🎭 9 🎭


ليث روح البيت وشاف عياله ماراوحوا المدرسه
دخل عند يسرى بعصبيه: ليش عيالي مش ب المدرسه
يسرى:ماعندهم مصروف
ليث: بيعي ذهبك ودرسيهم
يسرى: لو ابوهم مات سهل ب ابيعه بس ماهذا اعتقد في رجال داخل البيت او انا غلطانه
ليث اقترب منها ومسك شعرها: ايش
يسرى: والله انك واختك سوا مافيش فرق مامنك فايده
ليث عصب وضربها في وجهها : صار لسانك طويل
يسرى: مثل ما انت صرت حقير
حاولت تبعد عنه بس كلامها استفزه وما قدر يمسك نفسه وصار يضرب فيها...
خرج بعصبيه وعياله كانوا يبكوا بالصاله بعد ما سمعوا صوت الصياح
يسرى اخذت العيال وجمعت ملابسها: لا هذا زودها من زمان اقول ما اروح عشان عيالي بس مافيش فايده ياويلك من اخي مابيكسر عينك الا هو
..........
ام سليمان : روان هاتي الرز من المطبخ وتعالي
سليمان: هيااااا مت جوع
روان : طيب طيب
ديانا : هاتي معك ماء
سليمان يشوف لها: قومي اشربي لنفسك
ديانا: ليش ي روميو تخاف عليها هوووو ماء
سليمان : لا بس هي بتجيب الرز
روان وصلت : خلاص جبت مافيها شي
سليمان بعد شوي وهي جلست جنبه
ورامي يشوف لها ب احراج
وهم ع الغداء
الباب بيدق
رامي: قومي ي ديانا
ديانا: قومي يـ روان
روان: قوم يـ سليمان
سليمان: قوم يـ رامي
ام سليمان ضحكت: كل وأحد يـ امر الثاني
بقوم انا
سليمان مسكها: خلاص خليك يمه ب اروح
بس هي قامت: ما يصير فيني شي بشوف من
قامت فتحت وصدمت من شكل يسرى: يسرى ايش فيك
سليمان قام ع طول
وصل جنبها وهي دخلت وبكت
سليمان بتوتر: ايش فيك
ديانا وروان ورامي قاموا ع الاكل
ام سليمان بتفاجؤ: ايش في يـ بنتي
يسرى: ليث مد يده علي وضربني
سليمان يشوف لها بعصبيه؛ الحيوان انا اربيه
خرج بسرعه
روان تشوف بعده
ام سليمان تشوف رامي: الحق بعد اخوك بسرعه
رامي غسل يده وخرج
روان تشوف ل ديانا: من هذه
ديانا: هذه اختي
ام سليمان : ماتكلمتي الا امام سليمان والله بيفعل لنا جريمه
يسرى جلست وهي تبكي: يا ربي كيف افعل بنفسي
روان وقفت امام الشباك وهي قلقه ع سليمان
......
لينا اول ما وصلت البيت دخلت الغرفه وغلقت ع نفسها وجلست تبكي: بعد هذه المده كلها شفته شفت سليمان يا الله ما تغير هذك هو نفسه الشاب الذي كنت احلم فيه طول حياتي الانسان الشهم الرجل بمعنى الكلمه الخلوق الطيب وكمان العصبي حتى عصبيته حلوه وكل مافيه حلو
ووتذكر كلام ابتسام : عادك مصره انك تملكي كل شي
جلست ع الفراش: انا من خسرت سليمان خسرت كل شي!!
......
ليث روح البيت ماشاف لزوجته اثر
راح بيخرج فتح وسليمان في وجهه ضربه ع وجهه : تمد يدك ع اختي يـ كلب انا اربيك
دخل بكل عصبيه وصار يضرب فيه
الناس كلهم تجمعوا ورامي يحاول يبعده منه: خلاص يـ سليمان خلاص الرجل بيموت ع يدك
سليمان : خليه يموت الحيوان هذا كيف يمد يده ع اختي وهي مره هذا ما عرف يتربي خليني اربيه
الناس فرقوا بينهم سليمان يشوف له بعصبيه:بتطلق اختي يـ حيوان انت ما تستاهل
فك ايدي الناس عنه بينهم رامي ومشي وهو معصب
.....
روان وهي قلقه: حتى ما انتظر تتكلمي خرج ع طول
ديانا : عادك ما تعرفي عن سليمان شي دمه حاااار
نصيحه مني لك بس تشوفيه معصب لا تناقشيه أبدا
روان تشوف لها:...
ديانا: انا ما اقول لك كذا عشان اخوفك بس اخي اذا عصب الله يعينك بس
كانت ديانا تتكلم وتحرك ايدها وروان تشوف لها بدهشه
يسرى: يا الله اخي عصبي لو عرفت ما جيت
وهي تتكلم دخل سليمان :إياك تخبي علي شي إياك
يسرى قامت الى جنبه والكل يشوف له: بس يـ سليمان ماكان داعي تعمل هكذا
سليمان عصب فوقها لما نقزت: اخليه يضربك شوفي وجههك يـ غبيه صار كانه شوارع وتقول لا تعصب انا ممكن اسامحه ع اي شي الا انه يرفع يده في وجهك اكسرها له قليل اصل وحذرته الف مره وقلت له إياك تفكر تمد يدك ع اختي بس ما يفهم
يسرى: طيب ايش فعلت
رامي دخل: ولاشي غير انه كسر عظامه
يسرى مسكت فمها:سليمان
سليمان : اسمعي لو سكتي له كان بيتمادى والذي يمد يده ع مره مش رجال
دخل غرفته معصب وقفل بقوه
ام سليمان : يستاهل خليه يتادب
رامي: لو تشوفي زوجك يـ يسرى ما تعرفيه ههههههه
ديانا: ما اقدر اتخيل كيف كان شكل سليمان معصب اتوقع بيدخل في وجهه ع طول هههه
رامي: لو تشوفي شكله يـ ديانا بعد الضرب تقولي فقد الذاكره
كانوا يضحكوا
يسرى بعصبيه: بس بس انتم ماعندكم احساس جالسين تضحكوا
ديانا: اوهو لا تكون ملكه الاحساس زعلت ع بطل الرومانسيه
رامي: يـ بقره شوفي وجهك
رواان تشوف ل رامي: سليمان بيعصب هكذا واصل
رامي انفجر ضحك: مسكينه اذا عصبتيه كيف بيفعلك
روان بلعت ريقها بصعوبه:...
ام سليمان ضحكت: لا تصدقي يـ روحي مافيش اطيب منه
روان:....
ديانا : قلت لك اذا شفتيه معصب اسكتي لما يهدا والا وقت ما يعصب حتى الحب حقه ما يعرفه
رامي ضحك هو وديانا
يسرى قامت بعصبيه ودخلت غرفه امها مع عيالها
رامي يشوف بعدها: لاتكون هذه البقره زعلت ع زوجها
ام سليمان : بالنهايه هذا ابو عيالها وانت ماقصرت بالشرح
رامي: ههههه بس والله سليمان برد قلبي
روان متفاجئة :...


