البـارت 42 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


وقبل العرس بيوم: في بيت محمد
مرام:ذلحين يا ميثم امي ما عتحضرش عرسي وعرسك خليني اتصلها وابسر

ميثم:اتصلي قد انتي اخبر

حنان:ايوه من معي

مرام:اماه

حنان: مرام

مرام:ايوه كيف انتوا

حنان :ما تشتي مني

مرام:حابه اقول لكم ان عرسي عيبدا من غطوه عتجوا عندي وعند مرت ابنكم او مع

حنان:ما عد اجيش لا عرسش ولا عرس ميثم لان هو خطي بعد ابوه وتزوج بنت عمش وغلقت لا وجهها

مرام بكيت

ميثم حضنها يهداها حضن وحنان الاخ السند ورزح الظهر (الله يخلي كل اخ لاخته وانا الله يرزقني باخ عن قريب قلوا ان شاء الله):خلاص ياختي ما عليش شي كل شي عيسبر اهم شي لا تتعبيش نفسش انتي حريوه واليوم العقد حقش شويه ونسير نعقد هيا البسي العبايه


في بيت الجد:
بدا العقد حق ميثم وليا اول شي شويه ودخلوا بالدفتر حق العقد لاعند ليا وهي ومرام جالسات وكل واحد سارحه بحياتها القادمه كيف عتكون

#ليا بزت الدفتر وهي بترجف من الخوف والفرح بترجف من التوتر والسعادة كل شعور في هذاك الوقت تملكها الا شعور الحزن الشعور الوحيد اللي كان مش موجود عندها

بزت الدفتر وجلست تبصم على الورق حق العقد

خرج ياسر وفي يده الدفتر وكملوا يعقدوا لمصطفى ومرام

#ميثم كان فارح وسعيد كان شعوره ما ينوصف وولا اي حرف من حروف اللغة العربيه تعبر مدى سعادته وفرحه ...فرحه لان البنت الذي حبها وعشقها وكان بينهم حب عفوي وطاهر الان اصبحت ملكه كان مبتسم واتسعت ابتسامته لما ابسر ياسر جاء بالدفتر وهو مبتسم فرحته زادت واليمن بكلها ما تساع فرحته وسعادته ...سعادته لان البنت اللي حبها الان اسمه اصبح مربوط باسمها


#مصطفى كان فارح وزاعل في نفس الوقت كان شعوره شعور حقد وغل لمرام ليش وافقت به وهي عادهي بتحب سام و بيحس بسعاده وبتملك لان البنت اللي حبها عتكون من نصيبه كان حبه حب تملك حب تملك لمرام


#مرام حزينه وحزنها ما تساعه صنعاء بكلها متوتره قاطع سرحانها دخول احمد بالدفتر ابسرت الدفتر بخوف وحزن ودموعها كانت على وشك السقوط

بزت الدفتر وطرحته فوق حضنها لفت انتباها اسم وبصمة مصطفى جلست تبسر فترة من الوقت وهي تتامل اسمه الكل كان بيظن ان تاملها وسرحانها كان حب لمصطفى اما هي كانت تتخيل اسم سام مكان اسم مصطفى كانت تتخيل ان هي الان عتنعقد بسام مش بمصطفى كيف عتكون سعادتها غمضت عيونها وهي جالسه على تخيلها ما صحيت من تخيلاتها الا على صوت الزغروطه الذي هزتها من داخل صحيت وقد بصمت على انها تكون زوجه لمصطفى مش لسام حب حياتها تمنت ان هي ما بصمت وولا وافقت ان هي تتزوج بالاصل ....

احمد حب راس مرام وبز الدفتر ودخل وهو فارح لبنته

الكل بيبارك لميثم  الاخ ميثم طبعاً فارح ومصطفى وهم الاثنين مشخرين بيضحكوا والبنات فارحات اثنين فارحين بالعقد حقهم واثنين العكس مصطفى بيبين ان هو فارح بس من داخله حزين ان البنت الذي اتزوج بها بتحب شخص ثاني بس قرر قرار في باله وعينفذه 

اليوم الثاني يوم الحمام :
سارين يتحممين الحراوي في حمامات البخار ومعاهن صاحباتهن والاهل وبعد ما رجعين لبسين اللبس الصنعاني الاسود ابو قرقوش(كوفيه)المطرز ولبسين قناعات وتلثمين وما فعلين الا كحل ومسكره وقلوس(احمر شفايف) باينه خفيفه من وراء القناع وزفوهن خرجين الثنتين وكل واحد في يدها ورده وشذابه من العين وبدات الزفه (ساعة الرحمن ذلحين..ساعة الرحمن ذلحين..والشياطين غافلين..يا عروس...والشياطين في جبل صين....حجبي يامه عليا....) حبيت انقلكم بعض من عادات اهل صنعاء

(طبعاً العرس وقع في بيت الجد والرجال والحراوه في بيت محمد)

بعد ما تصورين الحراوي وكل واحده اخوها وابوها والجد والعم دخل يتصور معاها روحوا الناس

الليل والبيت ملان من الاهل والبنات سامرات في بيت الجد طبعاً ميثم ومصطفى والرجال كلهم في بيت محمد والخيمه جنب البيت

بعد ما دخلين البنات يرقدين لانو قد الساعه ٣ الفجر







📚 @rewayatyamania 🇾🇪