قصة جديدة: #نصي_الثاني
قصة واقعية♥
.............
قراءة ممتعة🦋💙"
#ⴅÂÐЄĦÂ

كن
التفت لقيت الصفار عم يبكو
سامر: تعو لعند البابا ليكوني اجيت ل اخدكن معي

لميس: يلا نحنا جاهزين

سامر: بس خلينا ناخد الاكل من الثلاجة لان رايحين لعند سليم

لميس: شو سليم!! كيف بدا تستقبلنا مرتوا

سامر: مابعرف مالقيت حدا غيروا بس يومين بين ما نلاقي بيت

لميس: ياربي بدي اقعد تحت رحمة هالحرباي

سامر: بس يومين وحياتك عندي

لميس: كرمالك بس

لبسنا ونزلنا كان في تكسي مستناي تحت طلعنا فيا ورحنا لعند سلفي بس كانت سلفتي وحدي تاني كل جئارتا وشوفة حالا راحو
دخلنا استقبلتنا احسن استقبال
انا شفت هيك ارتحت بس كتير كنت مستغربة، يمكن خافت علينا متل ما قالت بس جد كان الوضع صعب كتير والله حنن قلبا علينا

والحمد لله قضينا اسبوع عندا كانت كتير منيحة معنا وسلفي كتير منيح بس هيي كانت تعبي براسو والحمد لله صارت احسن يمكن هالوضع غيرا متل ما غيرت كتير ناس

ولقى سامر بيت بنفس الحارة واستأجرناه
كان صغير وقديم بس الحمد لله المهم في امان
اجت مرة اخي وسلفتي نظفناه وصار مقبول وقضيت فيه اول يوم مع انو ريحة الرطوبة ما راحت منو خفت كتير ع الولاد، بس الحمد لله شو بدي اعمل
وسامر رجع ع الشغل بعد ما أمن علينا
كنت بالمطبخ عم جهز الطبخة والاولاد بغرفة القعدة عم يلعبوا
بيندق الباب...

#الجزء #الثاني (2) :

#نصي_الثاني

فتحت الباب كانت وحدة طويلة وبيضة ولابسة اسود وحاملة ب ايدا بنت صغيرة
_ مرحبا

لميس: ياهلا

_انا جارتكن بسكن بالطابق تحت

لميس: يا اهلا وسهلا

_حبيت اتعرف عليكي

لميس: اي يا هلا اتفضلي، بس عن إذنك شوي كمل الطبخة
دخلت وقعدت وانا رحت كملت الطبخة وهديت النار تحتا وعملت القهوة وعيوني ع الصالون وع الولاد وعليا وكانت بنتا عم تلعب مع ولادي
مع اني كنت مترددة لان دخلتا ما متعودة ع الخلطة ببيتي ماكنت اختلط مع الجيران ابدا

عملت القهوة ودخلتا
لميس: اتفضلي

_شكرا

لميس: بس شو إسمك

_ انا علا وبنتي جنى

لميس: اتشرفنا، وانا لميس، الك زمان بتسكني هون؟؟

علا: اي من اول ما اتجوزت

لميس: والحارة والجيران مناح؟؟

علا: والله الحارة مافيا شي والجيران كل واحد بحالو، بس انا شفت ولادك وحبيت اتعرف عليكي مبينين اكابر

لميس: تسلميلي

وبقيت عندي شي ساعة ونحنا نتساير كانت جلسة تعارف وعرفت انو هيي من غير منطقة وتجوزت واجت سكنت عنا وزوجا استشهد من فترة ومن كام يوم خلصت العدة

علا: يلا صار لازم انزل

لميس: خليكي قاعدين

علا: لا هلق بيجي جوزك

لميس: اي ع راحتك

علا: بعتذر اذا دايقتك بس كتير كانت دايقة خلاقي الي فترة طويلة محبوسة

لميس: لا ولو ايمات ما حبيتي اتفضلي جد كتير حبيت قعدتك بركي بتعود ع هالبيت

علا: ان شاء الله يلا معرفة خير

راحت وبعد بشوي اجا جوزي وانا عم حطلو الغدا حكيتلوا شو مبسوطة بالجارة الجديدة وهو كتير فرح لان شافني زعلاني وماعجبني البيت.

