🕶 بارت_10 🕶
.
.

بنفس اليوم بس بوقت ثاني💭

-لجين بضبح: يوووووف والضبح اشتي اخرج الحوش

-حذيفه: اخرجي

-لجين: امي عيصيحوا

-حذيفه: ومادراهم مابحدهم في البيت!

-لجين: امممم فكره..."شلت شنطتها حق الدراسه وخرجت"

-لجين رغم ان عمرها بهذي الفترة كان 13سنة الا ان حب اللعب مع العيال كان يجري بدمها كانت ترتاح ليزن كثير وتجلس عنده يساعدها في واجباتها ويتجابروا شويه...

-يزن سمع صوتها في الحوش وهي بتغني وتكتب الواجبات ذكر ماكانوا يتكلموا عليها في السيارة ضحك

-لجين سمعته بيضحك التفتت لعنده: مابه او بتبسر نكته

-يزن: ماشي غير ذكرت شي امممم ايوه صح للمه خرجتي

-لجين: كيف للمه خرجت؟

-يزن: سمعت ان قدش كبيره وبتستحي

-لجين: من قال لك

-يزن: العصفوره

-لجين: ماشي مابين استحي ولا شي غير امي مابيخلونش

-يزن: ليش؟

-لجين ماحبت تكلمه بالي سمعته من امها: مش انا داريه اسمع معي رسمه جي ارسمها لي

-يزن: عاد الناس يقولوا لو سمحت

-لجين ضحكت: يووووه اسفه لو سمحت

-يزن ابتسم لها: طيب يلا..."وسار يرسم لها"
.
.


عند_رؤوف:

-روح ضابح وماسك نفسه لاينهار وبس💭

-ثريا استقبلته مثل كل يوم: حيا باابو عيالي

-رؤوف مارد

-ثريا ركزت على ملامحه: مالك يا قلبي به احد زعلك؟!

-رؤوف مسك يدها وفي نفسه: انا كيف افاتحها بالموضوع

-ثريا: مالك ماقد به ابي فيهم شي امي؟!

-رؤوف: ماشي مالش صلي على النبي ليش بتفولي

-ثريا: مالك طيب وقفت قلبي

-رؤوف: وصل لي خبر اليوم على الجهال

-ثريا بلهفه: اليوم اين هم ذلحينه؟!

-رؤوف وطى رأسه وبقهر: لقوهم بس...

-ثريا حست ان في شئ: ايوه بس ايش؟!

-رؤوف رفع رأسه: بس جثث جثث يا ثريا جثث..."وبدأ يبكي"

-ثريا: بتمزح صح

-رؤوف: ليش به احد يمزح بهذا المواضيع

-ثريا بدأت تدمع: طيب وابننا يا رؤوف...
.

#يتبع...
.

@rewayatyamania

بارت_45 🎈
.
.

اليوم_الثاني:

-لجين: انا اشتي ادرس!

-سميرة: طيب شويه نسبر اوضاعنا بالاول..."كانت تفكر بكلام آدم لها"

-لجين: طيب اقدر اخرج ضابحه

-سميرة: اين تخرجي؟مابتعرفي بقعه؟!

-عمر سمعها: سهل ياخاله انا شاخرجها

-لجين التفتت له بنص عين: خلاص بطلت

-عمر: لاتستحيش!

-لجين بزنط: من ايش استحي

-عمر: يمكن قلت تستحي مني

-لجين: مع مع تطمن

-سميرة بتتفرج لهم ساكته شويه وتكلمت: الا اخرجوا مع بعض

-لجين التفتت لها بسرعه: خلاص انا قد بطلت

-سميرة: الا اخرجوا مع بعض تتعرفوا على بعض اكثر وشلوا معكم حذيفه

-لجين: هه من صدق بتتحاكوا؟!!

-سميرة ببرود: ايوه ومافيها قد حذيفه معكم

-عمر: يلا سيري تجهزي!

-لجين: ماشخرجش بتسمع او لا..."وخطيت لغرفتها بسرعه"

-عمر: مالها هذي؟

-سميرة ابتسمت مجامله: ماعليك منها
.

-اما لجين دخلت غرفتها بسرعه وبدأت تتصل لآدم،مافتحتت معه الموضوع سريع،وبعد دقائق من الكلام💭

-لجين: آدم ماحاكيت امي امس؟

-آدم: ليش؟

-لجين: تخيل اليوم يشتوني أخرج مع عمر

-آدم: منش صدق بتتحاكي

-لجين: والله العظيم مااكذب..."بدأت بحه البكاء تبان على صوتها"لقيت حل

-آدم: انا امس حاكيتهم من عمر وقالوا لي شافكر

-لجين: كيف كان اسلوبها معك

-آدم: قوووي عادي ومتفهمه

-لجين: ليش ماعندي تضبح؟

-آدم: وانتي كوني امشي على مايشتوا عشان يبطلوا يضبحوا فوقش

-لجين تنهدت: ذلحين انا محد يهمني مثل مايهمني يزن

-آدم بمزح: هي هي عادنا اخوش

-لجين ضحكت: قوااا ياآدم

-آدم: طيب خلاص سيري الان وانا ابسر مابه
.

