#طقوس_عانس
#للكاتبة_جمايكا_أحمد

الجزء الاول ..

#جوليا :- بحياتك مارح تتغير رح اضل طول عمرك اناني وتعيس وبتفكر بس بحالك..

#نديم :-هلاء انا صرت اناني ولا انتي انسانة مابتشبعي ولا قنوعة..

#جوليا :- اي مابشبع الحياة مو أكل وشرب انا كنت عايشة مع اهلي عم اكل وعم اشرب حاجتك تحكيني بهاي الطريقة كل ماصار خلاف بتقلي مابتشبعي على شوية اغراض للبيت عم تسمعني وياريتني انا يلي باكلهن كلن لالك ولعزايمك يلي مشغلني فيهن يوميا..وبعد ما تنتهي عزومتك يا بتنام يا عند رفقاتك ياعينك بالموبايل مابتشيلا ..

#نديم :- اووووف كل يوم نكد ومشاكل ونق مليت من هالعيشة هاااي ومابدي ضل بالبيت ..كرهتيني فهالحياة يلي كلها نق ..

#جوليا :- ليش مو انت يلي كنت قاتل حالك لتعيش معي هلاء صارت ماتعجبك ..

#نديم :- لا ياستي ماعاد يعجبني انا بدي صبية صغيرة اتزوجها تجيب لالي اولاد شو يلي ضرب بمخي واتزوج كبيرة قال فهمانة ..

#جوليا :- بدك تزوج عليه

#نديم :- ماحد بيقدر يمنعني ..

#جوليا :- اذا بتزوج عليه اعرف انك خسرتني..

#نديم :- بالناقص ..يالا سلام رايح اغير جو..

.....

#رشا :- اختي انتي هون .. ليش عم تبكي شو صرلك ..احمد فوت شنتاية جوليا..

#جوليا :- ماعم اقدر اتحمل اكثر يا رشا الحياة ضدي بكل شي ..

#رشا :- قليلي شو يلي مزعلك هيك .. متمشكلة مع نديم مدايقك بشي.

#جواليا :- مين يعني غيروا تعبت ..

#رشا:-رجع ضربك.

#جواليا :-لاء.

#رشا :-لكان

#جواليا :-بدو يتزوج عليه ..

#رشا :-لاء مابعملها ..بس حكي ..

#جواليا :-اليوم فتح الموضوع مع دار عمي وهني موافقين ..

#رشا :-اووف شو هالحكي مو على اساس انتي الكنة اللي مابتتعوض حكيتي مع عمك

#جواليا :-اي بس مارد عليه صار يقلي بدو اولاد وانو ماقصرنا معك وعالجناكي وانتي بنت منيحة واعتبريها اختك الصغيرة واحتويها وابنها هو ابنك..كان عم يحرقلي قلبي بأسلوبو ..ماقدرت اتنفس قمت جمعت تيابي وجيت مالي قدرة اشوف وحدة تانية عم تشاركني حب عمري اصبرت عليه 9 سنين وهو يقلي السنة هاي السنة الجاي...ومن فات القطار فيني وفيه اجا طلبني..

#رشا :-مافاتك القطار ولا شي عمرك بعدو 34 ومعك عمر لتجيبي اولاد وهاي قدرة الله وحاجتك اتفكري بهالحكي ..انا رح احكي مع ابي يحاكيه بلكي ...

#جواليا :-لاتقولي شي..وينا امي..

#رشا :-امي اها طلعت مشوار يمكن عند خالتي ..تاكلي معي

#جواليا :- مالي نفس .. انا بدي نام شوي ..

#رشا :-ومين لالو نفس على هالدنيا الغبرة..

