#طلعت_بحياتك_عادي
#وقت_ومرق_عالفاضي
#شو_يعني_كم_سنة؟؟!!
#خوفك_منو_عليي
#عالأنت_يلي_فيي
#بس_تسأل_شو_بني
_

هالغنية دائماً ببالي وبحسا انخلقت لإلي وبتحكي عني
عني أنا وبس
أيا حدا فيني بيشوف انو ما حدا حب متلو.. ما حدا تعزب متلو.. ما حدا ضحى وتنازل قدو..
بس بالنهاية كل حدا عندو هم كافيه.

#طلعت_بحياتك_عادي
#بقلم_سما_الشام
#الجزء_الأول

اسمي دنيا عمري 24 سنة
سمرا طويلة عيوني وساع كان الكل يقلي حلوة ومجذبة وناعمة بس انا بشوف غير هيك وبكره حالي كره عجيب وبحس انو انا ابشع بنت بالعالم

#من_ست_سنين وقت كان عمري 18 خلصت بكالوريا وحبيت كفي دراسة وحقق امنيتي يلي هي انو صير رسامة
كنت عايشة بعيلة كتير حلوة ووضعنا كتير منيح ومتفاهمين والناس بتحسدنا ع هيك عيلة
لإجا يوم وانقلب كلشي وصارت مشاكل بشغل بابا وبلشت الحرب بالبلد وتغيرت الأحوال وصرنا تحت الصفر.
وبدل ما روح لسجل بالجامعة وكمل دراستي رحت دور ع شغل
سألت كتير تعزبت كتير وتعرضت لكتير إهانات وناس فكروني عم اشحد
كل هاد كنت اتناساه واعتبرو ما صار ولاقيت شغل إلي ولإختي وبلشنا نشتغل بمعمل مواد غذائية
كان شغل متعب وصعب كتير او يمكن مانو هيك بس نحنا مو متعودين
تحملنا كلشي كرمال ما نعتاز حدا ولا نمد إيدنا لمخلوق وكان الراتب كتير ممتاز ويغطي حاجات البيت
بيوم انا تعبت كتير ما بقى اتحمل هيك شغل وهيك نفسيات صعبة كنت ابكي وقول انا ليش هيك ليش الله عمل فينا هيك يا ربي نحنا شو عاملين لتعزبنا هيك
قررت اترك الشغل اختي ما رضيت تترك ظلت لأنها اجتماعية كتير وتعرفت ع كتير رفقات وأخدت عالجو أما انا كل عمري انطوائية وما بحب كتير اتعرف واحكي مع العالم
رحت عالمدير وقلتلو انا بدي اترك الشغل
قلي ليش حدا دايقك حدا زعجك خبريني ما برضى حدا هون يتأذى وشغلك كتير منيح وبتساعدي أهلك
صرت ابكي وقلتلو عم اتعب كتير وما عم أتأقلم عالجو أبداً
قلي طيب هدي حالك غسلي وشك ورجعي لعندي
رحت غسلت ورجعت. قلي انا عندي اقتراح ما بعرف اذا يعجبك
قلتلو تفضل
قال في بنت بالطابق التاني بالبوفيه قرب عرسا ورح تترك الشغل اذا بتحبي بحطك مكانا وجربي اذا ما عجبك ابقي تركي الشغل
قلتلو ماشي موافقة
وكفيت هاليوم شغلي تحت وقلي من بكرا بتبلشي فوق
اجيت تاني يوم وما كنت كتير متحمسة للشغل وخايفة انو اختي بجهة وانا بجهة
اجا المدير: صباح الخير دنيا
دنيا: اهلا استاذ صباح النور
المدير:جاهزة؟؟
دنيا: اي جاهزة ونشالله خير
طلعنا سوا لفوق كان بناء كتير حلو وراقي وهادي
والعالم يلي في كتير اكابر ومحترمين هيك كان باين من نظرة الأولى
اخدني عالبوفيه عرفني عالصبية يلي رح اقعد مكانا
المدير: صباح الخير انسة عبير
عبير: صباح النور اهلا وسهلا
المدير: هي الصبية يلي حكتلك عنها علميها عالشغل منيح ولا تزعليها هي حساسة كتير وبتبكي من كلمة ههههه
عبير: هههه ولا يهمك استاذ رح حطا بعيوني
المدير: عن ازنكن
أنا وعبير: ازنك معك استاذ.
عبير: تفضلي فوتي انا عبير عمري 23 وانتي
دنيا: انا دنيا عمري 19 سنة
وتعرفنا ع بعض وحكينا شوي عالشغل وحكتلي عن خطيبا وكان باقي لعرسا أقل من شهر علمتني عالشغل وعالمكاتب وعرفتني عالموظفين يلي رح صير شوفن كتير
وبعد فترة اجت ودعت الكل وتركت الشغل وراحت زعلت كتير انها رح تروح وما بقى شوفا بس بنفس الوقت انا بطبعي كتير انطوائية وبحب ظل لحالي حبيت فكرة انو رح ظل لحالي
وتعودت عالشغل وحبيتو كتير وحتى نفسيتي رتاحت وكان الكل فوق محترمين ونفسياتن حلوة بعكس وقت كنت تحت كان تعاملن كتير سيء
صرت اهتم بحالي اجي مبسوطة عالشغل وقد ما تعبت ما كنت اشكي طالما مرتاحة نفسياً .
كان في يوم بالاسبوع بتعب كتير في وما بلحق طلبات بحكم بيجي مندوبين كتير وبيظلو يطلبو شي ساعتين الصبح وبعدا بينزلو وبرتاح.
وحفظتن وصرت اعرف الكل ويصير بيناتنا حكي وسلام وهنن نفسن كل اسبوع يجو مرة.
اجا يوم دق الباب شب منن وقلي بعد ازنك بدنا تنين شاي قلتلو تكرم كان واقف معو شب قلي بعرفك رفيقي محمد قلتلو اهلين فيك وفيه تفضلو الشاي. راحو
وبلشت الطلبات كتير تجي تليفونات و روح وإجي عم ضيف
كان الشب محمد قاعد ع كرسي لحالو برا قريب عالبوفيه وكل ما امرق يشوفني اجباري لأنو قاعد قدامي دغري
انا عملت حالي مو شايفتو انو عم يبحلق كتير وأساساً ما بحب هالنوع من الشباب يلي كتير بيبحلق بكل بنت بتمرق
وظليت روح وإجي روح وإجي هلكت اخر شي خلصت قعدت شوي قام دق الباب
دنيا: اوووف يا الله بس دقيقة لارتاح شبكن اليوم
فتحت الباب طلع محمد عطاني الفنجان وقلي يسلمو عالشاي قلتلو صحتين وهنا
ظل واقف شوي صافن فيني قمت قلتلو بدك شي إسا؟؟
محمد: لا شكراً
سكرت الباب وقلت شبو هاد مصطل هههه
راح ورجع تاني اسبوع واجا لعندي قال صباح الخير دنيا معلش بعد ازنك كاسة شاي
دنيا: اي تكرم عينك
محمد: انتي كتير حلوة
دنيا : شكراً الك تفضل
محمد: يسلمو
ظل واقف قمت طبشت الباب بوجهو
صرت حاكي حالي تضرب مأكزبك لتمى قال كتير حلوة هههه
طبعاً انا ما عندي ثقة بحال