.
مكان_ثاني:

"ناس يمكن نسيناهم"

-حاتم: مارأيك نبدأ نشتغل مره ثانيه؟

-عبدالرحيم: مش ذلحين خلينا نتأخر

-حاتم: يااخي الاوضاع كل يوم بتتدهور وهذي فرصتنا نقدر نسرق وننهب براحتنا

-عبدالرحيم جلس يفكر بكلامه: اممممم احاكي محمد يبسر لنا جماعه يساعدونا

-حاتم: تمام ورديت لي خبر معي لنا عمل يالطيف

-عبدالرحيم: ماهو؟!

-حاتم: شركة تجنن ودخلها بالملايين

-عبدالرحيم: صدق بتتحاكى شركة ايش؟ومن؟

-حاتم: والله شركة ال...

-عبدالرحيم ضحك: يهيي هذي قبل فتره بدأت تنهار يعني ذلحينه خلاص

-حاتم: مالك ياتنهار قد رجعت للسوق بقوة انت ماعليك بس ابسر لي محمد وايش عيقول وانا شتصرف؟

-عبدالرحيم: طيب وعلى الله
.
#يتبع...


@rewayatyamania

🍄
150
🍄

.
عبدالرحمن: تسلمي
هيثم بضببح: بيتفرج لها وللقلص
هديل مقفيه عيونها ع جنب: ماسكه الصحن.
هيثم : شل القلص وطرحه..
هديل : طرحت الصحن وجلست جنب ابوها
صالح: سيري عند زوجش
هديل : انحررجت
عبدالرحمن : بدء فتح موضوع العمل..
هيثم ماسك التلفون: بيراسل اسامه..
هديل : خرجت تجهز البالطو حق اسماء في الكيس.. عبدالرحمن :كان نستئذنكم
صالح : يمين ماتدو خطوه نتعشى سوا
عبدالرحمن وقف: لاتحلف، يوم ثاااني الان انا اسير معي عمل ومشكله نتمها
صالح: يلله كان اقل لهديل تجهز.
عبدالرحمن : ايوه فيسع الله يحفظك
هيثم مطنن: بيتفرجلهم
صالح خرج : يدعي هديل
هيثم: مالك يابه استئذنتني ووافقت لها تمسي
عبدالرحمن: مادراني وانا كان اخطى
خارج
هديل: ماشي انا شمسي عندكم تميت اختبر
صالح : سدي انتي وزوجش
عبدالرحمن: على خرجته يلله ماتشتي شي يابنتي
هديل: الله يحفظك ياعم..
عبدالرحمن: اي شي تشتيه اتصلي..وخرج
ايمن : بيدعي ابوه يجاوب سامي ف التلفون الارضي
صالح: ودعهم وسار يجاوب
هيثم ساااكت:ع خرجته
هديل :ناولته كيس
هيثم : ايش هذا؟
هديل: بالطو اسماء وتلفونك..
هيثم : فتح الكيس خرج التلفون طرحه فوقها وخرج وغلق
هديل تشتي ترد: مالحقت دخلت المطبخ تبككككي
سمعت صوت ، شلت بصل ياسعم بتقطع للعشاء.. فوق السياره..
عبدالرحمن : مالك انت ومرتك ماعجبنيش وضعكم
هيثم:مابش شي بيتهيء لك
عبدالرحمن :اذا مابش شي كان مش عيب عليك ولا جابرتها ولا شي
هيثم : هي خزويه ماحبيت احرجها

بيت صالح..
ايمن : هدددديل جاوبي سامي
هديل : مسحت وشها وسارت تجاوب
سامي: مال صوتش؟؟
هدبل: مزكمه
سامي: متاكده؟؟؟
هديل ماسكه نفسها تقرح تبكي محتاجه حد يسالها هذا السؤال: ايوه ياخي تطمن

ع جنب
افراح : مدري مالي مش مطمنه لجيه هديل مالها
صالح: مالها انتي وحقش الهدار هذا مالها شي عاد عتدوري قصه.
افراح: انت ابوها وانا مثل امها اعرفها وشها مقلوب
صالح: هو الوحام
افراح: سكتت.. اخر الليل ...
فاتن : بتجهز لبسها وادواتها
افنان :كان يشتي يدخل يتصور معش بكره
فاتن : ايش يتصور ! عادو مش عرس هي الا حفله
افنان : قد قلت لاخته لما تعقدو
فاتن بصدمه : نعقد ايحين ؟
افنان : عيوصل ابي بكره فجر وقالت امي انهم عيعقدو بعد بكره.
فاتن عااادي بدون فرحه عروسه : خيرر ..امتد شويه قدني تاااعبه...شلت التلفون من الدرج...وبتقرااا الرسايل....بينها وبين نفسها كم مكالمات ورسايل ..حتى الواتس علق يووو..ابسر دعاء اول مالها فعلت بصاير...
.

#يتبع...