#يتبع...

@rewayatyamania

💎
💎
💎 100


سيده: بتدور ..هيا وين بنتي العاصيه الي قدلي منها 10أيام ..

جنات: سمعتها كانت في غرفتها بتذاكر ضحكت ..وخرجت أهلا أهلا با أمي وقربت تسلم عليها ..😃


سيده: رهآم وقلنا مستشفى وبيت وأنتي مامعش ياعاصيه ..

جنات: الجامعه قذا بتبسروا عادنا مضيعه لأنها أول سنه ..

سيده : أهم شي إنش ماعتقعيش دكتوره يكفي الأوله قدهي بتغيب عليا بالأيام ..


رهآم: حيا حيا باأمي كيف أنتي 😅قبل ماتصيحي دآريه بس والله ماعد بينفضى حتى أحك رآسي ..

سيده: يله هآه قدش هاذك غر مسكين عآصم والله ان بينرحمه بالذات لماتناوبي .

يوسف: ضحك هههه 😀 هيا ناهي لش ياجده هو مفتهن هذه الحب ❤ أمانه بيدلعها إلا حراوه ..


رهآم: هيا ناهي يالقانه لاعند أبوك هههههه ..

يوسف: هيا جده أمانه إشهدي قليلهم يزوجوني للمه ماهم 😜.


سيده: بتضحك عليه ههه ذلحين كمل المدرسه وأكبر يازواجه 😃.


...........


سلوى : بتتصل لأحمد تبسر أين قدهو ..

أحمد: جاوب التلفون 📱 هآه قدنا فالباب أنا وأكرم ..

سلوى: يله تمام أخليهم يقربوا .


أحمد: يووه هيا رآعي يا أكرم نسيت المحفظه أديها .

أكرم :بيحانك أحمد شدخل قبلك أبسر الحب ❤ قبل ماتدخل تشل الجو عليا 😜.



أحمد : بيفتح باب السياره 🚘 يشل المحفظه ..

أكرم : بيخطى فالحوش .



فجاءه صوت ضرب رصاص 🔫 ..


أكرم : بيحمل رجع للشارع إبسر سياره بتهرب مسرعه وتفحط 🚗.

أحمد: مرجوم عند باب السياره مغطى دم 😔 والمحفظه في يده ..


أكرم: بيهزوره ويصيح ابسروا منهم إلحقووهم .. أحد يجي يشله معي نسعفله .

رجال الشيخ: حملوا يلحقوهم وبيضربوا عليهم .


نجات: يووه 😱ياحافظ ماهو هذا ..

سلوى: صآحت 😱 أحمممممممد إبني خارج وأكرم ..




سمر وجنى: حملين بسرعه لاطالع يبسرين من الطاقه .


عبدالعزيز: خرج بسرعه بيحمل يبسر مابه 🏃.


جنى: وهي بتحمل إدربت حست رجلها يبست من الفجيعه .

سمر: بتقيمها .


الشيخ: بيصيح من غرفته ييييي مال أحمد من ضرب رصآص ييييه ..محد جاوبه كلهم مشغولين ما ركزوش حاول ينزل من السرير مفتجع ع أحمد إدرب ..



عبدالعزيز: خرج وهم بيبزوا أحمد لافوق السياره طلع معاهم واتصل لسمر تلحقهم للمستشفى الي بتناوب فيه 😔..



الشيخ: بيحاول يزحف ويصيح يشتي يبسر مابه زحف للباب وبيصيح ..


سلوى: بتصيح وتبكي 😭 تذكرت عادل وكيف مات افتجعت ودوخت .


جنى: بتبكي 😭وتشتي تفوقها وتشتي تسير مع سمر تتطمن ع أحمد دعت الشغاله تبسرها وهي حملت تخرج مع سمر ..


نجات: سمعت الشيخ حملت لاعنده تبسره وعيونها دموع 😭 أحمد أحمد ..


الشيخ: هذا كله بسببي كميا ثارات لي عند الناس ونزلت دموعه 😭بدلي لي بسرعه وخليهم يشلوني المستشفى ...



.......


رهآم: ذلحين مارأيش يا أمه مفتجعه أقلها أخسرها ومشتيش أخبي عليها ترجع تلومني ..


سيده: أنتي دآريه خليها لما نجس نبضها وبعدا بنتش ماشاء الله عليها عآقله قوى ومؤدبه وحميش كلهن فيها ..

رهآم: تنهدت 😔.. تقلي يا أمه وجنى قدهي ساعها كبرت وهي تشبها وكيف طباعها يعلم الله مره أبوها كيف بتعاملها .


سيده: أكيد تشبهها إبسرتي الصوره حقها لما وريتيني تخايلي إنها جنات ..

رهآم: أنتي دآريه جنات كل ماتبسر الصوره فالخلفيه حق التلفون تقلي للمه مامعجبه لش إلا هذه الصوره حقي ماتفعلي بدلها معرفها إلا هي في تلفونش ..


سيده: الله يفرح قلبش يابنتي ويرجعها لحضنش ..





ألف سلامه عليك يا أحمد إيش ذنبك أنت وأبوك تتعاقبوا بسبب أعمال الشيخ 😔.


#يتبع...

@rewayatyamania

🕊 65 🕊



بعد يومين راشد وخاله وعمه وجده ساروا لبيت ابو مراد تقدموا بس علي قالهم ان شاء الله خير وماجابش لهم كلمه موافقه يشتي لوما يسال ويتصل لهم اذا قبلوا والا رفضوا وجلسوا اسبوع يسالوا عن راشد واهله وحتى سالوا معاريف لهم في عدن.


في الليل بعد العشا في غرفه سميره .
علي محتار :ذلحين يامره كيف نفعل الصدق سالنا على الولد وماعليه عيب مصلي شغال بيدرس معاهم بيت وأهم شي مستورين ومستقرين بصنعاء بس الصدق مشتيش رشا قبل شذا تتزوج .
سميره:لو هو نفس ماقلت توكل وشذا بيجي نصيبها سهل لا تقطع نصيب رشا عشان شذا بعدين عادها خطبه ثلاث سنوات من يدري قد شذا بثلاث السنوات تتزوج.
علي:صدقتي الله يوفقهن مشتي الا اشوفهن مرتاحات المهم تعالي للصاله نخرج نسمر معاهم واشوف راي البنت.
سميره:يله تمام.

في الصاله الجهال سامرين ماعدا شذا ورشا.
علي:وين روح ابوهن.
منير:اما شذا ورشا ورغد قدهن الروح واحنا ماعاد بقيت لنا.
علي ضحك:انتو القلب والكبد والرئتين والمعدة.
مصطفى بيضحك:خلاص بس بس انا القلب ومراد ومنير الرئتين صح والا صح.
سميره بتضحك عليهم :يووو على لغجين ابسروا لمراد جالس يضحك وبس عاقل مايدي كلمه.
مصطفى تنحنح وعدل جلسته:احم احم زوجونا نعقل.
علي:عليك غضبي عادك الا جاهل مش راكن عليك وازيد ا زوجك.
مصطفى ضحك:والله انني رجال ويركن عليا بس مدري مال عيونكم صغيرة تشوفني صغير هيا وسع عيونك انت والمدام حقك.
سميره:هيا تسمعوا للجنان حقه ويشتي نزوجه احلم لك احلم.
مصطفى:قد احنا نحلم الحلم ببلاش
مراد قرح ضحك.
منير:بس بس كركره من رايي شل مرتك وانزل احسن لك.
مراد من بين ضحكته: هيا للسماجه ادعوهن من الغرفه جالسات يحلين مشاكل الدوله كل ساع وهن مغلقات يتجابرين او مدري يذاكرين.
مصطفى:مركنكش يذاكرين من غير حش.
منير سار دعاهن ورغد قد رقدت.
عهود:مساء الخير ياعم.
مصطفى:شوفو على مجامله حتى مساء الخير بس لعمها واحنا لنا الله.
عهود ضحكت:يو على لغج اهم شي عمي وعمتي وانت بعدهم.
مصطفى:هيا ناهي عيدي لي الله من ينتبه لي ويهتم.
مراد ضحك:رجمه بالوساده حق الكنبه:جالس تتفلسف على مرتي قدامي.
رشا:ذلحين خليتونا نفلت المذاكره ونجي على هذا المجبر والهذره.
علي:لالا به مجبر مهم تعالين اجلسين هنيه واشر لجنبه.
جلسين جنبه وعهود جنب سميرة .
علي مسك يداتهن وحبهن:حقي هولا القمريات قد الخطاطيب بيجوا لهن ملان الباب وقدهن حق زواجه كبرين قدام عيني واجي امكنهن لناس غيري ظلم صح.
رشا عرفت انه موضوع راشد وحبت يده وضحكت.
شذا:اما انا تطمن مشتيش اتزوج لو يجي ابن الوزير .
علي:.....