(( انا رشا عمري 29 سنة واختي جواليا عمري 34 سنة وبينا صبي اسمو احمد عمروا 32 ولهلاء ما اتزوج..حياتنا بلشت بسيطة انا واخوتي مقفل بيتنا على حالنا ..ماحد بيعرف عنا شي .حتى الجيران مابيعرفوا اشكالنا او اسماءنا ماكنا نختلط بحد من البيت للجامعة ومن الجامعة للبيت ..دراسنا فنون جميلة وانهينها .انا واختي على قدر من الجمال ..الحمد لله بس حظ مافي..رغم انو خلصنا جامعة بمعدلات ممتازة الا انو وظيفة ماعنا ..حتى اخي خلص جامعة وكل مابيروح يقابل لشغل برفضوه..والمعيل الوحيد هو بقالة ابي..دكان على قد الحال شوية سناك وشغلات طيبة بتجيب لالنا .مصروف اليوم. .الحمد لله لانحنا فقراء ومحتاجين ولا نحنا اغنياء ومبذرين على قد لحافنا بنمد رجلينا ..من اختي خلصت جامعة بلشت تاخد دورات ومعاهد ترفع مستواها اكثر لتحصل على وظيفة وللاسف كانت محاولاتها تبات بالفشل ..احيانا تحصل على وظيفة شهر شهرين بس بآخر المطاف يبدلوها بشخص تاني ...او يوقف عقدها ..حتى الزواج رغم انها طويلة وجميلة وشعرها لتحت خصرا وعيونها لوزية الا انو الخطابة من يفوتوا بيتنا وينبهروا بجمالا الا انهن يرفضوها ومايرجعوا يردوا علينا ..هالشي تعب اختي وزاد الوضع سوء عليها ..ماعنا حد بيكرهنا لان ماكنا نسيئ لحد لهيك راح من بالنا انو الموضوع سحر وهالحكي الفارغ ..

#ام أحمد :- رشا ما اتصل علينا حد..

#رشا :-ليكني امي قاعدة جنب التلفون ماحد اتصل ..

#ام احمد :-وينها اختك..

#رشا :-عم اترتب بغرفة اخي فوق..

#ام احمد :-طيب اقفي عند السلم ومن تجي تنزل خبريني بدي دق لام سلطان اسألها ليش مارجعو ردوا خبر الخطابة..

#رشا :-حاضر امي ..

#ام احمد :-عم يرن ..الو كيفك حبيبتي وينا امك ..اي اعطيني اياها ..الو ام سلطان كيفك حبيبتي ..

#ام سلطان :-اهلين ام احمد اي حبيبتي الحمد لله وانتي ..

#ام احمد :-بخير من الله بس زي مابتعرفي كنت بدي اسالك وبغلاة الغالي عندك لاتخبي عليه ..صرلي اسبوع عم انطر الناس يلي من طرف قرايبك قليلي ليش ما اتصلو على الاقل يقولوا موافقين او لاء..

#ام سلطان :- بالله عليكي ماتاخدي على خاطرك من كلامي..

#ام احمد :-يووه يابنت الحلال ليش لاخد على خاطري نحنا خوات ..ورفقات عمر قولي الله يسعدك..

#ام سلطان :-مابدي تزعلي لكلامي يلي رح قلك اياه وبدي تسمعيه من هون تطلعيه من ذانك التانية ..

#ام احمد :- قلقتيني يالا قولي..

الجزء الثالث ..

#رشا :-من شوي ..نامت وهي بتبكي..

#ام احمد :- ابوكي مارح يقبل يحكي معو..شو بدنا نقول للرجال لازم تمنع

شرع الله ..

#رشا :- ياربي شو هالحظ ..

#جواليا :-بدي اطلق..

#ام احمد :-عم تسمعنا ...شو قالت.

#رشا :-بدها تطلق..

#ام احمد :- استهدي بالله يامو شو هالحكي ..شو تطلقي ماتطلقي..

#جوليا :- امي انتي مانك حاسة فيني انا تعبت لوصلت لهاد الحال انا يلي صبرت لاخدو لنديم عملت المستحيل تعبت حالي كرمال لاصير لالو ..صرت اشتغل في بيتهن لاقدر شوفو..جمعت الليرة فوق الليرة لاقدر ساعدو ويوقف على رجليه ويجي بطلبني...انتي مابتعرفي شو تحملت شغلات وليالي عذاب لاقدر طبطب على قلبو .اعطيتو عيني ليقدر يغمضها وينام مرتاح..كنت اسهر على تعبو لينام..هو ماصار الا من تعبي انا يلي كنت سندو..اي الله ما اعطاه ولد بس اعطاه وحدة مثلي شايلتو على كفوف الراحة..تعبني ياامو انصدمت من قلي رح يتزوج ..كنت مفكرة انو مشغول على الموبايل للتسلاية كان عم يحاكي بنت اصغر منو ب 12 سنة ... من شفت الرسائل تبعتو تحت ايدي انصدمت نفس الحكي يلي بقلي اياه بقولوا لالها ..عم يبنى معها مستقبل واطفال..نفس ماكنت احلم معو يا امي ااااااخ ...

#رشا :- اشربي يختي هاد الليمون والله لتروقي وربك رح يحلها وهو مفرج الهموم..

#جواليا :-مالي نفس ...بدي اتصل عليه بدي احكي معو..

#رشا :-شو بدك تقليلو ..

#جواليا :-اللي بقلبي ..

#ام احمد :-خليها تحكي معو ..

#رشا :- عم يرن ...

#جوليا :-اعطيني اعطيني..

#نديم :-الوو جوليا وينك انتي ليش ماخبرتيني انك طالعة ..

#جوليا :- انتي ليش عم تعمل فيني هيك ليش بدك تتخلى عني وتروح لغيري مو انت يلي حلف بحياتك تبقى العمر للموت سوا..ليش هيك عملت ليش صرت تمل مني وانا يلي حتى منك مابشبع..انا ماعم سدق انك بدك من ايدي تروح ..قلبي بيوجعني شعلان من جوا...شو بدك اقلك كمان.. روحي مخنوقة من جوا حاسة حالي بدي مووت ...مو انت يلي وعدتني انو مستحيل نتفترق حتى يوم ..مرت سنين ليلة مانمت فيها برب البيت .. شلون بدو يهون عليك تنام جنب غيري وتتركني..مين يلي سندك طول عمرك مين يلي ضل واقف جنبك ومسح دمعك وهون عليك مصاعب هالدنيا...طيب الله وبعدو ما اراد يصير عندنا ولد بس بس مو سبب تكسر خاطري وقلبي هيك..

#نديم :-جوليا اسمعي اسمعي نص الحكي مافهمتو وانتي عم تشهقي ..

#جوليا : عم اشهق ..

#نديم :-اهدي وروقي اللي صار صار البنت كتبت كتابي عليها من ساعة ..ومابدي اتراجع وانتي الكل بالكل وانتي الاولى وما اتخلى عنك ورح اعدل والله ..بعدها جاهلة مابتفهم شي انتي بتقدري تمشيها بكيفك..

#جواليا :-حسبي الله فيك وفيها 😢😢..خدي امي خدي..مابدي اسمع صوتو ..طلقوني هلاء منو طلقوني انا بكرهوا لهاد ...

# ام احمد :-طفي امي ...

#رشا :- نديم رح نقفل هلاء اختى انهارت ومافيها تحكي ...

((ضلينا ايام على هاد الحال كل ما اختي تذكر جوزها تحزن ..وتصير تبكي ..لوقت ما اجتها ورقة الطلاق من جوزها ..وهاد يلي صدمها اكثر لانها لاراحت ولا اجت ...بس كنت اتوقع منها تنهار وتنصدم كل يلي عملتو مسكت الورقة وقطعتها ..وعملت شاي وقعدت جنب الشباك ..وهي مرتاحة البال استغربت منها ومن تصرفها ...

#جوليا :-ليش عم تطلعي فيني هيك ...

#رشا :-لا مافي شي انتي منيحة..

#جواليا :-اي وكتير كمان ..

#رشا :- فيني اقرب لعندك..

#جوليا :-تعي اكيد ..انتي كم صار عمرك 29 سنة ما...

#رشا :-اي هيك شي ..

#جوليا :-وانا 34 ...😂😂..

#رشا :-شوية ونفوت سن الياأس..

#جوليا :-ليش انتي لهلاء مافتيه ...معقولة ..

#رشا :-ههههه يعني يمكن فتو وماحسيت على حالي ..

#جواليا :- جاي على بالك تزوجي..

#رشا :-ههههه لاء مالي نفس..

#جوليا :-ليش هو اكل ..

#رشا :- لا هو شي بسد النفس ..

#جوليا :-كذابة اساسا احلا شي..بس عارفة لمين للبنت الغبية والقبيحة..اللي مثلنا مابزبط معها .. مو بقلك بخت القبايح بالسما لايح وبخت الملايح بالارض طايح..

#رشا :- سادقة..

#جوليا :-من تجيكي شي صرماية اقبلي فيها دغري وانتي مغمضة عيونك..

#رشا :-صرماية ههههههه اخ ضحتيني طيب واذا ما اجت على قدي..

#جوليا :-عادي اشلحيها والبسي غيرها لتلاقي المناسب..تعرفي شي هالرجال لو قردة بحبو يتزوجوها ..بحبو يجربوا كل مرة وحدة شكل ..بملو من وحدة ..اذا جابت لالهم اولاد وخرب جسمها بصيروا يقرفوا وعينهم يمين ويسار ..واذا ضلت محافظة على جسمها ويامحلاها بصيروا كمان بدون يتزوجوا ..واحنا شو ناقصنا هاداك عنا ووقت مايجيكي عريس اتزوجي الله حلل لالنا.. وجربي مثلهم ..واياكي تقولي مابدي اياكي ولا تهتمي لكلام الناس ..يصطفلوا مارح ينفعونا بشي ..هني مين ليحرموا شي الله حللو..

#رشا :-وانتي من يجيكي حد راح توافقي..

#جوليا :-عم احسب ايام العدة بالساعة ..لاتقلقي من تاني يوم رح ابحث عن عريس..

#رشا :-هههههههه وين بدك تبحثى عنو..

الجزء العاشر

#جوليا :-شوفوا شوفوا الخجل شلون عم ينقط منو ..اتاريك مانك سهل يا ازعر بتخجل ما..

#احمد :-بس ولك ..هاي عروس مو اي شي ..

#جوليا :-ياخوفي من تجي تنسا خواتك..

#احمد :-اعوذ بالله الاخو اخو مرتوا ههههههههه..

#جوليا :-يلعنك فكرتك بنآدم طلعت اخوي...

#رشا :-ههههههه ضحكتوني ...

#ام احمد :-يالا فوتوا قدامي انعزل هالمطبخ ..

#رشا :- بلشنا 😒😒..

..

((بعد مرور ايام تمت خطبة اخي احمد ...وهالشي زاد ساعدتنا شوي ..اما المفاجئة الجديدة...

#جوليا :-اقفلو الباب...

#رشا :-شوفي اختي شو في . ليش عم ترجفي هيك..

#جوليا :-النذل نديم..

#رشا :-شبو..

#جوليا :-لك طلع هو يلي باعتلي رسالة الوظيفة من وصلت المكان دقيت الباب فكرتوا مكتب فتحلي الباب هو بقلي اتفضلي على بيتك..

#رشا :-بيت شو..

#جوليا :- قال مجهز لالي بيت جديد وبدو يرجعني غصب عني ...

#رشا :-اي..

#جوليا :-جيت اطلع شدني من ايدي...

#نديم :-اسمعي بترجاكي اسمعيني بس لو مرة انا بعدني بحبك ..سدقيني اغلطت ومنك السماح وماهاين عليه تبعدني عني..انجنيت من اجو عالم يسالو عنك امي مشان يخطبوكي ..انجن عقلي..مافكرت يجو يسالو شلون كنتي معنا ..امي صارت اتشكر فيكي ماقدرت اتحمل اطلعت اتأجرت هاد البيت كرمالك وعفشتو جديد انا طلقتها لهاديك ماقدرت اتعايش معها انا بدي اياكي لالك انا بحبك ..ارجعيلي بترجاكي. والله بقتلو يلي بدو ياخدك مني ..ماعدت بدي اولاد..

#جوليا :-مافشرت بحبة عينك انا ارجع لالك انت انسا مابتحس ولا عندك شعور وبلا ضمير اتزوجت عليه وطلقتني وتركتني انحرق واموت كرمال تعيش يومك شو ناقصني بربع جمالي ماقدرت تجيب..بربع ادبي واخلاقي ماقدرت تحصل..وهلاء جاي ندمان ..قال ارجعيلي بعد عني هيك انا من حقي اتزوج وعيش حياتي ...انت شفت نصيبك وانا لازم شووف نصيبي..