ما كنت اقدر روح لعند اهلي وبيت احمايي بسبب الاوضاع ف ابقى بالبيت وكل يوم مع علا والاولاد كتير يتسلوا مع بعض وصارت بمثابة اختي كتير حبابة وطيوبة.
الي اخت وحدة كانت عايشة بالسعودية قليل لشوفا وبالطبع صارت الاتصالات قليلة وعلا حسيتا عوضتني عنا نحكي انا وياها عن كل شي وهيي فتحتلي قلبا وحكتلي على جواز كيف كان يعاملا
علا: بتعرفي لما عرفتو استشهد بالاول زعلت كتير وزعلت على بنتي لساتا صغيرة بدا ابوا بس بعدين فورا نسيتوا اصلا مابدي اتذكروا واتذكر اياموا، كان كتير صعب لا طلعة ولا فوتي واهلي قليل لزورن كتير شكاك وبغار جد قضيت 4 سنين متل السم ما اتهنيت واكتر الاوقات محبوسة بين اربع حيطان، مشان هيك لما شفتك فورا اتعرفت عليكي طاقق قلبي من الوحدة

لميس: وليش بقيتي هون ما رجعتي لعند اهلك

علا: الوضع عندن صعب كيف بدي اوصل لعندن مابعرف الطرقات مسكرة وكمان مابدي اقعد تحت رحمة اهلي خليني هون لحالي وبالي وعندي معاش جوزي وبيت احمايي بيعطوني مصروف للصغيرة وعايشه

وانا حكيتلا على جوزي كيف بعاملني
كان سامر بجنن كتير حنون ورومنسي بعمرو مازعلني بحرف ودائما متفاهمين
قضيت معو قريب ال12 سنة كانو متل الحلم كل شي فين حلو اكيد بتمرق ايام مزعجة وهوي شوي بارد دائما ع التلفزيون وقليل ليهتم فيي بس مافي حياة كاملة انا مقتنعة بهالشي والايام الاحلى اكتر، وبقيت 4 سنين لحملت وهو صبر عليي كتير لحتى الله طعمني هبة كل الناس بتحسدنا على علاقتنا ولليوم كتير منيح معي

علا: نيالك انا جوزي كان العكس تماما كان مايثق فيي واكتر ايامنا بالمقاتلات اذا بدي جيب شي من السوق دائما معي وعيونو عشرة عشرة مين عم يتطلع عليي واذا شاف شي ما عجبو نرجع ع البيت ونقضيا خناق وبكي حملت من اول شهر من زواجنا بالاول كنت قاعدة متل حبس، كنت كتير اعلق معو ماكنت اتخيل هيك عيش انا كنت دلولة اهلي وما ينرفضلي طلب كنت احلم بالحياة الوردية بالزواج يلي بتحلم فيا اي بنت وبعدا شوي شوي اتعودت واجت جنى ملتلي كل حياتي

لميس: اي والله الولاد احلى شي بالحياة الله لا يحر

طلعت لعندوا
لميس: اجت التاكسي

سامر: اي صارت جاهزة

لميس: بس بدي قلك انو علا استشهد اخوا وكتير متدايقة وعم تبكي

سامر: يالطيف انا لله وانا اليه راجعون

لميس :والله ما قدراني اتركا

سامر: انتي مجنونة اليوم فتحو الطريق بكرا يمكن يسكروه

لميس: شو رايك ناخدا معنا

سامر: اي بس كيف

لميس: بتقعد بغرفة اخي كبيرة وفيا حمام

سامر: ومرتو ما بتزعل

لميس: اي ما دخلا هيي سافرت لترجع فرج ورحمة ومنكون رجعنا ع بيوتنا

سامر: طيب متل ما بدك

لميس: الشناتي فوق عند الباب

سامر :ما نسيتي شي؟

لميس: ان شاء الله لا وعند اهلي في كل شي

رجعت لعند علا كانت راكي راسا ع الحيط وكتير عم تبكي
لميس: يلا قومي البسي رح تروحي معنا

