🎗🧣
310
🧣🎗


.
روان: جدو وانا اشتي شبس
عبدالرحمن : ياجنااااه لهن قامين يتفرطين كلهن.. مابش جغابص هولا مادراني ماهن..كلو الحاصل
معاذ: هيا نفعل مظاهره ساع التلفزيون
روان : هيااا..
اريج وبصوت هي وياهم : نشتي بيتزا ..نشتي شبس نشتي ييض...
عبدالرحمن بيصيح ويقلب ابيض ويحرق بالملعقه والزيت يتطاير لاوشه: قلت اص لكم لاصي...
لفحت النار حق البوتجاز.. وصلو ف الحوش بالسياره... الجهال بيضحكووو عليه..
عبدالرحمن بيصيح : اخر يوم انتبه لكم مابش خرجه لهن.. داخلات من الحوش ..
نجميه : الله يستر قد ابوش بيقالع
سوسن : يعلم الله مافعلو
اسماء: وينهم مابحد ف الديوان
هديل : صوت ملاعق وطيسان ف المطبخ
نجميه: يوو والفعله مابتفعل هنا
عبدالرحمن : لاذلحين انتي وهي هاا ابسرين مافعلو
سوسن بتشوف البيض وضحككككت: يووو والفعللله
عبدالرحمن : رجم الملعقه وغسل يده..ها جي ابسريهم
نجميه بتضحك : سبحان الله ثلاثين سنه ماتعرف تمسك صحن ودخلوك جهال بنتك

ف القاعه..
فاتن : شفتي على صبغه وفستان لابسته يعلم الله بكم..
امل: حتى خواته من قبل لبسهن حالي
فاتن: وصابغه واثار النقش وفاعله روحها عادهي حريوه
امل : ايوه قال اسامه فعلو عرس وسافرو شهر عسل
فاتن : ماعلينا ايحين عيجيلش اسامه
انا زوجي ف الطريق.. نرجع البيت..
بسام : الله الله
هديل كانت ممكيجه : يلله انا بطلع اصلي
سوسن : تمام ولاتنزليش خليش وانا شاطلعلش عشا قد ابي فعل للحاره
نجميه: وين اخوك ؟
بسام : عيسير مع اخوه اسامه يشلو الحريوه..
هديل سمعت وضبحت : طلعت غرفتها بتتبرررقط... لايشوف فاتن ! لو تكلمه ؟ ليش صمم يشلها ماله دخل منهم..
تمسك التلفون وتفتح قائمه الاتصال وتغلق.. تكتب رساله وتمسحها... وبتاكل اظافيرها وتلووي

رن تلفونها..
هديل : هيا وينك ؟
هيثم : قد روحتين ؟
هديل: ايووه
هيثم : مالش؟

زعلانه منك..
هيثم خااف : خيررر ايش في
هديل : مابلا تجي الان ولا الان..
هيثم : في شي ؟
هديل : ايوووه
هيثم : يلله الان..مسافه الطريق.. في غرفتهم..
هديل : رتبت الغرفه وزينتها بالشموع ..والفل حقها

فوق السياره..
هيثم : ياساتر لايكون وقع شي بينهم..هذك مستفزه واعرفها عتدور هدارر ... وهديل ماقد قالت لي جي ابدا وبسرعه اكيد في شي.. طفت الغرفه وجالسه ف الطاقه مراعيه تشوف سيارته
هيثم وصل : طفا السياره وطلع بسرعه
نجميه : هيثم يااي
هيثم : شانزل
بسام : يمكن نسي شي

هديل وقفت ورا الباب : بتسمع فتحه باب الشقه
هيثم فتح الغرفه : شاف الشمووع
هديل خرجت من ورا الباب مبتسمه: وحشتني
.

