[١٨/‏٨ ١:١٤ ص] ميس: #_قصة_عشق _لم تكتمل.
بقلم #_ميس_قباني✨🖤
💙الجزء الاول 💙

قصة من تأليفي مو مقتبسة من اي رواية او فيلم
هية مجرد قصة تخيلتا وكتبتا ..

قصتها غريبة الاعمار ب ايد الله ولعنة الموت مو رافقتا بس حظها ونصيبها هيك كان
الجزء الاول :
.
.
.
🌸الطفلة البريئة يلي مابتسخى تئذي حدا ومابيجي من ألبا انها تكسر بخاطر ايا حدا هية اكتر حدا مظلوم بهل كون .. فكيف اذا كانت يتيمة ومالا حدا 🌸
.
.
.
فقت وفتحت عيوني وماكنت
 قادرة اني قوم من كتر البرد
وما كان عندي شي اشغلو وادفا عليه
 قمت من ع تختي ورحت لعند الشباك كرمال شوفي عصافيري يلي بطعميهم كل يوم على حجرة شباكي

شفت انه الدنيا صايرة بتجنن وكلا تلج وكأنه الدنيا كلا لابسة شي توب ابيض

التلج كان عم ينزل كتير

وقفت اتامل التلج كيف عم ينزل وصرت فكر بكتير اشيا
سردت وانا عم اتامل التلج ⛄

فجأة رن موبايلي حملت الموبايل طلعت رفيقتي سما عم تتصل كان صايرلا شي شهرين ماعم تحاكيني

رديت عليها وخبرتني انها جاي لعندي

سكرت الخط وفرحت كتير لانها جاي بكيت وقلت منيح جاي حدا يونسني بوحدتي

 حضرت حالي وبعدين اعدت انتظرها تجي ..
.
.
.
وبعد شي ساعتين اندق الباب

ركدت لافتح الباب بسرعه
فتحت الباب وضميتا وعيوني مليانة بل دموع من الفرحه
.
.
.
"روئ هية رفيقتي من زمان بس مالي خلطة زيادة معها وماعندي رفيقة غيرا" ..

#_تالين: فوتي البي انا رح ساوي  شي لحتى نشربه

#_روئ : انا مشتقتلك كتير  ح ساعدك ونحكي شوي

ساوينا شي نشربو واعدنا عل بركون نحكي شوي

#_روئ:شو بتخبريني

#_تالين :ماعندي شي جديد هاي هية حياتي وحيدة والكأبة مرافقتني بعد موت ستي بس بلشت ادرس بل جامعة ودراستي تمام التمام الحمدلله

"روئ تغيرت ملامح وشا بعد ما سمعت هل حكي "

#_تالين :شبك ليش هيك صار وشك وكأنك انزعجتي حكيت شي دايقك

#_روئ : لا بس تأثرت بوفاة ستك وزعلت لانك عايشة وحيدة

#_تالين : عااادي اصلا تعودت
وبعدين عيش لوحدي اريح الي من انه اتعلق بحدا وافقدو ما تهكلي همي حبيبتي

"بس روئ كانت كذابة هية انزعجت لانا سافرت مشان تدرس وكانت بكل سنة ترسب وهية دائما بتغار مني لاني انا احسن منا بكلشي مع انه هية عيشتا افضل من عيشتي بكتير "

#_روئ : انا صرلي 3 سنين عم ادرس ومتغربة بس ما عم انجح وكل الدروس الخصوصية يلي عم اخدا ماعم تنفعني

#_تالين: درسي هون وانا بساعدك ب اي شي بلزمك

"بعد نهاية حديثنا اتفقت انا و روئ انها تعيش معي وندرس سوا وكتير فرحت ب انه حا يجي حدا يعيش معي ويونسني بوحدتي"
.
.
.
.
جهزتلا مكان ل روئ كرمال ترتاح وتنام فيه لانها كانت كتير تعبانه

وبقيت قاعدة عل بركون عم فكر بدراستي وكيف بدي اقدر اكمل دراسة وهل مصاري يلي مخبيتن حا يخلصو
فكرت اني اترك دراستي واشتغل بس لاقيتا صعبة عليي كتيرر اني ضيع تعب كل هل سنين ...