📚 @rewayatyamania 🇾🇪

🎭 9 🎭


ليث روح البيت وشاف عياله ماراوحوا المدرسه
دخل عند يسرى بعصبيه: ليش عيالي مش ب المدرسه
يسرى:ماعندهم مصروف
ليث: بيعي ذهبك ودرسيهم
يسرى: لو ابوهم مات سهل ب ابيعه بس ماهذا اعتقد في رجال داخل البيت او انا غلطانه
ليث اقترب منها ومسك شعرها: ايش
يسرى: والله انك واختك سوا مافيش فرق مامنك فايده
ليث عصب وضربها في وجهها : صار لسانك طويل
يسرى: مثل ما انت صرت حقير
حاولت تبعد عنه بس كلامها استفزه وما قدر يمسك نفسه وصار يضرب فيها...
خرج بعصبيه وعياله كانوا يبكوا بالصاله بعد ما سمعوا صوت الصياح
يسرى اخذت العيال وجمعت ملابسها: لا هذا زودها من زمان اقول ما اروح عشان عيالي بس مافيش فايده ياويلك من اخي مابيكسر عينك الا هو
..........
ام سليمان : روان هاتي الرز من المطبخ وتعالي
سليمان: هيااااا مت جوع
روان : طيب طيب
ديانا : هاتي معك ماء
سليمان يشوف لها: قومي اشربي لنفسك
ديانا: ليش ي روميو تخاف عليها هوووو ماء
سليمان : لا بس هي بتجيب الرز
روان وصلت : خلاص جبت مافيها شي
سليمان بعد شوي وهي جلست جنبه
ورامي يشوف لها ب احراج
وهم ع الغداء
الباب بيدق
رامي: قومي ي ديانا
ديانا: قومي يـ روان
روان: قوم يـ سليمان
سليمان: قوم يـ رامي
ام سليمان ضحكت: كل وأحد يـ امر الثاني
بقوم انا
سليمان مسكها: خلاص خليك يمه ب اروح
بس هي قامت: ما يصير فيني شي بشوف من
قامت فتحت وصدمت من شكل يسرى: يسرى ايش فيك
سليمان قام ع طول
وصل جنبها وهي دخلت وبكت
سليمان بتوتر: ايش فيك
ديانا وروان ورامي قاموا ع الاكل
ام سليمان بتفاجؤ: ايش في يـ بنتي
يسرى: ليث مد يده علي وضربني
سليمان يشوف لها بعصبيه؛ الحيوان انا اربيه
خرج بسرعه
روان تشوف بعده
ام سليمان تشوف رامي: الحق بعد اخوك بسرعه
رامي غسل يده وخرج
روان تشوف ل ديانا: من هذه
ديانا: هذه اختي
ام سليمان : ماتكلمتي الا امام سليمان والله بيفعل لنا جريمه
يسرى جلست وهي تبكي: يا ربي كيف افعل بنفسي
روان وقفت امام الشباك وهي قلقه ع سليمان
......
لينا اول ما وصلت البيت دخلت الغرفه وغلقت ع نفسها وجلست تبكي: بعد هذه المده كلها شفته شفت سليمان يا الله ما تغير هذك هو نفسه الشاب الذي كنت احلم فيه طول حياتي الانسان الشهم الرجل بمعنى الكلمه الخلوق الطيب وكمان العصبي حتى عصبيته حلوه وكل مافيه حلو
ووتذكر كلام ابتسام : عادك مصره انك تملكي كل شي
جلست ع الفراش: انا من خسرت سليمان خسرت كل شي!!
......
ليث روح البيت ماشاف لزوجته اثر
راح بيخرج فتح وسليمان في وجهه ضربه ع وجهه : تمد يدك ع اختي يـ كلب انا اربيك
دخل بكل عصبيه وصار يضرب فيه
الناس كلهم تجمعوا ورامي يحاول يبعده منه: خلاص يـ سليمان خلاص الرجل بيموت ع يدك
سليمان : خليه يموت الحيوان هذا كيف يمد يده ع اختي وهي مره هذا ما عرف يتربي خليني اربيه
الناس فرقوا بينهم سليمان يشوف له بعصبيه:بتطلق اختي يـ حيوان انت ما تستاهل
فك ايدي الناس عنه بينهم رامي ومشي وهو معصب
.....
روان وهي قلقه: حتى ما انتظر تتكلمي خرج ع طول
ديانا : عادك ما تعرفي عن سليمان شي دمه حاااار
نصيحه مني لك بس تشوفيه معصب لا تناقشيه أبدا
روان تشوف لها:...
ديانا: انا ما اقول لك كذا عشان اخوفك بس اخي اذا عصب الله يعينك بس
كانت ديانا تتكلم وتحرك ايدها وروان تشوف لها بدهشه
يسرى: يا الله اخي عصبي لو عرفت ما جيت
وهي تتكلم دخل سليمان :إياك تخبي علي شي إياك
يسرى قامت الى جنبه والكل يشوف له: بس يـ سليمان ماكان داعي تعمل هكذا
سليمان عصب فوقها لما نقزت: اخليه يضربك شوفي وجههك يـ غبيه صار كانه شوارع وتقول لا تعصب انا ممكن اسامحه ع اي شي الا انه يرفع يده في وجهك اكسرها له قليل اصل وحذرته الف مره وقلت له إياك تفكر تمد يدك ع اختي بس ما يفهم
يسرى: طيب ايش فعلت
رامي دخل: ولاشي غير انه كسر عظامه
يسرى مسكت فمها:سليمان
سليمان : اسمعي لو سكتي له كان بيتمادى والذي يمد يده ع مره مش رجال
دخل غرفته معصب وقفل بقوه
ام سليمان : يستاهل خليه يتادب
رامي: لو تشوفي زوجك يـ يسرى ما تعرفيه ههههههه
ديانا: ما اقدر اتخيل كيف كان شكل سليمان معصب اتوقع بيدخل في وجهه ع طول هههه
رامي: لو تشوفي شكله يـ ديانا بعد الضرب تقولي فقد الذاكره
كانوا يضحكوا
يسرى بعصبيه: بس بس انتم ماعندكم احساس جالسين تضحكوا
ديانا: اوهو لا تكون ملكه الاحساس زعلت ع بطل الرومانسيه
رامي: يـ بقره شوفي وجهك
رواان تشوف ل رامي: سليمان بيعصب هكذا واصل
رامي انفجر ضحك: مسكينه اذا عصبتيه كيف بيفعلك
روان بلعت ريقها بصعوبه:...
ام سليمان ضحكت: لا تصدقي يـ روحي مافيش اطيب منه
روان:....
ديانا : قلت لك اذا شفتيه معصب اسكتي لما يهدا والا وقت ما يعصب حتى الحب حقه ما يعرفه
رامي ضحك هو وديانا
يسرى قامت بعصبيه ودخلت غرفه امها مع عيالها
رامي يشوف بعدها: لاتكون هذه البقره زعلت ع زوجها
ام سليمان : بالنهايه هذا ابو عيالها وانت ماقصرت بالشرح
رامي: ههههه بس والله سليمان برد قلبي
روان متفاجئة :...


