#أوقات_جنون_5 #أوقات_جنون
الحلقة الخامسة
(( @rwayate ))
شو بتعملي ليه مابتردي.. حكيتله انا عند صاحبتي وكان تلفوني جوا ماقدرت ارد لأنه كانت امها معنا .. وهلأ مروحه على البيت.. ووقفت عند دكانة قديمة وحكيت لصاحبها أنا بدي استنى عندك شوي اختي جاية.. وشاف حالتي مزرية حكالي شو صاير معك يا بنتي مين ضاربك؟ حكيتله تعبانة عمو .. قعدني عنده وشربني ميه وضيفني من عنده وحكالي احكيلي شو صاير معك.. وفجأة وصلني على الواتسب مسج بحكيلي.. اطلعي من الدكانة بسرعه أنا برا ! نصدمت وتطلعت بالختيار اللي بالدكانة وهوه بسألني مالك ؟ وانا بقول براسي! كيف قام ولحقني وشافني وين أنا ؟! .. وصلني المسج على التلفون ونصدمت وصار يطلع عليه صاحب الدكانة ويحكيلي خير عمو شو في ؟ حكيتله أنا عمو ملاحقه من حدا مابعرفه وخايفة كتير وهوه اللي عمل فيه هيك.. أنا لازم أهرب بسرعه.. حكالي لا تهربي تعالي أنا بخبيكي عندي بالدكانه .. حكيتله وين والدكانه صغيرة .. قلي في مكان جوا متل حمام صغير وصعب حدا يشوفه بس تعالي معي.. دخلت معاه وخباني بالحمام وسكر عليه وحط عالباب شغلات عشان ينكشف المكان.. دخل واحد على المحل بعد ماخباني وسمعت صوته .. كان صوته غريب ومختلف عن الشخص اللي لاحقني وطخه صاحب التكسي برجله.. قله في بنت شعرها أسود لابسه جكيت بني دخلت لعندك من شوي؟ قله لأ أنا لحالي بالدكانه وشوفة عينك مافي زباين بهالحي ولا حدا بمر عليه وبحضر تلفزيون وأخبار وباكل بزر واصلا ليش في بنات بهالمنطقة ؟ صار يصرخ الزلمة ويحكيله أنا شفتها دخلت لعندك لا تكذب وأحكي الحقيقة والصراحه.. قله يمكن متوهم ودخلت بالمكان اللي جنبنا .. في كمان دكانه تانية قبالنا يمكن راحت عليها.. تداريت جوا الحمام وبعد دقيقة صار المكان هدوء تام وصار صاحب الدكانه يشيل الأغراض اللي عالباب وطلعني.. حكالي خلص طلع يا بنتي.. بس احكيلي مين هاد ؟ قلتله عمو كان مبين وجهه للشب؟ قلي اه ماكان لابس شي.. قلتله كيف شكله .. حكالي شب وجهه مدوّر ولحيته سودة.. طويل شوي وناصح ولابس سنسال.. شكله ازعر بس احكيلي انتي شو جابك لهون.. حكيتله مش عارفة المواصفات غريبة عليه.. بس مستحيل يكون نفس الشب اللي خطفني.. هدول أكتر من واحد .. حكالي انت نخطفتي ؟ قلتله عمو شكراً كتير كتير عن جد انا لازم أروّح لأنه اهلي بستنوني واختي هيها بترنلي.. حكالي في خطر عليكي خليكي هون يمكن هدول لسه برا.. حكيتله لا تخاف أنا قوية .. وطلعت فوراً من المحل.. بعد دقيقة كانت اختي جاية بآخر الشارع ومعها سيارتها.. قلتله منيح اجيتي .. حكتلي شو مالك شو صاير معك مين ضاربك ؟ قلتله مش وقته بسرعه اطلعي.. طلعنا وضلت تسألني شو مالني.. قللتها عذبني هالحقير وما خلى شي ماعمله فيه.. قلتلها كهربني ومزّع أظافري وصارت شغلة بحكيلك عنها بعدين لأنه الشب نطخ .. صرخت وحكت شو بتحكي ؟ انتي طخيتيه ؟! قلتلها لألأ صاحب التكسي الغبي اللي لحقني.. مابعرف شو فكرني بنت شوارع ولا شو لحتى لحقني.. بس ماقدرت اكشف الغطا عن وجهه وماقدرت اشوفه بس هدول اكتر من حدا اللي عم يلحقونا .. واللي بعتلك وانا عنده أكيد كان معاه بالبيت بس ماشفته وبس طلعت بعتلك لأنه لحقني وعرف اني بالدكانه اختي صفنت وصارت تحكيلي في حدا عم بلحقنا.. في سيارة ورانا لونها أسود من أول ماطلعنا وهيه ورانا وأنا بروح شمال بتيجي شمال بروح يمين بتيجي يمين.. قلتلها ضيعيها بسرعه .. فوتي دخلات ادعسي بنزين بسرعه هاد أكيد الشخص التاني وبده يجيبني عشان يلبسني قضية اني طخيته لهداك.. صارت تسرع بالبنزين وفجأة صارت السيارة جنبنا وتدعم فينا من جنب بدها توقعنا.. واحنا نصرخ ومش شايفين شي لأنه شبابيك سيارته كلها أسود .. حكيتلها رح يوقعنا حاولي تبعدي عنه .. واختي ضلت تحاول .. ونديم يرن عليه وماكنت قادرة أرد .. بس فجأة دخلنا شارع بعيد عن هالحي وفي ناس بس سيارة هاد الشخص ماتركتنا وخلتنا نصدم بعامود .. وعملنا حادث دخلنا بالعامود وتركنا وراح.. وضربنا فيه وصار ينزل من راسي دم وأختي تشنجت وصارت تبكي حكيتلها تغريد صارلك شي؟؟ تجمّعو علينا الناس وصارو يحكولنا شفنا السيارة دعمتكم للعامود حتى تخبطو فيه.. خلينا نوخدكم عالمستشفى وقدمو بلاغ بالشي اللي صار.. رحنا عالمستشفى واجت الشرطة لعنا بس انا حكيت لأختي ماتحكي شي لأنه رح انفضح ورح يعملو فيه العمايل لو حكيت ومش بعيد يلبسوني القضية اني طخيته لأنه انا مسكت المسدس وضلت بصماتي عليه وخايفة يكون توفى او صارله شي.. انا خايفة كتير ومش عارفة شو بدي اعمل.. لا تشتكي ولا تقدمي بلاغ عن حدا ولا عن المكان اللي كنت فيه.. وتغريد ردت عليه.. اتصلنا بعايدة واجت عالمستشفى وشافتني وجهي كله ضرب وتعبانه وصارت تسأل وطلبت نقدم بلاغ بس اقنعتها انه رح اشرحلها بس نروح عالبيت.. ضليتني بالمستشفى ساعتين وطلعوني لأنه مافي عليه خطر .. حكيتلهم شو اللي صار بالتفصيل قبل مانوصل عالبيت لأنه البيت صار بخوف بالنسبة لإلنا.. وصلني مسج عالوتسب بعد ساعتين من وصولي عالبيت ..

#أوقات_جنون_6 #أوقات_جنون
الحلقة السادسة
(( @rwayate ))
برغم اني كنت اغصبها لنروح نوكل.. بس مابترضى.. وصارت الساعه تلاتة .. رن نديم وحكالي بدي اشوفك بعد نص ساعه وينك مختفية .. حكيتله صاحبتي عازميتني على مطعم وبدنا نروح حكالي أنا بعزمك بس احكيلي وين رح تروحوا .. قلتله لأ جمعة بنات شو مجيبك .. خلص انسى.. صرخ عليه عالتلفون وحكالي انتي ابصر شو مالك شكلك بتضحكي عليه وبتتسلي ليش بتتهربي مني صرلي يومين بحكيلك تعالي نطلع وبدي اشوفك ومابترضي اكيد في شي ؟! قلتله لأ .. حكالي هيني جاي عالجامعه .. قلتله لأ انا طلعت .. وتهربت منه وسكرت السماعه وطلعنا بسرعه.. كنت خايفة يجي وهوه حس انه في شي وبرغم انا حبيته ومابدي اخسره الا انه كان عندي اصرار اعرف مين هالشخص وشو بده مني بالزبط وسلمى اصرّت تروح معي للمرة التانية لعنده وخبرت خواتي عشان يعرفو اني رايحه وصرخو عليه عالتلفون وحكولي تروحيش رح نخبر الشرطة .. بس أنا هددتهم لو خبرتوا الشرطة أنا رح اروح فيها وهوه بستفزني وبهددني خليني اعرف شو بده وانا متاكدة مارح يأذيني لدرجة الموت بس بدي اعرف شو اخرتها.. ورحت معها للمنطقة المقطوعه مرة تانية ولنفس الشقة .. بعتلي .. شفتك بالعين الساحرة مين معك ؟ ليش اخلفتي بالوعد وجبتي حدا معك احكيلي؟ قلتله هاي صاحبتي اصرّت تيجي تشوف مراحل التعذيب اللي بدك تعملها فيه للمرة التانية وتشوف هالفيلم الحلو.. فتحلنا الباب .. وسكر علينا وصار يحكي لسلمى بتقعدي هون وما بتطلعي صوت لأخلص .. والا رح اعمل فيكي متلها فاهمة .. قالتله لأ مش فاهمة وانت لازم تحكيلنا مين انت ومش هيك بتنحل الأمور ولو كنت زلمة عن جد بتحكي مين انت وبتشيل هاللفحة اللي حاططها عشان نعرف مين انت بس شكلك مش زلمة .. قاللها زلمة غصب عنك ورح أشيلها لأشوف شو بطلع معكم وشو رح تعملوا .. وهاد اذا طلعتوا من هون أصلاً !!! صفنت بسلمى وهيه عم بتحاول بالشخص المجهول بكل ثقة ومش خايفة من شي.. وبتطلب منه يشيل اللفحة من على وجهه لنعرف مين هوه .. وحكتله انت مش زلمة ولو زلمة بتشيلها .. وهالشي اللي خلاه ينجن ويحكيلها زلمة غصب عنك وبدون مايمد إيده عليها .. واجا ليشيل اللفحة غيّر رأيه .. ومسكها وربطها وحط المسدس على راسي حتى ما أصرخ وحكالها ماتطلعي صوت لأقتلك.. بس أنا حاولت أصرخ ضربني على راسي وربط تم سلمى وخلاها تتطلع عليه من بعيد وأنا بتعذب .. جاب سطل مي وصار يغرق وجهي فيه وأنا عم بختنق شوي شوي.. وروحي عم تطلع وعم بطوّل عليه الفترة اللي جوا المي .. وسلمى عم تحاول تحكي بس الشريطة اللي رابطها على تمها مانعيتها من الحكي.. مرت ساعه وهوه عم بجرّب عليه شغلات ونذليت إله ذل ما نذله بني آدم على وجه الأرض.. وبعد ماخلص رماني على الأرض وبزق عليه.. وصار وجهي أحمر من اللي شفته منه وفك سلمى وحط المسدس على وجهها وحكالها اذا بتحكي اللي صار هون رح اقتلك.. اطلعوا يلا وموعدنا بكرا.. طلعنا فوراً من المكان وضلينا نمشي ونركض لحد ماوصلنا للمنطقة اللي فيها ناس .. دخلنا مطعم ارتحنا والكل كان بتطلع عليه كإني عاملة عمله من شدة التعب اللي ملاحظينه بوجهي وأثار التعذيب وكلهم يسألوني في شي؟ بدك شي؟ وانا اهرب واتهرب من جوابهم .. طفيت تلفوني حتى مايبعتلي شي وصرت احكي لسلمى ماتحكي لحدا عن اللي صار .. هاي مشكلتي وانا بحلها.. صارت تحكيلي الشي اللي صار مش عشان شب تركتيه او هيك .. اللي شفته اكبر من هيك .. مش معقول شو مريض ومجنون .. عذبك وكمان شوي كان رح يقتلك .. انتي مش لازم تسكتي .. المفروض تحكي للشرطة خلص.. قلتلها لأ انا خايفة يفضحني .. ويطلع عليه حكي .. خلي الناس حافظة هالكم شغلة منيحه اللي عملتها معهم بحياتي احسن ما يفضحوني .. انا بعرف في كتير ناس بتكرهني وبدها عليه غلطة .. لأنه معظم الناس اللي عرفتهم ما عرفوا مني الخير.. وأنا حبيتك وحبيت صداقتك وكنتي احسن من جوانا .. حكتلي مين جوانا؟ قلتلها هاي بنت حقيرة وواطية.. تخانقت انا وياها عشان شب كانت صاحبتي والروح بالروح وطلعت بتحب تيم اللي كنت بحبه بس هوه أهبل وغبي وكان سامحلها تدخل حياته لهيك تركته وصارت خناقه بينا بنص الجامعه .. ومن وقتها ما بوثق بالبنات ابداً.. حكيتلها .. ممكن والله !! ممكن تكون هيه اللي خلت هالشب ينتقم مني عشان تيم ! .. معقول هيك ؟ حكتلي ممكن كل شي بس أنا حاسه انه الموضوع اكبر من هيك.. معقول هاد تيم !؟ حكيتلها مستحيل اصلاً هوه مش طويل كتير وهاد شفتي طوله كيف .. بس أنا متأكده اني سامعه صوته بس مستحيل يكون تيم مستحيل يكون هوه .. قالتلي طيب مين ممكن يكون .. حكيتلها في شي صار مبارح .. بس عذبني كتب شي على ظهري معقول كتب اسمه ؟ حكتلي وين .. قلتلها بنص ظهري.. حكتلي كيف بدي اشلحك بالبلوزة هون بالمطعم.. قلتلها خلينا نروح عالحمام جوا.. دخلت انا وياها على حمام البنات.. وشلحتني بلوزتي وحكيتلها شو مكتوب ؟ صفنت فيه واستغربت .. قلتلها احكيلي شو كاتب ؟ اسمه معقول ؟ قالتلي لأ مش اسمه ..

#أوقات_جنون_7 #أوقات_جنون
الحلقة السابعة
(( @rwayate ))
أجا اليوم التالت .. ولبست وقلت لخواتي ماتخافو عليه هاد بده يذلني.. وانا مستعدة اعمل اي شي بس اخلص منه هالحقير.. بعتلي .. ماتحكي حقير لو سمحتي .. صرت اسب واحكيله الله يوخدك ياواطي بتراقبني بكل مكان وبتعرف شو بنحكي.. ولك بطلعنا نوخد راحتنا بالبيت .. والحمام مابنفوته الا بالليل لما يكون مافي ضو .. وبنلبس لبس طويل حتى ماتشوفنا ياكلب.. الله ينتقم منك .. حكالي لا تطولي بستناكي .. أوقات الجنون النا سوا لسه ماخلصت .. بهاللحظة نجنيت رسمي.. ورحت للشرطة .. بعد ماطفيت تلفوني.. وحسيت اني مش مراقبة لأنه كان مأمن اني مارح اعمل اي اشي.. حكيتلهم في حدا بعمل معي هيك هيك وبده يقتلني وهددني بكتير شغلات وحاط عليه مراقبة .. وارتحت لما حكولي انهم رح يلحقوني على البيت حتى يمسكوه .. بس أول ماطلعت من المغفر وشغلت تلفوني.. وصلني مسج بحكيلي.. خدعتيني ورحتي للشرطة .. خواتك انخطفوا .. وأنا مش بالبيت .. ورح نقتلهم حتى تموتي شوي شوي .. والصور وكل شي رح ينتشروا بكل مكان بعد شوي .. وانا ماحد رح يعرفني لأنه مافي حدا بعرفني.. قلت كيف عرف ! حاطط عليه مراقبة .. صرت اصرخ متل المجنونة بكل مكان وبالشارع ورحت للشرطة قلتلهم شوفوا المسج .. خطف خواتي وهرب من بيته.. اخدوني معهم واخدو دورية على بيتنا .. دخلو على البيت مالقوا خواتي وما كان في أثر لشي.. بس في ورقة مكتوب فيها.. هاد نتيجة خدعك لألنا لأنك ما استنيتي .. صرت ابكي واحكي خواتي مستحيل .. رن عليه نديم بهاللحظة وحكالي شو بتعمل الشرطة عند باب بيتكم .. شفتهم وانا جاي كنت جاي اصالحك ..ماكنت متمالكة أعصابي من البكا .. وصرت احكيلهم لازم تلاقولي خواتي.. حكولي ماتخافي رح نلاقيهم وهاد الشخص رح ينمسك .. بهاللحظة اخدوني على المغفر وخلوني احكي كل اللي صار وبمين شاكه .. قلتلهم جوان أول وحدة لأنه فضحتني بالجامعه وصارت خناقة بينا ومن وقتها نقطعت علاقتي فيها وبطلت اشوفها وشكلها عملت هيك عشان تيم.. وجيبوا تيم كمان خلوه يعترف.. قاللولي في حدا تاني.. ماكنت مقتنعه بشكي من ناحية رعد بس حكيلتهم رعد كمان وجيبوه بدي اجيب كل حدا عرفته .. حتى اعرف مين هالحقير اللي بعمل هيك وشو بده مني .. وما كان مكتفي بالشي اللي عمله معي وبده يعذبني كمان أكتر .. لازم يندم على الشي اللي عمله بس اهم شي خواتي يرجعوا انا مش قادرة بدونهم ورح اموت لو صارلهم شي.. حكولي ماتخافي وفي دورية راحت على بيته مالقيو شي والشقة متروكه شكله في حد تاني كان براقبك وشافك لما دخلتي عنا وعرف انك جاي تشتكي فخبره.. انتي حكيتيلنا انه صاحب التكسي طخه برجله ؟ حكيتلهم اه.. قالولي معناته رح نقدر نكشف مين اللي عمل هيك لأنه حيكون يعرج ومشيته مش طبيعيه ولسه عم بتعالج في حال واحد من هدول الأشخاص اللي مشتبه فيهم أو بساعد هاد الشخص المترئس المهمة.. جابوا كل اللي اشتكيت عليهم للشرطة .. واحد واحد وأول وحدة جوانا .. بشلوا يسألوها شو علاقتك كانت مع دانا.. حكتلهم انا قطعت علاقتي فيها من زمان وبطلت احكي معها لأنه الشب اللي حبيته طلعت بتحبه وعلى علاقه فيه وهوه اهبل ومش عارف يتصرف مرة بحكي بده ياني ومرة بحكي بده ياها فيكم تسألوها شو كانت ماسكة عالشب حتى حبها وتعلق فيها وتركني على شانها .. حكولها كيف صارت الخناقة .. قالتلهم تخانقنا بالجامعه بالسكوير قدام كل الشباب والبنات .. وتيم هرب بنص الخناقة عشان ماحدا يعرف انه تخانقنا عشانه .. وأنا من يومها مابحكي معها وما الي مصلحة اني انتقم منها لأنه اصلاً تيم واحد خيخه وطلع مش زلمة وتخلى عني وهيه مابتعنيني .. بعد التحقيق راحو شافو بيتها ووين ساكنه ومين الناس اللي بتعرفهم بس لما طلعت من عندهم شافتني وحكتلي .. كل اللي بصير معك نتيجة أعمالك وتأكدي أنا ما الي دخل بشي .. بس القدر عم بحاسبك على عمايلك وعلى مشاعر الشباب اللي لعبتي فيها وحتى عليه وشوفت حالك عليه وعلى عيلتي الفقيرة .. وبتتذكري بس كنا نطلع على السوق سوا وتقعدي تتمسخري على لبسي انه عادي ومن المحلات وانه لبسك كله ماركات وبراندز وقصص وكل هاد وما يكون هامك مشاعري.. بس تأكدي انه انا مستحيل أنتقم لأنك حشرة ووحدة متخلفة وأنا مابوسخ أيدي فيكي واللي بنتقم منك هوه القدر بس بطريقة غير مباشرة.. ورح تندمي .. واذا ما اجت بخواتك مارح يكون إسمي جوانا .. حكيتلها الله يوخدك لو صار شي بخواتي أنا رح انتحر.. حكتلي شكله بالآخر هيك نهايتك يلّا سلام.. وبعد ماراحت ضل الشك براسي انه مين ممكن عمل هيك وليش بدي اعرف انا شو عملت .. اجا تيم وصرت اصرخ أول ماشفته .. دخلوه على التحقيق وحكالهم أنا كانت علاقتي فيها علاقة عابره وسريعه ..

#أوقات_جنون_8 #أوقات_جنون
الحلقة الثامنة
(( @rwayate ))
حكالي ماتجيبي هالسيرة علسانك كان قصده عسيرة المخدرات لأنه خايف من المراقبة .. وانا اخدت راحتي بالبيت ونسيت حالي وهوه بحكي معي بس روحنا برغم انه البيت مراقب بس كنت مفكرة انه خلص مافيه يمسكني او يشوفني.. وبعد ماطلع بابا من البيت وصلني مسج على التلفون بالواتسب بحكيلي سمعت كل شي .. وابوكي تاجر مخدرات كمان !! عيلة واطية وقذرة .. وخواتك بخطر .. لازم تعرفي هالشي.. طبعاً كان الرقم جديد لأنه الرقم القديم اعطيته للشرطة .. وحكالي لو الشرطة عرفت بهالرقم رح اموت خواتك .. وقد اعذر من انذر .. صرت متل المجنونة ادوّر عالكاميرات بالبيت واصرخ وكسرت كل البيت وكل شي قدامي ماخليته صالح .. وصرت ابكي .. وهوه بحكيلي.. هيك بكون عم بعذبك من بعيد .. ومافيكي تقدري تعملي شي أبداً.. وحياتك لتندمي على الشي اللي عملتيه .. وبدون ماتعرفي مين أنا .. بكيت كتير وماكان حدا معي .. رنيت على سلمى .. حكيتلها بهددني برقم جديد ولحالي بالبيت بس الشرطة تحت وهوه عم براقبني وحتى الشرطة مالقت الكاميرات اللي بالبيت انا نفسي اعرف وين حاططهم .. دورت بكل مكان مالقيت شي.. حكتلي بتكون صغيرة ومخبية بمكان صعب رؤيته حاولي تلاقيهم وضلي حاولي.. حكيتلها بس هوه بهددني لو عملت اي شي رح يأذي خواتي.. وبهاللحظة حسيت في حدا بالبيت .. حكيتلها حاسه في حدا جوا .!! انا خايفة كتير عم بسمع صوت قريب من غرفة خواتي.. حكتلي بتتوهمي لأنك لحالك.. قالتلي طيب انا رح اسكر وانتي رني على الشرطة يطلعولك بما انهم براقبو تحت .. سكرت الخط وفوراً بلشت ادق على رقم الشرطي.. وقمت .. اتطلعت على السقف لقيت في شي أسود بلمع جنب الثريا .. عرفت انها الكاميرا الصغيرة .. انبسطت وجبت السلم من جوا برغم اني خايفة ادخل بس قلت يمكن اوهام متل ماحكتلي سلمى .. حطيت السلم عشان انزع الكاميرا من الثريا.. وقبل ما اشيلها كان حدا ماسكني من ورا وموقعني .. وشد إيده على راسي وحط محرمة على تمي وبهاللحظة غبت عن الوعي.. صحيت وماكنت شايفة اشي.. غرفة سودة كلها ظلام ومابعرف مين اللي أخدني وشو صار بعد هيك .. كنت حاسة إنه رجليه مربطة وعارفة منيح إنه أغمى عليه بالبيت من المحرمة اللي حطها هالشخص على تمي.. ماكنت عارفة أنا وين .. صرخت وحكيت مين هون ؟ وين حطيتوني ووين أنا ؟ وما معي تلفوني لأنه ضل بالبيت .. وفجأة حدا ضوا الضو .. شفت الشب نفسه اللي خطفني وكان لسه حاطط اللفحة على وجهه .. قلي انتي صرتي عندي.. ولسه حسابنا ماخلص.. رح أندمك على الساعه اللي رحتي اشتكيتي عليها.. مش كنا متفقين يخلص الإتفاق بينا خلال أسبوع وأعطيكي الصور وكل شي؟ ليش خنتي هالإتفاق ؟

#أوقات_جنون_1 #أوقات_جنون
الحلقة الأولى
(( @rwayate ))
كل شي بحياتي بمشي متل الساعه .. الوقت .. النظام .. الأكل.. الشرب.. البريستيج.. النوم .. كل شي إله موعد وإله وقت محدد عندي.. ومستحيل أفرط بدقيقة من وقتي.. الأحلام بالنسبة إلي واقع .. مافي عندي حلم مابتحقق لأنه عندي إصرار واللي براسي رح أعمله.. إسمي دانا .. بدلعوني دندونه عندي أختين أكبر مني .. أكبر وحدة إسمها تغريد والتانية عايدة .. كل وحدة فينا شخصيتها مختلفة عن التانية وحتى أشكالنا مختلفة والناس مابفكرونا خوات.. تغريد كتير طيبه كتير وبتخاف من كلام الناس ومستحيل تعمل شي غلط.. عكسي أنا .. دايماً بعمل الغلط ومابخاف من حدا.. بس اللي بوقفلي هيه عايدة .. شخصيتها قوية وأنانية شوي ومابتحب حدا مايسمع كلامها.. ماما سافرت وتركتنا بعد ماتطلقت من بابا لأنه تزوج عليها وسكن بعيد عنا لأنه مرته طلبت هيك ومابدها وجع راس.. وضليت أنا وأختي التنتين بالبيت .. بس اختي عايدة بتضل تتحسس من قصة اني كل مرة بحب شب وبتركه لأنه مش مناسب لإلي وعلاقاتي كتيرة ومابخاف من شي.. بس تغريد مابتعمل شي غير إنها بتنصحني وبس.. وأنا بخاف أحكيلها كلمة أجرحها خصوصاً انها اكبر مني بكتير وماتزوجت لهلأ ومافي حدا بتقدملها .. عكسي أنا.. كل مايحكي معنا بابا انه جاي عريس وحاكي معاه بتفكر انه جاي إلها ..بس بكتشفوا انه جاي لإلي.. وأنا تعبت من هالقصة كل مرة بتخانق معهم عشان قصة العرسان لأنه بيجوا لإلي وبس برغم إنه في كتير شباب بالجامعه بحبوني وبدهم مني كلمة بس أنا صعب أحب الشب من أولها.. هاي شخصياتنا وبعض من المشاكل اللي بتصير معنا .. لكن المشكلة الأكبر لسه ماصارت .. ولهون كانت حياتنا ماشية تمام ومافي غير هالمشاكل السخفية اللي بين الاخوات بتصير بسبب الأخت الصغرى والأخت الكبرى .. لحد ما أجا هداك اليوم .. اليوم اللي أجا فيه واحدو دخل علينا على البيت بدون ما حدا يحس وكان هالشي بنص الليل.. اختي تغريد كانت صاحية وقتها لأنها بتسهر وبتضل سهرانه غير أنا بسبب وحدتها القاتله ..كان الضو مطفي وصوت التلفزيون واطي.. سمعت صوت جوا ..فكرت انه القطة اللي عنا بالبيت وقعت شي أو بتتحرك وصاحيه.. بس الحركة ضلت موجودة بالكريدور ناحية الباب وأنا وعايدة نايمين.. أنا غرفتي كبيرة وبآخر البيت وغرفة عايدة وتغريد من الجهه التانية بعيد عني شوي.. قامت تغريد تشوف الحركة الغير طبيعية بالبيت.. طلعها هاد الشب بوجهها وكان مثلم وجه وماشافت ملامحه .. صارت بدها تصرخ حط إيده على تمها.. وحكالها أنا مش حرامي.. مابدي تخافي مني وخليكي طبيعية.. صار وجهها سخن وترجف وجرها لجوا.. دخلها على الغرفة وحبسها وحكالها أنا بعرفكم منيح وبعرف كل المشاكل اللي بتصير معكم.. حكالها أنا بعرفكم منيح وبعرف كل المشاكل اللي بتصير معكم .. وبعرف انك مابتحبي دانا وبتعملي حالك الأخت الحنونه عليها بس انتي مابتطيقيها لأنه معظم العرسان بيجوا لإلها وانتي وعايدة مابيجيكم حدا..وصار يحكي أنا جاي لهون لحتى أقتل دانا لأنها ضحكت عليه وخانتني وكانت تحكيلي عنكم.. وبهاللحظة وقعت اللفحه من على تمه وبيّن وجهه.. وصار يحكيلها كشفتي وجهي وممكن تبلغي عني .. بس أنا رح احكيلك شي.. أختك كتير عرفت شباب وخانتهم وأنا واحد منهم ومش تاركيتكم انتي وعايدة من شرك كمان.. وهلأ بدي أسألك .. إذا بدك ياني اقتلها رح اقتلها ورح أخلصكم منها بس إذا مابدك رح أروح ومضطر أخلي حياتكم جحيم كلكم ومارح تقدري تحكي اني اجيت لهون لأنه مافي دليل وأنا لابس كفوف وماحدا شافني بس دخلت عالبيت.. حكتله أختي لأ مستحيل أخليك تقتلها لأنها اختي وقد ماتعمل فيه مستحيل أقبل انها تموت .. سحبت حالي وصرت أحكيلها خلص بس ابقي احكيلها ترقبي اللحظات المجنونة مني وشو رح أعمل فيها وفيكم عن قريب.. وطلع من البيت.. اختي ما نامت وضلت تبكي طول الوقت.. وأنا نايمة بسابع نومه.. طلع الصبح.. وصحيت بغني ومبسوطه واختي كانت لسه بتبكي.. حكيتلها تغريد شو مالك ؟ احكيلي؟ شكله في عريس جاي جديد وماصار نصيب أو حكا انه بده ياني؟ انا تعبت من هالموضوع ارجوكي خلص بكفي شو اعمل يعني اذا العرسان بيجوا لألي.. وفجأة سكتتني وحكتلي اخرسي .. واسمعيني شوي.. في واحد اجا بالليل مبارح وهددني وحكالي انا بعرف اختك وهيه خانتني وكان ملثم ومارضي يشيل اللفحة عن وجهه وماعرفت مين هوه .. وحكالي بدي اقتل اختك بس أنا ترجيته وكنت ناوية اصرخ والم عليه الجيران بس شكله كان مسلح .. وحكالي لا تحكي لحد اللي صار لأنه رح أخلي حياتكم جحيم.. شفتي علاقاتك المتعددة شو عملت فينا ؟؟ كم مرة حكيتلك بطلي حبي واطلعي وكل مرة تحكيلي انتي غيرانه مني لأني بأول عمري وصغيرة .. وصاحبتي سلمى بتضل معي وبتنصحني وهيه متل أختي وبفهم منها لأنها قدي .. كإنه عمري أنا ميت سنة .. شفتي شو عملتي فينا .. حكيتلها ماعملت شي وأنا رح أربيه هالواطي اللي دخل بيتنا وأشتكي عليه.. حكيتلها لأ أوعك تعملي هيك أشي لأنه رح يحاول يدخل مرة تانية ..

#أوقات_جنون_9 #أوقات_جنون
الحلقة التاسعة
(( @rwayate ))
وفجأة قررت امشي واهرب وأنا كابسة على ألم ظهري.. وصلت لآخر الدخلة ولقيت الشخص الملثم طالع بوجهي .. بحكيلي تعالي لهون !! بتحاولي تهربي ياحقيرة .. إرجعي أشوف.. رجعني على الغرفة وصرت أبكي ..بحكيله وقعت على ظهري وعم بتوجع يمكن نكسر شي عندي .. قلي مافيكي البلى.. صرت أبكي وأصرخ وأحكيله موجوعه أنا بحكيلك مابضحك عليك وقعت عن السور العالي.. وهوه بحكيلي مش مصدقك لو شو ماتعملي.. وفجأة دخلت عايدة علينا على الغرفة وحكتله .. بتحكيلك موجوعه يابني آدم موجوووعه خليني أشوفها.. دخلت عليه عايدة بتصرخ على الشب وبتحكيله خليني أشوفها بتحكيلك موجوعه يا بني آدم .. صفنت فيها وصرت احكي انتي هون ؟؟ انا كنت متأكدة انك هون انتي وتغريد من شنتتها .. وجايبة شنتتها معها .. معناته القصة مش قصة خطف .. بدي أعرف شو صار وليش عملتوا فيه هيك .. حكتله عايدة شفت شفت كنت عارفة انها رح تفكر هيك !! .. حكيتلها كيف بتعملوا معي هيك .. كيف بتتفقوا عليه وبتخدعوني .. اتفقتوا انتو عليه عشان تنتقمو الله لا يسامحكم .. مش قادرة اتصور انه خوات بعملوا مع اختهم هيك مش قادرة .. ولكم عذبني وقهرني وذلني وشافني وشافكم واحنا مش لابسين وبهدلنا وكل هاد طلع منكم .. دخلت تغريد فجأة على الغرفة وحكتلي مش احنا مش احناااا.. نحنا ماعملنا هيك ومستحيل نعمل هيك .. صرت أتوجع وصار يحكيلهم الشب .. بكفي اطلعوا برا وخلونا لحالنا بسرعه.. حكتله عايدة بكفي خلص كل شي اله حد وما بنقدر نتحمل اكتر من هيك خليني اشوفها .. طلعوا برا وضليتني مع عايدة .. كشفتلها عن ظهري وحكتلي الضربة قوية ! لازمك مستشفى وقعتك كتير قوية.. حكيتلها ريحيني واحكيلي انتوا عملتوا معي هيك ؟ حكتلي وحياة غلاوتك عنا انه مش احنا ومستحيل نعمل هيك.. قلتلها طيب كيف؟ احكيلي كيف قدر يخطفكم والشرطة تحت البيت .. لولا ماتعاونتوا معاه ماكان كنتوا هون .. وشنتة تغريد معها.. حكتلي خلينا بجرحك هلأ وبعدين بتعرفي اللي صار.. قلتلها هلأ هلأ بدي أعرف شو صار.. قالتلي اه تعاونا معاه لأنه دخل عالبيت من الشباك الخلفي اللي جنب المطبخ وانتي بتعرفي انه احنا مابنسكره عشان ريحة المطبخ ولأنه الشفاط خربان.. دخل منه برغم انه صغير.. وهددنا بالمسدس اللي معاه .. وطلب نيجي معاه على البيت .. قلتلها يعني مش انتوا اللي طلبتو منه هيك .. حكتلي مجنونة انتي ؟ قد ما عملتي معنا وقد ما جرحتينا وحكيتي هدول عانس ومارح يتزوجوا وشفتي حالك علينا وعليتي راسك بعمرنا مابنعمل هيك.. انتي اختنا واحنا تربينا منيح وكنا إلك الأم التانية وبرغم انه ماما تركتنا وسافرت.. برغم انه ماما تركتنا وسافرت لأنه بابا تزوج عليها وما همها احنا بس ماتركناكي واشتغلنا وعلمناكي بس انتي شفتي حالك عليها بالشباب اللي عرفتيهم وتركتيهم .. احنا مستحيل نعمل هيك .. انتي اختنا مش بنت من الشارع .. وانا واختك مستحيل نأذي نملة كيف بدنا نأذيكي.. لازم تروحي مستشفى انا رح اروح احكيله هاد اللي جوا .. تركتني وراحت تحكي معاه .. وفجأة سمعته بصرخ وبحكيلها مستحيل تطلع من البيت .. أنا بجيبلها واحد يشوفها بس مستحيل تطلع فاهمة .. الشرطة عم تلاحقنا بكل مكان ورح تعرف انه اخدناها عالمستشفى.. بدك تفضحينا انتي! .. صارت عايدة تصرخ عليه وتحكيله خلص بكفي انت اخدت بتارك وزيادة اتركنا نروح اختي موجوعه وشكله عامودها الفقري تأثر بالوقعه .. لازم يشوفها دكتور .. أحنا مارح نشتكي عليك ورح نحكي للشرطة أنه انت ما الك دخل بشي ومارح نجيب سيرتك .. خلص اتركنا نروح .. قاللها انا علقت حالي معكم وعلقت وصار بالموضوع شرطة وخطف كيف بدك ياني اترككم تروحوا بهالسهولة وأنا متأكد أول مارح تطلعوا من هون رح تقدموا بلاغ فيني .. مارح تتركوني أعيش لا أنا ولا عيلتي.. حكتله تغريد .. بنوعدك .. بنوعدك أنه مانجيب سيرة .. نحنا مقدرين الوضع اللي مريت فيه وانت حكيتلنا على كل شي .. لهيك تأكد انه مارح نجيب سيرتك .. برغم العذاب اللي حسسته لأختي وحسستنا ياه بس هيه كمان لازم تعرف وتقتنع انه اللي كانت تعمله عيب وهيه تعلمت من هالتجربة وانت ماقصرت فيها.. اعطينا الصور اللي بتهددها فيهم واتركنا نروح بحال سبيلنا أبوس إيدك .. حكالها مستحيل.. مابقدر مابقدر.. في بنت بتدرس تمريض بعرفها رح انرلها تيجي .. رن للبنت واجت بعد ساعه.. دخلت على الغرفة وشافتني .. حكيتلها أنا وين شايفتك .. حكتلي أنا جايه أساعدك وطالعه من هون لهيك ماتسأليني شي.. حكيتلها أنا شايفتك وبعرفك .. انتي بجامعتنا أنا متأكدة .. ماكانت ترد عليه وكانت عم تداويني.. وحطتلي أدوية على ظهري .. حكيتلها احكيلي انتي بجامعتنا مش هيك .. بقسم التمريض اللي جنب كليتنا.. احكيلي شو مجيبك لهون بتعرفي الشخص اللي برا.. حكتلي .. اه بعرفك منيح كمان بس انتي مابتعرفيني ويمكن شايفيتني كم مرة بالجامعه بس أنا بعرف قديش انتي شايفة حالك ومتكبرة عالناس.. وعفكرة أنا بعرف جوانا..

#أوقات_جنون_10 #أوقات_جنون
الحلقة الأخيرة
(( @rwayate ))
معقول يكون من طرف نديم.. مستحيل مستحيل .. طيب مش من طرف ولا واحد من هدول .. مين ممكن يكون ؟ فجأة فتح الباب عليه .. ودخل الشخص هاد وهوه ملثم .. ضوا الضو ووقف قبالي .. حكيتله شو بدك ؟ ليه دخلت فجأة هيك وكيف بتدخل وأنا نايمة .. كان ساكت وأنا وقتها خفت وصرت أحكي شو بده يعمل هالمجنون .. صرت لسه بدي أصرخ وفجأة شال اللفحة من على وجهه.. دخل الشخص الملثم عندي عالغرفة.. وكشف عن وجهه .. صفنت فيه واتطلعت .. وهوه نفس الشي صفن فيني واتطلع بوجهي بدون مايحكي .. وأول كلمة حكيتله ياها مين أنت ؟ قلي في حدا رح يدخل عندك عالغرفة ويحكيلك مين أنا .. اتطلعي على الباب .. اتطلعت على الباب وكل شي فيني كان عم برجف.. وفجأة دخلت بنت مقعدة على كرسي متحرك وما كنت بعرف مين هيه .. حكتلي هيك بكون أخدت حقي منك .. حكيتلها حق شو أنا مابعرفك مين انتي ؟ حكتلي طبعاً رح تحكي انك مابتعرفيني.. لأنه اللي متلك سهل عليه يجرح الناس ويكسر خاطرهم وما يهتم مين همه .. خصوصاً لو هالشخص سمع الأذية بذانه وسكت .. بس أنا مش ضعيفة ولا معاقة لحتى أسكت وذليتك وأخدت حقي وغصب عنك .. قلتلها انتي بتحكي بالألغاز أنا مابعمري شفتك ولا بعرف مين انتي ! .. حق شو وأذية شو أنا بشو أذيتك أنا أول مرة بشوفك حكتلي لأ مش أول مرة بس أنتي ناسية مين أنا .. أنا يا بنت الناس إسمي سندس بدرس بالجامعه اللي انتي فيها تخصص تمريض.. وبيوم من الأيام كنتي عم تحكي مع صاحبتك جوانا وعم تضحكوا مع بعض ومش هامكم شي.. مريت أنا وأختي اللي بتدرس معي بالجامعه واللي بتعيني دايماً وبتوصلني على كليتي.. مرينا أنا وياها من جنب كلية الهندسة اللي انتي وصاحبتك فيها واللي اختي بتدرس معكم فيها.. ووقتها شفتيها عم تمشيني بالكرسي المتحرك للكلية.. وصرتي تحكي عني.. هاي مين بده يتطلع فيها ويتزوجها وهيه معوقة هيك !! .. مستحيل تتزوج هاي او حدا ينبلي فيها.. ووقتها حكتلك جوانا حرام عليكي تحكي عنها .. حكيتيلها هوه كلمة الحق بتزعل ! .. وما همك إذا أنا سمعت هالكلام أو لأ .. بس ماكنت قادرة أتحمل أو أنسى.. أختي حاولت تهديني وتنسيني لأنه هاي أول مرة حدا بجرحني هيك !!.. حكتلي وحياتك رح أخليها تندم .. قلتلها وأنا بدي أندمها على كلامها اللي حكتلي ياه ! .. بتعرفي مين بتكون أختي ! .. أختي بتكون سلمى يا فتاة المجتمع يا مرموقة انتي حكيتلها سلمى !! .. حكتلي اه سلمى وهاد الشخص اسمه سالم أخوي حلف يمين ينتقم منك ويندمك على كل كلمة حكيتيها وجرحتيني فيها.. وطلب من سلمى تصير صاحبتك وتتقرب منك خصوصاً انها سنة أولى بالجامعه نفس تخصصك وكان سهل عليها تصير صاحبتك وتتقرب منك بعد ماتركتي جوانا بسبب شب.. وطبعاً مهوه سهل عليكي تحبي شب وتتركي غيره لأنك بلا إحساس وعندك اللعب بالمشاعر شي طبيعي وعادي.. حكالها سالم أعرفي كل شي عنها ومين بتعرف ووين ساكنه وشو بتعمل ومتى بتنام ومتى بتصحى .. وجابت كل شي عنك يا عديمة الإحساس .. وحكيتلها أوعك توكلي معها أو تعاشريها بالمعروف لأنها انسانة قذرة وهاد اللي كانت تسمعه منك سلمى من صاحباتك.. كيف بتذليهم وبتعايريهم بلقمة الأكل .. ومنهم جوانا اكيد.. بس هالبنت ما كان الها ايد معنا ولا أي شخص من اللي اشتكيتي عليهم .. كانت علاقتنا معك علاقة إنتقام وخلص.. وحددنالها أسبوع .. وما كنا بدنا نأذي خواتك لأنه ما الهم دخل بقلة إحساسك وكنتي عم تعايريهم نفس الشي بإنهم بنات عوانس ومستحيل حدا يتقدملهم .. وانتي كنتي شايفة حالك البنت اللي مافي متلها وكل الشباب قاتلين حالهم عليها.. هلأ عرفتي الحقيقة ؟ وعرفتي انك بتستاهلي ! .. بكرا بتسحبي الدعوة فاهمة ؟ وما بتحكي مع سلمى ولا بتيجي فيها .. وفي حال فكرتي تقربي عليها يا ويلك.. رح أخلي خواني يحرقوكي حرق ويكون عذابك أشد من العذاب اللي شفتيه باليومين هدلاك فاهمة !؟ حكيتلها طيب وسكتت .. وطلعت من الغرفة واخوها طلع .. صرت أبكي وأبكي ومش عارفة اسكت .. قلت كيف ما كنت شاكة بسلمى كل هالوقت ! .. معقول اللي صار !؟ طلع الصبح علينا ونادتني تغريد وعايدة .. حكولي يلا رح نطلع .. حكتلي عايدة .. متل ماحكولك سالم وسندس بتعملي.. ورح نسحب الشكوى .. البنت نجرحت منك وسببتيلها عقدة طول هالفترة .. ياريت تتعلمي .. مشيت أنا وياهم وطلعنا من البيت القديم .. وما قدرت اتطلع بوجه سندس أبداً ونظراتها اللي بترمي سم عليه.. وصلنا بيتنا .. وصرت أبكي وأحكي شو بدي أعمل هلأ .. شو بدي أساوي.. انتوا مش حاسين أنا شو حسيت طول هالفترة وما شفتوا العذاب اللي تعذبته هلأ عرفت ليش راحت سلمى معي .. هلأ فهمت كل شي.. كانت بدها تشتفي فيني وتشوفني وأنا بتعذب من أخوها حتى تبرد قلبها وترتاح .. حكتلي عايدة كل هالحكي مابفيد .. لازم نروح عالشرطة ونحكيلهم انهم رمونا بمكان وتركونا وانه ماقدرنا نعرف وين احنا لأنهم ربطو عنينا .. وحتى تتقفل هالقضية وخلص.. جهزنا حالنا ورحنا على الشرطة ..

#أوقات_جنون_قصص
#أوقات_جنون_2 #أوقات_جنون
الحلقة الثانية
(( @rwayate ))
ليه هرب.. في شي أنا مابعرفه ؟ مش معقول بس لأنه خاف أنها تصرخ وتلم عليه الجيران متل ماحكت.. قالتلي سلمى.. أكيد في سر ولازم تعرفيه.. حكيتلها جوعانه أنا كتير .. قالتلي أنا لازم أروح ماما بترنلي.. بس اللي حسيته أنه تلفونها مارن أبداً وما ضوى حتى .. ماقدرت افهم هالبنت برغم اني مافهمت حالي أصلاً ليش تعلقت فيها.. وكنت خايفة كتير حدا يستفرد فيه بالشارع ويخطفني لأنه قصة القتل رعبتني وخوفتني من تغريد وصرت أخاف على حالي وأخد احتياطاتي بكل مكان وقررت أروّح عالبيت لأحكي مع اختي مرة تانية وتشرحلي شو اللي صار مبارح بالليل لأني ماصدقت أنه هاد اللي صار .. روّحت على البيت أسأل تغريد شو اللي صار بالزبط.. بس ماحكت شي للأسف وحكتلي مابعرف بس اللي حكيته .. قلتله لازم تحكي .. الشخص اللي دخل على البيت بالليل وكان بده يقتلني لو ماعرفنا مين هوه وما بلغنا الشرطة رح يضل وراي ويقتلني عن جد.. حكتلي ليش انتي من كتر علاقاتك بتخافي؟؟ كم مرة حكينالك انا وعايدة بطلي الي بتعمليه بس ماكنتي تردي.. قلتلها مش وقت هالحكي لازم تحكيلي كيف مواصفاته بسرعه حتى لو ماشفتي وجهه .. حكتلي انا شفت وجهه !! .. قلتلها شووو ؟؟ شفتي وجهه وليش حكيتيلي ماشفتيه.. قالتلي لأنه انتي بتستاهلي اللي بصير معك ولو حكيتلك مين هوه رح تشتكي عليه ويروح بستين داهيه والولد لو بده يقتلك كان قتلني أنا أول ودخل خلص عليكي بس هوه شكله مش هيك ومابعمل هيك واجا ليخوفك وبس.. وياريت تشيلي الفكرة من راسك مارح احكيلك كيف شكله.. قلتلها ارجوكي هالشب فعلاً بده يقتلني انتي بس احكيلي كيف شكله لأنه عم بشك بكل اللي بعرفهم وحتى نديم حبيبي .. قالتلي وليه عم تشكي فيه ؟ لأنك بطلتني تعرفي المنيح من السيء .. حكيتلها انتي بدك تضلي تعطيني نصائح وحكي فاضي .. مابدي اعرف ولو نقتلت ساعتها انبسطي.. واذا هلأ مابيجيكم عرسان كيف بس يصير في جريمة.. حكتلي رح تضلي تجرحينا انا واختك لأنه انتي الصغيرة واحنا كبار.. ومع هيك مارح احكيلك .. سحبت حالي وطلعت من الغرفة متوترة وحكيت مع سلمى .. كانت وقتها مابترد والرقم مشغول.. حكيت يمكن مشغولة مع حدا أو بتعرف حدا .. وبرغم الفترة اللي عرفنا بعض فيها الا انها ما اعترفت بكل شي وحسيتها بتتهرب من بعض الشغلات وكإنها على علاقة بحدا بس مارضيت تحكي كل شي لأنه شكلها بتخاف .. دخلت جوا كانت عايدة عم تجلي وفاتحه المسجل وأنا معصبة كتير .. حكيتلها وطيه شوي راسي نصرع حكتلي هاي طفيته يلا انبسطي وأنا داخله أنام.. تغريد دخلت تنام كمان لأنهم بنفس الغرفة وأنا مابعرف شو بحكوا بالليل عني.. كنت وقتها خايفة تحكيلها عن الشب اللي دخل البيت وتروح عايدة تحكي لبابا كل شي.. وكان بدي طريقة لأنسينهم الموضوع.. وخفت يرجع بهالليلة مرة تانية الشخص اللي بده يقتلني.. ولأني شاكة برعد .. إتصلت فيه.. حكيت معاه وقلتله انت لسه بدك ياني؟ لو بدك ياني قلي أنا مستعدة ارجعلك.. انا ماكنت وقتها بدي ارجعله لأنه انا على علاقة بنديم وبدي ياه بس بدي اتطمن من ناحية رعد أنه جد مابده يقتلني.. ويمكن تسرعت لما حكيت معاه.. حكالي ليش هسه بتحكي هيك ؟ مش كل شي بينا انتهى وانتي نهيتيه وحبيتي حدا جديد.. قلتله انت بتراقبني ؟ يعني عارف ؟ قاللي طبعاً بشوفك بتمشي معاه بالجامعه .. حكيتله ما انت يادوب تداوم هسه صرت تشوفني.. قلتله هاد مجرد زميل ولو فعلاً بدك ياني برجعلك.. حكالي مشغول هلأ عنا ورشة تصليح بالبيت وبعدهم عنا بهالليل بحكي معك بكرا سلام.. سكر الخط وتطمنت شوي.. مشطت شعري وغسلت وفرشيت سناني ورحت على غرفتي.. سكرت الباب عليه وفتحت الشباك لأنه كان الجو كتير حر .. ما كان جاييني نوم بهالليلة قلت بروح باكول شوي لحتى انعس وبشوف فيلم يمكن انام بالصالة بسبب الحر اتطلعت لقيت في شي عند الباب ماكان موجود .. شو هاد الشي .. كنت بسأل حالي.. رحت قربت ناحية الباب وشفت مغلف صغير جنب حفة الباب.. اللي حاطه راميه من تحت لحتى أشوفه.. كنت خايفة افتحه .. بس لأنه قلبي قوي فتحته.. كان في صور.. صور الي وأنا بغير ملابسي بالغرفة وبالحمام ومش لابسه ومخربش عليهم ومكتوب أنا براقبك وين ماتروحي مارح تفلتي مني أبداً ورح تموتي بسبب عملتك والصور رح تنتشر لو مارحتي بكرا على مكان .. وكان مكتوب المكان بيت بمنطقة بعيدة وبعرفها مقطوعه وماحدا بروحها ورقم البيت والحي.. ولو ما اجيت الصور رح تنتشر وبحكيلي اذا انتي شاطرة حاولي تلاقي الكاميرات اللي حطيتهم فبيتكم وبغرفتك.. نجنيت وصار بدي اصرخ بس خفت خواتي يصحوا ويلموني ويسبوني وأنا مابدي أبين قدامهم ضعيفة لأنه طول عمري قوية وماكنت مكسورة بسبب حدا.. خفت كتير وصرت ارجف واحكي وين حاطط الكاميرات وين مركبهم هالحقير.. لبست ملابس وحطيت الحرام على حالي ولفيت حالي منيح حتى ما يبين شي مني ورحت على الغرفة وصرت افتش بكل مكان ركزت بالصور وحاولت أعرف من أي زاوية ماخد الصور..

#أوقات_جنون_3 #أوقات_جنون
الحلقة الثالثة
(( @rwayate ))
حكولي شو في؟ قلتلهم هاد الشب اللي دخل على بيتنا عم براقبنا وكشفني وصورني وحالياً شايفكم ومش بعيد صوركم وانتوا بالحمام كمان .. وطلعت الصور من جيبتي وفرجيتهم.. نصدموا وحكولي مستحيل نفضحنا !!! .. قلتلهم الأحسن تحكولي مين هوه لأنه مارح يتركنا .. عايدة صرخت بوجه تغريد وحكتلها احكي بسرعه مين هوه !! .. تغريد مترددة وخايفة ومش قادرة تحكي.. وصل مسج على الواتسب بحكي فيه .. لو اختك حكت مين أنا رح أقتلكم هلأ كلكم خصوصاً انه أنا بالبيت وقريب منكم .. وختم الكلام بإبسامه : ) .. شفنا المسج اللي اجا عالتلفون وتشنجنا كلنا مرة وحدة .. حكيتلهم هاد بالبيت !!! .. شو بدنا نعمل بسرعه احكو ؟!؟! .. حكت تغريد خلينا نسكر الباب بالمفتاح.. هجمت على الباب وسكرته طقتين حكيتلها وبعدين ممكن يكسره .. حكت عايدة تعالو نجر الأثاث عالباب.. جرينا التخت للباب وجنبه مكتب خشب وعليه كراسي واغراض كتير بكل مكان.. حكيتلهم خايفة كتير.. معقول رح قتلني ؟! حكتلنا عايدة مش معقول الشي اللي بصير كيف دخل البيت واحنا مسكرين البواب أنا مش مصدقة أبداً.. حكيتلها متل مادخل المرة الأولى .. صفنت بحالي وبخواتي وحكيتلهم .. ؟ مهوه لو اللي بفكر فيه صح رح أنجن .. حكتلي تغريد بشو بتفكري.. قالت عايدة وطوووو صوتكم يمكن هوه برا وسامعنا خلوا صوتكم واطي.. حكيتلها مابدي احكي بشو بفكر .. قالتلي عايدة لأ أحكي .. قولي.. أنا عارفة شو بدك تحكي .. بس كنت حابة اسمعها منك.. قلتلها اه .. في وحدة منكم اعطته المفتاح عشان يخوفني.؟ انتوا عاملين كل هالتمثيلية عشان ابطّل اتعرف عشباب واحب واترك .. ومش بعيدة هاد واحد جبتوه لحتى ينفذ هالمهمة واعطيتوه رقمي.. وفجأة ضربتني عايدة كف عوجهي وحكتلي أخرسي يا قليلة الأدب ولك أنا بدي أخليه يصورك هيك صور يا قليلة الأخلاق.. فعلاً إنك بلا ترباية ولازم أربيكي من جديد.. صرت أبكي وحكيتلهم اه انتوا مابتحبوني.. بتكرهوني .. ومابتحبولي الخير لو بتحبولي الخير كان ما عطول بتحرجوني.. أنا حرة بعمل شو مابدي.. حكت تغريد ماكنت متوقعك بهالتفكير الدنيء.. وفجأة وصل مسج عالوتسب.. مسكت التلفون وأنا ببكي ولقيته كاتبلي.. ماتستعجلي وتحكمي على خواتك .. خلي الأيام تثبتلك كيف عملت هيك.. أنا عندكم بالغرفة .. صفنت بحالي وتشنجت نهائياً لا حركة ولا شي قالتلي عايدة شو مكتوب قرأيني !! احكي بسرعه .. ماقدرت احكي.. اخدت التلفون من ايدي وشافت .. وبلشنا نرجع لورا لعند الحيط.. وبلشنا نرجف كلنا.. إنه كيف دخل الغرفة ؟ هوه بضحك علينا.. قلتلها بدي اربيه هالواطي.. ضربتني عايدة على ايدي وحكتلي اسكتي اسكتي.. بدك تودينا بداهيه.. اتطلعت وصرت ادور بالغرفة.. اتطلعت وصرت ادور بالغرفة انه وين ممكن يكون متخبي.. كان في ظل بتحرك تحت التخت التاني تبع عايدة .. صرت أأشر لخواتي بأصبعي ناحية التخت إنه هوه تحت .. !! صرنا نرجع شوي شوي لحد ماوصلنا لآخر الحيط وماعاد في مهرب.. ساكتين ومافي صوت وبنفس الوقت مش قادرين نحكي من الخوف.. والأثاث كله صار ناحية الباب مافينا نهرب.. مسكت التلفون وصرت ابعلته .. انت بتحكي جد ولا بتمزح ؟ كتبلي .. أه بحكي جد .. كتبتله انت كيف شفتني لكن بالكاميرات ؟ كتبلي .. مشغّل التطبيق على تلفوني والصور جاهزة وقي شخص تاني حط المغلف تحت الباب.. شو مفكرة احنا عصابة! .. كنت بكتب وبفرجي خواتي شو بوصلني.. قلتله طيب انت وين بالغرفة ؟ .. كنت عم بلقط انفااسي بصعوبة وعيوني بكل ناحية بالغرفة وخايفة يطلعلي من أي مكان .. كتبلي أنا بمكان آمن .. وراكم ! .. حكيتله انقلع يا كذاب.. وبلشت أسمع صوت ورانا .. حدا بدق .. كان ورانا خزانة بالحيط.. خزانة خواتي بتختلف عن خزانتي أنا خزانة عادية وهمه مصممة بنفس الحيط.. قلتله انت فيها ؟ حكالي اه .. وصرت اسمع حدا بدقلنا .. صرخنا كلنا ورجعنا للحيط التاني.. وفجأة بلشت تفتح الخزانة .. عرفنا انه خلص رح يطلع منها.. حاولنا نشيل التخت مرة تانية والأغراض بس كنا حاطين كتير شغلات ومافي وقت لأنه خلص فتحت الخزانه .. وفجأة طلع منها وعوجهو اللفحه وصار يحكي بصوت أول مرة بسمعه ولابس جكيت أسود طويل .. عشان ما اعرف طبيعة جسمه .. صوته مغيره بطريقة عبقرية.. حكيتله انت كيف دخلت لهون .. ماكنت متمالكة اعصابي وخواتي مش لابسين منيح وهوه جوا البيت.. وكان حامل مسدس بإيده ومافينا نقرب ولا نبعد .. قلتله دخلتك عالبيت مش طبيعية كيف دخلت فهمني وانت مين.. حكالي كلمة تانية بفضي المسدس براسك .. اخرسي .. قلتله شو عملتك أنا .. حكالي أخرسي اخرسي ماتحكي فاهمة.. قلتله ماشي.. حكا كيف دخلت البيت وكيف ماشفتوني وكيف أنا بالغرفة هلأ .. رح تعرفوه بعدين ومن حالكم ومين أنا مارح تعرفو مين أنا لو شو ماعملتو .. وبعد ما اذلكم وأوطي روسكم بين الناس واخد اللي بدي ياه رح اشفي غليلي منك ومن خواتك.. حكيتله شو دخل خواتي؟ قلي حكيتلك اخرسي واسمعي..

#أوقات_جنون_4 #أوقات_جنون
الحلقة الرابعة
(( @rwayate ))
قلي بتعرفي انه هالمنطقة مقطوعه وكل اللي بسكنوها ولاد حرام ؟ يعني انتي مش هامك ؟ حكيتله مادخلك ونزلت بسرعه .. ضل التكسي واقف وأنا استغربت رحت وقفت ناحية حيط وانا بتطلع على ارقام البيوت .. وبدوّر على الرقم تلات طعش لقيت التكسي لسه واقف هربت ورحت للشقة .. بعتلي على الواتسب هيني شايفك اطلعي العمارة وماتطلعي أصنصير لأنه خربان اطلعي عالدرج للشقة عشرة.. ضليتني على اعصابي ومافي ولا حدا معي.. بس لوحدي.. وصلت الشقة عشرة ووقفت عند الباب .. كان في شقتين وأنا مش عارفة وين اروح .. بعتلي رح أفتحلك ..! .. فتحت الشقة اللي عاليمين .. وطلعلي منها .. لابس نفس الأواعي واللفحة على وجهه.. بلشت أرجف .. وبطلت عارفة شو اعمل.. كان البيت فاضي ومافي ولا أثاث ولا شي.. بس كرسي.. حكيتله شو هاد ؟ حكالي بدي أعذبك .. حكيتله شو بتحكي وبلشت بدي أهرب.. حكالي الصور معي وبكرا رح انشرهم في حال ماقبلتي تتعذبي.. وحط المسدس على راسي وحكالي اقعدي على الكرسي.. كان مربط بسلاك كهربا ..حكيتله طيب ليش هيك بدك تعمل.. قلي أنا مجنون وبدي أطلع جناني فيكي.. ورح بعطيكي الصور وكل النسخ اللي عندي وافك عنك بس اخلص تعذيبك.. ورح تيجي لعندي كل يوم لمدة اسبوع تتعذبي لحد ما ارتاح واعفي عنك.. وماتخافي مابدي منك أشي لأني بقرف منك وبشمئز من شكلك المقرف.. حكيتله انت بدك تموتني على البطيء.. كنت برجف ومش قادرة وشوي ورح يغمى عليه.. حكالي اه هوه هيك ووقت ما احس انه ارتحت رح اتركك بحال سبيلك.. وصّل سلاك الكهربا وطلب مني أحط رجليه بدلو مي سخنه بتغلي .. وشفته مجهز بالغرفة التانية شغلات .. وأساليب عذاب.. كنت بدوّر على اي شي يخليني أضربه بس كان المسدس على راسي طول الوقت.. حكيتله طيب احكيلي انا شو عملت عشان ارتاح وبعملك شو مابدك.. بدك مصاري؟ رح اعطيك كل شي بملكه حتى ذهبي وذهب خواتي فوقه رح اعطيك ياه.. حكالي جد انك حقيرة وواطية.. انتي بتحبيش خواتك ليه ؟ للحظة حسيت الصوت بعرفه !!! .. اه بعرفه .. بلش يقرّب الصوت مني شوي شوي وبلشت أقدر أحس بالصوت اكتر لأنه البيت فاضي والصوت برد على صدى الصوت .. وهوه عم بغيّر صوته من خلال هاللفحة الخميلة ومن خلال شي حاطه بتمه بس الصوت قريب جداً من حدا بعرفه.. ضل يحكي وضليتني بسترجع لحظات وأصوات براسي لناس بعرفهم .. بس كان الصوت بعيد شوي وماكنت قادرة أميّز .. وفجأة شغّل الكهربا .. وربّط رجليه بالأرض وقلي بعد ما اكهربك رح تحطي رجلك بهالميه ومن كتر ماهيه بتغلي ماكنت قادرة اتصورها .. والفقاقيع عم تطلع منها من كتر ما هيه سخنه.. حكيتله ليش والله حرام عليك.. رح اموت انا بخاف من خيالي لا تعمل فيه هيك بترجاك.. صرت اتوسله واحكيله خلص اعفي عني وشو مابدك بعمل.. حكالي بدك تتعذبي يعني بدك تتعذبي واذا ماقبلتي رح احط الطلق براسك واريحك من حياتك نهائياً .. حكيتله خلص اعمل اللي بدك ياه.. وسلمت أمري لألله وبعد دقايق غمضت عيوني.. وبلش جسمي ينتفض وأصرخ .. كانت الصعقات عم تخليني أدوخ.. وبطلت احس بجسمي ووجهي صار سخن .. حكيتله بكفي عم بموت .. بكفي ما تشغلهاااا ماتشغلهااا بكفي.. وهوه مش راحمني والكهربا عم تنفض كل جسمي بكل ضغطه عم بضغطها.. وبعد ما شاف وجهي صار يتحول من الإرهاق.. شال عني اللزقات اللي شاددني فيهم بالكرسي ونيمني على الأرض وصار يضرب براسي عشان اصحى واصحصح.. وانا ماكنت واعيه شو عم بصير وعم بهلوس من الكهربا.. مسك رجليه وانا صرت بشد وبصرخ وهوه بحكي الصور رح تنتشر يا دانا حطي اجريكي وارحمي حالك .. وانا اشد لورا وخايفة.. رجع حطني على الكرسي وقلي رح اخليكي تحطي رجليكي بالميه واكهربك.. وساعتها رح تموتي.. اضغط الكبسة ولا تحطيهم بدون كرسي؟ .. حكيتله خلص بحطهم بحطهم.. دموعي عكل خدودي وأنا بصرخ وماحدا سامعني.. حطيت رجليه بالدلو وصرت اصرخ وشلتهم بسرعه .. وأنا بصرخ وبحكي الحقوني الحقوني.. وهوه بضحك وبحكيلي ماتخافي ماحدا رح يسمعك أبداً ... وماحدا ساكن بهالعمارة .. كل اللي فيها سافرو وماتو وانقرضو من سنين.. حكيتله الله ينتقم منك .. والوجع عم بزيد برجليه.. سحبني من شعري للغرفة التانية وكان عليه متل طاولة وسكاكين صغيرة.. حكيت شو بده يعمل هاد المجنون.. وأنا مصدومة وموجوعه.. حكالي اقعدي على هالكرسي ..كان كرسي صغير جنب الطاولة.. قعدت ومسك السكاكين وصار يحكيلي ثبتي اديكي هون.. ماكنت قادرة استوعب شو اللي بصير.. وفجأة صار يمزّع بأظافري.. وبحكيلي هدول الأضافر بدي أشيلهم من مكانهم لأنك أحقر إنسانة شفتها بحياتي.. وصار يقلّع بأظافري وأنا بهاللحظة اغمى عليه .. صحيت بعد وقت وتلفوني برن وهوه قاعد على الكرسي بعيد عني.. واديه بنزل منهم دم والمكان كله متغرّق بدمّي .. قلتله شو ضل بدك مني .. خليني أروح .. قلي مش بعد مانخلص العذاب.. ضل عندك شغلة مهمة وحدة وهيه انه ارسم على ظهرك بالمشرط .. حكيتله اكيد انت مجنون ..