وانا صافنة رن موبايلي لاقيت شادي عم يتصل

#_انا : اهلين شادي

#_شادي : كيفك

#_تالين :الحمدلله .. انت

#_شادي : لك ولله  بحبببك شو اعمل لتسدقيني

#_انا :شادي انا لاني بحبك ما بدي نحب بعض وعلقك فيي

#_شادي : واخيرا اعترفتي انك بتحبينيي لك تاليين انا بحبك وبتحبيني ليييه ما بدك نحب بعض

#_انا :شادي ما بدي اخسرك متل ما خسرت الكل كرمال الله فهمني بقاا

سكرت الخط وصار يدقلي مرة ومرتين وعشرة وبلشت ابكيييي لحتى فاقت روئ ع صوت عياطي ركدت لعندي مرعوبة وتقلي شبك
.
.
.
(كان راسي ملخبط كتير بين اني قلو بحبو وقلو شو السبب يلي مخليني ما ارتبط فيه ولا اسكت وبس)

ضميتا وصرت ابكي
وحكيتلا انه انا بحب شادي كتير بس ما بدي اخسرو وكرمال هيك عم حاول ابعدو عنيي

#_روئ : هاد مو حكي اذا بتحبيه خلص

#_تالين :لك روئ انت كمان  صرتي متلو وماعم تفهميني لك انا بحبو وكل يلي بحبن بمووووتو
لعنة الموت مرافقتني من لما خلقت انا عم تولدني امي ماااتت وستي وابي كلهن ماتووو لك كيف بقا بدك اامن بحدا واتعلق فيه ويرجع يمووووت لك ما بدي ما بدي وصرت اصرخ واصرخ

#_روئ : هاد حكي فاضي انتي بس نفسيتك تعبانة وعم تخليكي تتوهمي بهيك اشيا

 "رجع اتصل شادي"
رديت عليه وكنت عم اصرخ وابكي

#_شادي : لك تالين شبك ياعمري

#_انا : لا تقلي عمري لا تقلي هاي كلمه ستي عم تفهمممم اووعك بقا تقولا

^" ستي الله يرحما ما كانت تقلي غير هل كلمه ما ردت الانسان يلي بحبو يقلي ياها ويموت متل ما ماتو كل حبابي^"

#_شادي : طيب طيب امرك بس روقي كرمال الله وفهميني ليشش

#_انا :لا بقا تساليني شي حاج بكفيني هيك كرمال ربك

#_شادي :بدي شووفك هلئ

#_ انا : مابقدر حالتي حاالة ومالي قدرانة شوف حدا وهلئ بدي سكر الخط وبترجاك لا ترجع تتصل الا لحتى اتصل انا

#_شادي :ماااشيي قومي فتحي الباب
(وفصل الخط)

(كان بيتو وبيتو مقابيل بعض)
 
عم يندق الباب ياربي وصرت ابكي بزيادة
.
.
.
#_روئ : لك تالين انتي مو بتحبيه و ما بدك تخسريه

#_تالين : اي اي بحبو ومابدي اخسرو ويموووت

#_روئ : خلص

لا تحاكيه ولا تجاوبيه شي بنوب وفكري منيح قومي فتحي الباب

#_تالين : فتحي انت

#_روئ : ماشي

#_شادي :ت..اليين مرحبا وينا تالين

#_روئ : ليكا جوا اتفضل

《يتبع》 ....
[١٨/‏٨ ١:١٤ ص] ميس: 💜الجزء الثاني💜
#_ميس_قباني.
#_قصة_عشق_لم تكتمل.

#_روئ : ليكا جوا اتفضل


شادي وقت فات ولاقاني اعدة عل ارض وعيوني مليانين دموع ركد لعندي وضمني وصار يقلي

#_شادي: ابوس ايدك لا تبكي
ما كان عندي اخت بس ولا مرة اعتبرتك اختي
من اول ما شفتك حبيتك كنت صغيرة عمرك اربع سنين كنتي بتجنني اول ماشفتك ركدت لعند امي وقلتلا انه جيرانا عندن بنت حلوة امي صارت تضحك وتشدلي خدودي وقت كانت تشتغل بل خياطه كانت تاخدني معا بس وقت شفتك طلبت منا تعيفني عنكن شي العب معك

من اول يوم انتقلنا عهل بيت وشفتك حبيييتك كنت صغير وانتي صغيرة وقلبي دقلك
لك بموت فيكي
حاج تبكي يا البي حاج

#_تالين : انت كلشي بقيليي

"شادي ضمني وصار يبكي يا الله شو حسيت بحنان وقت ضمني حسيت اخد كل تعبي مني "

#_شادي : هاتي ايدك وقومي تسطحي عل تخت ورتاحي وبس تفيقي منحكي

شادي سطحني عل تخت وطلع من الغرفة

#_شادي : مرحبا انا شادي

#_روئ : اهلين انا روئ

#_شادي : تشرفنا ..
بس بدي منك تنتبهي عليها

#_روئ بغصة وغضب : اي ماشي تكرم

#_شادي : ماشي .. سلام

روئ عصبت هون كتير وغارت مني لانها من صغرا كانت غيورة وماتحبني بسبب غيرتا  تعرفت عليها لما انتقلت عل بيت لحالي كان عمري 17 سنه
كانت اذا تشوفني عم احكي مع شادي تغار بزيادة وتحقد عليي بس انا ما كنت اكرها كنت احبا وساعدا هية كانت تحبني كمان بس غيرتا كانت سبب المشاكل ..
.
.
.
تسطحت من الساعة خمسة العصر ومدري كيف ضليت غفيانه من ال خمسة لادان الصبح ..

هو ادن وقال الله اكبر
فتحت عيوني
لاقيت روئ نايمة ابتسمت وفرحت بوجودا كتير لانه من زمان وانا كل يوم بفيق بالليل مرعوبة لانه مافي حدا معي وساكنة لحالي

اربت بستا من جبينا وغطيتا منيح وقمت توضيت وكانت دموعي اكتر من المي يلي عم اتوضى فيا وماكنت عارفة شو اعمل احكي مع شادي واعترفلو انه ليش بحبو وما بدي ارتبط فيه ولا اتركو ..

كنت حاسة انو راسي حا ينفجر من التفكير والضغط

اعدت ادعي وهو عم يادن وادعي الله يرحم امي وابي وستي وبعدين صرت ادعي الله يخترلي الخير

وصليت الصبح

وبعدين ضليت اعدة ع سداجة الصلاة وانا عم ادعي وابكي حتى غفلت عليها

 فاقت روئ ولاقتني نايمة ع سداجة الصلاة ركدت خايفة عليي

كانو ايدي بووظ ورح موت من بردي بس من تعبي مو حاسة على اشي

#_روئ: تالين تالين قومي لك انتي حا تموتي من البرد بعدين لك صار وقت الجامعة قومي بسرعه

#_تالين : يلا يلا ليكني قايمة

قمت وانا حاسة جسمي مكسر وما كان فيني حيل اني روح عل جامعة قمت لبست وجهزت حالي وروئ جهزت حالا وطلعنا لنروح عل جامعه
.
.
.
وصلنا عل جامعة انا وروئ

روئ راحت تسجل بل جامعه
وانا ضليت اعدة شوي ب جنينة الجامعة عم استنى يجي وقت محاضرتي ..

كنت حاطة ايدي ع عيوني وعم ابكي كنت مخبية عيوني والبكا لاني مابحب حدا يشوف عيوني وهنن مدمعين ومابحب حدا يشوفني ضعيفة

فتحت عيوني التفتت عل يمين ولاقيت شادي اعد جنبي
ضحكت ورجعت عبست ماكنت عارفة شو لازم قلو ما كنت عارفة شو احكي

تمنيت يكون عند ام واسالا وتقلي شو اعمل  

#_شادي: خلصتي بكا لك مو حرام هل عيون يبكو

#_تالين :.... 😢

#_شادي :مابتثقي فيني؟؟

#_تالين : لاء .. بثق فيك بعرفك انك محترم ومافي منك

#_شادي :لكن شو

#_تالين : تبكي ...

#_شادي : قرب ومسحلا دموعا وقلا لا بقا تبكي والا مبقا تشوفيني بحياتك بنووب

#_تالين : فجأة مسحت دموعا وقالتلو هأ خلص ليكني ما عم ابكي خلص

#_شادي : ها هيك بدي ياكي

#_تالين : ....

#_شادي : لك نحنا ربينا سوا ودائما نلعب سوا من صغرك كنت حسك تحبيني ليش من وقت كبرتي صرتي تبعدي عني

#_تالين :اخخخ ياشادي انا شو ذنبي ليه من صغري حملت هموم لدني ع كتافي

#_شادي: ياريت تخليني اخدن عنك واحطن ب البي .. بس قليلي ليش ولله ح موت وانا افكر

#_تالين : ...😢

#_شادي : قليلي ليش مابدك نصير متل ايا تنين بحبو بعض ليش بدك تعذبي حالك وتعذبيني

بس ما حا احكي اكتر من هيك معك لانه حسيتك تلبكتي وكل ماعم اسال سؤال عم تختنقي عم حس في شي بدك تحكيه بس ما عم تحكي
وع كلن انا جمبك وما حا اتركك وبس تحسي حالك خرج تحكي احكيلي انا حا اسمعك
انتبهي عحالك

#_تالين : اوك .. انا قايمة احضر محاضرتي



(لما توفت ستي ما كان الي حدا كل القرايبين ما حدا سال عني ما كان الي غير شادي وامو يلي كان كانو جيرانا من توفت ستي اخدتني ام شادي لعندا عاملتني احسن معاملة وكان تهتم فيني كتير ..

كان عمري سبع سنين وقت توفت ستي
كنت ديمن العب مع شادي ومانترك بعض بنوب
كنت لما ابكي وقلو بدي ستي يبكي معي وياخدني عل مقبرة نزورا وابكي على قبرا ويرجعني

ابوه لشادي متوفي من زمان حتى شادي مابيعرف ابوه ..

شادي اكبر مني ب 4

سنين

بقيت عندن لحتى صار عمري 17 سنه وهون انا قررت اني اطلع من عندن واسكن ببيت لحالي بل اول عارض هو وامي وما وافقو بس لما قلتلن انا ح اسكن ب بيت ستي وهيك بكون مقابيلن وافقو
.
.
.
اليوم يلي ما كنت شوف شادي فيه كنت ابكي واشتقلو 😢
كنت اشتهي ضمو وقلو اني بحبو وما بدي غيرو من كل هلدني وبنفس لوقت ما كان بدي ياه يموت
كان كل حياتي ما كان الي غيرو من بعد وفات امي وابي وستي
كان هو سندي من صغري شد ضهري فيه
كان حنون عليي كتير
كان يسرحلي شعراتي ويجبلي اكلات
كان يساعدني بلدراسة كتيرر
لاجلو حبيت الدراسة لانه يساعدني فيها
"يتبع"...
[١٨/‏٨ ١:١٤ ص] ميس: #_الجزء_الثالث.
#_قصة_عشق_لم تكتمل.
#_بقلم :ميس_قباني.

بعد مرور اسبوعين

وبيوم كنا رجعانين انا وروئ من الجامعة
فتت عل بيت ورميت كتبي ع الديوانة وتسطحت على تختي و انا عم فكر ب شادي
اتطلعت ع موبايلي ولاقيته عم يرن
شادي عم يتصل
حملت موبايلي ورديت عليه
تالين : لا تواخذني صرلك زمان عم تتصل

شادي: هههه لا عادي هاي عاشر مرة عم اتصل شغلتيلي بالي

تالين:ههههه كنت صافنة

شادي: ب شو .. ليه سكتي بما انه سكتي معناته كنتي عم تفكري فيني

تالين : ههههه اي هيك شي شو رايك نشوف بعض

شادي : اي اي موافق

واتفقتا نشوف بعض بل حديقة
قمت جهزت حالي لبست كنزة زهري وبنطلون جنز كاشف ورفعت شراتي وجدلتهن وركدت لبست ب اجري وانا طالعة سمعت صوت روئ عم تنهدلي وتقلي
وين رااايحة
انا سكرت الباب وطلعت وما رديت
وصلت عل حديقة وعدت استناه وفجاة تزكرت اهلي وستي كانه صار شريط حياتي يمر من ادامي وكالعادة حطيت ايدي ع عيوني وبلشت بكا
وماحس الا ايدين صارو فوق ايدي بحنية ايديه ودفاهن عرفت انه شادي

شادي : ليش عم تبكي

تالين: (صرن ابكي اكتر )

شادي :اذا ضليتي عم تبكي بدي قوم روح ها

تالين : لا خلص بس بدي ئلك شي
انا بحبك

شادي : بعرف
وانا بمووت فيكي
بس يلي بدي اعرفو انه ليش مابدك نرتبط

تالين : مشان ماتموت

شادي : موووت لك ليش

تالين : سمعني
انا بحبك من وقت ما كنا صغار بس ما كنت بدي ارتبط فيك كرماال ماتموت متل اهلي وستي انا كل يلي بحبهن بموتو لعنة الموت مرافقتني

شادي : الاعمار ب ايد الله
وياستي انا موافق موت المهم عيش معك

تالين : بحبك

شادي : يعني حا نصير متل ايا تنين بحبو بعض

تالين : اي هههههه

شادي قام وقف وفتح ايديه وصار يصرخ بحببببك
تالين بحبكك انا ركدت لعندو وهوى فاتح ايديه وضميتو شالني وصار يبرم فيني ويصرخ بحبكككك
.
.
.
.
#_روئ :وين كنتي ياخانم

#_تالين: انشغل بالك عليي ياعمري لا ينشغل بالك

#_روئ : لا اكيد بس انتي صايرة ماعم تنطاقي

#_تالين: حاجتك مزح لسا ماصرلك شي اسبوع عندي هههه

"روئ كانت عم تحكيني بكل جدية بس حاكيتا بمزح لانه ماكنت حابة عكر مزاجي وقلت اكيد غيرانة من شي شغلة جديدة"

#_روئ: وين كنتي

#_تالين: كنت مع شادي

#_روئ : ليش بعدك عم تشوفيه مو ع اساس مابدك يااه شو عدا ما بدا

#_تالين: لك انا بحبو بحبو بس جدبة كنت مفكرة انه لعنة الموت مرافقتني بس خلص الاعمار ب ايد الله ويلي كاتبو الله ح يصير

#_روئ: لا لازم تبعدي عنه لا تخليه يموت حرام

#_تالين: من كل عقلك عم تحكي يا خانم شو شايفتيني ليكون انا ملك الموت يلي بتقبض ارواح واذا خايفة عليه ليقوم يموت لاني حبيتو
ف انتي كمان رفيقتي انتبهي عحالك لا توصل لعندك لعنة الموت وتااخدك

#_روئ : ....

#_تالين : بعدي عن وشي هيك

"اخدت نفس عميق وحاولت اتجاهل روئ شوي وصرت فكر ليش روئ كل هالقد مهتمة وليش تغيرت فجاة"
.
.
.
صارت حياتي كتير حلوة بعد ما ارتبطت بشادي
صارت امو لشادي كل يوم تخليني اتعشا عندن شو ما كانت الاكلة كنت حسا لذيذة بوجود شادي
شادي صار يساعدني كتير بدراستي وصار دراستي اكتر من تمام
وبعد مرور شهر شادي طلبني وخطبني وانا وافقت
ورجعت عل بيت وقلتلا روئ جهزيلي حالك اليوم عنا مشوار و بكرا حفلة
اخخخ ياااستي وينك تحضري هل يوم يلي كنت تحلمي تشوفيني فيه

#_روئ : شووو عن ايا يوم عم تحكي انتي

#_تالين : شادي خطبني واليوم بدي اشتري الفستان وحبيتك تروحي معي نشتري الفستان

#_روئ : ئي يله هلئ بجهز حالي وبروح معك

(روئ : لك يا الله انا شو جابني لهون انا شو عملت بحااالي يا الله يا الله شو اعمووول😭 انا لازم ماخلي هل خطبة تتم )

فتت ولاقيتا عم تبكي
#_تالين : ليش عم تبكي في شي

#_روئ : تالين ببوس ايدك ما بدي روح معك خلص تركيني تعبانه

#_تالين :مبلا بدك تروحي بتغيري جو يا روحي يلا مسحي هل دمعات يلي ماعم تقليلي لشو نزلو

جهزنا حالنا ورحنا اشتريت فستان بجنن اشتريت اللون يلي كنت قلا دائما لستي انه هلون حا اشتريه بخطبتي لانه بلبقلي كتير اشتريت الفستان لونو كحلي وزهري كتير كان حلو لما اشتريتو كنت طايرة من الفرح حسيت انه شادي هو عيلة بدال الفقدتا اشتريت شو بلزمني للخطبة ورجعنا عل بيت وروئ ما كانت ترضى انها تشتري شي الها كانت كتير تعبانه وع

م تبكي هية ما كان عم ينزلو دموعا بس كنت حاسة كلشي فيا عم يبكي لدرجة حسيت انها بتحب شادي بس قلت مستحيل
.
.
.
.
داخت روئ فجأة وطبت بل ارض نقلتا عل مشفى واتصلت ب شادي يجي فورا
.
.
.
طلع الدكتور وقلنا روئ والجنين بخير بس بدكن تنتبهو عليها ولا تخلوها تزعل

طلعت بشادي وانا مندهشة شاادييي !!
روئ روئ حامل لك مو معقووول روئ بنت مافي منا وما قالتلي انها متزوجة ولا حامل

#_شادي : ....

#_تالين : شادي رد عليي شبك ليه سااكت

#_شادي : لا ما سكتت بس بجوز ما كانت حابة تحكيلك مابعرف تالين مابعرف
بكرا بس طلعت من المشفى منعرف كلشي مو ضروري هلئ نسالا

#_تالين : ماشي معناته بدنا نأجل الخطبة شوي

#_شادي : لا لا ما حا اناجلها

#_تالين : بس روئ تعبانه

#_شادي : لا وبلاها وعمرينا مل تحضرا

#_تالين : لا تحكي هيككك
ليه هيك عم تحكي عليها من ايمتا بتكرها

#_شادي : مو هيك بس بدك تأجلي خطبتنا كرمال رفيقتك

#_تالين: اي بأجلا بس يوم او يومين كرمالي شادي حبيبي

#_شادي : حبيبتي هية مابتستاهل شي ولله

#_تالين : اوف اوف لييش لاحظت ع حالك كيف عم تحكي عليها هاي للمرة التانية عم حسك بتكرها

#_شادي : ولك ايييي اييييي بكرهاااااااا بكرها

#_ تالين : ولك لييييش

#_شادي : حبيبتي هدي خلص بس لانه بحسا بتغار منك وما بتتمنالك الخير وبدك تاجلي الخطبة كرمالا

#_تالين : سكر عل سيرة والخطبة ما ح تتأجل خلص حبيبي
.
.
.
"يتبع"...
[١٨/‏٨ ١:١٤ ص] ميس: #_الجزء_الرابع.
#_قصة_عشق_لم تكتمل.
#_بقلم:ميس قباني.
.
.
.
فتت لاطمن عليها
#_تالين : انتي ليه ماقلتيلي انك حامل

#_روئ : شووو حااامللل😨

#_تالين : اي ليه ماقلتيلي انك متزوجة

#_روئ : كان مابدي هلولد بدي ينزل الله لايووفقك لا انت ولا ابوك

#_تالين : خلص اهدي شبك ليش هك عم تحكي

روئ ضلت تضرب ع بطنا وتبكي حتى نزلت الجنين

طالعت روئ من المشفى ورجعنا عل بيت

#_تالين : انتي متزوجة ولا شو

#_روئ : ...

#_تالين : احكي لا تجنينيييي

#_روئ : حلي عني مابدي احكي شي تعبانه

#_تالين : هوووف منك

#_روئ : لك حقير تركني الحمدلله نزل ابنو مابدي شي من هل واطي

#_تالين : ترككك!!!

#_روئ : اي انا شو ذنبي غير اني حبيتوووو

#_تالين : مين هو

#_روئ : مو مهم انت حضري حالك لبكرا مشان خطبتك لاني بدي احضرا الله يهنيكي
.
.
.
مسكت موبايلي واتصلت بشادي عم ابكي

تالين : شادي بدي شوفك

شادي : ماشي حبي جاي اخدك ليه عم تبكي في شي

تالين : هئ حبي لشوفك بحكيلك

وقت شفتو ركدت لعندو ضميتو وصرت ابكي بحضنو
شادي انا بحبك بحبك
لا تتركني متل ما هداك تركا لروئ
بدي تكون معي وكون معك كل العمر ببوس ايدك ما تخزلني وتبكيني انت كلشي عندي

#_شادي: ما ح اترركك يا البي شبك اذا هداك تركا ف هاد مابتركك

#_شادي: خليلي اميرتي يلي حا تطلع اميرة ب خطبتنا

#_تالين: الله يخليلي ياك ياعمري

صارت خطبتنا وطلعت خطبة كتير حلوة متل مابحلم واكتر
.
.
.
وبعد اسبوعين عرسي
حا يتحقق يومي يلي بتحلم فيه كل بنت

لبست البدلة البيضة يلي كل بنت بتحلم تلبسا وطلعت متل الاميرات يااه شو حلوة البدلة البيضة ما كنت متخيلة اني حا اطلع حلوة كل هل قد فيا
يا الله شو كنت فرحانه ام شادي كانت طايرة من الفرحة
وكانت تقلي فرحتي فرحتين
لانه حاسة عم جهز بنتي بعرسا
وكمان ابني عرسوو
الله يخليلي ياكن يا البي

#_تالين : خليني ئلك ماما
وحدا ئلك من قبل اني كتير بحبككك

#_ام شادي : تعي يا قلب امك تعي لحضني

ساويت عرسي وروئ ماتقرب عليي ابدا ولا حسيتا رفيقتي حسيتا وحدة غريبة مابعرفاا

وشادي كان طاير من الفرح

اعدنا بل عرس وصرنا نحكي انا وشادي

#_تالين : شاديي

#_شادي : ياعيونوو

#_تالين : بدي احكي و احكي حتى الكل يجن ويفكرو انه شو عم نحكي

#_شادي : يا مجنونة انتي

#_تالين : ايي خلينا نجننهن شووي

صرنا نحكي وكل ما نضحك لاقي روئ عم تزورنا بلاخر عصبت منا لدرجة حسيتا نغصت عليي فرحتي بهك يووم
.
.
.
خلص العرس ونحنا عل طريق ورجعانين ع بيتنا طول الطريق وهو شادي عم يسوق السيارة انا ماسكة ايدو وقلبي عم يدق بسرعة

#_شادي : شبك ليه هيك خايفة كأنه

#_تالين: ☺☺

#_شادي : يخليلي الخجوول يلي خدودو حمر من الخجل
خليني بوس خدودك الحمر

#_تالين : هئة ممابيدييي

انا صرت اضحك وهوى يضحك

وصلنا وفتنا عل بيت
معقول احلى يوم تحقق احلى يوم حلمنا فيه تحقق اليووم

يا الله شو كنت فرحانة

#_شادي : لك انا مو مسدئ فرحان كتير فيكي

#_تالين : انو مابعرف شو لازم قلك ابي ولا امي ولا اخي ولا شوو انت احن من كلشي

#_شادي : ليه عم تبكي يا مرتي الصغنونة

#_تالين : مابدي تتركني متل الكل حتى روئ ليك كيف تركتني وكلمه مبروك ماقالتلي

#_شادي : وك تسطفل حبيبتي هية غيورة
بعدين انا معك ومابتخلى عنك لموت

#_تالين : لا لا ببوس ايدك خدني معك عل موت بس لا تتركني لا تجيب سيرة الموت

#_شادي : ح نعيش سوا وما حدا يترك الت

اني خليلي البك

#_تالين : بحبك دوزي😂

#_شادي : هههه خليلي مرتي تعي خليني ضمك 😍
.
.
.
.
فقت الصبح كان نايم

فتح عيونو ولمعت الشمس بعيونو الزرقة وانا صرت كأنه بغير دنيا
صرت متل الطفلة اضحك قلو خليلي هل عيون بحبك بحبك اناا