#يتبع...

@rewayatyamania

بارت_35 ✍
.
.
بعد_يومين:

-أسماء: كل شي قد هو جاهز

-غيداء: قد جهززت كل شي والله

-أسماء: تمام يلا زيدي ابسري ماناقص

-غيداء: والله يااماه ان كل شي جاهز وبعدا احنا مسافرين بعد غدوة مالكم بتستعجلوا

-أسماء: ماافعل يا بنتي أول مره بحياتي اسافر قد انا خايفه

-غيداء ضحكت: يوووه يااماه ياسعم عنسير مصر احنا بس عنسير مسافه بسيطه

-أسماء: ولو يابنتي حياتنا عتتغير هناك اكيد وهذا اكثر شي مخوفني

-غيداء ابتسمت من كلام امها وفي نفسها: اكيد عتتغير وليش ماتتغير وانا بعد ست سنين من الانتظار شلقاه والله ان الدنيا بكلها مابتوسع فرحتي ياااارب قرب الساعات والثواني عشان القاه بسرعه
.
.

بيت_محسن:

-كمال: اين عتسير؟

-يزن: شااسير الشركه معي عمل مهم

-كمال: طيب اسمعني اشتي احاكيك بموضوع

-يزن: طيب تقدروا تأجلوه لبعدا طارق عيأكلني

-كمال: بس الموضوع على لجين ومهم قوي

-يزن: حتى ولو أجلوه لبعدا قوااا مش انا فاضي

-على خرجه لجين سمعت اخر كلمه من كمال هو بيذكرها وكلام يزن وهو مش فاضي لها زعلت وحست ان هي صارت حمل ثقيل عليه،وصلت بخطوات ثقيله لعند كمال💭

-لجين: عتوصلوني ياعم

-كمال التفت لعندها: اكيد يلا بعدا نتحاكى انا وانت

-يزن التفت لعند لجين وبابتسامه: مااخبار الجامعه معش؟

-لجين بقهر: تمام الحمدلله اخطى سريع قبل ماتتأخر على شغلك

-يزن استغرب من ردها: طيب تشتي شي؟

-لجين: سلامتك..."طلعت فوق السيارة غلقت الباب بقوة"ياعمو كمال

-كمال: أومري

-لجين: لاعد تحاكي يزن مني!

-كمال باستغراب: ليش؟؟؟

-لجين: هذي الفتره هو مشغول مشتيش الهيه على شغله

-كمال: مابش شي هي غر كلمتين!

-لجين: ولو انتوا دارين ان احنا غدوة الفجر عنسافر

-كمال: ايوة قد قال لي حذيفه الصبح

-لجين: يعني خلاص ماعدبش فائده

-كمال: ابسرتي انش متشائمه بقوة

-لجين: قده احسن من انا ابني احلام خياليه
-كمال بضبح: احنااا والحكى هذا انتي وهو خلاص انا بطلت اتدخل فيكم

-لجين ابتسمت بقهر ورجعت تتبسر من الطاقه ودمعتها طرف عينها وفي نفسها: خلاص بس شستسلم للامر الواقع بدل مااتعب نفسي تفكير وهم هو هكذا والا هكذا انا مش ليزن انا مش ليزن
.
.

بيت_رؤوف:

-أمل متحمسه وبتجهز اغراضها لاول يوم دوام بالجامعه💭

-رؤوف بابتسامه: اين عيسير القمر من صباح الصبح؟

-أمل: شااسير الجامعه

-رؤوف بستغراب: ليش عتسيري؟

-أمل ضحكت: ليش بيسيروا يااباه الجامعه اكيد عشان ادرس

-رؤوف باستغراب: وايحين قد سجلتي

-أمل: قبل يومين ماكلموكم امي

-ثريا سمعتها ودخلت: انتي قلتي لي ماتحاكاش

-أمل ابتسمت: اها خلاص قد تحاكيت ذلحين

-رؤوف: ومن اين دفعتي الزلط...
.
#يتبع...


