الكتاب هو عن حياة الشيخ رجب علي نكوكويان
هذا الكتاب يحجي عن حياته
اولا راح يوضح الكم شغله وهي انو الله اذا حب عبد من عباده شلون يحفظه من كل سوء هو و عائلة
راح يبين الكم قناعته بالي رب العالمين منطي اله
وعلى الرغم من وضعه المادي الا ان هذا مياثر عليه ان يكون انسان كريم زي الناس
يعلمكم شلون تكونون مخلصين بعملكم يشجعكم على انو تعتمدون على انفسكم حتى وان كان شخص ثاني تكدرون تعتمدون عليه بمصاريفكم
يعلمكم شلون تكونون قنوعين بالي تحصلوا من عملكم وتكونوا مخلصين نزيهين بعملكم
راح يحجيلكم قصه عن شخص يريد يلتقي بالإمام "عجل الله فرجه الشريف"
وانو يجرب كل الطرق واصعبه الا انو الامام يبلغه انو ميحتاج كل هذه المشاق فقد كون مخلصا في عملك صادقا مع الناس وانا ازورك بنفسي 💔💔
راح يبين الكم الأخلاق الحسنه والوجه البشوش( مجتمعنا المعاق اذا شاف انسان مبتسم يكولون عليه خبل...الخ بس هو مثل مكلت
#معاق) التواضع الي مجتمعنا ميعرف يشوفون التكبر قوة شخصيه
بالمناسبه ميتكبرون غير ضعفاء النفوس الي مو واثقين من أنفسهم لذالك يحاولون يغطون على ضعفهم بتكبرهم
راح تعرفون ان ظهور الامام ميحتاج منكم غير صدق النيه وي الامام
ظهور الامام معتمد علينه نحنه
لمن تقراون الكتاب راح تعرفون نحنه شكد مقصرين وي الامام راح تعرفون نحنه شكد ماخرين ظهوره
" سيدي سامحني اذا كانت ذنوبي سبب في تاخير ظهورك 💔💔"
لا تنسوا القائم في دعائكم اذكروه هو دائما ما يذكركم 💔💔
دائما لمن نحب شخص شكد نحاول مناذيه ونسوي كل شي يقربنا اله
طبعا والمفروض من الشخص يبادرك بنفس الشي
بس لمن اكو شخص يحبك وكثييير ودائما يريد الك الزين والي يفيدك بس انت مقصر وياه وكثير 💔 وحته يتاذى لاذاك
يكَولون " ان الحب دعاء" وهو واصل لهذه المرحله من الحب الك بس انت شنو حته بيومك متذكره ولو للحظه
متشوفون هلشي يخجل💔
هذا الامام دائما ما يذكرك بدعاءه دائما ما يتاذى كَلب الامام عليك لمن تصير عندك مصيبه
بس ما اعرف اذا انت بادرته بشي قليل منك وهو يستحق اكثر بكثير من كل انسان ثاني
راجعوا انفسكم وراح تعرفون انو بكل مره انتو ظالمين انفسكم💔💔
محجيتلكم عن كل الكتاب بس تره هو معقد حلو يعني لا عبالكم شيخ وهيج سوالف اعرف الاغلبيه ميحبون هلشي بس هو جاي يحجي عن انسانيه عن شلون تكون شخصيه بدون تكبر و بدون متلبس خلقتك بالمكلوب وبدون متصيح يعني شخصيه بمعنى الكلمه مو اي شي
#Have_a_good_day 👋👋
#wish_you_all_the_best👍#iras