رفعت راسا ووقفت: لوين!!؟

لميس: معنا ع بيت اهلي
كتير فرحت ابتسمت ورجعت عبست: بس وين بدي اققعد

لميس: معنا بالبيت، اخي متزوج والو جناح خاص غرفة كبيرة وتلفزيون وحمام

علا: لا ينزعج زوجك

لميس: سامر لااا مافي منو

وساعدتا بضب التياب كتير كانت مبسوطة ورحت فضيت التلاجة من الاكل واخدنا معنا
#مروةآغا
وطلعنا مشينا بالحارة عم اتطلع حواليي يالطييييف حارة كئيبة كل الحيطان علين علام رصاص والارض كلا خطوط من الدبابات كان لون الحارة ابيض واسود من الغبرة والدخان متل التلفزيون القديم ما فيا حياة ونحنا عم نطلع منمر ع الحاجز بفتشو السيارة ومنكمل مشي وشوي شوي بلشت ترجع الحياة ع الشوارع وتبين السيارات والالوان
حارتنا كان مافيا حدي كل الناس راحت
وصلنا ع حارة اهلي كانت الناس عم تنغل فيا نغل جنب بيتن في سوق هون حياة تاني ولا كأن في شي ونحنا النا شهور محبوسين الناس عايشين حياتن وما ناقص علين شي
وقفت السيارة واجو الجيران ساعدوا سامر بالشناتي وطلعنا ع البيت كان معي المفتاح طلعنا فتحتو وفتت بيت اهلي كبير وفخم متل بيتي، علا طار عقلا لما فاتت
واخدتا فورا على غرفتا
وطالع سامر الشناتي وقلي رايح يجيب اكل
وبلشنا تنظيف انا وعلا كان البيت مغبر اهلي الن فترة تاركينو ونحنا خلصنا وقعدنا اجا سامر

ركضت علا وحطت ع راسا فتحتلو الباب وكان جايب وجبات شاورما

والحمد لله سامر قدر يرجع ع شغلوا
وكل يوم يروح على شغلوا ونحنا نبقى بالبيت كتير نتسلى انا وعلا
كنا نفطر سوا ولما يجي سامر تتدخل ع غرفتا واخدلا الغدا لعندا، كنا انا وياها ايد وحدة
ومرقوا 4 شهور بسرعة ماحسيت فين واهلي يقولولنا نطلع لعندن بس سامر رافض الفكرة وشغلو منيح
وكنا نروح لعند بيت احمايي كل كام يوم وقضي النهار عند بيت اخي هاي هيي طلعاتي

وعلا بعدا بلشت تتغير لما يجي جوزي تبقى قاعدي وتاكل معنا واذا زحل حجابا وبيّنت غرتا ما تفرق معا ووقت كون قاعدين انا وسامر هيي تلعب مع الولاد وصوت ضحكتا يوصل لعنا .. هيي اتعودت ع سامر يمكن مشان هيك معت خجلت واصلا هيي مطأطأة وبنص عقل

مرة فتت لعندا وشفتا متفرعة انا استغربت منا وحدي جوزا ميت ليش هيك بتنام فتحت عيونا وشافتني غطت حالا وقالتلي: كيف هيك بتفوتي لعندي؟؟
اعتذرت وطلعت..
وصارت تهتم بحالا كل يوم ماسكات ومناكير انا يلي جوزي معي ماعاد فضيت اهتم بحالي، كل يوم بالشغل والحوسة والطبخة البيت كبير ما لحق
قبل كنا نشتغل سوا، هلق بتفيق ولا بتسأل شو بدنا نعمل صار حكينا قليل قلت يمكن دايقة خلاقا
خطر ببالي انو نجوزا وكنا سهرانين انا وسامر بغرفتنا وفتحت معو الموضوع
لميس:حبيبي

سامر: عيونو

لميس: هلق شو اخبارو رفيقك ياسين اتجوز

سامر: لا لسا

لميس: شو رئيك نجوزو ل علا

رفع راسو وقلي: ونحنا شو دخلنا قال حط ايدك بجنازة ولا تحط ايدك بجوازة

لميس: ههههه م احلاك كيف بتحكي بس جس نبضو

سامر: بعدين ياسين عقلو صعب وكتير رح تتعب معو

لميس: طيب ع راحتك انا لان شايفتا دايقة خلاقا

سامر: انا مابحب دخل حالي بهيك مواضيع الله بيبعتلن نصيبن لعندن

وحط راسو ونام فقت تاني يوم وانا عم ضبضب الغرفة بشوف ظرف حب بجرارو
لميس: سامر لشو هاد