@rewayatyamania

45 🦋


ابو إيلاف:ايش الخبر.
ايلاف:والله مدري بس تقولي ان ابوها بيجي للبيت الان.
علي:ومنهو ابوها وليش يجي البيت الان.
ايلاف:ليش وانا عارفه شي علمي من علمك.
ام إيلاف:غريبه والله كيف لوما يجي هذا الوقت الان الساعه سبع ونص.
مراد:يعلم الله انا بنتظر شويه اشوف ايش الخبر.
علي:والعمل.
مراد ضحك بسخريه:عساس الشركه حق ابوك منتظره مننا توقيع مهم هو الا شغل يوم ويومين لا كله على الأرزاق سهل نتأخر شويه.
علي☹:انت أخبر وانا بعدك مااخطي الا لوما اعرف ايش يشتي هذا الرجال بهذا الوقت🤔.


نرجع لبيت علي
علي:يله ياعيال كلكم غيروا اخلص اغير وانتو قد لبستوا.
مصطفى:اين نسير.
علي:مش وقتكم البسوا وبس.
منير 😢😥:اول نصطبح انا جاوع.
سميره:هيا اخطي الله يرضا عليك وبجهز لك سندويتش تأكله بالسياره.
كلهم دخلوا يغيروا لداتهم ورشا وشذا في حيرة.
خلصوا وخرجوا علي وعياله الثلاثه.


بيت ابو خالد.
ناصر: وين خالد نخطى الشغل يجي يتفاقد معي البضاعه قدهي معي اجازه اليوم .
خلود:الان جايي بعدي.

الباب بيدق.
خديجه:من بيدق الان.
عهود:بشوف من( قربت من الباب )
من؟. علي:عمش علي.
عهود استغربت جية عمها هذا الوقت فتحت اهلا وسهلا بع شافتهم كلهم وارتبكت رجعت غلقت مراد شافها وضحك على حركتها.
مصطفى كاتم ضحكته:حقك الهانم غلقت لوجهنا.
منير:اكيد فجعتها صوركم الشوعه.
مصطفى:هات لنا من جمالك شويه.
عهود:يابه هذا عمي وعياله.
قام من الكنب وهو يشرب الكافي:وليش مافتحتي.
عهود سكتت ومحرجه من موقفها.
بعد السلام.
ناصر:اين نسير .
قاطعهم خالد:خير ان شاء الله ايش جابكم هذا الوقت.
مراد:كسروا راسك امشي بعدنا وبس ساع الأطرش في الزفه.
كلهم خرجوا بالسياره علي الشباب جالسين خلف وناصر جنب علي.

بعد ما حكا علي لهم.
ناصر بفرحه:تتوقع انهو هو.
علي:قدهو اكيد ان شاء الله خير.
منير وهو يكل:وليش ماخليتنا نصطبح يعني ليش مستعجل.
مصطفى:اسكت اسكت كل وانت ساكت.


وصلوا للحاره وهي مش نظيفه حارة ناس على قد حالهم والبيوت قديمه.
علي بيدق الباب وقلبه يدق.
مراد ابو إيلاف :شكلهم جو يله ادخلين الغرفه.
علي قام يفتح.
إيلاف طرحت المبخره من يدها والبخور ودخلت بعد امها.


نرجع لبيت ابو مراد.
سميره:صدق ان الدنيا صغيره سبحان الله والصدف كيف تجمع بعد الفراق.
رشا:ايش من فراق احكي لنا ايش الخبر وترتوني.
سميره:ابو إيلاف هو عمش مراد اخو ابوش.
شذا ورشا بصوت واحد:صدق.


#يتبع...


@rewayatyamania 🇾🇪

🎈
🎈
🎈 155



سيده : أمانه يا بنتي إسكه إتصلي لزوجش إبسري مايشتي هذا جاء بطوني بتفور 😥 .


مره سامي : قد اتصلت بغير ماتقلي لي تلفونه مغلق وجنات بينتصلها مابتجاوبش ..


سيده : ع الله .. الله يسمعنا خير.



.............

في الديوان في بيت عآصم ..


عبدالعزيز : بصوت واطي بيحاكي الشيخ .. يا أبه قوى ماتشتي قلي .


الشيخ : لفت لاعند عآصم ... هيا ياإبني عتبسرهم ..


سامي : الآن الآن .. وقام يدعيهن .


جنات : مسنبه فالباب هي وجنى مارضيتش تدخل ..

سآمي : إبسرها .. أشر بيده👋🏻 هيا شرق دخله وين جت أمش .


جنى : مارضيتش ياخالو بتفتجع من جدو ..


سآمي : مسكها بيدها .. هيا من الخباله سعم عياكلش ودخل بها ...


جنى : بتخطى بعدهن إبسرت أبوها إبتسمت وسارت تجلس جنبه 😃.


عبدالعزيز : إبسر جنات بتخطى مفتجعه سنب وخطي لاعندها 😃 اهلا بحبيبه أبوها كيف انتي ياروحي وحبها في رآسها 😘 هيا جي معي أعرفش ع جدش مسك بيدها وبيخطيها ...



الشيخ : أول ما إبسرها تنهد وتشارغت عيونه بالدموع 😔 ماشاء الله سبحان الخالق جنى من عين الحجر ..


جنى : تشتي تلطف الجو .. بس أنا شعري قصير ووجهي أضعف صح يابابا أنا أحلى 😜.



سامي : بيحانكها .. كلكن شوعات أنا الحالي أنا ...


جنات : مسنبه بتتفرج الشيخ سكته 🙊.


عبدالعزيز : جنات هيا حبيبي .. سلمي ع جدش ..


جنات : مقدرتش تمسك نفسها نزلت دموعها 😭 مشتيش بسبه حرمني منك ومن أختي .

الشيخ : اقتهر قووى 😔 بس بيحاول يبان أنه قووى ... طيب وجدك جاء يستسمح منش يابنتي ويتأسف لش ويعتذر لش ع كل لحظها عشتيها بدون أهلش ..


رهآم : دخلت ع كلامه وهي ملثمه .. بس اعتذارك ياشيخ ماعيرجع لهاش عمرها الي عاشته بدون أب وأم أنت داري اني مخبيه عليها انها بنتي لاقريب عاشت بنتي محرومه من الأب والأم بسببك .. حرمتني من بناتي وعاشين بدون أم وأنا عايشه خليت عبدالعزيز يطلقني لأنك بس تشتي خطفت بنتي من المستشفى 🏥 بدون حتى ما أحظنها وأشم ريحتها وقرحت بكاء 😭 جلست ع الأرض بسببك عشت أيام محد عاشها فكرت إن الدنيا والمشاعر عتشتريها بفلوسك .

عآصم : قام لاعندها ومسكها .. قوى حبيبي بس لاتبكيش 😭 وبيطبطب عليها ..


جنى وجنى : بكين وقامين يحضننها 😭 ..


عبدالعزيز : مقهور قوى عليها حاسس نفسه مكتف نفسه يقوم يهديها يطبطب عليها يواسيها بس للأسف خلاص بلحضه غباء خسرها طول عمره قفى ومسح دمعته لحد يبسره 😭 ..



الشيخ ناصر : لأول مره بان ضعفه قدام الناس ... لأول مره ينزل من نفسه ويتراشى أحد ضاعت هيبته وكبره ...نزلت دموعه قدامهم 😭 وماحاولش يخبيها ... سامحيني يارهآم سامحني ياعبدالعزيز سامحني يابناتي ظلمتكم بسبب جبروتي حسبت اني أقدر أتحكم فالناس وأمشيهم ع كلامي حرمت ابني من مرته وبناته وانتي ظلمتش سامحيني يابنتي ابوس يدش 👋🏻 قد ربي انتقم لش مني وقدنا شيبه مشلول بيشلوني ويحطوني يعلم الله كم عاد ساعتي في الدنيا هذه ماعاد اشتي منها شي إلا حاجتين تسامحيني وتوافقي نخطب جنات لأحمد وبنت أخوش لأكرم ابن مريم بنت ماعاد قدرت أظلمهم من جديد وبعدها لاجاء الموت جاء رحمه من هذا العذاب .




عبدالعزيز : مسك أبوه وحبه في رآسه 😘 بعد الشر عليك الله يطول في عمرك الله يسامحك دنيا وأخره وبناتي ماعيقلين أنت جدهن وماعيسخنش باقي أم يوسف تسامحك وقلبها مثل ماعرفته مابش أطيب منه ولا أحن منها كم قد صبرت عليا ..




رهآم : إبسرت عبدالعزيز بتتفرجه وتتذكر كيف كان تسامحه بعد كل الي يفعله 😔 ..


سآمي : بيأشر لرهآم برآسه أيوه.



عآصم : بيحاكيها دلا ... يعلم الله كم عاد ساعته وقد دري بغلطه ربش غفور سامحيه ولش الأجر .




رهآم : لفتت للشيخ وعيونها مورمه ولثمها مبلوله من الدموع 😭الله يسامحك ع كل مافعلته .



الشيخ : تنهد وإبتسم ... الله يفرج همش مثل مافرجتي همي كان حمل وكاتم ع صدرى 😃 ..




عآصم : ابسر جنات .. قومي سلمي ع جدش وحبي رآسه 😘 .



عبدالعزيز : الحمدلله الي فرح قلوبنا برجعه البنات .. باقي موظوع العيال نتم خطوبه سمر وانتوا تفكروا .




عآصم : الله المستعان مانفكر البنت بنتك والشور شورك ..



عبدالعزيز : مسكه من كتفه لاوالله الأب الي بزا وربى القول قولك وقول أم يوسف وأبسرها جت عينه في عينها .


رهآم : حست بسهم دخل قلبها أول ماجت عينها في عينه وطت وخرجت ع طول💖 .




#يتبع...

@rewayatyamania

💎
💎
💎 100


سيده: بتدور ..هيا وين بنتي العاصيه الي قدلي منها 10أيام ..

جنات: سمعتها كانت في غرفتها بتذاكر ضحكت ..وخرجت أهلا أهلا با أمي وقربت تسلم عليها ..😃


سيده: رهآم وقلنا مستشفى وبيت وأنتي مامعش ياعاصيه ..