#نديم :- والله بقتلك وبقتلو فهماني بقتلو ..

#جوليا :-بعد عني هيك بعد مابدي شوفك . اتركني ..

#نديم :-مارح اتركك..

#جوليا:-والله اذا ماتركتني لاصرخ وجمع كل امه محمد عليك بعد عني ...

#رشا :- ياربي شو صار كمان..

#جوليا :-اطلعت من البيت اركض وابكي بالشارع ..ماتوقعت يجي بعد هيك فترة يترجاني ارجع لالو....

#رشا :-اختي بدي اسئلك وبترجاكي جاوبيني انتي بعدك بتحبيه بغلاة امي وابي عليكي...

#جوليا :- اي والله بحبو بس هو كسر قلبي مابتعرفي شو يعني كسر قلبي .. بعد شو جاي ندمان من شاف العرسان عم تركض عليه ..

#رشا :-سامحية هو ندم ..

#جوليا :-مابعرف مابدي..

#رشا :-لو اتقدملك رجال بتوافقي عليه..

#جوليا :-لا..

#رشا :-ليش..

#جوليا :-لاني بعدني بحبو لنديم..

#رشا :-طيب هو طلق مرتوا واخد درس مرتب وبدو يرجع لالك .وانتي بعدك بتحبيه ولهلاء ماقدراني تنسيه ولا بدك تتجوزي اعطيه فرصة واعطي قلبك فرصة ...

#جوليا :-هيك فكرك..

#رشا :-اي..

#جوليا :-وكرامتي ..لا لا مابدي ..

#رشا :-يلي بريحك...انا قايمة شوف فيلم..ه

((صح كانت عنيدة بس لاحظت عليها تقبل فكرة رجوعها لنديم وخاصة باهتمامها الشديد بحالها وانشغالها بموبايلها كتير ..ودائما تسال امي عن ام صافي...

#ابو احمد :-يابي اليوم ابو صافي حكا معي وكان نديم وصافي والرجال قلي بدو اياكي كأنك عروس جديدة بمهر وبيت جديد وشو مابدك طلباتك اوامر شو رايك .

#جوليا :- اي يابي موافقة..

(( صح فترة مانها قصيرة لقدرت تعطينا هالكلمة لابقي رفيقة ولا جارة ولا سلفة ولا حتى ام صافي وامي الا حكينا معها كرمال رجعتها لنديم كانت واجعتها كرامتها بس من اجى حماها لابي وافقت ورجعت لنديم بفرح وفستان جديد وجهاز عروس جديدة..وفقدت اختي من تاني وبقيت لحالي انا وامي وخاصة بعد زواج اخي وانشغالو عنا...حياتنا الطبيعية رجعت لمجاريها ومو بالسهولة هاد ..لان حافظنا على ختمة سورة البقرة يوميا بالبيت غير هيك الاستغفار كلن كانو علاج للوضع يلي عشنا فيه. .

#ام احمد :- هاد رقم جوليا عم تتصل افتحي امي ايدي وسخين..الووو اي يااامو.. بشريني والله من الصبح وانا عم اسجد وادعي الله تكمل معك شو يالا احكي ..

#جوليا :- زغلطي بالاول ..

#ام احمد :- الف مبروك ياحبة عيني الف مبروك..الله يقومك بالسلامة ياقلبي..

#رشا :-شو امي احكوو لالي ...

#ام احمد :-اختك طلعت حامل يارشا صرلا اسبوع وهي خايفة بان الحمل عليها مسكينة الحمد لله ..

(( كان خبر لايوصف انو نسمعو بعد هيك معاناه صح فرحتنا كانت كبيرة بس مو بحجم فرحة اختي هي وجوزها.. ماكان حد بيعرف بحملها الا انا واهلي..كانت مخبية فرحتها خوف من عين الناس..وهيك اتعلمنا من الدرس يلي عشناه .. اما انا بقيت مثل ما انا وهيك حالي...كنت اوقات فكر انو السحر ما انفك وانو كلها خرافات و كتير شكوك مرقت ببالي انو هالاشياء بس هلوسات بس كل ما اتذكر انو الحسد موجود والسحر والشعوذة مذكورة بالقرءان اقتنع انو امري كلو بيد الله