سامر اتلبك: وانا شو بعرفني يمكن ل اهلك رجعي محلو
وجهزي حالك بدنا نروح ع بيت اهلي ننام عندن

لميس: بس ما النا يومين راجعين

سامر: وهلق حابب روح شوفن

لميس: متل ما بدك هلق بفطر الولاد وبجهزن.
ركضت وخبيت الحب بشنتايتي لان شكيت فيه اول مرة هيك بكذب عليي معقول مريض ومخبي عليي

#الجزء #الرابع (4):

#نصي_الثاني

ووصلني ع بيت احمايي وراح يجيب اغراض انا كنت كتير محرقصة ل اعرف هالدوا لشو
عملت حالي دخلت ع البناي وهوي طلع ركضت ع الصيدلية وخليت ولادي بتم البناي يستنوني
ولما سألت الصيدلي طلع دوا منوم
طلعت وانا محتارة لمين هالدوا بحياتن اهلي ما شربو دوا اصلا انا فضيت كل الخزاين ليش عم ياخد حب منوم ؟؟؟
وبقيت مخربطة وعم حاول اعرف شو السبب وكل كام يوم شوف هالحب ناقص منو احترت وما قدرت اسألو اصلا هوي صايرة خلاقو زفت كان احسن من هيك))

صوت زمور سيارة رجعني للواقع اتنهدت وقمت من تختي كانت لساتا 11 طليت ع الولاد كانو نايمين غطيتن منيح ورحت عملت قهوة وشعلت

لحوه او يجيبو غيرو
نحنا بقينا قريب من الشط وحوالينا كلا شجر وتيابنا كلا مي مع انو كنا بنص الصيف بس بردنا وبلشنا نرجف ومافي حوالينا حدي لان الجزيرة صغيرة وخفنا كتير ع الشباب يلي راحت، معقول كتير تكون الجزيرة مافيا سكان لان ما شفنا اي مخلوق قرب من الشط
وبلشت تعتم ونحنا عم نسمع صوت حيوانات حوالينا وكل ما طلع حركة نموت رعبة كنا 6 نسوان ومعنا ولاد والباقي رجال

وبقينا بردانين وتيابنا مي ونرجف وشفافنا صارو زرق وحاولنا نشغل نار جمعنا حطب وشغلناها وصارت م احلاها مرق اول يوم هيي طلعت الشمس قعدنا ع الشط اتشمسنا لندفى شوي وباقي الشباب حاولو يطلعو يبعدوا عن الغابة بركي بلاقو اكل بس للاسف ما قدرو مساحة الغابة كبيرة كتير حاولنا نجيب اكل من الغابة كان في شجر فواكه اكلنا، كان اي شي هوي فرحة بالنسبة للجوع يلي نحنا فيه
ومرت تاني ليلة ونحنا فئنا الصبح شفنا الشباب جايين لعنا ب سيارة وجايبين معن متور جديد وسندويش اكلنا متل يلي الو سنة ما اكل والحمد لله الشباب رجعو ظبطو البلم وشغلو المتور كان بشهي احسن من الاصلي وطلعنا فيه كان الخوف اخف من قبل يمكن اتعودنا! وطار فينا البلم بساعتين كنا صرنا ع شط الجزيرة المتفق عليها
ونحنا وصلنا شفنا الناس متجمعين وناس عم تسبح وتتشمس الكل ساعدنا لقدرنا ننزل من البلم وعطونا اكل
طلعنا وبلشنا ندور ع فندق لنرتاح فيه بس للاسف ما لقينا لان المنطقة سياحية ومعجوقة عجق قعدنا بالشارع عم نستنى الخريطة لنقدر نحجز بالباخرة ل اثنا وبقينا بالشارع 3 ايام وننام ونقعد فيه بس الناس ابدا ما تركونا كل يوم يجيبولنا تياب واكل وحرامات، وجهزت تياب ع جنب لولادي مشان لما اققدر حممن غيرلن تيابن، وثالث يوم الحمد لله قدرنا نلاقي غرفة بفندق كانت حالتنا حالة اول مرة بصير معنا هيك شي ارف وتعب
رحنا اخدناها واتحممنا وغيرنا تيابنا واكلنا ونمنا واندحشنا ببعض
بقيت شي 15 ساعة نايمة بعد هالتعب والقعدة بالشوارع فتحت عيوني لقيت رؤى عم تطعمي الولاد

