#أسواره_من_حديد_الكاتبة_روان_الشبلاق
@rwayate
الجزء الخامس

ام سامر. لكن رح اتصل فيهم وردلهم خبر
نورمان. بس قوليلهم بشرط انو كمل دراستي
ام سامر. اي

نور. الف مبروك نورمان
نورمان. الله يبارك فيكي ياعمري عقبال عندك يارب

اتصلت ام سامر ب ام مهند وخبرتها انهم موافقين
واجت امو لمهند وبنتها وحددو موعد الخطبة
وبلشت التجهيزات

نور راحت لعند امل وخبرتها انو حددو موعد الخطبة

امل. لاتزعلي حبيبتي رح يجيكي الاحسن منو
نور. مالي زعلانة ابدا هي اختي ولازم افرحلها والدنيا قسمة ونصيب

امل. اي برافو عليكي لانو هيي قصة واعتبريها ما كانت
نور. اي
امل. يعني الخطبة يوم الاثنين
نور. اي
امل. بس بدي قلك انو ايمتا رح تخليني شوف سامر لاني جبتلو لهدية وحابة اعطيه ياها
ومابعرف شو رح تحكي عني انو انا بشو وانتي بشو

نور. لا عادي ايمتا مابدك تعي وبخليلك الجو
امل. بصير هلأ ؟
نور. اي عادي لكن انا رايحة والحقيني بعد شوي
امل. اي شكراااا
نور. عفوا.. باي

رجعت نور ع البيت وع الحظ وماكان في حدا

نور. سامر وين امي ونورمان
سامر. راحو مع سامي ع السوء
نور. ليش
سامر. مابعرف قال بدهم يشترو اغراض للخطبة ومدري شو كمان
ليش بدك شي ؟
نور. لا ابدا
رايحة اعملك نسكافيه
سامر. اي والله ياريت

راحت نور ع المطبخ وبعثت رسالة ل امل وخبرتها انو تجي هلأ لانو مافب بالبيت غير سامر

وصلت امل ودءت الباب

سامر. نور تعي شوفي مين عالباب
نور. شوف انت

فتح سامر الباب ودخلت امل

امل. مرحبا.. كيفك سامر
سامر. اهلين.. تمام كيفك انتي
امل. الحمدلله مشتاقيتلك
سامر. اي نور بالمطبخ روحي لعندها

امل. انا جاية شوفك مو جابة لعند نور
سامر. ايوا
امل. طمني عنك شو اخبارك ما اشتقتلي
سامر. منيح منيح

امل. شبك عم بحكي معك
سامر. لا ولشي
امل. خد هي هدية جبتلك ياها بتمنى تعجبك
سامر. هدية !!
امل. اي هدية مني الك

سامر. شوفي امل بصراحة هيك مابيمشي الحال يعني شو مناسبة لهدية ومافي بينا شي
امل. كيف مافي بينا شي
يعنيانت مابتحبني

سامر. امبلا بحبك بس انا قلتلك انو بس كون جاهز رح اجي واخطبك بس هيك انو تشوفيني وشوفك بدون مايكون بينا شي انا مابدي

امل. ولا بتبطل هالعادة كل ماشوفك بتحكي نفس الشي وبتكون مثقل حالك
سامر. لانو ماعندي شي غير هيك قولو

امل. وايمتا ناوي تخطب حضرتك
سامر. اقل شي سنة
امل. يعني بدك تجنني انت
بدك ياني من هون لسنة ما احكي معك

سامر. اي.. من وقت صرتي تتحركشي فيني وتبعتي رسائل حب وغزل مع هي رفيئتك هيفاء
خليتيني احبك
و قلتلك اني بحبك قلتلك بالحرف يا امل انا بحبك وبدي ياكي بس هيك علاقة مابدي ياها انو رسائل وتلفونات وهيك
قلتلك للمره الالف بس كون جاهز اني اتزوج رح اجي واخطبك
وغير هيك ماعندي
وهديتك خديها معك بس تروحي

امل. الحق عليي الي جبتلك ياها اصلا
سامر. نور .. نور اجت امل لعندك
امل. لا تناديلها انا رايحة
سامر. الله معك

راحت امل

سامر. العمى شو هالزقة هي
نور. عن مين بتحكي
سامر. عن هي رفيئتك
نور. شبها
سامر. ولشي

الكل عم بجهزو لخطبة نورمان ومهند
وبهالفترة نور كانت تحاول انو ماتشوف مهند

اجا يوم الخطبة

في بيت امل

هيفاء. امل طالعة كتير حلوة
امل. اي بعرف لانو بدي جننو لسامر وخليه من بكرا يجي ويخطبني
هيفاء. وانا شو رأيك بلبسي
امل. حلوة مابكي شي

هيفاء. شو بتكون نور عم تعمل هلأ
امل. شو دخلنا فيها اكيد رح تطلع متل الاطرش بالزفة ومارح تلبس ولا تهتم بحالها

في بيت نور

ام سامر. نور شبكي قومي البسي واتمكيجي اليوم خطبة اختك وبدي ياكي تطلعي احلا وحده بكل الموجودين
نور. اي

قامت نور ع غرفتها وهي مو عارفة تفرح ولا تزعل
ويلها اختها وويلها الشب الي حبتو وماعم تقدر تطالعو من قلبها

نور. رح البس ورح زبط حالي وبدي انساااا
مابدي هيفاء وامل يشمتو فيني
ورح افرح لأختي لانو سعادتها هي سعادتي
ومهند متل اخي اي متل اخي
بس الاسواره هي شو رح اعمل فيها انا قلت اني مارح اشلحها من ايدي

بس اذا خليتها بكون لسا عم فكر بمهند
لا لا رح اشلحها

غمضت عيونها نور وطالعت الاسواره من ايدها وحطتها عالطاولة ودموعها كانو رح ينزلو

لبست نور احلا ماعندها بس ماتمكيجت
طلعت عالصالة لعند امها

ام سامر. تسلمي لقلبي ما احلاكي بس ليش مانك متمكيجة نور. هيك منيح
ام سامر. لا مو منيح هلأ رح اطلبلك تكسي وبتروحي لعند اختك ع الكوافيرة وبتخليها تمكيجك وتعملك موديل لشعرك

نور. مابدي هيك منيح
ام سامر. لا تجننيني اسمعي كلمتي بعدين ليش هيك زعلانة
ليكون لانو اختك الاصغر منك انخطبت وانتي لسا
ياعمري ماتزعلي ان شاء الله
الله بعوضك بأبن الحلال الي بتتمنيه

نور. هههه شبكي والله مو زعلان بالعكس فرحانة كتير لنورمان الله يهنيها

ام سامر. اي ريحتيني لكن رح اتصل بشي تكسي وبتروحي عالكوافيرة بس وين موبايلي اه بالغرفة رايحة جيبو
نور. اي

#أسواره_من_حديد_الكاتبة_روان_الشبلاق

الجزء السادس
@rwayate
في اليوم الثاني الكل بلشانين بترتيب البيت ونورمان عم تزبط بحالها لانو اليوم عازمين مهند واهلو

نورمان عم تغني الفرحة اللي انا فيها ترجع ليك وانا جنبك

نورمان. نووووور
نور. شو بدك
نورمان. تعي لهون لشوف
نور. شوو
نورمان. هي الاسواره شو عم تعمل هون مو عأساس مابتشلحيها من ايدك

اخدتها نور واتطلعت فيها

نور. خديها هي من حقك
نورمان. كيف من حقي مافهمت
نور. خديها الك مابدي ياها
نورمان. لا اذا انتي حاببتيها ماباخدها

نور. لا خديها اعتبريها هدية خطبتك
نورمان. اذا هيك اي يخليلي ياكي يا طيوبة
نور. كتير طالعة حلوة تتهني

نورمان. الله يسلمك ياعمري

بعد العصر اجا لعندهم مهند واهلو وجايب معو هدية لنورمان دبدوب ووردة حمره

نورمان. يسلمو ايديك حبيبي
مهند. الله يسلمك
نورمان. ليش مانك لابس طقم
الطقم احلا عليك
مهند. اي يوم هيك ويوم هيك
نورمان. لا انا بفضل دائما تبقى بالطقم لأن بيعطيك هيبة اكتر

مهند. المره الجاية رح بلبس طقم
نورمان. اي .. بس ليش مانك لابس المحبس
مهند. لك صحيح نسيتو وانا عم بغسل
نورمان. بس مابصير هيك هاد شي مهم بالنسبة النا لازم تنتبه عليه
مهند. اي معك حق
نورمان. انتبه تاني مره
مهند. اي ماشي شبك استلمتيني
نورمان. لا ما استلمتك ولا شي
مهند. طيب حبيبتي

نورمان. مابدك تحكي شي
مهند. شو الشي
نورمان. يعني انت اسأل حالك
مهند. شو مافهمت عليكي
نورمان. لك ما ملاحظ اديش مهتمة بحالي كرمالك
وانت ماسمعتني ولا كلمة حلوة

مهند. امبلا انتبهت وكتير طالعة حلوة
بس بصراحة فستانك قصير كتير
يعني بتبقي فيه قدام اخوتك ؟

نورمان. نعم !!
اي اكيد وعندي استعداد اطلع فيه كمان
مهند. اهاا
نورمان. عم تستفزني بكلامك انا قلتلك تسمعني حكي حلو مو تسمعني كم كلمة يهزو بدني من اولها

مهند. لا انا عطيتك رأيي متل ما انتي عطيتيني رأيك بلبسي
نورمان. انا قلتلك بطريقة حلوة
مهند. وانا ماغلطت بشي بس انتي عصبتي
نورمان. انا هيك
مهند. يلا كلا فترة وبنتعود ع بعض
نورمان. لا انا مابدي هيك مع مرور الايام بدي انت من حالك تفهمني تحسني تتقرب مني تخليني حبك
وحس بحبك
مثلأ هلأ ماحكيت شي عن تسريحة شعري
ولا عن ريحة عطري
يعني حسستني انو ماعندك رومنسية

مهند. هاد الي زاعجك بالعكس انا كتير رومنسي بس ماعطيتيني مجال لبينلك
كان بدي فترة لأعرف شو بتحبي شو بتكرهي وهيك شي

نورمان. هي عم قلك
بحب الكل يشوفونا انا وياك غير ومميزين
بحب تهتم فيني قدام الناس
تحسسهم اديش بتحبني
مثلا تقلي لابقلك الفستان
شعرك كتير حلو
هيك شي

مهند. ههههههه والله ضحكتيني
نورمان. ها شايف هي الضحكة استفزتني انو شو سببها انا عم حاول فهمك طبيعتي واكيد وقت تحكيلي عن حالك رح اسمعك ورح افهمك

مهند. اخذتي الموضوع بجدية انا ضحكت لانو عجبني حكيك وجرأتك وعجبتني صراحتك
بس ماعجبني ابدا جوابك لانو انا ما ضحكت لأستفزك
بس اكيد رح كون متل مابدك

نورمان. هههههه لك مو قصدي فكرتك ببتمسخر ع كلامي
مهند. ههههه مابتمسخر ورح كون متل مابدك الشب الرومنس
نورمان. هههههه
يلا قوم نطلع ع الصالة عند اهلك
مهند. اي يلا

طلعو ع الصالة وقعدو كلياتهن
ونور كانت موجودة

مهند في نفسه شو هالنورمان هي مابتلقا مزح بنوب وبدها كل شي يكون الو نظام بعكسي تماما
انا بحب البنت العفوية الي بتاخد الامور ببساطة
بس يلا مع الايام بنتعود ع بعض
ههههه والاحلى بدها ياني حاكيها حكي حلو قدام الناس

مهند. نورمان اسوارتك كتير حلوة ولابقتلك كتير
نورمان. عيونك الحلوة حبيبي هي من نور هدتني ياها وحبيتا كتير

مهند. اي كتير حلوة يسلمو ايديكي نور كتير مزوئة

نور سمعت حكيو وراحت ركد ع غرفتها

نور. ليش هيك عم يعمل ليش كل ما انسا بحب يذكرني يعني بدو يفهمني انو شافها بأيد نورمان
اي عادي اصلا مابتعنيلي شي وانا عملت الصح لو خليتها معي كنت تعبت اكتر واكتر
وهوا خليه يحكي شو مابدو مارح رد عليه

في بيت امل

امل. لك هيفاء رح يجلطني سامر لك جنني كل مابحكي معو حرف حتى نخطب حتى نخطب
اي نحنا شو عاملين
عم يتصرف متل الاولد لصغار ماع بفهم عليه

هيفاء. طب خلص ردي عليه واعملي متل مابدو
امل. لك مابدو ياني احكي معو بحجة الناس بتشوفنا وعيب ومدري شو
هيفاء. ههههههه كنا نحكي عن اهل مهند انهم معقدين
امل. والله سامر واهلو هنن المعقدين

هيفاء. اي اقعدي معو وقوليلو هيك مابيمشي الحال وخليه يجي ويخطبك
امل. لك التعا قلبي وانا قلو وهوا ولا حدا هون
هيفاء. حاولي هدديه بأنو رح.يخسرك او بأنو جاييكي عريس
امل. اي رح جرب

بعد مرور كم يوم قضوها عزايم اهل نورمان واهل مهند

ونور اغلب وقتا حابسة حالها بغرفتها
وعلاقة مهند ونورمان مو كتير قوية لانو ماعم يفهمو بعض

بالليل في بيت نور

قاعدين الكل بالصالة و مهند ونورمان كمان

سامر. نور قومي اعملي قهوة
نور. اي .. شو قهوتك مهند
مهند. ساده قهوتي
نورمان. اعمليلو ياها حلوة
مهند. لا سادة مابشربها حلوة

#أسواره_من_حديد_الكاتبة_روان_الشبلاق
@rwayate
الجزء الاول

كل ما بداخلي تحطّم وتبعثر، أصبحت أشلاء تناثرت فوق صفحات البحر، ربما الخوف من المجهول يسكنني، وتلك الدمعات تأسرني، ولكني فقدت أحساسي بالأمان وثقتي بالأزمان

نور بنت طيبة اكتر من اللازم
حساسة وحنونة
ومشكلتها انا بتبدي كل الناس عن نفسها
بتحب عيلتها كتير وبتضحي كرمالهم
ابوها متوفي
هي اكبر شي بالبنات عمرها 22 وعندها اخوه شباب تنين اكبر منها
وخواتها البنات ثلاث وهنن اصغر منها

وقت اتوفا ابوها من ثلاث سنين تركت دراستها مع انها كانت ذكية كتير بس لحتى تظل مع امها وماتتركها لوحدها

هي مانها متل كل البنات الي همهن اللبس والموضة
لا هي حملت هم ع بكير
قعدت بالبيت بس تركت دراستا وصارت تهتم بتدريس اخواتها الي اصغر منها

اخواتها طلعو من الاوائل
هي بتحس انها بتفرق عنهم لأن عيلتها كلهم شقر وعيونهم زرق الا هيا سمره وعيونها عسلي بس سمارها بجنن

حتى امها بتظل تمزح معها وتقوللها انتي ماحدا بيتطلع بوجهك لانك طالعة لعماتك سمر

عندها رفقات تنتين هنن بنات جيرانهم بتظل تروح عليهن ويجن عليها بس هنن مصلحجيات و وحده منهن بتحب اخوها لنور

الناس بس يجو ليطلبوها
بشوفو اخواتتها الاصغر منها انهن شقر لهيك ببطلو عنها وبصير بدهم اخواتها

بس هي ماكانت تهتم لان واثقة من حالها

نور عم تحكي مع اختها نورمان الاصغر منها عمرا 20

نور. طمنيني كيف دراستك
نورمان. كتير كتير منيحة
نور. اي بالتوفيق ان شاء الله
نورمان. تسلميلي حبيبة قلبي

في الصالة
كانت قاعدة نور وامها
اتصلت فيها رفيئتها امل

نور. اهلا امل
امل. شو عم تعملي
نور. ولشي حاسة بملل
امل. اي تعي لعندي لانو هيفاء كمان عندي بنتسلا
نور. طيب هلأ بجي

نور. امي انا مليت كتير رح روح لعند امل
ام سامر. اي روحي مين ماسكك
نور. طب بدك شي حبيبتي
ام سامر. لا ياعمري الله معك

راحت نور لعند امل بس وهي طالعة ع درج بيتهم لأمل التقت ب مهند

مهند. مساالخير
نور. مسا النور
مهند. لعند مين جايه
نور. عند امل رفيئتي
مهند. اه وانا كمان جاي عند خالد

مهند دء الباب وعم يستنو حتى حدا يفتحلهم

نور عم تطلع ب مهند
وهوا كمان عم يتطلع فيها

نور قلبها عم يدق دق وعم ترجف ومتلبكة كتير هي اول مره بتلتقي فيه وبتحكي معو بالعاده بس بتشوفو وهوا مارق من الطريق وبتطلع فيه

فتح خالد الباب

خالد. اهلا وسهلا مهند وانتي نور اطلعي امل فوق بغرفتها

نور. اي شكرا الك

مهند هوا ابن جيرانهن لنور
هي معجبة بشخصيتو بس مافي شي بينهم ابدا
مجرد نظرات واغلبها من نور

كلهم بحاره وحدا جيران
مهند صديق اخوها لأمل وبظل يجي لعندو كل كم يوم وبيسهر عندو

طلعت نور لعند امل لقتها هيا و هيفاء ع البلكون

هيفاء بتكون رفيئتها التانية

امل. الله الله ع الحب اي شو هاد ماعرفتك قوليلي ولي شو حكيتو ؟

نور. لسا مادخلت فورا استلمتيني
امل. كنا عم نتطلع عليكي انا وهيفاء شو يا صاير في اسرار وعم تخبي عنا

نور. لا والله ماعم خبي
هيفاء. لكن احكيلنا بسرعة مو هاد حبيبك الي كنت واقفة معو

نور. بالاول خلوني اخد نفس لانو لهلأ لساتني عم ارجف

هيفاء. يي ما اقواكي شو هالصدفة الحلوة الي جمعتك مع حبيبك

نور. هههههه يخرب بيتك من وين اعملتيه حبيبي
هيفاء. لكن شو اخوكي
امل. يلا احكيلنا شو حكيتو

نور. ماحكينا شي بس قلي مسا الخير وسألني لعند مين جايه

امل. هلأ بس هيك حكيتو
نور. والله العظيم بس هيك
هيفاء. كأنو كان عم يطلع فيكي
نور. اي يمكن

امل. اكيد فرحانة كتير لانو هي اول مره بتحكي معو
نور. لك والله لهلأ مالي مسدئة مفكرة انو حلم
عنجد شو هالصدفة يعني كتير عم بجي لهون بس ولا مره التقينا

امل. اي معناها الحلوان الي لانو التقيتو ببيتنا وهاد الشي بفضل اخي لانو رفيئو

نور. هههههه تكرمي
امل. عنجد ما حكا معك غير هيك
نور. لا ابدا اصلا هوا بيتصرف عادي بس انا مابعرف شو بصرلي بس شوفو
وخصوصي انو هالمره اجت عيني بعينو وحكينا
يا اااااالله شو شعور حلو

هيفاء. اي شو الفائدة اذا عم تقولي انو بس انتي الي بتحبيه
نور. اي لانو هوا مالمحلي بشي ابدا ونظراتو الي عاديه
وانا ماقلت اني بحبو
بس هيك يعني

امل. قال بس هيك يعني اصلا على شو حاببتيه مابعرف
نور. اسكتي لا تحكي هيك
هيفاء. هههههه اتركيها عم تحب
نور. لك بلا غلاظتكن

هيفاء. انا مابيعجبني هيك نوع من الشباب
امل. ولا انا بس هي هبلة شايفيتو ومو مسدئة

نور. لك امل هي ما انتي بتحبي اخي سامر
بقا مهند شو بيفرق عنو

امل. حبيبتي جايه تشبهي سامر ل مهند شو جاب لجاب
مو هيك هيفاء

هيفاء. اي سامر شخصيتو بتجذب البنت اكتر من مهند بعدين مهند اهلو لساهم دقة قديمة

امل. هههههههه حطمنا احلامها
نور. اخرسي انتي وياها انا ماقلت اني بحبو
امل. المكتوب مبين من عنوانو
هيفاء. بس عنجد لو مالو معجب فيكي مابيحكي معك وبيسألك وين جايه

نور. عنجد هيك قولتك
هيفاء. اي اكيد
نور. بس من الطبيعي انو يسلم عليي ماتنسي نحنا جيران
هيفاء. مابعرف

#أسواره_من_حديد_الكاتبة_روان_الشبلاق

الجزء الثامن
@rwayate
نور. طيب ليش عم تقلي
خلص انا عرفت الحقيقة وانت بتعتبر حالك ماسمعت شي

مهند. لا بالعكس انا بدي اتشكرها لأمل لأن بسببها عرفت انك بتحبيني

نور. لك لابقا تقول بتحبيني عيب عليك هالحكي انت خطيب اختي
مهند. لا نور مو عيب عليي نورمان مابتحبني وانا وياها مو لبعض ولا تخافي هالشي مو بسببك

نور. انا الحق عليي اني عم بسمعك .. باي

وقفها مهند وهي رايحة

نور. اتركني
مهند. بدنا نحكي
نور. ماعندي شي نحكيه
مهند. انا عندي
بدي اعرف ليش هلأ عم تقولي مابتحبيني

نور. مهند بترجاك خلص
مهند. قوليلي ليش استغنيتي عني بسهولة هلأ هيك الي بحب بيقدر ينسا بهالسرعة

نور. اعتبرها قصة او ماضي وراح
مهند. الماضي الي عم تحكي عنو ماصرلو شهر
نور. يلا لازم روح

مهند. لحظة لحظة اسمعيني
انا مابدي اخسرك
نور. هه ليش انا الك حتى تخسرني

مهند. ليش دمعو عيونك انا
ماني غبي حتى ضيع بنت حبتني واختارتني من بين كل الشباب
وضحيتي بحبك كرمال اختك
هالشي بأكدلي انو انتي غير عن نورمان
انا بدي بنت بسيطة متلك وحساسة ورقيقة
مايكون همها الناس وحكي الناس

نور. بحكيك هاد عم تخدعها لنورمان وانا مابقبل هالشي
مهند. انا بدي ياكي
مابتهمني نورمان وغيرها هلأ الي بهمني انتي وبس
وانا بعرف كيف اتصرف

نور. شو بدك تعمل
مهند. رح احكي مع نورمان ونتخالص وبعدا بخطبك انتي

نور. لك لا تجن حكيك هاد من سابع المستحيلات
مهند. لا لا الكل بيعرفو انو انا ونورمان مو متفقين

نور. الحق عليي اني عم بسمعك حل عني ياه
مهند. نور استني شوي لك نور
طيب هلأ لاحقك وبتشوفي

رجعت نور ع البيت ومو مسدئة الي صار معها وعم تفكر

نور. كيف هيك رفقاتي بيخدعوني
وبكذبو علي
وخلوني حب خطيب اختي وهوا مامعو خبر بشي وهلأ لحتى خبروه
شو الي بدهن ياه
كل هالقد شايفيني هبلة ومسكينة حتى قدرو يضحكو عليي
كلو كوم ومهند والحكي الي حكاه كوم تاني

يا الله معقول حكيو صحيح وانو قال لأهلو انو بدو ياني بس هنن قالولو ع نورمان

ياترى شو رح يصير معقول يتركو بعض وكون انا السبب
بس لا انا مادخلني بشي من الاول هنن بدهن يتركو بعض

بس عنجد موقف بخجل
الله لا يسامحك يا امل ع هالموقف الي حطيتيتي فيه اكيد انتي السبب بكل شي
انتي وهيفاء

رجعت امل ع البيت بعد ماكانت مصورة نور ومهند فيديو وهنن مع بعض
بس الصوت فيه ماكان واضح لانو من بعيد صورتهم
اتصلت بهيفاء واجت لعندها
وورجتها الفيديو

هيفاء. شو كانو عم يحكو
امل. مابعرف كنت بعيدة عنهم
كيف بدنا نعرف شو صار
هيفاء. تخبيصاتك هي كلها ما الها داعي
امل. اذا مو عاجبك لا تتدخلي

مهند ببيتهم عم بفكر

مهند في نفسه حبتني يعني عاجبها ومقتنعة فيني وهي الي اختارتني وبدها ياني
الي عملتو معها امل مو قليل
مالازم تسكتلها
بس مبين انو نور شخصيتها مو قوية كتير ومابتقدر تدافع عن حالها

المسكينة اديش بتكون تعذبت وقت خطبت انا ونورمان
انا ماجربت شعور الحب لان حتى مع نورمان ماحسيتو
بس معقول هاد الاحساس الي حاسس فيه هوا بسبب نور

كيف هيك رح يصير انو اترك اختها واخدها
اهلها بيعرفوني منيح وبيعرفو انو الحق ع بنتهم هي شايفة حالها ومو عاجبها العجب

ام مهند. مهند بشو عم تفكر
مهند. ولشي بس بدي اسألك كأني حسيت نور غير عن اختها نورمان يعني بنت هادية
ولا انتي شو رأيك

ام مهند. اي والله وانا هيك حسيت مأدبة كتير وياريت كانت هي من نصيبك احسن من اختها

مهند في نفسه اي ماصار شي

في الليل راح مهند ع بيت نور
والكل قاعدين بالصالة وسامي كان موجود

مهند عم يتطلع بنور ويتمايزها

سامر. اهلا وسهلا
مهند. اهلا فيك

في بيت امل

امل. لأيمتا بدي ظل ساكتتلهم هيك والله لروح افضحهم والي بدو يصير يصير
هلأ رح البس وروح وسامر اذا زلما يحكي شي بعد ماخبرهم

في بيت نور

سامر. اي يا نورمان هي خطيبك هون وماحكيتي معو ولا حرف شو قصتك

مهند. اذا من حالها ماحطتلي قيمة ليش لتجبرها
نورمان. ماعندي شي احكيه معو وقلو لابقا يتفلسف

سامي. اخرسي ولك شو ناسية انو هاد رح يصير زوجك كيف بتحكي معو هيك

نورمان. انا مابدي ياه
سامي. لك اخرسي اخدتي وجه زيادة قال مابدي ياه شو الشغلة لعبة

مهند. خلص اتركها ومنيح انو حكتها هيك بصراحة احسن ماتطلع الف علة فيني حتى نترك

دء باب البيت وفتحت نور

نور. بصوت واطي شو جابك لهون انتي يلا انئلعي وحسابك بعدين
امل. بعدي هيك خليني فوت

فاتت امل ع الصالة وصارت تتطلع فيهم واحد واحد
نور ومهند يتطلعو ببعض ومو فاهمي شي

ام سامر. اهلين امل اقعدي ليش واقفة انتي من اهل البيت اكيد سمعتي اصوات نورمان وسامي
بدك ماتواخذينا الوضع مكركب