#يتبع...

@rewayatyamania 🇾🇪

🎀 🎀
🌹25


..في بيت أياد
سلوى دخلت لعند أياد
سلوى: مااالك ليش زاعل هكذا
أياد: سلوى مش وقتش انا ضابح
سلوى: انا درايه مالك عاسب ليلى صحح
أياد..مستغرب ..: وانتي مادراش
سلوى: صاحبتي دريت وقالت لي شوف ياخي انا احبك صح ان معاملتي لك شوعه لكن انا مشتي لك الا كل خييرر وقد حذرتك خيررات من ليلى ماصدقتش لكن ذلحين ماعلينا لاتقهرر نفسك عاسبها وانا داريه انهي كسرت لك قلبك ومثل ماكسرت قلبك جي نكسر لها قلبها
أياد: كيفه مافهمتش انتي ماتشتي
سلوى: اشتي مصلحتك انا داريه باللي فيك بسببها وانت لازم تنتقم منها بصراحه ليلى دايما بتضايق صاحبتي انت مش انت داري بها وانا اشتي انتقم لصاحبتي ولك
أياد: يعني ماتشتي اقطببي
سلوى: كيفه ايش اشتي اشتي ننتقم منها
أياد: انا مشنا حق هذا الكلام ريحي لش
سلوى: شكلك عادك بتحبها بعد ماخدعتك بعدين وين الرجوله يابطل عتخليها هكذا تخدعك وانت ماتنتقم منها ولا تفعل لها شي مشتيت اجس لك هنااا زااعل ومقهور ساع النسوان
اياد: رجال غضبا عنش
سلوى: خلاص وريني ايش عتسوي عتنتقم منها او لا
أياد: ايوووه
سلوى: حاالي طيب انا عندي الخطه انت عترجع تحاكيها وتخدعها وتقول انك عادك بتحبها وانك غلطت المهم لما ترجعها وتخليها تسامحك بعدين مع الايام حاول تعرف منها من هو خطيبها واتقرب من خطيبها وصاحبه بدون ماتعرف ولما تصاحبه كلمه انك بتحاكي بنت وانك بتحتقرها وانها وانها وارجع وريه المحادثات اللي بينكم وكيف بقول انها بتحبك وتشتي تفسخ خطوبتها عشانك وهو لما يعرف اسمها عيجنن ويمكن كمان يضربك لكن انت عتتدعى انك مش انت داري انهي خطيبته وانهي خدعتك ولما هو يعرف عيفسخ خطوبته منها لكن انت عتلعب على عقله وقوله انه لو فسخ خطوبه منها الناس عيلوموه وما عيصدقوش كلامه بس لو رسلت له المحادثات اللي بينكم وقولت له يرسلها لكل اقربائه واقرباءها وبهكذا هوه مستفيد محد يلومه واحنا مستفيدين هي بنت وانت عاررف ان البنت اهم شي سمعتها ولما تتشوه سمعتها تتدمر كليا بهكذا يكون يكون انتقامنا منها..
أياد:لكن مااظن انهي بعد هذا ترضى تتكلم معي وانا مشتيش اكلمها
سلوى: لاتخاف انا شاقنعها واخليها تسامحك وانت كمان حاول وبعدين لاتنسى كلامك معاها هو انتقام مش حب ..
أياد: ان شاء الله

سبحان الله وبحمده💓
اذكروا الله يذكركم

#يتبع...

@rewayatyamania 🇾🇪

💎
💎
💎 95 + 96


عدت الأيام والسنيييين 😄😄..


أحمد : كبر وزاد وسامه بشعره الأسود وعيونه العسلي وجسمه الرياضي بيلعب كمال أجسام 👦🏻 بيهدد أكرم بمزح من عيووني يا أكرم شاسير أقل لحبيبه القلب ان عينك طويله بتتفرج للبنات 😜..


أكرم: طويل وحلو بس ضعيف ولابس نضاره👓 بيضحك 😄ههه وخفعه في رآسه بالملزمه ذلحين أول خليها تحبني وبعدا حارش والله ماشكل حبيب قلبها إلا أنت ❤.


أحمد: يا أخي إفهم والله مابه بيننا شي وإنها أختي وما بينعتبرها أي شي ثاني وبعدا مشنا مجنون أحبها وأنا دآري إنها في قلبك ❤ من زمان ..


أكرم: طيب إسكه فهمني أنا بتمكني جلافه وزنط ونخيط وصروعه ورغم هذا ماقدر قلبي يقنع منها وأنت أي شي تقله لها تمكنك حاضر ومهتمه بك وبتدور رضآك دوار مايسموه هذا ..


أحمد: يسموه إنحنا أخوه وتربينا في بيت ولاتنسى إن مابش معي خوات ولاهي معاها أخوه كان محمد الله يرحمه إبسرت مات وإحنا جهال وخالي عبدالعزيز مازد رضيش يتزوج بعد ماطلق خالتي هناء ..