#مكملين_الليل

📚 @rewayatyamania 🇾🇪

🔴⚪️⚫️
290
🔴⚪️⚫️


.
سوسن : دخلت..
علي بعد السماطه وطفى السياره ونزل: لحق بسرعه لداخل...
سوسن: بتدور صحباتها
علي بصوووت: انا قلت مابش جامعه
سوسن انصدددمت خااافت : فلتت ومشيت
علي: اووقفي هنا مش حالي التبداع
سوسن بصووت واطي: رجاااء تبطل قله ذوق وتحترم نفسك مالك دخل فيني ع اي اساس بتلاحق
علي: عادش ام جهالي ولو اشتي اردش شاردش غصب عنش
سوسن ماااسكه نفسها لاتبكي: مشيت
علي بعصبيه نسي نفسه: مسكها من يدها..
كان واحد من المكتبه الدور الثاني بيشوف للممر حق الجامعه : نزززل بسرعه اول ماكان يلاحقها وهي تمشي..
سوسن هزرت يدها منه : حسابك مع ابي واخوتي..
الطالب وصل : مالش يا اختي هذا بيضايقش؟؟
سوسن بقهررر وبتبكي : ايوووه
الطالب هزر علي لاخارج:لو سمحت هذه الجامعه مش للصياعه معك شارع
علي هزره من ياقه الشميز : وانت ماعليك ومادخلك يا حيوان
الطالب هزر يده بقوه: احترم نفسك.. جاي تلاحق بنات الناس لاهنا
سوسن مفجووعه: بتتفرج وخايفه يحصل شي

بعد مارجعو من الغدا مع ابو محمد.. سامي: انا متفائل وحاسس انه عنربحها
علوان : الله يسمع منك ياخي تعبنا والله غربه وجعجعه اهلنا يشتو يفرحو بنا
سامي: ابو محمد ف البدايه خفت منه بس بعدا ارتحت له
علوان : على الله ،ان شاء الله ثقتنا بمحلها انا قد تبهذلت كثير فماعاد تفرق معي
سامي: المهم ياخي كيف افعل الان بالمهر وصرفه اهلي ..واين اسكن؟؟
علوان : واهلك ؟
سامي تنهددد: اهلي والله صعب وصعب افتح بيتين
علوان : خلاص اص بس غمه اليوم تعبنا نكد خليها ع ربك ..
سامي ابتسم : والنعم بالله..رن تلفونه رساله...
رهام : وحشتني ..كنت احس انك ف صنعاء ولو ماشوفك يوميا بس الان حسيت بعد خطوبتنا انك جزء مني وبعد عني
سامي تنهد والله ياخي صورته يوم هم :رد لها ( لاتجننيني بكلامش هذا ..عدنا احسب كيف اجمع المهر
ومتى نوصل لبعض..داومتي الجامعه ؟
رهام : لا ..بكره باروح ..كل ماذكر انك مش موجود واضبح..
سامي: ليش مش انا بقلبش؟
رهام : هنا المشكله بقلبي وخاتمك باصبعي بس الكرسي حقك فاضي بجلس اتعذب كل محاضره..
سامي: لاتخليني افلت وارجع وبعدا نطنن سوا..
رهام مسحت دموعها وضحكت ردت : لا خلاص ماحبكش ولا اشتي اشوفك.. نرجع لسوسن وعلي..
سوسن مفجووعه: بتتفرج وخايفه يحصل شي
العسكري حق البوابه وصل له خبر ان في مضاربه:وصل وفرقهم ، خيررر مالكم !
الطالب: انا كنت فوق اشوف هذا بيلاق البنت هذه..
علي: وانت مادخلك مافيضلك ؟
العسكري: اصصص الاثنين تعالو معي ..
علي: ماشاجيش اول ادرى الخبرر هذه مرتي
سوسن : كذاااب
العسكري: تعالي معاهم لو سمحتي يلا ادخلو عند العميد احسن ماحولكم مركز التاديب حق الجامعه...
.

#مكملين_الليل


📚 @rewayatyamania 🇾🇪

نفسي الان السبب وروان كانت طيبه معي وما انسى وقفتها
اصاله :والان كيف سليمان صدق نسيها
ديانا : ما ادري ما ادري كيف بيفعل اخي والا ايش براسه بس الذي اعرفه ان ما بقلبه غير روان
......
رامي : بكره ان شاء الله بتطلعي يمه وترجعي تنوري البيت
يسرى: ايه والله البيت بدونك ولاشي ما يعتبر بيت الا حجار وحديد
ام سليمان : الله يحفظكم ولا يوريني بكم سوء
رامي: طيب انا الان طالع اشوفك بكره يمه
ام سليمان :الله معك
رامي خرج وهو صدم بهثيم
سكت بتردد: كيفك ي هيثم
مارد عليه وشاف ل امه واخته يدخلين
كوثر مرت من جنبه وهو يشوف له بنظرات قاتله
ورجع خرج

........
راشد : قال عائلته بيجوا الثلوث والخطوبه الخميس
عصام: والعرس متى ؟
ابتسام : بعد سنه من الان
روان ب ابتسامه : ليش ؟ ليكون بهذه الفتره بيحاول ينسى زوجته الاوله
راشد: لو ما نسيها ما يخطب غيرها ؟
روان سكتت
عصام : كلام راشد صحيح لو بيحبها مابيتزوج
ابتسام ساكته وهي تتذكر : تاكدي انك بترتبطي بشخص قلبه عند شخص ثاني
لينا:ليش مهتمه بقصه زوجته يـ روان
روتن : لا ولاشي بس معروف انه كان يحبها والذي يحب ما ينسي
لينا: الا ينسي يـ روان اذا شاف الذي يعوضه بينسي
شافت للينا بهدوء: هه
ابو روان : المهم الذي تشوفيه مناسب لك ي ابتسام ويسعدك افعليه
روان تكلم نفسها: ماعاد بنتك ما سالتها الذي يسعدك افعليه ،. كنت تجبرني غصب ع هذاك وانا مو طايقته ؟ ب ايش ابتسام افضل مني اخذت ابي واخذت سليمان ؟ ايش باقي تاخذ كمان
.........
ديانا : الحمد لله ان امي قد بتطلع بكره يا الله كيف انا مشتاقه لها
رامي: وانا والله
ديانا : المهم انها بخير وقدرنا ننقذها
رامي سكت
ديانا : تفكر ب الذي افكر
رامي: تتوقعي يـ ديانا احنا ظلمنا روان ؟
ديانا :....
راجع ظهره الى الخلف:شفت كوثر
ديانا : وبعدين
رامي: اخوها بيقلب علي صور
ديانا: هههه وكيف تشتي يبوس راسك مثلا
رامي: خليهم يـ ديانا رضوا او مارضوا هي تحت ايدي وتصرفي
تشوفي ي ديانا كيف بكسر لها غرورها
ديانا : تتوقع يـ رامي بتكون تساعدنا مثل روان
رامي : مثل روان ما اعتقد بس غصب عنها بتساعدك والا بتطلع نفس
ديانا :....

.........
#مكملين_الليل


@rewayatyamania

170 ⛱


ف الديوان ...
الوسيط خال احمد: صلاه على رسول الله..
الرجال كلهم ردو بصووت، اللهم صلي وسلم على سيدنا محمد وعلى اله...
الوسيط: ابسر عمار ، احنا جيناكم خاطبين راغبين بنتكم رشا لابننا احمد.
عمار: اهلا وسهلا شرفتونا خير النسب وخير الشباب.
الوسيط: المهر والشرط وتاريخ العرس لاوقته.
عمار: ان شاء الله.
الوسيط: الله يجعل في ذلك الخير بحرمه الفاتحه.

احمد: ولا الضالين امين، ومسح وشه ،
الجميع قام يبارك له ويسلم عليه.
الوسيط: شل الشنطه لاعند عمار.
لانص التخزينه كلهم خرجو واحمد، جلس عند محمد

محمد: دخل الشنطه والقات
عند النسوان...
البنات فاتحات اغاني وبنات الجيران بيرقصين.
اروى: صلين ع النبي ، وفتحت الشنطه، ولبست رشا الفل...
زهور: بتوزع الكيك والببسي.
حنان: بتعاونها.. شلت الذهب ورفعته، غمزت لزهور..
بعد المغرب،، الكل بدء يروح بقي الاهل بس..
حنان: شاورت زهور..جهزتي السكين والقلصات ..
زهور: ايوه وفعلت لهن شرايط ..
حنان: والكاميرا معي، جهزي الاغنيه ..
زهور: تمام.

حنان: خرجت تدعي محمد، كلمته واحرجته.
محمد:تمام ع طوول، ازيد اجهزه لكن واسبكه.
حنان: ايوه عقبالك الله يسهلك مافي نفسك.
محمد: اممممممين.

النسوان جالسات..
حنان: رفعت الببسي والقراطيس من القع،، وسحبت رشا لخارج.
رشا : يو حالي افتهن تعبت التسريحه ضبحتني.
حنان: جي لهنا، صلحت لها المكياج، خففت البتره(الروج).
رشا: مالكن؟
حنان: قال محمد ،عيال عمتش اماني عيدخلو يسلمو عليش.
رشا: يو ابسرين الفستان كيف؟
زهور: ها البسي ذيه الشال بسرعه.
رشا : لبست ماله قرررمد، مابش داعي, يدخلو المكياج قوي .
حنان: قد مسحته، هيا البسي..
حنان : سارت تدخل احمد
زهور: دخلت كرسي جنب حق رشا.
رشا: دخلت قددي محمرره خزا ،جلست فوق كنبه ابو نفرين (فعلنها حنان وزهور_)عسب لما يدخل احمد،
اروى: بتبسر ل ايناس ولرشا مالش لبستي؟؟
حنان: دخلت ماسكه احمد وبتحجررر(زغروطه)
اروى: لفتت تبسرهم من الباب وبتحجر(للللللي) وهي بتدمع.
ايناس: ضحكت،، حسسسبكم الله
زهور: فتحت الاغنيه.
رشا: وووطت راسها خااازيه ، ويدها بتنتفض .
احمد: فارررح ممشخرر(مبتسم بقووه).
وصل بارك لرشا ،، حنان: ناولته الدبل ، لبسها.
رشا: يدها بترتعش.
احمد: بيتفررج للدبله ويده بترتعش والكل.
قطعو الكيكه وتصورو ، والمحاجررر ملان المكان والاغاني.
رشا: فااااارحه وخازيه
احمد :بيبسرها وهي تخزا، قرب شاورها، واخيرا قدش خطيبتي، كم راعيت لليوم هذا.
رشا: وطت راسها وابتسمت.


#مكملين_الليل

@rewayatyamania

بالبيت وتزوجها فتره ومن هذا الكلام للاسف انتم مهمها كبرتم بتضلوا صغار بتفكيركم
قام بعصبيه
ام سليمان تشوف بعده: كذا وكل ما جلس اخوكم لازم تنرفزوه
ديانا: احنا بننصحه بس ما يهتم
رامي: بيظل طول عمره هذا الفقير لانه بيفكر بقلبه
ام سليمان: يظل فقير بس اقل شي شريف ام انتم لو تمتلكوا كل شي بتظلوا فقراء ادب
ام سليمان قامت بعصبيه
ديانا : يا ساتر والقصف
وديانا تشوف ل رامي وهو كمان وضحكوا
روان تذكرت: مستحيل تحصلي رجال مثل سليمان ابدا
ابتسمت : كل يوم يكبر بنظري فعلا شخص مختلف !

.........................


#مكملين_الليل

@rewayatyamania

🍄
159+ 160
🍄


.
علوان : حبيت وخلاص ياخي قد حبيت الان محتاررر ومش داري ايش اسوي
سامي: طيب كيف حبيتها !
علوان : كنت في شركه متواضعه وحصلت مشكله وقفت معها ومن يوم اكتشفت فيها اشياء حبيتها طيبتها ..المهم باختصار حبيتها وبس..
ساامي : ماووودف بنا الا الحب هذا علوان : كمل اكلك لوما يفرجها رب العالمين

قدام البيت..
هيثم: وقف قدام البيت ولا ادا كلمه..
هديل : فتحت الباب ونزلت ورزعت الباب بقوه
هيثم : عمى
هديل:دخلت من باب البيت وغلقت لاوشه
هيثم ضببح: فحططط ملان الشارع بالتواير ومشي
هديل دخلت :بتسلم عليهم
نجميه : حيا بنتي شررق الساعه 2:30 اطلعي سبري شعرش وجهزي لش ثياب
هديل: مش داريه ايش البس ؟
سوسن شافتها وراااحمه لها: تعالي معي وريني وانا اختارلش
هديل طلعت الغرفه: فتحت الباب
سوسن : يووو الله يهديك ياهيثم كيف خلاها
هديل بتتفرج: ملابسه ف الارض وفوق السرير وفوق كرسي التسريحه..السجاده ف الارض..الستاير مغلقات..السرير مرفوس المعاليق ف الارض والسرير...وف زاويه الغرفه ملابسها مرجومه...
سوسن : كان عيتحاكى حد يطلع ينظفها
هديل سساكته: فتحت الستاير والطيقان وبترفع السرير
سوسن : هديل انتي وهيثم متزاعلين صح
هديل : ساكته
سوسن : عادي براحتش لوماتشتي تتكلمي بس اعتبريني اختش وانصحش وانا معي مشاكل وكل بيت فيه مشاكل..
هديل : حاسه هيثم مايشتينيش مابيحبنيش ..
سوسن : اقلش بصراحه وماخبيش عليش هيثم كان يحب واحده وابي رفضها بس هذه مش مشكله تقدري تغيريه وتكسبيه
هديل : اذا مابيحبني كيف اغيره ؟
سوسن : شاقلش بعدين ، يالله ابسر ملابسش
هديل : فتحت الدولاب وكل ثيابها ف الارض حق الدولاب
سوسن : يوو من فعل هكذا
هديل بضبببح: علقت الملابس وبتوري سوسن اي واحد فيهن
سوسن : هذا حالي رقيق واحب اللون البطيخي وانتي قمر اي شي يطلع فوقش يجنن

هديل انحرجت : بس الظهر مفتوح شويه
سوسن : عادي مش قوي
هديل : ماقد لبست هكذا من اول
سوسن : سهل البسيه شعرش طوويل ماشاء الله عيغطيه
هديل :تمام..
سوسن : والبسي معه الذهب
هديل : تمام
سوسن : يلله قومي ابسري ماتفعلي وانا انزل اتجهز .
هديل :تمام
سوسن : نزلت
هديل : بترفع الغرفه وتبخرها

في المستشفى
عبدالرحمن: ياخي ادخل شويه
الممرض: لا ، العنايه ممنوع تدخلوها
.

#مكملين_الليل

📚 @rewayatyamania 🇾🇪

335 🍒


رشا غمضت عينها: واحمه ياسلحف...، سكتت شويه احمدددد هيا تاخرت.

احمد استغرب: مااالش بتصيحي ، بينخطى هاا .
رشا: اووووف
احمد: ماتشتيش تختبري لاتسيريش ع الطبيعه هذه
رشا: بكككيت.
احمد: الله يدحنا المصايب وشغل السياره.
رشا: طلعت.. امريكا ف السووق..
سلوى: ابسرين يابناتي هااا ع فساتين زفاف لو نشل لكن من هنا.
سما: حاليات بس سامجات اشتي فستان رقيق ونفس الوقت مطرز
سلا: ايوه صدق، ما قماش فرص ، شالبس الستاير.
سلوى: لو لقينا حاليات سهل التطريز عنرجع نعدلهن.
سما: اهم شي فساتين سهره هنا حاليات.
سلوى: اول نشتري الهدايا وبعدا انتين.
سلا: حاضر.

بيت اروى..في التلفون
اروى: اسكه ابسريلي يا اختي الله يرضى عليش واحده تجي تعاونني
عفاف: ارسلش ام صالح.
اروى: ايوه عملها حالي الصدق..
عفاف: وبعدا لو تشتيها ترجع تجي ام الولاد عتجي.
اروى: تمام .، اشتي اركن اقطب البيت قبل ماتولد.
عفاف: ان شاءالله، مازد فعلت حنان ؟
اروى: ولاشي مابش مشكله بينهم الا بعسسه قد رجعت.
عفاف: الحمدلله، ما للمره الا بيت زوجها(مثل شعبي)

ف الجامعه..
رشا: نززلت ، تراعي لي هنا .
احمد: اراعيلش ثلاث ساعات ؟ شاسير اوقع وارجع.
رشا: المهم قوا خليك قريب ، اتم واروح.
احمد: حاضر، ها شلي ذيه العصير لو تعبتي.
رشا: تسلم ،
احمد: مابش تسلم ياروحي.
رشا بضبببح: مش وقت ، مع السلامه.
احمد: مع السلامه، وخطي.. ف بيت ياسر..
رويدا: ابسري كيف القلصات مطبعات هااا
الشغاله: مافي طبع ، انتي بس ماتحبي,شقل.
رويدا: عادش عتتليقني ؟ راعي ،، اماااه(بتداعي)

ف الصاله..
هدى: مدري ماقد بيتحانبين اقوم ابسر.
ياسر: ناقص الشغاله انا .
هدى: دخلت المطبخ ، مالكن ؟
رويدا: ابسرو القلص مطبع او ماشي؟
هدى: الظاهر مسكته ويدها صابون سهل اطرحي تغسله وشلي ثاني
رويدا: اتتو مابتبسروش عملها، قد بتزيد الغنج.
هدى: ضبحت وخرجت.
الشغاله : ماتحب شغلي انا بروح.
رويدا: الله معش، خرجت لاعند ياسر.
ياسر: ايش في ! انتي تشتي زي اختك شغاله ؟ ولا اشتي اسمع نخس دوري غيرها.
رويدا: سكتت .

قاعه الامتحان...
رشا: ماسكه ورقه الامتحان ، حلت اول سؤالين..
طرحت القلم ..
المراقبه : عينش ع ورقتش
رشا مبصمممه: ولانخسس ولا لفتت لها.
المراقبه: بينقلش عينش ع ورقتش.
رشا صيحت: اصصصصصص.

الكل التفت استغربو....!!


#مكملين_الليل


@rewayatyamania

250 ✍


بعد شهرين ...
محمد خلص اللغه ، وقدم امتحان الجامعه وانقبل فيه.نفس تخصص سلا(هندسه معماريه)
سلا: كانت نفسيتها ززفت محمد عندها ومش قادره تشوفه وحاسه انها مرتبطه ب انسان زفت، رسبت وفرحت امد تعيدها مع محمد، وينفذو وعد زمان يدرسو الجامعه سوا .. في اليمن ..قبل عرس ياسر..
هدى: بتتواصل مع ام العروسه.
ام العروسه: مااشي ، مايدخلش القاعه، مابش عندنا هكذا.
هدى: يتصورو ذكريات وبعدا سهل.
ام الحريوه: يا اختي حاكيناهم مارضيوش، واشتي اقلش الفستان مش هو حالي قد البنت حالتها حاااله مريضه ،اختها معها فستان ياسلام، وهي مبدعه جنب اختها حلفت ماتدخل لنا قاعه.
هدى: حالي توفر لكم خساره القاعه، خاطرش يا اختي زوجي بيداعي مع السلامه.
ياسر: ماوافقوش؟ احسسن مالك زعلان؟.
هدى: استغفرالله بس ولاشي ،، اين جت ستارتي،
خرجت لاعند ايناس..
رشا: مدهونه بخلطات ولابسه فنايل ومحجبه شعرها مدهون بزيت، وشرابات..
زهور: فتحت الباب.
هدى: الف مبرووك نجاحكن ،
ايناس: ادخلي ي اختي امانه نتيجتهن بعدت هم العرس.
هدى: لانشكيلي ابكيلش..، اول كم جابين البنات.
رشا: انا حريوه لاحد يحاسبني
ايناس: رشا٨٠ ادبي وزهور٩٢علمي
هدى: مااااشاءالله ، الله يوفقهم ويسعد قلبش بهن وب اخوهن.
ايناس: امين ، انا فدالها اختي سلوى واخي يحيى، كل اسبوع عندهم، الله يبرد قلبهم سع ماقلبي بارد وامن عليه.
هدى: امانه قلبي عيفتقش اسمعي ياختي.زنين وخيطت لهم ٥ وفساتين طلبين خمس جاهزه والواحد ب٣٠٠٠٠ وادينا٨٠٠مهر وفستان الزفاف والله انو ب١٥٠ الف، وماعجبهم.
ايناس:هنيت لعينش ، وانتي بتمكنيهم حاضر مرحبا
هدى: مااافعل قليلي وابني يشتي طبززه يفركشها.
ايناس: قلي مابش ماعجبكمش بيعوه.

