما تغيرو ابداً ..
بس جلال كان اول شب بيلفت نظري و بيجذبني ، مع انو مظهرو الخارجي تقليدي نوعاً ما ..
مدرس رياضيات بيلبش بنطلون قماش و قمصان مخططه بشكل طولي و نظارات باطار اسود .. ابيض و طويل و عيونو عسلي و شعرو بني فاتح .. هلأ انا ما دققت كتير بس هي مواصفاتو بشكل عام ! ...

جلال : أنسة رنا .. أنسة رنا ..

رفعت راسي بسرعه و وقفت بمكاني : جلال ؟ ..
عفواً .. استاز جلال ؟

جلال : خير تعبانه شي ؟

رنا : لا ابداً
تطلعت على تيابي وضحكت : تركت الاولاد خمس دقايق لحالهن ورجعت لقيت الالوان عم تطير بالهوا .. تعبت وانا تظفلهن تيابهن وايديهن و الطاولات ..

ضحك ضحكة عالية و طويلة : بسيطة بسيطة ... افطرتي ؟

رنا : لأ .. ايه ايه امبلى افطرت

جلال : ايه او لأ ؟

رنا : ايه .. ليش ام النور بتتركني اطلع بدون فطور

جلال : ام النور ؟

رنا : ايه امي ..

جلال : ايوه .. يخليلك ياها .. طيب لكن منشرب قهوة سوا ؟

صفنت شوي ... معقول الموقف الي عملتو اعطاه فكرة غلط عني !
غيرت ملامح وشي و تطلعت على المكتب قدامي ورديت بجدية : لا بعتذر منك عندي شغل

جلال : بس كنت حابب نحكي عن النشاط المشترك الي اقترحتيه علي

رنا : النشاط ؟ هلأ انا بصراحه فكرت شوي وحسيت انو الرسم والرياضيات ما دخلهن ببعض بنوب .. ما في اي شي مشترك ممكن نشتغلو سوا

جلال : اي بس من عشر دقايق كان حكيك غير هيك ؟
تنهدت ومسكت القلم وصرت طقطق فيه بايدي : اي بس رجعت فكرت وشفت انو ما بيزبط

جلال : طيب .. متل ما بدك انسة