أكرم: أنت داري أقلك شي.. سمعت أمي وخالتي سلوى وجدتي بيتجابرين قالت جدتي ان خالي لما طلق خالتي هناء قال حرآم تتزوج يقع لها جهال بدل مايعيشوا طول عمرهم بدون جهال ولا معاقين إن طلاقه كان تعذار بس وشكله جالس بيحب خالتي رهآم ..

أحمد: 😀 إبتسم أيوووه قد جابرتني أمي وحكتلي مع إنه ماعاش معاها إلاسنه بس حرام كل الي حصل لهم . وبعدا وأنت اقنع لك من جنى ماكلفك الله من زواجه الأهل يكفي خالي عبدالعزيز وهناء ..

أكرم: غيوز عيونه وبيضحك وأشر لقلبه ❤ قل لذيه ينساها ما أنا ماعليا ..


أحمد: ضحك عليه ههه 😀 هيا روميو شرق عنتأخر ع المحاضره ..


..............

في المستشفى ...


الممرضه : دكتوره رهآم جت حآله خارج وأنا قلتلها كمل الدوام مارضيتش قالت ادخل احاكيش إبنها مريض قووى 🤒.


رهآم: قدهي دكتوره أطفال شاطره مش مشكله ..حرآم دخليه .
وخرجت تلفونها بتتصل 📱 هآه عاصم شتأخر شويه لوكملت عملك روح وانا شاروح نفسي ..

عآصم : خلاص ياحبيبي عآدي شامر لش وأنا عاد معي شويه ورق حق شحنه الأدويه الجديده شاشتغلهن هانا ماعد شاروحهنش البيت أمد ماتكملي عملش ..


رهآم: خلاص تمام تسلم لي ..باي .

عآصم: هآه هآه لحضه ..


رهآم: مالك ..

عآصم: أحبش ❤..

رهآم: ضحكت هههه وانا يامجنون .

عآصم:بيحانكها 😜 وأنتي إيش ..

رهآم: أنت مكتبك وحدك أنا معي مرضى يله ياهرم نص ساعه وجيلي 😀..



طبعآ عآصم جلس مصر عليها وراعي لها وتزوجها بعد ماكملت الطب ودرسوا ماجستير مع بعض وقد معاها ولد إسمه يوسف صف ثالث إعدادي ...


سامي: قدهو مهندس طرقات مزوج ومعه 2عيال عايش مع سيده في بيتهم بعد مامات عبدالله .


وليد: بعد ماكان في الميناء حق الحديده تعرف ع ناس وسافر يشتغل في دبي وشل معه ندى وعياله .


#يتبع...

@rewayatyamania

110 💚
.
.

خديجه:انا مستحيل أصدق لوما اشوف بعيني.
خلود بضبح:هيا ناهي لش وهيذا الصور عندش.
خديجه:يقدر اي واحد يفعل صور كذب وهذا مش رقم فارس الي يراسل.
خلود:أيوة مش رقمه لانه فاتح رقم للصياعه ورقم للاهل.
خديجه:لو تفعلي شي يقنعني واصدق اوعدش لاافسخ لش انا.
خلود فرحت:خلاص حاضر بقنعش بس خليني افكر كيف.
خديجه بثقه في فارس:بنشوف كلامش بعدين.


في الليل.
علي رسل:الو... خلود... هيا ردي... كلمتي عمي.... قال بيفسخ.... شافو الصور....الوو'و... تعالي فرحيني الخطة نجحت.

خلود ردت:😭😭😭😭.
علي:مالش.
خلود: الخطه ما تكفي امي ماصدقت يعني نزيد نفعل خطه اضافيه.
علي ضبح:وكيف يعني مافهمت.
خلود:امي تشتي تشوف فارس بعيونها عشان تصدق لانها تشوفه رجال وتثق فيه.
علي:محتار ايش نفعل خلاص خلينا نفكر لاغدوه.
خلود:حاضر 😞.


الساعه11 والبيت هادئ كلهم في غرفهم مستعدين للنوم.
اصوت الطيارت وانفجار هزهم هز بووووم🚀↙.
رشا وشذا صيحين ورغد قامت من النوم تبكي كلهم تجمعوا للصاله.
رشا بخوف :يووو ياربي ماهو هذا.
سميرة حضنت شذا وهي تبكي :الله ينتقم منهم حسبي الله ونعم الوكيل.
رشا حاضنه مصطفى وترجف الصوت كان كبير.
عهود تحت فزت لاحضن مراد وترجف وتبكي وتصيح.
مراد:عهود عهود اهدأي لا تفتجعي الانفجار بعيد.

عند ايلاف خرجت من الغرفه وهي خايفه ومغطيه اذانها لعند ابوها حضنته كلهم تجمعوا للصالات.
سماح:حسبي الله ونعم الوكيل حسبنا الله ونعم الوكيل.
علي:يله ننزل تحت كلهم نزلوا وعهود قد تدوخ طلعها مراد.
عند خلود وقت الانفجار صاحت :يااااااااالله.
خديجه:يارب سترك يارب سترك.
ناصر:لاتفتجعين الله يلعنهم.