جنات: الجامعه قذا بتبسروا عادنا مضيعه لأنها أول سنه ..

سيده : أهم شي إنش ماعتقعيش دكتوره يكفي الأوله قدهي بتغيب عليا بالأيام ..


رهآم: حيا حيا باأمي كيف أنتي 😅قبل ماتصيحي دآريه بس والله ماعد بينفضى حتى أحك رآسي ..

سيده: يله هآه قدش هاذك غر مسكين عآصم والله ان بينرحمه بالذات لماتناوبي .

يوسف: ضحك هههه 😀 هيا ناهي لش ياجده هو مفتهن هذه الحب ❤ أمانه بيدلعها إلا حراوه ..


رهآم: هيا ناهي يالقانه لاعند أبوك هههههه ..

يوسف: هيا جده أمانه إشهدي قليلهم يزوجوني للمه ماهم 😜.


سيده: بتضحك عليه ههه ذلحين كمل المدرسه وأكبر يازواجه 😃.


...........


سلوى : بتتصل لأحمد تبسر أين قدهو ..

أحمد: جاوب التلفون 📱 هآه قدنا فالباب أنا وأكرم ..

سلوى: يله تمام أخليهم يقربوا .


أحمد: يووه هيا رآعي يا أكرم نسيت المحفظه أديها .

أكرم :بيحانك أحمد شدخل قبلك أبسر الحب ❤ قبل ماتدخل تشل الجو عليا 😜.



أحمد : بيفتح باب السياره 🚘 يشل المحفظه ..

أكرم : بيخطى فالحوش .



فجاءه صوت ضرب رصاص 🔫 ..


أكرم : بيحمل رجع للشارع إبسر سياره بتهرب مسرعه وتفحط 🚗.

أحمد: مرجوم عند باب السياره مغطى دم 😔 والمحفظه في يده ..


أكرم: بيهزوره ويصيح ابسروا منهم إلحقووهم .. أحد يجي يشله معي نسعفله .

رجال الشيخ: حملوا يلحقوهم وبيضربوا عليهم .


نجات: يووه 😱ياحافظ ماهو هذا ..

سلوى: صآحت 😱 أحمممممممد إبني خارج وأكرم ..




سمر وجنى: حملين بسرعه لاطالع يبسرين من الطاقه .


عبدالعزيز: خرج بسرعه بيحمل يبسر مابه 🏃.


جنى: وهي بتحمل إدربت حست رجلها يبست من الفجيعه .

سمر: بتقيمها .


الشيخ: بيصيح من غرفته ييييي مال أحمد من ضرب رصآص ييييه ..محد جاوبه كلهم مشغولين ما ركزوش حاول ينزل من السرير مفتجع ع أحمد إدرب ..



عبدالعزيز: خرج وهم بيبزوا أحمد لافوق السياره طلع معاهم واتصل لسمر تلحقهم للمستشفى الي بتناوب فيه 😔..



الشيخ: بيحاول يزحف ويصيح يشتي يبسر مابه زحف للباب وبيصيح ..


سلوى: بتصيح وتبكي 😭 تذكرت عادل وكيف مات افتجعت ودوخت .


جنى: بتبكي 😭وتشتي تفوقها وتشتي تسير مع سمر تتطمن ع أحمد دعت الشغاله تبسرها وهي حملت تخرج مع سمر ..


نجات: سمعت الشيخ حملت لاعنده تبسره وعيونها دموع 😭 أحمد أحمد ..


الشيخ: هذا كله بسببي كميا ثارات لي عند الناس ونزلت دموعه 😭بدلي لي بسرعه وخليهم يشلوني المستشفى ...



.......


رهآم: ذلحين مارأيش يا أمه مفتجعه أقلها أخسرها ومشتيش أخبي عليها ترجع تلومني ..


سيده: أنتي دآريه خليها لما نجس نبضها وبعدا بنتش ماشاء الله عليها عآقله قوى ومؤدبه وحميش كلهن فيها ..

رهآم: تنهدت 😔.. تقلي يا أمه وجنى قدهي ساعها كبرت وهي تشبها وكيف طباعها يعلم الله مره أبوها كيف بتعاملها .


سيده: أكيد تشبهها إبسرتي الصوره حقها لما وريتيني تخايلي إنها جنات ..

رهآم: أنتي دآريه جنات كل ماتبسر الصوره فالخلفيه حق التلفون تقلي للمه مامعجبه لش إلا هذه الصوره حقي ماتفعلي بدلها معرفها إلا هي في تلفونش ..


سيده: الله يفرح قلبش يابنتي ويرجعها لحضنش ..





ألف سلامه عليك يا أحمد إيش ذنبك أنت وأبوك تتعاقبوا بسبب أعمال الشيخ 😔.


#يتبع...