لميس: يعطيكي العافة والله ماحسيت ع شي

رؤى: صح النوم ولو ماعملت شي يلا قومي غسلي وكلي

قمت وقفت ع المراي كان وجهي شاحب وحوالي عيوني اسود (اف ايمات هيك اتغيرت) غسلت وجهي ورجعت اكلت كنت ميتة جوع
وبقيت اسبوع لطلعت هالخريطة
وطلعنا تاني يوم من الصبح حجزنا بالباخرة وقدرنا نوصل ل اثنا وبعدا بلش الطريق الاصعب والاطول... بقينا اكتر من عشر ايام ونحنا نمشي بالغابات والشوارع واحيانا نقدر ناخد مترو او باص او تاكسي الحمد لله معنا مصاري نقدر نريح حالنا الله يعين يلي ما معو كان يقضي اياموا بالطريق ويستنو يجيبولن اكل احيانا كنا نساعد يلي حوالينا ونجبلن اكل بس مانقدر دائما المصاري قربو يخلصو
واغلب الايام كنا ننام بالطريق الفنادق غالية في شي الزم من النومة بالفندق في اجار الطريق لنوصل ل المانيا

ووصلنا لمكان كان الحدود بين النمسا والمانيا كان معجوق بالناس شفت ولاد كتير نايمين ع كراتين او ع شقفة قماش كانت الناس رح تموت من الشوب كان لسا الظهر ووقت بتكون الشمس كتير قوية والناس كلا تعبانة الن زمان قاعدين هون ومن كتر الشوب نزلت المطر واحترنا ب امرنا شو نعمل تيابنا كلا طين لا نعرف نقعد ولا نعرف ننام..

#الجزء #السابع (7) :

#نصي_الثاني

وبقينا فيه قريب الاسبوع كانت اصعب ايام حياتي، كنا ننام كيف ما كان ووين ما كان تيابنا كلا وسخة المنطقة كانت متل غابة كلا تلال ووديان والحيوانات والحشرات معباي المكان وصوت الضباع والذئاب ينخر نخز ب اداني ولادي كتير يخافو وكل ماحس خافو اققعد غنيلن او اقرالن قرآن ليرتاحو شوي.

والحمد لله قبلو يدخلونا واخدنا تكسي وبوشنا ع قلب المانيا كان الطريق كتير طويل بس بيبقى اسهل من النومة بالغابة

ووصلنا ع الكامب كان كتير فيو ناس واجناس ماعرفنا عرفنا حدى في ناس سود مبينين من افريقيا ما متعودة اققعد ونام معهن كتير خفت
قلتلو ل اخي: والله خيفاني مين هدول العالم

اغيد: مادخلنا بحدي علينا بحالنا

وبقينا نتنقل من مكان لمكان ومن كامب لكامب لحتى قدرت لاقي هالبيت وعيش فيه ونظم حياتي وحياة ولادي ...))

رجعت للواقع ع صوت هبة لما فتحت الباب : مرحبا ماما

لميس: يا اهلا وسهلا

هبة: بشو شاردة

لميس: ولا شي ياعمري

هبة: ما انتي دائما شاردة وتفكيرك ما معنا

قربا منا وقرصتا من خدودا: هلق هيك!!

هبة: ههههه دخيلو انا، بدي عرفك رفيقتي نادين اتفضلي

لميس: اهلا وسهلا عربية؟

هبة: اي سورية اتعرفت عليا اليوم
اتفضلي، ماما هاي نادين

لميس: اهلا وسهلا اتفضلي

نادين بخجل: مرحبا خالي

لميس: اهلين حبيبتي انتو اجيتو جديد لهون

نادين: اي هاد الشهر كنا بالكامب واخدنا بيت هون

لميس: اي كتير منيح معناها بتعرف ع امك لان مابعرف حدا هون

نادين نزلت راسا ودمعو عيونا: ماما استشهدت

حضنتا وحسيت حالي بدي خبيا جوا قلبي شعور كتير صعب تخسر اعز احبابك
لميس: ياحبيبتي انتي معلش لا تزعلي هيي سبقتكن ع الجنة
شو عندك اخوات؟؟

نادين: