#أزمات_عاطفية_بقلم_هلاغرابلي
الجزء الاول:
@rwayate
فااتن:سلوى ...سلوى
سلوى:اي امي
فاتن:شو عم تعملي؟
سلوى:عم خلصلا الفستان لجارتنا ام كمال
فاتن:الله يرضى عليكي ،تعي شوي بدي احكي معك
اشرتلي بايدا لاجي اقعد جنبا على التخت
فاتن: اخواتك بالمدرسة؟
سلوى:ايه بالمدرسة
قعدت جنبا انا و ماسكة ايدا
فاتن:دبرتلك شغل عند ابو رجب ،رجال ادمي و رح يعطيكي راتب منيح تقدري دبري حالك فيه انت و اخواتك ،سلوى انا بعرف انو رح اتركن كتير بكير
سلوى:امي ما تحكي هيك الله يخليكي
فاتن:و اني تركت كل الحمل عليكي و رح كبرك قبل اوانك بس انت قدا ،هدول اخواتك امانة برقبتك ديري بالك علين ....معلش كوني امن .. في شوية مصاري بالخزانة تحت تيابي ،دبري حالك فين هالشهر قبل ما تبلشي شغل و يلي بدي احكيه هلأ ،ما بدي مخلوق يعرف فيه غيرك و لانو ما بعرف شو الدنيا مخبيتلكن لقدام ،مجبورة احكي
سلوى:احكي امي شغلتيلي بالي
كانت عم تحكي هي و عم تلقط نفسا بصعوبة و تغص بالدموع ،و انا ما قدرت الا ابكي من القهر يلي عاشت فيه امي و ابي باخر حياتو ،كانت صدمة كبيرة علي اسمع بهالشي و صار بقلبي كره كبير لعمي و اي حدا بخصو.
فاتن:لهيك نحن ما منحكي مع عمك و عيلتو، كان عم يساعدنا بعد ما مرض ابوكي و صار مقعد ،فكر حالو بيقدر يشتريني ،بس ما اكتفى بالشي يلي عملو و انو ابوكي مات زعل و قهر منو و رجع بعد ما مات ابوكي بأشهر بدو يعيد نفس الوساخة بس انا كنت قوية كتير و هددتو بالفضيحة ،و من وقتا ما عاد شفتو و لا عاد شفت ليرة منو ،لهيك بلشت اشتغل بالخياطة و اصرف عليكن و ما اخليكن محتاجين لفرنك منو او من غيرو ،و انا بدي منك هيك ما تخلي اخواتك محتاجين ليمدو ايدن للغريب و بدي منك تحفظي هالسر و ما يطلع منك الا للضرورة بس
سلوى:اكيد امي اكيد
تاني يوم الصبح ،ماتت امي ،سحر و سندس انهارو كتير بس انا كنت اقوى وحدة فين،كنت ابكي بيني و بين حالي على امي يلي تعذبت و انشقت بحياتا كتير و كانت الاب و الام النا و على االسر يلي صار غصة بقلبي ،و على الحمل الكبير يلي كان ناطرني...
_بعد 7 سنوات______
انتصار:سلوى شو عندك اليوم بعد الدوام ؟
سلوى:عندي كتير ،عندي رجعة عالبيت و طبخ و غسل و مية شغلة
انتصار:اوووف متل كل يوم يعني ،مشي روحي معنا انا و الصبايا رايحين نتغدى بشي محل
وقفت ماكينة الخياطة و اطلعت فيا
سلوى:انتصار ...ولله ما حلك تملي مني،كل مرة بتساليني و بقلك ماخرج ،لا ظرفي بيسمحلي و لا ماديتي ،روحو و انبسطو انتو ،الله يهنيكن
انتصار:خليكي دافنة حالك بالحياة ....انت كمان روح و بحقلك تطلعي و تنبسطي ،ما كل الحياة شغل شغل
سلوى:هيدا نصيبي وانا رضيانة فيه
انتصار:تصطفلي ،يلا خليني ارجع على شغلي و خلص على بكير
سكرنا محل الورشة و البنات يلي معي راحو سوا على مشوارن و انا تابعت طريقي على البيت انا و عم اتلفت وراي لانو اخر فترة صرت حس انو حدا عم يراقبني و يلحقني ،مريت على سوق الخضرة اشتريت اكل للطبخ و رجعت ،اول ما فتت ،شفت سحر عم تشلح تيابا
سلوى: ايمت رجعتي من الجامعة ؟
سحر:من شوي ،يلا رح غير تيابي و اجي على المطبخ ساعدك ،شو رح تطبخي اليوم؟
سلوى:فاصوليا بزيت
غيرت تيابي و تابعت المطبخ و انا عم حرك رقبتي شمال و يمين ،كانت عم توجعني من الشغل
سحر:كيف كان يومك؟
سلوى:متل كل يوم
سحر :سلوى انا عم فكر اشتغل ...