بيت ابو مراد.
عندهم في الصاله.
عهود تصيح:يااابطني بيوجعني.
سميره:الله يفجعهم ساع مافجعوش وانتي واحمه.
رشا وشذا يبكين ورغد في رقبه ابوها معلقه.
الكهربا طافيه شغلوا الاتاريك والشمع.
عهود وهي تبكي:ياعمه ولدي يمكن يخرج بطني بيوجعني قوي ياعمه قوا لايخرج.
سميرة:يووو قد انتي تنزفي قومي معي للحمام
( عزكم الله).
مراد خايف على عهود وطفله و'يدعي انو لاتسقط.
شذا ورشا جهزين لعهود ملابس من حقهن.
مراد:هيا بشلها المستشفى.
عمهم مراد:ايش من مستشفى الدنيا معفوسه وبيضربوا.
منير:خلونا كلنا ننزل البدروم عشان لو الشباك تكسرت من قوة الضرب مانتضرر.
ابو مراد:يله كلنا ننزل.

الجو اصبح خوف كل واحد خايف ع اهله ومن يحب.
راشد بيتصل لعند رشا مابترد جوالها بالغرفه قدهو بيجنن يشتي يطمن عليهم.

الساعه3الفجر.
😭حسبي الله ونعم الوكيل ع من دمر اليمن.


توقعاتكم من اول شخص بالروايه بيموت 😔


#يتبع...


@rewayatyamania 🇾🇪

205 ❣
.
.


سهام شافت الاتصال من أحلام وضحكت.
رشا:ليش تضحكي.
سهام:هذا رقم منير اكيد احلام تتصل ياويلي منها.
خلود:انا مالي دخل هذي خطتش انتي وعهود ومنال.
سهام ردت بضحكه وخلت الاسبيكر مفتوح:هلا هلا بالعروسه ليش تتصلي.
احلام:سهام من اللي غيرت ملابسي اللي جهزت ودخلت الشنطه حق النوم هولا.
سهام تضحك:مدررري.
احلام:قلعش الله والله انه انتي كله قصير وخباله ايش البس ذلحين ورطتيني.
سهام:شلوش البسي عاد انتي عروسه لا توقعي خبلا مثلي.
احلام:قلعكن الله سودتين وجهي بجلس بالفستان للصبح عناد فيكن.
عهود سحبت التلفون:ياروحي والصبح ايش تلبسي مصيرش تلبسي اللي موجود والا تشتي تجلسي اسبوع بالفستان.
كلهن ضحكين.
واحلام ضابحه:تف عليكن قليلات ادب وسكرت.
البنات فاطسات ضحك.
ايلاف:والله انه موقف صعب قلعكن من صدق ضبحتينها بيوم عرسها .
منير رجع الغرفة وهي ضابحه:احلام مالش فيه شي مضايقش.
احلام ساكته.
منير مسك يداتها:احلام تحاكي.
احلام:مابش معي شي البسه بجلس بالفستان.
منير استغرب::ليش مابش معش شي والشنطه هذي ايش فيها كلها ملابس.
احلام سكتت.
منير فتح الشنطه وقرح ضحك.
احلام زادت خزيت ودمعت من الخزا.
منير:البسي من هولا ايش فيهن والا خازيه انا زوجش هيا للدلع.
احلام:ماعه اصلا قليلات الادب خططين عليا وغيرين اللي جهزت.
منير:جزاهن الله خير يمكن قد كنتي مجهزه زنان هيا قومي والله انش لابسه منهن وانا بغمض.
احلام برطمت:ماني لابسه.
منير ضحك:هياااا قومي خلاص البسي الجينز ايش رايش .
احلام جالسه ساكته ومحتاره كيف تسوي وماكان معاها الا تلبس الموجود.
وظلت تتحلف لهن ومنير يضحك.
طلب منير عشاء واتعشوا واحلام خازيه اكلت بس شويه

اليوم الثاني الصبح خالد ومراد طلعوا لصنعاء يروحو مصطفى.
البنات قامين نظفين وبيتجهزين فارحات انهم معزومين( اسعد يوم للبنت اذا قدهي معزومه على غدا عشان ماتطبخ غدا😂💔)

في بيت ابو حسام.
الساعه 9 قامت الهام لبست تنوره انيقه وفنيله ولفت شعرها وفعلت روج ومسكره واتعطرت واتبخرت حسام قام على ريحه البخور.
الهام:صباح الخير.
حسام ابتسم :ياصباح الفل ريحه البخور صحتني تعالي جنبي اسكه.
الهام:ماااشي قوم بسرعه غير عشان نصطبح قبل يجوا بيت ابوي .
حسام قام يتمصع:حااضر مالمرتاح الا منير وانا من صبح الله عزايم وقومه.
الهام ضحكت:اي صبح الله قدهي 9.

الساعه 10.
خالد:وين منير قد اصطبحوا

مصطفى بضبح:لا ماقام ولا معبرني اتصل له وهو مغلق تلفونه والزلط معه مالقيت ايش اصطبح جاوع.
.
#يتبع...