انو ما بلا

قي متلو بحنيتو وجمالو
-بتلاقي اكيد واحسن منو كمان
-نشالله .. وانت ليش منشوراتك كلا خيانة
-انا كنت مرتبط وخطيبتي تركتني
-ليش تركتك
-خانتني وهربت مع شب تاني
-عنجد يقطع عمرا هي ما بتحبك
-لا تدعي عليها انا كتير بحبا
-بس هي خاينة وتستاهل تموت
-رح ترجعلي بشي يوم وبتشوفي
-اي نشالله بس انا بسمع انو وقت الشخص ينخان بيكون عامل بزمانو شي والله غضب عليه وخلا التاني يخونو
-امم اي ممكن يكون هيك.. او بتعرفي مو ممكن اكيد
-شو الاكيد
-انا عامل شي كبير بحياتي لهيك تعاقبت
-وشو عامل
-تركت بنت بتموت ع صرمايتي ولحقت هديك يلي بحبا قامت تركتني
-ليش تركتا اذا بتحبك بيقولو خود يلي بتحبك ولا تاخد يلي بتحبا
-اي ما بحبا شو بالزور هي فرضت حالا عليي فرض وبدها ياني حبها بالزور
((انا اجاني فالج يا ويلك من الله انا ميتة ع صرمايتك وبدي ياك تحبني بالزور )) غرغرت عيوني وبلشت البكي وكملت معو حكي بإسم رولا
-اي صح الحب ما بيجي بالغصب طب هي حلوة؟
-ماشي حالا بس انا احلى منها بكتير
-ههه انتو شباب بتظلو شايفين حالكون عالبنات وكل واحد فيكون ابشع من ابو الهول
-له له الله يسامحك والله انا حلو وشخصية
-طيب فرجيني
-ما بحب ابعت صوري لحدا قبل ما اعرفو
-اها طيب كيف حكيتلي قصتك وما بتعرفني
-انتي سألتي وجاوبتك
-طيب هي يلي كانت تحبك وتركتا شو اسما
-اسما دنيا دبقتني الله وكيلك كرهتا من كتر ما دبقتني لك بدا يانا حبها غصب وانا ما بطيقا وأصلا انا بس حدا دبقني بكرهو حتى لو كان ملاك
-معناها بتحبك كتير هي
-اي بحياتي ما حدا رح يحبني متلا ولا حتى ربع حبها إلي بس يا اختي انا ما بدي ياها بكرها
-اي انتو بتحبو يلي بتدوسكن بصرماية هديك وسخة هاينة ولسا بتحبا وهي المسكينة النظيفة بتحكي عليها بالعاطل وبتشوه سمعتا الله يجعل خطيتا برقبتك
-اي اي شبك انتي ما بيكفي هي بتدعي عليي كمان انتي
-والله انت بتستاهل
-هلا انا الغلطان
-اي غلطان وكتير بس شو هامك خليك راكد ورا هديك لنشوف آخرتك وين ههههههاي
-وحياتك لترجع تبوس رجلي لسامحا ع خيانتا الي
-لو كنت منيح معها ما كانت خانتك😏
وبتعرف مين رح يبوس رجل مين؟
-مين؟
-انت
-انا ههههه عم تمزحي ورجل مين رح بوس بالله
-رح تبوس رجل للبنت دنيا لتسامحك لأنو كل عمرك ما رح تتهنى وتظل خطيتا برقبتك ويكون بعلمك انا متأكدة مليون بالمية انو بعمرا ما ركدت وراك ولا باست صرمايتك متل ما عم تحكي بس انتو شباب بتحبو تنفشو بحالكون عالفتضي فافووووش ههههه
-انتي مستفزة كتير عصبتيني
-اي لا يطقلك عرق
((عملتلو حظر وسكرت الصفحة))
وحطيت حالي وبلشت بكي يخرب بيتو بعد كل شي عملو عم يحكي عليي كمان
وانا؟!! لك انا بموت ع صرمايتو
ليش مين ركد ورا التاني ومين ترجى وباس الإيدين لوافق
صرت اضرب بحالي واخبط ع قلبي وقول ليش ما
عم اكرهو ليش ليش ليش؟!! ليش هالقلب المشرشح ما قدر يكرهو يا ربي ليش
#يعني انا ولت شي؟!
ولااااااااا شي
شي بحياتو ومرق
شي عادي وتسلاية
شو هالحب هاد لك شو هالحب
يا رب اذا ما بدك تنسيني ياه بس خليني اكرهو
لإيمت رح ظل هيك لإيمت رح يظل قلبي مشرشح
ايمت رح شوف حياتي واخلص منو
يارب هالبني ادم دمرني وخربلي حياتي لإيمت رح يخربا أكتر
يارب يااااااارب مرق خمس سنين من عمري هيك عالفاضي وتعب ومرض وذل وإهانات ليش ما بدك ياني اكرهو وانساه ليش.
من وقتا لهلأ دنيا ما تغيرت لا قدرت ترجعلو وتسامحو ولا قدرت تكرهو
ما قدرت تحب غيرو وهو ما عم يقدر حبها
كل فترة والتانية بيغط وبيرجع يحاكيها ويترجاها وبتبهدلو وبتقلعو
كل ما تحاول ما تفكر فيه بيرجع وبيزكرا بحالو
هي أخدت وعد ع حالا انها ما تتزوج ولا تحب ولا ترتبط بأيا حدا قبل ما تنساه
يا ترى أيمت رح تنساه؟
لو بدها تنساه نسيتو من زمان
يلي بيحب من قلبو مستحيل ينسى لو شو ما صار
الله يطعم هالحب يلي بقلب دنيا لكل حدا فينا بس مو للشخص الغلط
للشخص يلي بيقدر هالحب وبيحترمو.
وبهيك بتكون خلصت قصتنا وطبقت ع دنيا هالغنية:
#طلعت_بحياتك_عادي
#وقت_ومرق_عالفاضي
#شو_يعني_كم_سنة
#خوفك_منو_عليي
#عالإنت_يلي_فيي
#بس_تسأل_شو_بني
..
#النهاية..

#رأيكن ؟!
حبيتوا كتابتها وقصتها .. ؟ وتشجعوها تكمل كتابة ..؟

هاتولها رأيكن هون ..
@RWAIATY_bot 🍿✨