امل. شو فيه ليش
ام سامر. نورمان ومهند عم يتخانئو وبدهم يتركو بعض

امل. انتو بتعرفو ليش مهند عم يعمل مشاكل مع نورمان وبدو يتركها

ام سامر. مشاكل من الطرفين والحق ع نورمان

مهند. اخرسي وانقلعي من هون

#أسواره_من_حديد_الكاتبة_روان_الشبلاق
@rwayate
الجزء التاسع والاخير

نور بغرفتها وقرأت الرسالة اكتر من عشر مرات

اتصل فيها مهند بس فصلت عليه رجع اتصل وردت

نور. الو
مهند. كيفك نور
نور. تمام .. انت كيفك
مهند. بس سمعت صوتك صرت منيح
حدا حاكاكي شي بعد مارحت

نور. اي حكينا انا ونورمان وهي عرفت بكل شي ومازعلت ابدا وقالت بدها تساعدنا لنكون لبعض

مهند. اي كتير منيح
نور. بس حاسة في شي غلط انو هي اختي
مهند. اذا قلتي اختك فرحتلك كتير وتأكدي انو نورمان اخر همها لزواج هي حابة تكمل دراستها وبدها شب تحبو مو زواج تقليدي

نور. اي يمكن
مهند. وصلتك الرسالة ؟
نور. اي وصلت بس ما كأنك مستعجل
مهند. اي والله كتير ماعم تروحي من بالي هيك طول الوقت مبتسم وفرحان انو لقيت البنت الي بتحبني
والي رح عيش معها احلا حياه ان شاء الله

نور. طيب اهلي واهلك شو
مهند. انا خبرت امي بكل شي وهي بصراحة حاببتك كتير
وقالتلي انو بتحب تسمع كلمة خالة من تمك
يعني هيك وقت تشوفيها كنتي تقولي تفضلي خالة وهيك يعني

نور. هههه
مهند. دخيل هالضحكة ما اصغرها وانعمها
نور. لك مابصير هيك يعني اليوم تركت انت ونورمان
وكمان كذبنا ع اهلي
وقاعدين عم نحكي ومو هاممنا شي

مهند. هلأ شو بدك بهالحكي ما انا هلأ ولا بعدين رح اجي واطلبك من اهلك
نور. عنجد

مهند. اي والله بس رح طق من شغلة
نور. شو هيا
مهند. يعني انو مابقدر اطلبك قبل اسبوع ع الاقل حتى الناس تعرف انو تركنا انا ونورمان

نور. اي حكيك مزبوط
بس بلكي اهلي ماوافقو
مهند. عادي باخدك خطيفة

نور. شوو
مهند. هههههه شبك سدئتي
لاتخافي اكيد بوافقو بالاخص انو انتهت علاقتي مع نورمان بدون مشاكل
وانو كلهم كانو بيعرفو علاقتنا كيف كانت
لهيك مارح يوقفو بطريق سعادتنا

نور. اي ان شاء الله
مهند. انا من وقت دافعت عني نورمان حسيتها انو عرفت وحبت تنقذنا من مشكلة كانت رح تصير

نور. اي مزبوط هيك قالتلي
مهند. اكيد بدك تنامي وانا عم اخرك
نور. لا مابدي نام بس خلينا نسكر بخاف حدا يسمعنا
مهند. اي متل مابدك
بكرا بنحكي وبنشوف شو بدنا نعمل
وهلأ تصبحي ع خير
نور. وانت بألف خير

نور. ياربي دخيلك معقول امنيتي تتحقق ويكون مهند من نصيبي
سبحان الله كيف هيك كان المفروض يكون زوج اختي وهلأ رح يصير زوجي
ياااااارب ياااااارب
والله كتير بحبك يا مهند

باليوم الثاني قعدت نور ع غير عادتها فرحانة كتير وتذكرت حكيها مع مهند مبارح

نور. بتمون على ضحكي انا بتمون
تمون عالدمعه والك بتمون
بتمون يا قلبي عينيك على قلبي
ما كان يمكن لو ما انت تكون

معذور لو جن القلب معذور
بعيون عم تغزل حلا معذور
مين اللي ما بيحبك يا ويلي من قلبك
مغرور قلبك يا حلو مغرور

بتمون ع الدقه ولولا القلب شو بيبقى
حبيبي ان غبت رح بشقى رح بشقى

نورمان. الله الله ماعرفتك والله اي شو هاد اليسا وبتمون وحب وصباح حلو
وعاملة حالك خجولة هااا

نور. يسعدصباحك
نورمان. وصباحك حبيبتي
وان شاء الله الفرح مابفارقك ولا لحظة
نور. تسلميلي

نور. نورمان مبارح بعد مارحتي حكا معي مهند
نورمان. شو ياه اكيد انتي اتصلتي فيه

نور. لا لا هوا اتصل
نورمان. شو قال
نور. قلتلو اني حكيتلك كل شي وقلتلو شو قلتي انتي

نورمان. اي وشو بعدين شو رح تعملو
نور. قال بدو يجي يطلبني بس بعد اسبوع مشان حكي الناس
نورمان. اي هيك منيح يعني مو كتير اسبوع

نور. خبر امي واخوتي
نورمان. لا يا مجنونة هلأ لا مشان مايسدقو حكي امل
خليها لقبل مايجي بيوم واحكيلهم
نور. اي مزبوط

بعد مرور يومين كانو يحكو مع بعض صبح ومسا وكل مايصحلهم ومهند يشوف نور وهو مارق من الطريق

نور اخدت وجه ع مهند وصارت تقلو انها بتحبو
وهوا كمان مابيقدر ينام اذا ماسمع صوتها
مهند فرح كتير انو لقا البنت الي بيتمناها والي بكون مبسوط معها

نور عم تحكي مع مهند ع الموبايل بغرفتها

مهند. شو اليوم
نور. اليوم الاثنين ليش
مهند. يوم الجمعة رح بكون مزروع زراعة عندكم
ورح اطلبك من اهلك

نور. مو مسدئة ايمتا يجي هاليوم
مهند. امل والتانية الي معها رح ينجلطو بس نخطب
نور. لا تذكرني فيهن

مهند. لك لا بالعكس رح نبعتلهن كرت دعوة ونكتبلهن فيو رسالة شكر انو بسببهن حبينا بعض
نور. هههههه فكرة منيحة

مهند. امممم بس كأنو اليوم ماقلتيلي بحبك
نور. كأنك عم تكذب
مهند. لا ماعم كذب
نور. لكن بحبك
مهند. ماسمعت
نور. بحبككك
مهند. قوليها كمان مره

في الصالة
سامر. وينا نور
ام سامر. بتكون بغرفتها
ليش بدك ياها
سامر. بدي تعلمني ع كم شغلة باللابتوب
ام سامر. اي روح لعندها

راح سامر لعند غرفتها سمعها عم تقول

نور. لك بحبككككك كم مره صرت قايلتلك ياها

دخل مهند لعندها بسرعة وهي تفاجئت وتلبكت وسكرت الخط بوجه مهند

سامر. مين هاد الي بتحبيه
نور. شو
سامر. عم بسألك مين هاد
نور. ماحدا كنت كنت عم بحكي مع حالي

سامر. طب هاتي الموبايل
نور. ليش بدك ياه
سامر. لك اعطيني

اخد سامر الموبايل وشاف اسم مهند اتطلع بنور وماعرف شو يحكي

#أسواره_من_حديد_الكاتبة_روان_الشبلاق
@rwayate
الجزء الثاني

في عصر اليوم الثاني في بيت نور

قاعدة نور بالصالة مع امها وخواتها وشاردة

نور. مهند حكا معي سمعت صوتو مو مسدئة شفتو عن قرب وتطلعت بعيونو ابتسامتو كانت حلوة كتير لك يا الله شو حلو وبطير العقل
بس اكيد مابحبني لو بحبني كان حاول ياخد رقمي او كان حكا معي اكتر ولمحلي بشي
بس معليش خليني عم احلم حتى الحلم حرام


نورمان. لك نور شبك بشو شاردة صرلو ساعة موبايلك عم يرن

نور. اه مين ..مين اعطيني ياه
نورمان. خدي هي امل

نور. الو.. اي امل
امل. تعي لعندي هلأ هلأ
نور. خير ليش
امل. لك تعي بسرعة
نور. طيب جاية بس قوليلي ليش
امل. بس تجي يلا بسرعة هيفاء عندي
نور. اي طالعة.. باي
امل. باي

نور. امي انا رايحة عند امل بدها ياني
ام سامر. ليش بدها ياكي
نور. ما قالت .. يلا باي
ام سامر. الله معك

في بيت مهند
قاعد مهند مع اهلو بالصالة

ام مهند. اي سيد مهند قلي شو ظل ناقصك حتى ماتتزوج رح يصير عمرك 30 سنة ولساتك عزابي واخوتك الي اصغر منك عم يستنو حضرتك للتزوج مشان هني كمان يتزوجو

مهند. والله يا امي سبقتيني كنت رح فاتحك بالموضوع لانو صار الوقت

ام مهند. عنجد بتحك يا ابني يعني واخيرا اقتنعت
مهند. اي امي انا بدي اتزوج

( خواتو لمهند 3 ريم راما رنا )

ريم . اي عم تمزح

راما. ومين بدك تتزوج حاط ببالك حدا

ام مهند. اسكتي انتي خلينا نحكي انا واخوكي
بخاف تكون عم تمزح معي

مهند. لا والله شبكن ماعم امزح
ام مهند. طيب في بنت ببالك ؟
مهند. اه انو لا مافي انتي مين بدك تزوجيني هاتي لنشوف ؟

ام مهند. والله مابعرف شو رأيك ب رانيا بنت ابو محمد جارنا بنت محترمة ومتعلمة

مهند. رانيا ماغيرها
ام مهند. اي هيا
مهند. لا مابدي كبيرة بالعمر

ريم. اي عمرا 24 سنة بس دارسة متلك

مهند. مابدي بدي اصغر من هيك مو ضروري الدراسة

ام مهند. مارح جبلك من قرايبنا لانو كلهم خامين لبعض
شو رأيكن يا بنات مين في حواليكن ؟

راما. في بنت ابو خالد جارنا شو كان اسما .. نسيت اسما

مهند. قصدك اختو لخالد رفيئي
راما. اي بالزبط
مهند. لا لا مابدي

رنا. انا بعرفها اسما امل بعرفها بس هالبنت قوية وماحبيتها يعني بلالك ياها

ام مهند. لكن شوفو غيرها
يعني هلأ انقطعو البنات

رنا. لك شبكن في جارتنا وقريبة منا كتير ام سامر عندها بنت متل القمر ماشاء الله جمال بياخد العقل وعم تدرس هلأ

ام مهند. اي والله ناسينهن هدول بنات كلهن ادب واخلاء

مهند. عن مين عم تحكو شو اسم البنت
رنا. اسما نورمان بتعرفها ؟
مهند. هي الي عيونا عسلي وشعرا اسود

رنا. لك لا هي اختا نور الاكبر منها شو عرفك فيها

مهند. مابعرفها بس بشوفا وانا ماشي

رنا. انا عم بحكيلك عن نورمان
هي لتانية مو لكبيرة حلووووة كتير كتير شقرة وعيونها زرق بطلعو اولادكم بجننو لانو انت كمان حلو وفيها كل الصفات دارسة ومربية احلا ترباية

مهند. طب ليش لصغيرة ليش مو لكبيرة

رنا. لكبيرة مو حلوة اختا احلا
مهند. اديش عمرا هي
رنا..هي من جيل راما عمرا 20

مهند. لا لكبيرة مناسبة اكتر
رنا..لك لا والله لصغيرة احلا عم قلك
مهند. مابهمني الجمال
رنا. لكن شو بهمك اذا مابدك دارسة ومابدك حلوة شو لكن

مهند. هي منيحة الي اسما نور
رنا. كأنك بتعرفها انت يعني حاببها ؟

مهند. لا ابدا بس قلتلك شفتا كذا مره ومانها بشعة متل مابتقولي بالعكس حلوة

رنا. لك انا قلت بشعة قلتلك اختها احلا

ريم. شو اخي انا اختك لكبيرة لا تخبي عني شو عرفك بلون عيونها انهن عسلي ؟

رنا. صحيح والله شو عرفك

مهند. لك شبكن كل القصة انو شفتا مبارح وانا رايح عند خالد كانت رايحة لعند اختو لخالد بس لمحتا ولابعرفها ولا بتعرفني

ام مهند. اذا هيك بس لكن خليك عالصغيرة فتحة اكتر وشخصيتها قوية وحلوة

رنا. اي والله يا اخي بنصحك فيها اكيد بس تشوفها رح تحبها

مهند. الا ماكون شايفها شي مره

راما. معليش احكي

ام مهند. تفضلي احكي
راما. انا بدي نورمان تصير مرت اخي مو نور

مهند. وبلكي انا مابدي هيك
رنا. لا وافق عليها وان شاء الله مارح تندم البنت حبابة

ريم. اي خليك ع نورمان مناسبة الك اكتر

ام مهند. شو قلت
مهند. اي موافق

ام مهند. لكن بهاليومين بحكي مع امها والله يختارلك الخير

مهند. ان شاء الله

في بيت امل

نور. يلا احكو خلصوني صرلي ساعة هون وماحكيتو شي لتكونو عم تضحكو علي

هيفاء. لا والله بس امل بدها تخبرك شي كتير بهمك ورح يفرحك

نور. شو هالشي احكو بقا
امل. اليوم الظهر اجا مهند لعند خالد وبالصدفة انا الي فتحت الباب

نور. اي ؟
امل. سألني عنك
نور. كذابة
امل. والله مالي كذابة وحتى قالي بالحرف الواحد
رفيئتك الي شفتا مبارح متزوجة ؟
وكم عمرا ؟

نور. معقول لانو شافني مبارح وحكا معي لهيك سألك عني

امل. وحتى حسيتو كتير معجب فيكي وبدو يحكي معك ومانو عارف كيف لهيك مالقا غير انا يسألني

نور. طب وشو حكا كمان
ماسألك عن اسمي
امل. اي والله صحيح وقلي شو اسما وبس قلتلو نور قال حلوو

#أسواره_من_حديد_الكاتبة_روان_الشبلاق

الجزء الثالث
@rwayate
في اليوم الثاني في بيت امل

هيفاء. حلوة الاسواره
امل. اي حلوة برافو عليكي
هيفاء. وهلأ شو
امل. استني شوي رح اتصل ب نور خليها تجي

امل. الوو .. كيفك
نور. تمام .. كيفك انتي
امل. تعي لعندي هلأ وبسرعة
نور. ليش شو في
امل. تعي وهون بقلك
نور. لك عم نعزل البيت ونجهز الاكل لانو رح يجو اخوتي بعد شوي
امل. لك بس ربع ساعة مارح نأخرك
نور. اوك جاية.. باي

راحت نور لعند امل

نور. شو بدكن انتي وياها ليش جبتوني لهون

امل. في الك مفاجئة
نور. شو هيا
امل. امسكي اعصابك
نور. لك يلا قولي

امل. متل ماتوقعنا صار مهند اجا لهون وفتحتلو انا ومابتسدئي شو قلي

نور. بالله عليكي احكي لا تجلطيني
امل. شايفة هي الأسواره
نور. اي شبها
امل. رح بحكيلك
نور. احكي

امل. وقت فتحتلو سألني عن خالد قلتلو مو هون قال طيب او قلك خلص ولشي
قلتلو لا بدك تحكي شو في
قال بس مابتخبري حدا
قلتلو بوعدك
قال خدي هي الأسواره بسرعة قلتلو ليش ولمين
قال اعطيها لنور رفيئتك واذا ماقبلت تاخدها
قلتلو ولا يهمك اكيد رح تقبلها لانو منك قال عنجد قلتلو اي عنجد وقال صار لازم روح قبل ماحدا يشوفنا

نور. امل عنجد بتحكي ولا بتمزحي
امل. تذربي ليش في مزح بهيك مواضيع
نور. لك رح يغمى عليي
امل. شايفة شو حلوة الأسواره
نور. ولي ع قلبي ما احلاها

امل. مشان تعرفي قيمتي
نور. لك يخليلي ياكي
هيفاء. نحنا قدك مالك دارسة ورح تتزوجي من مهندس ونحنا ياحسرة علينا عم ندرس ومو ملاقين حدا يتطلع بوجهنا

نور. هههههه يي معقول نتزوج
امل. ياهبلة مهند بحبك بس هو طبعو خجول شوي
واكيد اذا بحبك رح يطلبك ويتزوجك
نور. هي اغلى هدية ع قلبي يا الله شو مزوء
هيفاء. اي كتير حلوة

نور. ليكي امل رح البسها ومارح اشلحها من ايدي ابدا واذا حدا سألني من وين هي بقول انتي جبتيلي ياها

امل. اوك بس انتي كمان بس يجي سامر اخوكي بدك تساعديني وتخليلي الجو اني احكي معو قبل مايروح

نور. لا تخافي هالمره مارح يروح لانو ترك الشغل ورح يلاقي شغل بهي المدينة

امل. عنجد بتحكي ؟
نور. اي والله
امل. واوو واو احلا خبر سمعتو
معناها شو اليوم الخميس ؟

نور. اي الخميس
امل. معناها يوم الاحد بدي اجي لعندك وبتخليني شوفو لوحدنا لانو رح جبلو هدية معي وبدي اعطيه ياها
واذا ما ساعدتيني معاد ادخل واسطة بينك وبين مهند

نور. موافقة
هيفاء. ليش بدك تبقي للأحد حتى تشوفيه
امل. لانو بدي اشتري تياب جديدة وهيك وحتى لاقي هدية تكون حلوة

نور. طيب يلا باي انا تأخرت
امل. باي

طلعت نور من بيت امل بس وهي طالعة شافت مهند مارق من الطريق
اتطلعت فيه وابتسمت انو وصلت هديتك

مهند. مساء الخير
نور. مساء النور

وهوا اتطلع فيها بس انو عادي وظل ماشي

دخلت نور ع البيت وقلبها عم يدء وفرحانة انو ماكانت متوقعة اعجابها بمهند يتحول لحب ومن الطرفين

نور. اكيد شافني وانا لابستها وعرف انو كمان انا بحبو

في الليل في بيت نور قاعدة نور وعيلتها كلهم بالصالة

ام سامر. نور لك نور نووور
نور. نعم امي
ام سامر. شو صايرلك هاليومين شبكي دائما شارده
نور. ولشي قوليلي شو بدك مني

ام سامر. سامر بدو فنجان قهوة قومي اعمليلو ودخليلو ياه ع الغرفة
نور. قولي لنورمان تعملو
ام سامر. نورمان عم تجلي قومي خلصيني
نور. حاضر

دخلت نور ع المطبخ بدها تعمل قهوة وهي عم تغني

قد الحروف .. اللى فى اسامى العاشقين ..

بحبك
قد الثوانى .. والدقايق .. والسنين

بحبك

نورمان. احسبي حسابي بفنجان
نور. اي .. هاتي علبة القهوة من عندك
نورمان. خدي
نور. يسلمو

نورمان. ارجيني ارجيني شو هاد الي لابستيه بأيدك
نور. هي أسواره
نورمان. واووو بتجنن
من وين جبتيها
نور. امل جابتلي ياها

نورمان. امانة قوليلها تجبلي وحده متلها كتير حبيتها
نور. بس هي كانت اخر وحده
نورمان. لكن اعطيني هي
نور. لا هي الي وانا كمان حبيتها كتير

نورمان. بليزززز بليز الله يخليكي بدي البسها وجاكر رفئاتي فيها
نور. لا مابدي
نورمان. من ايمتا انتي هيك انا نية
نور. لك والله مو انانية بس لانو هدية من امل وحبيتها كتير غالية ع قلبي لهيك مارح اشلحها
نورمان. اي اذا لقت منها قوليلها تجبلي
نور. اي اكيد بقوللها

اخدت نور القهوة وودتها لسامر
سامر. يسلمووو
نور. الله يسلمك
سامر. التلفون عم برن ليه ماحدا عم برد
نور. ها .. هي بتكون امي ردت رايحة شوفها بدك شي
سامر. لا روحي

في الصالة ام سامر عم تحكي مع ام مهند

ام سامر. اهلا وسهلا بتشرفونا ايمتا ما اجيتو
ان شاء الله
الله معك .. مع السلامة

نور. مع مين كنتي تحكي
ام سامر. نورمان تعي لهون
نورمان. شو فيه ليش ناديتيلي

ام سامر. بدي قلك انو في جماعة بكرا جايين يشوفوكي
نورمان. يشوفوني !!
ام سامر. اي
نورمان. ومين هنن

ام سامر. ام مهند جارتنا بدها تخطبك لأبنها مهند

نور. شوو

يتبع...

#أسواره_من_حديد_الكاتبة_روان_الشبلاق
@rwayate
الجزء الرابع

نور. انتي متأكدة
ام سامر. لك عم قلك ام مهند بدها تخطب نورمان لابنها مهند وابنها ماشاء الله عليه مهندس وفهمان وعمرو 27 سنة
وغير هيك جارنا

نور. بس
ام سامر. بس شو
نورمان. بكرا اي وقت جايين
ام سامر. بعد العشا
نورمان. انا مابعرفو كتير لمهند
بس بعرف اهلو كتير عاداتهم قديمة

ام سامر. شو بدك بأهلو المهم هوا يكون منيح انتي شوفيه شو بتخسري يمكن يعجبك وهوا حلو وشخصية

نورمان. اي بشوفو بس مابعرف اذا بوافق او لا المشكلة انو انا مابدي فرق كبير بالعمر بيني وبين الشب الي بدي اتزوجو يعني بالكتير 4 سنين مو مو 7
يعني بدي فكر كتير قبل ما اخد قرار

ام سامر. انا رايحة خبر اخوتك سامر وسامي

نور كانت تسمع حكيهم وحاسة انو هالشي مو صحيح

نور في نفسها لا لا اكيد في غلط اذا مهند بحبني الي ليش ليطلب نورمان
اكيد امو مخربطة وقالت نورمان بدل نور اي اكيد

بس انا سألت امي وتأكدت منها وقالت نورمان في شي غلط مهند بحبني الي وانا بحبو ليش هيك عم بصير
كيف بدي اعرف يارب يكون في غلط يااارب

في بيت مهند

ريم. الف مبرووووك من هلأ يا اخي

مهند. اف ليش مستعجلة لك لسا ما شفتا للبنت
ريم. لانو متأكدة بس تشوفها اديش حلوة رح تحبها ورح يصير نصيب ان شاء الله

مهند. بس بكير لتباركي من هلأ
ام مهند. ههههه اختك وفرحانيتلك شو فيها يعني
مهند. لا ولشي

في بيت نور

نور. امي يعني ام مهند هي نفسا جارتنا وقالتلك بدها نورمان

ام سامر. لك اي جيرانا شبك ماعرفتيهم
نور. طب شو قالتلك بالحرف الواحد
ام سامر. يعني شو بدها تقول
بدها تجي تشوف نورمان لابنها مهند
نور. اي

نورمان. شوقتوني اني شوفو لمهند
ام سامر. ولا مره شفتيه بالحاره
نورمان. مابعرفو من اخواتو
ام سامر. شخصية كتير ماشاء الله عليه
نورمان. طب شو رأيك فيه امي
ام سامر. انا بعرف امو كتير منيح وبصراحة مارح نلاقي متلهم
نورمان. بس بعرفهم انهم معقدين وانا مابناسبني هيك شي

ام سامر. يي لك اخرسي لاتحكي هيك بلكي صار نصيب
بعدين كيف يعني معقدين

نور. يعني خواتهم البنات ممنوع يطلعو من البيت او يروحو عند حدا من الجيران
ومتل هيك شي يعني

ام سامر. هلأ هيك معقدين العمى شو انك مجنونة
نورمان. ياسيدي بكرا بيجو وبنشوف

نور عم تسمع حكيهم والغصة بقلبها راحت ع غرفتها وصارت تبكي

نور. لك شو الي عم بصير لك اذا بدو نورمان ليش ليبعتلي الاسواره وليش ليسأل عني شو عم بصير والله ماعم بفهم
لك هي الأسواره من مهند الي لسا مالحقت افرح فيها
اااه حتى الشخص الي حبيتو طلع لأختي مو الي
وهيا عم تدلل وبدها تفكر وانا بحلم بس اني شوفو اني اتطلع بعيونو
حتى الفرح مالو مكان بحياتي

لو الوقت مالو متأخر كنت رحت عند امل بلكي بتعرف شو عم بصير

في اليوم الثاني

نورمان. نور تعي شوفي هاد الفستان حلوو البسو اليوم ولا لاقي غيرو
شبك ليه ماعم تردي
نور. حلو
نورمان. وانتي ماما شو رأيك
ام سامر. حلو ولابقلك كتير

نور. امي بدي روح لعند امل شوي
ام سامر. اجليها لبكرا اليوم الجمعة وبكونو مشغولين
نور. بس خمس دقايق مابطول
ام سامر. طيب روحي

راحت نور لعند امل لحتى تعرف شو القصة

امل. اهلين نور
نور. شو عم بصير فهميني
امل. عن شو بتحكي
نور. انتي متأكدة انو مهند وقت اعطاكي الأسواره قال لنور ولا لنورمان

امل. ليش عم تسألي
نور. لك جاوبيني
امل. قالي انو لنور بس شو دخل نورمان بالقصة

نور. لك لانو اليوم مهند جايي هوا واهلو ليطلبو نورمان

امل. شووووووو شو عم تحكي
نور. لك والله ومبارح امو اتصلت وقالت انهم جايين
مشان الله فهميني والله مبارح مانمت الليل
مو عأساس مهند بحبني لك اذا بدو نورمان ليش جبلي هي الاسواره ليش

امل. نور اهدي شوي حبيبتي
نور. كيف بدك ياني اهدا لك اليوم رح يجي كيف رح اتطلع فيه

امل. انا متأكدة انو هوا كان بدو ياكي بس اهلو ماوافقو وبدهم نورمان
لانو وقت كان يحكي معي شفت الحب بعيونو وحسيت بحبو الك

نور. لك يعني شوووو
امل. يعني ما الك الا تنسيه
نور. هيك ببساطة انساه بس انا بحبو
امل. مافي غير هالحل
حاولي واكيد رح تنسيه
نور.. لك نور وين رايحة
استني شوي
لك نور

رجعت نور ع بيتهم وهي تبكي

امل. ولي ع هالمصيبة كيف هيك صار رح اتصل بهيفاء وخبرها

امل. الو.. هيفاء في شي بدي قلك ياه مهم كتير
هيفاء. شو في احكي

امل. لك خطتنا مع نور كلها انقلبت ضدنا
هيفاء. كيف
امل. لك مهند اليوم بدو يروح يطلب نورمان اختها لنور

هيفاء. عم تمزحي
امل. لا والله هي الحقيقة
هيفاء. ياحرام نور شو بكون صار فيها

امل. لا تخبريها انو هي خطة خليه ع اساس انو هيك صار
وبنقعها انو اهلو لمهند ماحبوها وبدهم نورمان اختها

هيفاء. ليش والله حرام
امل. لك شبكي اذا عرفت نور انو كذبنا عليها رح تخبر اهلها واذا خبرتهم رح يكرهوني ورح اخسر سامر