@rewayatyamania 🇾🇪

175 👒

.
عاتقه:الله يرضا عليك لاتقهر بنت الناس زيد جرب هذي المره قد انا ادعي ليل ونهار ان ربي يصلح مابينكم.
احلام:ايهم عاد انت تحبها.
ايهم تنهد:اكيد احبها هذي ام ابني وعشره ثمان سنوات بس تضايقني تصرفاتها ان شاء الله تعقل وخلاص بطلت موضوع الزواج بس بزيد اخليها بيت أهلها لمده شهور عشان تتادب.
سهام:الله يعينكم ويهدي منال ويالف بين قلوبكم.
ايهم:امين يارب يله خاطركم بخرج مع الشباب حب رأس امه وخرج.

ملاحظه(( بخصوص هذا الموضوع بيحصل بمجتمعنا كثير والغلط من الاخت أو الأم لمن يكون بينها هي وزوجه ابنها او زوجه اخوها مشاكل هي تشجع اخوها يتزوج او يطلق الدنيا فرص مش من عشره بسيطه يحكم عليها بعقاب الزواج بثانيه او الطلاق ممكن عادات الشخص او كلامه السيء بيئه سيئه او بيت سيء او ظلم عاشه بحياته وتعود على انه يكون قاسي مثل الناس الي حوله وحتى لو كانو هؤلاء الناس هم اهله قدروا الظروف قبل الحكم الزواج علاقه قويه ولازم محدا يتدخل بين الزوج وزوجته حتى لو كانت اخته او امه او اختها او امها بكلامك ممكن تغير شخص للافضل وبحقدك وتسرعك ممكن تكسر انسان ظلمته الدنيا )).

احلام:يمه شوفي انا ومنال مانتصايح الا ناااادراً ليش لاني اديها على قد عقلها صح انها قاسيه وكلامها يغث بس مااكون مثلها لازم اكون ارقى منها بردي وكلامي وانتي ياالهام الله يهديش تردي على كل كلمه منال تقولها ليش كم مره اقلش طنشي او ردي بكلمتها السيئه كلمه حلوه وهي بتخجل من ردش لها وتبدا تتغير للافضل خلونا ايجابيين أكثر.
الهام:مشكلتي عصبيه غصب عني اتنرفز.
سهام:أكثري من الاستغفار وان شاء الله تخف العصبيه والنرفزه تقربي من الله أكثر عشان يرضيش بحياتش ارضيه بطاعتش.
الهام:ونعم بالله ان شاء الله احاول مااكون ارد عليها واطنش وان شاء الله تتعدل.
عاتقه ابتسمت:انا فدال قلبكن ترفعين راسي دائما ربي يحفظكن من كل شر ولا يحرمني منكن يافرحتي بالدنيا.
كلهن حبين امهن وفرحين من كلامها.
ايلاف دخلت:احم احم اشوف فيه رمسسه ايش معاكم.
احلام ضحكت:ولا شي.
سهام جلست جنب عاتقه:يمه اصلا اليوم جيت عندكم عشان اقلش بشي وموضوع ايهم نساني موضوعي.
عاتقه:خير ان شاء الله ايش من موضوع معش.
سهام ضحكت:وليش افتجعتي شوفي كيف وقع وجهش هو خير خير تطمني انا واحمه.
الهام واحلام فرحين.
عاتقه فرحت حبتها في راسها:الله يبارك لكم ويجعله من ذريته الصالحين.
الهام اشاعت خبر حمل سهام بدقيقتين ساع النشرة الإخباريه😂😂.


ومرت الشهور لتقرب شهر رمضان المبارك بهذي الفتره منال ندمت على كل شي قصرت فيه لاايهم وحست فيه وبقدره .

.
#يتبع...

#كل_عام_والجميع_بخير


@rewayatyamania 🇾🇪

💠
90 💠
💠



علي:خلود امانه لا توافقي.
خلود استغربت:ليش عادك تامن اقلك امي مشكلتي.
علي ضبح:ماغير قلت كل غصبا حرام يله انتي أخبر.
خلود تضايقت:برجع الجروب.
عند رشا دخلت خاص لراشد متصل ومارسلش ابدا.
رشا:ايش به مايرسل مسرع تغير هذا واحنا بالبدايه طز فيه ولاعاد مفكر فيني يمكن جالس مرتاح وانا منتظره يرسل .

عند راشد في حساب رشا.
راشد متضايق:متصله ولا رسلت ولا عبرتني جالسه تجابر بالجروب وانا منتظرها بكل غبا لكن طز فيها .
(سوء الظن يقتل العلاقات مهما كان جمالها)


بيت ناصر.
خديجه مبتسمه :اسمعي انا قلت لخالتش ان قد انتي موافقه وبيتقدموا رسمي عند ابوش غدوه.
خلود شافت الفرحه بعيون امها وماقدرت تكسر فرحتها:يصير خير ان شاء الله.
دخلت خلود الغرفه تبكي ومتضااايقه وتفكر بعلي بس مش عارفه ليش علي بعقلها طوال الوقت.
علي متضايق غير حالته
( اخاف عليك من زعل واشتاق اذا غبت وافرح اذا جيت على ما اظن اني احبك)

علي:ايش فيني متضايق ايش دخلني اذا خطبوها اففف افكاري ملخبطه.
خلود دخلت شافت حالة علي ودق قلبها.
خلود:لالا مش هي لي يمكن يقصد واحده ثانيه بس ليش قالي امانه لا توافقي اففف يمكن يقول حرام انغصب ليش لا يمكن افففف تدفت وتحاول ترقد.