محمد: رسل لسلا يبشرها بقبوله ونجاح خواته.
سلا: قالت لسما وردت ع محمد.
سما: اتصلت تبارك لهن..
جاوبت ايناس..بعد السلام وكيف الحال ..الخ
سما: الف مبروك ياخاله للبنات.
ايناس: الله يبارك فيكن ويوفقكم كلكم.
هدى: من ؟
ايناس: سما، ها حاكيها.
هدى: يووو لاغيبكن يابناتي ، عرس ابني الوحيد ولابه من يحجر ولا به من يمسي ويعاون.
سما انصدددددمت: ايحين !!!
هدى: بعد اربع ايام الخميس ان شاءالله.
سما بتسسمع سكته: غلقت التلفون ، وحست بضيق.
سلا: فصل الخط عليش ؟؟
سما: طنشت ، وقامت لبست جاكت وخرجت الحديقه، بكككيت ماقدرت تستحمل...وانقطططع املها بياسررر، كانت امنيتها تتزوج تعزي وتروح تعز.


#مكملين_الليل


@rewayatyamania

🦋 🦋
240
🦋 🦋

.
رهام ابتسسسمت : داخل نفسها انا اوووريك ياتافه فعلتها !
اخت رهام : الابتسسسامه علامه الرضا ..اخيرا يتقدم لرهام وتوافق
رهام بتلغاج: ساامجه ماقد وافقتش
ام رهام حست بشي: تعرفيهم؟
رهام ارتبشت خافت : منهم..
ام رهام : الي تقدمو لش ..ابسرتش ابتسمتي
رهام بتجابر نفسها ماشكذبش اقلهم الصدق: هو زميلي ف الجامعه
خواتها بصووت : ايووووه يادلع.. والثانيه..قد بنقل الابتسااامه
امها : كنتي داريه قال لش انه عيجي؟
رهام خااافت: ماااشي والله وقبالكم استغررربت انه هو
ام رهام : المهم عيال الناس هكذا يجو من الباب

رهام فاااارحه : نفسها ترجع غرفتها تكلمه وخايفه يحسو. جابرت نفسها( والله لاردهالك يا سامي)

بيت صالح..
افراح : قومي عشي ابوش
هديل طنشتها : وقامت تجهز عشا ابوها
افراح لحقتها للمطبخ : عجبتيني قووي وريتيه ان كرامتش اهمم منه ودلعه لش
هديل ضحكت: اهم شي هذه عجبتش..
افراح : ايوه ياسعم انش مابش معش كرامه
هديل : هو لانه معي كرامه اقوم انقلع لي من هنا واسير بيت زوجي معززه مكرمه .
افراح ضحكه مستفززه : معش كرامه بعد ماقلش مايشتيش
هديل :لومايشايني مارجع لي ومابش بيننا شي..انا حنقت من عصبيته اما انتي بتلتعني وتتبهذلي وعااادي عندش
افراح حنقت :ومشيت لاعند صالح

ثاني يوم الصبح..بيت وائل
فاتن لبست تجهزت : وبتقرب الصبوح لوائل
وائل لابس وجاهز يخرج : لابسه لوين ؟
فاتن : الجامعه
وائل:شاوصلش على طريقي
فاتن تمام وسرحت مع نفسها: حاااالي خليه يقتهرر يتحمل كيف ضيعنا عن بعض بسسبه
وائل : اصتبحي مالش مطننه والخبزه في يدش..
فاتن اكلتها بالغصب : وقامت تلبس
وائل شبع : انا بخرج ادفي السياره
فاتن قلبهاا بيدق : دخلت تلبس البالطو واللثمه، عيجي اليوم !


في الديوان..
علاء :قام يلبس للعمل
سامي شاف التلفون الساعه 8: فتح الرسايل

(( لاتزعلش حبيبي رفضته خلاص))

سامي خاف: معقووول رفضت !! ع حيمره فيني شاكلمها ف الجامعه..قام يلبس

في الجامعه
اسامه وصل بسيارته : شاف هيثم طررق له..ونزل
هيثم وقف السياره : وغلق ونزل..