شادي يضحك ويقلي يخليلي مرتي يلي مافي بحلاها

#_شادي : شو بيتمسى لون شعرك وحاج تنطي متل الجدبان

#_تالين : هههههههه هلئ انا لون شعري بقلولو احمر هك اسمو بس ماهك لونو ههه

#_شادي : شعرك بني مع اشقر واحمر دوختيني

#_تالين : مافيييي

رفعت شعراتي وضبيتن وقلتلو رايحة شوف ماما

#_شادي : صرتي تقليلا ماما

#_تالين : ئي هاي امي التانية

#_شادي : يخليلي ياكن ياروحي انتو

طلعت عل صالون ولحقني شادي ولاقيت ام شادي مساويتلنا فطور بشهي

#_ام شادي : صباحية مباركة ياعرسان

#_شادي وتالين: الله يبارك بعمرك

اعدنا وبلشنا فطور

#_تالين : كلي هل لقمة من ايدي ياموو

#_شادي : لا انا بدي طعمي امي

#_تالين : شو غرررتت ياغيوور
هاي امي كمان

#_شادي : اي امنا بس بتحبني اكتر منك

#_تالين : صحي هل حكي يامو ونزلو دموعي

#_شادي : ههههه لك ليكي ليكي متل لولاد ولله لك بتحبك ياهبلة

#_ام شادي : تركها ياغيور انا بحبا اكتر منك
تعي لقلبي بنتي


ركدت وضميتا

#_تالين : يخليلي ياكي يا رب ومايحرمني منك فضلك عليي لموت وصرت بسلا ايديها

#_شادي : اكبر فضل انه جابتني هههه

#_تالين : غليظ بس معك حق هههه

#_شادي : مابدك تضميني ياموو

#_ام شادي : تعا ياعمري
يخليلي ياكن يا شمعات حياتي

خلصنا فطور قمت ضبيت الفطور وجليت الجليات

#_ام شادي : انا بدي روح لعند جارتي اتسلى معاها شوي

#_شادي : الله معك امي

#_تالين : الله معك انتبهي ع حالك
.
.
.
#_شادي : ايي وانا قايم روح

#_تالين : وين قايم تروح

#_شادي : عم امزح البي

#_تالين :☺
بحب عيونك

#_شادي : وعيونك كمان زرق
واحلا من عيوني

#_تالين : هئة عيونك بجننو اكتر وبغار عليك لما حدا بيتطلع فيهن من كتر مو حلوين

#_شادي: خليلي البك

#_تالين: انا قايمة اعمل بوشار

شادي : طيب قومي عملي لاحئك بس لجيب الباكيت

تالين : بدي بطلك ياااه

شادي : ماشي ماشي هههه

فتت حطيت زيت وملح بل طنجرة وحطيت بوشار وصار يطقطق وصار يطير لانه ماغطيت الطنجرة تلبكت وماعاد اعرف شو اعمل

ششادي التفتت وركدت وخبطت بشادي كان واقف عل باب وعم يتفرج عليي كيف عم خبص بهل بوشار ههه عم يضحك وعيونو عم يلمعو 😍كالعادة وعم يشرب السيكارة

تالين : لحالو لحالو

شادي : اي صح لحالو طار انتي ما دخلك

تالين : ئي ههه

خبيت عيوني ب ايدي وتخبيت فيه

شادي : ضمني وشالني وصار يبرم فيني

تالين : نزلني حباااب دختتت

شادي : هههه تعي نزلي عمري

نزلني واعدنا عل كنباي وغفلت من كتر ما دوخني وماحسيت ع حالي كيف نمت

اجت ام شادي وشافتنا كيف نايمين فاتت عل مطبخ ولاقت البوشار كيف حالتو حالة ههه

ساوتلنا ياه وهية عم تحطو فقت ونكشت شادي يفيق

ام شادي : خليه نايم وكلي هاي البوشار اكيد ماعرفتي تعمليه ههههه

تالين : يسلم دياتك ليش تعذبتي ياروحي

(حماتي كانت معاملتا معي كانه ام غير معاملة كل حموات هل ايام مافي منها مافي ولا حماية متلا كانت شعراتي تسرحلي ياهن حتى)

شادي : يسلم دياتك يامو شو بدي اعمل تزوجت وحدة مابتعرف حتى تساوي بوشار

تالين : ولله لااا بس نسيت غطي الطنجرة

ام شادي : ما حدا قلك تتزوجا صغيرة كنت ستناها تتعلم الطبخ هههه

شادي : ايوووه اتفقتووو علييي
.
.
.
"يتبع" ...
[١٨/‏٨ ١:١٤ ص] ميس: #_الجزء _الخامس.
#_قصة_عشق _لم تكتمل.
#_بقلم: ميس_قباني.
.
.
.
مرقت الايام وصرلي شهرين متزوجة كانت احلى ايام بعمري وبيوم كنت عم امزح والعب مع شادي هو شايلني وعم يدوخني دخت كتيررر

تالين : حبيبي نزلني دختت كتير
وركدت وصرت استفرغ
شادي : شو حبي ليكون حامل

تالين : لا

شادي : ليش لاء قومي اخدك عل دكتورة

تالين : ماشي شوي وبكون جاهزة

رحنا عل دكتورة

دكتورة : مبروك حامل الجنين عمرو تلت اسابيع

تالين : وينوو فرجيني يااه

طلعت انا وشادي من عند الدكتورة والدنيا كانت مو وسعانتنا من الفرحة

تالين : رح صير ام يااي شو فرحانة

شادي : اي واحلى ام تؤبري البي

تالين : بعيد الشر لا عاد تقولل هيك

رحنا عل بيت وخبرنا حماتي وكتير فرحتلنا
.
.
.
شادي : تالين ووينك

تالين : ليكني جاي عم جهز غراض ابني

شادي : لك شبك لسعتك بل شهر الرابع

تالين : ئي معلش بدي جهزهن من هلئ

شادي : طيب تعي خلصتي

تالين : اي خلصت جاية

ضميتو وصرت شم ريحتو يلي بعشقا يلي اذا بنحرما بمووت

شادي : شبك حياتي ليش عم تشدي عليي وتبكييي

"مسحلي دموعي"

تالين : بتعرف انا من لما ولدت عهل دنيا ماتو اغلا ناسي وخايفة وانا عم اولد ابني اموت

شادي حط ايدو عم تمي
شادي : هسس ماتكملييي
ولله بلحقك بعيد الشر عن البك

تالين : بتلحقني وبتترك ابنا متل ما امي وابي تركوني

شادي: حاج تبكي ياعمر