اليوم الثاني في الجامعه خلود منتظره البنات يجين تشتي تقلهن على خبر فارس ونسيت الزعل والحنق متضايقه قد قلبها بيقرح من التفكير ولا رقدت.

دخلوا الجامعه علي وايلاف ومصطفى وشذا ورشا وعهود ..
عهود:اكيد خلود زاعله من أمس.
رشا:اكيد الله يعينني على رضاها.

مصطفى دخل القاعه وعلي عاده محاضراته بعد نص ساعه جلس بالحوش حق الجامعه بعيد منهن شويه.. وصلين عند خلود وهن متاكدات انها مخاصمه لهن.
إيلاف:صباااااحش ياحب😁.
خلود بتشوف لهن وقدهي بتقرح وساكته.
رشا:ردي وبطلي برطامه.
خلود قامت حضنتها وقرحت بكا.. كلهن استغربين.
عهود:خلوووود مالش.
رشا:خلود كل هذا على مقلب امس.
ايلاف:خلود تحاكي ماوقع مالش.
شذا:شكله موضوع أكبر من المقلب والا ماترضا تسامحكن هكذا.
علي بيشوف من بعيد عرف انو خلود تبكي تضايق وبيحرك رجله بقلق.
خلود بعدت من حضن رشا
وهي تبكي:امي امي.
عهود افتجعت:ايش بها امي تحاكي انطقي.
خلود:تشتي تزوجني فارس.
رشا كشرت:فاااارس ليييش.
شذا:هيا للخباله قلك تزوجني مابش شي بالغصب.
خلود:كيف اسوي كيف مشتي اقهر امي هي مقهوره على خالد وعهود حرام كلنا نعاندها تشتي تفرح فينا زي ماتشتي هي وانا كيف اسخا فيها كيف


#يتبع...

@rewayatyamania

بارت_55 🎈
.
.

مكان_ثاني:

-حاتم: ذلحينه من اين نطلع اثبات

-عبدالرحيم: قد حاكيت محمد وللان ماقدرش يطلع قال صعب التزوير مع هذي الاوضاع

-حاتم ضحك: صعب!!بغير خباله يدفع لهم قرشين وعيطلعوا له بدل الواحد عشره

-عبدالرحيم: يااخي مدري كيف بيفكر!

-حاتم: المهم يااخي انا عن نفسي لو مارضيش محمد يتحرك مالي دخل منه شااشتغل لوحدي
-عبدالرحيم: وانا معك!

-حاتم: نسير نبسره ذلحينه؟!

-عبدالرحيم: طيب يلا..."ومشوا"


بعد_دقائق:

-عبدالرحيم: محمد بيتصل

-حاتم: جاوب وابسر مايشتي هذا

-عبدالرحيم: تمام..."وجاوب،وبعد ثواني"بالله عليككك

-حاتم نكز والتفت لعند عبدالرحيم: مابه؟!!

-عبدالرحيم: الاثبات طلع اخيرااا

-حاتم بفرح: خلاص يعني نبدأ من الصباح نشتغل

-عبدالرحيم: اكييييد..."رجع يكلم محمد"

-حاتم بيتكلم: اخيراااا بدأت خطتنا تشتغل تمام
.
.

اليوم_الثاني:

-كان موعد سفر آدم،والكل فارح لجيته وخاصه وان لهم فتره من حين ماابسروه،بس أكثر واحده كانت فارحه هي لجين،كانت تحس ان كل شي عيتغير بجيته،كل أمالها الاخيره منصبه في آدم،حاولت بقدر المستطاع انها ماتبين فرحتها قدامهم خوفا منها لاتنفضح وخاصه من امها الي كانت قد جادلت آدم كثير بموضوعها💭

-طارق: انتوا دارين ياابه معي فكره جنان

-محسن: ايش هي؟

-طارق: ليش ماتخلوش آدم يمسك العمل الي هناك

-محسن: وانت مابه معك؟

-طارق مرتبك: مشتيش احس هنا احسن لي ولكم

-محسن: ايوة والله صح انت داري من حين ماجيت لهنا والشركه ارباحها بتزيد رغم ان الاوضاع ماتسمح للدخل انه يزيد

-طارق انكسف: يعني قصدكم ان انا مش حق عمل او ايش؟

-محسن: ايوه مش حق عمل عموما انا قد قررت

-طارق: ايش؟

-محسن: الشركه من اليوم ورايح عيمسكها يزن وعنخليه شريك معنا حتى بالثمن

-سميرة بهررت: ماهووو؟نخلي الي ماعنده لااصل ولا فصل يمسك شركه بطول وعرض مالك يا محسن صلي على النبي

-محسن: والله لو كان به معش رجال يقدر يشتغل مافعلت هكذا

-سميرة: قذا ادى لك اقتراح انه يشتغل آدم فيها وكفانا الله شر الغريب

-محسن التفت لاعندها: مش هو عليكم هذا الخبر انا ادرى بمصلحه الشركه تمام

-سميرة بتخرج غيضها على يزن هذيك السع: اصلا هو فاعل لنا سحر كل بقعه ويظهر لنا فيها ولا خلا لااحد حاله حتى لجين

-محسن بستغراب: لجين ومالها لجين؟؟
.
#يتبع...


@rewayatyamania