فوق سياره وائل
فاتن : لو تنزل معي مافيني للغاجه شئون الطلاب
وائل : يلا شنزل بسرعه معي عمل
فاتن طيب: نزلت..
وائل نزل بعدها وغلق الباب: مسك يدها ومشيو
هيثم واسامه بعيد عنهم مسافه متر
هيثم شافها : ووقف بيتفرررج
اسامه : شافهم وشاف هيثم..


#مكملين_الليل


📚 @rewayatyamania 🇾🇪

💐

275 💐

💐


ساره: غلقت وهي مفحوووره.
صلاح: قلنا لش بس يامره ، ماعديشتوش الولد لاترفسيش مالش ؟
ساره: انا ماعدناش ف البنت ورفضها ، الف وحده تتمنى ابني، انا في تيه الطيبه وفعلت هكذا ، خلف سما لسانها شبر ونص

صلاح: لاحول ولاقوه الا بالله ، بدل ماتحطمي عليهن، اتصلي احطمي فوق جهالش ابسرري مابيفعلو، ابنش ياهانم لاذلحين لاجا يعتذر ولاشي عاد الحنق له ،، خرج وصررررع الباب بقوووه.
ساره غمضت عينها بقووه: نكززت من صرعه الباب
والله انني ودفت بهن، مادخلت بيننا المشاكل الا من تحت راسهن، اين جا الزفت ذيه.
مسكت التلفون..
رشاد: ايووه، حياا بكم.
ساره: لاتتصو ولا مابلا احنا نلاحق بعدكم .
رشاد: قد انتو دارين بنلتهي
ساره: اسسمعني ماشقلك انت راضي للي وقع ل اخوك ؟
رشاد: ماوقع الطرد قصدكم ؟.
ساره: ماشي الفسخ والمشاكل من تحت راسهم.

بيت ياسر..
رويدا: قامت ، لبست وجهزت لها اداتها ، ومراعيه لياسر يصتبح يشلها.
هدى: هيا بنتي صبوح.
رويدا: مابش نفس
هدى: ماتشتي افعلش ؟
رويدا: ولاشي ، شاخلي ياسر يشتري لي سندوتش من الطريق.
هدى انكسفت: وسكتت ، قامت تجاوب التلفون
ياسر شاف لها :قلتي مابش نفس !! كيف تشتي من خارج ؟!
رويدا ببرود بترد: قصدي لو جوعت.
ياسر اقتلببب: شبعت ، رفعي الصبوح،
رويدا شهقت: يو بتبسرني قدني ب البالطو ؟
ياسر بعصبيه: ارفعي الصحن .
رويدا انصدمت: قامت حنقت للغرفه.

سكن الشباب..ع خرجته وقف ف الحوش يجاوب التلفون ورشاد كان وراه يشتي يكمل يتكلم يسلم عليه.
محمد ماحس برشاد: الو..
عمار: ها يا ابني عتسير اليوم عند عمك ؟
محمد: ايوه امس اتصل وعزمني ، بس خازي لامعي شنطه خطبه ولاشي.
عمار: ماعليك شي شاجهز شنطه منه كله ، وارسلها مع اقرب واحد وانت شل لهم الدبله والمحبس واي شي ف يدك.
محمد: حاضر .يلا ف امان الله وغلق التلفون ، التفت وفي وشه

رشاد ماسمع كل شي: هذا نويت ياولد تخطب سمعت دبله ومحبس و.
محمد: ايوه كان ماهو جيزي من جيزكم.
رشاد حك راسه: بعد اتصال امه ، حاول يغير الموضوع، ودخلو بموضوع الدراسه.

بيت يحيى.. ف المطبخ..
سلا: بتطبخ
سما: انا شافعل ال فحسه.
سلا: انتي قطعي لي وغسولي عسب محمد لو حلفني اقل انا الي طبخت.
سما: احسن، ريحتيني، قليلي كيف ذلحين عتتغدو سوا قبالنا احراااج عتكونو ساع التلفزيون قبالنا.
سلا ضحككت: اسكتي بس ع هم بينهم قووي،
خزا قبال بابا ، احس انهم عيدرو انحنا بنحب بعض.


#مكملين_الليل

@rewayatyamania