#زهرة_التوليب
بقلم؛ #أديل_الكاي

الجزء السادس ..

اركان لف ع جهتها ..
اركان: ميييين انتي ...
صبية : انا سوزي .. ( عم تدلع)
اركان: مين سوزي بلا صغرة؛؟
سوزي: شو ما عرفتني .. 🤨
بهالاثناء بتجي اوفا لعندن ..

اركان : هئ ما عرفتك !
سوزي : بس انت بعرفك منيح .
عرفتك من الشامة اللي ع رقبتك ..
اركان كان متزكرها للبنت ..
بس عم يغشم حاله!
اركان: يا اختي ما بعرفك .. شو بدك مني ..
سوزي اتطلعت ع اوفا ..
سوزي : اها شكلك قدام حبيباتك بتصير خاروف .. وكذاب ..
اركان: احترمي حالك بلما اغلط فيكي هلا
سوزي : بتعرف تنقي يا حلو .. يلا يا اركانو
دير بالك عليها لا يسرقوها منك.. هههه

اركان: اي تضربي شو غليظة ...
اوفا : ليش هي تحكي هيك ؟
اركان : لانها غليظة ..

اركان: خربتلي مزاجي كلو ..

اوفا كان في بايدها عطر رجالي ..
اركان: شو هاد اللي بايدك..
اوفا: لا ولا شي .. بس حلو عجب انا..

اركان: بس هاد نوع عطر رجالي ..
اوفا : انا اعرف ..
اركان: انت يعرف ؟ لكان لا تقولي عم تبخي من عطر رجالي .😂
اوفا : لا بس انا يحب عطور رجالي
اركان:هاتي لكان شوف شو هالعطر اللي عاجبك ..

شم العطر .. كتييير عجبو ..
اركان: عنجد حلوووو كتير ..
اوفا : اي كتير حلو ..
اركان: ولله ما رح اقدر ما اخدو ..
شكرا ع المساعدة ..

اخذ العطر وراح ليحاسب ..
اوفا انبسطت كتير ..

بعد ما راح حاسب ..
رجع لعندها..
اركان: نروح؟
اوفا: اي ..
رجعو ركبو بالسيارة وطارو فيها ع البيت ..

رجعو ع البيت .. كان عندهم ميديا ..

فاتت اوفا واخدت معها الغراض
وراحت ع المطبخ ..
اركان: مرحبا ..
ميديا : اهلين اركان..
اركان: اهلين ميديا .. شو وينو ابراهيم؟
ميديا : بالشركة..
اركان: حلو ..
سيلا: اليوم ما نزلت ع الشركة ..
قلت بشتغل هون بالبيت ..

نجاح: صحي ابني ايمت رح تبلش شغلك؟
اركان: بعد كم يوم امي ...
ميديا : يعني صرت محامي محامي ..
اركان: لا صرت سكرتير لجنابو ..
ميديا : هههههه عم بمزح شبك ..
اركان: وانا عم امزح ..
يلا لكان رح قوم اخد دوش .. وارتاح شوي ..
ميديا بصوت عالي ..؛ اوووفاااا يا اوفااا
جيبيلي كاسة مي ...

سيلا وامها تعجبو من طريقة حكي ميديا..

اجت اوفا جابت المي ..
وقفها اركان.. ..

اركان: هاتي ..

اخد الكاسة وحطها قدام ميديا ..
اركان: خدي ميديا .. اذا لزمك شي
قومي جيبيه مانك غريبة عن البيت ..

ميديا:....

طلع اركان ع غرفته ..
سيلا كتير انبسطت من تصرف اخوها..
واوفا ما كانت فاهمة شي 😂

بعد ما راحت ع المطبخ
نجاح: شبك ميديا ما تشربي المي؟

ميديا اخدت الكاسة وشربت المي وهي مقهورة من تصرف اركان...

ميديا : يلا مرت عمو لازم امشي ..
سيلا : شبك لسا قاعدين !
ميديا : غير مرة بجي حبيبتي ..
نجاح : سلمي ع الماما ..

ميديا راحت ع بيتها مقهورة ..

اركان بعد ما اتدوش وارتاح
.. دقلو عمر ليطلعو يغيرو جو ..

قام ليلبس
زبط حالو ع ٢٤
لبس بلوزة سودة رقبتو٧
مع بنطلون جينس باللون الغامص
..
رفع شعراتو .. وحط العطر الجديد ..
Telegram: @rwayate
( صحي تعالو احيكلكن شوي عن اركان)
اركان شب بيجنن عيونو عسلي فاتح
جسمو رياضي شايفين الشب اللي بصورة الغلاف اركان متلو تماماً 😍 .. بيهتم كتير بلبسو .. شخصيتو كتير حلوة من بعيد .. ببين شب جدي وعصبي ..
بس لما الواحد بيتعرف عليه .. بيشوفو مرح وبيمزح دايما ..
ما بيحب يشوف حدا مكتئب وحزين ..
بس لما يعصب عنجد .. (انسو كل هالشغلات) ماعاد بيعرف حالو ..

نرجع للقصة ..

فتح الباب وع الاسا بدو يطلع..
نزل لتحت ..
نجاح: لوين يا مهون؟ لمين مزبط حالك ؟
اركان: لكنتك المستقبلية.. 😌

نجاح: عم تحكي جد .. 😍 مين هي تعال خبرني..
اركان: يييي علقنا.. امي رايح لعند كنتك عمر ..

سيلا: ههههههههه
نجاح: تضرب شو غليييظ ..حاج تضحكي انتي التانية..
اركان: امي ابقي اسالي حالك ع شو كنتي متوحمة لما كنتي حامل فيني

سيلا (فارطة ضحك)
نجاح: اي تضرب منك ل حكيك ..
اركان ؛ هههههه شبنا ولو عم نلطف جو ..
اجا وباسها ..
نجاح: بعد بعد خنقتني بريحة عطرك ..
باخخ القنينة كلا ؟

اركان: جديد لانو .. لازم بخ منو كتير اول فترة
Telegram: @rwayate
نجاح: ما عم افهم منك شي .!

سيلا : اوفا .. تعي حبيبتي نروح نبلش درسنا ..
اوفا: يلا انا جاي .. بس لحتى انا يخلص جلي ..

اركان: درس شو ..
سيلا: بعدين بتعرف ..
اركان: يلا انا رايح ؛ ابقى انت استني هي
لحتى تخلص هي الجليات ..
سيلا: هههههه بعد فترة بشوفكم مبدلين الادوار ..
اركان: ما فهمت !
سيلا : طنش انت لازم يروح .. الله يكون مع انت ..
اركان: غليظة طالعة لاخوكي ..
يلا سلام 😒

راح طلع هو وعمر ..
راحو ع مطعم
كا عم يطل ع البحر ..
كان متل التراس ..

اركان: شلون شغلك ؟
عمر : الحمدلله منيح ..
اركان: منيح قلتي ... ابني شو كان صار لو كملت دراستك!
عمر : لا تبلش ! انا وضعي غير وضعك كان ..
اركان: شلون كان وضعك فهمتي ياها

#زهرة_التوليب
بقلم #أديل_الكاي

الجزء السابع ..
لفت ع ييمينها بدها تعرف مين اللي عم يصفق

عمر ؛ 👏🏼👏🏼 كتير حلو ..
نجاح ؛ اهلين ابني..؟ ايمت اجيتو
اركان : هلا .. .. تفضل عمر اقعد ..

اجت سيلا وسلمت ع عمر ..

اوفا كانت خجلانة كتير ..
راحت ع المطبخ تجهزلهم شي يشربوه

رجعو قعدو بالصالون شوي ودردشو
بعدين عمر راح ع بيته ..

عدت الساعة ١٢ بالليل ..
والكل بغرفته ... عم يجهزو للنوم ..

سيلا عم تدق باب غرفة اوفا ..
اوفا: تفضلي..
سيلا بصوت واطي؛ نمتي
اوفا : لا
سيلا : قومي لكان تعالي ع غرفتي كرمال نخطط شو بدنا نعمل ..
اوفا: يلا جاي ..

بغرفة سيلا ..
بعد تفكير عميق ..
سيلا: اي خطرتلي فكرة ..
اوفا : شو هو ؟

سيلا: قومي جيبي كيس الطحين ..
وسطل مي .. وشوي زيت ..

اوفا: ههههه شو بدنا نطبخ ؟
سيلا : اي اي بدنا نعمل كاتو 😂
اوفا: طيب يلا رح روح جيب ..

اوفا راحت جابت كلشي طلبته سيلا ..

سيلا: ستني لازم نتاخد اذا لساتو فايق ولا لا ..
اوفا: اوك ..
سيلا راحت ع غرفة اخوها
عم تمشي شوي شوي ..
مسكت مسكة الباب .. وفتحته بكل حذر ..
اركان كان بسابع نومة..

سيلا اشرت ل اوفا (تعالي)
اجت افا وجابت الاغراض معها..
بلشو يشتغلو اينفذو الخطة ..

سيلا اخدت كيس الطحين ودهنت وج اركان كلو طحين مع شعراتو الحلوين😂 لحتى صار وجو كلو باللون الابيض
اما اوفا كانت عم تجهز سطل المي ..
سيلا لما خلصت وجها ..
جابت الزيت لتحطو بالمي ..
اوفا بصوت واطي : لا لا مو هيك ..
هاتي عنك ..

بلشت اوفا تدهن الارض زيت ..
سيلا: اه يا خطيرة انتي . ما عرفتك ..

سيلا : ستني شوفي شو لقيت ؟
(اشرت ع الطاولة اللي حد التخت)

سيلا: هاد الكتاب .. تبع اخي اركان 😂
ستني نتصفح فيه شوي ..
راحت جابت الكتاب ..

اوفا: يمكن ممنوع 🚫 حرام لازتقراي شي منو !
سيلا: رح اقرا بس اخر شي مكتوب ..
رح اقراو بصوت عالي ..

سيلا رح هاتي الصطل
ومسكي الكتاب .. لحتى اقرا اللي فيه
اوفا : ماشي
سيلا : ياا 1 2 3

بلشت تقرا بصوت عالي

يا لَيْتَني البُنُّ في فِنْجانِ قَهْوَتِهِ
‏وَسُكَّرٌ مِنْ شِفاهٍ تَقْطُرُ العَسَلا
‏إِنْ فاحَ بِالهالِ فوهُ فالنَّدى عَطِرٌ
‏أَوْ ذاقَ شَهْدي يُوارى بُنُّهُ خَجَلا.

بلش اركان يفيق ولما سمع قصيدتو اللي كتبها اخر شي
اركان : 😳😳😳😳😳😳😳 سيييييييييلاااااااااا
قام تربع بدو يقول ع حيله ..
واول ما بدو يقول ..
زتت عليه سطل المي 😂😂😂😂😂

اركان : انا بفرجيكي 😡
قاعد بدو يروح يمسكا والارض كلو زيت 😂
بلش يتزحلق ..
سيلا واوفا فارطين ضحك بالزاوية ..
سيلا : اووووعك تجي .. ولله بتتزحلق وبينكسر ضهرك 😂😂

اركان ؛ هااااتي الكتاب .. كيف عم تقرا الشي المكتوب فيه ؟
سيلا؛ خد خد قريتو كلو اوفا معي ..
كتير حلو حياتك .. كانو في شخص تاني بالكتاب غيرك انت الغلييييظ ...

اركان : هااااتييي 😡😡😡
سيلا : خد .. 😂
اركان : تضربيييي .. استني تيابي كلو مي ..
تعي حطيه ع الطاولة وطلعووو ...

سيلا : ☹️ ما بدك تجي تضربني وتنتقم ..
اركان ؛ سيلا شكلك ناوية ما تنامي الا بقتلة 😒 قلت اطلعووووو

سيلا : طيب تصبح ع خير ☹️

وعن طالعين ..
اركان مسك كيس الطحين اللي ع الطاولة
بعد ركض ناح الباب .
وبلش يزت عليهم طحين ..
سيلا كانت عم تركض بالغرفة ..
واركان يركض وراها ..
اوفا كانت بمكانها عم تتفرج وتضحك ..

اركان وصل لعندها ..
اركان : تعي خديلك انت كمان ..
بلشت يرش عليها طحين ..

بلشت تركض مع سيلا
) بعد ركض تعبووو كتير

بلشو يطلعو ع اشكالهم ويضحكووو
😂😂😂😂😂😂😂😂😂😂

اركان : تضربي انتي وافكار .. كل سنة لازم تعملي هيك ست سيلا ؟

سيلا : هههههههه تبع الزيت كانت من افكار اوفا ...
اركان : تضربي منك الها .. نزعتولي نومتي

سيلا ؛ تعيش وتاكل غيرها😂😂
يلا تصبح ع خير .. القصيدة كانت بتجنن اخي .. نيالا اللي رح تقرالا ياه 🌝😉

اركان : مأثقل دمك ... وانتو بخير وانتو بخير ..

كل واحد فيهن بعدين راح ع غرفته
بدلو تيابهن ونضفو حالهم من الطحين 🤣😂 ورجعو نامو ..

واركان هو بغرفته عم يفكر .. ب اوفا ..
اول مرة بحس بشي حبو اتجاه اوفا ..
رجع فتح الكتاب عم يقرا اللي كاتبو

‏في وجهه ماء الملاحةِ حائرٌ
وبخدّهِ وردُ الحـيا لم يُقطفِ
_
كالبدرِ تكتملين في ليل ذاكرتي ..
لو تعلمين ... كم يكون حضورُكِ طاغياً
في الغياب ..

بلش يتزكر اوفا ويقرا ..
اركان عم يحكي نفسه: كل القصائد بينطبقو عليها .. وكانو الكتاب عم يعرف عنها ..

فاقو الصبح ..
اوفا كانت فايقة ..
عم تجهز الفطور ..
فاقت نجاح وسيلا . ونزلو لتحت ..قعدو بالصالون ..
سيلا بلشت تحكيلها ع الشي اللي سوتو مع اخوها 😂😂 نجاح فرطت ضحك ..
نجاح: سمعت اصوات ضحكتكم عرفت بانو مقلب .. ما شاء الله كل سنة لازم تعملي شي وتمقلبيه

سيلا: ههه لو تشوفي يامي ابنك كيف كان منظرو😂😂😂😂

اركان نزل ..

#زهرة_التوليب
بقلم #أديل_الكاي

الجزء الثامن ..

سيلا ارتعبت من صوته وعرفت انو شاف الرسالة..
نزلت وهي حاطة ايديها ع قلبها..

سيلا: اي اركان..
اركان معصب : شووووو هاد ؟
سيلا: شووو !
اركان بصوت عالي: شو هالرسالة ... شو عم بيصير معك...
سيلاا: ....
اركان: لكككك جاوبيني .. لمين هالرسالة؟
بلش مسك كتفها بشدة
وسيلا كانت ساكتة تماما .. بلش دموعها ينزلو ..

اوفا : هاي الرسالة ل الي !!

اركان اول ما سمع هالجملة من اوفا؟
اركان؛ الككك؟
اوفا: اي ... هاي الرسالة من عمر ..
كتبلي ياه .. اليوم وقع مني بالجنينة..
دورت عليها بس ما لقيتها...
اركان: ليش لتنسيها برا ؟؟

اوفا: بعتزر كتير ...
سيلا كانت مصدومة من حكي اوفا ..

اركان رجع تزكر شو مكتوب بالرسالة..
اركان: اي اذا الرسالة الك .. مو مهم ..

اركان: بعتزر اختي .. بس فكرتو الك..
طلع ع غرفته مزعوج ومتدايق كتير ..

سيلا بلشت تبكي كتير ..
اوفا: شبك سيلا ليش عم تبكي ..
سيلا ؛ خربت كلشي ...

اوفا : هدي شوي .. تعالي معي نطلع ع الجنينة ..
طلعو قعدو برا ..
سيلا : ليش قلتي هيكك ! وكيف عرفتي انو الرسالة من عمر ؟

اوفا : شفتو لما كتبلك ياه . بعدين لو ما عملت هيك .. اركان كان رح يخانق عمر .. وما يحكو سوا .. ما كان بدي فرق بين اخ واختو
وصديق وصديقو ..

سيلا : بس هلا اخي كتير بيكون مزعوج ..
ورح يبطل يحكي مع عمر ..
اوفا: ليش ؟
سيلا: عنجد ما بتعرفي ليش؟
اوفا: لا ..
سيلا: اوفا حاولي تحسي شو عم بيصير حواليكي ، حاولي تفهمي ..
يلا رح قوم نام .. تعبت كتير ..
اوفا: خدي هاي الرسالة..
سيلا اخدت الرسالة وطلعت ع غرفتها...

اول ما قرات الرسالة كتير انبسطت ..
ولقت الرقم ع الورقة ..
بس مع هيك .. تزكرت اخوها ..
انزعجت كتير ..

هي بتعرف منيح قديش اركان حبها ل اوفا..

حطت الرسالة ع الرف ونامت..

عند عمر:
عم يحكي بين نفسه؛ معقول رفضت تحكي معي! لا ولو اكيد رح تردلي خبر !
خايف يكون حدا لقطها وهي عم تقرا الرسالة! اوووف .. شو عملت انا !

عند اركان
كانت عم يفكر .. بالرسالة ..
كان في زاعجنو ..

اركان عم يحكي بنفسه: ليش هالقد مزعوج انا .. بلش يعرف يفهم مشاعرو ..
راح وجاب هدية اوفا .. وردة التوليب ..
والعطر ..
شم ريحتها كتير عجبتو .. 😍
بخ شوي ع بلوزتو وراح ينام..

مرت كم يوم ..
اركان كان مزعوج ع الشي اللي صار ..
تزكر كلام سوزي ..
لما قالت دير بالك عليها لا حدا يسرقها منك ..
حس حالو عنجد سرقوها منو ..

اما سيلا بعتت رسالة ل عمر ..
كتبتله؛ مرحبا انا سيلا ..
بعتزر منك لاني ما رديت الا بعد كم يوم ..

بلشت تحكيلو شو صار وانو اركان شاف الرسالة واتدخلت اوفا ..
اخر شي كتبتلو .. انا مافيني احكي معك ..
اذا عنجد نيتك منيحا تعال ودق بابي ..
مافيني خاطر واحكي معك ..
اخي رح يكشفنا .. وبعدين ما بدي تخرب علاقتكن ب سببي ..

عمر اول ما شاف الرسالة انبسطت كتير
بس بنفس الوقت انزعج ..
ما عاد عرف شو يتصرف ..
هو كمان بيعرف قديش اركان بيحب اوفا ..
بس هلا هو هرب كلشي ..
ندم لانو كتب الرسالة ..

مرت كمان فترة ..
اركان عنجد كان مزعوج من رفيقه .. بطل يسال عنه او يحكي معاه ..

اوفا بهالفترة حاولت تغير مزاج اركان

ومرة كانو قاعدين بالجنينة عم يدردشو ..
هو وسيلا واوفا ..
Telegram: @rwayate
اوفا شلحت من رجليها وصار تمشي حافية .
اركان : بلش درس اليوغا تبع انت ؟
اوفا : هههههههه هالشي متير مريح ع فكرة ..
سيلا تعي جربي ..
سيلا : يلاا ..
بلشت سيلا تمشي حافية متل اوفا ..
سيلا : يااااخ عنجد طلع مريح وبهدا الاعصاب ..
اوفا : قلتلكم هالشي ..
سيلا : تعال اخي اشلح من رجليك ..
اركان : لا ماني مجنون متلكم ..
سيلا : لك امانة اخي تعال .. ولله رح تعجبك الشغلة ..
اوفا : اي اركان .. رح يهدا اعصابك
ورح ترتاح ..
اركان : شبني انا ليش .. مرتاح ومبسوط ..
سيلا : ما اختلفنا . بس تعال انضم ل النا ..
اركان ؛امري لله،
شلح من رجليه.. وعنجد حس انو اعصابه هدي .. وصار ريلاكس ..
اوفا: شو كيف حاسس ؟
اركان : لك انا هلق انتبهت ! اوفا صايرة تحكي عربي صح .. بتحكي احسن مني ومنك ..
اوفا ؛ ههههههه
سيلا : لكاااان
اركان: كيف وايمتا وليش ؟
سيلا: كنت عم اعطيها دروس خصوصي ..
اركان: تضربي .. كنت متسلي وانا عم اتمسخر ع لهجتها..
اوفا: هههههه صرت هلا متلك . مافيك تتمسخر ع لهجتي ..
اركان: طيب تتزكري لما كنتي تقولي
هالتو نجاح انت يريد شي ؟
سيلا: 😂😂😂😂😂😂😂
اوفا: اي بتزكر .. 🌝

اركان: انت يريد شي !
انت ليش يحكي متل انا..
انا يروح ينام تصبح انت ع خير 😂

اوفا وسيلا فرطو ضحك ع كلامه😂😂😂
كانت ليلة كتير حلوة..

بعد يومين
عمر حكا مع اركان .. انو جاي يزورهم بالبيت ..
واركان .. كان متوقع انو يجي يخطب
لانو هي ذكر بالرسالة..

قال بينه وبين حاله.. : اذا اجا بدو يخطب معناتو اوفا وافقت عليه ..

والمسا بحظور العيلة ..

#زهرة_التوليب
بقلم #أديل_الكاي
الجزء التاسع والاخير ...

وبيوم من الايام ..
اركان كان عم يشتغل ع اوراقو ..
لان بعد فترة رح يبلش شغل ..

اجت ميديا .. لعند سيلا ..
وقعدو بالصالون..

ميديا: وينو اركان..
سيلا: بغرفتو عم يشتغل!
ميديا : رح روح ناديه لكان..
سيلا: بس...

ميديا راحت بدون ما تاخد اذن حتى .
دقت الباب ..

اركان: مين !
ميديا: انا ..
اركان: اهلين ميديا..
ميديا فاتت ع غرفته..
ولما دخلت .. اوفا شافت وانزعجت كتير ..

ميديا: شو عم تعمل تعال انزل اقعد معنا!
اركان: لا بعتزر عندي شغل لفوق راسي ..

ميديا صارت تاخد جولة بغرفة اركان
واركان متحمل وساكت..
ميديا شافت الكتاب ع الرف ..

ميديا: هاد هو الكتاب ؟
اركان: اي بس رجاءاً لا تقربي عليه..
ميديا: ليييش!
انا حابة اقرا شو مكتوب ..
اركان: هاد شي خصوصي ..

ميديا ما سمعت كلامها .. واخدت الكتاب وبدها تفتحو وتقرا ..
قام اركان من مكان واتجه لعندها ..
ويحب الكتاب من ايديها ..
اركان معصب 😡 : قلتلك ما تشيليه...
ميديا: شبك ليش عم تصرخ بوجي..
اركان: ماعم تفهمي لانو ..
ميديا: انت ليش عم تهملني ؟
ما مبين علي اني معجبة فيك !
اركان: شو هالحكي !!!! انتي مجنونة؟
ميديا: اي مجنونة.. ورح جن اكتر اذا ما قرات الكتاب ..
اركان: اطلعي لبرا بسرعة قبل عصب اكتر وانسا انك بنت عمي ..

ميديا: شو رح تعمل !
اركان مسك بكتفها .. وطلعها لبرا غرفته وسكر الباب ..

ميديا انزعجت كتير ... كانت بدها تنفجر ..
هي بتعرف كمان انو اركان بيحب اوفا ..

قررت بدها تزعج اوفا باي شي ..
راحت ع الجنينة ..
بلشت تقطف بزهرة التوليب ..
خربت المنظر كلو ..

ولما شافتها اوفا ..
ركضت بسرعة لعندها...
اوفا:: شو عملتيييي!
ميديا : حلي عني ...
اوفا بصوت عالي ؛ اتركيييي الزهور بحالهم ..
مين قلك تقطفيهن
ميديا: شو دخلك .. مانو بيت ابوكي ..
اوفا: بيكفي .. لا تاخدي شي وحطيهم من ايدك !
ميديا: واذا ما حطيتهم!

سيلا: شبكم ليش صواتكم طالعة!
ييييي شو هاد ليش عملتي هيك ميديا !

اوفا انزعجت كتير وانكسر قلبها ..
متل ما بيقولو لكل فعل ردة فعل

رجعت اوفا دفشت ميديا بكل قوتها لحتى وقعت ع الرض وانجرح ايدها ..
وبلشت ميديا تبكي مال الصغار..

اجت نجاح بدها تفهم شو اللي عم بيصير ..
واركان طلع ع الاصوات..

اوفا كانت مصدومة بمكانها ..
اركان: شو عم بيصييييير ..
ميديا: اوفا دفشتني بكل قوتها ..
لحتى وقعت .. اخ يا ايدي ..

اركان: شو عم بصير معك اوفااا..
اوفا بلش ينزلو دموعها..

ميديا: لان حبيت اقطف كم وردة
عملت هيك .. وصرخت علي ..

اركان لما سمع هيك ..
من قبل كان مزعوج من اوفا ..
بلش بكل عصبية يقصف كلشي ورد بالحديقة ..
ومع كل وردة تنقطف .
قلب اوفا يطلع من محله ..
انزعجت كتير .. .

اركان بصوت عالي: هيييك منيييح ؟
شو هاد ييااااااه الواحد مافيو يرتاح ختى ببيتو ..

ميديا كتير انبسطت بالشي اللي صار ..
سيلا كانت عم تزاور ميديا .. وشايفتها كيف حابسة ضحكتها.. وفرحانة..

انا اوفا كانت لسا جامدة بمكانها ودموعها ع خدها ..

فاتت ع المطبخ عم تمسح دموعها..
راحت سيلا وراها
ونجاح ساعدت ميديا ونظفتلها الجرح بالمعقمات ..

سيلا: لا تبكي حبيبتي .. لك انا شفت كلشي بعيوني
الله ياخدها شو كذابة ..
اوفا: عادي مو مشكلة .. بس شو دخلهم الورود
ليش لحتى يقطفو منو . انا كل عمري عم اهتم فيهم.. ولا مرة تحملت انس اقطفهم او اهملهم ..
سيلا: بعرف حبيبتي .. اخي ما بيقصد .. اخي بتعرفيه صرلو فترة مزعوج .. وابصر هاي الحية شو بتكون زاعجتو كمان..

اوفا: انا عندي انكسر قلبي ع الوردات..
حاسة حالي كتير مخنوقة ..

بعد هالحادثة انكسر قلب اوفا كتير ..
وميديا رحعت ع البيت ولما شافها ابراهيم انو اوفا سبب المشكلة ..
انزعج كتير .. وعد اختو انو ينتقم منها ..

ببيت اركان ..
اوفا بطلت تطلع ب اركان..
وبطلت تحكي .. كانت تعمل شغلا من تم ساكت..
وبطلت تطلع ع الجنينة ..

ومرة ع سفرة الاكل ..
نجاح؛ شبها اوفا.. وضعها مو عاجبني .
سيلا: من بعد ما ميديا اجت وخربت بستانها
وهي هيك..
نجاح: معها حق صرلها من ايمت بتهتم فيهم
وكان عاطي منظر حلو بالجنينة..
سيلا: ع فكرة ماما .. ميديا بحسها شيطانة
لك انا كنت موجودة .. كيف مانت عم تقطف الوردات بكل قسوة وتجاكر اوفا ..
واوفا قالتلا كم مرة انو توقف بس هي ما وقفت ..

اركان ضل ساكنت بس عم يسمع..
اركان: شبعت ، دايمة ..

طلع ع غرفته وسكر الباب ..
نجاح: شبو هاد التاني ..
سيلا: ما بعرف ..
نجاح: صار لازم نخطبلو وحدة ..
سيلا : امي شو رايك نخطبلو اوفا ؟
نجاح ; لا بنتي ... شو بدن يحكو علينا العالم
خطبتلو خدامة !
سيلا انزعجت من كلام امها كتير ..
سيلا : امي شو هالحكي ..
نجاح : بنتي بعدين اوفا ما بنعرف مين ابوها
الا امها .. هي اجنبية والن عادات وتقاليد ما بتناسبنا ..

سيلا : امي انتي غلطانة بهالحكي ..

#زهرة_التوليب
بقلم ؛ #أديل_الكاي

الختام ...
ابراهيم التفت .. وما شاف غير بوكس ع وجه ..
بلش اركان يضربو ل ابراهيم ..
اركان: يا نذل يا واطي ..
هيك بتعمل لما الواحد بيامنلك ..
لك تفي عليك شو حيوان..
ابراهيم ما قدر يحكي كلمة ولا يدافع عن حالو ..

اركان بدون تردد اول ما شاف اوفا .. حضنها..

اركان: انتي منيحا.؟ اذاكي شي ..
اوفا عم تبكي : لا ما اذاني .. بس خفت كتير ..
اركان: لا تخافي انا معك..

اوفا اكلت صدمة وما توقعتو من ابراهيم ابدا ً ..
وقتها عرفت قديش اركان بيحبها ..
وهي تصارحت مع حالها وما قدرت تبعد وتتركو ..

عمر : يلا انشاء الله الحمدلله ع السلامة..
اركان دير بالك عليها ..
اركان: لوين رايح انت؟
عمر: ع البيت ولله ..
اركان: الحقني ع البيت .
عمر: ؟
اركان: لا تجدبها قلتلك تعال معي ع البيت ..
عمر: طيب ماشي ..

اركان واوفا ركبو بالسيارة..
اوفا كانت ماسكة ايد اركان وما عم تتركو ..
واركان ما فلت ايدها ابدا ..

وصلو ع البيت .. نزلت وكان مشبكة ايدها بايد اركان.. ولساتها خايفة ..
بعد ما رجعت لوعيها ..
تركت ايدو ..
اركان: ليش تركتي ايدي؟
اوفا: مو حلوة هلا خالتو بتشوف ..
اركان: قلتيلي خالتو لكان..
اوفا ابتسمتلو ..

فاتو لجوا وبعدها عمر اجا فات معهم
سيلا كانت مبسوطة بوجود عمر بنفس الوقت مو فاهم شي ..

قعدو كلهم بالصالون وبلشو يحكو شو صار ..
نجاح: الله ياخدو شو نذل ..

سيلا: الحمدلله ع سلامتك اوفا .
اوفا : شكرا .. الله يسلمك
نجاح: اوفا رجعت بس ما رح ترجع ..
الكل ؛؟؟

نجاح: انا بعرف ما رح لاقي احسن منها .. بنت اصيلة ومرباية.. ما رح ترجع غير ست لهاد البيت .. لهيك رح اطلبها لابني اركان..
اركان: بسسسسس!
نجاح: بدون بس ..
كلنا شفنا هلا .. رحت وجبتها برضاك ..
شفت قديش تعلقت فيها وبتحبها..
انا فضت بلاول .. بس عرفت انو ما رح لاقي اطيب من قلبها ..
وما كان بدك ياها تروح.. وقبل شوي بالعلامة شفنا كيف ماسك ايديها..

اركان: اميييي!
نجاح: شو قلتي بنتي اوفا؟
اوفا: ....

عمر: وانا رايي من رايي خالتو نجاح
شفنا قديش اركان خاف عليكي ..
وانتي نفس الشي بتحبيه كتير ..

اوفا اتطلعت ع اركان ..
اركان ابتسملها .. 🙂❤️

نجاح : شو قلتي بنتي ؟
سيلا : شو بدها تقول امي
مانك شايفة كيف عم تطلع ع اخي ..
اكتر من هيك جواب شو بدك

نجاح : ليولولولييييييش .!
اوفا خجلت كتير .. قلبها كان عم يصير من الفرح ..

بلشت قصة الحب بيناتهن ..
والكل كان فرحان مشانهم ..

ابراهيم بطل يجي لعندهم ابدا
وميديا من قهرها راحت انتقلت ع غير منطقة
هي من الاساس ما حبت اركان
كانت معجبة بشخصيتو لا اكتر ..

اما اركان وعمر رجعت صداقتهم
وبعد فترة اركان وافق ع خطبتهم
ل عمر وسيلا ..
كانو مبسوطين كتير ..

واعملو خطبة 👏🏼👏🏼 كانت بتشلل

بمكان تاني .. اركان كان عم يزرع زهرة التوليب بالجنينة .. وجايبهم ملونين ..
اما اوفا كانت ماسكة الكتاب .. اللي كاتبها اركان بعنوان ( الحب يبحث عنك )

اركان :لوين وصلتي حبيبتي ..
اوفا: صفحة 141 ..
اوفا ؛ اقرا شو مكتوب ؟
اركان : خليني انا قلك شو مكتوب

اركان:
‏"سنلتصق معًا،
وندسُّ بيننا الوعود؛ مثل ورود في كتاب."💙

اوفا : شو حلوة .. عجبتني كتير ..
اركان: ما هي مالوفة مشان حبيبتي ..
اوفا: يخليلي قلبك انت واكتاباتك❤️

بعد اسبوع كانت خطبتهم ..
انخطبو ..
وبعدها بشهرين عملو عرس ثنائي

ل عمر وسيلا ..
واركان و اوفا...

كانو مبسوطين كتير .. كانت ليلة ما بتنتسى ..

بيوم من ايام ..
العيلة كانت محتمعك بالجنينةالورود تعبت بالجنينة بكل الحديقة وبكل زاوية ..

كل صبح بتفيق اوفا بتسقيهم ..
بيطلع اركان ع البرندة .. بيطلع ب حبيتو ..
مبسوط وفرحان..

كان في ع الرف .. كتاب جديد ..
Telegram: @rwayate
وحدو كتابو القديم (الحب يبحث عنك)

حمل الكتابين ونزل لعندها ع الحديقة ..

اركان: هلا صار لازم اكتب ختام هالكتاب ..
اوفا : شو رح تكتب ختامها..

اركان: تعي شوفي شو كتبت ..

اوفا عم تقرا: الحب هو ل فتاة تعشق التوليب ..❤️🌷

اوفا : كتييير حلوة😍
اركان: محتار شو سمي كتابي الجديد ..
بما انو عم عيش حيات جديدة مع الشخص اللي بحبو ..

اوفا : امممم
اركان: شكلي لقيت شو سميها ..
اوفا: شوو؟
اركان واوفا سوا؛ زهرة التوليب ..

ههههههههههههه

❤️كانت تعشق زهرة التوليب وانا من عشقت التوليب من اجلها❤️.

،،،،،،،،،،،،،،،، أنتهت،،،،،،،،،،،،،،
.........
حبيتوا كتابتهاا 💚؟!

#زهرة_التوليب
بقلم؛ #أديل_الكاي

الجزء الثاني ..

اركان قطع كلامه واطلع عليها ..
شاف عيونها ونظرتها ..

اخد الكاسة .. وكمل حديثو مع امه

واوفا راحت ضيفت عمر
وطلعت من الصالون..

نجاح: اليوم رك يجو بيت عمك لعنا ..
اركان: اي يجو اهلا وسهلا .. صحي شو اخبارهم كيفو ابراهيم
نجاح؛ مناح الحمدلله ..
ابراهيم عم يشتغل طول الوقت بالشركة
وميديا خلصت جامعتها وهالسنة اخر سنة وبتتخرج ..

اركان: حلو

طبعا عمر وسيلا طول الوقت عم يطلعو ببعض ويعطو نظرات ..

بس عمر شب محترم واكابر
ومزوق .. كان معجب ببنت من زمان
بس خانتو .. ومن بعد هالشي
صار ياسلى بالبنات .. ويضحك عليهم

يعني معروف ب النسونجي
بس نسونجي محترم😂

واخيرا .. اركان حس ع حالو
وعرف انو عندو ضيوف ومو امو لحاله بالصالون ..

اركان: اي عمر طمني عنك
شو عملت بغيابي ..
عمر: ولله شريك بتعرف اني طلعت من الجامعة بسبب ظروفي .. بس الحمدلله
قدرت لاقي شغل .. واشتغلت بالمطعم ..
شيف

اركان: لكان اللي عزيمة عندك ..
عمر : اي ولو تكرم احلا عزيمة وجيب خالتي معك

بعد ساعة عمر راح ع شغله
بعد ما ودعو عمر
سيلا راحت ع غرفتها تشتغل شوي
ونجاح راحت قعدت بالصالون عم تحكي مع سلفتها ..
واركان فات اخد دوش
وهو طالع ..
شاف اوفا عم تشتغل بالمطبخ ..
ف دخل لعندها ليزعجها شوي ..

اتجه ناح المجلة لياخد كاسة ويعبيها مي ..

اركان : بعديلي ..
اوفا؛ ....
بعدتت بصمت ..

شرب الكاسة وهو ماشي
الارض كان مبلول ف اتزحلق ووقع ..

اوفا ضلت بمكانها مصدومة ..
(ما عملت شي )

قطع افكارها
اركان معصب: تعييي ساعديني ..

اوفا ارتعبت من صوته ..
راحت بسرعة مسكت ايده
اوفا؛sorry

قام اركان عم يطلع ع تيابه كلو مي ومبلل..
اوفا كانت عم تحبس ضحكتها..

اركان ؛ اوووف لك كلو منك ..
اوفا: انا باتزر(بعتزر)
اركان: هش هش لك حتى لهجتك بدا ساعة لحتى افهم منك كلمة..
اوفا : انا ما عملت شي .. اذا انت يريد شي خبر انا .. انا يجبلك كلشي ..
اركان: لكان لازم انت يجيب مي جديد ل انا
اوفا : ليش انت عم يحكي متل انا؟
اركان: انا يحاول يفهم انت ..
اوفا هون عرفت انو عم يتمسخر عليها ..

اوفا: ....
اركان؛ رايح بدل تيابي ..لا تنسي تجيبي المي .. ( بصيغة الامر)
اوفا بصوت واطي ؛ глупый (يعني سخيف)
اركان سمع الكلمة .. بس مشي بطريقه ..

بعد ما اركان طلع ع غرفته
اوفا بلشت تسبو بالروسي ..
عبتلو كاسة مي باردة ..من البراد
وطلعت ع غرفته ..

اوفا دقت الباب ..
اركان: تفضلي ..
اوفا: تفضل مي تبعك..
اتجهت بتجاهو .. وناولتو الكاسة
اركان: المي بوووز مين قلك تعبيه مي باردة..
اوفا: ....
اركان: روحي جدديلي المي جيبيلي مي من الحنفية ..
اوفا اخدت الكاسة وطلعت معصبة ..
رجعت ع المطبخ عبت الكاسة من الحنفية ورجعت لعندو ..

دقت الباب ما حدا رد ..
اوفا فتحت الباب ودخلت ..
شافته بالبرندة(البلكونة) مو منتبه عليها ..
حطت كاسة المي ع الطاولة وطلعت بحزر ..
(كرمال ما ينتبه عليها .. وما تطر تحكي معو)

اركان رجع دخل غرفته شاف الكاسة ع الطاولة.. ما شربها ولا اشي
اصلا هو من الاصل ما كان بدو مي
بس كترة غلبة ..

صارت الساعة ٨ المسا ..
اجو الضيوف واللي هن ..
ابراهيم واختو ميديا وامو وصال ..

اوفا استقبلتهم .. وسلمت عليهم ..

(ابراهيم واوفا كانو صحبة ..
بس ابراهيم كانت نيتو سيئة ..
لما عرف انو اجنبية وجذابة .. بلش يتقرب منها .. )

ابراهيم فات ع الصالون سلم ع ابن عمو
اركان..
وسيلا نزلت سلمت عليهم وقعدت مع ميديا
وصال ونجاح قعدو سوا عم يدردشو ..

ابراهيم.: مرت عمو وينها اوفا؟
نجاح: بتكون بالمطبخ ابني ..

اول ما اركان سمع انو ابراهيم سال ع اوفا
انزعج كتير ..
ابراهيم: رايح جيب مي .. مين بدو ..

ما حدا رد ..
طلع ابراهيم من الصالون واتجه ع المطبخ ..

ابراهيم : اوفا انتي هون؟
اوفا بابتسامة: نعم ايبو (دلع ابراهيم)
ابراهيم: كيفك شو اخبارك ..
اوفا: انا منيحا انت كيفك .

وبهالاثناء بيجي اركان ع المطبخ ..
ابراهيم: هلق صرت احسن ..
اركان: احم .. )عم يحاول يخترع جملة يقولها) اوفا حضريلنا شي ..
اوفا : اي ليكني انا يحضر عصير وبسكويت ..
ابراهيم : بدك مساعدة ؟
اوفا: لا شكرا ايبو ..
اركان: بما انك خلصتي ..
غرفتي شوي مكركبة رحي نضفيه ..
وانت ابن عمي تعال معي نتمشى بالجنينة..
ابراهيم بملل؛ ماشي ..

اركان اخد سفرة الضيافة وطلع هو وابراهيم
اما اوفا كانت رح تنفجر ..
اوفا مستغربة ؛ شبو هاد من اول يوم خلاني حس اني عشت معهم ميت سنة ..
لك سخيف وغليظ ..
طلعت ع الدرج مسرعك بدا تروح تنظف غرفته
..
دخلت شافت انو غرفتو كتير مرتبة ومافي شي تنظفو ..
اوفا: شو بدي نظف هون .... كلشي منيح ..
وهي بدا تطلع من الغرفة .. شافت كاسة المي ع الطاولة .. لساتها ع حالها ..
اوفا بقلبها: لكك هاد قديشو مزعج وسخيف
....
طلعت وسكرت باب غرفتو بقوة ..

#زهرة_التوليب
بقلم #أديل_الكاي

الجزء الثالث ..

اركان معصب: وهلق ؟ نضيف ولا لا؟
اوفا: ....
نجاح: شبك ابني شوفي ؟

علقت الدمعة بطرف عيونها ..
وشردت..

اركان: مافي شي امي ..
بس اوفا كان بدا تنظف غرفتي ..

سيلا: اوفا انتي منيحا؟
اوفا: اي انا منيحا رح بلش انظف الغرفة ..

طلع اركان من الغرفة ..
ونجاح وسيلا رجعو لغرفهم ..
واوفا بلشت تنظف الغرفة ..

شو فيها تعمل .. هي هون خادمة ومافيها ترفض شي .. او تعترض .. لهيك اشتغلت من تم ساكت ..

بعد ساعة رجع ع الغرفة
اوفا كانت مخلصة

اركان: خلصتي.!؟
اوفا: اي انا رح يضب ادوات التظيف
اركان: يضب ؟ قولي انا عم ضب
اوفا : انا عم ضب الادوات ..
اركان: طيب يعطيكي العافية ..
اوفا : شكرا ..

طلعت اوفا من الغرفة وسكرت الباب
وهي عم تمشي .. عم تمسك حالها
اوفا بقلبها: لك شو سخيف وبايخ
ومغرور ..بدي موته اخر شي ...

يوم جديد ...
اوفا فاقت بكير واشتغلت بالمطبخ ..
حضرت الفطور برا بالجنينة .. لان الجو كان حلو كتير ..

فاقت سيلا .. بعد ما غسلت نزلت فيقت
امها .. ونزلو سوا ع الجنينة ليفطرو ..

نجاح : وينو اركان ؟
اوفا : لسا هو ينام ..

اركان : لا ليكو هو يفيق ( لا هو فاق )
اوفا : ....
دخلت لجوا ..
اركان : صباح الخير ..
نجاح وسيلا : صباح النور ..
بلشو يفطرو ..
بعد كم دقائق
سيلا : اوفا .. ذكاتك جيبيلي افوكادو من البراد ..

اوفا راحت وجابت اللي طلبته سيلا
..
اركان عم يتمسخر : ماما انا رح يروح
بدك شي من انا ؟

نجاح ؛ بس يا ولد .. عيب
شو هالغلاظة .. بطلها
سيلا : ههههه عنجد اخي انت صاير كتير غليظ ..
اركان : اي تعودو عليي لكان .. ولا قلكم خليني ارجع لهنيك احسن ..
نجاح : شو ترجع ما ترجع .. ماني مصدقة ايمت رجعت عالبيت مشان افرح فيك ..

اركان : هووووب ، هلق عنجد صار لازم امشي .. يلا سلام ..

نجاح : شايفة اخوكي كيف عم يطنش الموضوع ؟
سيلا: امي طولي بالك عليه شوي ..
لنفترض وافق .. مين بدك تخطبيلو ؟

نجاح : اكيد ميديا .. بتصير بنت عمو
وليها رح تخلص جامعتها وتتخرج ..

سيلا: كنت عارفة رح تقولي هيك ..
امي اخي ما بدو يخطب حدا من الاقارب ..
واذا بدو يوافق ع فكرة الزواج .. رح يروح يدور وحدة ع كيفو..

نجاح مو عاجبها الحكي : شو عم تقولي انتي
شلون يعني يدور ع كيفه !؟ انا امو وانا لازم اخترلو صبية ..
سيلا : ماما اختريلو ما في مانع
بس لا تقربي ع الاهل .. يلا امي رح قوم ع شغلي ..بشوفك المسا..

المسا ..
اوفا كانت بالمطبخ قاعدة وعم تستنا ينامو لحتى تروح تنام هي كمان كانت عم تفكر بالشي اللي عم بيصير
اوفا كتير كانت مزعوجة ..
بعد ما رجع اركان .. بطلت ترتاح بهداك البيت
ماعاد فيها تتحمل غلاظتو ..
كانت عم تفكر تترك الشغل وتروح ..

نجاح : اووفا ..
اوفا : نعم مدام ..
نجاح: كم مرة قلتلك ما تقولي مدام ..
اوفا: نعم خالتو ..
نجاح: اي هيك ها..
اوفا: ...
نجاح: شبك. انتي منيحا بنتي؟
اوفا: خالتو .. انا معلش يترك الشغل ؟
نجاح: شو ؟ ليش بنتي .. في حدا زاعجك؟
اوفا: ....
نجاح: مزعوجة من ابني اركان؟
اوفا : صراحة خالتو .. ابنك ما يحب انا يضل هون .. وهو مزعوج من وجود انا ..
نجاح: هههه لا بنتي شو هالحكي ..
ابني طبعو هيك بيحب يمزح كتير .. لا تزعلي منو ..

اوفا: .....
نجاح: ليكي بعرف ما الك حدا هون ..
وبعرف قديش صعبة انك تروحي تشتغلي بغير مكان لحتى تتعودي ع الجو ..
وانتي بتعرفي انو نحن تعودنا عليكي .. وحبيناكي .. لهيك ما رح خليكي تروحي ..
ومشان ابني انا بحكي معو ..

اوفا: لا خالتو لا تحكي مع اركان.. خلص كلشي تمام ..
نجاح: لكان قومي جيبيلي كاسة مي وتعي نقعد بالجنية قدام زهرة التوليب ..

اوفا بابتسامة: 🙂 ماشي ..

مر يومين ..
اركان طول الوقت كان يتمسخر ع كلام اوفا
وافا متحملة وساكتة .. فيكن تقولو تعودت عليه ..

وبيوم من الايام ..
وبحضور عيلة ابراهيم ببيت اركان ..
كلهم كانو قاعدين بالجنينة..

ابراهيم: اوفا .. تعي اقعدي معنا ..
اوفا: لا شكرا ايبو ..

ابراهيم: مرت عمو .. احكي ل اوفا شي خليها تجي تقعد معنا ..
نجاح؛ روحي بنتي اقعدي معهم..
راحت اوفا قعدت معهم..

وعيون اركان كانو عم يراقبوها..
ابراهيم: كيفهن ورداتك ؟
اوفا: ههههه good
ابرهيم : انا بشوف متل ورداتك بالمحلات .. بس ما بيكون بقد جمالهم .. يا ترى شو السر ؟

اركان انزعج من كلام ابراهيم كتير ..
سيلا: السر انو كلما اوفا تروح وترويهم مي بتبلش تغنيلهم ..
ابراهيم: اها ، يعني صوتك حلو بالغناء.؟
اوفا: ما اعرف ..

اركان : وكيف بتغني يا ترى بالعربي المكسر ؟
اوفا : لا بالعربي الصح..
ميديا لما شافت كيف اركان عم يناظر اوفا بنظرة حب واهتمام ..

ميديا: اركان شو صار بكتابك ؟
اركان: اي كتاب؟
ميديا: كتابك .. اللي كنت مسميها( الحب يبحث عنك)
اركان: اه .. اي كتابي هاد خلصتو ..
ميديا: جبيلي ياه خليني اقرا..
اركان: لا ممنوع..

#زهرة_التوليب
بقلم #أديل_الكاي

الجزء الرابع ..

رجع اركان وضيفهم العصير ..
دردشو مع بعض شوي
بعدين بيت ابراهيم قررو يروحو ..
ودعوهم وفاتو ع البيت ..

نجاح: سيلا تعي بنتي ساعديني اطلع ع غرفتي ...
سيلا : يلا ماما ..
نجاح: تصبحو ع خير ..
اركان واوفا: وانتو بخير ..

بعد دقيقة صمت ..
اوفا: انت يريد شي ؟
اركان: لا انا ما يريد شي .
اوفا: ليش انت عم يحكي متلي
انا ينزعج كتير ..

اركان: شو فيها انا يحكي متل انتي ..
لهجتك عجبتني🙂
اوفا: ... رح روح ع الجنينة ، عن اذنك ..
اركان: اذنك معك ..

طلعت اوفا ع الجنينة وشلحت من رجليها ..
بلشت تمشي ع العشب وتاخد شهيق وزفير وهي مغمضة عيونها ..

اركان طلع ع غرفته ...
بدل تيابه .. وراح ع البرندة (البلكونة)
اخد تطليعة.. بعدها اجت عيونو ع اوفا
كيف كانت قاعدة .. مغمضة عيونها وشالحة من رجليها ..

اركان: شو عم تعمل هالمجنونة..

رن موبايله؛ (عمر عم يدق)
اركان: اهلييين ولله!
عمر: كيفك
اركان: منيح وانت
عمر: ولله الحمدلله ..شو كانك نايم ؟
اركان: لا مو نايم بس نعسان ..
عمر : شو رايك بكرا نطلع شي مشوار شبابي ؟
اركان: انا وانت؟
عمر : اي ،،
اركان: اممم ، طيب اتفقنا ..
بكرا ع الساعة ٩ المسا ..
عمر: تمام لكان ..تصبح ع خير
اركان : وانت بخير

سكر الخط ..
اتطلع ع الجنينة ما لقاها بمكانها ..
فات لجوا ونام..

مر فترة شي اسبوعين ... ع هالحالة..
اركان ما كان يبطل غلاظتو ..
وشكلو عاجبو اللي عم يساويه ..
اوفا كانت عم تطنشو .. بس مع هيك صار عندها اصرار تتعلم العربي وتحكي متلن ..

لهيك اتفقت هي وسيلا ع موعد مل يوم بغرفة سيلا
تعلمها شوي عربي بطريقة صح ..
مع انو هي ما كانت بدها وما العا خلق
بس المهم تثبتلو العمس ويبطل يتمسخر ع لهجتها...

ومرة ع الساعة ٨ المسا
سيلا طلبت من اوفا اغراض من برا ..
راتطرت اوفا تطلع بالليل ع السوبر ماركت
لحتى تشتري الغراض ..
وهي رايحا .. وع وشك توصل ع السوبر ماركت ..
كان في شلة شباب عم يشربو ..
لطشوها بس اوفا طنشت
وواسرعت بخطواتها..

اشترت الاغراض ..
والدنيا كانت عتمة ..
طلعت من السوبر ماركت
وشافت انو لسا هالشلة بمكانها ..
كانت خايفة تمر من ناحهم ..

بس تمالكت ع اعصابها ومشيت بطريقها ...

وهي ماشية من ناح الشلة ..
في حدا بيمسك ايدها من ورا..
اوفا هون بتلتقت ..

الشب : لوين رايحا يا حلوة..
اوفا بخوف : اترك ايدي ..
الشب : معقول اترك هالايدين الحلوين النعامين ( حاول يبوس ايدها ..
اوفا هون سبقته وضربته كف ..

الشب وقع ع الارض لانو كان شربان ..
هون اوفا بلشت تركض قد ما فيها 🏃🏻‍♀️
والشب صار يركض وراها ..

ببيت اركان ...
سيلا : وينها لهلق ؟ صارت الساعة ١٢
نجاح: ضروري تبعتيها بهالوقت ؟
سيلا : عم دقلها بس ماعم ترد .. خايفة يكون صرلها شي
اركان : شبكن هالقد خايفين عليها ؟
بتكون هربانة .. امي روحي تفقدي دهباتك .. لتكون اخدة منهم شي ..

نجاح: شو عم تحكي اركان .. من ايمت بتفكر هي بهالطريقة .. البنت صرلها سنين معنا
ولا مرة طولت ايدها واخدت شي

اركان : لكان وينها لهلق ... ؟
امي هدول ما بتعرفيهن .. لك ما بيهمهم حدا .. بتكون هربت وسارقتلا شي ..

لما اركان حكا هيك نجاح تزكر كلام اوفا من فترة .. انو هي بدها تترك الشغل وتروح ...
بلشت تشك ..

سيلا : شبك امي .. معقول رح تصدقي حكي اركان ؟ البنت ما الها حدا هون ..
وين بدها تروح بنص الليل ؟

اركان ؛ بتدبر حالا .. يلا امي روحو نامو ..
سيلا : لك اخي .. ليش عم تتصرف هيك ..
عم قلك البنت مو منيحا ..بيكون صيرلا شي ..
او حدا متعرضلها!

اركان: سيلا لا تجننيني .. شو فيني اعمل يعني!؟
سيلا: روح دور عليها .. بلكي بتلاقيها..
اركان: ما حزرتي يا خانم .. اروح دورلك عليها قلتيلي.. فوق ما هربانة .. اطلع دور عليها ..
هههههههه

تركهم بالصالون وقام بدو يطلع ع غرفته..
وصل ع الدرج ع الاساس ح يطلع
رن موبايل سيلا ..

سيلا : الووو اوفا وينك ...
اوفا عم تتنفس بصهوبة وصوتها عم يرجف؛
الووو .. الوو سيلا ..

تسكر الخط ..
اوفا بقلبها : ليش الخط تسكر

سيلا : لك يلعن هالحظ .. خلص الشحن ..
نجاح : شوفي طمنينا ؟
سيلا ؛ ما فهمت شي منها ..
بس كانت خايفة وعم تتنهد ..
ماما رح روح اشحن الموبايل وارجع دقلا ..

سيلا طلعت ع غرفتها ..لتشحن الموبايل

نجاح: اركان شو صيرلكً ابني .. ليش صاير لا مبالي ..
اركان: شبني ليش ..
نجاح: خليتني شك بالبنت ..
انت من ايمت بتفكر غلط ببنات الناس ؟
انا هيك ربيتك؟
اركان: امي كلنا بنعرف هالنوعية من الناس ..ياما وياما سرقو بيوت العالم ..
وهربو ..
نجاح: الا اوفا .. اوفا بنت اصيلة ما بتعمل هيك .. مو كل اصابيعك متل بعضها
ارجع لعقلك واترك البنت بحالا .. لسا من اول ما اجيت عم تتمسخر عليها وتزعجها..

اركان: هلا هي هيك قالتلك؟
نجاح: كلنا شايفين ابني .. مو ضروري اوفا تقلي .. انت ما كنت هيك ..

#زهرة_التوليب
بقلم #أديل_الكاي

الجزء الخامس ..

ارتعبت البنت 😂😂
اركان شغل سيارتة وتقدم
واوفا حطت ايديها ع الضو اللي عم يتجه ناحهاا..

اركان: نطي ..
اوفا: ليييش هيك انت عن يعمل
خوفت انا كتير ...
نزل من السيارة
اركان عم يتمسخر ؛ ييي على قلبي
خوفتكً يا حلوة؟
اوفا: ....
اركان عم يطلع ع رجليها؛ ليش حافية
اوفا: انا خفت كتير مشان هيك انا حف..
اركان: حافية حافية..
رجع اطلع عليها ..
اركان : انتي بردانة ؟
اوفا عم ترجف: شوي ..
شلح جاكيتو ..
اركان ؛ خدي البسه

اوفا: اوك . شكرا ً
لبست الجاكيت وضلت بمحلها
اركان؛ شو شكلك حابة تضلي بالشارع
عاجبك التمشاية بهالجو..
اوفا : نعم؟
اركان : خلصيني تعي نطي ..
الله يقضي هاليوم ع خير..

اوفا ركبت السيارة معو ..
اركان شغل الاغاني وعلى الصوت ع الاخر ..
اوفا كانت مستغربة ..
اوفا بقلبها: لك هاد اطرش ما بيسمع
حاطط ع اخر صوت .. ومو هاممو حدا

اركان عم يطلع عليها .. كيف هيك شاردة عم تفكر..
اركان: شبك ؟ ليش هيك شاردة ..
اوفا بصوت عالي كتير ؛ نععععععم ؟
اركان: وضريب .. شو طرشة ؟
عم قلك ليش هيك شاردة ..
اوفا : معلش (عم تاشر بايدها انو وطي الصوت)
اركان: وهي وقفنا الغنية ..شبك ؟
اوفا : مافي شي .. بس صوت الغنية كتير مزعج..انت كيف يقدر يسمع هيك صوت ؟

اركان: متل ما بتقدري تمشي حافية ..
اوفا عم تضحك: ههههه شو فيها انا يمشي حافية ؟
اركان: ما حدا بيعمل هيك غير المجانين ..
وصراحة انت عندك هالجنان .. انا برايي لازم تتعالجي ..
اوفا عم تحكي بنفسها: اول شي روح عالج ادنك وعقلك يا مجنون..
اوفا : Раздражает (يعني مزعج)

اركان وقف السيارة .. متل المجنونة
واطلع فيها
اركان ؛ Лучше не говори этого
الترجمة؛ الاحسن ما تعديها..

اوفا مصدووومة ما عرفت كيف ترد عليه ..
اوفا بقلبها : هاد حكا بالروسي؟
صح اللي سمعته؟

اركان: وصلنا يا خانم
ما بدك عزيمة بظن ..
اوفا : اسفة ..
اركان؛ لا تعتزري بيكفي انك ما تعيدي الكلمة ..
اوفا : انا ما يعتزر ع الكلمة ..
اركان: يعني مصرة تعيديها مرة تانية ..
اوفا : ..
نزلت اوفا وراحت ع البيت

دقت الباب ..فتحتلا سيلا
حضنتها..
سيلا: وين كنتي شو صاير معك ..
تعي فوتي ..

فاتو لجوا..
نجاح: شوفي بنتي ليش هيك لونك مخطوف ؟
اركان: شكلها بعد ما اشترت الاغراض
راحت لتشلح من رجليها وتتمشى .. وهي عم تمشي شكلها بدال ما تطلع قدامها بتطلع ع السما ..
لهيك ضيعت طريقها..

اوفا كانت عم تطلع عليه وحابسة ضحكتها..
اوفا: لا مو هيك صار..
سيلا: شو ؟
اوفا: كان في شباب
اجا واحد قلي وين رايح انتي يا حلوة
وانا ضرت هو كف .. وركضت .. بعدين هو كانت عم يركض ورا انا ..
وبعدين ماعاد شفتو انا .. وضعت

نجاح: ييي علي عليكي .. منيح ما صرلك شي ..
اركان: هلا بربكم فهمتو منها؟
انا مافهمت غير انا وهو

سيلا: ههههه
نجاح: من يوم ورايح كلما تطلعي ع السوق خلي اركان يجي معك

اركان: ايش معنى انا؟
نجاح: بلا نقاش .. ومن بكرا حضر حالك تفيق الساعة ٨ لتروح مع اوفا ع السوق ..

اركان: ما وراي شي غير انو صير حارس لجنابها .. لك قلولي مين ابنكم
انا ولا هي ..
سيلا مسكت ايد اوفا: هههههه بلا غلاظتك هلا .. تصبحو ع خير .. تعي اوفا تعي حبيبتي ..
اركان: لك اميي شبكم عم تكبرو براسها ..
نجاح: ششششش ولا حرف ..
روح ع غرفتك ..
اركان معصب: طيب تصبحو ع خير ..
نجاح: وقف تعال ساعدني لاطلع..
اركان: ياربي .. طيب تعي امي ..

مرقت الليلة ع خير .. واوفا رجعت بسلامة
اركان بليلتها حس بالذنب لانو فكر فيها غلط ..
كان عم يفكر بين حالو:
لك شو هالبنت .. غريبة عجيبة
بتمشي حافية .. وبتغني للورود ..
لهجتها مكسرة 😂 (بلش يتزكر لهجتها ويضحك من قلبو )
اركان عم يحاكي حالو بصوت عالي ؛ لك شبني هيك عم اضحك شكلي جنيت .. 😂 لك صاير عم بحكي مع حالي ..

يوم جديد وع الساعة ٨ الا ربع ..
اوفا كانت جاهزة لتطلع ع السوق ..
وعم تستنا اركان ينزل ..

استنت كتير بس ما اجا ..
ف قررت تروح لحالا ..
وهي طالعة..

اركان : ششششت .. لوين ؟
اوفا: رايحا انا ع السوق .. قلت يمكن انت ينام
اركان: لا انا فايق .. شو بدك يعني اكلل بهدلة تانية من امي بسببك ..
اوفا: لا ..
اركان: لكان خلينا نروح نجيب الاغراض خلصيني ..
اوفا: اوك ..
طلعو ركبو بالسيارة وراحو ..
بلش اركان ب الاغاني وع اعلى صوت !

اوفا انصرعت ..
اوفا: الصوووت !
اركان: شبك ؟
اوفا : ليش انت عم يسمع هيك اغاني؟
اركان: شو يا انت ماعجبك يعني اغاني انا؟
اوفا : الصوت كتير ..
اركان: هاتي شغليلنا غنية من عندك خلينا نشوف زوقك ..
اوفا حطت ع غنية هائة كتير ومريح للادان..
اركان: هلا بربك بدك تنيميني انتي ؟
شو هالغنية . اللي بتنعس .. بحس حالي يا رح نام يا رح ابكي ..

اوفا : هههههه .. حلو حلو .. اسمع وحاول انت يفهم الكلمات..
اركان: مو بلاول لافهم من لهجتك ..
خلص طفيه ..