سلوى:سحر كام مرة حكينا بهالموضوع خلصي جامعتك و اشتغلي
سحر:ولله لحالك ما عم تقدري على مصروفنا و مصروف البيت ،عم نتقل عليكي ،حملنا كبير
سلوى:ما تاكلي همي ،المهم تتخرجي و بسرعة بدون ما ترسبي باي مادة حتى ما حس انو تعبي كلو عم يروح عالفاضي ؛خفي ايدك شوي هلأ بتجي سندس جوعانة كمان من المدرسة
سحر:طب على الاقلية بشيل بمصروفي
سلوى:لازمك شي ؟
سحر:...
سلوى:احكي ما تخجلي
سحر:ايه لازمني موبايل
سلوى:لشو الموبايل ؟
سحر:ولله عم اخجل بين رفقاتي ،كلن معن احدث الاجهزة و كل شهرين ببدلو بجديد و انا لهلأ ما معي واحد
سلوى:سحر انت بتعرفي كيف وضعنا ، انا يا دوب عم لحق لمصروف جامعتك و لوازم اختك بالمدرسة و اكل و فواتير و هيدا لحمدلله ما عنا اجار بيت ....
سحر:خلص خلص صرت حافظتو للموشح لهيك عم قلك بدي اشتغل
سلوى:طيب ....خلص ....رح جبلك ...بس ما هلأ ...يعني بدي وقت للم حقو
قربت علي ضمتني و باستني
سحر:احلى اخت ...لك انت ما اخت ...انت اكتر ...انت ام
سلوى(مبتسمة):اخ منك يا محتالة ...خلصينا يلا....ها اجت اختك
سندس:الله شو هالريحة .....انا ميتة جوع ....فاصوليا بزيت ..يا ويلي شو بحبا
سلوى:غيري تيابك و بكون الاكل جهز
كان احلى شي بنهاري الممل انو نجتمع انا و اخواتي على سفرة اكل وحدة ،كل وحدة فينا تحكي عن نهارا كيف قضتو و عن احلاما و طموحا
سندس: و اول ما طلعت من المدرسة كان قاعد بسيارتو ناطرا و طلعت معو و راحو
سحر:لوين؟
سندس :ما بعرف ،بس كل يومين بيجي بياخدا من باب المدرسة و بس ترجع بتفرجينا شو جبلا هدايا و ما اي شي ...كلو شي غالي و حلو كتير
سحر:نيالا على هالحظ
الجزء الاول:
@rwayate
فااتن:سلوى ...سلوى
سلوى:اي امي
فاتن:شو عم تعملي؟
سلوى:عم خلصلا الفستان لجارتنا ام كمال
فاتن:الله يرضى عليكي ،تعي شوي بدي احكي معك
اشرتلي بايدا لاجي اقعد جنبا على التخت
فاتن: اخواتك بالمدرسة؟
سلوى:ايه بالمدرسة
قعدت جنبا انا و ماسكة ايدا
فاتن:دبرتلك شغل عند ابو رجب ،رجال ادمي و رح يعطيكي راتب منيح تقدري دبري حالك فيه انت و اخواتك ،سلوى انا بعرف انو رح اتركن كتير بكير
سلوى:امي ما تحكي هيك الله يخليكي
فاتن:و اني تركت كل الحمل عليكي و رح كبرك قبل اوانك بس انت قدا ،هدول اخواتك امانة برقبتك ديري بالك علين ....معلش كوني امن .. في شوية مصاري بالخزانة تحت تيابي ،دبري حالك فين هالشهر قبل ما تبلشي شغل و يلي بدي احكيه هلأ ،ما بدي مخلوق يعرف فيه غيرك و لانو ما بعرف شو الدنيا مخبيتلكن لقدام ،مجبورة احكي
سلوى:احكي امي شغلتيلي بالي
كانت عم تحكي هي و عم تلقط نفسا بصعوبة و تغص بالدموع ،و انا ما قدرت الا ابكي من القهر يلي عاشت فيه امي و ابي باخر حياتو ،كانت صدمة كبيرة علي اسمع بهالشي و صار بقلبي كره كبير لعمي و اي حدا بخصو.
فاتن:لهيك نحن ما منحكي مع عمك و عيلتو، كان عم يساعدنا بعد ما مرض ابوكي و صار مقعد ،فكر حالو بيقدر يشتريني ،بس ما اكتفى بالشي يلي عملو و انو ابوكي مات زعل و قهر منو و رجع بعد ما مات ابوكي بأشهر بدو يعيد نفس الوساخة بس انا كنت قوية كتير و هددتو بالفضيحة ،و من وقتا ما عاد شفتو و لا عاد شفت ليرة منو ،لهيك بلشت اشتغل بالخياطة و اصرف عليكن و ما اخليكن محتاجين لفرنك منو او من غيرو ،و انا بدي منك هيك ما تخلي اخواتك محتاجين ليمدو ايدن للغريب و بدي منك تحفظي هالسر و ما يطلع منك الا للضرورة بس
سلوى:اكيد امي اكيد
تاني يوم الصبح ،ماتت امي ،سحر و سندس انهارو كتير بس انا كنت اقوى وحدة فين،كنت ابكي بيني و بين حالي على امي يلي تعذبت و انشقت بحياتا كتير و كانت الاب و الام النا و على االسر يلي صار غصة بقلبي ،و على الحمل الكبير يلي كان ناطرني...
_بعد 7 سنوات______
انتصار:سلوى شو عندك اليوم بعد الدوام ؟
سلوى:عندي كتير ،عندي رجعة عالبيت و طبخ و غسل و مية شغلة
انتصار:اوووف متل كل يوم يعني ،مشي روحي معنا انا و الصبايا رايحين نتغدى بشي محل
وقفت ماكينة الخياطة و اطلعت فيا
سلوى:انتصار ...ولله ما حلك تملي مني،كل مرة بتساليني و بقلك ماخرج ،لا ظرفي بيسمحلي و لا ماديتي ،روحو و انبسطو انتو ،الله يهنيكن
انتصار:خليكي دافنة حالك بالحياة ....انت كمان روح و بحقلك تطلعي و تنبسطي ،ما كل الحياة شغل شغل
سلوى:هيدا نصيبي وانا رضيانة فيه
انتصار:تصطفلي ،يلا خليني ارجع على شغلي و خلص على بكير
سكرنا محل الورشة و البنات يلي معي راحو سوا على مشوارن و انا تابعت طريقي على البيت انا و عم اتلفت وراي لانو اخر فترة صرت حس انو حدا عم يراقبني و يلحقني ،مريت على سوق الخضرة اشتريت اكل للطبخ و رجعت ،اول ما فتت ،شفت سحر عم تشلح تيابا
سلوى: ايمت رجعتي من الجامعة ؟
سحر:من شوي ،يلا رح غير تيابي و اجي على المطبخ ساعدك ،شو رح تطبخي اليوم؟
سلوى:فاصوليا بزيت
غيرت تيابي و تابعت المطبخ و انا عم حرك رقبتي شمال و يمين ،كانت عم توجعني من الشغل
سحر:كيف كان يومك؟
سلوى:متل كل يوم
سحر :سلوى انا عم فكر اشتغل ...
سلوى:سحر كام مرة حكينا بهالموضوع خلصي جامعتك و اشتغلي
سحر:ولله لحالك ما عم تقدري على مصروفنا و مصروف البيت ،عم نتقل عليكي ،حملنا كبير
سلوى:ما تاكلي همي ،المهم تتخرجي و بسرعة بدون ما ترسبي باي مادة حتى ما حس انو تعبي كلو عم يروح عالفاضي ؛خفي ايدك شوي هلأ بتجي سندس جوعانة كمان من المدرسة
سحر:طب على الاقلية بشيل بمصروفي
سلوى:لازمك شي ؟
سحر:...
سلوى:احكي ما تخجلي
سحر:ايه لازمني موبايل
سلوى:لشو الموبايل ؟
سحر:ولله عم اخجل بين رفقاتي ،كلن معن احدث الاجهزة و كل شهرين ببدلو بجديد و انا لهلأ ما معي واحد
سلوى:سحر انت بتعرفي كيف وضعنا ، انا يا دوب عم لحق لمصروف جامعتك و لوازم اختك بالمدرسة و اكل و فواتير و هيدا لحمدلله ما عنا اجار بيت ....
سحر:خلص خلص صرت حافظتو للموشح لهيك عم قلك بدي اشتغل
سلوى:طيب ....خلص ....رح جبلك ...بس ما هلأ ...يعني بدي وقت للم حقو
قربت علي ضمتني و باستني
سحر:احلى اخت ...لك انت ما اخت ...انت اكتر ...انت ام
سلوى(مبتسمة):اخ منك يا محتالة ...خلصينا يلا....ها اجت اختك
سندس:الله شو هالريحة .....انا ميتة جوع ....فاصوليا بزيت ..يا ويلي شو بحبا
سلوى:غيري تيابك و بكون الاكل جهز
كان احلى شي بنهاري الممل انو نجتمع انا و اخواتي على سفرة اكل وحدة ،كل وحدة فينا تحكي عن نهارا كيف قضتو و عن احلاما و طموحا
سندس: و اول ما طلعت من المدرسة كان قاعد بسيارتو ناطرا و طلعت معو و راحو
سحر:لوين؟
سندس :ما بعرف ،بس كل يومين بيجي بياخدا من باب المدرسة و بس ترجع بتفرجينا شو جبلا هدايا و ما اي شي ...كلو شي غالي و حلو كتير
سحر:نيالا على هالحظ