@rewayatyamania

سليمان ضحك : خذي وقتك فكري وردي لي جواب
بس ب النهايه خلي ببالك انك بتتزوجي شخص قلبه معلق بشخص ثاني
ابتسام وقفت وخرجت وهي تفكر بكلامه : معقوله مو قادره اصدق !!!!! كاني في حلم
الشخص الذي احبه من سنين عرض علي الزواج
بغض النظر عن زوجته الذي انفصل عنها
بس ما بصدق اني بكون معه هذا حب حياتي

........
روان كانت ب مكتبها وتفكر : اروح اشوفه من بعيد بدون ما يشوفني لا اذا شافني ايش بقول له بعيدين ؟ يكفي ما بعلقه بي اكثر
تنهدت: خليه ينساني يكفي الذي فعلت به الى الان
وهي تكلم نفسها دق الباب
روان تبعد البحه عن صوتها : احممم ادخل
دخل شافت له برفعة حاجب
جلس بعيد شوي ومكنها ورق: وقعي عليهن
روان اخذتهن بسرعه ووقعت
سليمان بتعجب: ماراح تقرأي اول ايش هن
روان ساكته وتوقع البقيه
سليمان : والا هي عوايدك توقعي على كل شي بدون ما تحسبي النتيجه ؟؟
وقفت عن التوقيع وهي تشوف الى الورق ومنزله راسها بدون كلام
سليمان : يعني عادي توقعي العقود بدون ما تقرأي وعادي توقعي القلوب وتتركيها ممزقه وتمشي ؟
رفعت له راسها :....
سليمان مسك الورق : بخرج عن اذنك
روان : ومتى تطلقني
سليمان وقف وهو يمشي التفت لها بهدوء
ومشي بدون كلام
خرج وهي ضربت الطاوله بيدها بعده: حتى قلبي وقعت بنفسي عليه ومزقته بالنهايه

.........
#يتبع...

@rewayatyamania

🕊 65 🕊



بعد يومين راشد وخاله وعمه وجده ساروا لبيت ابو مراد تقدموا بس علي قالهم ان شاء الله خير وماجابش لهم كلمه موافقه يشتي لوما يسال ويتصل لهم اذا قبلوا والا رفضوا وجلسوا اسبوع يسالوا عن راشد واهله وحتى سالوا معاريف لهم في عدن.


في الليل بعد العشا في غرفه سميره .
علي محتار :ذلحين يامره كيف نفعل الصدق سالنا على الولد وماعليه عيب مصلي شغال بيدرس معاهم بيت وأهم شي مستورين ومستقرين بصنعاء بس الصدق مشتيش رشا قبل شذا تتزوج .
سميره:لو هو نفس ماقلت توكل وشذا بيجي نصيبها سهل لا تقطع نصيب رشا عشان شذا بعدين عادها خطبه ثلاث سنوات من يدري قد شذا بثلاث السنوات تتزوج.
علي:صدقتي الله يوفقهن مشتي الا اشوفهن مرتاحات المهم تعالي للصاله نخرج نسمر معاهم واشوف راي البنت.
سميره:يله تمام.

في الصاله الجهال سامرين ماعدا شذا ورشا.
علي:وين روح ابوهن.
منير:اما شذا ورشا ورغد قدهن الروح واحنا ماعاد بقيت لنا.
علي ضحك:انتو القلب والكبد والرئتين والمعدة.
مصطفى بيضحك:خلاص بس بس انا القلب ومراد ومنير الرئتين صح والا صح.
سميره بتضحك عليهم :يووو على لغجين ابسروا لمراد جالس يضحك وبس عاقل مايدي كلمه.
مصطفى تنحنح وعدل جلسته:احم احم زوجونا نعقل.
علي:عليك غضبي عادك الا جاهل مش راكن عليك وازيد ا زوجك.
مصطفى ضحك:والله انني رجال ويركن عليا بس مدري مال عيونكم صغيرة تشوفني صغير هيا وسع عيونك انت والمدام حقك.
سميره:هيا تسمعوا للجنان حقه ويشتي نزوجه احلم لك احلم.
مصطفى:قد احنا نحلم الحلم ببلاش
مراد قرح ضحك.
منير:بس بس كركره من رايي شل مرتك وانزل احسن لك.
مراد من بين ضحكته: هيا للسماجه ادعوهن من الغرفه جالسات يحلين مشاكل الدوله كل ساع وهن مغلقات يتجابرين او مدري يذاكرين.
مصطفى:مركنكش يذاكرين من غير حش.
منير سار دعاهن ورغد قد رقدت.
عهود:مساء الخير ياعم.
مصطفى:شوفو على مجامله حتى مساء الخير بس لعمها واحنا لنا الله.
عهود ضحكت:يو على لغج اهم شي عمي وعمتي وانت بعدهم.
مصطفى:هيا ناهي عيدي لي الله من ينتبه لي ويهتم.
مراد ضحك:رجمه بالوساده حق الكنبه:جالس تتفلسف على مرتي قدامي.
رشا:ذلحين خليتونا نفلت المذاكره ونجي على هذا المجبر والهذره.
علي:لالا به مجبر مهم تعالين اجلسين هنيه واشر لجنبه.
جلسين جنبه وعهود جنب سميرة .
علي مسك يداتهن وحبهن:حقي هولا القمريات قد الخطاطيب بيجوا لهن ملان الباب وقدهن حق زواجه كبرين قدام عيني واجي امكنهن لناس غيري ظلم صح.
رشا عرفت انه موضوع راشد وحبت يده وضحكت.
شذا:اما انا تطمن مشتيش اتزوج لو يجي ابن الوزير .
علي:.....


#يتبع...

@rewayatyamania 🇾🇪